FARA-ს მოთხოვნების შესაბამისად, აშშ-ის იუსტიციის დეპარტამენტის ვებ-გვერდზე გამოქვეყნდა დოკუმენტი, რომლის მიხედვითაც, ნიკა გილაურის კომპანია Reformatics-მა აშშ-ში ლობისტური კომპანია Continental Strategy-ი დაიქირავა, რისთვისაც 600 000 დოლარი გადაიხადა.

გამოქვეყნებული დოკუმენტებიდან ირკვევა, რომ Continental Strategy-ი წარმოადგენს Reformatics-ის ინტერესებს აშშ-საქართველოს ურთიერთობების გაძლიერების ყოვლისმომცველი პროგრამის ფარგლებში. საქმიანობა შესაძლოა მოიცავდეს ლობირებას, საინფორმაციო მასალების მომზადებასა და გავრცელებას და აშშ-ის პოლიტიკოსებთან ურთიერთობას.

გარდა ამისა, „Continental strategy-ი ხელს შეუწყობს აშშ-ის აღმასრულებელ და საკანონმდებლო ხელისუფლებებში დაინტერესებულ მხარეებთან ურთიერთობების დასამყარებლად სტრატეგიული გეგმის შემუშავებასა და განხორციელებას“.

„კლიენტი ვალდებულებას იღებს, გადაუხადოს ფირმას ჯამში 600 000 დოლარი. პირველი გადახდა 200 000 დოლარის ოდენობით (ავანსი) განხორციელდება არაუგვიანეს ამ ხელშეკრულების გაფორმებიდან 3 სამუშაო დღისა. შემდგომი გადახდები განხორციელდება ინვოისის საფუძველზე, 100 000 დოლარის ოდენობით, ხელშეკრულების პირობების შესაბამისად“, – ნათქვამია ხელშეკრულებაში.

უსაფრთხოების გამოწვევების მიუხედავად, საქართველომ შეძლო, იყოს ეკონომიკურად მიმზიდველი ქვეყანა, შეძლო, გაეტარებინა ეკონომიკური რეფორმები, რომელიც დღეს შესაძლებლობებს აძლევს, ითამაშოს მნიშვნელოვანი როლი რეგიონში, ითამაშოს მნიშვნელოვანი როლი შუა დერეფნის განვითარებაში, – ამის შესახებ საქართველოს საგარეო საქმეთა მინისტრმა, მაკა ბოჭორიშვილმა ჟურნალისტებს ნიუ დელიში განუცხადა, სადაც ვიზიტით იმყოფება.

საქართველოს საგარეო უწყების ხელმძღვანელის თქმით, ინდოეთში ვიზიტი იყო კარგი შესაძლებლობა პარტნიორებისთვის იმის საჩვენებლად, რომ საქართველო არის სწორედ ის დამაკავშირებელი გზა, რომელიც უნდა იყოს გამოყენებული.

„ჩვენი მთავარი სათქმელი, რა თქმა უნდა, არის ის, რომ მიუხედავად უსაფრთხოების გამოწვევებისა, რომელიც აქვს საქართველოს, საქართველომ შეძლო, რომ იყოს ეკონომიკურად მიმზიდველი ქვეყანა, შეძლო, გაეტარებინა ეკონომიკური რეფორმები, რომელიც დღეს საქართველოს შესაძლებლობებს აძლევს, ითამაშოს მნიშვნელოვანი როლი რეგიონში, ითამაშოს მნიშვნელოვანი როლი შუა დერეფნის განვითარებაში. შუა დერეფანი ძალიან მნიშვნელოვანია როგორც აღმოსავლეთით, ისე დასავლეთით მდებარე ქვეყნებისთვის. რა თქმა უნდა, ეს კარგი შესაძლებლობა იყო, რომ საქართველოს სწორედ ეს მდგომარეობა, მდებარეობა და შესაძლებლობები კარგად დაინახონ ჩვენმა პარტნიორებმა და იფიქრონ იმაზე, რომ საქართველო არის სწორედ ის ადგილი, ის დამაკავშირებელი გზა, რომელიც უნდა იყოს გამოყენებული, მაშინ როდესაც, საუბარი შეეხება დაკავშირებადობის განვითარებას და ახალი გზების ძიებას“, – განაცხადა ბოჭორიშვილმა.

მისივე თქმით, ზოგადად, საერთაშორისო ფორუმები იძლევა კარგ შესაძლებლობას პარტნიორებთან კომუნიკაციისა და აზრთა გაცვლა-გამოცვლისთვის და იმისათვის, რომ მათ მიაწოდოს რეალური ინფორმაცია საქართველოში არსებული სიტუაციის შესახებ.

„ეს შესაძლებლობა მაქსიმალურად უნდა გამოვიყენოთ და ვიყენებთ კიდეც. ეს ასევე არის ჩვენთვის კარგი შესაძლებლობა, მივაწვდინოთ ჩვენს პარტნიორებს ხმა საქართველოს პოზიციებთან დაკავშირებით, თუნდაც იმ პოზიციებზე, რის გამოც საქართველო უსამართლო კრიტიკის ქარცეცხლში იყო მოქცეული დიდი ხნის განმავლობაში და ხშირად ახლაც გვესმის ჩვენი ევროპელი კოლეგებისგან ასეთი კრიტიკა. რა თქმა უნდა, ეს არის კარგი შესაძლებლობა, კიდევ ერთხელ, ჩემს კოლეგებთან მქონდეს საუბარი, რათა, სცადონ რეალობას შეხედონ კარგად, რეალური სიტუაცია აღიქვან და ნუ იხელმძღვანელებენ აღქმებით, რაზეც ისინი ძალიან ხშირად აპელირებენ ხოლმე, რომ ძალიან რთულია აღქმების შეცვლა. რა თქმა უნდა, თუ ისინი შექმნიან ამ აღქმებს, შემდგომ უკვე ძალიან რთულია ამ აღქმებთან გამკლავება. ამიტომ, კარგი შესაძლებლობაა, რომ მათ მივაწოდოთ რეალური სიტუაციის შესახებ ინფორმაცია. რეალურად, თუ რა წუხილები აქვს საქართველოს, რა უნდა საქართველოს და რისთვის ვიბრძვით“, – განაცხადა მაკა ბოჭორიშვილმა.

რომელ გულწრფელ პროტესტზეა ლაპარაკი, როდესაც ამ ყველაფრის უკან ვხედავთ, რომ ღიად დგას ფული, ბინძური ფული, რომელიც ამ ფონდებში აკუმულირდებოდა და შემდეგ ანტისახელმწიფოებრივ ქმედებებს ხმარდებოდა, – განაცხადა ერთიანი ნეიტრალური საქართველოს“ წევრმა ვატო შაქარიშვილმა.

„ეს იყო პიროტექნიკა, რომელიც ჩვენი გმირი პოლიციელების დაწვისთვის იყო და რუსთაველზე ცეცხლის გაჩაღებისთვის იყო. ეს იყო სხვა მატერიალურ-ტექნიკური საშუალებები, რომლებიც აგრესიული, ძალადობრივი პროტესტისთვის იყო საჭირო. რომელ გულწრფელ პროტესტზეა ლაპარაკი, როდესაც ამ ყველაფრის უკან ვხედავთ, რომ ღიად დგას ფული, ბინძური ფული, რომელიც ამ ფონდებში აკუმულირდებოდა და შემდეგ ანტისახელმწიფოებრივ ქმედებებს ხმარდებოდა.

იმალებოდნენ, საკუთარი ოფისებიდან მართავდნენ პროცესებს, ახალგაზრდებს, ბავშვებს შეიძლება ითქვას მოუწოდებდნენ, რომ ჩქარა ბავშვებო, წადით მიტინგზე, მსხვერპლი უნდოდათ, სისხლი უნდოდათ და ამაში ხარჯავდნენ ამ ფულს. დღეს გამოდიან და ეს პოლიტიკური აფერისტები, ეს პოლიტიკური მეძავები, გამოდიან და ამბობენ, რომ ქველმოქმედებას ეწევიან. რა ქველმოქმედება, ნანუკა ჟორჟოლიანი და ქველმოქმედება ისეთი შეუთავსებელია, ისეთი ოქსიმორონია, მეორე ძნელად მოიძებნება”, – შაქარიშვილმა.

საქართველოს პროკურატურამ რამდენიმე ფონდის საბანკო ანგარიშების დაყადაღებასთან დაკავშირებით განცხადება 17 მარტს გაავრცელა.

საარჩევნო ადმინისტრაციის წინააღმდეგ მორიგი კამპანია აქტიურდება. „ერთიანი ნაციონალური მოძრაობის“ და „გახარია საქართველოსთვის“ წარმომადგენლები კვლავ ცდილობენ, საზოგადოებაში დაამკვიდრონ მოსაზრება, რომ არჩევნები რეალურ შედეგს არ ასახავს და კონკრეტული ადამიანები შედეგებს საკუთარი სურვილის შესაბამისად წერენ, – ამის შესახებ ნათქვამია ცესკო-ს განცხადებაში.

ცესკო-ს განცხადებით, აღნიშნული ტიპის განცხადებები პირდაპირ მიუთითებს საარჩევნო საკითხების შესახებ ბრალდების ავტორთა ცოდნის ნაკლებობაზე.

„საარჩევნო საკითხებში და პროცედურებში გარკვეული ადამიანი, რომელიც იცნობს პროცესის მიმდინარეობას, ასეთ აბსურდულ განცხადებას უბრალოდ ვერ გააკეთებს.

ამასთან, დაინტერესებული პოლიტიკური სუბიექტები თავს ესხმიან როგორც საარჩევნო ადმინისტრაციის ხელმძღვანელ პირებს, ისე, ზოგადად, მთლიანად საარჩევნო ადმინისტრაციას და ცდილობენ საზოგადოება დაარწმუნონ, რომ საარჩევნო ადმინისტრაცია ხელისუფლების ინტერესებს ატარებს. მათი მოსაზრებები არ ემყარება ფაქტებს და მხოლოდ საზოგადოების იმ ნაწილის წარმოდგენებზე ზემოქმედებას ისახავს მიზნად, რომლებიც შესაძლოა, არ იყვნენ სრულად ინფორმირებული საარჩევნო პროცესის დეტალების შესახებ.

სინამდვილეში კი, როგორც ეუთო/ოდირის ანგარიშით, ისე პროკურატურის შუალედური განცხადებით, რომელიც არაერთ საგამოძიებო ექსპერიმენტს თუ ჩვენებას ეფუძნებოდა, საზოგადოებისთვის ცნობილია, რომ 26 ოქტომბრის არჩევნები ჩატარდა მაღალი პროფესიული სტანდარტებით, მათ შორის, ტექნოლოგიების უპრეცედენტოდ წარმატებული ინტეგრირებით საარჩევნო პროცესში.

დაინტერესებული მხარეების მიერ გაკეთებული არაკომპეტენტური და მიზანმიმართული დისკრედიტაციული საჯარო განცხადებების საფუძველზე ადვილია დავასკვნათ, რომ მათი მიზანი სხვადასხვა ტიპის ცრუ ბრალდებებით საარჩევნო ადმინისტრაციის არსებული შემადგენლობის და, ზოგადად, საარჩევნო პროცესის მიმართ ნდობის შემცირებაა. ნდობის შელახვის ამ ტაქტიკას კი შეიძლება, გრძელვადიანი შედეგები ჰქონდეს, რადგან ის აღძრავს ამომრჩევლებს შორის უნდობლობას და ეჭვს, რაც აზიანებს საარჩევნო პროცესის მთლიანობას და ასუსტებს ინსტიტუციის რეპუტაციას და მისდამი ნდობას.

საარჩევნო ადმინისტრაცია კვლავ რჩება საკუთარი გაცხადებული პოლიტიკის ერთგული და ამომრჩეველს ყოველთვის მიაწვდის ობიექტურ და გადამოწმებულ ინფორმაციას საარჩევნო პროცესებთან დაკავშირებულ ნებისმიერ საკითხთან დაკავშირებით“, – აღნიშნულია ინფორმაციაში.

„ერთიანობა – ნაციონალური მოძრაობის“ ერთ-ერთი ლიდერის, ლევან ხაბეიშვილის განცხადებით,“ გახარია საქართველოსთვის“ წარმომადგენლები, ან პარლამენტიდან უნდა გამოვიდენ, ან ოპოზიციის ლანძღვას შეეშვან, ან ერთიანობას დათანხმდნენ.

ხაბეიშვილის თქმით, საზოგადოებამ დასკვნა უნდა გამოიტანოს – „ვინ არის ოპოზიცია და ვინ ბიძიანს კარის კაცი“.

„დღე-ნახევარია ოპოზიციაშია და პარლამენტიდან არ გამოდიან. კითხეთ, რატომ არ ტოვებენ პარლამენტს თუ არალეგიტიმურია? რაღაც ფინანსებზე ბუტბუტებენ. მათ ფინანსები რომ მოიპარეს „ქართულ ოცნებასთან“ ერთად, ეგეთი უნდა. ამიტომ, რაღაც ქნას: ან პარლამენტიდან გამოვიდეს, ან ოპოზიციის ლანძღვას შეეშვას, ან ერთიანობას დათანხმდეს. რაღაც მოქმედებებს რომ არ აკეთებს, საზოგადოებამ დასკვნა უნდა გამოიტანოს – ვინ არის ოპოზიცია და ვინ ბიძიანს კარის კაცი.

გასაგებია, რომ ამ ადამიანებს არ უნდათ ერთობა. სალომემ საერთოდ განაცხადა, რომ დაქსაქსულობა ყოფილა კარგი, ერთიანობა ცუდი. მიუღებელია ეს. საქართველოს გერბზე გარკვევით წერია – „ძალა ერთობაშია“ და არა „ძალა კოორდინაციაშია“, – განაცხადა ხაბეიშვილმა.

კითხვაზე, რამდენად აქვს მესამე პრეზიდენტს, სალომე ზურაბიშვილს იმის პერსპექტივა რომ ოპოზიციური ფლანგი მის გარშემო გააერთიანოს, ხაბეიშვილი პასუხობს, რომ „ნაციონალური მოძრაობა“ გაერთიანდება მათთან, რომლებიც გულწრფელად არიან „ბიძინა ივანიშვილის წინააღმდეგები“.

„საზოგადოება მარტივად გაარჩევს ვინ არის ნამდვილი ოპოზიციონერი, ვინ არის ბიძინას კარის ოპოზიცია, ვის არ უნდა ერთიანობა. ვისაც დღეს ერთიანობა არ უნდა ის არის ბიძინას კარის ოპოზიციონერი. ხალხს უნდა ერთიანობა, არც ერთი პოლიტიკური პარტია არ აინტერესებთ, მათი აინტერესებთ საკუთარი ქვეყნის ევროპული მომავალი. ვიღაცები კი საკუთარი პარტიის ბანერებს ვერ ეშვებიან, ვიღაცას ახალი პარტიის შექმნა უნდა და. ა.შ.

ჩვენთვის მთავარია, ერთიანობა. ჩვენ იმ ადამიანებთან გავერთიანდებით, რომლებიც გულწრფელად არიან ბიძინა ივანიშვილის წინააღმდეგები და არა თამაშ-თამაშიც, ცეკვა-ცეკვით და ერთი ადგილის თამაშით“, – განაცხადა ხაბეიშვილმა.

ხაბეიშვილის თქმით, სალომე ზურაბიშვილს 31 მარტამდე აქვს დრო აზრის შესაცვლელად, რომ „ერთიანობა კარგია“.

„მიუხედავად იმისა, რომ 2018 წელს, სპეცოპერაცია იყო – არჩევნები გაყალბდა, როცა სალომე ზურაბიშვილი გახადეს პრეზიდენტი და ია კერძაიას მკვლელობა არავის დაავიწყდეს, საქართველოს საუკეთესო ინტერესებიდან გამომდინარე, ჩვენ ვთანამშრომლობდით. 31 მარტამდე არის კიდევ სივრცე თუ აზრს არ შეიცვლის, რომ ერთიანობა კარგია, ჩვენ არავისთან პრობლემა არ გვექნება. პროცესი, სადაც გვეუბნებიან, რომ დაქსაქსულობა კარგია და ერთიანობა ცუდია, ასე არ გამოვა. ვიღაცებს ატყუებდნენ, ვითომ ოპოზიციონერია, ამ დროს ბიძინა ივანიშვილის საქმეს აკეთებდნენ და პარლამენტიდან არ გამოდიოდნენ, მაგალითად. ბევრი დაგროვდა. ყველაფერს აქვს საზღვარი. ახლა ერთგვარი გადატვირთვა მოხდება და ადამიანებმა უნდა გაარჩიონ, ვინ არის ნამდვილი ოპოზიციონერი და ვინ ფულისტი, ვინ არის დაქსაქსულობის და ვინ ერთიანობის მომხრე“,- განაცხადა ხაბეიშვილმა.