ვერძი

შესაძლოა, სწორედ დღეს მოიძიოთ თქვენთვის სასურველი ინფორმაცია უძრავ ქონებასთან დაკავშირებით. ოჯახი თქვენი მთავარი საყრდენი და ძირითადი ძალაა. წინ უქმეებია და აუცილებლად დაგეგმეთ დასვენება.

კურო

კარგი იქნება, თუ თქვენს სურვილებსა და პრობლემებს ახლობელ ადამიანებს გაუზიარებთ. შეეცადეთ, ირგვლივ მშვიდი მყუდრო და კომფორტული გარემო შეიქმნათ და მეტად იურთიერთოთ პოზიტიურ ადამიანებთან.

ტყუპები

ყველა მიზანი და გეგმა მიღწევადია იმ პირობით, თუ არ დაარღვევთ მიღებულ და დადგენილ ნორმებს. იმოქმედეთ კანონით მიღებულ საზღვრებსა და ზომიერების ფარგლებში.

კირჩხიბი

ყურადღებით მიადევნეთ თვალი მიმდინარე მოვლენებს. შესაძლოა, გაიუმჯობესოთ მდგომარეობა, როგორც საქმიან, ასევე პირად ურთიერთობებში. მოაწესრიგეთ და სისტემაში მოიყვანეთ ინფორმაციები და საქმიანი ქაღალდები.

ლომი

პირად ურთიერთობებში, ნუ იქნებით ძალიან პრეტენზიული და ზედმეტად მომთხოვნი, შეეცადეთ, აკონტროლოთ ემოციები. კარგია ქალაქგარეთ გასვლა.

ქალწული

სასურველია, გადახედოთ უახლესი დღეების გეგმებს, არის შენაძენის ალბათობაც. ელოდეთ, დიდი ხნის უნახავ ნათესავ – მეგობართა მოულოდნელ სტუმრობას. დაგეგმეთ უქმეებზე დასვენება.

სასწორი

სასურველია, დროულად მოაგვაროთ საქმეში დაშვებული ხარვეზები და კორექტივებიც შეიტანოთ სამომავლო გეგმებში. ყურადღება გამოიჩინეთ საყოფაცხოვრებო ტექნიკასთან. ძალიან ნუ გადაიღლებით.

მორიელი

გაგახარებთ ინფორმაცია, რომელსაც ელოდებოდით. აუცილებლად გამონახეთ დრო მეგობრებისა და დასვენებისთვის.

მშვილდოსანი

შესაძლოა, სასიყვარულო სამკუთხედში აღმოჩნდეთ, გამოიჩინეთ წინდახედულობა და შეეცადეთ, თავი ხელში აიყვანოთ. ემოციები მაქსიმალურად გააკონტროლეთ.

თხის რქა

შესაძლოა, თქვენს გარემოში სიახლეები აღმოაჩინოთ და ყველაფერი უფრო სხვა, საინტერესო კუთხით დაინახოთ. არის ახალი ფინანსური პერსპექტივების ალბათობაც.

მერწყული

შეეცადეთ, ახლებურად დაალაგოთ პრიორიტეტები, ეს დაგეხმარებათ სწორად და გონივრულად გადაჭრათ პრობლემები, მთავარია, ყველაფერი ხმაურისა და კონფლიქტების გარეშე მოაგვაროთ.

თევზები

შესაძლოა, რაიმე დაუსრულებელმა საქმემ თქვენგან ახლებური მიდგომა და ხედვა მოითხოვოს, რათა დადოთ ხარისხიანი შედეგი. მოიძიეთ მხარდამჭერები და გაბედულად შეუდექით საქმიანობას, საბოლოოდ, ყველაფრით კმაყოფილი დარჩებით. ნუ დაივიწყებთ, რომ დასვენება აუცილებელია.

საქართველოს გენერალური პროკურატურის შუამდგომლობის საფუძველზე, დღეს, 12 სექტემბერს, ბესარიონ ხარძიანის შეკვეთით განზრახ მკვლელობაში მსჯავრდადებულის ფარიდ გურბანოვის თურქეთიდან საქართველოში ექსტრადირება განხორციელდა.

ამის შესახებ პროკურატურაში გამართულ ბრიფინგზე განაცხადეს.

„ფარიდ გურბანოვი საქართველოს სამართალდამცავი ორგანოების მიერ ბესარიონ ხარძიანის განზრახ მკვლელობის ფაქტზე, ინტერპოლის საერთაშორისო არხებით 2015 წლის 28 აპრილიდან იძებნებოდა. დადგენილია, რომ ბესარიონ ხარძიანის განზრახ მკვლელობის მიზნით, 2015 წლის 13 იანვარს, ფარიდ გურბანოვი, ოლექსანდრ დამეტოვის სახელზე შედგენილი უკრაინის რესპუბლიკის მოქალაქის ყალბი პასპორტის გამოყენებით, თანამზრახველთან ერთად თბილისის საერთაშორისო აეროპორტში ჩამოფრინდა. ჩამოსვლისთანავე დამნაშავეებმა მკვლელობისთვის მომზადება დაიწყეს და ამ მიზნით თბილისში, პეკინის გამზირზე ხანგრძლივი ვადით, საცხოვრებელი ბინა იქირავეს. მათ სპეციალურად შეიძინეს „ჰონდას“ მარკის ისეთი მოპედი (სკუტერი), რომელსაც რეგისტრაცია არ ესაჭიროებოდა, გადაადგილდებოდნენ ჩაფხუტით და ორმხრივი ქურთუკით. მკვლელობისთვის ხელსაყრელი დროის შესარჩევად, ფარიდ გურბანოვმა და მისმა თანამზრახველმა მორიგეობით დაიწყეს ბესარიონ ხარძიანის გადაადგილების კონტროლი.

დამნაშავეები თვალთვალისას და ნაქირავებ ბინაში ცხოვრებისას მაქსიმალურად ინარჩუნებდნენ კონსპირაციას. ისინი სისტემატიურად იცვლიდნენ ტანისამოსს, ცვლიდნენ გადაადგილებისას მარშრუტის გზებს და საშუალებებს. 2015 წლის 28 მარტს, შუადღის საათებში, ბესარიონ ხარძიანი, რომელსაც ფარიდ გურბანოვი უთვალთვალებდა, ქალაქ თბილისში, მარაბდის ქუჩაზე მდებარე საკუთარ საცხოვრებელ სახლთან მივიდა. სადარბაზოში შესვლისას მას შეჰყვა ფარიდ გურბანოვი და „მაკაროვის“ სისტემის მაყუჩიანი ცეცხლსასროლი იარაღიდან ბესარიონ ხარძიანის მიმართულებით სამი გასროლა, მათ შორის თავის არეში ერთი საკონტროლო გასროლა განახორციელა. აღნიშნულის შედეგად, ბესარიონ ხარძიანი ადგილზე გარდაიცვალა.

იმავე დღეს, ფარიდ გურბანოვმა და მისმა თანამზრახველმა სარფის საბაჟო-გამშვები პუნქტის გავლით, საქართველო დატოვეს. ფარიდ გურბანოვი სამივე ინსტანციის სასამართლოს მიერ მსჯავრდებულია შეკვეთით განზრახ მკვლელობის, ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა, ტარების, საქართველოს სახელმწიფო საზღვრის უკანონოდ გადაკვეთისა და ყალბი ოფიციალური დოკუმენტის გამოყენების ფაქტებზე და მისჯილი აქვს უვადო თავისუფლების აღკვეთა.

რაც შეეხება ფარიდ გურბანოვის თანამზრახველს, უცხო ქვეყნის მოქალაქეს, მას მკვლელობაში დახმარებისთვის მისჯილი აქვს 19 წლით თავისუფლების აღკვეთა და მისი დაკავებისა და ქართული მართლმსაჯულების წინაშე წარდგენის მიზნით, წითელი ცირკულარით საერთაშორისო ძებნა გრძელდება. გვსურს მადლობა გადავუხადოთ შინაგან საქმეთა სამინისტროს, სახელმწიფო უსაფრთხოების სამსახურსა და ფინანსთა სამინისტროს საგამოძიებო სამსახურს, საქართველოს პროკურატურასთან ერთად ერთობლივ საგამოძიებო ჯგუფში გაწეული ეფექტიანი მუშაობისთვის, რის შედეგადაც შესაძლებელი გახდა განსაკუთრებული მძიმე დანაშაულის გახსნა.

ასევე, მადლობას ვუხდით იუსტიციის სამინისტროსა და სპეციალურ პენიტენციურ სამსახურს, მათი კომპეტენციის ფარგლებში ექსტრადირებისთვის საჭირო ღონისძიებების გატარებისთვის. აქვე გვსურს განსაკუთრებული მადლობა გადავუხადოთ თურქეთის რესპუბლიკის კომპეტენტურ უწყებებს წარმატებული თანამშრომლობისთვის. საქართველოს გენერალურ პროკურატურაში გრძელდება გამოძიება ბესარიონ ხარძიანის განზრახ მკვლელობის შემკვეთის და დანაშაულში შესაძლო მონაწილე სხვა პირების დადგენის მიზნით“,- განაცხადეს გენერალურ პროკურატურაში.

ვეტერანების საქმეთა სახელმწიფო სამსახურისა და „საქართველოს ახალგაზრდული მედიაკავშირის” ინიციატივითა და ორგანიზებით, სასტუმრო „გორი ინნ”-ისა და „აჭარაბეთის” მხარდაჭერით, მიმდინარე წლის 12 სექტემბერს, გორში, სასტუმრო ”გორი ინნში”, სოციალური პროექტის_ “აქტიური ცხოვრება ჩემი სტიქიაა” ფარგლებში, გაიმართა გრანდიოზული სპორტულ-კულტურული ღონისძიება, რომელშიც მონაწილეობა მიიღეს მკლავჭიდის მსოფლიო ჩემპიონატში გამარჯვებულმა პარასპორტსმენებმა – ვახტანგ ახობაძემ, ლევან მახათაძემ, ირმა ზვერიაშვილმა, ნინო საბაშვილმა და გიორგი სვინტრაძემ; ასევე, ომის ვეტერანებმა, შეზღუდული შესაძლებლობის მქონე პირებმა, საერთაშორისო-სამშვიდობო მისიებში დაჭრილმა სამხედრო მოსამსახურეებმა, ონკოსაზოგადოების წევრებმა. მათთან ერთად, ღონისძიებაში მონაწილეობდნენ ოლიმპიური, მსოფლიო და ევროპის ჩემპიონატების ტიტულოვანი ქართველი სპორტსმენები_ გენო პეტრიაშვილი, გურამ თუშიშვილი, ვაჟა მარგველაშვილი, ლაშა გურული და მკლავჭიდში მსოფლიოსა და ევროპის მრავალგზის ჩემპიონი, ომის ვეტერანი ზვიად ხაჩიძე. 

ღონისძიების ფარგლებში, გუნდური პრინციპით, ჩატარდა შშმ ვეტერანების, პარამკლავჭიდელებისა და ტიტულოვანი სპორტსმენების ინტეგრირებული შეჯიბრი მშვილდოსნობაში; ერთმანეთს დაუპირისპირდა 5 გუნდი, რომელთა შემადგენლობაში, პარასპორტსმენებთან და ვეტერანებთან ერთად, ასპარეზობდნენ ჩვენი ქვეყნის ტიტულოვანი სპორტსმენები, ასევე, სახელმწიფო რწმუნებული შიდა ქართლში, ომის ვეტერანი ლევან ხარაბაძე, მისი მოადგილე, მსოფლიოსა და ევროპის ორგზის ჩემპიონი, 1980 წლის ოლიმპიადის ვერცხლის პრიზიორი, საქართველოს აბსოლუტური ფალავანი ქართულ ჭიდაობაში, თემურ ხუბულური, გორის მუნიციპალიტეტის მერი, 2016 წლის რიო-დე-ჟანეიროს ოლიმპიური თამაშების ჩემპიონი, ევროპის 3-გზის და მსოფლიოს ჩემპიონი, 2012 წლის ლონდონის ოლიმპიური თამაშების ვერცხლის პრიზიორი თავისუფალ ჭიდაობაში, ვლადიმერ ხინჩეგაშვილი და სასტუმრო ”გორი-ინნ”-ის წარმომადგენლები. 

ასპარეზობა, თითოეული მონაწილისთვის, ხალისიანი და საინტერესო გამოდგა. გუნდურ ორთაბრძოლაში, გამარჯვება მოიპოვა პარამკლავჭიდში მსოფლიო ჩემპიონატის ვერცხლის პრიზიორის, ირმა ზვერიაშვილის გუნდმა, ხოლო ინდივიდუალურ ასპარეზობაში, პირველობა არავის დაუთმო სახელმწიფო რწმუნებულმა შიდა ქართლში, ლევან ხარაბაძემ.  

როგორც გამარჯვებულებს, ასევე, ასპარეზობის თითოეულ მონაწილეს, ვეტერანების საქმეთა სახელმწიფო სამსახურის მიერ დაწესებული მედლები, სიგელები და საჩუქრები გადაეცათ. 

აღსანიშნავია, რომ პროექტის “აქტიური ცხოვრება ჩემი სტიქიაა” 5 მონაწილეს, პარამკლავჭიდში მსოფლიო ჩემპიონატის წლევანდელ გამარჯვებულებსა და პრიზიორებს ვახტანგ ახობაძეს, ლევან მახათაძეს, ირმა ზვერიაშვილს, ნინო საბაშვილს და გიორგი სვინტრაძეს პროექტის გენერალურმა სპონსორმა „აჭარაბეთმა”, სოლიდური ფულადი პრიზები გადასცა. 

ღონისძიებას, ასევე, ესწრებოდნენ ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, მოადგილეები მირონ ჩიგოგიძე და ჯანდრი უბირია, დირექტორის მრჩეველი, ვლადიმერ იმნაძე, სამსახურის წარმომადგენლები, ჭიდაობის ფედერაციის ხელმძღვანელი პირები და გორის მუნიციპალიტეტის საკრებულოს თავმჯდომარე, დავით რაზმაძე. 

პროექტი ხელს უწყობს გაეროს 2006 წლის კონვენციის 30-მუხლის იმპლემენტაციას, შეზღუდული შესაძლებლობის მქონე პირთა სრულ თანასწორუფლებრივი მდგომარეობის დამკვიდრებასა და საზოგადოებაში მათ სრულფასოვან ინტეგრაციას. 

ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, ვეტერანები, ”ახალგაზრდული მედიაკავშირის” ხელმძღვანელი, ხატია გავაშელი გულწრფელ მადლობას უხდიან პროექტის” აქტიური ცხოვრება ჩემი სტიქიაა”და დღევანდელი ღონისძიების ყველა სპონსორსა და მხარდამჭერს, განსაკუთრებით, ღონისძიების მასპინძელს, სასტუმრო ”გორი ინნ”-ს.

სამშობლოში დაბრუნებული პარალიმპიელებისთვის სახელმწიფო ცერემონიების სასახლეში დახვედრის ცერემონია გაიმართა.

პარიზის ზაფხულის XVII პარალიმპიურ თამაშებზე მოასპარეზე პარასპორტსმენებმა ერთი ოქროს, ოთხი ვერცხლისა და ოთხი ბრინჯაოს მედალი ჩამოიტანეს, რაც ქართული პარასპორტის ისტორიაში უპრეცედენტო მაჩვენებელია.

ღონისძიებაზე პარალიმპიელებს სიტყვით მიმართა დედაქალაქის მერმა კახა კალაძემ.

„გვახსოვს, რამხელა იმედით გაგაცილეთ და მიხარია, რომ დღეს თქვენთან ერთად, მთელ საქართველოსთან ერთად ვიზიარებთ ამ უდიდეს, შეიძლება ითქვას, უპრეცედენტო წარმატებას, რაც კი აქამდე მოგვიპოვებია პარალიმპიადაზე. ბედნიერებაა, როდესაც შეგიძლია ასე გაახარო და გააერთიანო მთელი საქართველო. თქვენი წარმატება ჩვენი ქვეყნის წარმატებაა და მე იმედი მაქვს, კიდევ ბევრი გამარჯვების მოწმენი გავხდებით. ამ გამარჯვებების უკან ვხედავთ თქვენს უდიდეს ძალისხმევას. წლების განმავლობაში სპორტით ვიყავი დაკავებული და მესმის, რამხელა შრომა, ნებისყოფა და სულისკვეთებაა საჭირო იმისათვის, რომ მიაღწიო წარმატებას. ამისთვის მინდა თითოეულ თქვენგანს გადავუხადო ძალიან დიდი მადლობა”, – განაცხადა კახა კალაძემ.

დედაქალაქის მერმა ასევე ხაზი გაუსვა სახელმწიფოს მხარდაჭერას სპორტის მიმართ.

„ამავე დროს, ვხედავთ და გვეამაყება სახელმწიფოს მხარდაჭერის შედეგიც. მინდა, მადლობა გადავუხადო პრემიერ-მინისტრ ირაკლი კობახიძეს მხარდაჭერისთვის, თანადგომისთვის, რაც გამოიჩინა თქვენ მიმართ და ზოგადად, რა დამოკიდებულებაც არის სპორტის მიმართ. მინდა იყოთ დარწმუნებულები იმაში, რომ ჩვენი მხრიდან ყოველთვის იქნება მხარდაჭერა, ეს იქნება ახალი ინფრასტრუქტურის შექმნა, სპორტსმენების წახალისება თუ მადლიერების გამოხატვა. მინდა, კიდევ ერთხელ მოგილოცოთ და გისურვოთ დიდი წარმატებები, პირადი შედეგის გაუმჯობესება და წინსვლა”, – განაცხადა კახა კალაძემ.

2012 წლის ჩათვლით, მხოლოდ 3 სპორტსმენს ჰქონდა მიღებული მონაწილეობა პარალიმპიურ თამაშებში, 2024 წლის პარიზის თამაშებში კი უკვე 14-მა პარალიმპიელმა მიიღო მონაწილეობა და აქედან 9 პარასპორტსმენი სამშობლოში პარალიმპიური მედლით დაბრუნდა, – განაცხადა პრემიერ-მინისტრმა ირაკლი კობახიძემ პარალიმპიელების დახვედრის ცერემონიაზე სიტყვით გამოსვლისას.

მთავრობის მეთაურმა მადლობა გადაუხადა პარალიმპიელებს და ყველა იმ ადამიანს, ვინც წვლილი შეიტანა ამ უნიკალური შედეგის მიღწევაში.

„ძალიან დიდი მადლობა მინდა, გადაგიხადოთ იმ უდიდესი წარმატებისთვის, რომელიც თქვენ გვაჩუქეთ. ჩვენ ჯერ ოლიმპიელებმა გვაჩუქეს რამდენიმე კვირიანი ზეიმი და ეს ზეიმი ძალიან დიდი წარმატებით გააგრძელეს ჩვენმა პარალიმპიელებმა, რომლებმაც უდიდეს წარმატებას მიაღწიეს. უნდა აღინიშნოს, რომ საქართველოში პარასპორტი ძალიან დიდი წარმატებით ვითარდება. 2012 წლის ჩათვლით, მხოლოდ 3 სპორტსმენს ჰქონდა მიღებული მონაწილეობა პარალიმპიურ თამაშებში და 2024 წლის პარიზის თამაშებში უკვე 14-მა პარალიმპიელმა მიიღო მონაწილეობა, რაც, რა თქმა უნდა, იმ ძალისხმევის შედეგია, რომელიც პარალიმპიურმა კომიტეტმა და თითოეულმა იმ ადამიანმა გასწია, რომელიც ამ წამოწყების გულშემატკივარია. განსაკუთრებული მადლობა კულტურისა და სპორტის სამინისტროს, რომელიც ძალიან დიდ ყურადღებას უთმობს პარასპორტს, ყველა იმ ადამიანს მინდა, კიდევ ერთხელ მადლობა გადავუხადო, ვინც დიდი წვლილი შეიტანა ჩვენს წარმატებაში.

ცალკე აღნიშვნის ღირსია ის, რომ 14 მონაწილიდან 9 პარასპორტსმენი დაბრუნდა სამშობლოში პარალიმპიური მედლით, რაც ნამდვილად უნიკალური შედეგია. ჩვენ გვქონდა ამ შემთხვევაშიც საუკეთესო შედეგი გუნდურ ჩათვლაში, ისევე როგორც ოლიმპიური თამაშების შემთხვევაში, აქაც ისტორიაში საუკეთესო შედეგს მიაღწია საქართველოს გუნდმა, რაც ჩვენი განსაკუთრებული სიამაყის საგანია. მინდა, მადლობა გადავუხადო თითოეულ მედალოსანს, მადლობა მინდა, გადავუხადო ანა ჯაფარიძეს, რომელმაც პირველმა მოიგო მედალი და პირველ მედალს ყოველთვის განსაკუთრებული მნიშვნელობა აქვს ბუნებრივია გუნდის სულისკვეთების გაძლიერებისთვის. მადლობა პარალიმპიურ ჩემპიონს, გიგა ოჩხიკიძეს, რაც იყო რა თქმა უნდა განსაკუთრებული და გამორჩეული მიღწევა. ყველა ძალიან გგულშემატკივრობდით თქვენ, ცოტა გვანერვიულეს, მაგრამ საბოლოო ჯამში, სიმართლემ გაიმარჯვა. მადლობა გიგა ოჩხიკიძეს პარალიმპიური ოქროს მედლისთვის. მადლობა მინდა გადავუხადო ვიცე-ჩემპიონებს – ლადო ჭინჭარაულს, ზურაბ ზურაბიანს, რევაზ ჩიკოიძეს და გიორგი ქალდანს და ასევე, ძალიან დიდი მადლობა ბრინჯაოს პრიზიორებს – ნინო თიბილაშვილს, ინა ქალდანს და აკაკი ჯინჭარაძეს,“ – განაცხადა პრემიერმა.

მთავრობის მეთაურმა ასევე მადლობა გადაუხადა იმ პარალიმპიელებს, რომლებმაც ამ შემთხვევაში მედალი ვერ მოიპოვეს და აღნიშნა, რომ თითოეული მათგანის წვლილი განსაკუთრებულად მნიშვნელოვანი იყო საერთო წარმატებაში.

„მინდა, მადლობა გადავუხადო პარალიმპიური თამაშების იმ მონაწილეებს, რომლებსაც ამ შემთხვევაში არ გაუმართლათ, ვერ მოიგეს მედალი. პირველ რიგში, მადლობა ირმა ხეცურიანს, რომელსაც განსაკუთრებული წვლილი მიუძღვის პარასპორტის განვითარებაში ჩვენს ქვეყანაში. მადლობა ლია ჩაჩიბაიას, დავით ქავთარაძეს, გიორგი ნიკოლაძეს, ლაშა ხიზილაშვილს, თითოეული თქვენგანის წვლილი იყო განსაკუთრებული იმ საერთო წარმატებაში, რომელსაც ჩვენმა გუნდმა მიაღწია“, – განაცხადა პრემიერმა.

ოლიმპიური თამაშების ანალოგიურად, პარალიმპიელებზე იგივე ოდენობის ჯილდეოები გაიცემა, ყველა ის პარასპორტსმენი, რომელსაც არ აქვს მოგებული მედალი, ასევე 50 000 ლარის ოდენობის ჯილდოთი დაფასდება, – ამის შესახებ პრემიერ-მინისტრმა ირაკლი კობახიძემ პარალიმპიელების დახვედრის ცერემონიაზე სიტყვით გამოსვლისას განაცხადა.

პრემიერის თქმით, ორდენებზე წარდგენის შესახებ გადაწყვეტილება უკვე მიღებულია და ორდენები პარალიმპიელებს ხვალ გადაეცემათ.

„ჩვენ პარალიმპიურ თამაშებამდე გავაკეთეთ განცხადება იმასთან დაკავშირებით, რომ ოლიმპიური თამაშების ანალოგიურად, იგივე ოდენობის ჯილდოები იქნებოდა დაწესებული მედალოსნებისთვის და რა თქმა უნდა, ეს ჯილდეოები სათანადოდ გაიცემა უმოკლეს ვადებში. ამ შემთხვევაშიც მინდა აღვნიშნო, ყველა ის პარასპორტსმენი, რომელსაც არ აქვს მოგებული მედალი, ასევე 50 000 ლარის ოდენობის ჯილდოთი დაფასდება. თქვენი წარმატების დაფასება ჩვენი განსაკუთრებული ვალია. ასევე მინდა შეგახსენოთ, რომ პარლამენტის თავმჯდომარესთან ერთად, მივიღეთ გადაწყვეტილება ყველა მედალოსნის დაჯილდოების თაობაზე, ისინი არიან წარდგენილი უმაღლეს სახელმწიფო ჯილდოებზე. ასევე ირმა ხეცურიანი არის წარდგენილი უმაღლეს სახელმწიფო ჯილდოზე და მწვრთნელები არიან წარდგენილი შესაბამის ჯილდოებზე. ორდენებზე წარდგენის შესახებ გადაწყვეტილება არის უკვე მიღებული და ეს ორდენები, უმაღლესი ჯილდოები ხვალ გადმოგეცემათ და წინასწარ მინდა მოგილოცოთ. მადლობა მინდა გადავუხადო პარალიმპიურ კომიტეტს, პირადად ბატონ რატის, განსაკუთრებული ძალისხმევისა და გულითადად მუშაობისთვის, მთელი სული და გული აქვს მას ჩადებული პარასპორტის განვითარებაში და მადლობა მას მის მიერ გაწეული საქმიანობისთვის. განსაკუთრებული მადლობა ეკუთვნის, ბუნებრივია, ყველა შესაბამის ფედერაციას, მადლობა მინდა გადავუხადო კულტურისა და სპორტის მინისტრ ქალბატონ თეა წულუკიანს და მთლიანად სამინისტროს, ძალიან ბევრი ადამიანი იყო ჩართული იმ წარმატების მიღწევაში, რომელიც აქვს ჩვენს პარასპორტს ზოგადად და პარალიმპიურ გუნდს და მადლობა თითოეულ თანამშრომელს იმ განსაკუთრებული წვლილისთვის, რომელიც მათ აქვთ შეტანილი ჩვენს წარმატებაში. მადლობა მინდა გადავუხადო მწვრთნელებს, ექიმებს, ტექნიკურ ჯგუფს და კიდევ ერთხელ, განსაკუთრებული მადლობა პარალიმპიელებს, თქვენი გამარჯვება იყო თითოეული ქართველის, თითოეული გულშემატკივრის განსაკუთრებული სიამაყის საგანი და მადლობა იმ სიამაყისა და სიხარულისთვის, რომელიც განგვაცდევინეთ”, – განაცხადა პრემიერმა.