პარტია „ლელოს“ ლიდერის, მამუკა ხაზარაძის განცხადებით, საქართველოს „ჩუმი ანექსია“ მიმდინარეობს.
მისივე თქმით, რუსეთის მოქალაქეებს სასწრაფოდ სავიზო რეჟიმი უნდა დაუწესდეს.
„გაიღვიძე საქართველო! გამოფხიზლების დროა! მიმდინარეობს საქართველოს ჩუმი ანექსია – ანექსია მარტო ტანკი არ არის. სასწრაფოდ რუსეთის მოქალაქეებს სავიზო რეჟიმი დაუწესდეს! ასე თუ გაგრძელდა, საქართველოს ქართველების გარეშე მივიღებთ!”, – განაცხადა ხაზარაძემ.
„ნაციონალური მოძრაობის“ პოლიტიკურ ჰალუცინაციებს რაც შეეხება, მათ უკვე აქვთ პარალელური სამყარო. ისინი პოლიტიკურ ოფსაიდში იმყოფებიან, – ამის შესახებ „ქართული ოცნების“ წევრმა, არჩილ თალაკვაძემ განაცხადა.
მისივე თქმით, პარტიაში ყოველდღე თამაშობენ პოლიტიკურ აიწონა-დაიწონას და დაცილებული არიან საზოგადოების რეალურ ინტერესებს.
„დაკარგეს რეალური პოლიტიკური კურსი, მთავარი ოპოზიციის როლი საპარლამენტო პოლიტიკაში. სადღაც საკუთარ სივრცეში და საკუთარ ილუზიებში ატარებენ უკვე შიდა რიგგარეშე არჩევნებს, თავმჯდომარეები არიან გადაყენებული, არიან მოქმედი თავმჯდომარეები, ვისაც გადაყენებული თავმჯდომარეები ემუქრებიან. ყოველდღე თამაშობენ პოლიტიკურ აიწონა-დაიწონას და დაცილებული არიან საზოგადოების რეალურ ინტერესებს. გარედან ეს იქნება მხოლოდ პოლიტიკური სასაცილო სერიალი. ისინი შიგნით აირჩევენ ვითომ პრემიერ-მინისტრებს, ვითომ პრეზიდენტებს, გაიხსენებენ იმ დროსაც, როდესაც ხელისუფლებაში იყვნენ, მაგრამ იმედია, იმასაც გაიხსენებენ, როგორ მოექცნენ საზოგადოებას და როგორ ექცეოდნენ მოქალაქეებს ხელისუფლებაში ყოფნის დროს. დრო, როდესაც „ნაციონალური მოძრაობა“ ადამიანების ღირსებას შეურაცხყოფდა, მედია ჰყავდა დაპატიმრებული, მოქალაქეები საკუთრებას ღამღამობით ჩუქნიდნენ პროკურატურაში სახელმწიფოს, როდესაც ადამიანებს აწამებდნენ და დედები, მშობლები ციხეებთან შვილებს შიშით ელოდებოდნენ, ეს დრო აღარ დაბრუნდება“, – აღნიშნა თალაკვაძემ.
მისივე თქმით, „ნაციონალური მოძრაობა“ აღარ დაბრუნდება ხელისუფლებაში.
„ჩვენ ამისთვის გავაკეთებთ ყველაფერს დემოკრატიული წესების სრული დაცვით. ძალიან მინდა, პატიმრობაში მყოფ ადამიანზე, რომელსაც პაციენტის სტატუსი აქვს და საავადმყოფოში იმყოფება, უხეში შეფასებები არ გავაკეთო, მაგრამ ის, რაც გააკეთა, არის სიცრუე, საზოგადოების მოტყუება და არასერიოზული პოლიტიკოსის საქციელი. როდესაც თვეების წინ ამბობდა, თითქოს ქართული პოლიტიკა არ აინტერესებდა და დღეს აკეთებს განცხადებებს, ქართულ პოლიტიკაში რა როგორ უნდა მოხდეს და ვირტუალურ თანამდებობებზეც აქვს პრეტენზია. რა უნდა ვთქვათ ამაზე? ღიმილისმომგვრელია. მოდით, იცხოვრონ მათ თავიანთ რეალობაში, ჩვენ განვაგრძოთ ჩვენი ქვეყნის განვითარება“, – განაცხადა არჩილ თალაკვაძემ.
როდესაც მიზანმიმართულად, მით უმეტეს, არასწორ ინფორმაციაზე დაყრდნობით ცდილობს ვიღაც ნიჰილიზმის კამპანიის წარმოებას, არის ძალიან მძიმე, თან იმ ფონზე, როდესაც გასული ორწელიწადნახევრის განმავლობაში, ძალიან მაღალი ეკონომიკური ზრდის მაჩვენებელი გვაქვს, – ასე გამოეხმაურა ქართული ოცნების თავმჯდომარე, ირაკლი კობახიძე კომპანია „მაკდონალდსის“ მიერ გამოკრულ ბანერებზე დასმულ შეკითხვას.
მისი თქმით, ნიჰილიზმის დათესვა და არასწორი მონაცემების გავრცელება, თითქოს 235 000-ზე მეტი ბავშვიანი ოჯახი სიღარიბეში ცხოვრობს, სახელმწიფოს წინააღმდეგ მიმართული ქმედებაა და კომპანიის მიერ შეცდომის აღიარება მისასალმებელია.
„რა თქმა უნდა, ასეთ დროს, ნიჰილიზმის დათესვა არის სახელმწიფოს წინააღმდეგ მიმართული ქმედება. ძალიან კარგი და მნიშვნელოვანია, თუ შეცდომა აღიარებული იქნა და იმედია, მომავალში ასეთი რამ არ მოხდება.
ზოგადად, საკუთარი ქვეყნის მიმართ იმედგაცრუების ატმოსფეროს ხელოვნურად შექმნა უბრალოდ არასწორი ქმედებაა და ასეთ ფაქტებს უნდა გაეცეს პასუხი. თუ მოხდა შეცდომის აღიარება, ეს არის ძალიან კარგი“, – განაცხადა ირაკლი კობახიძემ.
“ხალხის ძალის” ერთ-ერთი ლიდერის, სოზარ სუბარის განცხადებით, მიხეილ სააკაშვილი პრემიერ-მინისტრობის კანდიდატი ვერ იქნება, რადგან მას არ აქვს საქართველოს მოქალაქეობა.
მისი თქმით, საქართველოს ყოფილმა პრეზიდენტმა დატოვა საქართველოს მოქალაქეობა და შესაბამისად, მას არანაირი უფლება არ აქვს არჩევნებში მიიღოს მონაწილეობა.
„კაცმა არ იცის „ნაციონალური მოძრაობა“ მიაღწევს თუ არა 2024 წლის არჩევნებამდე, თუ მიაღწევს რა ძალა ექნება მას და როგორ იქნება. დადასტურდა, რამდენად მატყუარები არიან, რადგან თავიდან, როდესაც ისინი ამბობდნენ, რომ სააკაშვილი მიდის ქართული პოლიტიკიდან და მას საქართველო არ აინტერესებს, დღეს მათ შეატრიალეს თემა და ამბობენ, რომ პრემიერობის კანდიდატი უნდა იყოს. ჯერ ეს ერთიც პრემიერობის კანდიდატი ვერაფრით იქნება, რადგან სააკაშვილს არ აქვს საქართველოს მოქალაქეობა, საქართველოს ყოფილმა პრეზიდენტმა მიატოვა საქართველოს მოქალაქეობა და შესაბამისად, მას არანაირი უფლება არ აქვს არჩევნებში მიიღოს მონაწილეობა“, – განაცხადა სოზარ სუბარმა.
გავრცელებული ინფორმაციით, 2024 წლის არჩევნებისთვის „ნაციონალური მოძრაობა“ საქართველოს ყოფილ პრეზიდენტს, მიხეილ სააკაშვილს პრემიერმინისტრობის კანდიდატად ამზადებს.
„ქართული ოცნების“ თავმჯდომარის, ირაკლი კობახიძის განცხადებით, მთავრობა რუსეთ-საქართველოს პირდაპირ ფრენებთან დაკავშირებით სანქციებს არ დააწესებს და ოპოზიციის მხრიდან იმაზე საუბარი, რომ ფრენების აღდგენა უმძიმესი მოვლენაა, სპეკულაციაა.
როგორც მან ჟურნალისტებთან აღნიშნა, „IRI-ს გაყალბებულ კვლევაშიც კი“ საქართველოს მოსახლეობის უმრავლესობა რუსეთში ფრენების აღდგენას ემხრობოდა.
გარდა ამისა, ირაკლი კობახიძემ ჟურნალისტებს ფრენებთან დაკავშირებული კითხვების გამო „ნაცები“ უწოდა და „უფრო აზრიანი“ კითხვების დასმისკენ მოუწოდა.
„ფრენებთან დაკავშირებით ჩვენი პოზიცია ნათელია. რა თქმა უნდა, სანქციებს არ ვაწესებთ. მაშინ, როდესაც რუსეთ-საქართველოს ომს 500 ადამიანი შეეწირა და 30 00 ადამიანი დევნილად იქცა, მაშინ ხელისუფლება რუსეთთან დაახლოებაზე საუბრობდა. დღეს მათი მხრიდან საუბარი იმაზე, რომ ფრენების აღდგენა უმძიმესი მოვლენაა, უბრალოდ სპეკულაციაა და მეტი არაფერი.
მე შეგახსენებთ, რომ ერთ-ერთი ადამიანი, რომელიც დღეს „უმძიმეს დღეზე“ საუბრობდა, თავად საკუთარ სახლში რუს მდგმურებს იღებს. ასევე, ხოშტარია რუსულ რუბლებს პირდაპირ რუსეთის ხაზინიდან იღებს. მათთვის, რატომღაც, ასეთი ფაქტები, დისკომფორტის შემქმნელი არ არის. ეს პირდაპირ მიუთითებს იმაზე, რომ ისინი მხოლოდ ანტისახელმწიფოებრივად მოქმედებენ.
ახლა დიპლომატიურ ურთიერთობებზე ვსაუბრობთ და თუ შეიძლება აზრიანი კითხვები დასვით. „ნაცობა“ არის გონების დაბინდვა. რომ ხართ „ნაციონალი“, ეს ნიშნავს იმას, რომ დაბინდული გონება გაქვთ და შესაბამისად ასეთი არააზრიანი კითხვებით ხართ აღჭურვილი.
IRI-ს გაყალბებულ კვლევაშიც კი საქართველოს მოსახლეობის უმრავლესობა რუსეთში ფრენების აღდგენას ემხრობოდა. მე არც ის ვიცი, რატომ არ იღებს საქართველოსთან პირდაპირი ფრენების დაწესების გადაწყვეტილებას ამერიკის შეერთებული შტატები. ასევე, არ ვიცი რატომ არ ეწერება ხელი თავისუფალი ვაჭრობის ხელშეკრულებას აშშ-სა და საქართველოს შორის, რატომ არ ამარტივებენ სავიზო რეჟიმს. ეს კითხვები არსებობს, მაგრამ პასუხების გაცემა ჩვენი პრეროგატივა არ არის.
რაც შეეხება უკრაინის მიერ სანქცირებულ კომპანიას, ავიაკომპანიას ვინ დაასანქცირებს, ეს მთავარი არ არის. შეგახსენებთ, რომ უკრაინამ საქართველოდან ელჩიც გაიწვია. ჩვენთვის საერთაშორისო პოზიცია უფრო მნიშვნელოვანია და კიდევ ერთხელ უნდა ითქვას, რომ საერთაშორისოდ დასანქცირებული კომპანიები არ მიიღებიან“, – განაცხადა ირაკლი კობახიძემ.
„ელენე ხოშტარიამ ალბათ ახალი გზა იპოვა რუსეთიდან ფული როგორ უნდა მიიღოს და შეიძლება თვითმფრინავს ამიტომ ხვდება, რომ კონვერტით ფული უნდა ჩამოუტანონ,“ – ამის შესახებ პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ განაცხადა.
მისი თქმით, ხოშტარია ცდილობს რაღაცნაირად შენიღბოს, ვითომ ანტირუსულ კამპანიას აწარმოებს.
„ელენე ხოშტარიამ ალბათ ახალი გზა იპოვა რუსეთიდან ფული როგორ უნდა მიიღოს და შეიძლება თვითმფრინავს ამიტომ ხვდება, რომ კონვერტით ფული უნდა ჩამოუტანონ. გადარიცხვები იცით, რომ შეწყვეტილია რუსეთსა და საქართველოს შორის და მე მგონი ეს ახალი გზაა, ცდილობს, რომ რაღაცნაირად შენიღბოს, ვითომ ანტირუსულ კამპანიას აწარმოებს,“ – განაცხადა ნიკოლოზ სამხარაძემ.
„შედეგი, რომელსაც 23 წელი ელოდა საქართველოს მოსახლეობა, მიღწეულია. საქართველოს მოსახლეობა იმსახურებს რომ უვიზო რეჟიმი ჰქონდეს“, – ამის შესახებ „სოლიდარობა მშვიდობის“ ლიდერმა მერაბ ჭიქაშვილმა თბილისის აეროპორტში მოსკოვი-თბილისის პირდაპირი ავიარეისის შესრულების შემდეგ ჟურნალისტებს განუცხადა.
ჭიქაშვილმა საქართველოს მოსახლეობას რუსეთ-საქართველოს შორის პირდაპირი ფრენების აღდგენა მიულოცა და თქვა, რომ ეს გამარჯვება სახალხო დიპლომატიამ მოიტანა.
„პირველ რიგში საქართველოს მოსახლეობას ვულოცავთ იმ გამარჯვებას, რაც სახალხო დიპლომატიამ მოიტანა და კონკრეტულად იმ შედეგმა, რომელზეც ჩვენ დავიწყეთ მუშაობა ჯერ კიდევ 7 დეკემბერს. ჩვენი ორგანიზაციის „სოლიდარობა მშვიდობის“ სახელით, იმ ადამიანებთან ერთად, რომლებიც დღეს აქ არიან წარმოდგენილი ჩვენ გვქონდა ფორუმი, სადაც მონაწილეობას იღებდა რუსეთის მხარე, რუსეთის დუმის დეპუტაცია, კონკრეტულად ლეონიდ კალაშნიკოვთან და ტაისაევთან დავაყენეთ საკითხი.
ორ საკითხზე იყო საუბარი, რომ საქართველოს მოსახლეობისთვის არ ყოფილიყო უვიზო რეჟიმი და შესაბამისად აღდგენილიყო ფრენები. საქართველო იმსახურებს რომ ჰქონდეს უვიზო მიმოსვლა. ამას გარდა, შედეგი, რომელსაც 23 წელი ელოდა საქართველოს მოსახლეობა, მიღწეულია. თუმცა ეს არ არის ბოლომდე გამარჯვება. ჩვენთვის მნიშვნელოვანია საქართველოს მოსახლეობის ინტერესები“, – აცხადებს ჭიქაშვილი.
“Our performance in South America was a resounding success, now we would gear up for the Challenge Cup” – Levan Maisashvili, Head Coach of Black Lion and Georgian National Rugby Team
I am profoundly satisfied with our performance in the South American tournament. The 40-day competition served us as intensive training program and undeniably paid off for us as preparation for the World Cup. With no further games scheduled for “Black Lion” until fall, this indeed was a perfect opportunity to keep ourselves in a good shape. Our victories in the first two matches demonstrated the team’s excellent abilities to perform on a high level. The rest of the matches provided us an invaluable chance to experiment, making frequent changes and introduce new players to the field.
The “Black Lion” team is comprised with at least half of the national team squad, the rest of the national team members are legionaries and are currently well engaged in various European tournaments, thus having intensive preparation opportunity for the World cup. So the South American trip gave the “Black Lion” part of the National Team players an unique opportunity for preparation too.
I am confident to state that we are ready for the World Cup and equally so for the Challenge Cup. We are hoping that we will be given an opportunity to bring our value to the European tournaments as well. Unlike the Rugby Europe Super Cup, a stage that we have completely dominated and exhausted its potential for us, participating in the higher lever European Competitions will certainly provide us a significant opportunity to grow and strengthen further.
We plan to continue our participation in the South American tournament, The teams from Chile, Uruguay, Argentina and the South American national team are great and skilled opposition who offer a distinct style of play from European rugby—faster, stronger, and almost exclusively on the brink of penalties. This has provided a relatively new experience for us, adding fresh skills to our assets. It has made us stronger physically and mentally, it was really priceless experience.
This time of our SA visit, our participation in the tournament was unofficial. However, we hope that in the future our participation in this tournament will become official.
I am looking forward to the time when we will be granted participation in the Challenge Cup, which, I believe will be an ideal platform for Lelos to express themselves and further develop their skills that bring higher results, this also will let us to expand our game globally.
რუსეთ-საქართველოს შორის ფრენების აღდგენის შემდეგ თბილისში ჩამოფრენილი პირველ თვითმფრინავით საზოგადოებრივი ორგანიზაციის, „სოლიდარობა მშვიდობისთვის“ წევრი ვალერი კვარაცხელია ჩამოფრინდა და მედიასთან კომენტარი გააკეთა.
მისი თქმით, ქართველი ხალხი რუსეთ-საქართველოს შორის ფრენების აღდგენას „მიესალმება“.
„მინდა მივულოცო ქართველ ხალხს, რომ გაუქმებულია ფრენების აკრძალვა და დაწესებულია უვიზო რეჟიმი. მთელი ქართველი ხალხი ამას მიესალმება, ვისაც უნდა გაფრინდება, ვისაც უნდა არ გაფრინდება. გარეთ მიმდინარეობს დაფინანსებული აქცია. ეს მიგვიყვანს, ერთი მხრივ, ეკონომიკურ გაჯანსაღებამდე, მეორე მხრივ, ტერიტორიულ გამთლიანებამდე და, მესამე მხრივ, ყველა იმ პრობლემების მოგვარებამდე, რომელიც აქამდე იყო 2 ქვეყანას შორის“, – განაცხადა კვარაცხელიამ.
საქართველოს შინაგან საქმეთა სამინისტრო, როგორც მართლწესრიგისა და უსაფრთხოებაზე პასუხისმგებელი უწყება, შეკრებებისა და მანიფესტაციების დროს, უზრუნველყოფს როგორც საზოგადოებრივი უსაფრთხოების დაცვას, ასევე თითოეული ადამიანის გამოხატვის თავისუფლებას, თუ ეს არ სცდება კანონით დასაშვებ ფარგლებს, – ამის შესახებ საქართველოს შინაგან საქმეთა სამინისტრო განცხადებას ავრცელებს.
„შოთა რუსთაველის სახელობის თბილისის საერთაშორისო აეროპორტის მიმდებარედ, მართლწესრიგისა და უსაფრთხოების დაცვის მიზნით მობლიზებულები არიან სამართალდამცველები. ასევე, უსაფრთხოების ზომებიდან გამომდინარე, აეროპორტის ჩამოფრენის დარბაზში დაიშვებიან მხოლოდ ის მოქალაქეები, რომლებმაც უშუალოდ უნდა ისარგებლონ აეროპორტის მომსახურებით და ობიექტეზე დასაქმებული პირები.
პოლიცია იცავს კონსტიტუციით გარანტირებულ, მშვიდობიანი შეკრებებისა და მანიფესტაციის გამართვის უფლებას.
„შეკრებებისა და მანიფესტაციების შესახებ“ საქართველოს კანონის მე-9 მუხლის 1-ლი ნაწილის „ბ“ ქვეპუნქტის შესაბამისად, აკრძალულია შეკრების ან მანიფესტაციის ჩატარება აეროპორტის შენობებში და მათი შესასვლელებიდან ოცი მეტრის რადიუსში მდებარე ტერიტორიებზე.
შინაგან საქმეთა სამინისტრო მოუწოდებს აქციის ორგანიზატორებსა და მონაწილეებს, პროტესტი გამოხატონ დასაშვებ ტერიტორიაზე, დაიცვან მართლწესრიგი და დაემორჩილონ სამართალდამცველების კანონიერ მოთხოვნებს.
აქციის მიმდინარეობისას, სამართალდარღვევის ნებისმიერი ფაქტი, კანონის ფარგლებში, დაუყოვნებლივ იქნება აღკვეთილი“, – აღნიშნულია შსს-ს განცხადებაში.
თბილისის მერის კახა კალაძის თქმით, მსჯავრდებულ ექსპრეზიდენტს, მიხეილ სააკაშვილს კონკრეტულ საქმეებზე მიუძღვის ბრალი, რის გამოც იხდის სასჯელს.
როგორც მან მედიასთან შესაბამისი კითხვის საპასუხოდ განაცხადა, „ნაციონალური მოძრაობის“ პიარსვლები ბუნდოვანია, ნათელი კი არის ის შიდა დაპირისპირებები, რაც ამ პარტიაში იკვეთება.
„მიხეილ სააკაშვილი დამნაშავეა. ის სასჯელს იხდის არა საპატიმროში, არამედ კლინიკაში. არ ვიცი „ნაციონალურ მოძრაობას“ რა პიარსვლები აქვს ჩაფიქრებული. თავად იღებენ გადაწყვეტილებას, რა ფორმით უნდა მოემზადონ არჩევნებისთვის. ერთი რამ ცხადია, ბოლო წლების განმავლობაში იკვეთება შიდა დაპირისპირება. ეს აშკარაა, ვხედავთ ტელევიზიებში ერთმანეთის მიმართ რა განცხადებებს აკეთებენ. სააკაშვილს რაც შეეხება, ის არის დამნაშავე კონკრეტულ საქმეებზე და იხდის სასჯელს“, – განაცხადა კახა კალაძემ.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge