Home Blog Page 225

ამ მოწვევის ევროპარლამენტში აშკარად არის ბევრი ევროპარლამენტარი, რომელიც მხარს უჭერს სიმართლეს, ხედავენ, რომ ქართველი ხალხის გადაწყვეტილებაა სუვერენიტეტის დაცვა -გურამ მაჭარაშვილი

ამ მოწვევის ევროპარლამენტში აშკარად არის ბევრი ისეთი ევროპარლამენტარი, რომელიც ევროპულმა საზოგადოებამ აირჩია და მხარს უჭერს სიმართლეს, მათ შორის საქართველოსთან მიმართებით. ის ხალხი ხედავს, რომ ქართველი ხალხის გადაწყვეტილებაა ეროვნული დროშის ქვეშ ტრადიციების მიმართულება და სუვერენიტეტის დაცვა, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.

მაჭარაშვილის თქმით, ამერიკელი ხალხის მსგავსად, ევროპულმა საზოგადოებამ ევროპარლამენტის არჩევნებშიც უმეტესად აირჩია ის ევროპარლამენტარები, რომლებიც პროცესებს სწორად აფასებენ.

გურამ მაჭარაშვილის განმარტებით, ახლა ვინმე თუ იზოლაციაში მოექცა, ეს არის სწორედ ევროკავშირის თანამდებობის პირთა უდიდესი ნაწილი.

„სამწუხაროდ, ევროპარლამენტი აქციეს ისეთ ინსტრუმენტად, რომელსაც იყენებენ ადამიანების მიმართ, რომლებიც თავიანთ ქვეყანაში მშვიდობისა და სუვერენიტეტისთვის იბრძვიან. შემდეგ აღმოჩნდებოდა, რომ მართლები ვიყავით, თუნდაც იმის გამო, რომ ევროპარლამენტარებს დააპატიმრებდნენ ხოლმე კორუფციის გამო. ეს კორუფცია გამოიხატებოდა სწორედ იმაში, რომ სხვადასხვა ქვეყნიდან სხვადასხვა ძალა ურიცხავდათ თანხებს, რათა სხვადასხვა ქვეყანაში, ამ შემთხვევაში საქართველოს წინააღმდეგ, უსამართლო განცხადებები გაეკეთებინათ. ახლაც იგივე გრძელდება, მართალია, უკვე იმდენი ძალა აღარ აქვთ და შეიძლება ითქვას, ძალა საერთოდაც აღარ აქვთ, მაგრამ, როგორც ჩანს, ბოლო საცეცებს ჯერ კიდევ ამუშავებენ, მათ შორის საქართველოს წინააღმდეგ, აბსოლუტურად უსაფუძვლოდ. ყველა კარგად ვხედავთ, რომ, ევროპული ინსტიტუტების შეფასებებით, საქართველო ყოველთვის მოწინავე ადგილზეა. კვირაში ერთხელ მაინც ქვეყნდება საერთაშორისო ინსტიტუტების შეფასება. აღარაფერს ვამბობ მსოფლიო ბანკის და სავალუტო ფონდის პროგნოზებზე. ევროპარლამენტარებს, გარდა იმისა, რომ ფულს აძლევენ ან ზეწოლას ახორციელებენ, სხვა მიზანი არ აქვთ და ზოგიერთი მათგანი, შეიძლება, საქართველოში ნამყოფი არც იყოს. ევროპარლამენტში ვინც გამოდის, შეიძლება დაიბნეს და მსოფლიო რუკაზე საქართველო ვერც იპოვოს. „დიფ სთეითის“, რომელსაც ტრამპი ამერიკაში ამთავრებს ამერიკელი ხალხის გადაწყვეტილებით, საცეცები ჯერ კიდევ არსებობს, რაც ძალიან მალე შემცირდება.

ევროპარლამენტის ამ მოწვევაში აშკარად არის ძალიან ბევრი ისეთი ევროპარლამენტარი, რომელიც ევროპულმა საზოგადოებამ აირჩია და მხარს უჭერს სიმართლეს, მათ შორის საქართველოსთან მიმართებაში. ის ხალხი ხედავს, რომ ქართველი ხალხის გადაწყვეტილებაა ეროვნული დროშის ქვეშ ტრადიციების მიმართულება და სუვერენიტეტის დაცვა. ევროპარლამენტის ამ მოწვევაში აშკარად მეტია ევროპარლემენტარი, რომელიც აკეთებს სწორ და სამართლიან განცხადებებს საქართველოსთან მიმართებაში და ესეც ზუსტად მიუთითებს, რომ, ამერიკელი ხალხის მსგავსად, ევროპულმა საზოგადოებამ ევროპარლამენტის არჩევნებშიც ისეთი ხალხი შეუშვა უმეტესად, რომელიც პროცესებს სწორად აფასებს. ახლა ვინმე თუ იზოლაციაში მოექცა, სამწუხაროდ, ეს სწორედ ევროკავშირი და მისი თანამდებობის პირების უდიდესი ნაწილია. იზოლაციაში მოექცა სწორედ იმიტომ, რომ, ამერიკელი ხალხის გადაწყვეტილებით, ამერიკის პრეზიდენტმა განაცხადა, რომ ის დგას მშვიდობის მხარეს, მაშინ როდესაც ევროკავშირი და მისი თანამდებობის პირების უმეტესი ნაწილი მხარს უჭერს ომს უკრაინაში. ამავდროულად, ევროპლამენტართა განცხადება, რომლებიც ერთსა და იმავე წრეზე ტრიალებენ, რომ უნდა გათავისუფლდეს სააკაშვილი, რაზეც უკვე თავად სააკაშვილის მომხრეებსაც აღარ აქვთ პრეტენზია, ზუსტად ნიშნავს, რომ უკვე სხვა დღის წესრიგი აღარ აქვს ამ ევროპარლამენტარს და ფული აქვს აღებული. შესაბამისად, იძულებულია, ასეთი განცხადებები გააკეთოს. ამის დრო წავიდა. ენას ძვალი არ აქვს და ამ ხალხს, როგორც ჩანს, ფული უყვარს. ის ევროპარლამენტარები, რომლებიც ასეთ უსამართლო განცხადებას აკეთებენ, არ არიან პროევროპელები, უბრალოდ ფული უყვართ, ფულს აძლევენ, არის ზეწოლა და აკეთებენ ასეთ ანტიქართულ, ანტიამერიკულ და ანტიევროპულ განცხადებებს“, – განაცხადა გურამ მაჭარაშვილმა.

პრეზიდენტი ტრამპი მართალია, ჩვენ თავდაცვაზე საკმარისს არ ვხარჯავთ – კაია კალასი 

პრეზიდენტი ტრამპი მართალია, ჩვენ თავდაცვაზე საკმარისს არ ვხარჯავთ, – ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ევროპის თავდაცვის სააგენტოში სიტყვით გამოსვლისას განაცხადა.

„პრეზიდენტი ტრამპი მართალია, როცა ამბობს, რომ ჩვენ თავდაცვაზე საკმარისს არ ვხარჯავთ. ინვესტირების დროა. ჩვენი გზავნილი უნდა იყოს ის, რომ საერთო ევროპული თავდაცვის მიმართ ჩვენი დამოკიდებულება სერიოზულია“, – განაცხადა კაია კალასმა.

მისი თქმით, აშშ ევროპის ყველაზე ძლიერ მოკავშირედ უნდა დარჩეს.

საქართველოს საბანკო სექტორი კვლავ მდგრადია, აქვს ადეკვატური ლიკვიდურობა და კარგად კაპიტალიზებული ინსტიტუტები – CFI.co

საერთაშორისო გამოცემა CFI.co სტატიაში „საქართველოს ეკონომიკური პოტენციალი: ძლიერი მხარეები, გამოწვევები და შესაძლებლობები“, რომელიც საქართველოს ეკონომიკას და ქვეყანაში განხორციელებულ რეფორმებს ეხება ეროვნული ბანკის საქმიანობას აფასებს.

როგორც ეროვნული ბანკი აღნიშნავს, გავლენიანი ბრიტანული გამოცემა წერს, რომ სებ-მა მნიშვნელოვანი ნაბიჯები გადადგა ფინანსური სტაბილურობის განსამტკიცებლად, შედეგად საქართველოს აქვს კარგად კაპიტალიზებული, ლიკვიდური და მდგრადი საბანკო სექტორი. ჟურნალისტი სებ-ის მწვანე ობლიგაციების ბაზრის განვითარების ინიციატივებზე საუბრობს, მისი შეფასებით ეროვნულმა ბანკმა ფინანსური ინოვაცია ეკონომიკური მდგრადობის გასაძლიერებლად გამოიყენა.

„საქართველოს ეროვნული ბანკი ახორციელებს ეფექტურ მონეტარულ პოლიტიკას, ბანკმა მნიშვნელოვანი ნაბიჯები გადადგა ფინანსური სტაბილურობის განსამტკიცებლად. საქართველოს საბანკო სექტორი კვლავ მდგრადია, აქვს ადეკვატური ლიკვიდურობა და კარგად კაპიტალიზებულია. გარდა ამისა, ისეთი ინიციატივები, როგორიცაა მწვანე ობლიგაციების ბაზრის განვითარება, ხაზს უსვამს მდგრადი ზრდის მიმართ სებ-ის ერთგულებას. 2022 წელს საქართველოს პირველი კორპორატიული მწვანე ობლიგაციების გამოშვება, რომელიც განახლებადი ენერგიის პროექტებზე იყო ფოკუსირებული, იმის მაგალითია, თუ როგორ გამოიყენება ფინანსური ინოვაცია ეკონომიკური მდგრადობის გასაძლიერებლად”, – აღნიშნულია სტატიაში.

პუბლიკაციაში ხაზგასმულია, ეროვნული ბანკის მნიშვნელოვანი მიღწევები უცხოური ვალუტის რყევებისა და გარე შოკების მიმართ ფინანსური სექტორის მდგრადობის საქმეში. გარდა ამისა, ბრიტანული გამოცემა დედოლარიზაციის კუთხით გატარებულ ღონისძიებებზე ამახვილებს ყურადღებას, რამაც მნიშვნელოვნად შეამცირა უცხოური ვალუტის სესხებისა და დეპოზიტების წილი.

„2017 წლიდან სებ-მა უცხოურ ვალუტაზე დამოკიდებულების შესამცირებლად სოლიდური მაკროპრუდენციული ზომები გაატარა. ამ მიზნით, სებ-მა რამდენჯერმე მიყოლებით გაზარდა ლიმიტები უცხოური ვალუტით გაცემულ არაჰეჯირებულ სესხებზე. ამ ძალისხმევამ მნიშვნელოვნად შეამცირა უცხოური ვალუტის სესხების წილი: 2010-იანი წლების დასაწყისში ეს მაჩვენებელი 80%-ს შეადგენდა, დღეს კი დაახლოებით 43%-ია. ასევე, უცხოური ვალუტის დეპოზიტების წილი, რომელიც 2010-იანი წლების დასაწყისში მსგავს დონეზე იყო, 52%-მდე შემცირდა. შედეგად, საქართველოს ფინანსური სექტორი გარე შოკების მიმართ უფრო მდგრადი გახდა.“- აღნიშნავს ბრიტანული გამოცემა.

Capital Finance International ყოველკვარტალური ჟურნალი და ონლაინ-რესურსია, რომელიც აქტიურად აშუქებს ბიზნესის, ეკონომიკის და ფინანსების საკითხებს. CFI.co 12 წლის წინ დაარსდა და მისი სათავო ოფისი ლონდონში მდებარეობს. გამოცემის ბეჭდური ვერსია ვრცელდება ისეთ მსხვილ საერთაშორისო ფორუმებზე, როგორებიცაა დავოსის ეკონომიკური ფორუმი, OECD-ის კონფერენციები, დუბაის ყოველწლიური საინვესტიციო შეხვედრები (AIM), Opal Group-ის ინვესტორთა კონფერენციები, მსოფლიოს საინვესტიციო ფორუმი და სხვა.

დონალდ ტრამპი ვოლოდიმირ ზელენსკის სამშვიდობო შეთანხმებაზე ხელმოწერას აიძულებს – Daily Star

ბრიტანული გაზეთ „დეილი სთარი“ (Daily Star) აქვეყნებს სტატიას სათაურით „დონალდ ტრამპი ვოლოდიმირ ზელენსკის სამშვიდობო შეთანხმებაზე ხელმოწერას აიძულებს“ (ავტორი – დენ გრენანი), რომელშიც ბუკინგემის უნივერსიტეტის პროფესორთან საუბარია გადმოცემული.

გთავაზობთ პუბლიკაციას შემოკლებით:

დონალდ ტრამპის ერთ-ერთი საკვანძო დაპირება იყო რუსეთ-უკრაინის ომის შეჩერება და მეომარ მხარეებს შორის მოლაპარაკების დაწყება – სამშვიდობო ხელშეკრულების დადების მიზნით. ასეთმა დაპირებამ დიდი როლი შეასრულა რესპუბლიკელი კანდიდატის არჩევნებაში გამარჯვებაში და თეთრი სახლის ოვალური კაბინეტის დაკავებაში. თუმცა თავისი ტრაბახით განთქმული პოლიტიკოსი უკვე უარი თქვა თავისი ფიცის შესრულებაზე, რომლის მიხედვით, უკრაინის ომს იგი იმავე დღეს შეწყვეტდა, როცა თავისუფალი სამყაროს ლიდერი გახდებოდა.

რასაკვირველია, 78 წლის პრეზიდენტს, როცა თეთრ სახლში შევიდა, დრო უქმად არ დაუკარგავს და უამრავ მნიშვნელოვან დოკუმენტს მოაწერა ხელი – შემოიღო საგანგებო მდგომარეობა აშშ-ის საზღვრებზე იმიგრაციის ნაკადის შესაწყვეტად, გამოიყვანა აშშ ჯანდაცვის მსოფლიო ორგანიზაციიდან და პარიზის კლიმატური შეთანხმებიდან და შეიწყალა 2020 წლის 6 იანვარს პოსტსაარჩევნო ბუნტის მონაწილეები (მისი მომხრეები) კონგრესში (კაპიტოლიუმში) შეიჭრნენ და დაარბიეს. მაგრამ პრეზიდენტს უკრაინის ომი რატომღაც არ შეუწყვეტია.

თუმცა როგორც მსოფლიოში ცნობილი სამხედრო ექსპერტი ენტონი გლისი ამბობს ბუკინგემის უნივერსიტეტიდან „დეილი სთარ“-ისათვის მიცემულ ინტერვიუში, დონალდ ტრამპის სტრატეგია უკრაინის კონფლიქტის შეწყვეტაში ეტაპობრივად, ნელ-ნელა იქნება რეალიზებული:  „მან ჯერ თქვა ერთ დღე-ღამეშიო, შემდეგ უკან დაიხია და განაცხადა – ძალიან მალეო, თუმცა იქვე დაამატა – რუსეთ-უკრაინის ომის შეჩერება ღაზას სექტორზე უფრო ძნელი იქნებაო, ბოლოს კი რამდენიმე თვეშიო. როგორც ვხედავთ, დონალდ ტრამპი და მისი გუნდი დარეგულირების პერიოდს თანდათან აგრძელებდა… საბოლოოდ კი დონალდ ტრამპის სპეცწარმომადგენელმა კიტ კელოგმა თქვა „ფოქს ნიუსის“ ინტერვიუში, რომ 100 დღეა საჭირო ომის შეწყვეტისთვისო. ამავე დროს, აღსანიშნავია, რომ ამასობაში ომი ახლო აღმოსავლეთში უკვე შეწყდა – ისრაელსა და „ჰამასს“ შორის სწორედ დონალდ ტრამპის ხელშეწყობით“, – ამბობს პროფესორი.

„მე ვფიქრობ, რომ დონალდ ტრამპი შეთანხმების ძირითად დებულებებს ჯერ ვლადიმერ პუტინს შესთავაზებს [და თუ კრემლი მათზე დათანხმდება], შემდეგ იგივე ტექსტზე ხელს ვოლოდიმირ ზელენსკის მოაწერებს და საომარი მოქმედებები გაიყინება. ვლადიმერ პუტინი შეინარჩუნებს უკვე დაკავებულ ტერიტორიებს, უკრაინა სამუდამოდ გამოემშვიდოებება ნატოში შესვლის ოცნებას და თუ ალიანსის ევროპელი წევრები მოისურვებენ, ისინი უკრაინაში – ისე როგორც ბუფერული ზონაში – განლაგდებიან იმ მიზნით და იმედით, რომ რუსეთის არმია ნატოს ქვედანაყოფებს არ შეუტევს“, – ამბობს სამხედრო ექსპერტი.

პროფესორი ებტონი გლისი აღნიშნავს, რომ დონალდ ტრამპს ვოლოდიმირ ზელენსკის „დარბილება“ სურს: იგი უნდა დათანხმდეს შეთავაზებულს, თორემ წინააღმდეგ შემთხვევაში უკრაინის პრეზიდენტი დაკარგავს იმ ქვეყანას, რომელიც, როგორც ხშირად აცხადებს ხოლმე, „მისი სამშობლოა და ძალიან უყვარს“.

როგორც ექსპერტი აღნიშნავს, ზოგჯერ აშშ-ის პრეზიდენტის მხრიდან ვოლოდიმირ ზელენსკის მიმართ საკმაო ირონია გამოიხატება: დონალდ ტრამპ-უმცროსმა (პრეზიდენტის ვაჟმა) უკრაინის პრეზიდენტს „არაადექვატური“ უწოდა, როცა მან უარი განაცხადა ინაუგურაციაზე მიწვევაზე. არადა, სამჯერ არაოფიციალურად ითხოვა მიწვევის მიცემას.

„საერთოდ კი, ვოლოდიმირ ზელენსკის ომის გაგრძელება უნდა. (…) იგი მსოფლიოს იმის შთაბეჭდილებას უნერგავს, რომ ყველგან და ყოველთვის თავისი ხალხის გვერდზე დგას. თუ მოიგებს ომს, მოიგებს მათთან ერთად, ხოლო თუ წააგებს, ისევ მათთან ერთად წააგებს. ობიექტურად თუ ვიტყვით, იგი „არადექვატური“ არ არის, არამედ გაბედული კაცია, რომელიც ევროპას მაგალითს აძლევს. ჩვენ, ბრიტანელებმა ვიცით ისტორიიდან, თუ რა საშინელებაა, როცა დიქტატორი თავისი მსხვერპლის კედელთან მიყენებას ცდილობს. ჩემი აზრით, ვოლოდიმირ ზელენსკი იარაღით ფეხზე მდგომი მოკვდება, ვიდრე დაიჩოქებს“, – ამბობს პროფესორი.

რაც შეეხება სამშვიდობო შეთანხმებაზე ხელმოწერის პერსპექტივას, პროფესორი ენტონი გლისი დარწმუნებულია, რომ ის მხოლოდ ვლადიმერ პუტინისთვის იქნება მომგებიანი, ხოლო ვოლოდიმირ ზელენსკი „მოძრავ სამიზნედ“ იქცევა მთელი თავისი დარჩენილი სიცოცხლის განმავლობაში.

„უკრაინა, სავარაუდოდ, თავის სუვერენიტეტს დაკარგავს ტერიტორიების მიმართ, რუსეთი გააგრძელებს  მის საშინაო საქმეებში ჩარევას, ვოლოდიმირ ზელენსკი კრემლის „მუდმივი სამიზნე“ გახდება. თუ ბედი გაუღიმებს, იგი შეიძლება ცოცხალი დარჩეს. მაგრამ თუ პუტინი მას მიწვდება, ვშიშობ, რომ ეს უკრაინის ლიდერის დასასრული იქნება. პუტინი მარჯვედ თამაშობს პოკერს. იგი თვლის, რომ დროთა ცვალებადობას გაუძლებს – ჯო ბაიდენი ხომ გაისტუმრა, დონალდ ტრამპსაც კიდევ ერთხელ გაისტუმრებს… ყველას ერთმანეთის მიყოლებით. გავიხსენოთ ის კომპრომატები, რომლებიც ვადიმერ პუტინს დონალდ ტრამპის მიმართ აქვს დაგროვილი. ერთ მშვენიერ დღეს, როცა შეთანხმების დადების მომენტი დადგება, ეს ყველაფერი ამოტივტივდება…“, – ასკვნის პროფესორი ენტონი გლისი ბუკინგემის უნივერსიტეტიდან.

წყარო

ლორა თორნტონი ამბობს, რომ ტრამპი „გამაუპატიურებელი და კრიმინალია“

მაკკეინის ინსტიტუტის გლობალური დემოკრატიის პროგრამების დირექტორი, ლორა თორნტონი სოციალურ ქსელ X-ში წერს, რომ აშშ-ის პრეზიდენტი, დონალდ ტრამპი „გამაუპატიურებელი და კრიმინალია“.

ეს განცხადება თორნტონმა პარტია „დროა“-ს წარმომადგენლის, მარიკა მიქიაშვილის პოსტის კომენტირებისას გააკეთა. მიქიაშვილის პოსტი ქართველების მიერ ტრამპის მხარდაჭერას ეხებოდა.

„მესმის, რომ საქართველოს ინტერესშია ქართული დემოკრატიის დაცვა. მაგრამ გაიგეთ, ის [ტრამპი] გამაუპატიურებელი და კრიმინალია, ამიტომაც, როგორც ქართველები იტყოდნენ, ბევრს ჩვენგანს ეს ყურს ჭრის, როცა ისმენენ მისი მისამართით ქებასა და დიდებას“, – წერს თორნტონი.

თბილისის მერია 100 წლის და მეტი ასაკის მოქალაქეებისთვის ერთჯერად ფინანსურ დახმარებას 10-ჯერ ზრდის – ბენეფიტი 10 000 ლარი იქნება

„100 წელს მიღწეულ მოქალაქეთათვის ერთჯერადი დახმარების“ პროგრამის ფარგლებში, თბილისში რეგისტრირებული ხანდაზმულები 1 000 ლარის ნაცვლად, 10 000 ლარს მიიღებენ.

აღნიშნული გადაწყვეტილების შესახებ დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე ისაუბრა და აღნიშნა, რომ სოციალური პროგრამების განხორციელებას მიმდინარე წლის ბიუჯეტშიც ძირითადი ადგილი დაეთმობა.

„მოგეხსენებათ, რომ დედაქალაქის ბიუჯეტში ძირითადი მიმართულება ინფრასტრუქტურულ პროექტებთან ერთად, არის სოციალური პროგრამები. ჯერ კიდევ არსებობს ოჯახები, ვისაც ჩვენი მხრიდან თანადგომა სჭირდებათ. ყველაფერს გავაკეთებთ, რომ ამ ადამიანებს ჩვენგან ხელშეწყობა ჰქონდეთ და არავინ დარჩეს პრობლემის პირისპირ. ჩვენ გვაქვს პროგრამა, როდესაც ადამიანს 100 წელი უსრულდება, დედაქალაქის მერია ჯილდოს სახით, 1 000 ლარს გადასცემს. წლების განმავლობაში ასე იყო, წელს კი მივიღეთ გადაწყვეტილება, რომ ჯილდო 10-ჯერ გაიზარდოს და 10 000 ლარი გადავცეთ 100 წელს შესრულებულებს. მინდა, ამ ადამიანებს ჯანმრთელობა და დიდხანს სიცოცხლე ვუსურვო“, – განაცხადა კახა კალაძემ.

მისივე თქმით, თბილისის მერიამ გასულ წელს ფულადი დახმარება 1 000 ლარის ოდენობით, 57 ხანდაზმულს ჩაურიცხა, მათ შორის, 23-ს ერთი საუკუნე, ხოლო 34-ს, 101 და მეტი წელი შეუსრულდა.

„მოქალაქემ ან მისმა წარმომადგენელმა, თანხის მისაღებად, თბილისის მერიის ჯანმრთელობისა და სოციალური მომსახურების საქალაქო სამსახურს განცხადებით უნდა მიმართოს. განცხადებას თან უნდა ერთოდეს 100 წელს მიღწეული მოქალაქის პირადობის დამადასტურებელი მოწმობა და ბოლო ერთი წლის განმავლობაში, თბილისში უწყვეტი რეგისტრაციის შესახებ, სამოქალაქო რეესტრის მიერ გაცემული საინფორმაციო ბარათი. იმ ხანდაზმულებს, რომლებმაც 2025 წლამდე აღნიშნული პროგრამით უკვე ისარგებლეს, განცხადების დაწერა აღარ მოუწევთ და ბენეფიტი პირდაპირ ჩაერიცხებათ“, – აღნიშნა დედაქალაქის მერმა.

შავი ზღვისა და კავკასიის რეგიონებს ახალი კრიზისები ემუქრებათ? – Cumhuriyet

თურქულ გაზეთ „ჯუმჰურიეთში“ (Cumhuriyet) გამოქვეყნებულია სტატია სათაურით „შავი ზღვისა და კავკასიის რეგიონებს ახალი კრიზისები ემუქრებათ?“, რომლის ავტორია დენიზ ბერქთაი, პოპულარული კოლუმნისტი. იგი კომენტარს უკეთებს 16 იანვარს კიევში უკრაინასა და დიდ ბრიტანეთს შორის ხელმოწერილ შეთანხმებას „ასწლიანი თანამშრომლობის შესახებ“.

გთავაზობთ პუბლიკაციას შემოკლებით:

წიგნების კითხვა და კვლევა მამაჩემმა არფარსლან ბერქთაიმ შემაყვარა, ხოლო ისტორიისადმი ინტერესი ჩემში აწ განსვენებულმა პაპაჩემმა, არმიის გენშტაბის გადამდგარმა პოლკოვნიკმა ბურედინ ბილგენმა გააღვიძა. როცა მოზარდი ვიყავი, დამიძახებდა ხოლმე თავის კაბინეტში, მიმიყვანდა წიგნებით სავსე კარადებთან, გადამიშლიდა წიგნებს და მეუბნებოდა: „ოსმალეთის იმპერიის ნამდვილი მტერი იყო არა რუსეთი, არამედ დიდი ბრიტანეთი. რუსები პირდაპირ და დაუფარავად იჩენდნენ მტრობას, დიდი ბრიტანეთი კი თურქებს ყოველთვის თავს მეგობრად აჩვენებდა, მაგრამ ყველაზე ხშირად ღალატობდა“. ჩემი მხრიდან კი მის ნათქვამს დავამატებდი: პაპაჩემის ოჯახი იძულებული იყო რუსებთან ომების შედეგად კავკასიიდან ანატოლიაში გაქცეულიყო, ანუ მან მწარედ გამოსცადა საკუთარ თავზე რუსებთან ომის შედეგები… და მაინც რუსებზე მეტად ბრიტანელებს არ ენდობოდა.

რა უნდა ბრიტანეთს უკრაინისაგან?

„საუკუნის შეთანხმებამ“, რომელიც ბრიტანეთსა და უკრაინას შორის დაიდო, პაპაჩემის სიტყვები გამახსენა. ამ დოკუმენტის თანახმად, რომელსაც ხელი ვოლოდიმირ ზელენსკიმ და კირ სტარმერმა მოაწერეს და რომელშიც არის როგორც ღია, ასევე დახურული საიდუმლო მუხლები, დიდი ბრიტანეთი, ერთი მხრივ, ვალდებულობს მხარი დაუჭიროს უკრაინის ინტეგრაციას ნატოში, ხოლო მეორე მხრივ, უკრაინა ვალდებულობს მისცეს დიდ ბრიტანეთს პრივილეგირებულ მდგომარეობას უკრაინასთან ყველა სფეროში, ენერგეტიკიდან სასარგებლო წიაღისეულის მოპოვებამდე.

როგორც გვახსოვს, რუსეთ-უკრაინის სამხედრო კონფლიქტის ჯერ კიდევ პირველ დღეებში კიევისა და მოსკოვის წარმომადგენლები, თურქეთის ინიციატივით, სტამბოლში შეიკრიბნენ და პრაქტიკულად მიაღწიეს კიდეც შეთანხმებას, მაგრამ დიდი ბრიტანეთის მაშინდელი პრემიერ-მინისტრი უცებ კიევში ჩავიდა და ვოლოდიმირ ზელენსკის „ურჩია“, რომ მოლაპარაკება შეეწყვიტა. მომდევნო თვეებში სწორედ დიდი ბრიტანეთი უშლიდა ხელს რუსებისა და უკრაინელების მოლაპარაკების განახლებას და ომიც ჩიხში შევიდა. გამოდის, რომ დიდი ბრიტანეთი ორმაგ თამაშს ეწევა: რუსეთს ასუსტებს, უკრაინაზე კი თავის პოლიტიკურ და ეკონომიკურ გავლენას ამყარებს.

ერევანი-ვაშინგტონი: მოსკოვი თვალს ადევნებს…

რაც შეეხება რუსეთის დასუსტებას… როგორც ვიცით, უკრაინასთან ომის გაჭიანურების გამო რუსეთის ხელმძღვანელობა იძულებული გახდა შეეწყვიტა სირიის მხარდაჭერა და მთელი თავისი ძალები უკრაინის ფრონტზე გადაესროლა. ჩვენ იმასაც ვწერდით, რომ თუ უკრაინის კონფლიქტი გაგრძელდებოდა, მაშინ რუსეთის გავლენა კავკასიაზე შესუსტდებოდა. მართლაც, სომხეთმა რუსეთისაგან დაშორება დაიწყო და ევროკავშირთან ინტენსიურ ინტეგრაციას გეგმავს, გარდა ამისა, რამდენიმე დღის წინათ ერევანმა ხელი მოაწერა ვაშინგტონთან  სტრატეგიული პარტნიორობის შეთანხმებასაც.. დოკუმენტში აღნიშნულია, რომ აშშ ხელს შეუწყობს სომხეთის ინტეგრაციას დასავლეთთან. რუსეთი ჯერ-ჯერობით ამ ყველაფერს თვალს ადევნებს.

საქართველო: ვენესუელის ანალოგიურად?

საქართველოში საშინაოპოლიტიკური კრიზისი გრძელდება. ქვეყნის ამჟამინდელი მთავრობა რუსეთთან დაბალანსებული პოლიტიკის გატარების მომხრეა, ოპოზიცია კი რუსეთის უარყოფას და ევროპასთან და საერთოდ, დასავლეთთან ინტეგრაციას ითხოვს. საპრეზიდენტო არჩევნებშის შედეგად ქვეყნის მეთაური მმართველი პარტიის წარმომადგენელი მიხეილ ყაველაშვილი გახდა, მაგრამ მისი წინამორბედი პრეზიდენტი სალომე ზურაბიშვილი აცხადებს, რომ პრეზიდენტი თვითონ არის და პოსტიდან არ გადადგება. იგი ცდილობს, რომ ოპოზიციის მიერ გამართული ანტისამთავრობო პროდასავლური აქციების ლიდერი იყოს. უფრო მეტი: იმ დროს, როცა საქართველოს მთავრობიდან არავის მიუღია მონაწილეობა დონალდ ტრამპის ინაუგურაციაში, სალომე ზურაბიშვილი ამერიკელი რესპუბლიკელების გარკვეულმა წრემ ამერიკაში მიიწვია და ინაუგურაციასაც დაესწრო.თანაც იგი შეხვდა აშშ-ის პოლიტიკური წრეების წარმომადგენლებს და შეახსენა დასავლეთს, რომ კავკასია მისი გავლენის სფერო უნდა იყოს.

სხვაგვარად რომ ვთქვათ, ადამიანი, რომელიც პრეზიდენტი იყო (მაგრამ გაიძახის, რომ დღესაც პრეზიდენტია), ფორმალურადაც კი არ აკეთებს აქცენტს ქვეყნის დამოუკიდებლობაზე, ახლა დასავლეთს სთხოვს – „მოდით და იბატონეთ რუსეთის ნაცვლად“. აღიარებს თუ არა აშშ-ის ახალი ადმინისტრაცია სალომე ზურაბიშვილს ისე, როგორც აღიარა ვენესუელის პრეზიდენტად ხუან გუაიდო 2019 წელს, ნიკოლას მადუროს ნაცვლად? ვნახოთ.

ამრიგად, ჩვენ შევედით დიდი გაურკვევლობის პერიოდში, როცა მტკიცედ და ურყევად დარჩენაა აუცილებელი.

წყარო

აღმაშფოთებელია, რომ ერთი მხრივ, შვეიცარიის ბანკი ხელოვნურ პრობლემებს უქმნის ბიძინა ივანიშვილს, ხოლო მეორე მხრივ ხელს აფარებს ბაჩიაშვილს – ზაზა შათირიშვილი

2 დღის წინ, „ქართული ოცნების” საპატიო თავმჯდომარის ადვოკატმა გაავრცელა განცხადება, რითაც კიდევ ერთხელ დარწმუნდა ქართული საზოგადოება, რომ ბიძინა ივანიშვილის მიმართ გლობალური ჩრდილოვანი ძალები პოლიტიკურ შანტაჟს და ზეწოლას ახორციელებენ, – წერს ფილოსოფოსი ზაზა შათირიშვილის განცხადებაშია ნათქვამი.

ზაზა შათირიშვილი „ქართული ოცნების“ დამფუძნებლის და საპატიო თავმჯდომარის, ბიძინა ივანიშვილის ადვოკატების მიერ გავრცელებულ განცხადებებს ეხმიანება, სადაც საუბარია შვეიცარიულ ბანკთან დავაზე და ყურადღებას ამახვილებს ამ პროცესში, თანაინვესტირების ფონდის ყოფილი ხელმძღვანელის, გიორგი ბაჩიაშვილის მონაწილეობაზე, რომელზეც საქართველოში რამდენიმე სისხლის სამართლის საქმეა აღძრული.

როგორც შათირიშვილი აღნიშნავს, თუ ბაჩიაშვილი დამნაშავე არ არის, რა პრობლემას უნდა უქმნიდეს მას ბანკიდან გამოძიების მიერ მოთხოვნილი ინფორმაციის გასაჯაროება? თუმცა როგორც ჩანს, დასამალი ძალიან ბევრი აქვს და აშკარად იკვეთება, რომ იმ ჯაშუშური ქსელის ნაწილია, რასაც დღევანდელი რადიკალური ოპოზიცია წარმოადგენს.

„წარმოიდგინეთ – შვეიცარიის ბანკი ჯულიუსი ბაერი დიდი ხნის მანძილზე უპრობლემოდ ემსახურებოდა კლიენტს, ხოლო 2024 წლის 29 აპრილის შემდეგ, რაც ბატონმა ივანიშვილმა გლობალური ომის პარტია საჯაროდ ამხილა ანტიქართულ გეგმებსა და ქმედებებში, ბანკმა მისთვის ხელოვნური პრობლემების შექმნა დაიწყო. ამ ყველაფერს კი წინ უსწრებდა აშშ – ის უკვე წარსული ადმინისტრაციის მაღალჩინოსნების განცხადებები საპატიო თავმჯდომარის წინააღმდეგ.

თუმცა – კიდევ უფრო სკანდალური და აღმაშფოთებელია ბიძინა ივანიშვილის კიდევ ერთი ადვოკატის გუშინდელი განცხადება, სადაც ფაქტობრივად, ყველა კითხვის ნიშანი იხსნება. ერთი მხრივ, ხელით მართვას დაქვემდებარებული შვეიცარიის ბანკი ხელოვნურ პრობლემებს უქმნის ბიძინა ივანიშვილს, ხოლო მეორე მხრივ ხელს აფარებს ბაჩიაშვილს, რომელზეც საქართველოში ორი სისხლის სამართლის საქმეა აღძრული. ერთ მათგანზე ბრალდებულია, ხოლო მეორეზე გამოძიება მიმდინარეობს. არ გასცემს მასზე ინფორმაციას, რითაც საერთაშორისო სამართლებრივ ნორმებს არღვევს. თუ ბაჩიაშვილი დამნაშავე არ არის, რა პრობლემას უნდა უქმნიდეს მას ბანკიდან გამოძიების მიერ მოთხოვნილი ინფორმაციის გასაჯაროება? თუმცა როგორც ჩანს, დასამალი ძალიან ბევრი აქვს და აშკარად იკვეთება, რომ იმ ჯაშუშური ქსელის ნაწილია, რასაც დღევანდელი რადიკალური ოპოზიცია წარმოადგენს.
ერთია მისი ქმედებები ბიძინა ივანიშვილის წინააღმდეგ, მაგრამ მეორეა მისი ბოლოდროინდელი, აშკარად ჯაშუშური საქმიანობა საქართველოს წინააღმდეგ. ის სრულად ჩაჯდა რადიკალური ოპოზიციისათვის გარეთ დაწერილ სცენარში. კერძოდ – დადის აქციებზე, გამჭვირვალობის კანონს უწოდებს რუსულ კანონს, ვითომ და ევროპის სახელით ღიად მონაწილეობს განსხვავებული აზრის მქონე ადამიანთა ბულინგში, არის „ტვ პირველის” საყვარელი რესპონდენტი, ხოლო არჩევნების წინა საღამოს ამ არხზე პატრონებმა იმდენი სისულელე და ტყუილი ალაპარაკეს, რომ დიდი ნაწილის დამახსოვრება თავად არ ჰქონდა მოსწრებული“, – აღნიშნულია განცხადებაში.

იკვეთება პოლიტიკური შანტაჟი ბიძინა ივანიშვილის წინააღმდეგ – ზაზა შათირიშვილი

კარგად ვხედავთ, რომ მარტივად იკვეთება პოლიტიკური შანტაჟი ბიძინა ივანიშვილის წინააღმდეგ. როდესაც შვეიცარიის ბანკი ერთი მხრივ, ხელოვნურ ბარიერებს უქმნის კეთილსინდისიერ კლიენტს, ხოლო მეორე მხრივ ხელს აფარებს გამოძიების ქვეშ მყოფ პირს, – წერს სოციალურ ქსელში ფილოსოფოსი ზაზა შათირიშვილი.

„2 დღის წინ, „ქართული ოცნების” საპატიო თავმჯდომარის ადვოკატმა გაავრცელა განცხადება, რითაც კიდევ ერთხელ დარწმუნდა ქართული საზოგადოება, რომ ბიძინა ივანიშვილის მიმართ გლობალური ჩრდილოვანი ძალები პოლიტიკურ შანტაჟს და ზეწოლას ახორციელებენ. წარმოიდგინეთ – შვეიცარიის ბანკი ჯულიუსი ბაერი დიდი ხნის მანძილზე უპრობლემოდ ემსახურებოდა კლიენტს, ხოლო 2024 წლის 29 აპრილის შემდეგ, რაც ბატონმა ივანიშვილმა გლობალური ომის პარტია საჯაროდ ამხილა ანტიქართულ გეგმებსა და ქმედებებში, ბანკმა მისთვის ხელოვნური პრობლემების შექმნა დაიწყო. ამ ყველაფერს კი წინ უსწრებდა აშშ – ის უკვე წარსული ადმინისტრაციის მაღალჩინოსნების განცხადებები საპატიო თავმჯდომარის წინააღმდეგ.

თუმცა – კიდევ უფრო სკანდალური და აღმაშფოთებელია ბიძინა ივანიშვილის კიდევ ერთი ადვოკატის გუშინდელი განცხადება, სადაც ფაქტობრივად, ყველა კითხვის ნიშანი იხსნება. ერთი მხრივ, ხელით მართვას დაქვემდებარებული შვეიცარიის ბანკი ხელოვნურ პრობლემებს უქმნის ბიძინა ივანიშვილს, ხოლო მეორე მხრივ ხელს აფარებს ბაჩიაშვილს, რომელზეც საქართველოში ორი სისხლის სამართლის საქმეა აღძრული. ერთ მათგანზე ბრალდებულია, ხოლო მეორეზე გამოძიება მიმდინარეობს. არ გასცემს მასზე ინფორმაციას, რითაც საერთაშორისო სამართლებრივ ნორმებს არღვევს.

თუ ბაჩიაშვილი დამნაშავე არ არის, რა პრობლემას უნდა უქმნიდეს მას ბანკიდან გამოძიების მიერ მოთხოვნილი ინფორმაციის გასაჯაროება? თუმცა როგორც ჩანს, დასამალი ძალიან ბევრი აქვს და აშკარად იკვეთება, რომ იმ ჯაშუშური ქსელის ნაწილია, რასაც დღევანდელი რადიკალური ოპოზიცია წარმოადგენს.

ერთია მისი ქმედებები ბიძინა ივანიშვილის წინააღმდეგ, მაგრამ მეორეა მისი ბოლოდროინდელი, აშკარად ჯაშუშური საქმიანობა საქართველოს წინააღმდეგ. ის სრულად ჩაჯდა რადიკალური ოპოზიციისათვის გარეთ დაწერილ სცენარში. კერძოდ – დადის აქციებზე, გამჭვირვალობის კანონს უწოდებს რუსულ კანონს, ვითომ და ევროპის სახელით ღიად მონაწილეობს განსხვავებული აზრის მქონე ადამიანთა ბულინგში, არის „ტვ პირველის” საყვარელი რესპონდენტი, ხოლო არჩევნების წინა საღამოს ამ არხზე პატრონებმა იმდენი სისულელე და ტყუილი ალაპარაკეს, რომ დიდი ნაწილის დამახსოვრება თავად არ ჰქონდა მოსწრებული.

მთავარი კი მაინც ის არის, რომ ბაჩიაშვილი პირდაპირ მონაწილეობს ხელისუფლების ძალადობრივი გადატრიალების სცენარში. ეს ადამიანი დგას იმ ხალხის გვერდით, რომლებიც არჩეული მთავრობის არაკონსტიტუციური გზით ცვლილებას ცდილობენ და ამბობენ, რომ თუ არ ჩატარდა ახალი არჩევნები, ქვეყანას არ ეყოლება კანონიერი ხელისუფლება. არათუ მათ გვერდით დგას, ის პირდაპირ მონაწილეობს ამ ანტისახელმწიფოებრივ პროცესში.
არის კიდევ ერთი საინტერესო დეტალი – ბაჩიაშვილს ადვოკატირებას უწევს რობერტ ამსტერდამი. ეს არის პიროვნება, რომელიც ასევე მიხაელ ხოდარკოვსკის ადვოკატი იყო და ძირითადად ცნობილია იმით, რომ არა იურისპონდენციას, არამედ გლობალურ ჯაშუშურ ქსელს ემსახურება და მისი ყველა კლიენტი სწორედ ამ ქსელის ან ნაწილია, ან დახმარების სანაცვლოდ აუცილებლად ეს ბედი უნდა გაიზიაროს.

ამსტერდამი აქტიურად იყო ჩართული „გამჭვირვალობის კანონის” წინააღმდეგ პროცესებში, 2024 წლის 16 მაისს კი ასეთი რამ აქვს ნათქვამი – „რუსული კანონი” გამოყენებული იქნება სამოქალაქო საზოგადოების განადგურებისთვის”. მკაფიოდ ჩანს, რომ სწორედ ამსტერდამმა აიძულა ბაჩიაშვილი, პოლიტიკაში შემოსულიყო. ჯერ კიდევ მაშინ, როდესაც ბაჩიაშვილს არათუ პოლიტიკასთან არ ჰქონდა შეხება, არამედ 1 განცხადებაც კი არ ჰქონდა გაკეთებული საკუთარი სისხლის სამართლის საქმეებზე, რობერტ ამსტერდამი უმტკიცებდა საზოგადოებას, რომ ეს პროცესი იყო პოლიტიკური დევნა, რამეთუ ბაჩიაშვილი მონაწილეობდა ქართულ პოლიტიკაში.

ზოგადად, ეს ხელწერა, რაც ამსტერდამმა ბაჩიაშვილის ქეისით აჩვენა, არის კლასიკური მაგალითი იმისა, თუ როგორ მოქმედებს გლობალური ომის პარტია ( დიფ სთეითი ) საკუთარი ჯაშუშური ქსელის მეშვეობით. ამ შემთხვევაში მათი დაქვემდებარებული ჯაშუში ბაჩიაშვილი აიძულეს შემოსულიყო პოლიტიკაში და ებრძოლა ბიძინა ივანიშვილის და საკუთარი ქვეყნის წინააღმდეგ. მათი მიზანი ხომ საბოლოო ჯამში პოლიტიკური ხელისუფლების ხელში აღება და შემდეგ ჯაშუშების მეშვეობით მისი მართვაა.

კარგად ვხედავთ, რომ მარტივად იკვეთება პოლიტიკური შანტაჟი ბიძინა ივანიშვილის წინააღმდეგ. როდესაც შვეიცარიის ბანკი ერთი მხრივ, ხელოვნურ ბარიერებს უქმნის კეთილსინდისიერ კლიენტს, ხოლო მეორე მხრივ ხელს აფარებს გამოძიების ქვეშ მყოფ პირს და არ აწვდის სამართალდამცველებს მასზე ინფორმაციას, მარტივი მისახვედრია, რომ ბაჩიაშვილს ამ პროცესების წარმმართველი ძალები ბიძინა ივანიშვილის და საქართველოს წინააღმდეგ იყენებენ“, – წერს შათირიშვილი.

ტრამპი პუტინს სანქციებით ემუქრება, თუ ის უკრაინაში ცეცხლის შეწყვეტის შესახებ მოლაპარაკებებს არ დაიწყებს

აშშ-ის პრეზიდენტმა დონალდ ტრამპმა განაცხადა, რომ ის რუსეთის პრეზიდენტს ვლადიმერ პუტინს სანქციებს დაუწესებს, თუ ის უკრაინაში ცეცხლის შეწყვეტის შესახებ მოლაპარაკებებს არ დაიწყებს. ინფორმაციას Reuters-ი ავრცელებს.

ამასთან ერთად, ტრამპს არ უსაუბრია იმაზე, თუ კონკრეტულად რა სანქციებს გამოიყენებს რუსეთის წინააღმდეგ. როგორც სააგენტო აღნიშნავს, შეერთებულმა შტატებმა უკვე შემოიღეს რუსეთის წინააღმდეგ მძიმე სანქციები 2022 წლის თებერვლიდან, უკრაინაში შეჭრის გამო.

ტრამპის თქმით, მისი ადმინისტრაციაც განიხილავს უკრაინაში იარაღის გაგზავნის საკითხს, თუმცა, მისი აზრით, ევროკავშირმა კიევის მხარდასაჭერად მეტი უნდა გააკეთოს.

„ჩვენ ვესაუბრებით ზელენსკის. ჩვენ ვაპირებთ ვესაუბროთ პრეზიდენტ პუტინს ძალიან მალე. ჩვენ განვიხილავთ ამას“, – ციტირებს ტრამპს Reuters-ი.

როგორც აშშ-ის პრეზიდენტმა აღნიშნა, მან ჩინეთის პრეზიდენტს სი ძინპინს მოუწოდა ჩაერიოს კონფლიქტში და შეაჩეროს ომი უკრაინაში.

როგორი ამინდი იქნება კვირის ბოლომდე საქართველოში – პროგნოზი რეგიონების მიხედვით

21 იანვრიდან მიმდინარე კვირის ბოლომდე საქართველოში უმეტესად უნალექო ამინდია მოსალოდნელი.

გარემოს ეროვნული სააგენტოს ინფორმაციით, უნალექო ამინდი იქნება თბილისშიც. ჰაერის ტემპერატურა დღისით +8, +10 გრადუსი დაფიქსირდება, ღამის საათებში კი 0, -2 გრადუსამდე დაეცემა.

სანაპირო რაიონებში (ბათუმი, ქობულეთი, ანაკლია, ფოთი): უმეტესად უნალექო ამინდია მოსალოდნელი. ჰაერის ტემპერატურა დღისით +13, +15 გრადუსამდე მოიმატებს.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) უმეტესად უნალექო ამინდია მოსალოდნელი. ჰაერის ტემპერატურა დღისით +14, +16 გრადუსამდე მოიმატებს, ღამით კი ზოგან 0, -2 გრადუსამდე დაეცემა.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): უმეტესად უნალექო ამინდია მოსალოდნელი. ჰაერის ტემპერატურა დღისით +10, +12, ღამით კი -8, -12 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): უმეტესად უნალექო ამინდია მოსალოდნელი. ჰაერის ტემპერატურა დღისით +4, +9, ღამით კი -8, -13 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): უმეტესად უნალექო ამინდი იქნება. ჰაერის ტემპერატურა დღისით +4, +9 გრადუსი დაფიქსირდება, ღამით კი ზოგან -7 გრადუსამდე დაეცემა.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): უმეტესად უნალექო ამინდი იქნება. ჰაერის ტემპერატურა დღისით +5, +10, ღამით კი ზოგან -3, -5 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უმეტესად უნალექო ამინდი იქნება. ჰაერის ტემპერატურა დღისით 0, +5, ღამით კი -8, -13 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უმეტესად უნალექო ამინდი იქნება. ჰაერის ტემპერატურა დღისით -3, +2, ღამით კი -12, -17 გრადუსი დაფიქსირდება.

საქართველოს სურს ევროპა, მაგრამ ისეთი ევროპა, რომელიც მათ არჩევანს პატივს სცემს, საქართველო ბრიუსელის კოლონია არ გახდება -ტიერი მარიანი

საქართველოს სურს ევროპა, მაგრამ ისეთი ევროპა, რომელიც მათ არჩევანს პატივს სცემს. საქართველო ბრიუსელის კოლონია არ გახდება, – ამის შესახებ ევროპარლამენტარმა ტიერი მარიანმა ევროპარლამენტში საქართველოს საკითხზე დებატებისას განაცხადა.

მისი თქმით, ქართველი ხალხის გადაწყვეტილებებში ჩარევას ბრიუსელი აძლიერებს.

„ბრიუსელმა მეტი უნდა გააკეთოს – ეს ბუნდესტაგის საგარეო ურთიერთობათა კომიტეტის თავმჯდომარემ თქვა. მაგრამ რატომ უნდა მოვახდინოთ გავლენა სუვერენული ხალხის დემოკრატიულ გადაწყვეტილებაზე? ჩვენ ერებს შორის ურთიერთპატივისცემა გვჭირდება. ჩვენ არ გვსურს ევროკავშირის ჩარევის ნახვა. საქართველოში ძალაუფლება ხალხს აქვს. 20 დეკემბერს გამოქვეყნდა დასკვნა საქართველოს შესახებ, სადაც ნათქვამია, რომ უცხოური ჩარევა არ ყოფილა.

ქართველი ხალხის გადაწყვეტილებებში ჩარევას ბრიუსელი აძლიერებს. მაგალითად, იქ ბევრი პოლიციელი დაშავდა. ევროკავშირი ქაოსის მონაწილეა. ეს თავისუფალი ქვეყანაა. საქართველოს სურს ევროპა, მაგრამ ისეთი ევროპა, რომელიც მათ არჩევანს პატივს სცემს. საქართველო ბრიუსელის კოლონია არ გახდება“, – აღნიშნა ტიერი მარიანმა.