დღევანდელ სასამართლოს თუ ჩვენ ვადარებთ 2012 წლის სასამართლოს, მაშინ როგორ შეიძლება ეს სასამართლო იმსახურებდეს რაიმე სახის სანქციას და ის სასამართლო – არა“, – ამის შესახებ საპარლამენტო უმრავლესობის წევრმა, დავით მათიკაშვილმა „ქრონიკის“ ეთერში განაცხადა.

„უსამართლობის განცდას საზოგადოებაში ტოვებს ის, რომ 2012 წლამდე სააკაშვილისა და ადეიშვილის პირმშო იყო ის სისხლიანი სისტემა, რომლის შემადგენელი ნაწილი იყო სასამართლო და რომელზედაც სტრასბურგის ადამიანის უფლებების სასამართლოს არაერთი გადაწყვეტილება აქვს გამოტანილი და სისტემურ დანაშაული ჰყავს დადანაშაულებული სააკაშვილის რეჟიმი, არცერთი სანქცია, არცერთი პროტესტი, რომელიც სანქციის მსგავსი იქნებოდა არ ყოფილა თეთრი სახლიდან და არც სახელმწიფო დეპარტამენტიდან“, – განაცხადა დავით მათიკაშვილმა.

როგორც საპარლამენტო უმრავლესობის წევრმა აღნიშნა, ყოველგვარი მტკიცებულების გარეშე, კონკრეტულ ადამიანებს მიეწებათ იარლიყი კორუფციასა და მოსამართლეების ზეწოლაზე.

„მათი სანდრო წყარო ჩვენთვისაც რომ გახდეს სანდო, ამისთვის საჭიროა ამ ინფორმაციის გაცვლა. საქართველო არის სამართლებრივი სახელმწიფო და აქ, სახელმწიფოებრიობის აღქმის ნაწილში სტრატეგიულ პარტნიორებს შორის პრობლემები არ უნდა გაჩნდეს. სივრცეები არ უნდა დარჩეს იმის აღქმაში, რომ ურთიერთობა გაქვს მეგობარ, პარტნიორ ქვეყანასთან რომელიც ასევე არის სახელმწიფო, სადაც ასევე მოქმედებს კონსტიტუცია, არის ხელისუფლების დანაწილების პრინციპი და მუშაობენ და ფუნქციონირებენ სამართალდამცავი ორგანოები.

ამერიკელებს რომ ჰქონოდათ საუბარი იმაზე, რომ შეტანილია ამდენი განცხადება პროკურატურაში მოსამართლეებისა, რომლებიც აცხადებდნენ ზეწოლას მათზე, რამე მსგავსი რომ ყოფილიყო და ამაზე გაეკეთებინათ განცხადება, ეს ცოტა მაინც შეცვლიდა სიტუაციას.

მაგრამ, ახლა საუბარია იმაზე, რომ ჩვენ უნდა ვიმკითხაოთ, ჩვენ უნდა გავშიფროთ ის ჩანაწერები რომელიც აღქმების დონეზეა, გარკვეული მოცემულობის დონეზე შეიქმნა და ამაში გარკვეულწილად კონკრეტულმა პირებმა მიიღეს მონაწილეობა“, – აღნიშნა დავით მათიკაშვილმა.

აშშ-ის სახელმწიფო მდივნის, ენტონი ბლინკენის განცხადებით, აშშ-მა მოსამართლეებს მიხეილ ჩინჩალაძეს, ლევან მურუსიძეს, ირაკლი შენგელიასა და ვალერიან ცერცვაძეს, მნიშვნელოვან კორუფციულ საქმიანობაში მათი ჩართულობის მოტივით, სანქციები დაუწესა.

პირდაპირ ვთქვათ, რომ რყვნის ამ ახალგზარდებს, ასწავლის, თუ როგორ არ უნდა სცენ პატივი სახელმწიფოს, სატბილურობას, მშვიდობას და როგორ შეძლონ დესტაბილიზაციის გამოწვევა, – ამის შესახებ ექსპერტმა ლევან ნიკოლეიშვილმა „ქრონიკასთან“ ზურაბ გირჩი ჯაფარიძის მიერ ორგანიზებულ ტრენინგების შეფასებისას განაცხადა.

მისივე განმარტები, ეს ქმდება კანონით დასჯადია.

„ქრონიკის“ ინფორმაციით, „გირჩი – მეტი თავისუფლების“ ლიდერები ახალგაზრდებს საპროტესტო აქციების დაგეგმვასა და ხელისუფლების საწინააღმდეგო კამპანიის ჩატარებაში ატრენინგებენ,

„სწორედ იმის გამო, რომ ჩვენ მოვითხოვეთ მტკიცებულებები, აშშ-ის ელჩს მოუწია უკან დახევა და იმის თქმა, რომ ეს არის სავიზო შეზღუდვა და არა სანქცია“, – ამის შესახებ „ქართული ოცნების“ თავმჯდომარემ ირაკლი კობახიძემ  „პირველი არხის“ ეთერში სტუმრობისას განაცხადა.

„ყველა შეხვედრაზე დაისვა საკითხი – სად არის მტკიცებულებები? ნული მტკიცებულება. საუბარია ღია წყაროზე დაყრდნობით. ღია წყაროა ან გაზეთი უნდა დაიწყო, ან ტელევიზორს უყურო. როგორ შეიძლება საჯარო ინფორმაცია, ღია წყაროებიდან მიღებული ინფორმაცია გახდეს სანქცირების საფუძველი. ამას ხომ მოკვლევა, გამოძიება სჭირდება,რაც არ მომხდარა. რეალურად, არანაირი მტკიცებულება არ არსებობს. სწორედ ამის გამო, რომ მოვითხოვეთ მტკიცებულებები, ელჩს მოუწია უკან დახევა და იმის თქმა, რომ ეს არის არა სანქცია, არამედ მოსანქციო რამ, ეს არის სავიზო შეზღუდვა და არა სანქცია“, – აცხადებს კობახიძე.

შეგახსენებთ, 5 აპრილს აშშ-მა მოსამართლეებს მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს სანქციები დაუწესა.

ხვალ დაგეგმილი აქციის ერთ-ერთი მოთხოვნა დასანქცირებული მოსამართლეებისთვის საქმიანობის უფლების შეჩერება იქნება, – ამის შესახებ პარტია „კანონი და სამართლის“ ლიდერმა თაკო ჩარკვიანმა განაცხადა.

ჩარკვიანი საგამოძიებო კომისიის შექმნის მომხრეა, თუმცა ფიქრობს, რომ ეს პროცესი გაიწელება, ახლა კი ყველაფერი უფრო დაჩქარებული წესითაა გასაკეთებელი.

როგორც თაკო ჩარკვიანმა აღნიშნა, ახლა საჭიროა მათი საუბრების ამოღება და, როგორც ჩანს, უკვე არსებობს ეს ყველაფერი დამუშავებული.

„ჩემი ხმა, როგორც წესი, ოპოზიციის ინიციატივებს აქვს ხოლმე და ამჯერადაც ექნება, მაგრამ ამ ყველაფერს სკეპტიკურად ვუყურებ. ეს პროცესი დროში გაიწელება. ჩემი აზრით, ახლა არის დრო, რომ ეს პირები განვარიდოთ, შეუჩერდეთ მუშაობის უფლება. ვემხრობი სხდომის ჩატარებას, მაგრამ ოპოზიციის ხელში არის იმ ადამიანების ბედ-იღბალი, რომლებისთვისაც ამ „კლანურ“ კორუფციაში მხილებული მოსამართლეებს აქვთ განაჩენი გამოტანილი“, – აღნიშნა თამარ ჩარკვიანმა.

მიმდინარე პროცესებში პრეზიდენტის როლთან დაკავშირებით, ბოკერია ამბობს, რომ მის გადამწყვეტ როლს ჯერჯერობით ვერ ხედავს და „ის შეზღუდული ინსტრუმენტებიც, რომელიც აქვს, არ გამოუყენებია”.

„პრეზიდენტმა თქვა, „ივანიშვილის წასვლის შემდეგ წავიდა საქმე ცუდად“. ამ ფრაზის შემდეგ, მისი არცერთი სიტყვა მომავალ ნაბიჯებთან დაკავშირებით, დამაჯერებელი არაა. თუ ვცდები, მოხარული ვიქნები. ჯერჯერობით, ვერ ვხედავ მის გადამწყვეტ როლს, გარდა პერიოდულად ადეკვატური განცხადებებისა, რომელსაც ადეკვატური ნაბიჯები არ მოჰყვება. ის შეზღუდული ინსტრუმენტებიც, რომელიც აქვს, არ გამოუყენებია. ხელისუფლებას მიმართავდა, არ შევწიროთ ქვეყანა იმ 4 ადამიანსო, მაგრამ ამავე დროს ამბობს, ყველანი გავერთიანდეთო. ვერ წავალთ წინ, ვერ გავერთიანდებით იმ ხალხთან, ვინც დასავლეთში მტერს ხედავს, შესაბამისად, პუტინში – მოკავშირეს. ამიტომ, საზოგადოება უნდა გავერთიანდეთ დემოკრატიული, დასავლური, ქართული მომავლის გარშემო. ამ გაერთიანების აუცილებელი პირობა კი ამ რეჟიმის დემოკრატიული გზით დამარცხებაა”,- განაცხადა გიგა ბოკერიამ.

იუსტიციის უმაღლესი საბჭოს მოსამართლე წევრი დიმიტრი გვრიტიშვილი აცხადებს, რომ ის აშშ-ში ნამყოფი არ არის და მოსამართლეების დასანქცირების  შემდეგ არ აქვს სურვილი ამერიკაში წავიდეს.

„მგონი შეშინებულის არაფერი მეტყობა. შეშინებული რომ ვიყო, მაშინ შემეშინდებოდა ძლევამოსილი ამერიკის ელჩის გაკრიტიკება და იმაზე საუბარი, რომ ზეწოლის და სასამართლოს ხელში ჩაგდების მცდელობაა – შეშინებული რომ ვიყო, ამაზე არ ვისაუბრებდი. არცერთი მოსამართლე შეშინებული არ არის, დამერწმუნეთ. აშშ-ში ნამყოფი არ ვარ და ამის მერე არანაირი სურვილი არ მაქვს წავიდე. წავალ ჩემს საქართველოში. თუშეთში არ ვარ ნამყოფი, თუშეთში  მინდა წავიდე“, – აცხადებს გვრიტიშვილი.

ჟურნალისტის კითხვაზე, ამერიკის ვიზა აქვს თუ არა? იუსტიციის უმაღლესი საბჭოს მოსამართლე წევრი დიმიტრი გვრიტიშვილი პასუხობს:

„არ მაქვს, არასდროს მქონია სურვილი წავსულიყავი. მეუღლე არის მხოლოდ ამერიკაში ნამყოფი რამდენჯერმე“.

შეგახსენებთ, 5 აპრილს აშშ-მა მოსამართლეებს მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს სანქციები დაუწესა.

მივმართავ ლევან ხაბეიშვილს, რიკოთი გახსნილია, ახლა ჯერი თქვენზეა, ხვალ ველით მინიმუმ 200 000 მხარდამჭერს – ამის შესახებ „ხალხის ძალის“ წევრმა თამარ ჩიბურდანიძემ განაცხადა.

“ბოლო დღეების განმავლობაში მუდმივად გვესმოდა ლევან ხაბეიშვილის მუქარა ხელისუფლების მიმართ, რომ რიკოთის უღელტეხილი გამიზნულად ჩაკეტეს, რათა „წალენჯიხიდან წამოსული ხალხი არ ჩამოსულიყო დედაქალაქში“. თუმცა, ვერ ვხვდებოდით, რატომ არ შეეძლოთ მათ მხარდამჭერებს საჩხერის გზით ჩამოსვლა?

მივმართავ ხაბეიშვილს, რიკოთი გახსნილია, ახლა ჯერი თქვენზეა. ხვალ ველით მინიმუმ 200 000 მხარდამჭერს, რათა დაგვარწმუნოთ, რომ ბოლო საპარლამენტო არჩევნების ამომრჩეველთა რაოდენობა შეინარჩუნეთ. სხვა შემთხვევაში, ისევ საკუთარ პარტიაში შეგექმნება პრობლემა. ვნახოთ, ხვალ იწყებთ საარჩევნო მარათონს, თუ ასრულებთ?

რაც შეეხება მოქალაქეებს, რომლებიც 7-8 მარტის აქციების მსგავსად იტყვიან, რომ ჩვენ არა „ნაცების“ აქციაზე, არამედ საკუთარი პოზიციის დასაფიქსირებლად გამოვედით, მათ ხვალინდელი დღე ბოლომდე გააშიშვლებს.

და რაც ყველაზე მთავარია, 9 აპრილს, რუსთაველზე თქვენი, მკვლელი რეჟიმის მიერ ჩატარებული აქცია, დემოკრატიისა და თავისუფლების ლოზუნგით, დანაშაულია. თუ არ წაგიკითხავთ, გეტყვით, 1989 წლის 9 აპრილს, ჩვენ საბჭოთა რეჟიმს ვებრძოდით, თქვენმა სისხლიანმა რეჟიმმა კი რუსეთს აჩუქა საქართველოს ტერიტორიების 20%. არანაირი მორალური უფლება თქვენ რუსთაველზე 9 აპრილს მისვლის არა გაქვთ. მაგრამ, იცით კი საერთოდ მორალი რა არის?“, – აცხადებს თამარ ჩიბურდანიძე.