ყვარელში, სახელმწიფო ტყის ტერიტორიაზე, მოქალაქემ ბზის ნარგაობების დაზიანებით მოიპოვა  ტოტები (სამი ტომარა) და მის უკანონო ტრანსპორტირებას ახდენდა შემდგომი რეალიზების მიზნით.

მარტვილის მუნიციპალიტეტის სოფელ დობერაზენში, გადამოწმების მიზნით შეჩერებულ ავტომანქანაში, მოქალაქეს განთავსებული ჰქონდა უკანონოდ მოპოვებული ბზის 3 ერთეული ნერგი და ათეულობით ტოტი.

ორივე ფაქტი შეიცავს სისხლის სამართლის დანაშაულის ნიშნებს; მასალები, შემდგომი რეაგირების მიზნით, შესაბამის უწყებებში გადაიგზავნა.

ბზის მოჭრა, ამოძირკვა ან ტოტების დაზიანება დასჯადი ქმედებაა. სანქციის ოდენობა 500-დან 1000 ლარამდე ჯარიმას ითვალისწინებს, ხოლო თუ გარემოსთვის მიყენებული ზიანი  1000 ლარს აჭარბებს, საქმეს სისხლის სამართლის კვალიფიკაცია ენიჭება. გარემოსდაცვითი ზედამხედველობის დეპარტამენტის შესაბამისი სამსახურების მიერ, ბზობის დღესასწაულის მოახლოებასთან დაკავშირებით, მთელი ქვეყნის მასშტაბით, ბზის მოჭრაზე კონტროლი გამკაცრებულია.

აღდგომის დღესასწაულის მოახლოებასთან დაკავშირებით, სურსათის ეროვნულმა სააგენტომ სამომხმარებლო ბაზრის კონტროლი გაააქტიურა.

სააგენტოს ინსპექტირების ჯგუფები საბითუმო, მსხვილ და მცირე სავაჭრო ობიექტებს მთელი ქვეყნის მასშტაბით ამოწმებენ. განსაკუთრებული აქცენტი კეთდება ხორცისა და კვერცხის სარეალიზაციო ობიექტების, ასევე საკონდიტროების კონტროლზე. მოწმდება კვერცხის ვარგისიანობის ვადა, ეტიკეტირება და რეალიზაციის პირობები, ხოლო საკონდიტრო საცხობებსა და ხორცის სარეალიზაციო ობიექტებში წარმოების პროცესი, სანიტარიულ-ჰიგიენური მდგომარეობა და მიკვლევადობა.

„სადღესასწაულო დღეებში განსაკუთრებით იზრდება მოთხოვნა სურსათზე. სააგენტო სამომხმარებლო ბაზარს აქტიურად ამოწმებს და მოუწოდებს მომხმარებელს, განსაკუთრებით მაღალი რისკის სურსათის შეძენისას, ყურადღება მიაქციოს რეალიზაციის პირობებსა და ტემპერატურული რეჟიმის დაცვას,“ – აღნიშნა სურსათის უვნებლობის დეპარტამენტის უფროსმა, ვასილ კვერნაძემ.

მიმდინარე წელს სააგენტომ საცხობებში განახორციელა 522 ინსპექტირება და 42 დოკუმენტური შემოწმება, გამოვლინდა 85 სამართალდარღვევა. სახელმწიფო კონტროლი ჩატარდა კვერცხის წარმოებებში, სადაც დარღვევის მხოლოდ 2 შემთხვევა აღინიშნა. მიმდინარე შემოწმების შედეგებს სააგენტო ეტაპობრივად გაავრცელებს

ვერძი

ეცადეთ, ეს დღე ღია ცის ქვეშ, აქტიურად და მხიარულად გაატაროთ. სასურველია, დიდი ხნის უნახავ მეგობარს ესტუმროთ ან კინოში, საინტერესო ფილმი ნახოთ. ვარსკვლავები ამბობენ, რომ მთავარია შაბათ-კვირას სახლში არ დარჩეთ და რამე სასარგებლო და საინტერესო აკეთოთ.

კურო

ხელსაყრელი და ნაყოფიერი დღეა. ნებისმიერ საქმეში, რომელსაც ხელს მოჰკიდებთ, წარმატება გელით, ამიტომ გირჩევთ მომენტით ისარგებლეთ და დაასრულეთ საქმე, რომელსაც დიდი ხანია, აჭიანურებთ. ამ დღეს გადაღლა საზიანოა, ამიტომ ხშირად შეისვენეთ და თუ შესაძლებელია, ადრე დაიძინეთ.

ტყუპები

მიუხედავად იმისა, რომ სახლში ბევრი საქმე დაგიგროვდათ და შაბათ-კვირას სხვა სახის სამუშაოც უნდა დაასრულოთ, ზედმეტად ნუ გადაიღლებით. გირჩევთ, ყველაზე მნიშვნელოვანი საქმე აირჩიოთ და მთელი ყურადღება მასზე გადაიტანოთ. კარგად დაგეგმილი მუშაობით ამ დღეს ბევრის გაკეთებას შეძლებთ. ეცადეთ საღამოს დასვენებისთვის დრო გამონახოთ.

კირჩხიბი

ეცადეთ სამსახურებრივი პრობლემებისგან გათავისუფლდეთ და საყვარელ ადამიანებთან გატარებული დროით ისიამოვნოთ. ამ დღეს ყველაზე მეტად სასიამოვნო განწყობა და დადებითი ენერგიით დამუხტვა გჭირდებათ. სასიამოვნო ადამიანებთან ურთიერთობა შთაგონებით აგავსებთ.

ლომი

გირჩევთ საკუთარი პრობლემებისა და უსიამოვნებების შესახებ ოჯახის წევრებს ან მეგობრებს უამბოთ. ამ საკითხების განხილვისას შეიძლება საინტერესო იდეა დაიბადოს, რომელიც ყველა პრობლემას მოგიგვარებთ. გახსოვდეთ, რომ ზღვარგადასული ემოციურობა შეიძლება ახლობელ ადამიანთან ურთიერთობაზე უარყოფითად აისახოს.

ქალწული

ზღვარგადასული ემოციები ადამიანებთან ურთიერთობაში ხელს გიშლით. ეცადეთ, დამშვიდდეთ და ურთიერთობისთვისაც მშვიდი და პოზიტიური ადამიანები შეარჩიოთ, რომლებსაც შეუძლიათ შეცდომებზე მიგითითონ და მათი გამოსწორების გზები გასწავლონ. ნუ დაიწყებთ საქმეს, რომლის კეთებაც არ მოგწონთ, თორემ იმედგაცრუებული დარჩებით.

სასწორი

იდეა, რომელიც ამ დღეს თავში მოგივათ, მომავალში უამრავი პრობლემისგან გაგათავისუფლებთ, ამიტომ დაიმახსოვრეთ ან სადმე ჩაიწერეთ. ვარსკვლავები გირჩევენ, რომ ეს დღე ოთხ კედელში ჯდომის ნაცვლად საყვარელ ადამიანებთან ერთად, ბუნებაში ან მხიარულ წვეულებაზე გაატაროთ და გაერთოთ.

მორიელი

პოზიტიური განწყობა და ენერგიულობა საშუალებას მოგცემთ, დაგროვილ საქმეებს გაუმკლავდეთ, საყოფაცხოვრებო საკითხები მოაგვაროთ და მძიმე კვირის შემდეგ კარგად დაისვენოთ. ყურადღებით იყავით – ახლობელმა ადამიანმა შეიძლება ძველი პრობლემის მოგვარების საინტერესო გზა შემოგთავაზოთ.

მშვილდოსანი

ამ დღეს საინტერესო შეხვედრები და ახალი ნაცნობობა გელით. მთავარია, სახლში არ დარჩეთ და დრო საინტერესოდ გაატაროთ. ეცადეთ, ხალხმრავალ ადგილებს ეწვიოთ, ახალ ადამიანებს დაუკავშირდეთ და საკუთარი ჰობისთვის დრო გამონახოთ. ახლობელი ადამიანების მხარდაჭერა საშუალებას მოგცემთ, რაღაც ახალი და განსაკუთრებული შექმნათ. გირჩევთ, პირად ურთიერთობებში მეტი ინიციატივა გამოიჩინოთ და საყვარელი ადამიანი გააოცოთ.

თხის რქა

მრავალმხრივი ურთიერთობა საშუალებას მოგცემთ, რომ მნიშვნელოვანი ინფორმაცია ან საინტერესო იდეა მოისმინოთ. ასევე შეიძლება პასუხი მიიღოთ კითხვაზე, რომელიც დიდი ხანია გაწუხებთ. ეცადეთ, ოჯახს მეტი დრო და ყურადღება დაუთმოთ და დიდი ხნის უნახავ ახლობლებს ეწვიოთ.

მერწყული

დღეს თანამოაზრეების ან კოლეგებისგან ძალიან საინტერესო იდეას მოისმენთ, რომელსაც მოგვიანებით თქვენთვის სასარგებლოდ განახორციელებთ. გამონახეთ დრო ბავშვებთან ურთიერთობისთვის. მოიფიქრეთ საქმე, რომელსაც ერთად გაკეთებთ ან ერთად მოგზაურობა დაგეგმეთ. ოჯახურ წრეში დროის სასიამოვნო გატარება ენერგიით და ოპტიმიზმით აგავსებთ და მუშაობაში დაგეხმარებათ/

თევზები

მშვიდი სამუშაო დღეა. მნიშვნელოვანი სამუშაოს შესრულებას ან ადრე დაწყებული საქმის დასრულებას უჩვეულოდ ადვილად და სწრაფად შეძლებთ. ეცადეთ, პარტნიორს მეტი ყურადღება მიაქციოთ და საკუთარი გრძნობები უფრო კარგად დაანახოთ. თვითანალიზი საშუალებას მოგცემთ, საკუთარი შეცდომების მიზეზი გაარკვიოთ. გამორიცხული არ არის, რომ ზოგი ადამიანის მიმართ დამოკიდებულების შეცვლა მოგიწიოთ.