„რადიკალური ოპოზიცია „დიფ სთეითის“ კონტროლის ქვეშაა, – განაცხადა ფრაქცია „ქართული ოცნების“ თავმჯდომარის მოადგილემ ლევან მაჭავარიანმა.

მისივე თქმით, აღნიშნულიდან გამომდინარე, რადიკალური ოპოზიცია „დიფ სთეითისგან“ იღებენ დავალებებს, რომ საქართველოშიც დათესოს ნარატივი და უხეში სიტყვებით შეამკონ აშშ-ის მოქმედი პრეზიდენტი.

„რადიკალური ოპოზიცია „დიფ სთეითის“ კონტროლის ქვეშაა. ატარებენ მათ პოლიტიკას, ემსახურებიან მათ დავალებებს და ასე შემდეგ. შესაბამისად, როდესაც „დიფ სთეითისთვის“ მტერია ბატონი ტრამპი, რა თქმა უნდა, რადიკალური ოპოზიციისთვისაც ავტომატურად, ბატონი ტრამპი მტერი გამოდის და „დიფ სთეითისგან“ იღებენ დავალებებს, რომ საქართველოშიც დათესონ ეს ნარატივი და უხეში სიტყვებით შეამკონ აშშ-ის მოქმედი პრეზიდენტი.

რაღაც ეტაპზე ევროკავშირზეც გადავა და ევროკავშირიც დაიწყებს ბრძოლას „დიფ სთეითის“ წინააღმდეგ და უკვე საბოლოო ჯამში, რადიკალური ოპოზიცია დარჩება თავისი გარე მფარველების, პატრონების გარეშე“, – განაცხადა მაჭავარიანმა.

სააგენტო Associated Press-ი დონალდ ტრამპის ადმინისტრაციას სასამართლოში უჩივის, – ამის შესახებ ინფორმაციას სააგენტო Reuters-ი ავრცელებს.

სააგენტო Associated Press-ი აშშ-ის პრეზიდენტის, დონალდ ტრამპის ადმინისტრაციას იმის გამო უჩივის, რომ თეთრმა სახლმა სააგენტოს ჟურნალისტებს პრეზიდენტთან წვდომა შეუზღუდა.

თეთრი სახლის ცნობით, Associated Press-ის ჟურნალისტებს ოვალურ კაბინეტსა და პრეზიდენტის თვითმფრინავზე Air Force One-ზე იმის გამო არ უშვებენ, რომ სააგენტო „ამერიკის ყურის“ ნაცვლად კვლავ „მექსიკის ყურეს“ იყენებს.

„აშშ-ში პრესასა და ყველა ადამიანს საკუთარი სიტყვების არჩევის უფლება აქვს, ისე რომ ხელისუფლების მხრიდან შურისძიების მსხვერპლი არ გახდეს. კონსტიტუცია ხელისუფლებას სიტყვის თავისუფლების კონტროლის უფლებას არ აძლევს და ხელისუფლების მიერ მსგავსი კონტროლი და საპასუხო რეპრესიები ყველა ამერიკელის თავისუფლებას საფრთხეს უქმნის“, – ნათქვამია Associated Press-ის სარჩელში.

გასულ თვეში, აშშ-ის პრეზიდენტმა აღმასრულებელ ბრძანებას მოაწერა ხელი, რომლითაც „მექსიკის ყურეს“ სახელი „ამერიკის ყურით“ შეუცვალა.

უკრაინასა და აშშ-ს შორის სასარგებლო წიაღისეულზე შეთანხმება, შესაძლოა, დღეს გაფორმდეს, – ამის შესახებ ინფორმაციას „უოლ სთრით ჯორნალი“ ავრცელებს.

გამოცემის ცნობით, ხელშეკრულება ჯერ მზად არ არის.

სტატიის თანახმად, უკრაინის მთავრობასთან ახლოს მყოფმა წყარომ განაცხადა, რომ უკრაინის და რუსეთის საკითხებში აშშ-ის სპეციალურმა წარმომადგენელმა, კიტ კელოგმა „დიდი როლი“ შეასრულა ხელშეკრულების პირობების კოორდინაციაში, რომელმაც უკრაინის პრეზიდენტის, ვოლოდიმირ ზელენსკის და სხვა უკრაინელი ოფიციალური პირების ნდობა გააძლიერა კიევში სამდღიანი ვიზიტის დროს.

ორშაბათს, რუსეთ-უკრაინის ომიდან სამი წლის შემდეგ, აშშ გაერო-ში ისტორიულ რეზოლუციას წარადგენს, – ამის შესახებ განცხადებას აშშ-ის სახელმწიფო მდივანი, მარკო რუბიო ავრცელებს.

„პრეზიდენტ ტრამპს რუსეთ-უკრაინის ომის დასრულება მტკიცედ აქვს გადაწყვეტილი და მზად არის გადაწყვეტისთვის, რომელიც ხანგრძლივ მშვიდობას გამოიწვევს და არა დროებით პაუზას. ორშაბათს, 24 თებერვალს, რუსეთ-უკრაინის ომის დაწყებიდან სამი წელი გადის. ეს ომი დიდხანს და რუსეთისა და უკრაინისთვის საშინელ ფასად გაგრძელდა“, – ნათქვამია მარკო რუბიოს განცხადებაში.

მისი თქმით, გაერო თავის ფუნდამენტურ დანიშნულებას უნდა დაუბრუნდეს, რომელიც გაერო-ს ქარტიაშია დაფიქსირებული და საერთაშორისო მშვიდობისა და უსაფრთხოების შენარჩუნებას, მათ შორის, დავების მშვიდობიანი გზით მოგვარებას ითვალისწინებს.

„აშშ-მა გაერო-ში მარტივი, ისტორიული რეზოლუცია წარადგინა და ჩვენ წევრ სახელმწიფოებს მოვუწოდებთ, რომ მშვიდობისკენ მიმავალ გზას მხარი დაუჭირონ. ამ რეზოლუციის მხარდაჭერით ვადასტურებთ, რომ ეს კონფლიქტი საშინელებაა და გაერო-ს მის დასრულებაში წვლილის შეტანა შეუძლია“, – აღნიშნულია განცხადებაში.

უკრაინის პრეზიდენტის აპარატის ყოფილმა მრჩეველმა, ალექსეი არესტოვიჩმა განაცხადა, რომ გლობალური USAID-ი ცდილობდა უკრაინისგან ახალი „ჰამასი“ შეექმნა.

„გლობალური USAID-ი ცდილობდა უკრაინისგან ახალი „ჰამასი“ შეექმნა. რეცეპტი უბრალოა – თქვენ მსხვერპლი ხართ, მსხვერპლისთვის კი ყველაფერი შეიძლება, ჩვენ ფულს მოგცემთ. საბედნიეროდ, ვერ მოასწრო, მაგრამ ძალიან ახლოს იყო [USAID]“, – განაცხადა არესტოვიჩმა.

მისი თქმით, თუ უკრაინას სურს იყოს, როგორც ისრაელი და არა როგორც „ჰამასი“, ერთადერთი, რაც უნდა ახსოვდეს არის ის, რომ სუბიექტურობა ნიშნავს პასუხისმგებლობას და არა თვითნებობას.

ინფორმაცია აშშ-ის ყოფილი პრეზიდენტის ჯო ბაიდენის შრომისუნარიანობის შესახებ სიცრუე იყო და მის რეალურ მდგომარეობას მალავდნენ, – განაცხადა ერთ-ერთ ინტერვიუში თეთრი სახლის პრესმდივანმა, კაროლინ ლევიტმა.

მისი თქმით, მიუხედავად იმისა, რომ მედიამ ყველაფერი იცოდა, აგრძელებდა არასწორი ინფორმაციის გავრცელებას.

„ჟურნალისტები კამერებს მიღმა გეტყვიან, რომ მათ იცოდნენ ბაიდენის არაკომპეტენტურობის შესახებ, რომ თეთრი სახლის თანამშრომლები შუა დღემდე არ ჩნდებოდნენ. არანაირი სამუშაო არ მიდიოდა“, – განაცხადა ლევიტმა.

ცნობისთვის, აშშ-ის პრეზიდენტმა, დონალდ ტრამპმა ჯო ბაიდენს საიდუმლო ინფორმაციაზე წვდომა გაუუქმა. ტრამპმა ასევე გაიხსენა სპეციალური პროკურორის ანგარიში, რომლის მიხედვითაც, ბაიდენს „მეხსიერების პრობლემები“ აქვს.