Home Blog Page 27

აშხაბადში ნაყოფიერი შეხვედრა მქონდა თურქმენეთის პრეზიდენტთან, მჯერა, რომ ჩვენს პარტნიორობას შეუძლია, უზრუნველყოს მეტი მშვიდობა და ეკონომიკური განვითარება როგორც რეგიონში, ასევე მის ფარგლებს გარეთ -ირაკლი კობახიძე

საქართველოს პრემიერ-მინისტრი ირაკლი კობახიძე თურქმენეთის პრეზიდენტ სერდარ ბერდიმუჰამედოვს შეხვდა.

პირისპირ შეხვედრისას საუბარი შეეხო საქართველოსა და თურქმენეთს შორის არსებულ მეგობრულ ურთიერთობებსა და სხვადასხვა სფეროში თანამშრომლობას. აღინიშნა ორმხრივი პოლიტიკური და ეკონომიკური კავშირების განვითარების დადებითი დინამიკა.

მხარეებმა ყურადღება დაუთმეს დაკავშირებადობისა და შუა დერეფნის განვითარების მნიშვნელობას. პრემიერ-მინისტრმა ისაუბრა იმ სატრანსპორტო-ლოჯისტიკურ პროექტებზე, რომლებიც საქართველოს სატრანზიტო ფუნქციის კიდევ უფრო გაძლიერებას ისახავს მიზნად. შეხვედრაზე ასევე განიხილეს ტრანსპორტისა და ენერგეტიკის სფეროში თანამშრომლობის შემდგომი განვითარების პერსპექტივა.

ირაკლი კობახიძემ აღნიშნა, რომ საქართველო მიესალმება თურქმენეთის აქტიურ ძალისხმევას, რომელიც მიმართულია ცენტრალურ აზიაში მშვიდობის უზრუნველყოფისკენ და საქართველოს ხელისუფლების სამშვიდობო პოლიტიკაზე ისაუბრა.

პრემიერ-მინისტრმა თურქმენეთის პრეზიდენტს საერთაშორისოდ აღიარებულ საზღვრებში საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა.

შეხვედრისას აღინიშნა, რომ ოფიციალური ვიზიტის ფარგლებში დარგობრივ უწყებებს შორის შეთანხმებების გაფორმება ხელს შეუწყობს თანამშრომლობის სფეროების შემდგომ გაფართოებას.

ირაკლი კობახიძემ სერდარ ბერდიმუჰამედოვი ოფიციალური ვიზიტით საქართველოში მოიწვია.

თურქმენეთის პრეზიდენტმა საქართველოს პრემიერ-მინისტრს თურქმენეთის მინისტრთა კაბინეტში უმასპინძლა.

ინფორმაციას საქართველოს მთავრობის ადმინისტრაცია ავრცელებს.

25-ე საიუბილეო წელს GM PHARMA მნიშვნელოვანი სიახლით იწყებს

25-ე საიუბილეო წელს GM PHARMA მნიშვნელოვანი სიახლით იწყებს – კომპანიამ წარმატებით გაიარა სსიპ სამედიცინო და ფარმაცევტული საქმიანობის რეგულირების სააგენტოს ინსპექცია და უკვე მეორედ მიენიჭა საქართველოს ნაციონალური კარგი საწარმოო პრაქტიკის (GMP) სტანდარტთან შესაბამისობის სერტიფიკატი.

2022 წლის 1 იანვრიდან, „წამლისა და ფარმაცევტული საქმიანობის შესახებ“ საქართველოს კანონში, ძალაში შევიდა ცვლილება, რომლის მიხედვითაც ფარმაცევტული პროდუქტის მწარმოებლებისა და საბითუმო რეალიზატორებისთვის GMP (კარგი საწარმოო პრაქტიკა) და GDP (კარგი სადისტრიბუციო პრაქტიკა) სერტიფიცირება სავალდებულო გახდა. რესერტიფიცირების პროცესი 3 წელიწადში ერთხელ ხდება, რაც კომპანია GM PHARMA-მ წარმატებით გაიარა.

აღსანიშნავია, რომ GM PHARMA-ს საწარმო თბილისში წამყვანი ფარმაცევტული წარმოებაა სამხრეთ კავკასიის რეგიონში და დღემდე რჩება ერთადერთ, მედიკამენტების მყარი სამკურნალო ფორმების წარმოების სრული ტექნოლოგიური ციკლის მქონე საწარმოდ საქართველოში. სრული ტექნოლოგიური ციკლის ქვეშ იგულისხმება პროცესი – ნედლეულის მოძიებიდან საბოლოო პროდუქტის გამოშვებამდე: დისპენსირება, შერევა, გრანულირება, ტაბლეტირება, კაფსულირება, შემოგარსვა, შეფუთვა და ხარისხის კონტროლი.

როგორც კომპანიაში განმარტავენ, 2022 წელს მიღებული GMP სერტიფიკატი არ იყო სიახლე, რადგან GM PHARMA-ს ჯერ კიდევ 2007 წელს მიენიჭა კარგი საწარმოო პრაქტიკის – GMP EU Vol. IV შესაბამისობის სერტიფიკატი (სერტიფიცირების ორგანო Heathside Information Services, დიდი ბრიტანეთი).

ამჟამად GM PHARMA ფლობს ფარმაცევტული წარმოებისთვის აუცილებელ ყველა ნაციონალურ თუ საერთაშორისო სერტიფიკატსა და ნებართვას, როგორიცაა საქართველოს ნაციონალური GMP სერტიფიკატი (2022 წლიდან, როდესაც ინსპექტირება სავალდებულო გახდა), PIC/S საერთაშორისო GMP სერტიფიკატი (2014 წლიდან), ხარისხის მართვის – ISO 9001:2015 და ISO 17025:2017/2018 და ა.შ.

დამატებით, GM PHARMA-მ 2023 წელს წარმატებით გაიარა ევროკავშირის კარგი საწარმოო პრაქტიკის სტანდარტების (EU GMP: EudraLex – Volume 4 – Good Manufacturing Practice (GMP) guidelines) შესაბამისობის აუდიტი, რომელიც მაღალი ავტორიტეტის მქონე გერმანული კომპანია Heacon Service GmbH-ის ფარმა-აუდიტის ჯგუფმა განახორციელა. Heacon ჯგუფის მონაცემთა ბაზაში შეტანილია ინფორმაცია GM PHARMA-ში ჩატარებული აუდიტის შესახებ, რომლის დასკვნაშიც ხაზგასმულია, რომ ფარმაცევტულ კომპანია GM PHARMA-ში მიმდინარე მყარი სამკურნალო ფორმების წარმოების პროცესი, საწარმოს, ლაბორატორიების, საწყობის, ტექნოლოგიურ-ინჟინრული აღჭურვილობისა და ზოგადად, ხარისხის მართვისა და მონიტორინგის სისტემები სრულ შესაბამისობაშია EU GMP სტანდარტებთან. აღნიშნული ადასტურებს GM PHARMA-ს საწარმოში ოპერაციების ხარისხისა და უსაფრთხოების უმაღლესი სტანდარტების არსებობას.

ასევე უნდა აღინიშნოს კომპანიაში მაღალი ავტორიტეტის მქონე უკრაინის მარეგულირებელი ორგანოს მიერ 2024 წელს ჩატარებული მორიგი GMP ინსპექცია, რის საფუძველზეც GM PHARMA-ს კიდევ ერთხელ მიენიჭა GMP შესაბამისობის საერთაშორისო სერტიფიკატი – PIC/S GMP. ფარმაცევტული ინსპექციების კონვენცია/კოოპერაციის სქემა – PIC/S, სხვადასხვა ქვეყნის კარგი საწარმოო პრაქტიკის მარეგულირებელი ორგანოების მსოფლიო გაერთიანებაა, რომლის მთავარ მიზანს GMP ინსპექტირების წესების ჰარმონიზება წარმოადგენს. PIC/S-ის GMP სერტიფიკატი მსოფლიო მარეგულირებელი ორგანოებისა თუ ჯანდაცვის პროვაიდერებისთვის მედიკამენტების მწარმოებელი კომპანიის სანდოობასთან და გლობალურ იმიჯთან, ფარმაცევტული პროდუქციის მაღალ ხარისხთან და უსაფრთხოების მყარ გარანტიებთან ასოცირდება. უკრაინის მარეგულირებელი ორგანო PIC/S გაერთიანებას 2011 წლიდან შეუერთდა. დღეის მდგომარეობით, პოსტსაბჭოთა სივრციდან მხოლოდ ბალტიის ქვეყნები და უკრაინაა წარმოდგენილი აღნიშნულ გაერთიანებაში, რაც უკრაინის მარეგულირებელი ორგანოს მაღალი რეპუტაციისა და ინსპექტორების მაღალი კვალიფიკაციის დადასტურებაა.

2024 წელს GM PHARMA-მ ასევე წარმატებით გაიარა უზბეკეთის GMP სერტიფიცირების პროცესი. აღსანიშნავია, რომ უკანასკნელი ორი წლის განმავლობაში მნიშვნელოვანი რეფორმები მიმდინარეობს უზბეკეთის ფარმაცევტულ ინდუსტრიაში, რის შედეგადაც, აღნიშნული ქვეყნის მარეგულირებელი უახლოეს პერიოდში გეგმავს PIC/S-ში გაწევრიანებაზე განაცხადის გაკეთებას. აღნიშნული ფაქტი უზბეკეთის GMP სერტიფიკატის ფლობას კიდევ უფრო ფასეულს ხდის.

GM PHARMA, ერთადერთი საერთაშორისო, მულტინაციონალური ფარმაცევტული კომპანია საქართველოდან, აქტიურად განაგრძობს ევროკავშირის კარგი საწარმოო პრაქტიკის (EU GMP) სერტიფიკაციისთვის მზადებას, რაც მნიშვნელოვანი ეტაპია კომპანიის ზრდა-განვითარებისთვის და საქართველოს ფარმაცევტული ინდუსტრიის ევოლუციისთვის.

ყველა ზემოთ აღნიშნული წარმატება და საერთაშორისო სტანდარტებთან ხარისხობრივი შესაბამისობა GM PHARMA-ს ევროკავშირის ბაზარზე შესვლის მზაობას ადასტურებს.

GM PHARMA-ს მისიას თანამედროვე და ინოვაციური მეთოდებით, ხარისხისა და უსაფრთხოების ყველა საერთაშორისო ნორმისა თუ სტანდარტის დაცვით, მედიცინისათვის აქტუალური მედიკამენტების შექმნა-განვითარება და წარმოება წარმოადგენს. კომპანიის მთავარი ფასეულობა კი საკუთარი მედიკამენტებით რაც შეიძლება მეტი პაციენტის ცხოვრების ხარისხის გაუმჯობესება და სიცოცხლის გახანგრძლივებაა. ამჟამად, GM PHARMA-ს მედიკამენტებით ყოველწლიურად 12 მილიონზე მეტი პაციენტი მკურნალობს საქართველოსა და კომპანიის საერთაშორისო, საექსპორტო ბაზრებზე, რაც მომხმარებლებისა და ჯანდაცვის სპეციალისტების მხრიდან კომპანიის აღიარებაზე მეტყველებს.

GM PHARMA – ემსახურება მათ, ვისაც ყველაზე მეტად სჭირდება!

(R)

ირაკლი კობახიძე თურქმენეთის პრეზიდენტ სერდარ ბერდიმუჰამედოვს შეხვდა

საქართველოს პრემიერ-მინისტრი ირაკლი კობახიძე თურქმენეთის პრეზიდენტ სერდარ ბერდიმუჰამედოვს შეხვდა.

პირისპირ შეხვედრისას საუბარი შეეხო საქართველოსა და თურქმენეთს შორის არსებულ მეგობრულ ურთიერთობებსა და სხვადასხვა სფეროში თანამშრომლობას. აღინიშნა ორმხრივი პოლიტიკური და ეკონომიკური კავშირების განვითარების დადებითი დინამიკა.

მხარეებმა ყურადღება დაუთმეს დაკავშირებადობისა და შუა დერეფნის განვითარების მნიშვნელობას. პრემიერ-მინისტრმა ისაუბრა იმ სატრანსპორტო-ლოჯისტიკურ პროექტებზე, რომლებიც საქართველოს სატრანზიტო ფუნქციის კიდევ უფრო გაძლიერებას ისახავს მიზნად. შეხვედრაზე ასევე განიხილეს ტრანსპორტისა და ენერგეტიკის სფეროში თანამშრომლობის შემდგომი განვითარების პერსპექტივა.

ირაკლი კობახიძემ აღნიშნა, რომ საქართველო მიესალმება თურქმენეთის აქტიურ ძალისხმევას, რომელიც მიმართულია ცენტრალურ აზიაში მშვიდობის უზრუნველყოფისკენ და საქართველოს ხელისუფლების სამშვიდობო პოლიტიკაზე ისაუბრა.

პრემიერ-მინისტრმა თურქმენეთის პრეზიდენტს საერთაშორისოდ აღიარებულ საზღვრებში საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა.

შეხვედრისას აღინიშნა, რომ ოფიციალური ვიზიტის ფარგლებში დარგობრივ უწყებებს შორის შეთანხმებების გაფორმება ხელს შეუწყობს თანამშრომლობის სფეროების შემდგომ გაფართოებას.

ირაკლი კობახიძემ სერდარ ბერდიმუჰამედოვი ოფიციალური ვიზიტით საქართველოში მოიწვია.

თურქმენეთის პრეზიდენტმა საქართველოს პრემიერ-მინისტრს თურქმენეთის მინისტრთა კაბინეტში უმასპინძლა.

ინფორმაციას საქართველოს მთავრობის ადმინისტრაცია ავრცელებს.

7 მარტი საქართველოს ეროვნული გმირის ჟიული შარტავას დაბადების დღეა

დღეს ჟიული შარტავას დაბადების დღეა – საქართველოს ეროვნულ გმირს 81 წელი შეუსრულდებოდა.
ჟიული შარტავა – საქართველოს ეროვნული გმირი, „ვახტანგ გორგასლისა“ და „წმიდა გიორგის“ I ხარისხის ორდენების კავალერი. გენერალ-მაიორი, პოლიტიკური და სახელმწიფო მოღვაწე, აფხაზეთის ავტონომიური რესპუბლიკის მინისტრთა საბჭოს თავმჯდომარე,  1993 წლის 27 სექტემბერს სოხუმის დაცემის დღეს დახვრიტეს სეპარატისტებმა.
„ბოლომდე ვიბრძოლებთ, ვიდრე შეგვიძლია და თუ სიკვდილი გვიწერია, არც ეს უნდა იყოს დიდი ტრაგედია. ისეთი ბიჭები იხოცებიან, ძნელია ამის შემყურემ სიცოცხლეზე იფიქრო. რას იზამ, ბედისწერას ვერ გაექცევი!“ – უთქვამს ჟიული შარტავას იმ უმძიმეს დღეებში. მან ბოლომდე არ მიატოვა დასაცემად განწირული სოხუმი და მეგობრებთან და დაცვის წევრებთან ერთად გმირულად დაიღუპა.

ჟიული შარტავა 1944 წლის 7 მარტს, სენაკში დაიბადა. სწავლობდა სენაკის მეორე საშუალო სკოლაში. 1966 წელს დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი. 1973 წელს სწავლობდა ასპირანტურაში ტექნიკური კიბერნეტიკის სპეციალობით. ეკავა კომკავშირული და პარტიული თანამდებობები თბილისსა და რუსთავში. საქართველოს სსრ უმაღლესი საბჭოს წევრი. 1989 წელს დაამთავრა სსრ კავშირის საგარეო საქმეთა სამინისტროს დიპლომატიური აკადემია. ტექნიკურ მეცნიერებათა კანდიდატი.

1992 წელს ჟიული შარტავა საქართველოს რესპუბლიკის პარლამენტის წევრად აირჩიეს, რუსთავის მაჟორიტარული ოლქიდან. აფხაზეთის ომის დროს, 1993 წლის ივნისში, შარტავა აფხაზეთის ავტონომიური რესპუბლიკის მინისტრთა საბჭოს და აფხაზეთის თავდაცვის საბჭოს თავმჯდომარედ დაინიშნა. 1993 წლის 27 სექტემბერს, სოხუმის დაცემის დღეს, გენერალ-მაიორი შარტავა უშუალოდ ხელმძღვანელობდა მთავრობის სახლის დაცვას, რა დროსაც სეპარატისტისტებმა თანამებრძოლებთან ერთად ტყვედ აიყვანეს და დახვრიტეს.

აფხაზეთის ომიდან რამდენიმე წლის შემდეგ, ჟიული შარტავას გმირობის შესახებ საქართველოს კათოლიკოს-პატრიარქი ილია II იგონებდა: „მისი გარდაცვალებიდან რამდენიმე თვის შემდეგ, ჩემს სახელზე საპატრიარქოში უცნობი ავტორის წერილი მოვიდა. ავტორმა არ იცოდა, რომ პიროვნება, ვის შესახებაც წერდა, აფხაზეთის მინისტრთა საბჭოს თავმჯდომარე იყო. რუსულად დაწერილ წერილში ეწერა: „ჩვენ არ ვიცოდით, ვის ვესროდით, მაგრამ ერთი კია, გამაოცა ამ კაცის შეუდრეკელობამ, უშიშარობამ, სიმამაცემ, სამშობლოს ამგვარმა სიყვარულმა. მისი სახელი ასანთის კოლოფზე დავწერე, რათა იცოდეთ, როგორი გმირები ჰყავს საქართველოს. და, თუ საქართველოს თუნდაც ერთი ადამიანი ჰყავს ასეთი, იმ ქვეყანას გადაშენება არ უწერია”. ეს ბარათი მომწერა კაცმა, რომელიც მტრის ბანაკში იბრძოდა და ალბათ, თვითონაც მონაწილეობდა შარტავასა და მისი მეგობრების წამებაში“.

„წაუსვლელობა არ შეიძლება. სჯობს ამ ომს შევეწიროთ და მომავალი თაობა გადავარჩინოთ. ჩვენი თაობა ისედაც ვალშია მათ წინაშე“… „ბოლომდე ვიბრძოლებთ, ვიდრე შეგვიძლია და თუ სიკვდილი გვიწერია, არც ეს უნდა იყოს დიდი ტრაგედია. ისეთი ბიჭები იხოცებიან, რომ ძნელია ამის შემყურემ სიცოცხლეზე იფიქრო. რას იზამ, ბედისწერას ვერ გაექცევი.“ – ეს იმ სიტყვების ჩამონათვალია, რომელიც ჟიული შარტავას სიკვდილამდე დღეებით ადრე უთქვამს.

2004 წელს ჟიული შარტავას პირველს მიენიჭა საქართველოს ეროვნული გმირის წოდება. იგი ასევე დაჯილდოებულია, სიკვდილის შემდეგ, ვახტანგ გორგასლის I ხარისხის ორდენით. დაკრძალულია თბილისში, ვაკის პანთეონში.

თიბისის მხარდაჭერით, მომხმარებლის გამოცდილების მართვის წლის მთავარი ღონისძიება, CX Business Summit Georgiaგაიმართა

მომხმარებლის გამოცდილების მართვის კვლევითი და საკონსულტაციო სააგენტო CX Hub-ის ორგანიზებით და თიბისის მხარდაჭერით, 24 თებერვალს საქართველოში უკვე მეორედ ჩატარდა Customer Experience (CX) Business Summitი – წლის მთავარი ღონისძიება CX-ის მიმართულებით.

სამიტის მონაწილეებს ქართული ბიზნესის წარმომადგენლებმა და საერთაშორისო CX ექსპერტებმა ბრიტანეთიდან, ბელგიიდან და კანადიდან, მომხმარებლის და თანამშრომლის გამოცდილების მართვის მიდგომები და პრაქტიკები გაუზიარეს.

სამიტი გაიხსნა CX Hub-ს თანადამფუძნებლებისა და TBC-ის ბრენდის გამოცდილებისა და მარკეტინგის ხელმძღვანელის მაკუნა თავბერიძის მისასალმებელი სიტყვით ბიზნესის ჯანსაღი განვითარებისთვის მომხმარებლის გამოცდილების სტრატეგიული მნიშვნელობის შესახებ. მომხმარებლის გამოცდილების მართვის ექსპერტებს შორის იყვნენ დარგის წამყვანი საერთაშორისო სპეციალისტები ამერიკული და ევროპული ბაზრის გამოცდილებით: იან გოლდინგი – Customer Experience Consultancy | CXPA (UK), შონ ბელდინგი – CX Global Guru | The Belding Group (Canada), ოლგა პოტაპცევა – European Customer Consultancy | CX Panda (UK), ჯულიან ჰავესი – Qmatic (UK), ნიკ ვან ლანგენდონქი – Unbossers Network (Belgium).

სამიტზე CX Hub-მა, საქართველოში პირველად, წარადგინა მომხმარებლის გამოცდილების მართვის ჯილდო – CX Award Georgia, რომლის ნომინანტებიც გახდნენ კომპანიები: Fina2, Orson, Radars, Waitercall, Carrefour, Hellio.ai.

CX Business Summit-ის ფარგლებში ასევე გაიმართა CX-ის გლობალური ექსპერტის და Customer Experience Professional Association-ის თანადამფუძნებელი წევრის – იან გოლდინგის ვორქშოფი.

წელს უკვე მეორედ CX Business Summit Georgia-ს სტატისტიკა ციფრებით კიდევ ერთხელ ახდენს ვალიდაციას, რომ CX Hub მომხმარებელზე ფოკუსის გადააზრებით და მხარდაჭერით განვითარების ახალ პერსპექტივებს ქმნის ქართული ბიზნესისთვის: 350 სტუმარი, 80-მდე ქართული ბიზნესი და 10-მდე ინდუსტრია – წარმოდგენილი CX Business Summit-ზე ფინანსური, სადაზღვევო, ტელეკომუნიკაციების, IT, საგანმანათლებლო, ტურიზმის, სამედიცინო, ელ.კომერცია, საცალო ვაჭრობის, სამშენებლო და სხვა სექტორებიდან.

თიბისი მუდმივად ისწრაფვის ინოვაციების, მომხმარებელთა გამოცდილების გაუმჯობესებისა და ბიზნესის განვითარების ხელშეწყობისკენ. სწორედ ამიტომ თიბისი უკვე მეორე წელია CX ბიზნეს სამიტის მხარდამჭერია, რომელსაც მომხმარებლის გამოცდილების მართვის სააგენტო CX Hub აორგანიზებს. მსგავსი ღონისძიებები მნიშვნელოვან როლს ასრულებენ ბიზნეს გარემოს განვითარებაში, ინოვაციური იდეების გაცვლასა და მომხმარებელზე ორიენტირებული სტრატეგიების დანერგვაში.

„თიბისიში გვჯერა, რომ მომხმარებლისთვის გამორჩეული გამოცდილების შექმნა ბიზნესის მდგრადი ზრდის საფუძველია. უკვე ორი წლის განმავლობაში CX ბიზნეს სამიტის მხარდაჭერა ასახავს ჩვენს ერთგულებას ინოვაციების, მომხმარებელზე ორიენტირებული სტრატეგიებისა და ისეთი ბიზნეს გარემოს შექმნისადმი, სადაც კომპანიებს შეუძლიათ უკეთ გაუგონ და მოემსახურონ თავიანთ მომხმარებლებს. მსგავსი ღონისძიებები მნიშვნელოვანია ცვლილებების განხორციელებისა და ინდუსტრიებს შორის მომხმარებელთა გამოცდილების მართვის პრაქტიკების გაზიარებისთვის” – მაკუნა თავბერიძე, თიბისის მარკეტინგისა და ბრენდის გამოცდილების ხელმძღვანელი.

კომპანია CX Hub არის მომხმარებელთა გამოცდილების მართვის წამყვანი სააგენტო

საქართველოში, რომელიც ეხმარება ბიზნესებს CX და EX (მომხმარებლის და

თანამშრომლის გამოცდილების) მართვის კვლევებში, სტრატეგიების შემუშავებასა და CX Management სისტემების დანერგვაში.

ღონისძიების ორგანიზატორია: CX Hub – მომხმარებლის გამოცდილების მართვის სააგენტო

გენერალური პარტნიორი: თიბისი

პარტნიორები: NGT Group, CommuniQ, University of Georgia, The European Fund for Southeast Europe (EFSE), Interaction Design Foundation (IxDF), The CX Academy, Blue Ocean, ProdAct Community, BM.GE, ქალების ნარატივი, Entrepreneur, Imedi L, Balance

(R)

ევროპა სამხედრო საფრთხეებისთვის მზად არ არის -ანდჟეი დუდა

პოლონეთის პრეზიდენტმა ანდჟეი დუდამ განაცხადა, რომ ევროპის კონტინენტი საერთო არ არის მზად სამხედრო საფრთხეებისთვის.

როგორც დუდამ ნატოს გენერალურ მდივანთან, მარკ რუტესთან გამართული შეხვედრის შემდგომ პრესკონფერენციაზე თქვა, მან მიმართა ჩრდილოატლანტიკური ალიანსის გენმდივანს იმის თაობაზე, რომ ნატოს ჰააგის სამიტზე, რომელიც ივნისში გაიმართება, სამხედრო ხარჯების მშპ-ის 3%-მდე გაზრდის საკითხი დღის წესრიგში ჩასვას.

„მე გენერალურ მდივანს განცხადებით მივმართე, ეს საკითხი ჰააგის სამიტის დღის წესრიგში ჩასვას. ჩრდილოატლანტიკურმა ალიანსმა უნდა განიხილოს ხარჯების 3%-მდე ზრდის საკითხი. ამის გაკეთება დაუყოვნებლივ არის საჭირო, არა 2030 წლისთვის, არამდე ახლა. მიზეზი მარტივია. ჩვენ არ გვაქვს ლოდინის ფუფუნება. გადაწყვეტილება უნდა მივიღოთ, მისი რეალიზება მოვახდინოთ დაუყოვნებლივ. ჩვენ უნდა აღვადგინოთ სამხედრო პოტენციალი. აღმოჩნდა, რომ ევროპა საერთოდ არ არის მზად სამხედრო საფრთხეებისთვის. ამის შესახებ ჩვენ სხვადსხვა დონეზე ვსაუბრობთ“, – აღნიშნა დუდამ.

როგორი ამინდია მოსალოდნელი დღეს საქართველოში

ქუთაისში დღისით +15 და ღამით -1 გრადუსია მოსალოდნელი, სინოპტიკოსები მზიან ამინდს ვარაუდობენ.

მზიან ამინდს ელოდებიან ოზურგეთშიც, დღისით +15 გრადუსი დაფიქსირდება, ღამით კი +1. ბათუმშიც მზიანი ამინდი იქნება, დღისით ჰაერი +13 გრადუსამდე გათბება, ხოლო ღამით +2 გრადუსი დაფიქსირდება.

მზიანი ამინდია ფოთშიც. დღისით +14 გრადუსი დაფიქსირდება, ღამით კი +3 გრადუსია მოსალოდნელი. მზეა ზუგდიდშიც, დღისით ტემპერატურა +16, ღამით კი 1 გრადუსია ნავარაუდევი.

მზიანი დღეა სოხუმშიც. +14 გრადუსია მოსალოდნელი დღისით, ღამით +3 გრადუსი დაფიქსირდება.

მესტიაში მზიანია ამინდია, დღისით +12 გრადუსი იქნება, ღამით კი -6 გრადუსი დაფიქსირდება. ამბროლაურში ჰაერი +15 გრადუსამდე გათბება, ღამით კი -4 გრადუსი დაფიქსირდება.

მზიანი ამინდია ჭიათურაშიც, დღისით +12 გრადუსი, ღამით კი -2 გრადუსი დაფიქსირდება. ახალციხეში დღისით ჰაერი +13 გრადუსამდე გათბება, ღამით კი ტემპერატურა -6 გრადუსი იქნება.

მზიანი დღეა ბორჯომში, +12 იქნება დღისით, ღამით კი -4 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +10 გრადუსია მოსალოდნელი, ღამით -8 გრადუსი დაფიქსირდება.

გორში დღისით +14 გრადუსი, ღამის განმავლობაში კი -2 გრადუსი დაფიქსირდება. მზიანი დღე იქნება ცხინვალშიც, ჰაერის ტემპერატურა 13 გრადუსი იქნება, ღამით კი -3 გრადუსი დაფიქსირდება.

გუდაურში დღის განმავლობაში +7 გრადუსი დაფიქსირდება, ღამით კი ჰაერის ტემპერატურა -4 გრადუსი იქნება. ომალოში მზიანი ამინდი იქნება, დღისით +6, ღამით კი -4 გრადუსი დაფიქსირდება.

ლაგოდეხშიც მზიანი ამინდია. ჰაერის ტემპერატურა დღის განმავლობაში +15 გრადუსი იქნება, ღამით კი +4 გრადუსი დაფიქსირდება. მზიანი დღე იქნება თელავშიც, +16 გრადუსი დაფიქსირდება, ღამით კი +4 გრადუსია ნავარაუდევი.

გურჯაანში მზეა. დღისით +16 გრადუსი, ღამით კი +4 გრადუსი დაფიქსირდება. სიღნაღში დღისით +15 გრადუსია მოსალოდნელი, ღამით +5 გრადუსი დაფიქსირდება.

რუსთავშიც მზიანი დღეა, დღისით +17 გრადუსია მოსალოდნელი, ღამით კი +4 გრადუსი დაფიქსირდება.
თბილისშიც მზიან ამინდის ვარაუდობენ. ჰაერის ტემპერატურა დღისით +17 გრადუსს მიაღწევს, ღამით კი +4 გრადუსი იქნება.

7 მარტის ასტროლოგიური პროგნოზი

ვერძი

დღეს ენერგიით სავსე ხართ, თუმცა მნიშვნელოვანია, რომ ის სწორად მიმართოთ. თქვენ წინაშე საინტერესო შესაძლებლობები გაჩნდება, მაგრამ ნუ გადაიღლებით, ეცადეთ მხოლოდ ის აკეთოთ, რაც სარგებელს მოგიტანთ. გამორიცხული არ არის, რომ საღამოს დიდი ხნის წინ დაკარგული ნივთი ან მნიშვნელოვანი საბუთი იპოვოთ.

რჩევა: ეცადეთ, გააზრებულად იმოქმედოთ და საეჭვო ფინანსურ ოპერაციებში არ ჩაერთოთ.

კურო

მშვიდი და სტაბილური დღეა. შესანიშნავი დროა მნიშვნელოვანი გადაწყვეტილებების მიღებისა და გრძელვადიანი გეგმების შედგენისთვის. ფინანსურ საკითხებში სიფრთხილე გამოიჩინეთ — შესაძლოა, იმაზე მეტი დახარჯოთ, ვიდრე გეგმავდით და ხელფასამდე უფულოდ დარჩეთ. თუ ძველ ნივთებს ან საბუთებს გადახედავთ შეიძლება საჭირო რამ აღმოაჩინოთ. დღის მეორე ნახევარში შეიძლება გაიცნოთ ადამიანი, რომელიც თქვენს კარიერასა და ზოგადად ცხოვრებაზე დიდ გავლენას მოახდენს.

რჩევა: იმოქმედეთ თქვენთვის კომფორტული ტემპით – აჩქარება ახლა, პრობლემების გარდა, არაფერს მოგიტანთ.

ტყუპები

სიახლეებითა და ურთიერთობებით სავსე, საინტერესო დღეა. ინტუიცია სწორი არჩევანის გაკეთებაში დაგეხმარებათ, მაგრამ ეცადეთ, რომ უმნიშვნელო საქმეებზე დიდი დრო არ დახარჯოთ. შესაძლოა, საინტერესო ადამიანები გაიცნოთ, რომლებიც მომავალში გამოგადგებიან. ვარსკვლავები გირჩევენ, გადაწყვეტილების მიღებამდე საკუთარ ინტუიციასაც მოუსმინოთ და გამოცდილ ადამიანებსაც ჰკითხოთ რჩევა.

რჩევა: მნიშვნელოვანია, პრიორიტეტების სწორად განსაზღვრა შეძლოთ, რათა წვრილმანებზე დრო არ დაკარგოთ.

კირჩხიბი

ამ დღემ შესაძლოა თქვენს ნებისყოფას გამოცდა მოუწყოს. დროა, იმ საკითხების მოგვარებაზე იფიქროთ, რომლებსაც დიდი ხანია, სამომავლოდ ინახავთ. მთავარია, პროვოკაციებს არ აჰყვეთ და ჭორიკანა ადამიანებს მოერიდოთ. ფინანსური მოგების შანსი დაბალია — ამ დღეს იღბალი თქვენ მხარეს არაა.

რჩევა: სიმშვიდე შეინარჩუნეთ, თუ გსურთ, რომ უსიამოვნება აირიდოთ თავიდან.

ლომი

ამ დღეს გარშემო მყოფთა ყურადღებას მიიქცევთ. შესანიშნავი დროა საკუთარი თავის წარმოსაჩენად, თუმცა ეცადეთ, ყველაფერში ზომიერება დაიცვათ. შესაძლებელია ახალი წინადადება, რომელიც სავარაუდოდ, დამატებით შემოსავალს მოგიტანთ. თქვენ გარშემო განვითარებული მოვლენები აკონტროლეთ, რადგან საბოლოო შედეგი სწორედ თქვენს ყურადღებაზეა დამოკიდებული.

რჩევა: ეცადეთ, ადამიანებთან ურთიერთობაში თქვენი ბუნებრივი მიმზიდველობა გამოიყენოთ და ოპონენტს საკუთარი აზრი თავზე არ მოახვიოთ.

ქალწული

ეს დღე ყურადღებასა და სიზუსტეს მოითხოვს. შესაძლებელია მცირე შეფერხებები, მაგრამ თუ მოთმინებას გამოიჩენთ, ყველაფერი თქვენთვის სასურველი შედეგით დასრულდება. შეგიძლიათ ახლობელ ადამიანს გამოცდილება გაუზიაროთ, მაგრამ ნუ აიძულებთ ისე მოიქცეს, როგორც თქვენ გსურთ. მოსალოდნელია შეხვედრა საინტერესო ადამიანთან, რომელიც მოგვიანებით რთულ საქმეებში დაგეხმარებათ.

რჩევა: გირჩევთ, ნაკლები ილაპარაკოთ და მეტი მოუსმინოთ. ამ დღეს მიღებული ინფორმაცია უახლოეს ხანებში ძალიან გამოგადგებათ.

სასწორი

ხელსაყრელი დღეა საქმიანი შეხვედრებისა და ახალი კავშირების დამყარებისთვის. დიპლომატიური უნარი კომპრომისის პოვნაში დაგეხმარებათ, თუმცა ფულთან დაკავშირებულ საკითხებში სიფრთხილე უნდა გამოიჩინოთ. საქმეში გამოიყენეთ თქვენი ხიბლი, მაგრამ ნუ ცდილობთ, რომ ყველას გაასწროთ.

რჩევა: მნიშვნელოვანი გადაწყვეტილების მიღებამდე ინფორმაცია საგულდაგულოდ გადაამოწმეთ.

მორიელი

ეს დღე მოულოდნელობებით არის სავსე, თანაც ყველა მათგანი სასიამოვნო არ იქნება. თუ მშვიდად იმოქმედებთ, ინტუიცია პრობლემების თავიდან აცილებაში დაგეხმარებათ. პროვოკაციებს არ აჰყვეთ. ამ დღეს მოგების შანსი დაბალია — განსაკუთრებით, თუ ნეგატიურ ემოციებს აჰყვებით. ახლობელ ადამიანთან ურთიერთობაში მოსალოდნელია სირთულეები და გაუგებრობები, რასაც ორივე მხარის სიჯიუტე კიდევ უფრო აღრმავებს.

რჩევა: აკონტროლეთ თქვენი ქცევა და უსარგებლო კამათს მოერიდეთ.

მშვილდოსანი

აქტიური და მოვლენებით დატვირთული დღეა. მოსალოდნელია ახალი ნაცნობობა, საინტერესო იდეები და შესაძლებლობები. ვარსკვლავები გირჩევენ, გადაწყვეტილების მიღებამდე კონსულტაცია გამოცდილ ადამიანებთან გაიაროთ. ეცადეთ, ბრაზი საყვარელ ადამიანებზე არ იყაროთ. აკონტროლეთ საკუთარი ემოციები და წვრილმანებზე ნუ აფეთქდებით. გირჩევთ, სტრესი ვარჯიშით ან ფიზიკური მუშაობით მოიხსნათ.

რჩევა: ნუ დაიჯერებთ იმას, რაც საკუთარი თვალით არ გინახავთ და ყურით არ გაგიგიათ.

თხის რქა

ხელსაყრელი დღეა რთული ამოცანების გადაჭრისა და მიზნების მიღწევისთვის. თქვენი შრომისმოყვარეობა და სიმტკიცე წარმატების მიღწევაში დაგეხმარებათ, თუმცა დასვენებაც არ დაგავიწყდეთ. ეცადეთ, გარემოებებს მოერგოთ და ახალი, მოგებიანი შესაძლებლობები იპოვოთ. ვიღაცას თქვენი მოტყუება სურს, ამიტომ გადაწყვეტილების მიღებამდე ყველა ინფორმაცია უნდა გადაამოწმოთ.

რჩევა: ნუ აჩქარდებით – სწორი დაგეგმვა პრობლემებს აგარიდებთ.

მერწყული

ორიგინალური იდეები და არასტანდარტული მიდგომა ყველა სირთულის გადალახვაში დაგეხმარებათ. გირჩევთ, გარშემომყოფთა სურვილებს და განწყობას მეტი ყურადღება მიაქციოთ და შეძლებისდაგვარად, მოერგოთ. ამ გზით მათი კეთილგანწყობის მოპოვებას და სასურველი შედეგის მიღებას შეძლებთ. იღბალი არასტაბილურია, მაგრამ მცირე მოგების ალბათობა მაინც არსებობს.

რჩევა: ენდეთ საკუთარ კრეატიულობასა და ინტუიციას და ისინი წარმატებამდე მიგიყვანთ.

თევზები

ამ დღემ შესაძლოა, გაუთვალისწინებელი მოვლენები მოგიტანოთ, რაც თქვენგან სწრაფ რეაქციას მოითხოვს. არსებობს ალბათობა, რომ იღბალი სასიამოვნო სიურპრიზით გაგახარებთ, თუმცა — არა ფინანსურ საქმეებში. უარი თქვით სარისკო ავანტიურებში ჩართვაზე და სამოქმედო გეგმა შეადგინეთ, რომელიც შეცდომებისგან დაგიცავთ.

რჩევა: ნუ იმოქმედებთ საკუთარი ემოციების გავლენით — ასე უსიამოვნებების თავიდან აცილებას შეძლებთ.

თეთრი სახლის პრესსპიკერი ყალბ ამბავს უწოდებს უკრაინელი ლტოლვილებისთვის დროებითი სტატუსის გაუქმების გეგმის შესახებ ინფორმაციას და აცხადებს, რომ ამ დროისთვის გადაწყვეტილება არ არის მიღებული

JPG resized with https://ezgif.com/resize

თეთრი სახლის პრესსპიკერი კეროლაინ ლევიტი ყალბ ამბავს უწოდებს „როიტერის“ მიერ გავრცელებულ ინფორმაციას უკრაინელი ლტოლვილებისთვის დროებითი სამართლებრივი სტატუსის გაუქმების გეგმის შესახებ. ამის შესახებ მან სოციალურ ქსელ X-ში დაწერა.

როგორც თეთრი სახლის წარმომადგეენლი წერს, სინამდვილეში ამ დროისთვის არანაირი გადაწყვეტილება მიღებული არ არის.

„ეს არის მორიგი ყალბი ამბავი „როიტერისგან“, რომელიც ეფუძნება ანონიმურ წყაროებს, რომლებსაც წარმოდგენა არ აქვთ, რაზე საუბრობენ. სიმართლე ისაა, რომ არანაირი გადაწყვეტილება არ არის მიღებული ამ დროისთვის“, – წერს კეროლაინ ლევიტი.

მანამდე სააგენტო „როიტერმა“ საკუთარ წყაროებზე დაყრდნობით დაწერა, რომ დონალდ ტრამპის ადმინისტრაცია ომს გამოქცეული 240 ათასამდე უკრაინელისთვის დროებითი სამართლებრივი სტატუსის ჩამორთმევას გეგმავს, რამაც შესაძლოა, მათი დაჩქარებული დეპორტაცია გამოიწვიოს. მედიასაშუალების ცნობით, უკრაინელების სამართლებრივი დაცვის გაუქმების ზომა იქნება იმ 1,8 მილიონი მიგრანტისთვის სამართლებრივი სტატუსის ჩამორთმევის გეგმის ნაწილი, რომლებსაც აშშ-ში შესვლის საშუალება ჯო ბაიდენის ადმინისტრაციის დროს ჰუმანიტარული პროგრამების ფარგლებში მისცეს. ამ ზომის მიღებას დონალდ ტრამპის ადმინისტრაცია ჯერ კიდევ მანამდე გეგმავდა, ვიდრე თეთრ სახლში აშშ-ისა და უკრაინის პრეზიდენტების საჯარო სიტყვიერი დაპირისპირება მოხდებოდა.

თურქმენეთში ირაკლი კობახიძის ვიზიტი დაიწყო

საქართველოს პრემიერ-მინისტრის, ირაკლი კობახიძის ოფიციალური ვიზიტი თურქმენეთში დაიწყო.

საქართველოს მთავრობის ინფორმაციით, აშხაბადის საერთაშორისო აეროპორტში საქართველოს პრემიერ-მინისტრის დახვედრის ცერემონია გაიმართა. მთავრობის მეთაურს თურქმენეთის მინისტრთა კაბინეტის თავმჯდომარის მოადგილე ნოკერგული ატაგულიევი დახვდა.

საქართველოს მთავრობის ცნობით, ოფიციალური ვიზიტის ფარგლებში ირაკლი კობახიძეს თურქმენეთის პრეზიდენტი სერდარ ბერდიმუჰამედოვი 7 მარტს პირისპირ შეხვედრაზე უმასპინძლებს. მათივე ინფორმაციით, საქართველოს პირველი ვიცე-პრემიერისა და თურქმენეთის მინისტრთა კაბინეტის თავმჯდომარის მოადგილის ხელმძღვანელობით, საქართველოსა და თურქმენეთის მთავრობის წევრების გაფართოებული ფორმატის მოლაპარაკებები გაიმართება, რომლის შემდეგ დარგობრივ უწყებებს შორის სხვადასხვა სფეროში თანამშრომლობის შესახებ შეთანხმებები გაფორმდება.

„პრემიერ-მინისტრი ირაკლი კობახიძე თურქმენეთს დელეგაციასთან ერთად ეწვია, რომლის შემადგენლობაში პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი მაკა ბოჭორიშვილი, რეგიონული განვითარებისა და ინფრასტრუქტურის მინისტრი ირაკლი ქარსელაძე, გარემოს დაცვისა და სოფლის მეურნეობის მინისტრი დავით სონღულაშვილი, სპორტის მინისტრი შალვა გოგოლაძე და მთავრობის ადმინისტრაციის უფროსი ლევან ჟორჟოლიანი არიან“, – აღნიშნულია საქართველოს მთავრობის ინფორმაციაში.

ვეტერანების საქმეთა სახელმწიფო სამსახურსა და შპს.”შავი ზღვის ტერმინალს” შორის ურთიერთთანამშრომლობის მემორანდუმი გაფორმდა 

ვეტერანების საქმეთა სახელმწიფო სამსახურსა და შპს.”შავი ზღვის ტერმინალს” შორის ურთიერთთანამშრომლობის მემორანდუმი გაფორმდა .
 მიმდინარე წლის 6 მარტს, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, სამსახურის რეგიონული მართვის დეპარტამენტის ფოთის წარმომადგენლობაში, შპს. ”შავი ზღვის ტერმინალის” დირექტორთან, ილგარ ალი-ზადასთან, ბათუმში აზერბაიჯანის რესპუბლიკის გენერალურ კონსულთან ფუად აზიზოვთან და კომპანია” სოკარის” წარმომადგენლებთან შეხვედრა გამართა .
შპს.”შავი ზღვის ტერმინალის” ხელმძღვანელმა, სამსახურის წარმომადგენლობის ფოთის ოფისს, საჭირო ინვენტარი გადასცა.
მოგვიანებით, მხარეებს, ფოთის მუნიციპალიტეტის მერმა, ბექა ვაჭარაძემ უმასპინძლა მერიის ადმინისტრაციულ შენობაში, სადაც ვეტერანების საქმეთა სახელმწიფო სამსახურსა და შპს. ”შავი ზღვის ტერმინალს” შორის ურთიერთთანამშრომლობის მემორანდუმი გაფორმდა.
 მემორანდუმს, ხელი, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ და შპს. ”შავი ზღვის ტერმინალის” დირექტორმა, ილგარ ალი-ზადამ მოაწერეს.
 კობა კობალაძემ, ბექა ვაჭარაძეს მასპინძლობისთვის,ხოლო ფუად აზიზოვს,ილგარ ალი-ზადას და აზერბაიჯანელ სტუმრებს თანადგომისთვის მადლობა გადაუხადა და აღნიშნა,რომ დღევანდელი დღე, აზერბაიჯანსა და საქართველოს შორის სამაგალითო მეგობრობისა და პარტნიორობის კიდევ ერთი მაგალითია.
 ფუად აზიზოვმა და ილგარ ალი-ზადამ კი თავიანთ გამოსვლაში აღნიშნეს,რომ მათთვის განსაკუთრებული პატივია,იმ დამსახურებული ადამიანების მხარდაჭერა,რომელთაც საკუთარი სამშობლოს ტერიტორიული მთლიანობისათვის თავდადებით იბრძოლეს და დღესაც გულითადად ემსახურებიან თავიანთ ქვეყანას. სტუმრებმა დასძინეს,რომ შპს.”შავი ზღვის ტერმინალი”კვლავ განაგრძობს ვეტერანების საქმეთა სახელმწიფო სამსახურისა და საქართველოს ვეტერანების მხარდაჭერას და მომავალში, მხარეთა შორის თანამშრომლობა კიდევ უფრო გაღრმავდება.
შეხვედრას, ასევე, ესწრებოდნენ ვეტერანების საქმეთა სახელმწიფო სამსახურის რეგიონული მართვის დეპარტამენტის უფროსი, ლევან ამირიძე, ადმინისტრაციული დეპარტამენტის უფროსი, ნათია ჯანაშვილი, სამსახურის სამეგრელო-ზემო სვანეთის რეგიონული სამმართველოს წარმომადგენლები.

მსოფლიო წესრიგის მოშლას ცდილობენ არა მხოლოდ რუსეთი და ბოროტების ღერძი, არამედ შეერთებული შტატებიც -ვალერი ზალუჟნი

დიდ ბრიტანეთში უკრაინის ელჩი, უკრაინის შეიარაღებული ძალების ყოფილი მთავარსარდალი ვალერი ზალუჟნი აცხადებს, რომ არა მხოლოდ რუსეთი და ბოროტების ღერძი ცდილობენ მსოფლიო წესრიგის მოშლას, არამედ შეერთებული შტატები.

ამის შესახებ ზალუჟნიმ საერთაშორისო ურთიერთობების სამეფო ინსტიტუტში გამოსვლისას განაცხადა.

„ეს არ არის მხოლოდ ბოროტების ღერძი, რომელიც ცდილობს მსოფლიო წესრიგის გადახედვას. აშშ ანგრევს მსოფლიო წესრიგს. აშკარაა, რომ თეთრმა სახლმა ეჭვქვეშ დააყენა მთელი დასავლური სამყაროს ერთიანობა და ახლა ვაშინგტონი ცდილობს, უსაფრთხოების საკითხები გადასცეს ევროპას აშშ-ის მონაწილეობის გარეშე“, – განაცხადა ზალუჟნიმ.

მისი თქმით, ნატო-მ, შესაძლოა, შეწყვიტოს არსებობა, ხოლო რუსეთი მოაკითხავს ევროპას.

„აშკარაა, რომ ვაშინგტონის მიერ რუსეთის ფედერაციის აგრესიის არაღიარება, ასევე, ახალი გამოწვევაა არა მხოლოდ უკრაინისთვის, არამედ ევროპისთვისაც. ეს საკმარისია იმის გასაგებად, რომ უკვე არა მხოლოდ რუსეთი და ბოროტების ღერძი ცდილობენ მსოფლიო წესრიგის მოშლას, არამედ აშშ, ფაქტობრივად, საბოლოოდ შლის მას“,​​​​​​​​​​​​​​​​ – თქვა უკრაინის შეიარაღებული ძალების ყოფილმა მთავარსარდალმა.

1...262728...2,622Page 27 of 2,622
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი