პარლამენტის ვიცე-სპიკერის, გია ვოლსკის განცხადებით, “ნაციონალური მოძრაობის” მმართვლობის დროს ჩადენილი დანაშაულები აუცილებლად არის შესასწავლი, რომელთა შორის ყველაზე დიდი დანაშაული ქვეყნის 20%-ის ოკუპირებაა.

მისი თქმით, პასუხისგება ბევრ ადამიანს მოუწევს.

“თვითონ ის ფაქტი, რომ საქართველოს ტერიტორიების 20%-ი ოკუპირებულია, რასაკვირველია, ამ დანაშაულთა შორის ყველაზე დიდი დანაშაულია. ათეულობით ადამიანი მხოლოდ იმიტომ დაიღუპა, რომ სააკაშვილი ბოლო წუთამდე გვარწმუნებდა, რომ რუსეთს არ აქვს არანაირი ინტერესი ცხინვალში თუ აფხაზეთში შემოსვლის. თვითონ ამ პერიოდის დანაშაულებია შესაფასებელი, თავი რომ დავანებოთ იმ სადისტურ სისტემურ დანაშაულებს, რომლებშიც ყველა ოპოზიციონერი პოლიტიკოსი იღებდა მონაწილეობას, რომელიც პოლიტიკურ ველზეა. მე ვფიქრობ, პასუხისგება მოუწევს ბევრ ადამიანს, მით უმეტეს, დღესაც გრძელდება მცდელობა კვლავ ეს სისტემა დაბრუნდეს მმართველობაში”, – განაცხადა გია ვოლსკიმ.

ცნობისთვის, საგაზაფხულო სესიის პირველივე კვირაში, “ქართული ოცნება” “ნაციონალური მოძრაობის” ხელისუფლების საქმიანობის შემსწავლელ კომისიას შექმნის.

საგაზაფხულო სესიის პირველივე კვირაში, “ქართული ოცნება” “ნაციონალური მოძრაობის” ხელისუფლების საქმიანობის შემსწავლელ კომისიას შექმნის. კომისია ექვსი თვე იმუშავებს და დასკვნას სექტემბერში დაამტკიცებს.

ოპოზიციაში აცხადებენ, რომ ეს ინიციატივა დღეს არსებული მოცემულობიდან გამომდინარე არასერიოზულია.

“ნაციონალური მოძრაობა” 2025 წელს, 2003-დან 2012 წლამდე პერიოდის შესწავლას არარელევანტურს უწოდებს. “ქართულ ოცნებაში” კი პასუხად აცხადებენ, რომ “ნაციონალური მოძრაობის” საქმიანობის სამართლებრივი შეფასება აუცილებელია. აქვე ამბობენ იმასაც, რომ ომის პერიოდს შეისწავლიან და გამოძიების ადრესატები სამხედრო პირები არ იქნებიან.

პარტიის “ერთიანობა – ნაციონალური მოძრაობის” პოლიტიკური საბჭოს წევრის, გიორგი ბოტკოველის თქმით, “ქართული ოცნება” საკუთარი ამომრჩევლის წინაშე ცდილობს თავის მოწონებას.

“ქართულმა ოცნებამ” თავი უნდა მოიწონოს საკუთარ ამომრჩეველთან და დაპირებების შესრულება დაიწყოს. ეს არის სამარცხვინო გადაწყვეტილება. ეს კიდევ ერთხელ არის იმ ქმედებების გაგრძელება, რასაც ისინი ახორციელებენ. საქმისთვის უნდა მიეხედათ მათ, თუმცა ქართველი ხალხი მათ საქმის კეთების საშუალებასაც აღარ მისცემს. ისინი ამ დროის განმავლობაში მხოლოდ ქვეყნისთვის ავტორიტეტის გაფუჭებით იყვნენ დაკავებულები. გამოსაძიებელი თუ რამე არსებობს ამ ქვეყანაში, ზუსტად ის კორუფციულ-მოღალატეობრივი სისტემაა, რომელიც “ქართულ ოცნებამ” ჩამოაყალიბა ქვეყანაში”, – განაცხადა გიორგი ბოტკოველმა.

პარტიის “გახარია საქართველოსთვის” პოლიტიკური საბჭოს წევრის, გიორგი შარაშიძის განცხადებით, საგამოძიებო კომისიის შექმნა ახლა არააქტუალური საკითხია.

“კომისიის შექმნა, დღეს თავისთავად არის არააქტუალური საკითხი. მაგრამ, ნებისმიერი პირი, ეს იქნება პოლიტიკოსი თუ სხვა თანამდებობის პირი, ბუნებრივია კონკრეტული დანაშაულების გამო პასუხი უნდა აგონ. როდესაც ქვეყანა დაბრუნდება დემოკრატიულ რელსებზე და ევროკავშირის წევრობის პროცესი შეუქცევადი გახდება, ეს თავისთავად ითვალისწინებს კანონის უზენაესობას ადამიანების უფლებების დაცვას”, – განაცხადა გიორგი შარაშიძემ.

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის საგანგებო და სრულუფლებიან ელჩს საქართველოში, ჭოუ ციენს შეხვდა.

პრემიერ-მინისტრმა შეხვედრაზე ელჩს კიდევ ერთხელ მიუსამძიმრა ჩინეთში მომხდარი დამანგრეველი მიწისძვრის გამო, რომელსაც მრავალი ადამიანის სიცოცხლე ემსხვერპლა და დაშავებულებს მალე გამოჯანმრთელება უსურვა.

საუბარი შეეხო საქართველოსა და ჩინეთის სტრატეგიული პარტნიორობის შეთანხმებით გათვალისწინებულ სფეროებში თანამშრომლობას და სავაჭრო-ეკონომიკური კავშირების განვითარების პოზიტიურ დინამიკას.

აღინიშნა, რომ თავისუფალი ვაჭრობის შეთანხმება და უვიზო მიმოსვლა, ასევე ხალხთაშორისი კავშირები კარგ შესაძლებლობას წარმოადგენს ორმხრივი ურთიერთობების კიდევ უფრო განვითარებისთვის. მხარეებმა დაადასტურეს მზადყოფნა შედეგზე ორიენტირებული თანამშრომლობის შემდგომი გაძლიერებისთვის. 

მხოლოდ ერთი პატარა, მაგრამ დიდი შესწორება, რომელიც უნდა შევიტანო თქვენს პრეზენტაციაში, ის არის, რომ მე არ ვარ ყოფილი პრეზიდენტი. დღესაც მე ვარ საქართველოს ერთადერთი ლეგიტიმური პრეზიდენტი, მიუხედავად მმართველი პარტიის პრეტენზიებისა ახალი პრეზიდენტის ყოლაზე, – ასე მიმართა საქართველოს ყოფილმა პრეზიდენტმა, სალომე ზურაბიშვილმა ჰადსონის ინსტიტუტის ხელმძღვანელ ჯონ ვოლტერს, რომელმაც საქართველოსთან დაკავშირებით დისკუსიის გახსნისას სალომე ზურაბიშვილი საქართველოს ყოფილ პრეზიდენტად მოიხსენია.

სალომე ზურაბიშვილის თქმით, დისკუსიაში მისი მონაწილეობის მიზანია, საქართველო „დღეს უფრო მეტად იყოს მისი მეგობრების, მხარდამჭერების გონებაში, ვიდრე ოდესმე“.

„ჩემი პრეზენტაციის მიზანია იმის თქმა, რატომ უნდა იყოს საქართველო თქვენს გონებაში, მისი მეგობრების, მხარდამჭერების გონებაში, დღეს უფრო მეტად, ვიდრე ოდესმე. ეს იმიტომ, რომ საქართველო, როგორც თქვენ აღნიშნეთ, იყო შეერთებული შტატების ერთ-ერთი უფრო უსაფრთხო, ძლიერი მეგობარი რეგიონში და რეგიონს მიღმა იმ დროს, როდესაც ჩვენ საჭირო ვიყავით ავღანეთში ან ერაყში. ჩვენ ვიყავით ერთ-ერთი ქვეყანა, რომელიც გავიდა ამ სივრცეში, რომელსაც პოსტსაბჭოთა სივრცე ჰქვია, მან გაიარა დემოკრატიის აშენების, სახელმწიფოს აშენების, სისტემის მშენებლობის ყველა ეტაპი, რომელშიც დაცული იქნებოდა ადამიანის უფლებები და თავისუფლებები. ჩვენ გვქონდა აღმავლობა და ვარდნა, მაგრამ ეს წარსული სტაბილური იყო და საქართველოს მოსახლეობა ამ დღემდე იზიარებდა თავის ლიდერებთან ევროატლანტიკურ საზოგადოებაში გაწევრიანების ამბიციას. ამ მიზნის მხარდაჭერა ყველა რეიტინგში შეადგენდა 80%-ს და მეტს ბოლო 30 წლის განმავლობაში. ასე რომ, ეს არის ის, რაც ნამდვილად ფართოდაა გაზიარებული. ეს არის ქართველი ხალხის საერთო ამბიცია, ეს არის ამბიცია, რომელიც იყო დიდი ხნის წინ, საუკუნეების წინ, შეუერთდეს ფასეულობათა საზოგადოებას, რომელიც მას ჰქონდა ევროპის ქვეყნებთან. ახლა რა მოხდა? ბოლო წლებში ეს ის მთავრობაა, რომელიც აირჩიეს იმავე პროგრამით, რომ ხელი შეუწყოს საქართველოს გზას ევროპაში, საქართველოს ევროატლანტიკურ ინტეგრაციას. ფაქტობრივად, ამ პარტიამ, უმრავლესობამ საქართველოს კონსტიტუციაში შეიტანა მუხლი, რომელიც საქართველოს ყველა ინსტიტუტს აკისრებს ვალდებულებას, მაქსიმალურად გამოიყენონ თავიანთი ძალისხმევა, ხელი შეუწყონ საქართველოს ინტეგრაციას ევროატლანტიკურ საზოგადოებაში და უცებ მმართველი პარტია, „ქართული ოცნება“ მართლაც გადაიქცევა ქართულ კოშმარად ან რუსულ ოცნებად. უფრო და უფრო აქტიური გზით აშორებს პარტნიორებს საქართველოს – ძალიან აგრესიული რიტორიკით ჩვენი ამერიკელი პარტნიორების, ევროპელი პარტნიორების წინააღმდეგ, აგრესიულია ქვეყანაში ელჩების მიმართ, როგორც თქვენ აღნიშნეთ, რუსული კანონით და სხვა კანონებით, რომლებიც ძალიან რუსულია არსითა და ფორმით, ის საქართველოს აშორებს ათწლეულების მანძილზე არსებულ რეფორმებს, ცდილობს მართლმსაჯულების სისტემის რეფორმირებას. წარადგენს ბევრ კანონს ახალი სტანდარტების დასანერგად. ეს ყველაფერი მოულოდნელად და მეტ-ნაკლებად ემთხვევა უკრაინის ომს, მაგრამ ცოტა ადრე იწყება. უცებ ჩვენ ვხედავთ შემობრუნებას ჩვენი ტრადიციული სტრატეგიული პარტნიორებიდან არასტრატეგიული პარტნიორებისკენ, რუსეთისკენ. ჩვენ მთლიანად დავკარგეთ ჩვენი მართლმსაჯულების სისტემა, არ არსებობს დამოუკიდებელი სასამართლო. დღეს საქართველოში არ არსებობს დამოუკიდებელი ინსტიტუტი, გარდა იმ პრეზიდენტისა, რომელიც მე ვარ. ამიტომ მტკიცედ უნდა გავაგრძელო ამ ლეგიტიმაციის განსახიერება. არ არსებობს დამოუკიდებელი ინსტიტუტი, რომელიც არ იმართება ერთი პარტიული წესით, რომელიც არსებობს საქართველოში. ასე რომ, სტრუქტურულად ძალიან ჰგავს იმას, რაც ხდება რუსეთში. გარდა იმისა, რომ ჩვენ გვაქვს ძალიან დიდი განსხვავება, ეს არის ის, რომ ჩვენ გვყავს ცოცხალი სამოქალაქო საზოგადოება, რომელმაც არ მიიღო ამ ერთი პარტიის კონტროლის ქვეშ მოქცევა და ძალიან ნათელი საზოგადოება, რომელმაც წინააღმდეგობა გაუწია რუსეთის კანონს არა ერთხელ, არამედ ორჯერ, რადგან მმართველმა პარტიამ ეს კანონი მეორედ შემოიღო მას შემდეგ, რაც გააუქმა და პირობა დადო, რომ აღარასოდეს შემოიღებდა. კარგად იციან ტყუილი, რაც ასევე რუსული სპეციფიკაა, შავის თეთრად და თეთრის შავად წარმოჩენა და ასე თანდათან მიჰყავთ ეს ქვეყანა იმ მიმართულებით, რაც არ სურს მოსახლეობის დიდ უმრავლესობას.

ეს მართლაც ყველაზე ორგანიზებული არჩევნების ქურდობაა, რომელიც კარგად იყო დაგეგმილი, კარგად ორგანიზებული და მხარდაჭერილი რუსების მიერ. მე ვიტყოდი, რომ ეს არის ალტერნატივა იმისა, რაც ხდება უკრაინაში, სადაც ვერ შეძლო ომის მოგება. ის, რასაც ჩვენ ვხედავთ საქართველოში, არის ის, რაც სცადეს მოლდოვაში, სხვაგვარად სცადეს რუმინეთში. ჩინეთს ძალიან ბევრი ინტერესი აქვს დაკავშირებული მმართველ პარტიასთან და შემდეგი პორტის საკითხი. ჩინელებთან დისკუსიები მიმდინარეობს. ასე რომ, არალეგიტიმური მთავრობის, პარლამენტის არაღიარების პოლიტიკა აუცილებელია, რათა მოხდეს ზეწოლა, რომელსაც სანქციები ახორციელებს მათზე, რადგან ეს ზეწოლას ახდენს არა მხოლოდ „ქართული ოცნების“ ლიდერებზე, არამედ პირველ წრეზე მათ ირგვლივ. ეს უკვე ავტოკრატიული რეჟიმია, ერთი პარტია. თქვენ უნდა დაგვეხმაროთ, უნდა ვიბრძოლოთ და მივიდეთ ახალ არჩევნებზე, რადგან არ არსებობს ასეთი ღრმა კრიზისიდან გამოსვლის სხვა ცნობილი გზა“, – განაცხადა სალომე ზურაბიშვილმა.