მზია ამაღლობელის სამართალდარღვევა არავითარი ფორმით არ იყო დაკავშირებული ჟურნალისტურ საქმიანობასთან, ის იქ მოქმედებდა, როგორც პარტიული აქტივისტი. აქედან გამომდინარე, მედიასთან ამ ფაქტის დაკავშირება არის აბსოლუტური სპეკულაცია, – ამის შესახებ საქართველოს პრემიერ-მინისტრმა, ირაკლი კობახიძემ ტელეკომპანია „იმედის“ ეთერში განაცხადა.

მთავრობის მეთაურის თქმით, პოლიცია ქართველი ხალხის თვალში ერთ-ერთი ყველაზე დაფასებული სახელმწიფო ინსტიტუტია და მზია ამაღლობელი დემონსტრაციულად ცდილობდა, დაეკნინებინა აღნიშნული სახელმწიფო ინსტიტუტის იმიჯი.

„ეს არის სააკაშვილი 2-ის სცენარი. თქვენ იცით, როგორ დამთავრდა სააკაშვილის სცენარი თავის დროზე. შიმშილობდა თვეების განმავლობაში, ხან ასე, ხან ისე, მაგრამ სახელმწიფო, ბუნებრივია, ზრუნავდა მის ჯანმრთელობაზე, ისევე როგორც ზრუნავს ნებისმიერი პატიმრის ჯანმრთელობაზე. აქაც სახელმწიფოს პასუხისმგებლობა ეს არის. რა თქმა უნდა, ჩვენ ყველას ვუსურვებთ ჯანმრთელობას და სახელმწიფო არის პასუხისმგებელი ნებისმიერი პატიმრის ჯანმრთელობაზე. რაც შეეხება თვითონ ფაქტს, ჯერ იყო პირველი ინციდენტი, როდესაც მზია ამაღლობელი სტიკერებს აკრავდა პოლიციელებს, შემდეგ მოხდა მისი დაკავება, შემდეგ პირობით გათავისუფლება და როგორც კი გარეთ გამოვიდა, პოლიციელს მან სახეში გაარტყა ხელი. ანუ, მისი ეს სამართალდარღვევა არავითარი ფორმით არ იყო დაკავშირებული ჟურნალისტურ საქმიანობასთან, ის იქ მოქმედებდა, როგორც პარტიული აქტივისტი. აქედან გამომდინარე, მედიასთან ამ ფაქტის დაკავშირება არის აბსოლუტური სპეკულაცია. როცა საუბარია ჰუმანურობაზე, ჰუმანურად შეიძლება, ჩაითვალოს გარკვეული აქტი, იმ შემთხვევაში, როდესაც ვიღაც რაღაცას მოინანიებს, იქ შეიძლება, ჰუმანურად ისაუბრო. წინააღმდეგ შემთხვევაში, რაღაც აქტი მხოლოდ და მხოლოდ არაადეკვატურობის გამოვლინებად შეიძლება იქნეს ჩათვლილი. რომ გამოსულიყვნენ ეს ადამიანები და ეთქვათ მარტივი რამ, რომ ძალიან ცუდად მოიქცა ეს ქალბატონი, არ შეიძლება, პოლიციელს მიაყენო შეურაცხყოფა, სახელმწიფოს წარმომადგენელს. თქვენ იცით, რომ პოლიცია ქართველი ხალხის თვალში არის ერთ-ერთი ყველაზე დაფასებული სახელმწიფო ინსტიტუტი. შენ მიდიხარ და დემონსტრაციულად ცდილობ, დააკნინო ამ სახელმწიფო ინსტიტუტის იმიჯი. სხვა არაფერს ემსახურებოდა ეს ყველაფერი. აქ არც კი გამოხატავს სინანულს, არც ის და არც მისი თანაპარტიელები „კოლექტიური ნაცმოძრაობიდან“. ასეთ დროს გესაუბრებიან იმაზე, რომ ადამიანი შიმშილობს და ამის გამო უნდა გამოუშვა საპატიმროდან“, – განაცხადა პრემიერმა.

ირაკლი კობახიძის თქმით, ის მუდმივად აფიქსირებს მზადყოფნას დიალოგისთვის ნებისმიერ საკითხთან დაკავშირებით, მათ შორის, თუნდაც მზია ამაღლობელის თემაზე.

„ჩვენ ყოველ ჯერზე, მუდმივად ვაფიქსირებთ მზადყოფნას დიალოგისთვის. ახლაც შემიძლია, დავაფიქსირო, რომ მზად ვართ. თუ ვინმეს უნდა რამე საკითხის განხილვა საჯაროდ თუ არასაჯაროდ, კონკრეტულად მზია ამაღლობელის საკითხის განხილვა, მობრძანდნენ, ხვალვე მზად ვარ, რომ შევხვდე და განვიხილო ეს საკითხი. გახსოვთ ალბათ, რომ მანამდე, სხვადასხვა დროს, ხან კანონთან დაკავშირებით, ხან არჩევნებთან დაკავშირებით, ხან ამ აქციებთან დაკავშირებით, ყოველ ჯერზე მე პირადად ვითხოვდი შეხვედრას ნებისმიერ ადგილას, ნებისმიერ ფორმატში, საჯარო თუ არასაჯარო დისკუსიას. ყველაფერზე ითქვა უარი. კონკრეტულ ადამიანებსაც შევთავაზე, მათ შორის, თქვენს ეთერშიც იყო, თუ არ ვცდები, შოთა არველაძე გამოვიდა და აღნიშნა, რომ ხელისუფლება არ ელაპარაკებოდა საპროტესტოდ განწყობილ ადამიანებს. პირადად მას შევთავაზე, წამოეყვანა ნებისმიერი ადამიანი. არათუ ასეთ განხილვაზე, დღეს საფეხბურთო სტადიონის საკითხს განვიხილავდი, მეტი რაზე უნდა მოხვიდე ხომ, თუ რაღაც კითხვა გაქვს, თუ რაღაც გაინტერესებს. იქაც კი არ მოვიდნენ, არათუ პოლიტიკურ საკითხებზე სასაუბროდ. თუ ვინმე გაურბის დისკუსიას, ესენი არიან სწორედ პროტესტის მონაწილეები, იმიტომ, რომ ზუსტად იციან, არ არიან მართლები, სიმართლე არ არის მათ მხარეს. უბრალოდ ჩაბეჭდილი აქვთ ის, რომ უნდა იყვნენ „ნაცები“ და აპრიორი სწორხაზოვნად უნდა გაჰყვნენ იმ შეხედულებას, რაც აქვთ ჩამოყალიბებული. დისკუსიისთვის არ არიან მზად, იმიტომ, რომ იციან, მათ მხარეს არ არის სიმართლე. ეს არის ერთადერთი მიზეზი. თუ ვინმეს უნდა საუბარი, ნებისმიერ ფორმატში, საჯაროდ თუ არასაჯაროდ, მოვიდნენ და ვისაუბროთ. განვიხილოთ ნებისმიერი საკითხი“, – აღნიშნა პრემიერ-მინისტრმა.

ვწუხვარ საქართველოს დელეგაციის გადაწყვეტილების გამო, გავიდეს ევროპის საბჭოს საპარლამენტო ასამბლეიდან მას შემდეგ, რაც ასამბლეამ კენჭი უყარა დელეგაციის უფლებამოსილების რატიფიცირებას გარკვეული პირობებით, – ამის შესახებ ევროპის საბჭოს საპარლამენტო ასამბლეის პრეზიდენტმა თეოდოროს რუსოპულოსმა განაცხადა.

„ეს საფრთხეს უქმნის დიალოგს, რომელიც ხელს შეუწყობდა საქართველოში დემოკრატიული სტანდარტების გაუმჯობესებას“, – აღნიშნა თეოდოროს რუსოპულოსმა.

შეგახსენებთ, რომ ევროპის საბჭოს საპარლამენტო ასამბლეამ დაამტკიცა რეზოლუცია, რომლის თანახმად, საქართველოს დელეგაციას აპრილამდე შეზღუდული უფლებამოსილება ექნება. დოკუმენტში მოცემულია გარკვეული პირობები, რომელთა შესრულებასაც საქართველოს ხელისუფლებას აპრილამდე სთხოვენ. მათ შორის არის „პოლიტიკური პატიმრების გათავისუფლება და ახალი არჩევნების გამოცხადება“.

ასამბლეის წევრები უფლებას იტოვებენ, აპრილში კიდევ ერთხელ გაასაჩივრონ საქართველოს დელეგაციის უფლებამოსილება, თუ რეზოლუციაში მოცემული პირობები არ შესრულდება. რეზოლუციის მიღების შემდეგ საპარლამენტო უმრავლესობის წევრმა, ევროსაბჭოს საპარლამენტო ასამბლეაზე საქართველოს დელეგაციის ხელმძღვანელმა, თეა წულუკიანმა განაცხადა, რომ, „ქართული ოცნების“ გუნდის საერთო გადაწყვეტილებით, წყვეტენ მუშაობას საპარლამენტო ასამბლეაში, ხოლო საქართველო, როგორც სახელმწიფო, ცხადია, რჩება ევროპის საბჭოს წევრად.

ვერძი

დილიდან მშვენიერ ხასიათზე ხართ და შეიძლება, ძვირად ღირებული, მაგრამ სრულიად უსარგებლო ნივთები შეიძინოთ და უფულოდ დარჩეთ. მოზღვავებული ენერგია საშუალებას მოგცემთ რთული საკითხები მოაგვაროთ. ყურადღება მიაქციეთ კვების რეჟიმს და ზომიერება დაიცავით. გამონახეთ დრო დიდი ხნის უნახავ ადამიანებთან ურთიერთობისთვის.

კურო

სამსახური თქვენგან უდიდეს ძალისხმევას, არასტანდარტულ აზროვნებას და უჩვეულო გადაწყვეტილებებს მოითხოვს. თქვენმა პირდაპირობამ შეიძლება გარშემო მყოფებთან ურთიერთობაში პრობლემები გააჩინოს. ვარსკვლავები გირჩევენ, რომ ადამიანების მიმართ მეტი პატივისცემა გამოიჩინოთ და უსარგებლო კამათს მოერიდოთ. იგივე ეხება პირად ურთიერთობებსაც – მოერიდეთ მტკივნეულ თემებზე საუბარს და ეცადეთ, კომპრომისული გამოსავალი იპოვოთ.

ტყუპები

ვარსკვლავები გირჩევენ, რომ ამ დღეს მხოლოდ საკუთარ ძალებს დაეყრდნოთ და დახმარება არავის სთხოვოთ. სავარაუდოდ, ახლობელი ადამიანი თქვენთვის მოცემულ პირობას არ შეასრულებს და შეცდომების გამოსწორება თავად მოგიწევთ. შესაძლოა, ამ დღეს მიღებულმა ამბავმა თქვენს ცხოვრებაზე გავლენა მოახდინოს. ქალებს ვურჩევთ, ახალი ნაცნობობისგან თავი შეიკავონ – ახლა ამისთვის არახელსაყრელი დროა. ერიდეთ ცეცხლს და სპირტიან სასმელებს.

კირჩხიბი

ამ დღეს აღმოაჩენთ, რომ თქვენს ცხოვრებაში წესრიგი არ არსებობს და მოვლენები ქაოსურად, თავისთავად მიმდინარეობს. ეცადეთ, მოქმედების გეგმა შეიმუშაოთ და ყველა ნაბიჯი გათვალოთ. წინააღმდეგ შემთხვევაში, სასურველ შედეგს ვერ მიაღწევთ. უმჯობესია, ამ დღეს რთული საქმეები არ დაიწყოთ, რადგან ყველა დაბრკოლების მარტო გადალახვა გაგიჭირდებათ. ქალებს ვურჩევთ, მეუღლეს ან პარტნიორს ყურადღება არ მოაკლონ, თორემ კონფლიქტს ვერ გადაურჩებიან.

ლომი

ფრთხილად იყავით – ამ დღეს არსებობს შეცდომის დაშვების რისკი. ვარსკვლავები გირჩევენ, რომ ბოროტ ადამიანებს მოერიდოთ, რათა მათი უარყოფითი ემოციები არ გადაგედოთ. არ აჰყვეთ მტრებისა და არაკეთილმოსურნეების პროვოკაციებს, პირიქით, მათ დაშოშმინებას ეცადეთ. ირგვლივ მყოფებზე დიდი გავლენის მოხდენას შეძლებთ, თქვენი ქარიზმა და მომხიბვლელობა სამაგალითო პიროვნებად გაქცევთ. ყურადღებით მოუსმინეთ გარშემომყოფთა საუბრებს – შეიძლება ისეთი რამ გაიგოთ, რაც თქვენს ცხოვრებას შეცვლის.

ქალწული

ამ დღეს ურთიერთობებში სირთულეები გელით. დიდი დრო და ენერგია გჭირდებათ ადამიანებისთვის იმის ასახსნელად, თუ მათგან რას ელით. სამაგიეროდ, საყვარელ ადამიანთან ურთიერთობა იმდენად ჰარმონიულია, რომ ბედნიერებისთვის მეტი არავინ გჭირდებათ. დღის მეორე ნახევარში მოსალოდნელია ჯანმრთელობასთან დაკავშირებული პრობლემები. სავარაუდოდ, ეს მსუბუქი ტრავმა იქნება. მოერიდეთ მაღაზიებში სიარულს, რომ ბევრი უსარგებლო ნივთი არ შეიძინოთ.

სასწორი

ხელსაყრელი დღეა დიდი და სარისკო ტრანზაქციებისთვის. შეიძლება ისეთ საქმეებში მონაწილეობას დათანხმდეთ, რომლებიც ჩვეულებრივ, არ გიზიდავთ. აკონტროლეთ თქვენი ემოციები, რომ ნაჩქარევი გადაწყვეტილებები სანანებელი არ გაგიხდეთ. თუ სწორად იმოქმედებთ, შეიძლება გუშინდელი მტერი საიმედო მეგობრად აქციოთ. შეამცირეთ ხარჯები – დროა, უფრო ეკონომიური გახდეთ.

მორიელი

დღის განმავლობაში, პარტნიორებთან და კონკურენტებთან სადავო საკითხების მოგვარება მოგიწევთ. ვარსკვლავები გირჩევენ, რომ გულწრფელობისგან თავი შეიკავოთ, რადგან თანამოსაუბრემ შეიძლება მიღებული ინფორმაცია საკუთარი მიზნებისთვის, თქვენ წინააღმდეგ გამოიყენოს. ახლობელ ადამიანს დახმარებაზე უარს ნუ ეტყვით. ნუ დაივიწყებთ სრულფასოვანი დასვენების შესახებ, რომელიც ახლა ძალიან გჭირდებათ.

მშვილდოსანი

სირთულეების დასაძლევად, რომელიც ბედმა ამ დღეს მოგიმზადათ, საყვარელი ადამიანების ან კოლეგების დახმარება დაგჭირდებათ. გაუფრთხილდით ჯანმრთელობას და დაავადების პირველივე სიმპტომების შემთხვევაში, თვითმკურნალობის ნაცვლად, ექიმს მიმართეთ. ხელსაყრელი დღეა ახალი ნაცნობობისა და გაწყვეტილი ურთიერთობების აღდგენისთვის. გამორიცხული არ არის, სამსახურში თქვენი პოზიცია უკეთესობისკენ შეიცვალოს.

თხის რქა

ვიღაც ან რაღაც ხელს გიშლის ნაყოფიერად მუშაობაში. იფიქრეთ, როგორ დაძლიოთ ეს წინააღმდეგობა და გააუმჯობესოთ ცხოვრება. ბედი უსიამოვნო სიურპრიზს გპირდებათ – შესაძლოა, ეს უფროსთან ან კოლეგებთან კამათი იყოს, თუმცა ამ მდგომარეობიდან ღირსეულად გამოხვალთ. ხელსაყრელი დღეა წარსულში დაშვებული შეცდომების გამოსასწორებლად. დროა, ბოდიშის მოუხადოთ ადამიას, ვისაც აწყენინეთ და მშვიდობა დაამყაროთ.

მერწყული

ვარსკვლავები გირჩევენ, უარი თქვათ იდეებსა თუ პროექტებზე, რომელთა განხორციელება გიჭირთ. არ არის საჭირო თქვენთვის საინტერესო კითხვებზე პასუხის ძებნა – სიმართლე არ დაიმალება და მალე ყველაფერს გაიგებთ. მოერიდეთ მანიპულატორებს, რომლებიც თქვენს გამოყენებას ეცდებიან. იზრუნეთ ორგანიზმის იმუნიტეტზე, რადგან მოსალოდნელია ჯანმრთელობასთან დაკავშირებული მცირე პრობლემები.

თევზები

რთულ სიტუაციაში ნუ ეცდებით საკუთარი აზრის სხვებისთვის თავზე მოხვევას. პრობლემას უფრო ადვილად მოაგვარებთ თუ ახალ გარემოებებს გაითვალისწინებთ და უკან დაიხევთ. უცნობ ადამიანებთან ურთიერთობას ნუ გაურბიხართ – სწორედ ეს ურთიერთობა გიბიძგებთ საინტერესო იდეისკენ და სიამოვნებას მოგანიჭებთ. ამ დღეს შეთავაზებაზე უარის თქმას გირჩევთ – სავარაუდოდ, ის სარგებელს არ მოგიტანთ.

ყველგან, სადაც ჩანს რადიკალური ოპოზიცია, მიდის მუშაობა სახელმწიფოს ინტერესების წინააღმდეგ, თუმცა ვერც დღეს და ვერც მომავალში, ვერავითარ შედეგს ვერ მიაღწევენ, – ამის შესახებ საქართველოს პრემიერ-მინისტრმა ირაკლი კობახიძემ გადაცემა „იმედი ‎LIVE”-ში განაცხადა. 

როგორც მთავრობის მეთაურმა აღნიშნა, ოპოზიცია დადიოდა დერეფნებში და მუშაობდა იმისთვის, რომ საქართველოს დელეგაცია არ დამტკიცებულიყო ევროპის საბჭოს საპარლამენტო ასამბლეაზე. 

„რეალურად ხედავთ ოპოზიცია რასაც აკეთებდა – დადიოდნენ დერეფნებში და მუშაობდნენ იმისათვის, რომ ჩვენი ქვეყნის დელეგაცია არ დამტკიცებულიყო. ამ შედეგს ვერ მიაღწიეს, თუმცა საბოლოო ჯამში მიღებული იქნა გადაწყვეტილება დათქმებით დელეგაციის დამტკიცების თაობაზე, რისთვისაც ისინი აქტიურად მუშაობდნენ. თავიანთ მიზანს ვერ მიაღწიეს, თუმცა რაღაც შუალედური შედეგი ამ კუთხით შეიქმნა რეზოლუციის სახით. ყველგან, სადაც ჩანს რადიკალური ოპოზიცია, მიდის მუშაობა სახელმწიფოს ინტერესების წინააღმდეგ, თუმცა ვერც დღეს ვერ მიაღწიეს რაიმე შედეგს და ვერც მომავალში ვერავითარ შედეგს ვერ მიაღწევენ”, – განაცხადა ირაკლი კობახიძემ.

ეს გადაწყვეტილება აჩვენებს, რომ ევროპული ბიუროკრატია საკმაოდ მძიმე მდგომარეობაშია. ეს ეხება, როგორც ბრიუსელს, ასევე სტრასბურგს. ამის მორიგი გამოხატულებაა ის გადაწყვეტილება, რომელიც დღეს ვიხილეთ, – ამის შესახებ პრემიერ-მინისტრმა, ირაკლი კობახიძემ განაცხადა, რითაც შეაფასა ევროპის საბჭოს საპარლამენტო ასამბლეას მიერ მიღებული რეზოლუცია.

კობახიძის თქმით, რეზოლუცია ქვეყნისთვის საერთო ვითარებას ვერ შეცვლის.

„უსამართლობაზე უფრო მეტად იყო აბსურდული გადაწყვეტილება. ასეთი რამ გააკეთეს: დაამტკიცეს ჩვენი დელეგაცია, რითაც არჩევნების შედეგები აღიარეს და იქვე განაცხადეს, რომ თუ აპრილამდე არ ჩატარდება არჩევნები, გააუქმებენ დელეგაციას ჩვენი ქვეყნიდან. ანუ გამოდის, რომ არჩევნებს აღიარებენ, მაგრამ მაინც უნდათ არჩევნების ჩატარება. რატომ? – იმიტომ, რომ წააგო ვიღაცის ფავორიტმა პოლიტიკურმა ძალამ, რასაც „კოლექტიური ნაციონალური მოძრაობა“ ჰქვია. ასეთი აბსურდული გადაწყვეტილება აჩვენებს იმას, რომ ევროპულ ბიუროკრატიაში მძიმე ვითარებაა. თუმცა, საბოლოო ჯამში ეს ვერ ცვლის საერთო ვითარებას ჩვენი ქვეყნისთვის“, – განაცხადა კობახიძემ “იმედი ლაივში”.

საპარლამენტო უმრავლესობის წევრის, თეა წულუკიანის განცხადებით, ევროსაბჭოს საპარლამენტო ასამბლეის მიერ საქართველოს ახალი მოწვევის პარლამენტის დელეგაციის უფლებამოსილების ცნობის დოკუმენტს თან ახლავს დათქმები, რომელთა შორის კატეგორიულად მიუღებელია პირველი დათქმა, რომელიც „სცილდება ასამბლეის კომპეტენციას, ხელყოფს საქართველოს სუვერენიტეტს და უგულებელყოფს 1 120 000-ზე მეტი ამომრჩევლის ნებასა და ფაქტებს“.

წულუკიანის თქმით, ამ დათქმის მიღება „ქართული ოცნების“ ამომრჩევლისა და, შესაბამისად, საზოგადოების დიდი უმრავლესობის ღალატის ტოლფასი იქნებოდა“.

„ევროსაბჭოს საპარლამენტო ასამბლეაში რამდენიმე დღის განმავლობაში, მიმდინარეობდა დებატი, უნდა დამტკიცებულიყო თუ არა ჩვენი საპარლამენტო დელეგაციის უფლებამოსილება. ბევრი ადამიანი, პირველ რიგში კი ჩვენი ანტისახელმწიფოებრივად მოაზროვნე ოპოზიცია და არასამთავრობო ორგანიზაციების ნაწილი, იბრძოდნენ საქართველოს ახალი მოწვევის პარლამენტის დელეგაციის უფლებამოსილების ცნობის წინააღმდეგ. ეს გეგმა ჯერ საკომიტეტო მოსმენისას ჩავარდა, შემდეგ კი პლენარულ სხდომაზე, სადაც ქართული დელეგაციის უფლებამოსილების უარყოფას 306 წევრისგან შემდგარი ასამბლეის მხოლოდ 43-მა წევრმა დაუჭირა მხარი. შესაბამისად, საქართველოს ახალი მოწვევის პარლამენტის დელეგაციის უფლებამოსილება, რამდენიმე წუთის წინ, საბოლოო კენჭისყრაზე დადგა და იქნა ცნობილი. თუმცა, უფლებამოსილების ცნობის დოკუმენტს თან ახლავს დათქმები. არაერთი დათქმა ჩვენთვის მიუღებელია, რადგან უსამართლო და საფუძველს მოკლებულია. ამასთან, კატეგორიულად მიუღებელია ის პირველი დათქმა, რომელიც სცილდება ამ ასამბლეის კომპეტენციას, ხელყოფს ჩვენი ქვეყნის სუვერენიტეტს და უგულებელყოფს 1 120 000-ზე მეტი ამომრჩევლის ნებასა და ფაქტებს. ჩვენი მხრიდან ამ დათქმის მიღება ჩვენი ამომრჩევლისა და, შესაბამისად, ჩვენი საზოგადოების დიდი უმრავლესობის ღალატის ტოლფასი იქნებოდა. ყოველივე ზემოაღნიშნულიდან გამომდინარე, ჩვენ, საქართველოს პარლამენტის დელეგაციის სტრასბურგსა და თბილისში მყოფმა წევრებმა, ვიმსჯელეთ და, „ქართული ოცნების“ გუნდის საერთო გადაწყვეტილებით, მიუხედავად იმისა, რომ ჩვენი უფლებამოსილება დამტკიცებულია, დღეიდან ვწყვეტთ მუშაობას საპარლამენტო ასამბლეაში. მიგვაჩნია, რომ იქამდე, სანამ ქართველი ხალხის მიერ არჩეული ხელისუფლების მიმართ გრძელდება სრულიად უსამართლო და დაუსაბუთებელი შანტაჟი, არავითარი მნიშვნელობა არ ენიჭება მტკიცებულებებსა და ფაქტებს, განხილვები მიკერძოებულია და გამოირჩევა ჩვენი ქვეყნის მოსახლეობის მიმართ შეურაცხმყოფელი დამოკიდებულებით, ასამბლეაში ჩვენი საპარლამენტო დელეგაციის მონაწილეობას არანაირი აზრი და გამართლება არ აქვს. საქართველო, ცხადია, როგორც სახელმწიფო რჩება ევროპის საბჭოს წევრად. ხოლო საპარლამენტო ასამბლეაში მონაწილეობას ჩვენი საპარლამენტო დელეგაციის წევრები განვაახლებთ მხოლოდ მას შემდეგ, რაც შეიცვლება უსამართლო დამოკიდებულება ქართული სახელმწიფოს და ქართველი ხალხის მიმართ, დასრულდება შანტაჟი, ხოლო გადაწყვეტილების მიმღები თითოეული ოფიციალური და არაოფიციალური პირი, ასევე, მათ უკან მდგომი ძალები კარგად გაიაზრებენ, რომ მსგავსი ზეწოლა საქართველოსა და მისი მოსახლეობის მიერ არჩეულ ხელისუფლებას ვერანაირ ანტიქართულ ნაბიჯს ვერ გადაადგმევინებს. დიდი მადლობა მხარდაჭერისთვის, ყურადღებისთვის, ჩვენ თბილისიდან თითოეული თქვენგანის მხარდაჭერას ვგრძნობდით“, – განაცხადა წულუკიანმა.

დღეიდან ვწყვეტთ მუშაობას საპარლამენტო ასამბლეაში, – ამის შესახებ „ქართული ოცნების“ წევრმა თეა წულუკიანმა მას შემდეგ განაცხადა, რაც ევროპის საბჭოს საპარლამენტო ასამბლეამ საქართველოსთან დაკავშირებული რეზოლუცია მიიღო.

როგორც წულუკიანმა განმარტა, დოკუმენტის „არაერთი დათქმა მიუღებელია, რადგან უსამართლო და საფუძველს მოკლებულია“.

„ევროსაბჭოს საპარლამენტო ასამბლეაში რამდენიმე დღის განმავლობაში, მიმდინარეობდა დებატი, უნდა დამტკიცებულიყო თუ არა ჩვენი საპარლამენტო დელეგაციის უფლებამოსილება. ბევრი ადამიანი, პირველ რიგში კი ჩვენი ანტი-სახელმწიფოებრივად მოაზროვნე ოპოზიცია და არასამთავრობო ორგანიზაციების ნაწილი, იბრძოდნენ საქართველოს ახალი მოწვევის პარლამენტის დელეგაციის უფლებამოსილების ცნობის წინააღმდეგ.

ეს გეგმა ჯერ საკომიტეტო მოსმენისას ჩავარდა, შემდეგ კი პლენარულ სხდომაზე, სადაც ქართული დელეგაციის უფლებამოსილების უარყოფას 306 წევრისგან შემდგარი ასამბლეის მხოლოდ 43-მა წევრმა დაუჭირა მხარი.

შესაბამისად, საქართველოს ახალი მოწვევის პარლამენტის დელეგაციის უფლებამოსილება, რამდენიმე წუთის წინ, საბოლოო კენჭისყრაზე დადგა და იქნა ცნობილი.

თუმცა, უფლებამოსილების ცნობის დოკუმენტს თან ახლავს დათქმები. არაერთი დათქმა ჩვენთვის მიუღებელია, რადგან უსამართლო და საფუძველს მოკლებულია. ამასთან, კატეგორიულად მიუღებელია ის პირველი დათქმა, რომელიც სცილდება ამ ასამბლეის კომპეტენციას, ხელყოფს ჩვენი ქვეყნის სუვერენიტეტს და უგულებელყოფს 1 120 000-ზე მეტი ამომრჩევლის ნებასა და ფაქტებს. ჩვენი მხრიდან ამ დათქმის მიღება ჩვენი ამომრჩევლისა და, შესაბამისად, ჩვენი საზოგადოების დიდი უმრავლესობის ღალატის ტოლფასი იქნებოდა.

ყოველივე ზემოაღნიშნულიდან გამომდინარე, ჩვენ, საქართველოს პარლამენტის დელეგაციის სტრასბურგსა და თბილისში მყოფმა წევრებმა, ვიმსჯელეთ და, ქართული ოცნების გუნდის საერთო გადაწყვეტილებით, მიუხედავად იმისა, რომ ჩვენი უფლებამოსილება დამტკიცებულია, დღეიდან ვწყვეტთ მუშაობას საპარლამენტო ასამბლეაში. მიგვაჩნია, რომ იქამდე, სანამ ქართველი ხალხის მიერ არჩეული ხელისუფლების მიმართ გრძელდება სრულიად უსამართლო და დაუსაბუთებელი შანტაჟი, არავითარი მნიშვნელობა არ ენიჭება მტკიცებულებებსა და ფაქტებს, განხილვები მიკერძოებულია და გამოირჩევა ჩვენი ქვეყნის მოსახლეობის მიმართ შეურაცხმყოფელი დამოკიდებულებით, ასამბლეაში ჩვენი საპარლამენტო დელეგაციის მონაწილეობას არანაირი აზრი და გამართლება არ აქვს.

საქართველო, ცხადია, როგორც სახელმწიფო რჩება ევროპის საბჭოს წევრად. ხოლო საპარლამენტო ასამბლეაში მონაწილეობას ჩვენი საპარლამენტო დელეგაციის წევრები განვაახლებთ მხოლოდ მას შემდეგ, რაც შეიცვლება უსამართლო დამოკიდებულება ქართული სახელმწიფოს და ქართველი ხალხის მიმართ, დასრულდება შანტაჟი, ხოლო გადაწყვეტილების მიმღები თითოეული ოფიციალური და არაოფიციალური პირი, ასევე, მათ უკან მდგომი ძალები კარგად გაიაზრებენ, რომ მსგავსი ზეწოლა საქართველოსა და მისი მოსახლეობის მიერ არჩეულ ხელისუფლებას ვერანაირ ანტიქართულ ნაბიჯს ვერ გადაადგმევინებს.

დიდი მადლობა მხარდაჭერისთვის, ყურადღებისთვის, ჩვენ თბილისიდან თითოეული თქვენგანის მხარდაჭერას ვგრძნობდით“, – განაცხადა წულუკიანმა.

ევროპის საბჭოს საპარლამენტო ასამბლეამ (PACE) მიიღო რეზოლუცია, რომელიც საქართველოს მომდევნო თვეებში ახალი არჩევნების ჩატარებისკენ მოუწოდებს. ამის შესახებ კენჭისყრა PACE-ის სხდომაზე გაიმართა.

134 დეპუტატიდან რეზოლუციას 114-მა დაუჭირა მხარი, 13 წინააღმდეგ წავიდა, ხოლო 7-მა თავი შეიკავა.

ევროპის საბჭოს საპარლამენტო ასამბლეამ საქართველოს დელეგაციის მანდატების გადახედვის და ზოგადად ქვეყანაში ვითარების შეფასების პირობებში გადაწყვეტა საქართველოს დელეგაციის მანდატების რატიფიცირება მოახდინოს 2025 წლის აპრილამდე, თუმცა გარკვეული პირობებით.

“[PACE საქართველოს ოფიციალურ პირებისგან დაჟინებით მოითხოვს ინკლუზიური პროცესის დაუყოვნებლივ ინიცირებას ყველა ჩართული პირისა და სოციალური აქტორების ჩართულობით, მათ შორის მმართველი უმრავლესობის, ოპოზიციისა და სამოქალაქო საზოგადოების, რათა სასწრაფოდ პასუხი გაეცეს ბოლო საპარლამენტო არჩევნებში დაფიქსირებულ ნაკლოვანებებსა და დარღვევებს, და შეიქმნას საარჩევნო გარემო, რომელიც საჭირო საარჩევნო გარემოს შექმნის ნამდვილად დემოკრატიული ახალი საპარლამენტო არჩევნების ჩასატარებლად, რომელიც მომდევნო თვეებში უნდა გამოცხადდეს.

[PACE საქართველოს ოფიციალურ პირებისგან დაჟინებით მოითხოვს] დაუყოვნებლივი და ეფექტიანი ნაბიჯები გადადგან, რათა საშუალება მისცენ საქართველოს განაახლოს ევროპული ინტეგრაციის გზა, რაც შეესაბამება ხალხის ევროპულ მისწრაფებებს, და მონდომებით დააჩქარონ საჭირო რეფორმები;

[PACE საქართველოს ოფიციალურ პირებისგან დაჟინებით მოითხოვს] დაუყოვნებლივ დაასრულონ საპოლიციო სისასტიკე და ადამიანის უფლებების დარღვევები, ეფექტიანად გამოიძიონ ეს შემთხვევები და დემონსტრანტების, ჟურნალისტებისა და სამოქალაქო ლიდერების შეკავების ან მათ წინააღმდეგ შურისძიების მიზნებისთვის სასამართლო პროცესების ბოროტად გამოყენება დაასრულონ, და სრულიად სცენ პატივი გამოხატვისა და შეკრების უფლებებს…

[PACE საქართველოს ოფიციალურ პირებისგან დაჟინებით მოითხოვს] გაათავისუფლონ ყველა პოლიტიკური პატიმარი ასამბლეის 2025 წლის აპრილის სესიამდე”, – ნათქვამია რეზოლუციაში.

მონიტორინგის კომიტეტმა მოისმინა ჩვენს დელეგაციასთან დაკავშირებული საკითხი და განიხილა ორი ვარიანტი: არ ეცნო ჩვენი უფლებამოსილება და ეცნო ჩვენი უფლებამოსილება გარკვეული დათქმებით. საბოლოოდ, მონიტორინგის კომიტეტმა უარყო ვარიანტი, რომელიც ჩვენი უფლებამოსილების არცნობას ითვალისწინებდა, რისთვისაც, მსურს, მადლობა ვუთხრა მას, – ამის შესახებ „ქართული ოცნების“ წევრმა, საქართველოს დელეგაციის ხელმძღვანელმა, თეა წულუკიანმა ევროპის საბჭოს საპარლამენტო ასამბლეაზე სიტყვით გამოსვლისას განაცხადა.

როგორც წულუკიანმა აღნიშნა, „დათქმების გარკვეული ნაწილი, რომელიც უფლებამოსილების ცნობას ახლავს თან, ჩვენთვის პრობლემატურია, განსაკუთრებით კი – დათქმა, რომელიც „მომდევნო თვეებში ახალი არჩევნების გამოცხადებას“ ითვალისწინებს“.

„ამ დღეების განმავლობაში, მე და ჩემი დელეგაციის წევრები არაერთ თქვენგანს შეგხვდით და ძალიან კარგად მოგეხსენებათ, რატომ ვთვლით ასე. შესაბამისად, მოგიწოდებთ, არ დაუჭიროთ მხარი მოცემულ არაორდინალურ დათქმებს, არ დაუჭიროთ მხარი მომზადებულ რეზოლუციის პროექტს და მხარი დაუჭიროთ ჩვენი უფლებამოსილების ცნობას მხოლოდ იმ დათქმით, რომ ჩვენ ერთად გავაგრძელოთ ნორმალურ ვითარებაში მუშაობა და უკვე არსებული კარგი თანამშრომლობა საპარლამენტო ასამბლეის მონიტორინგის კომიტეტთან და ევროსაბჭოს გენერალურ მდივანთან, საქართველოში მისი უახლესი ვიზიტის შესაბამისად.

ნება მომეცით, კიდევ ერთხელ გავუსვა ხაზი, მათთვის, ვისაც ეს შეიძლება, ეხებოდეს ამ ასამბლეაში, რომ „ქართული ოცნების“ მთავრობა და მისი 1 100 000-ზე მეტი ამომრჩეველი მშვიდობას იცავენ და არავის მისცემენ უფლებას, ქვეყანაში დესტაბილიზაცია მოხდეს; ქვეყანაში, რომლის ოკუპაციაც კვლავ გრძელდება რუსეთის მიერ.

კიდევ გავიმეორებ, რომ „ქართული ოცნების“ მთავრობა, რომელმაც ოთხი სხვადასხვა სახელმწიფოთაშორისი დავა აწარმოა და მოიგო რუსეთის წინააღმდეგ ადამიანის უფლებათა ევროპულ სასამართლოში, ვერავის მიერ ვერ იქნება პრო-რუსულად შერაცხული. „ქართული ოცნების“ მთავრობა ამაყობს, რომ ევროპის საბჭოს ქვეყნებს შორის ერთ-ერთი საუკეთესო პენიტენციური სისტემა აქვს, ერთ-ერთი საუკეთესო სტატისტიკა აქვს ადამიანის უფლებათა სასამართლოში, შესანიშნავი თანამშრომლობა აქვს მონიტორინგის კომიტეტის მომხსენებლებთან და არაერთ სხვა სექტორში საუკეთესო პარტნიორია. „ქართული ოცნების“ მთავრობის შესახებ ვერავინ იტყვის, რომ დემოკრატიული რეგრესი აქვს, მხოლოდ იმიტომ, რომ თქვენ, ზოგიერთს არ მოგწონთ ქართველი ხალხის თავისუფალი გადაწყვეტილება „ქართული ოცნების“ ხელახლა არჩევის შესახებ“, – განაცხადა თეა წულუკიანმა.