გიორგი ვოლსკი ეხმიანება არასამთავრობო ორგანიზაციების მიერ დაანონსებულ აქციას, რომელიც „მეგობარი აქტის” მხარდასაჭერად დაორგანიზდა. პარლამენტის თავმჯდომარის პირველი მოადგილის თქმით, ეს არის უსამშობლოთა აღლუმი, რომელიც უშედეგოდ დასრულდება.

„თავად „მეგობარი აქტზე“ თუ ვისაუბრებთ რასაკვირველია გამოჩნდება მთელი რიგი უზუსტობები, უსამართლობა და ორმაგი სტანდარტი. არ შეიძლება ხელისუფლებას, რომელიც დღეს მართავს საქართველოს, უწოდო ანტიევროპული, ანტიდასავლური, მაშინ როდესაც ამდენი ხნის მანძილზე ელოლიავებოდი ხელისუფლებას, რომელიც ტანჯავდა ადამიანებს, სიცოცხლეს, ღირსებას და ჯანმრთელობას ართმევდა, პირად ქონებას ართმევდა, საკუთრებას ართმევდა და პრაქტიკულად არავითარი დემოკრატიული და ევროპული იმ ხელისუფლებას არ ეტყობოდა, განსაკუთრებით მას მერე, რაც 20% დათმო ტერიტორიების და დღესაც ოკუპაციის ქვეშ არის. აი ამ რეალობასთან შეჭიდებულები ვართ დღეს, აი ამ მძიმე მემკვიდრეობით მოვედით დღევანდელ დღემდე, სტაბილურობა შევინარჩუნეთ და რასაკვირველია ცა და დედამიწაა განსხვავება იმ რეალობაში, რაც დღეს არის, იმ რეალობისაგან განსხვავებულია, რაც 2012 წლამდე გვქონდა, – აღნიშნა გიორგი ვოლსკიმ.

მისივე თქმით, ის ადამიანები, ვისაც სურს, რომ აქტმა დღის სინათლე იხილოს, იგივე ადამიანები არიან, ვინც დემოკრატიის შუქურას უწოდებდნენ მიხეილ სააკაშვილს.

მანვე აღნიშნა, რომ გამოხმაურებას, რომელიც „მეგობარი აქტს“ მოჰყვა, ერთი სახელი შეიძლება ეწოდოს მხოლოდ – ეს არის უსამშობლოთა აღლუმი.

„ადამიანების ჯგუფი ვინც აი ამას განაპირობებს, ორგანიზებას უკეთებს, სურს ყოველ შემთხვევაში, რომ ამ აქტმა დღის სინათლე ნახოს, რასაკვირველია ეს იგივე ადამიანები არიან, ვინც დემოკრატიის შუქურას უწოდებდნენ მიხეილ სააკაშვილს. აქედან გამომდინარე უსამართლობაზე შეიძლება გავაკეთოთ აქცენტი. რაც შეეხება აქ გამოხმაურებას და ესეთ გაცხოველებულ და გააფთრებულ ტაშ-ფანდურს, რომელსაც ჩვენ ახლა თვალყურს ვადევნებთ, ერთი სახელი შეიძლება ეწოდოს მხოლოდ – ეს არის უსამშობლოთა რაღაც აღლუმი, რომელიც მე მაინც მგონია, რომ დამთავრდება უშედეგოდ. არასამთავრობო ორგანიზაციებმა არათუ კიდევ ერთხელ გამოავლინეს საკუთარი თავი, როგორც პოლიტიკურ ველზე მებრძოლებმა, არამედ უკვე ლიდერებად იქცნენ და ამ ლიდერობას პრაქტიკულად ვერც ვერავინ ვერ წაართმევს პოლიტიკური პარტიებიდან. მდიდრებიც არიან, უშველებელი რესურსია მობილიზებული და კვლავ სიტყვა, სათაური „დიფ სთეითი“ გამოდის წინა პლანზე. საქართველო ინარჩუნებს დამოუკიდებელ მმართველობის პრინციპებს და აი ამ რეალობას ვერ უსწორებენ თვალს და ებრძვიან ამ რეალობას. ეს არის ფაქტი. სამწუხარო ფაქტია, მაგრამ დარწმუნებული ვარ ამას გარკვეული შეფასებები ექნება, რადიკალურად განსხვავებული იმისგან, რაც ჩვენს ეგრეთწოდებულ ოპოზიციას გააჩნია, მათ შორის საერთაშორისო დონეზე“, – განაცხადა გიორგი ვოლსკიმ.

არასამთავრობო ორგანიზაციები მორიგი პერფორმანსისთვის ემზადებიან. საქართველოს წინააღმდეგ მიმართული აქტის განხილვის მხარდასაჭერად, ოპოზიცია თბილისში შეკრებას და დოკუმენტში გამოთქმული ცრუ შეხედულებების მხარდაჭერას გეგმავს.

არჩევნებში მონაწილეობს მიიღებენ თუ არა, ეს ერთი საკითხია, მაგრამ მთავარი საკითხი, რაც არ იცვლება ეს არის საქართველოს დაზიანებისთვის ვის უფრო უკეთესი რესურსი აქვს შეთავაზებული ამ კოლექტიური „ნაცმოძრაობის“ ფორმატში, – განაცხადა ოპოზიციაზე საუბრისას საქართველოს პარლამენტის თავმჯდომარის პირველმა მოადგილემ, გიორგი ვოლსკიმ.

„დამორჩილებისთვის, საკუთარი თავის შეთავაზება, ეს ახასიათებს ჩვენს ოპოზიციას და ჩვეულებრივ ამბად იქცა, რომ ფიცის დადება, იმასთან დაკავშირებით რომ მოემსახურებიან გარეშე ძალას, პოლიტიკურ მიზნებს, დადგებიან ცალ ფეხზე, მოიჭრიან ყურს, მოიხრიან ქედს, ეს არის ჩვეულებრივი ამბავი“, – აღნიშნა გიორგი ვოლსკიმ.

რადიკალები ვერ თანხმდებიან, მიიღებენ თუ არა მონაწილეობას თვითმმართველობის არჩევნებში. მათ, ვინც არჩევნებში მონაწილეობაზე უარი ღიად თქვეს, კოლეგებისგან იმავე პოზიციის მკაფიოდ დაფიქსირება სურთ.

რა „მეგობრულ აქტზეა“ აქ საუბარი?! ეს არის ჩვეულებრივად მტრული აქტი, რაღაც სისულელეებითა და აბსურდებით გაჟღენთილი. ამას ჩვენ მიჩვეულები ვართ, – განაცხადა საპარლამენტო უმრავლესობის წევრმა, ლევან მაჭავარიანმა აშშ-ის სენატში განსახილველ „მეგობრულ აქტზე“ საუბრისას.

„გავიხსენოთ იქ „ჰელსინკის კომისიის მუშაობა გავიხსენოთ, როდესაც აქედან ჩადიოდნენ, ე.წ. ორჯონიკიძეები – ერთ-ერთ მოსმენაზე დაპატიჟებული ჰყავდათ ქალბატონი, კაპიტანი გიგაური, რომელიც თურმე, საქართველოს სახელით საუბრობდა და აჟღერებდა იქ თურმე, რა პრობლემებია საქართველოში. კი, ბატონო, გააგრძელონ ასეთ ფარსსა და აბსურდში ცხოვრება!“, – განაცხადა მაჭავარიანმა.

აშშ-ის სენატში „მეგობრული აქტის“ განხილვის მხარდასაჭერად, მდიდარი „ენჯეოები“ მორიგი პერფორმანსისთვის ემზადებიან. საქართველოს წინააღმდეგ მიმართული აქტის განხილვისას ოპოზიცია თბილისში შეკრებას და დოკუმენტში გამოთქმული ცრუ ნარატივების მხარდაჭერას გეგმავს.

ვენეციის კომისია საქართველოს ორგანულ კანონში „საქართველოს საარჩევნო კოდექსი“ ადგილობრივი თვითმმართველობის არჩევნებთან დაკავშირებით შეტანილი ცვლილებების შესახებ დასკვნას აქვეყნებს, რომელიც ევროპის საბჭოს ადგილობრივ და რეგიონულ ხელისუფლებათა კონგრესის პრეზიდენტის, მარკ ქულსის მოთხოვნის საფუძველზე მომზადდა.

გამოქვეყნებული დასკვნის ანალიზის ნაწილში აღნიშნულია, რომ „საქართველოს საარჩევნო კოდექსში“ ცვლილებების შეტანა დაჩქარებული პროცედურული წესით მოხდა და მითითებულია, რომ საარჩევნო კანონმდებლობაში ნებისმიერი წარმატებული ცვლილება ყველა დაინტერესებულ მხარესთან საჯარო კონსულტაციების შემდეგ ფართო კონსენსუსის შედეგად უნდა განხორციელდეს.

დასკვნით ნაწილში, ვენეციის კომისია აღნიშნავს, რომ შემოთავაზებული ცვლილებები აძლიერებს მაჟორიტარულ კომპონენტს ადგილობრივ საარჩევნო კანონმდებლობაში, რამაც შესაძლოა, გამოიწვიოს მმართველი პარტიის პოზიციის შემდგომი განმტკიცება.

„მიუხედავად იმისა, რომ არ არსებობს კონკრეტული ევროპული სტანდარტები, რომლებიც ავალდებულებს კონკრეტულ საარჩევნო სისტემას ადგილობრივი საბჭოების არჩევისთვის, ეს ცვლილებები, თუ უფრო ფართო კონტექსტში განვიხილავთ, ხელს არ უწყობს პოლიტიკური პლურალიზმის წახალისებას. გარდა ამისა, მათ შეიძლება, ზიანი მიაყენონ თანასწორი ხმის მიცემის პრინციპს, განსაკუთრებით, საარჩევნო უფლების სამართლიანი განაწილებასა და საარჩევნო პროცესში თანაბარი შესაძლებლობებთან მიმართებაში“, – აღნიშნუმულია კომისიის დასკვნაში.

აღნიშნულის გათვალისწინებით, ვენეციის კომისია რამდენიმე რეკომენდაციას გასცემს:

„2024 წლის დეკემბერში მიღებული ცვლილებების გაუქმება; საარჩევნო ოლქების საზღვრების მკაცრი რეგულირება საარჩევნო კოდექსის დონეზე, რომელიც უნდა ადგენდეს მკაფიო და ობიექტურ კრიტერიუმებს საარჩევნო ოლქების განსაზღვრისთვის; მომავალი ადგილობრივი არჩევნების შემდეგ, საზღვრების დადგენის მინდობა მიუკერძოებელი სასაზღვრო ორგანოსთვის; საქართველოს საარჩევნო კოდექსში ნებისმიერი დამატებითი ცვლილება უნდა განხორციელდეს საარჩევნო სისტემის საფუძვლიანი და ყოვლისმომცველი გადახედვის ფარგლებში, რაც უზრუნველყოფს ყოვლისმომცველ რეფორმას, ხშირი და ფრაგმენტული კორექტირებების ნაცვლად, და უნდა პატივს სცემდეს საარჩევნო კანონმდებლობის სტაბილურობის პრინციპს; საარჩევნო კოდექსის ასეთი ყოვლისმომცველი გადახედვა უნდა ეფუძნებოდეს მკაფიო და ყოვლისმომცველ კანონმდებლობას, რომელიც აკმაყოფილებს საერთაშორისო ვალდებულებებსა და სტანდარტებს და პასუხობს წინა რეკომენდაციებს; ფართო კონსენსუსს ყველა შესაბამის დაინტერესებულ მხარესთან ფართო საჯარო კონსულტაციების შემდეგ; და პოლიტიკურ ვალდებულებას სრულად განახორციელოს ასეთი კანონმდებლობა კეთილსინდისიერად, ადეკვატური პროცედურული და სასამართლო გარანტიებით და საშუალებებით, რომლითაც დროულად შეფასდება ნებისმიერი სავარაუდო შეუსრულებლობა“, – ნათქვამია რეკომენდაციებში.

ამასთან, როგორც ვენეციის კომისია აღნიშნავს, რჩება საქართველოს ხელისუფლებისა და ადგილობრივი და რეგიონული ხელისუფლებების კონგრესის განკარგულებაში ამ საკითხზე შემდგომი დახმარებისთვის.