სახალხო დამცველი ეხმიანება საჯარო დაწესებულებებში დასაქმებულ პირთა, მათ შორის, საჯარო მოხელეთა შრომითი უფლებების საკითხს და განმარტავს, რომ საჯარო სამსახურში მიღებული ნებისმიერი საკადრო გადაწყვეტილება სრულად უნდა შეესაბამებოდეს შრომის უფლების დაცვის კონსტიტუციურ გარანტიებს.

როგორც სახალხო დამცველის განცხადებაშია აღნიშნული, „უმნიშვნელოვანესია თანასწორობის პრინციპის დაცვა და დაუშვებელია საჯარო სამსახურში დასაქმებულთა გათავისუფლება მათ მიერ ღიად გამოხატული სამოქალაქო პოზიციისა თუ მოსაზრებების გამო“.

„2024 წლის დეკემბრიდან, საჯარო წყაროებში გავრცელებული ინფორმაციის საფუძველზე, სახალხო დამცველის აპარატი პროაქტიულად შეეხმიანა სამსახურიდან გათავისუფლებულ 41 პირს და დეტალური ინფორმაცია მიაწოდა საქმისწარმოების პროცედურებისა და აპარატისთვის მომართვის თაობაზე. საგულისხმოა, რომ გათავისუფლებულების ნაწილი უფლების დასაცავად სასამართლოსთვის მიმართვას გეგმავს. ხოლო ნაწილმა სახალხო დამცველის აპარატს მომართა და მოცემული ეტაპისთვის აპარატი შეისწავლის შრომით ურთიერთობაში სავარაუდო დისკრიმინაციის 8 საქმეს, რომელიც ჯამში 15 პირს მიემართება.

სახალხო დამცველი ხაზს უსვამს აზრის გამოხატვის თავისუფლების მნიშვნელობას და აღნიშნავს, რომ უფლებადარღვეული სუბიექტების პოზიციებსა და მათ ხელთ არსებულ მტკიცებულებებს საქმის გადაწყვეტისთვის არსებითი მნიშვნელობა აქვს.

ზემოაღნიშნულიდან გამომდინარე, საჯარო დაწესებულებებში დასაქმებულთა მიმართ განსხვავებული მოსაზრების ნიშნით დისკრიმინაციული მოპყრობის შემთხვევაში, მომართეთ სახალხო დამცველის აპარატს.

დამატებით გაცნობებთ, რომ განცხადების წარმოდგენა შესაძლებელია დისტანციურად შემდეგ ელ-ფოსტაზე: info@pdo.ge

კითხვების არსებობის შემთხვევაში ან/და კონსულტაციის მიზნით, დაუკავშირდით სახალხო დამცველის აპარატის ცხელ ხაზს – 1481“,-აღნიშნულია სახალხო დამცველის განცხადებაში.

ვაპირებთ 64-ვე მუნიციპალიტეტში როგორც მერის, ასევე საკრებულოს არჩევნების მოგებას. ამისთვის გვაქვს ყველანაირი საფუძველი, – ამის შესახებ საქართველოს პრემიერ-მინისტრმა, ირაკლი კობახიძემ პირველ არხთან ინტერვიუში განაცხადა.

რაც შეეხება თბილისის მერის არჩევნებს, პრემიერის თქმით, კახა კალაძის კანდიდატურა არის უალტერნატივო.

„მოლოდინები გვაქვს ძალიან ოპტიმისტური. ვაპირებთ 64-ვე მუნიციპალიტეტში როგორც მერის, ასევე საკრებულოს არჩევნების მოგებას. ამისთვის გვაქვს ყველანაირი საფუძველი, მათ შორის, შეგიძლიათ, გადახედოთ წინა არჩევნების შედეგებს მუნიციპალიტეტების მიხედვით და დარწმუნდებით, რომ აბსოლუტურ უმრავლესობაში საერთოდ კონკურენციასაც კი ვერავინ გაგვიწევს. რაც შეეხება სოციოლოგიურ კვლევას, ჩვენი კვლევის შედეგები არის იმის იდენტური, რაც იყო ბოლო კვლევაში დაფიქსირებული და არის მცირე გაუმჯობესებაც კი. იმდენად ჩამოშლილია ოპოზიცია, რომ მათი მხარდაჭერები არის მოკლებული. წინა არჩევნებზე ჩვენ ქვეყნის მასშტაბით ავიღეთ დაახლოებით 54,5%. ამაზე უკეთეს შედეგს ველოდებით ბოლო კვლევიდან გამომდინარე, რომელსაც ვადარებთ არჩევნებამდე ბოლო კვლევას. ამიტომ, ვფიქრობთ, რომ 64-ვე მუნიციპალიტეტში მოვიგებთ, როგორც მერის, ასევე საკრებულოს არჩევნებს.

რაც შეეხება თბილისის მერის არჩევნებს, მე ვერ გავუსწრებ წინ მოვლენებს, რადგან გვაქვს ჩვენი პროცედურები. პოლიტიკური საბჭო იღებს გადაწყვეტილებას ამ თემაზე, თუმცა ჩემი პოზიცია შემიძლია დავაფიქსირო, რომ ყველაფრის გათვალისწინებით, მათ შორის, პერსონალური რეიტინგის, გაკეთებული საქმეების გათვალისწინებით, მე ვფიქრობ, რომ კახა კალაძის კანდიდატურა არის უალტერნატივო. ვნახოთ, რა გადაწყვეტილებას მიიღებს პოლიტიკური საბჭო. თქვენ იცით, რომ მერობაზე არ არის არავითარი შეზღუდვა და საერთაშორისო პრაქტიკაც ეგ არის, ანუ განუსაზღვრელი რაოდენობით არის შესაძლებელი კენჭისყრა მუნიციპალიტეტის მერის პოზიციაზე. ნებისმიერ ქვეყანაში ასეა და ასეა საქართველოშიც. შეგვიძლია გავიხსენოთ ის საქმეები, რაც გაკეთდა თბილისში, სხვადასხვა მიმართულებით, მარტო რად ღირს რეკრეაცია, გამწვანების მიმართულება, ქუჩებისა და გამზირების მოწესრიგება. მიუხედავად იმისა, რომ ავტომობილების რაოდენობა გაზრდილია 3-ჯერ, 2012 წლის შემდეგ, რეალურად, მუდმივ რეჟიმში მიმდინარეობს მუშაობა, რათა ამან არ მოახდინოს მოძრაობის არსებითად ბლოკირება ჩვენს დედაქალაქში. ამისთვის სერიოზული ცვლილებები გატარდა ტრანსპორტის სფეროში და სამომავლოდაც ვფიქრობ, რომ ძალიან ძლიერი პროგრამა ექნება წარმოდგენილი კახა კალაძეს ამ მხრივ. შესაბამისად, ვფიქრობთ, რომ პირველ რიგში თბილისში და ყველა სხვა მუნიციპალიტეტში მოვიგებთ მერის არჩევნებს, საკრებულოს არჩევნებს. ოპოზიციას არავითარი რესურსი არ აქვს, რომ რაიმე არსებითი კონკურენცია გაგვიწიოს. შეგახსენებთ, რომ წინა არჩევნებზე მეორე ადგილზე გასულ პარტიას მოვუგეთ 900 000-ზე მეტი ხმით, სულ 2 100 000-ზე ნაკლებმა ამომრჩეველმა მიიღო მონაწილეობა არჩევნებში და 900 000-ზე მეტი ხმით მოვუგეთ მეორე ადგილზე გასულ პარტიას. ასეთ პირობებში, გასაგებია, რაც იქნება არჩევნების შედეგები“, – განაცხადა პრემიერ-მინისტრმა.

ვფიქრობ, რომ პერსონალური რეიტინგის, გაკეთებული საქმეების გათვალისწინებით, კახა კალაძის კანდიდატურა თბილისის მერის არჩევნებზე არის უალტერნატივო, – ამის შესახებ საქართველოს პრემიერ-მინისტრმა, ირაკლი კობახიძემ საქართველოს პირველი არხის გადაცემაში „დღის თემა“ განაცხადა.

მისივე განმარტებით, კანდიდატურის დაყენების შესახებ გადაწყვეტილებას პოლიტიკური საბჭო იღებს.

„რაც შეეხება თბილისის მერის არჩევნებს, მე ვერ გავუსწრებ წინ მოვლენებს, რადგან გვაქვს ჩვენი პროცედურები. პოლიტიკური საბჭო იღებს გადაწყვეტილებას ამ თემაზე, თუმცა ჩემი პოზიცია შემიძლია დავაფიქსირო, რომ ყველაფრის გათვალისწინებით, მათ შორის, პერსონალური რეიტინგის, გაკეთებული საქმეების გათვალისწინებით, ვფიქრობ, რომ კახა კალაძის კანდიდატურა არის უალტერნატივო. ვნახოთ, პოლიტიკური საბჭო რა გადაწყვეტილებას მიიღებს. თქვენ იცით, რომ მერობაზე არ არის არავითარი შეზღუდვა და საერთაშორისო პრაქტიკაც ეგ არის, ანუ განუსაზღვრელი რაოდენობით არის შესაძლებელი კენჭისყრა მუნიციპალიტეტის მერის პოზიციაზე. ნებისმიერ ქვეყანაში ასეა და ასეა საქართველოშიც. შეგვიძლია, გავიხსენოთ ის საქმეები, რაც გაკეთდა თბილისში, სხვადასხვა მიმართულებით, მარტო რად ღირს რეკრეაცია, გამწვანების მიმართულება, ქუჩებისა და გამზირების მოწესრიგება. მიუხედავად იმისა, რომ ავტომობილების რაოდენობა გაზრდილია სამჯერ, 2012 წლის შემდეგ, რეალურად, მუდმივ რეჟიმში მიმდინარეობს მუშაობა, რათა ამან არ მოახდინოს მოძრაობის არსებითად ბლოკირება ჩვენს დედაქალაქში. ამისთვის სერიოზული ცვლილებები გატარდა ტრანსპორტის სფეროში და სამომავლოდაც ვფიქრობ, რომ ძალიან ძლიერი პროგრამა ექნება წარმოდგენილი კახა კალაძეს ამ მხრივ. შესაბამისად, ვფიქრობთ, რომ პირველ რიგში თბილისში და ყველა სხვა მუნიციპალიტეტში მოვიგებთ მერის არჩევნებს, საკრებულოს არჩევნებს. ოპოზიციას არავითარი რესურსი არ აქვს, რაიმე არსებითი კონკურენცია გაგვიწიოს. შეგახსენებთ, რომ წინა არჩევნებზე მეორე ადგილზე გასულ პარტიას მოვუგეთ 900 000-ზე მეტი ხმით, სულ 2 100 000-ზე ნაკლებმა ამომრჩეველმა მიიღო მონაწილეობა არჩევნებში და 900 000-ზე მეტი ხმით მოვუგეთ მეორე ადგილზე გასულ პარტიას. ასეთ პირობებში, გასაგებია, რაც იქნება არჩევნების შედეგები“, – განაცხადა პრემიერ-მინისტრმა.

პირდაპირ გამოდიოდნენ პოლიტიკოსები, პარტიები, წამყვანი ოპოზიციური რადიკალური პარტიები და პირდაპირ ამბობდნენ ტყუილს, რასაც შეიძლებოდა მოჰყოლოდა მძიმე შედეგი ჩვენი ქვეყნისთვის და გვემუქრებოდნენ ამის საფუძველზე გარედან სანქციებით და ა.შ. რომ საქართველო იყო შავი ხვრელი, რუსული სანქციების თავიდან არიდება ხდებოდა საქართველოს მეშვეობით და ა.შ. რაც მერე დადასტურდა, რომ იყო აბსოლუტური ტყუილი, – ამის შესახებ საქართველოს პრემიერ-მინისტრმა, ირაკლი კობახიძემ პირველ არხთან ინტერვიუში განაცხადა.

პრემიერის შეფასებით, ეს დანაშაულია პოლიტიკური გაგებით და პროკურატურა იმსჯელებს სამართლებრივ მხარეზე.

„ევროპარლამენტში რა სამარცხვინო ტექსტებიც იწერებოდა, ყველაფერი კამპანიების და პირდაპირი ჩართულობის საფუძველზე ხდებოდა. ამით ტრაბახობდნენ, ამაყობდნენ კონკრეტული ადამიანები. იქ ესტონეთის სანქციები, იქ დიდი ბრიტანეთის სანქციები, ამერიკის, ლიეტუვის სანქციები. ამით ამაყობენ დღემდე. ეს ხომ არის მტრული გადაწყვეტილება ჩვენი ქვეყნის მიმართ. როდესაც ესტონეთის ხელისუფლება ასანქცირებს უმაღლესი თანამდებობის პირებს, მათ შორის, პრემიერ-მინისტრს, ვიცე-პრემიერს, შინაგან საქმეთა მინისტრს და .ა.შ. ეს ხომ არ არის ინდივიდუალური სანქცია, რომ ვიღაცამ რაღაც დანაშაული ჩაიდინა, ან ადმინისტრაციული გადაცდომა და დაასანქცირე. პრემიერ-მინისტრის, ვიცე-პრემიერის დასანქცირება, ეს ნიშნავს პირდაპირ პოლიტიკურ დემარშს და პოლიტიკურ თავდასხმას სხვა სახელმწიფოზე. მტრობის აქტია ეს სინამდვილეში თავისი არსით. ჩვენ რომ დავასანქციროთ რომელიმე სხვა ქვეყნის პრემიერ-მინისტრი ან პრეზიდენტი, ეს არის რეალურად ომის გამოცხადება, პოლიტიკურ, დიპლომატიურ ენაზე ეს არის ომის გამოცხადება. ეს არის მტრული აქტი პირდაპირი გაგებით, პოლიტიკური და დიპლომატიური თვალსაზრისით სხვა ქვეყნის მიმართ და შენ აცხადებ, რომ საქართველოს წინააღმდეგ მტრული აქტის გამოცემაში იღებდი მონაწილეობას. ამას აცხადებენ კონკრეტული „ენჯეოები“, პოლიტიკოსები. ეს არის პოლიტიკური სურათი. ეს არის პროკურატურის საქმე, ამას სჭირდება სამართლებრივი არგუმენტები, მტკიცებულებები. როდესაც ეს ადამიანები წუხან და ქილიკობენ, მათ შორის, ამ სისხლის სამართლის საქმეებთან დაკავშირებით, მინიმუმ პოლიტიკურად ყველაფერი დევს ხელის გულზე, მტრული საქმიანობის მხარდაჭერაც, საბოტაჟიც, დაფინანსების მიღება ეროვნული ინტერესების წინააღმდეგ და ა.შ. ეს არის შემდგარი ფაქტი, მათ შორის, რაც დაადასტურა ამერიკის ახალმა ადმინისტრაციამ“, – განაცხადა პრემიერ-მინისტრმა.

რაც შეეხება ცხრა პუნქტს, აქ პირდაპირ ითქვა ტყუილი, რეალურად, იყო ორი მოთხოვნა, რომელიც ასე პირდაპირ არ გამომდინარეობდა რეკომენდაციების ტექსტიდან, მაგრამ მერე იყო ინტერპრეტირებული ევროკავშირის ჩინოვნიკების მხრიდან, ეს ეხებოდა ცესკო-ს და სასამართლოს, – ამის შესახებ საქართველოს პრემიერ-მინისტრმა, ირაკლი კობახიძემ საზოგადოებრივი მაუწყებლის ეთერში, გადაცემაში „დღის თემა“ განაცხადა.

მისივე თქმით, მათ სურდათ სახელმწიფო სუვერენიტეტის დათმობა სასამართლო ხელისუფლების ნაწილში და ცესკო-ს გადაცემა ოპოზიციისთვის, მათ შორის, ცესკო-ს თავმჯდომარის მოვალეობის შემსრულებელი უნდა ყოფილიყო „ლელოს“ პოლიტსაბჭოს წევრი, როცა პირდაპირი სამართლებრივი რეკომენდაციებია, რომ ნეიტრალური უნდა იყოს ცესკო-ს თავმჯდომარე.

„ერთ შემთხვევაში უნდოდათ სახელმწიფო სუვერენიტეტის დათმობა სასამართლო ხელისუფლების ნაწილში, ანუ საუბარი იყო ე.წ. ვეტინგზე. „ვეტინგი“ ნიშნავს იმას, რომ ჩამოდიან უცხოელები, რომლებსაც შეუძლიათ, თანამდებობიდან გაუშვან და, ასევე, დანიშნონ ნებისმიერი მოსამართლე. ასეთ რამეზე დათანხმება არაფრის ფასად არ ღირს. მეორე მოთხოვნა იყო ცესკო-ს გადაცემა ოპოზიციისთვის. რეალურად, ითხოვდნენ კვალიფიციურ უმრავლესობას, კვალიფიციური უმრავლესობის წესით ცესკო-ს წევრების არჩევას პარლამენტის მიერ, რაც ნიშნავდა იმას, რომ სამ წევრს ვერ ვირჩევდით პარლამენტში, შესაბამისად, ოპოზიცია რჩებოდა უმრავლესობაში ცესკო-ში, წარმოიდგინეთ ოპოზიცია უმრავლესობით რომ იყოს წარმოდგენილი ცესკო-ში და თავმჯდომარის მოვალეობის შემსრულებელი ხდებოდა ოპოზიციონერი, „ლელოს“ პოლიტსაბჭოს წევრი, როდესაც პირდაპირი რეკომენდაციებია სამართლებრივი, რომ ნეიტრალური უნდა იყოს ცესკო-ს თავმჯდომარე, რაც ლოგიკურია. პირდაპირ გვითხრა ვენეციის კომისიამ ეს სიგიჟე, შემდეგ ამას დაემატა ევროკავშირი, ჩინოვნიკები და ა.შ. ისინი გვეუბნებოდნენ, რომ ცესკო-ს თავმჯდომარის მოვალეობის შემსრულებელი უნდა ყოფილიყო „ლელოს“ პოლიტსაბჭოს წევრი და რადიკალურ ოპოზიციას უნდა ჰქონოდა უმრავლესობა ცესკო-ში. ეს იყო ორი მოთხოვნა, რომელიც არ შევასრულეთ. დანარჩენზე საზოგადოებამ იმსჯელოს, უნდა შეგვესრულებინა თუ არა. ყველაფერი დანარჩენი შევასრულეთ აბსოლუტურად კეთილსინდისიერად. აქედანაც ჩანს, რომ იქ არავის აინტერესებდა არც რეფორმა, არც სხვა რამ, ევროპელი ჩინოვნიკები რასაც საუბრობდნენ, ეს იყო პირდაპირი ან ირიბი ფორმით კოლექტიური „ნაცმოძრაობისთვის“ ხელისუფლების დათმობა. ეს არ გავაკეთეთ და მერე გამოვიდნენ პირდაპირი საარჩევნო მოწოდებებით, არჩევნებამდე ერთი კვირით ადრე. არ არის ეს ჯანსაღი დამოკიდებულება დამოუკიდებელი სახელმწიფოს მიმართ. ჩვენ რისთვის ვიბრძოდით 80-90-იან წლებში და მოგვიანებით? მუდმივად გვიწევს ბრძოლა ერთადერთი რამისთვის, ეს არის ჩვენი დამოუკიდებლობის, სუვერენიტეტის შენარჩუნება. ასეთ დროს მოდის ვიღაც ჩინოვნიკი და გეუბნება, რომ პირდაპირ, მარტივად უნდა დათმო შენი სუვერენიტეტი, ეს არ არის ჯანსაღი მიდგომა და ამაზე ვერავის გავყვებით, მათ შორის, ვერც ევროპელ ჩინოვნიკებს“, – აღნიშნა პრემიერმა.

რაც შეეხება ევროინტეგრაციას და მოლაპარაკებების გახსნას, არის რთული მოცემულობა,  ევროპული ბიუროკრატია არის საკუთარი განცხადებების მძევალი და არ იციან, როგორ გათავისუფლდნენ ამ განცხადებებისგან, – ამის შესახებ საქართველოს პრემიერ-მინისტრმა ირაკლი კობახიძემ პირველ არხთან ინტერვიუში განაცხადა.

პრემიერის თქმით, ევროკავშირის ელჩმა არჩევნებამდე რამდენიმე დღით ადრე პირდაპირ უთხრა ქართველ ამომრჩეველს, რომ თუ გაიმარჯვებდა „ქართული ოცნება” და ხელისუფლებაში არ დაბრუნდებოდა კოლექტიური „ნაცმოძრაობა”, ევროინტეგრაცია იქნებოდა შეჩერებული.

„რაც შეეხება ევროინტეგრაციას და მოლაპარაკებების გახსნას, არის რთული მოცემულობა და ამ შემთხვევაში ევროპული ბიუროკრატია არის საკუთარი განცხადებების მძევალი და არ იციან, როგორ გათავისუფლდნენ ამ განცხადებებისგან. ევროკავშირის ელჩი გამოვიდა პირდაპირ, არჩევნებამდე რამდენიმე დღით ადრე და ასეთი რამ უთხრა ამომრჩეველს, რომ თუ არ იაქტიურებდნენ და გაიმარჯვებდა „ქართული ოცნება” და ხელისუფლებაში არ დაბრუნდებოდა კოლექტიური „ნაცმოძრაობა”, ჩვენი ევროინტეგრაცია იყო შეჩერებული. მან თქვა, რომ არსებული ხელისუფლების პირობებში იყო შეჩერებული ევროინტეგრაცია. მან აქვე დაამატა, რომ უნდა იაქტიუროთ არჩევნების დღეს იმისათვის, რომ შეცვალოთ ეს მოცემულობა. ანუ, პირდაპირ უთხრა ამომრჩეველს, რომ თუ „ქართული ოცნება” დარჩებოდა ხელისუფლებაში, ამ შემთხვევაში, დარჩებოდა შეჩერებულ მდგომარეობაში ევროინტეგრაციის პროცესი და მხოლოდ იმ შემთხვევაში შეიძლებოდა აღდგენილიყო ეს შეჩერებული პროცესი, თუ ხელისუფლებაში დაბრუნდებოდა კოლექტიური „ნაციონალური მოძრაობა”, – განაცხადა პრემიერ-მინისტრმა.