პარლამენტის წინ რუსთაველის გამზირზე საავტომობილო გზა გადაიკეტა. საკანონმდებლო ორგანოსთან იკრიბებიან აქციის მონაწილეები. „ნაციონალური მოძრაობის“ დაგეგმილი აქცია სლოგანით – „ერთად ევროპაში“ 18:00 საათზე დაიწყება.
პარლამენტის წინ მოწყობილია სცენა. იგეგმება სიტყვით გამოსვლები.
ამასთან, როგორც ცნობილია რუსთაველის მეტროსთან იკრიბებიან „ნაციონალური მოძრაობის“ ახალგაზრდული ფრთის წარმომადგენლები, რომლებიც აქციას მსვლელობით შეუერთდებიან.
ადგილზე მობილიზებულია პოლიცია.
9 აპრილი იყო ძველი და ახალი თაობის ერთობლივი გამარჯვების ზეიმი. იმ დღეს ყველა გმირი იყო, ვინც დაიღუპა, ვინც დაშავდა და ვინც საბჭოეთის ბასრ ნიჩაბს გადაურჩა. იმ დღეს ქართველმა ხალხმა 70-წლიანი ბრძოლა საკუთარი სისხლის ფასად, გამარჯვებით დაასრულა, – აცხადებს „ხალხის ძალის“ წევრი, თამარ ჩიბურდანიძე.
მისივე თქმით, დღეს, 9 აპრილის მოვლენებიდან 34 წლის შემდეგაც, სწორი ხედვები და პრინციპული გადაწყვეტილებები აუცილებელია.
„დღეს, როდესაც ახალგაზრდა თაობა ჩვენ, 9 აპრილის თაობას თავისუფლებისთვის ბრძოლისკენ მოგვიწოდებს, კარგია იმით, რომ მათში ეს სულისკვეთება არის, ოღონდ, სამწუხაროა ის ფაქტი, რომ მათ სულისკვეთებას ოპოზიციური პარტიები მხოლოდ საკუთარი მიზნებისთვის იყენებენ და არა ქვეყნისთვის. არადა, საქართველოს დღეს ნამდვილად სჭირდება ახალგაზრდული, მებრძოლი სული გონებით, განათლებით და არა ძალადობით. სჭირდება სწორი ხედვები და პრინციპული გადაწყვეტილებები, რაც აგვარიდებს იგივე მორჩილებასა და მონობას, რისგან გამოსახსნელადაც 34 წლის წინ სისხლი დაიღვარა რუსთაველზე.
დღეს სხვა რეალობის წინაშეა ჩვენი ქვეყანა. ამ პერიოდის განმავლობაში მოხდა ჩვენი არჩევანის შეფასება და არა ღირებულებების გადაფასება. ეროვნული ფასეულობები ხელშეუხებელია, იცვლება მხოლოდ ბრძოლის გზა ამ ფასეულობების შესანარჩუნებლად.
დღეს ყველანი ვრწმუნდებით იმაში, რომ დამოუკიდებლობისათვის ბრძოლა გრძელდება ახლა უკვე სხვა რეალობიდან. გვჯერა, ამ ბრძოლასაც მოვიგებთ, ოღონდ უსისხლოდ“, – აცხადებს თამარ ჩიბურდანიძე.
„წარამარა გავიხედავთ, რომ უცხოეთიდან რას გვეტყვიან. იმათ უცხოეთში რა ესმით ის, რაც ჩვენ ერს გამოვლილი აქვს. ჩვენ რატომ გვავიწყდება ვინ ვართ? ვისი გვარისანი ვართ? სულ არ მაინტერესებს რუსი რას იტყვის, ამერიკელი რას იტყვის, ჩინელი რას იტყვის, თურქი და ირანელი“, – ამის შესახებ ბოდბელმა ეპისკოპოსმა მეუფე იაკობმა ქადაგებისას განაცხადა.
მისივე თქმით, „ვიღაცეების“ წინაშე საქართველომ არ უნდა „იკეკლუცოს“.
„დღეს რა არის, რომ ვკეკლუცობთ ვიღაცეების წინაშე? ზოგს რუსზე უნდა ჩაგვაბაროს, ზოგს ევროპაზე, ზოგს იმაზე, ზოგს ამაზე. როგორ ვაბედინებთ ვიღაცას, რომ მენტორულად გველაპარაკოს? რომელია ისეთ ერი დღეს მსოფლიოში, იმის უფლებას ვაძლევდეთ. რომელი ცხოვრობს წესიერად?
ჩვენი ეკლესია ყოველთვის იქნება იქ, სადაც ქართველი ხალხია, საკმაოდ დიდი ძალა გვაქვს და ჩვენს ერთობას ვერ დაარღვევენ. არავის არ ვურჩევთ ჩვენთან თამაშს. ეს ჩვენებს ეხებათ, გარე ხალხს არ ველაპარაკები, ვინც ეკლესიის წინააღმდეგ არის და ვითომ ქართველები და ვითომ პატრიოტები რომ არიან. ჩვენ შეგვიძლია ყველას ადგილი მივუჩინოთ. ეს დღეები ვიყოთ ფრთხილად, ღმერთთან, ვინც არ იქნება, ის აუცილებლად იუდასთან იქნება“, – განაცხადა მეუფე იაკობმა.
საფრანგეთის პრეზიდენტის, ემანუელ მაკრონის განცხადებით, ევროპამ უნდა შეამციროს დამოკიდებულება აშშ-ზე და თავიდან აირიდოს აშშ-სა და ჩინეთს შორის კონფრონტაციაში ჩათრევა, – ამის შესახებ გამოცემა „პოლიტიკო“ წერს.
მაკრონის თქმით, ევროპა დიდი რისკის წინაშეა, რომ აღმოჩნდება კრიზისში, რომელიც მისი არ არის და რომელიც ხელს შეუშლის მას, ჩამოაყალიბოს სტრატეგიული ავტონომია. „პარადოქსი იმაშია, რომ პანიკით მოცულებს, გვჯერა, ამერიკის მიმდევრები ვართ“, – განაცხადა მაკრონმა.
მაკრონმა ასევე აღნიშნა: „კითხვას, რომელსაც ევროპელებმა უნდა უპასუხონ, არის თუ არა ჩვენს ინტერესში, დაჩქარდეს [კრიზისი] ტაივანზე? არა. ყველაზე ცუდი იქნებოდა, გვეფიქრა, რომ ჩვენ, ევროპელები, უნდა გავხდეთ ამ თემის მიმდევრები და მაგალითი ავიღოთ აშშ-ის დღის წესრიგისგან და ჩინეთის გადაჭარბებული რეაქციიდან“.
გამოცემის ცნობით, ემანუელ მაკრონი ასევე ამტკიცებს, რომ ევროპამ გააძლიერა თავისი დამოკიდებულება აშშ-ზე იარაღისა და ენერგიის გამო და ახლა უნდა ფოკუსირდეს ევროპული თადაცვითი ინდუსტრიის გაძლიერებაზე.
როგორც „პოლიტიკო“ წერს, მაკრონი ასევე სთავაზობს ევროპას, შეამციროს დამოკიდებულება „ამერიკული დოლარის ექსტრატერიტორიულობაზე“, რაც როგორც მოსკოვის, ასევე პეკინის მთავარი პოლიტიკური მიზანია.
„ორ სუპერძალას შორის დაძაბულობა თუ გამწვავდება, ჩვენ უნდა გავხდეთ ვასალები“, – აცხადებს მაკრონი.
კრემლის სპიკერის, დიმიტრი პესკოვის განცხადებით, რუსეთის პრეზიდენტი ვლადიმერ პუტინი მომავალ კვირას აღდგომის დღესასწაულს ტაძარში შეხვდება.
„დიახ. ის გეგმავს, რომ ტაძარში შეხვდეს“, – განაცხადა პესკოვმა.
შეგახსენებთ, გასულ წელს ვლადიმერ პუტინი აღდგომის წირვას მოსკოვის მაცხოვრის ცარიელ ტაძარში დაესწრო.
შეხვედრას მარნეულის მუნიციპალიტეტის მერი კენან ომაროვი, ქვემო ქართლში სახელმწიფო რწმუნებული გიორგი დოხტურიშვილი, მარნეულის საკრებულოს თავმჯდომარე ამირან გიორგაძე და მუნიციპალიტეტის სხვა ხელმძღვანელი პირები ესწრებოდნენ.
ვიზიტის მიზანს, იაპონიის საელჩოს ადამიანის უსაფრთხოების საგრანტო პროგრამის ფარგლებში მოპოვებული დაფინანსებით შეძენილი ნარჩენების შემკრები ტექნიკის მერიისთვის გადაცემა წარმოადგენდა.
აღსანიშნავია, რომ მარნეულის მუნიციპალიტეტის მერიის ინფრასტრუქტურის და ეკონომიკური განვითარების სამსახურის, ეკონომიკური განვითარების განყოფილების თანამშრომლების მიერ პროექტის ფარგლებში მოპოვებულმა საგრანტო თანხამ 82 243 აშშ დოლარი (ეკვივალენტი ლარში) შეადგინა.
ვიზიტის ფარგლებში, ელჩმა ადგილობრივი ხელისუფლების წარმომადგენლებთან ერთად იმირში, „გადაჭრილი გორა“ დაათვალიერა და ადგილზე გაეცნო ძეგლის ისტორიას.
მარნეული ერთ-ერთია სამ მუნიციპალიტეტს შორის, რომელიც იაპონიის საელჩოს ნარჩენების მართვის მიმართულებით საგრანტო კონკურსის ფარგლებში იაპონიის საელჩოსგან დაფინანსება მიიღო.
ლეგენდარულ კომენტატორს, ჯამლეტ ხუხაშვილს უკანასკნელ გზაზე აცილებენ. სამოქალაქო პანაშვიდზე იმყოფებოდნენ რიგითი მოქალაქეები, საზოგადო მოღვაწეები და პოლიტიკოსები.
სამძიმარზე იმყოფებოდნენ, აღმასრულებელი და საკანონმდებლო ხელისუფლების წარმომადგენლები, მათ შორის, საქართველოს პრემიერ-მინისტრი, პრეზიდენტი, პარლამენტის თავმჯდომარე და საპარლამენტო უმრავლესობის ლიდერები.
ჯამლეტ ხუხაშვილი 78 წლის ასაკში, 5 აპრილს გარდაიცვალა.
მიზნად დავისახოთ, რომ შევუდგეთ ქრისტეს, ვიაროთ იმ ვიწრო გზით, რომელიც მიმყვანებელია სასუფეველში, რათა დავემკვიდროთ იქ, სადაც ბრწყინავს მიუაჩრდილებელი დიდება და ნათელი ყოვლადწმინდისა სამებისა, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) ბზობის დღესასწაულზე სამების საკათედრო ტაძარში ქადაგებისას აღნიშნა.
„ქრისტეს მიერ საყვარელნო მამანო, ძმანო და დანო, გილოცავთ დღევანდელ დიდებულ დღესასწაულს, დღეს არის უფალი იესო ქრისტეს დიდებით შესვლა იერუსალიმში.
გადმოგცემთ სრულიად საქართველოს კათოლიკოს-პატრიარქი ილია II-ის ლოცვა-კურთხევას.
ეს დღე იყო ერთ-ერთი ყველაზე საზეიმო დღე უფალ იესო ქრისტეს მიწიერ ცხოვრებაში. მთელი იერუსალიმი შეიძრა, როდესაც შეიტყო ოთხი დღის მკვდარი ლაზარეს მკვდრეთით აღდგინების შესახებ და განიზრახეს, საზეიმოდ შეხვედროდნენ იერუსალიმში შემავალ იესო ქრისტეს.
მართლაც, როდესაც უფალი იესო ქრისტე შედის ქალაქში, მას ეგებებიან პალმის რტოებით ხელში და ფერხთით უგებენ თავიანთ შესამოსელს. ჩვენ რომ გავიგოთ ამ სიმბოლური მოქმედების მნიშვნელობა, უნდა გავიხსენოთ, რომ ძველ აღმოსავლეთში შესამოსელი ნიშნავდა გარკვეულ სულიერ მდგომარეობას. ამიტომ როდესაც შესამოსელს ვინმეს ფერხთით უგებდნენ, ეს იყო ნიშანი განსაკუთრებული მოწიწებისა, პატივისცემისა, სიყვარულისა. აი, ასე შედის უფალი ქალაქში.
თითქოს სიხარულით სავსე უნდა ყოფილიყოს მისი გული, მაგრამ სახარება გვაუწყებს, რომ როდესაც გამოჩნდა ქალაქი, უფალი ატირდა ამ სიხარულის ნაცვლად და მტირალი შედის იერუსალიმში, იმიტომ რომ მან, როგორც ყოვლის მცოდნემ, უწყის – იგივე ხალხი, იგივე ერი, რომელიც დღეს გალობს და გაიძახის – „ოსანა დავითის ძეს, კურთხეულ არს მომავალი მეუფე უფლის სახელით, მშვიდობა ცათა შინა და დიდება მაღალთა შინა – აი, ასეთი შეძახილებით ხვდებოდნენ და ზუსტად ხუთიოდე დღეში იგივე ერი იყვირებს პილატეს წინაშე: „ჯვარს აცვი, ჯვარს აცვი ეგე!“ უფალი სულიერად განჭვრეტს იმ საშინელ სასჯელს, რომელიც ელოდება იერუსალიმს და ისრაელის ერს იმისთვის, რომ მან არ მიიღო ქრისტე. რა საზარელი დღეები ელოდება მას იმპერატორ ვესპასიანეს ჟამს, როდესაც მხედართმთავარი ტიტუსი გაანადგურებს ქალაქს.
და აი, უფალი იესო ქრისტე ასეთ სიტყვებს წარმოთქვამს, ვიმეორებ, მტირალი როდესაც შედის იერუსალიმში: „ნეტავი ახლა მაინც გცოდნოდა, რა მოგანიჭებს მშვიდობას, მაგრამ ამჟამად დაფარულია ეს შენს თვალთაგან, ვინაიდან ვერ შეიცანი ჟამი შენი მოხილვისა“, – ბრძანებს უფალი იესო ქრისტე, როცა მიმართავს იერუსალიმს. ამავე დროს იგი ამბობს: „და ამიტომ, მოვლენ დღენი, როდესაც მტერი ალყაში მოგაქცევს, მუსრს გაავლებს შენს შვილებს, ქვას ქვაზე არ დატოვებს შენში, ვინაიდან ვერ შეიცანი შენი მოხილვის ჟამი“.
აი, ეს სიტყვები კარგად უნდა გვახსოვდეს ჩვენ, ძვირფასო ძმებო და დებო, ვინაიდან უფალმა ეს უთხრა არა მხოლოდ იერუსალიმს და იქ შეკრებილ ხალხს, არამედ ყოველ ჩვენგანს. „ახლა მაინც გცოდნოდა, რა მოგანიჭებს მშვიდობას”, იმიტომ რომ ეს ჟამი უფლის მოხილვისა, როცა ჩვენ გვესტუმრება უფალი თავის სულიწმიდის მადლით, განა ცოტაა ჩვენს ცხოვრებაში ასეთი დღეები თუ წუთები, როდესაც ჩვენ მიუხედავად ამისა, ვერ ვაცნობიერებთ იმას, რომ ეს არის ჩვენი გადარჩენისა და ჩვენი მშვიდობისთვის.
მრავალნაირად მოდის სულიწმიდის მადლი ადამიანთან. ეს შეიძლება იყოს დიდი ნუგეშისა და დიდი სიხარულის სახით, მაგრამ როდესაც უფალს უნდა, შეგვაჩეროს ჩვენს მრუდე, არასწორ გზებზე და ჩვენ არ შევისმენთ, არ გულისხმავყოფთ ამ ნუგეშის სახით მის მოსვლას, შეიძლება მოიხილოს უფალმან ჩვენზე სხვადასხვა განსაცდელის სახით: შეიძლება ეს იყოს მძიმე სენი, შეიძლება ეს იყოს ახლობლების დაკარგვა, შეიძლება ეს იყოს დამდაბლება და შეურაცხყოფა და ა.შ. ჩვენ, სამწუხაროდ, იმის მაგივრად, მივხვდეთ, რომ ეს ღვთისგან არის ჩვენი მშვიდობისა და გადარჩენისთვის, ვდრტვინავთ და უარვყოფთ ღმერთს, როგორც იმ ხალხმა უარყო მესია, უფალი ჩვენი იესო ქრისტე.
აი, დავიხსომოთ ეს სიტყვები: „ნეტავ ახლა მაინც გცოდნოდა შენი მოხილვის ჟამი“ და მიზნად დავისახოთ, რომ შევუდგეთ ქრისტეს, ვინაიდან მან თავად ბრძანა: „ვინც მე მემსახურება, მევე შემომიდგეს, სადაც მე ვიქნები, ჩემი მსახურიც იქ იქნება“.
გილოცავთ, ძვირფასო ძმებო და დებო, დღევანდელ დღეს, ღმერთმა გაგახაროთ, გაგაძლიეროთ, დაგლოცოთ და ამრიგად შევუდგეთ ჩვენ ქრისტეს, ვიაროთ იმ ვიწრო გზით, რომელიც მიმყვანებელია სასუფეველში, რომ დავემკვიდროთ იქ, სადაც ბრწყინავს მიუაჩრდილებელი დიდება და ნათელი ყოვლადწმინდისა სამებისა, მამისა და ძისა და სულისა წმინდისა, აწ და მარადის და უკუნითი-უკუნისამდე, ამინ!
როგორც იცით, დღეს არის 9 აპრილი. ჩვენ ახლა გადავიხდით პანაშვიდს 9 აპრილს სამშობლოსთვის თავდადებული ჩვენი ძმების და დების სულთა მოსახსენიებლად, ვილოცებთ მათი სულების ცხონებისა და ჩვენი სამშობლოს გადარჩენისთვის, დამოუკიდებლობისა და გამთლიანებისთვის, ამინ!
დღევანდელ დღესასწაულთან დაკავშირებით სრულიად საქართველოს კათოლიკოს-პატრიარქი ილია II აჯილდოებს შემდეგ სასულიერო პირებს: მღვდელი პიმენ ბანძელაძე ჯილდოვდება ოქროს ჯვრის ტარების უფლებით და აღყვანილია დეკანოზის ხარისხში, აქსიოს! მღვდელი ალექსანდრე დავითაშვილი ჯილდოვდება ოქროს ჯვრის ტარების უფლებით და აღყვანილია დეკანოზის ხარისხში, აქსიოს! მღვდელი დავით მექვაბიშვილი ჯილდოვდება ოქროს ჯვრის ტარების უფლებით და აღყვანილია დეკანოზის ხარისხში, აქსიოს! მღვდელი ანდრია ბეროშვილი ჯილდოვდება ოქროს ჯვრის ტარების უფლებით და აღყვანილია დეკანოზის ხარისხში, აქსიოს!“,- აღნიშნა მეუფე შიო მუჯირმა სამების საკათედრო ტაძარში.
აშშ-ის ყოფილი კონგრესმენი, ადამ კინზინგერი ქართველი მოსამართლეების მიერ სანქციების შესახებ გაკეთებულ განცხადებას ეხმაურება და მათ მოუწოდებს, სცადონ, რომ კორუმპირებულები არ იყვნენ.
„მოთმინებით მოისმინეთ საქართველოს მოსამართლეებო – ნუ იქნებით კორუმპირებული… იქნებ სცადოთ ეს?
რუსების მხრიდან ამ პროპაგანდაზე უკეთესს იმსახურებს ქართველი ხალხი“, – წერს ადამ კინზინგერი „ტვიტერზე“.
საქართველოს პარლამენტის თავმჯდომარის პირველი მოადგილე, სურამში პარტია “გირჩი მეტი თავისუფლების” ახალგაზრდებთან შეხვედრას ეხმიანება და აცხადებს, რომ ცალკეული ოპოზიციური ლიდერები ქვეყანას დესტაბილიზაციას და არეულობას უქადიან.
ამასთან, გიორგი ვოლსკი ამბობს იმასაც, რომ მთელს ამ რევოლუციურ სცენარს და პროცეს სათავეში, დისკრედიტირებული წარსულის მქონე ადამიანები უდგანან.
“ჩანაწერი შეიძლება მრავალნაირად გაამართლონ, რომ ამას ასე არ უთქვამს, რომ ეს არ იყო პარტიის ოფიციალური განცხადება. ეს ჩანაწერიც, რომ არ იყოს, ხომ ვიცით, რომ ძალიან ცუდ გზას დაადგა ოპოზიციის გარკვეული ნაწილი, ჩამოყალიბდა რევოლუციის კომიტეტი. ადამიანები, რომლებიც უქადიან ჩვენს ქვეყნის დესტაბილიზაციით, დაპირისპირებებით, არეულობით. ეს არის სამწუხარო რეალობა, რომელსაც თვალს ვადევნებთ. თანაც ამას ყველაფერს სათავეში სრულიად დისკრედიტირებული ადამიანები უდგანან,”-აცხადებს გიორგი ვოლსკი.
შეგახსენებთ, რომ სურამში პარტია “გირჩი მეტი თავისუფლების”ლიდერები, ახალგაზრდებს ახალგაზრდებს შეხვდნენ.
გავრცელებული ინფორმაციით, შეხვედრას 40-მდე ახალგაზრდა დაესწრო, მათ შორის იყვნენ სკოლის მოსწავლეებიც. არსებული ინფორმაციის თანახმად, ზურა გირჩი ჯაფარიძემ, შეკრიბილებს ტრენინგი ჩაუატარა, სადაც საუბარი შეეხო, საპროტესტო აქციების დაგეგმას, ხელისუფლების საწინააღმდეგო კამპანიას და როგორ მოიქცნენ აქციებზე. მათ შორის, რა საშუალებებით უნდა შეეწინააღმდეგონ, სამართალდამცველებს. თამარ შარიქაძე დეტალებით
ექსპერტი ლევან ნიკოლეიშვილი საქართველოს პრეზიდენტის, სალომე ზურაბიშვილის სხვადასხვა სფეროს ქალ წარმომადგენლებთან ოპერის თეატრში გამართულ შეხვედრას ეხმიანება.
ექსპერტი პრეზიდენტს ურჩევს, თავი დაანებოს გმირების გაუფასურების ნაბიჯებს და ბოლომდე ნუ შეაზიზღებს თავს ქართველ ხალხს.
„ჩვენს მავნებელ, რეზიდენტ პრეზიდენტს მინდა ვუთხრა და ვურჩიო, რომ აღარასოდეს შეადაროს როდიონოვის არმიას ქართული პოლიცია, ასევე თავი დაანებოს გმირების გაუფასურების ბინძურ ნაბიჯებს და თავი დაანებოს ნაცმოძრაობასთან ფლირტს, ბოლომდე ნუ შეაზიზღებს თავს ქართველ ხალხს!“, – წერს ლევან ნიკოლეიშვილი სოციალურ ქსელში.
,,ვწუხვარ, რომ 9 აპრილს მიწევს იმის დაცვა, რომ ჩვენი ერთადაერთი და უალტერნატივო მომავალი არის ევროპა, აბა, სხვა რა, ჩექმა გვინდა? ნიჩბები გვინდა? თუ არ გვახსოვს ჩვენი ისტორია,”- ამის შესახებ საქართველოს პრეზიდენტმა, სალომე ზურაბიშვილმა განაცხადა.
მისი თქმით, უნდა შევძლოთ შურის, ბოღმის და სიძულვილის დაძლევა.
„ვწუხვარ, რომ დღეს ვიღაცები აქ არ მოუშვეს და თქვეს, რომ თურმე, სასურველი არ იყო აქ ყოფნა. როგორ არ არის აქ ყოფნა სასურველი, როცა ჩვენ ვზეიმობთ 9 აპრილს და როცა პრეზიდენტი იწვევს არა პარტიულად, არა მიკერძოებულად, არამედ ყველას, რომ ეს თარიღი მაინც იყოს ჩვენი ეროვნული გაერთიანების ერთი თარიღი. ჩვენ თუ ავაშენებთ ჩვენს ერთიანობას ამდენ თარიღზე, შეიძლება, რაღაცას მივაღწიოთ კიდეც. იმაზეც ვწუხვარ, რომ 9 აპრილს მიწევს იმის დაცვა, რომ ჩვენი ერთადაერთი და უალტერნატივო მომავალი არის ევროპა, აბა, სხვა რა, ჩექმა გვინდა? ნიჩბები გვინდა? თუ არ გვახსოვს ჩვენი ისტორია. სხვა ალტერნატივა არ გვაქვს. აქედან წასვლის ირჩევენ ევროპას და მე მინდა, აქ ამოირჩიონ ევროპა, აქ მივიღოთ ევროპიდან ის, რაც გვინდა, ის, რაც წარმოადგენს ჩვენი იდენტობის გაძლიერებას და აქ გახდეს საქართველო ევროპული სახელმწიფო. უნდა შევძლოთ საერთო ინტერესების დანახვა, უნდა შევძლოთ ქვეყნის მომავლისთვის მთავარის და მეორადის გამიჯვნა, უნდა შევძლოთ პარტიულისა და ეროვნულის ერთმანეთში არ აღრევა, უნდა შევძლოთ შურის, ბოღმის და სიძულვილის დაძლევა“, – განაცხადა სალომე ზურაბიშვილმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge