26 მაისი მერაბ კოსტავას დაბადების დღეა

03:57 - 26/05/2023

26 მაისი საქართველოს ეროვნული გმირის, მერაბ კოსტავას დაბადების დღეა.

დღეს ის 84 წლის გახდებოდა. ეროვნულ-განმათავისუფლებელი მოძრაობის ლიდერმა, ზვიად გამსახურდიასთან ერთად, სამშობლოს თავისუფლებისთვის ბრძოლას მიუძღვნა მთელი ცხოვრება.

ქართველი მუსიკათმცოდნე, პოეტი, საზოგადო მოღვაწე, დისიდენტი, ეროვნული მოძრაობის ლიდერი, მერაბ კოსტავა 1939 წლის 26 მაისს თბილისში, ოლღა დემურიასა და ივანე კოსტავას ოჯახში დაიბადა. ბაბუა – ვლადიმერ დემურია ცნობილი საზოგადო მოღვაწე და მასწავლებელი იყო.

1946 წელს მერაბ კოსტავა შეიყვანეს თბილისის ვაჟთა პირველ სკოლაში (დღევანდელი თბილისის კლასიკური გიმნაზია). ამ სკოლაში გაიცნეს ერთმანეთი ზვიად გამსახურდიამ და მერაბ კოსტავამ. აქვე გადაწყვიტეს, ებრძოლათ სამშობლოს თავისუფლებისთვის. მეგობრებისა და მათი თანამოაზრეების ზნეობრივად ჩამოყალიბებაზე დიდი გავლენა იქონია ქართველმა კლასიკოსმა კონსტანტინე გამსახურდიამ.

მერაბ კოსტავამ – მუსიკალური ნიჭით დაჯილდოებულმა ახალგაზრდამ – სწავლა დაიწყო ზაქარია ფალიაშვილის სახელობის მუსიკალურ ათწლედში, რომელიც 1958 წელს დაამთავრა და სწავლა გააგრძელა თბილისის ვანო სარაჯიშვილის სახელობის კონსერვატორიაში. კონსერვატორიის დამთავრების შემდეგ მუშაობდა მუსიკის მასწავლებლად. იყო ჟურნალის “ქართული ენა ლიტერატურა სკოლაში” რედაქტორი.

საქართველოს დამოუკიდებლობისთვის მებრძოლი მერაბ კოსტავა ბევრჯერ იყო რეპრესირებული, დაპატიმრებული, გადასახლებული. ბოლოს 1987 წელს დაბრუნდა გადასახლებიდან და ზვიად გამსახურდიასთან ერთად განაგრძო ბრძოლა სამშობლოს დამოუკიდებლობისთვის.

მერაბ კოსტავა 1989 წლის 13 ოქტომბერს ქუთაისიდან თბილისისკენ მიმავალი მერაბ კოსტავა სოფელ ბორითთან (ხარაგაულის რაიონი) ტრაგიკულად, ავტოკატასტოფის შედეგად დაიღუპა.

მერაბ კოსტავა წერდა ლექსებს, ფილოსოფიურ, თეატრალურ, ლიტერატურულ ესეებს. თარგმნიდა ცნობილი მწერლების ფილოსოფიურ ნაწარმოებებს. ლიტერატურული მოღვაწეობისთვის მინიჭებული აქვს ორი პრემია – დავით აღმაშენებლისა და მწერალთა კავშირის.

მერაბ კოსტავა დაკრძალულია მთაწმინდის მწერალთა და საზოგადო მოღვაწეთა პანთეონში

“დღეს ჩვენი დღეა, თითოეული ჩვენგანის, ვისთვისაც ძვირფასია სამშობლო და თავისუფლება”-კახა კალაძე

01:53 - 26/05/2023

“26 მაისი ჩვენი ევროპული მომავლის დღეა, რომელიც მთელ მსოფლიოს კიდევ ერთხელ შეახსენებს, თუ რა გზა გაიარა ამ პატარა და უდიდესი კულტურის მქონე ქვეყანამ; რამდენი იბრძოლა, რამდენი იშრომა თავისუფლებისთვის, საკუთარი იდენტობის შენარჩუნებისთვის, ხვალინდელი ევროპული დღისთვის”- წერს სოციალურ ქსელში თბილისის მერი, კახა კალაძე.

“დღეს 26 მაისია, საქართველოს დამოუკიდებლობის დღე!

დღეს ჩვენი დღეა, თითოეული ჩვენგანის, ვისთვისაც ძვირფასია სამშობლო და თავისუფლება.

თავისუფლების სიყვარული – ეს არის ძალა, რამაც ჩვენს მრავალსაუკუნოვან ერს გააძლებინა, შეაქმნევინა უდიდესი კულტურა, ქედი არ მოახრევინა უმრავი ჭირისა თუ განსაცდელის წინაშე და ჩააყრევინა ქართული სახელმწიფოს მტკიცე ფუნდამენტი.

26 მაისი ჩვენი გმირი ჯარისკაცების დღეა, რომელთა ბრძოლამ და თავგანწირვამ საქართველოს დამოუკიდებლობა მოუტანა.

26 მაისი ჩვენი იმ დებისა და ძმების დღეა, რომლებიც საოკუპაციო ხაზს მიღმა ცხოვრობენ და კარგად იციან, რა მოაქვს ომს და ოკუპაციას.

26 მაისი ჩვენი ევროპული მომავლის დღეა, რომელიც მთელ მსოფლიოს კიდევ ერთხელ შეახსენებს, თუ რა გზა გაიარა ამ პატარა და უდიდესი კულტურის მქონე ქვეყანამ; რამდენი იბრძოლა, რამდენი იშრომა თავისუფლებისთვის, საკუთარი იდენტობის შენარჩუნებისთვის, ხვალინდელი ევროპული დღისთვის.

გილოცავთ საქართველოს დამოუკიდებლობის დღეს!”- წერს სოციალურ ქსელში კახა კალაძე.

26 მაისის ასტროლოგიური პროგნოზი

00:48 - 26/05/2023

ვერძი

გირჩევთ, საკუთარი სიტყვები აკონტროლოთ, რადგან შეიძლება უცნობ ან ახლობელ ადამიანებთან რაღაც ზედმეტი თქვათ და მალე ძალიან ინანოთ. ხელსაყრელი დღეა შემოქმედებითი საქმიანობისთვის. სავარაუდოდ, ახალი საქმე მოულოდნელი დაბრკოლებების გამო შეფერხდება.

კურო

სავარაუდოდ, სამუშაოზე ყურადღების კონცენტრირების ყველა მცდელობა წარუმატებელი იქნება. კოლეგებთან საუბარი თუ ნებისმიერი წვრილმანი საქმეს მოგწყვეტთ. ეცადეთ, მთელი ყურადღება პროფესიულ პასუხისმგებლობებზე გადაიტანოთ. სტრესის მოხსნაში ფიზიკური დატვირთვა დაგეხმარებათ.

ტყუპები

ამ დღის დაგეგმვა გიჭირთ – მოვლენები ძალიან სწრაფად იცვლება და იძულებული ხართ, ახალ გარემოებებს მოერგოთ. გირჩევთ აქტიურ მოქმედებებზე უარი თქვათ და დამკვირვებლის პოზიციას დასჯერდეთ. ახალი იდეების განხორციელება სასურველ შედეგს არ მოიტანს.

კირჩხიბი

ეცადეთ, მშვიდი სამუშაო რიტმისთვის განეწყოთ. აჩქარებამ ან თქვენთვის არაკომფორტულ რეჟიმში მუშაობამ შეიძლება შეცდომები და შეფერხებები გამოიწვიოს. თავი შეიკავეთ კოლეგებსა ან პარტნიორებზე ზეწოლისგან. თუ დახმარება გჭირდებათ, გულწრფელად აღიარეთ და მოგვიანებით მადლობის თქმა ნუ დაგავიწყდებათ.

ლომი

ამ დღეს მხოლოდ სასიამოვნო საქმეების კეთებისკენ ხართ განწყობილი. ვარსკვლავები ვარაუდობენ, რომ თქვენი გატაცება შეიძლება დამატებითი შემოსავლის წყარო გახდეს. კოლეგებთან საუბარი დიდ დროს გართმევთ, ამიტომ ეცადეთ, ურთიერთობა შეზღუდოთ და განმარტოებით იმუშაოთ.

ქალწული

რთული და დაძაბული დღეა. სავარაუდოდ, სახლშიც და სამსახურშიც ბევრი საქმე გაქვთ, რაც ყურადღებას მოითხოვს. ყველაფრის მიუხედავად, შესვენება არ უნდა დაგავიწყდეთ, რადგან გადაღლას შეიძლება შეცდომები და ჯანმრთელობის პრობლემები მოჰყვეს. საყოველთაოდ მიღებული წესების დარღვევა პრობლემებს შეგიქმნით.

სასწორი

გირჩევთ, უარყოფითი ემოციები აკონტროლოთ და მოერიდოთ კამათს, რომელიც შეიძლება დიდ კონფლიქტში გადაიზარდოს. ამ დღეს ჩვეული კომფორტის ზონიდან გასვლა სასარგებლო იქნება და პროფესიული თუ პიროვნული ზრდისთვის ახალ, საინტერესო შესაძლებლობებს შემოგთავაზებთ.

მორიელი

ამ დღის მეორე ნახევარი ხელსაყრელია მოლაპარაკებებისა ან გარიგებებისთვის. ამ დროს თანამოსაუბრეების დარწმუნება და სასურველი შედეგების მიღწევა ყველაზე ადვილი იქნება. სავარაუდოდ, მეგობარს ან კოლეგას მტკივნეული პრობლემის მოგვარებაში დაეხმარებით, რაც შინაგან კმაყოფილებას მოგანიჭებთ და თავს უკეთესად იგრძნობთ. ეცადეთ, სახლის გარეთ მეტი დრო გაატაროთ.

მშვილდოსანი

რთული საუბარი და დაპირისპირება გელით, რომლის თავიდან აცილება შეუძლებელია. ეცადეთ, ყველასთვის მისაღები გამოსავალი იპოვოთ და პრობლემები წარსულში დატოვოთ. მთელ დღეს ფინანსური საკითხების მოგვარებას დაუთმობთ. გირჩევთ, ვალები და გადასახადები დროულად გადაიხადოთ.

თხის რქა

სულ ერთია, გინდათ თუ არა, ამ დღეს დაწყებული სამუშაოს დასრულება მოგიწევთ. ამ საქმის სამომავლოდ გადატანა დამატებით სირთულეებს შეგიქმნით, ამიტომ დრო არ უნდა დაკარგოთ. ეცადეთ, მეტი მოისმინოთ და ნაკლები ილაპარაკოთ და შეიძლება მნიშვნელოვანი ამბები გაიგოთ.

მერწყული

შეიძლება, ამ დღისთვის დაგეგმილი ყველა საქმის დასრულებისთვის დრო არ გეყოთ. თუ ხვდებით, რომ საქმეს დამოუკიდებლად ვერ უმკლავდებით, დახმარება უნდა ითხოვოთ. გირჩევთ, თანამშრომლებზე ზეწოლას მოერიდოთ და კორექტულად იმოქმედოთ. ვარსკვლავები გირჩევენ, ხანმოკლე სარგებლის გამო საკუთარ პრინციპებს არ უღალატოთ.

თევზები

სავარაუდოდ, მიზნებისა და პრიორიტეტების შეცვლა მოგიწევთ. ახალი ნაცნობობა ხანმოკლე და უსარგებლო იქნება. ყურადღებით იყავით, შესაძლოა, ამ დღეს ბევრი საინტერესო და საჭირო ინფორმაცია მოისმინოთ, რომელსაც თქვენთვის სასარგებლოდ გამოიყენებთ.

„გუგლი“ საქართველოს დამოუკიდებლობის დღეს ულოცავს

00:30 - 26/05/2023

„გუგლი“ საქართველოს დამოუკიდებლობის დღეს ულოცავს.

საძიებო სისტემის მთავარ გვერდზე 26 მაისის დადგომისთანავე, 00:00 საათიდან სპეციალური „დუდლი“ გაჩნდა საქართველოს დროშის გამოსახულებით.

საძიებო სისტემაში მითითებულია, რომ საქართველო დღეს დამოუკიდებლობის დღეს აღნიშნავს.

„დუდლს“ მომხმარებელი საძიებო სისტემის შესაბამის გვერდზე გადაჰყავს, სადაც საქართველოს დამოუკიდებლობის დღესთან დაკავშირებული ინფორმაციაა განთავსებული.

Коба Кобаладзе возложил венок к могиле генерала Джона Шаликашвили на Арлингтонском национальном кладбище

23:55 - 25/05/2023

В рамках официального визита в Соединенных Штатах Америки, директор Государственной службы по делам ветеранов, генерал-майор Коба Кобаладзе, возложил венок к могиле генерала Джона Шаликашвили на Арлингтонском национальном кладбище в Вашингтоне.

Коба Кобаладзе, атташе по обороне Грузии в США и Канаде, полковник Роберт Аргвлиани, его заместитель Николоз Джачвадзе и начальник Генерального Штаба Арлингтонского национального кладбища, полковник Майкл Эр Бинет почтили память американского генерала грузинского происхождения.

Генерал армии Соединенных Штатов Америки Джон Малхаз Шаликашвили был руководителем объединенного штаба командующих вооруженными силами США. Этот пост он занимал во время администрации президента США Била Клинтона, в 1993-1997 годы. Джон Малхаз Шаликашвили служил в американской армии на протяжении 38 лет. Скончался 23 июля 2011 года.

Коба Кобаладзе также посетил могилу неизвестного солдата и выразил почтение ко всем погибшим солдатам, которые погибли в ходе разных боевых действий на протяжении истории стратегического партнера Грузии, Соединенных Штатов Америки.

Финальная встреча на кубок имени Автандила Чихладзе среди футболистов-ампутантов

23:39 - 25/05/2023

25 мая этого года, при организации Ассоциации футбола ампутантов Грузии, активной поддержки Федерации футбола Грузии и содействии Государственной службы по делам ветеранов, в Тбилиси, на стадионе “Академия интера”, состоялся финальный матч за кубок Грузии имени Автандила Чихладзе 2023 года. За титул чемпиона боролись команды “Маргвети” из Зестафони и “Одиши” из Зугдиди. Игра закончилась со счетом 4:3 победой зестафонского “Маргвети” и обладателем титула чемпиона 2023 года также стала она. Кубок чемпиона этого года победившей команде вручил первый заместитель директора государственной службы по делам ветеранов, Николоз Квезерели.

Автандил (Давид) Чихладзе был ветераном абхазской войны, вице-полковником запаса, который на протяжении многих лет возглавлял Ассоциацию футбола ампутантов Грузии и в развитие и популяризацию этого вида спорта внес довольно существенный вклад. Он скончался в 2021 году; по решению исполнительного совета Федерации футбола ампутантов Грузии, с 2021 года кубку Грузии было присвоено его имя.

Коба Кобаладзе присутствовал в Вашингтоне на приеме, посвященном Дню Независимости Грузии

23:24 - 25/05/2023

В столице Соединенных Штатов Америки, Вашингтоне, состоялся торжественный прием, посвященный Дню Независимости Грузии.

На приеме вместие с членами грузинской делегации присутствовал директор Государственной службы по делам ветеранов, генерал-майор Коба Кобаладзе, который находится в Соединенных Штатах в рамках рабочего визита.

К участникам мероприятия обратился словом посол Грузии в США Давид Залкалиани, который в своем выступлении подчеркнул дружбу и стратегическое партнерство Соединенных Штатов Америки и Грузии.

На приеме, организованном посольством Грузии, присутствовало около 500 гостей. Среди гостей были представители Государственного Департамента Соединенных Штатов Америки, работающие в Вашингтоне граждане Грузии и представители дипломатического корпуса.

На мероприятии, посвященном Дню Независимости Грузии с музыкальными номерами выступили Нуца Бузаладзе и группа “Театральный квартет”.

კობა კობალაძემ, არლინგტონის ეროვნულ სასაფლაოზე, გენერალ ჯონ მალხაზ შალიკაშვილის საფლავი გვირგვინით შეამკო

23:02 - 25/05/2023

ამერიკის შეერთებულ შტატებში ოფიციალური ვიზიტის ფარგლებში, ვეტერანების საქმეთა სახელმწიფო სამსახურის დირექტორმა, გენერალ მაიორმა კობა კობალაძემ, ვაშინგტონში, არლინგტონის ეროვნულ სასაფლაოზე, გენერალ ჯონ მალხაზ შალიკაშვილის საფლავი გვირგვინით შეამკო.

კობა კობალაძემ, საქართველოს თავდაცვის ატაშემ აშშ-სა და კანადაში, პოლკოვნიკმა, რობერტ არღვლიანმა, მისმა მოადგილემ, ნიკოლოზ ჯაჭვაძემ და არლინგტონის ეროვნული სასაფლაოს გენერალური შტაბის უფროსმა, პოლკოვნიკმა მაიკლ ერ ბინეტმა, ქართული წარმოშობის ამერიკელი გენერლის ხსოვნას პატივი მიაგეს.

ამერიკის შეერთებული შტატების არმიის გენერალი, ჯონ მალხაზ შალიკაშვილი აშშ-ის შეიარაღებული ძალების მეთაურთა გაერთიანებული შტაბის ხელმძღვანელი იყო. მას, ეს თანამდებობა, პრეზიდენტ ბილ კლინტონის ადმინისტრაციის დროს, 1993-1997 წლებში ეკავა. ჯონ მალხაზ შალიკაშვილი, ამერიკულ არმიას, 38 წლის განმავლობაში ემსახურებოდა. გარდაიცვალა 2011 წლის 23 ივლისს.

კობა კობალაძემ, ასევე, მოინახულა უცნობი ჯარისკაცის საფლავი და პატივისცემა გამოხატა ყველა იმ გარდაცვლილი ჯარისკაცის მიმართ, ვინც საქართველოს სტრატეგიული პარტნიორის, ამერიკის შეერთებული შტატების ისტორიის განმავლობაში, სხვადასხვა საბრძოლო მოქმედებების დროს დაიღუპნენ.

შსს-მ ვაკეში მომხდარი სროლის ფაქტზე გამოძიება ორი მუხლით დაიწყო

20:48 - 25/05/2023

თბილისში, მოსაშვილის ქუჩაზე მომხდარ ფაქტთან დაკავშირებით, საქართველოს შინაგან საქმეთა სამინისტრომ გამოძიება განზრახ მკვლელობის მცდელობისა და ცეცხლსასროლი იარაღის უკანონო შეძენა-შენახვა-ტარების მუხლებით დაიწყო.

როგორც შინაგან საქმეთა სამინისტროში აცხადებენ გამოძიება სისხლის სამართლის კოდექსის 19-108-ე და 236-ე მუხლებით მიმდინარეობს

არსებული ინფორმაციით, დაჭრილია 1997 წელს დაბადებული მამაკაცი.

თბილისში, მოსაშვილის ქუჩაზე შემთხვევა რამდენიმე საათის წინ მოხდა. სროლა ერთ-ერთ კაფეში იყო.

ადგილზე მყოფების განცხადებით, რამდენიმე გასროლის ხმა გაიგეს. დაჭრილია ერთი პირი.

“სრული პასუხისმგებლობით ვამბობ, არცერთ მტერზე ნაკლები არ დაუშავებია ზვიადისა და ჩვენი ოჯახისთვის ჩემს ბიოლოგიურ დედას” – გიორგი გამსახურდია

19:47 - 25/05/2023

საქართველოს პირველი პრეზიდენტის ზვიად გამსახურდიას ვაჟი გიორგი გამსახურდია სოციალურ ქსელ “ტვიტერში” დედაზე – მანანა არჩვაძე-გამსახურდიაზე პოსტს აქვეყნებს.

“სრული პასუხისმგებლობით ვამბობ, არცერთ მტერზე ნაკლები არ დაუშავებია ზვიადისა და ჩვენი ოჯახისთვის ჩემს ბიოლოგიურ დედას. რასაც, დღევანდელი დღის ჩათვლით აგრძელებს. ამ ჯერზე ჩემი დაუძლურებული ძმის წინააღმდეგ. ყოველდღიურად არ წყდება მისი აბსურდული სარჩელები, რომელიც ანელებს ცოტნეს რეაბილიტაციას”, – წერს გიორგი გამსახურდია.

სრული პასუხისმგებლობით ვამბობ,არცერთ მტერზე ნაკლები,ზვიადზე და ჩვენს ოჯახზე არ დაუშავებია ჩემს ბიოლოგიურ დედას.რასაც,დღევანდელი დღის ჩათვლით აგრძელებს.ამ ჯერზე ჩემი დაუძლურებული ძმის წინააღმდეგ.ყოველდღიურად არ წყდება მისი აბსურდული სარჩელები,რომელიც ანელებს ცოტნეს რეაბილიტაციას.

— George Gamsakhurdia (@GeorgeGamsa1979) May 25, 2023

“ვინმე თუ ეძებს დროშას, თვალები გაახილოს და დაინახავს, თუ არ სიამოვნებთ საკუთარი დროშის დანახვა, სახლში იყვნენ”- შალვა პაპუაშვილი

18:57 - 25/05/2023

საქართველოს პარლამენტის წინ აღმართულია ეროვნული დროშა და ევროკავშირის დროშა. თუ ვინმე ეძებს დროშას, თვალები გაახილოს და დაინახავს, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

მისივე თქმით, რაც შეეხება 26 მაისთან დაკავშირებით დეკორაციებს, დეკორაციები ყოველ წელს თემატურია. ამასთან, შალვა პაპუაშვილი ამბობს, რომ რადიკალურმა ოპოზიციამ, ასევე არასამთავრობო ორგანიზაციებმა ქართველ ხალხს ეროვნული დღესასწაულის აღნიშვნა უნდა აცადონ.

„კიდევ უფრო მეტად იმედგამაცრუებელია, რომ ვნახე, ამ საკითხში, თუ მათ შორის, დეზინფორმაციულ პროპაგანდაში ჩართული არიან არასამთავრობო ორგანიზაციები. რამდენჯერ უნდა ითქვას ამაზე, ხვალ არის საქართველოს ეროვნული დღესასწაული და ორგანიზაციები, რომლებზეც იხარჯება უცხო ქვეყნის ფული, ორგანიზაციები, რომლებშიც დონორები ხარჯავენ ფულს, დგანან ახლა და საქართველოს ეროვნულ დღესასწაულთან დაკავშირებით ასეთ ისტერიას მართავენ. შემდეგ იმ დონორების, თუ იმ საელჩოების წარმომადგენლები ხვალ ტრიბუნებზე ისხდებიან და თავად აღლუმში მიიღებენ მონაწილეობას, პარალელურად, მათი დაფინანსებული „ენჯეოები“ ისტერიკას მოაწყობენ ამ საკითხთან დაკავშირებით. ეს არის სწორედ ის დამოკიდებულება, რომელიც ადასტურებს ქვეყნის არაკეთილსინდისიერ დახმარებას. უცხო ქვეყნის ფული და უცხო ქვეყნის მოქალაქეების ფული არ უნდა იხარჯებოდეს იმაში, რომ მასპინძელი ქვეყნის მოქალაქეებს ჩააშხამონ ეროვნული დღესასწაული. ამიტომ, კიდევ ერთხელ, თავად იცით, რომ თემა არასერიოზულია. ამასთან დაკავშირებით მთავრობის ადმინისტრაციამ გააკეთა განმარტება. ჩამოხსნა, არ ჩამოხსნა, საქართველოს პარლამენტის წინ აღმართულია ორი დროშა – საქართველოს ეროვნული დროშა და ევროკავშირის დროშა. თუკი ვინმე ეძებს დროშას, თვალები გაახილოს და დაინახავს ამ დროშას.

რაც შეეხება დეკორაციებს, დეკორაციები ყოველ წელს თემატურია და შეესაბამება თემატიკას. თუკი ვინმეს ელეთმელეთი ემართება ქართული დროშის დანახვაზე, დაჯდეს სახლში, იჯდეს მშვიდად სახლში და 26 მაისს საერთოდ ნუ გამოვა ქუჩაში, რადგან საქართველოს ძალიან ბევრ დროშას დაინახავს საქართველოს ქუჩებში. კიდევ ერთხელ, მივმართავ ყველას, განსაკუთრებით, მოქალაქეებს, ხედავენ, რომ ჩვენს ოპოზიციას, არასამთავრობო ორგანიზაციებს აქვთ ერთადერთი მიზანი, რამე მოიფიქრონ, რომ არიონ, ხალხს ნერვები მოუშალონ, ცუდ განწყობაზე დააყენონ. ხვალ გვაქვს უდიდესი ზეიმი, ჩვენი დამოუკიდებლობის დღე, ადამიანები, რომლებიც ასაკიდან გამომდინარე მოესწრნენ ამ დღეს, დღეს, როდესაც ჩვენ დამოუკიდებლობა გამოვაცხადეთ, ასაკოვან ადამიანებს ერთი ემოციური კავშირი აქვთ ამასთან, ჩვენი ახალგაზრდობისთვის, რომლებიც იმიტომ რომ დაბადებული არ იყვნენ ან პატარები იყვნენ, თავის დროზე ვერ იზეიმეს ეს დღე, ახლა ზეიმობენ. აცადონ ქართველ ხალხს საკუთარი ეროვნული დღესასწაულის აღნიშვნა, აცადოს, როგორც ჩვენმა რადიკალურმა ოპოზიციამ, ასევე იმ „ენჯეოებმა“, რომლებმაც არ იციან, სად წაიღონ უცხოური ფული და ნაცვლად იმისა, რომ ნერვები უშალონ საკუთარ მოქალაქეებს, დასხდნენ თავიანთ ოფისებში, დასხდნენ საკუთარ სახლებში, თუ არ სიამოვნებთ საკუთარი დროშის დანახვა, იყვნენ სახლში. კიდევ ერთხელ, ხვალ იქნება ძალიან ბევრი ქართული დროშა, საქართველოს, თბილისისა და სხვა ქალაქების ქუჩებში“, – განაცხადა შალვა პაპუაშვილმა.

სროლა ვაკეში – ინფორმაცია სოციალურ ქსელში ვრცელდება

18:31 - 25/05/2023

სროლა იყო რამდენიმე წუთის წინ თბილისში, ვაკეში, მოსაშვილის ქუჩაზე.

ინფორმაციას სოციალურ ქსელში თვითმხილველები ავრცელებენ:

თვითმხილველების ინფორმაციით, სროლა ერთ-ერთ კაფეში ვერანდაზე მოხდა. ახალგაზრდა ბიჭმა 7-ჯერ გაისროლა.

სროლის შედეგად სავარაუდოდ, დაშავდა ერთი ადამიანი. დაშავებული კლინიკაშია გადაყვანილი

თვით მხილველის თქმით, პირი რომელმაც გასროლა განახორციელა, შემთხვევის ადგილიდან გაიქცა.

“სროლა მოხდა “სტრადას” ვერანდაზე. ვიღაცამ 7-ჯერ გაისროლა და გაიქცა. გასროლამდე ჩხუბი ან კამათი არ ყოფილა. ხალხი მაგიდის ქვეშ დაწვა.

შენიღბული არ იყო, გრძელი თმა ჰქონდა. პატარა ბიჭი იყო, 20 წლის ბიჭს ჰგავდა, შავგვრემანი ბიჭი იყო. შავი შარვალი და შავი მაისური ეცვა”, – განაცხადა თვითმხილველმა.

https://www.facebook.com/n.zhvania/posts/10218431574179652

1...2,1782,1792,180...2,420 Page 2,179 of 2,420