ტაშიი კუკური! ჯო შენ დაუკარ! ზეიმობს ქათქათა სახლი! დედა შვილს არ აიყვანს ამას ჰქვია! , – ამის შესახებ რეჟისორი გოგა ხაინდრავა Twitter-ზე წერს და ამის დონალდ ტრამპისთვის ბრალის წარდგენას ეხმიანება.
„ღმერთი თუ გწამთ დოლარზე როგორც გიწერიათ IN GOD WE TRUST, გეცოდინებათ ბიბლიური სოდომისა და გომორის ბედი. პოლიტიკურ შიზოფრენიას თუ გავითვალისწინებთ… ისტორია მეორდება“, – წერს ხაინდრავა.
14 ივნისს ქუთაისში +26 გრადუსი და წვიმიანი დღეა მოსალოდნელი, ღამით კი +19 გრადუსი იქნება. ოზურგეთშიც იწვიმებს. დღისით +26 გრადუსი დაფიქსირდება, ღამით კი +18 გრადუსია ნავარაუდევი. ბათუმში დღისით ჰაერი +27 გრადუსამდე გათბება, ღამით კი +19 გრადუსი დაფიქსირდება. იწვიმებს.
ფოთში დღისით +27 გრადუსი დაფიქსირდება, ღამით კი +20 გრადუსია მოსალოდნელი. იწვიმებს. ზუგდიდში დღისით ტემპერატურა +27 გრადუსს მიაღწევს, ღამით კი +19 გრადუსია ნავარაუდევი. მოსალოდნელია წვიმა. +26 გრადუსი და წვიმიანი დღეა მოსალოდნელი სოხუმშიც, ღამით +19 გრადუსი დაფიქსირდება.
მესტიაში დღისით +24 გრადუსი, ღამით კი +10 გრადუსი დაფიქსირდება. იწვიმებს. ამბროლაურში ჰაერი დღისით +27 გრადუსამდე გათბება, ღამით კი +16 გრადუსი დაფიქსირდება. მოსალოდნელია ნალექი.
ჭიათურაშიც იწვიმებს. დღისით +28 გრადუსია მოსალოდნელი, ღამით კი +16 გრადუსი. ახალციხეში დღისით ჰაერი +25 გრადუსამდე გათბება, ღამით კი ტემპერატურა +12 გრადუსამდე დაიწევს. მოსალოდნელია წვიმა.
ბორჯომშიც იწვიმებს. დღისით +27, ღამის ღამით კი +14 გრადუსი დაფიქსირდება. ბაკურიანში დღისით +22 გრადუსია მოსალოდნელი, ღამით +9 გრადუსი დაფიქსირდება. მოსალოდნელია ნალექი.
გორში დღისით +29 გრადუსია მოსალოდნელი, ღამის განმავლობაში კი +16 გრადუსი დაფიქსირდება. იწვიმებს. ცხინვალში დღისით ჰაერს ტემპერატურა +87 გრადუსი იქნება, ღამით კი +15 გრადუსი დაფიქსირდება. მოსალოდნელია ნალექი.
გუდაურშიც წვიმას ვარაუდობენ. დღისით +17 გრადუსია ნავარაუდევი, ღამით კი ჰაერის ტემპერატურა +10 გრადუსი იქნება. ანალოგიური ამინდია მოსალოდნელი ომალოშიც, სადაც დღისით +17, ღამით კი +8 გრადუსი დაფიქსირდება.
ლაგოდეხში ჰაერის ტემპერატურა დღის განმავლობაში +31 გრადუსი იქნება, ღამით კი +18 გრადუსი დაფიქსირდება. იწვიმებს. თელავში დღისით +31 გრადუსი დაფიქსირდება, ღამით კი +18 გრადუსია ნავარაუდევი. მოსალოდნელია წვიმა.
გურჯაანში დღისით +29 გრადუსი, ღამით კი +17 გრადუსი დაფიქსირდება. სიღნაღში დღისით +29 გრადუსი მოსალოდნელი, ღამით +17 გრადუსი დაფიქსირდება. იწვიმებს.
რუსთავში დღისით +31 გრადუსია მოსალოდნელი, ღამით კი +18 გრადუსი დაფიქსირდება. იწვიმებს.
თბილისში ჰაერის ტემპერატურა დღისით +31 გრადუსს მიაღწევს, ღამით კი +18 გრადუსი იქნება. მოსალოდნელია მცირე ნალექი.
16 ივნისს წლის ერთ-ერთ ყველაზე მნიშვნელოვანი ტექნოლოგიური ღონისძიება გაიმართება. პირველი ქალი პროგრამისტის, გრეის ჰოპერის სახელობის ჯილდო USAID-ის ინიციატივით ტარდება. თიბისი მესამე წელია პროექტის მთავარი პარტნიორი და თანაორგანიზატორია. ჯილდოს მიზანია როგორც წარმატებული ქალების აღიარება ICT სფეროში, ისე იმ პროგრამებისა და ორგანიზაციების წარმოჩენა, რომლებიც საინფორმაციო და საკომუნიკაციო ტექნოლოგიების სექტორში ქალების გაძლიერებას უწყობენ ხელს.
2023 წლის გამარჯვებულები დაჯილდოების ცერემონიაზე გახდებიან ცნობილები, ადგილობრივმა და საერთაშორისო ჟიურიმ კი ფინალისტები უკვე 6 კატეგორიაში გამოავლინა
https://www.ictwomen.ge/finalists
გასული წლების მსგავსად, თიბისი ტექნოლოგიური სტარტაპისა და მომავლის ლიდერის ნომინაციებში
გამარჯვებულებს მხარს დაუჭერს და მათ საჭიროებებზე მორგებულ პროგრამებს შეიმუშავებს.
“გრეის ჰოპერის სახელობის ჯილდო თავისი არსით იზიარებს თიბისის, როგორც ტექნოლოგიური კომპანიის ღირებულებებს. ჩვენთვის პროექტის მთავარი პარტნიორობა განსაკუთრებით მნიშვნელოვანია, რადგან საინფორმაციო და საკომუნიკაციო ტექნოლოგიების სფეროში მოღვაწე ქალებს მუდამ ვუჭერთ მხარს და მზად ვართ, წელსაც შევიტანოთ წვლილი საინტერესო ადამიანების აღმოჩენასა და წახალისებაში”, — ამბობს გვანცა მურღვლიანი, თიბისის ადამიანური კაპიტალის მართვის დირექტორი.
პროექტის მხარდამჭერები ასევე არიან: Visa, UN Women, Majorel, UGT, გერმანიის საერთაშორისო თანამშრომლობის საზოგადოება (GIZ) , აჭარა ჯგუფი, Lineate და გენდერული თანასწორობის საბჭო.
R
არასამთავრობო ორგანიზაცია „დემოკრატიის კვლევის ინსტიტუტი“ ოკუპირებულ აფხაზეთში არსებულ ვითარებასთან დაკავშირებით ინფორმაციას ავრცელებს და აღნიშნავს, რომ რუსეთის ფედერაცია აგრძელებს ოკუპირებული რეგიონის სახელმწიფო უსაფრთხოების სამსახურის სრულად დაფინანსებას.
მიმდინარე წლის 26 მაისს აფხაზეთის დე ფაქტო პარლამენტის დეპუტატებმა საგაზაფხულო სესიის სხდომაზე, პირველი და მეორე დასკვნითი მოსმენით მოახდინეს 2021 და 2020 წლის შეთანხმებების დამატებითი ოქმების რატიფიცირება. დოკუმენტები რუსეთის ფედერაციის მხრიდან აფხაზური საჯარო უწყებების თანადაფინანსების პირობებს შეეხება.
„აფხაზეთსა და რუსეთის ფედერაციას შორის, თანადაფინანსების შეთანხმების დამატებითი ოქმის ორმხრივი რატიფიცირების შედეგად, 2026 წლის იანვრის ჩათვლით, რუსეთის ფედერაცია სრულად დააფინანსებს აფხაზეთის რესპუბლიკის სახელმწიფო უსაფრთხოების სამსახურის თანამშრომელთა ხელფასებსა და პენსიებს. შეთანხმებას თავდაპირველად ხელი 2023 წლის 28 თებერვალს მოსკოვში მოეწერა.
თავის მხრივ, აფხაზმა დეპუტატებმა, დოკუმენტს მხარი ერთხმად დაუჭირეს. შედეგად, რუსეთის ფედერაციიდან აფხაზეთის უსაფრთხოების სამსახურში თანხების შედინება გრძელდება; ამჯერად, როგორც ადგილობრივები მიუთითებენ, დაფინანსების მასური წილი გაიზარდა“, – აღნიშნულია ორგანიზაციის მიერ გავრცელებულ ინფორმაციაში.
„დემოკრატიის კვლევის ინსტიტუტის“ ინფორმაციით, აფხაზეთის მოსახლეობის ნაწილისთვის მოცემულობა, რომ აფხაზეთის სახელმწიფო უსაფრთხოების სამსახურს სრულად რუსეთი აფინანსებს, მიუღებელია.
მათთვის აშკარაა, რომ უცხო სახელმწიფოდან სრულად დაფინანსების გამო აფხაზეთის უშიშროების სამსახური, არა საკუთარ, არამედ რუსეთის ინტერესებს წარმოადგენს და იცავს.
ვერძი
ეცადეთ, თვალი გაუსწოროთ რეალობას მიუხედავად იმისა, რომ მტკივნეულია ფანტაზიის სამყაროსა და უტოპიური იდეებისაგან თავის დახსნა. ახლა შორეულ გეგმებზე დროს ნუ დაკარგავთ, გამოიყენეთ მხოლოდ არსებული რესურსი და ისე იმოქმედეთ.
კურო
ახალმა პარტნიორულმა ურთიერთობებმა შესაძლოა, ძალიან კარგი შედეგი გამოიღოს და სასიკეთო ზეგავლენა მოახდინოს პრაქტიკულად მთელს თქვენს საქმიანობაზე.
ტყუპები
შესაძლოა, წარსულის უსიამოვნო მოვლენებმა შეგახსენონ თავი და აბეზარა ფიქრებმა შეგაშფოთოთ, შეეცადეთ, გადაერთოთ შემოქმედებით, ან ინტელექტუალურ საკითხებზე. ასე მალე დაუბრუნდებით ნორმალურ მდგომარეობას.
კირჩხიბი
ახლა შეგიძლიათ, რამდენიმე მიმართულებით იმოქმედოთ, რადგან საგრძნობლად იზრდება თქვენი შემოქმედებითი პოტენციალი და სრულიად ახლებურად შეძლებთ გამოავლინოთ აქამდე უცნობი უნარები.
ლომი
სასიყვარულო სფეროში რეფორმების დრო დადგა, დაოჯახებას მეტი ურთიერთგაგება და სტაბილურობა სჭირდება. მარტოხელა ლომებს მეტი შესაძლებლობა ექნებათ, დაუახლოვდნენ არც თუ დიდი ხნის თაყვანისმცემლებს.
ქალწული
ნუ დაუპირისპირდებით თქვენს ახლობლებს და ნუ შეეცდებით, მათ თავს მოახვიოთ თქვენი სურვილები და პრეტენზიები, თქვენი შეხედულებები საკმაოდ შორსაა მათი ფასეულობებისგან, ამიტომ, გაგიჭირდებათ საერთო ენის გამონახვა.
სასწორი
ახლო პერსპექტივებში, შესაძლოა, მაცდუნებელი ელემენტები გამოჩნდეს, გადაწყვეტილების მიღებისას, გაითვალისწინეთ რამდენად კომფორტული იქნება ეს თქვენთვის და აგრეთვე ყურადღება მიაქციეთ თქვენი ახლობელი ადამიანების ინტერესებს.
მორიელი
კარგი იქნება, თუ მეტად იზრუნებთ საკუთარ ჯანმრთელობაზე და ზოგადად ჯანსაღი ცხოვრების წესზე, სასიკეთოა დიეტის დაწყება. კარგად გააანალიზეთ პირადი ურთიერთობები.
მშვილდოსანი
შესაძლოა, თქვენმა ძველმა პროექტმა დაკარგოს აქტუალობა, ან დაირღვეს ძველი ხელშეკრულება, დიდია ალბათობა, ამის მიზეზი იყოს თქვენი წინდაუხედაობა, ან ვინმეს ღალატი, დამნაშავის ძებნას, ამ ეტაპზე, აზრი არ აქვს. მობილიზდით, რომ საკითხი სწრაფად გადაჭრათ.
თხის რქა
ნუ გაექცევით პასუხისმგებლობას, თუ მოინდომებთ, იპოვით გზებს გადაუჭრელი პრობლემების მოსაგვარებლად, არ დაივიწყოთ, რომ დაპირებებს შესრულება უნდა.
მერწყული
შესაძლოა, დღეს, თქვენმა ახლობლებმა, ან მეგობრებმა დახმარებისთვის მოგმართონ, იყავით გულისხმიერი მათი პრობლემების მიმართ, ეს აუცილებლად დაგიფასდებათ.
თევზები
დღეს, გამოიჩინეთ ყურადღება საკვები პროდუქტების მიმართ, აკონტროლეთ, ზოგადად, კვების რეჟიმი. მეტად იყავით ორიენტირებული სიმშვიდესა და დასვენებაზე.
დავით არახამია საქართველოს ხელისუფლებას მოუწოდებს, ქვეყანაში არსებული რუსული აქტივები გაყინოს. პოსტს სოციალურ ქსელში უკრაინის ხელისუფლების მაღალჩინოსანი კანადის პრემიერთან შეხვედრის შემდეგ აქვეყნებს და წერს:
“კარგი იქნებოდა მსგავსი სოლიდარობა საქართველოს ხელისუფლებასაც გამოეჩინა, თუმცა გვესმის, რომ ამის მოლოდინი არ უნდა გქონდეს. იმედი მაქვს, დასკვნებს გამოვიტანთ, როგორც უკრაინისთვის, ასევე საქართელოსთვის.”
პარლამენტმა დღევანდელი პლენარული სხდომის ბოლო საკითხად “დეოლიგარქიზაციის შესახებ“ კანონის პროექტი განიხილა და 81 – მომხრე, 2 – წინააღმდეგი, მეორე მოსმენით მიიღო.
განსახილველად წარდგენილი იყო კანონპროექტის ის ვარიანტი, რომელიც ჯერ კიდევ აპრილის თვეში, ვენეციის კომისიის შუალედური რეკომენდაციების საფუძველზე გადამუშავდა და შეიცვალა.
პარლამენტის მიერ მეორე მოსმენით მიღებული კანონპროექტის თანახმად, ოლიგარქად მიიჩნევა პირი, თუ ის პოლიტიკურ ცხოვრებაში მონაწილეობს, მედიამომსახურებაზე ახდენს გავლენას და მნიშვნელოვან ეკონომიკურ რესურსს ფლობს. პროექტში გაწერილია სამივე კრიტერიუმის განმარტება.
პირის ოლიგარქად ცნობის უფლებამოსილება ანტიკორუფციულ ბიუროს ექნება, ნაცვლად საქართველოს მთავრობისა.
ანტიკორუფციული ბიურო ვალდებული იქნება სრულყოფილი მოკვლევა ჩაატაროს, რათა გაარკვიოს პირი არის თუ არა ოლიგარქი. ანტიკორუფციული ბიუროს გადაწყვეტილება პირის ოლიგარქად ცნობის ან არცნობის შესახებ სასამართლო კონტროლს დაექვემდებარება. გასაჩივრება გათვალისწინებულია ორი ინსტანციით.
ამასთან, შეგახსენებთ, რომ ვენეციის კომისიამ “დეოლიგარქიზაციის შესახებ” კანონპროექტზე საბოლოო დასკვნა გამოაქვეყნა. ვენეციის კომისია მიიჩნევს, რომ კანონპროექტი არ უნდა იქნას მიღებული და არ უნდა მოხდეს “სისტემური“ მიდგომიდან გადახვევა.
შევახსენებ საზოგადოებას, რომ დაახლოებით 2011 წლის ნოემბრის თვეში „ნაციონალურმა მოძრაობამ“ ამ დარბაზში ბანდიტური, რეიდერული გზით შემოიტანა კანონპროექტების პაკეტი, და ეს ბატონმა რომანმა ძალიან კარგად იცის, მაგრამ არც მაშინ და არც ახლა, მისი ამოღებული ხმა ადამიანს არ ახსოვს არც ამ პარლამენტში და რაც ამ ქვეყანაში. თქვენმა ძვირფასმა ნაციონალურმა მოძრაობამ შემოიტანა კანონპროექტები იმიტომ, რომ გაენადგურებინა ბანკი „ქართუ“, მანამდე გაანადგურეთ ბადრი პატარკაციშვილის „სტანდარტ ბანკი“ და ამაში შეიძლება თქვენც წვლილი მიგიძღვით ბატონო რომან, – ამის შესახებ „ქართული ოცნების“ დეპუტატმა, გია ცაგარეიშვილმა პარლამენტის პლენარულ სხდომაზე სიტყვით გამოსვლისას განაცხადა.
ცაგარეიშვილის თქმით, მას კარგად ახსოვს, თუ როგორ გაანადგურა “ნაციონალურმა მოძრაობამ” ბადრი პატარკაციშვილის ბანკი, ხოლო მე-10 მოწვევის პარლამენტის ზოგიერთი დეპუტატი, მათ შორის, რომან გოცირიძე, წინა ხელისუფლების მიერ ბანკების ხელში ჩაგდების მიზნით დაინიცირებულ კანონპროექტებს, მაშინ მხარს უჭერდა. მმართველი გუნდის წევრმა გაიხსენა თავისუფლების მოედნიდან რამდენიმე მილიონით დატვირთული ბანკი „ქართუს“ საინკასაციო მანქანის გატაცების ეპიზოდიც და აღნიშნა, რომ გატაცებული თანხა, რამდენიმე თვეში, ეროვნული ბანკის ანგარიშზე ერთ-ერთმა პროკურორმა დააბრუნა.
„პირწმინდად მოსპეთ ბადრი პატარკაციშვილის ბანკი, მერე მიადექით „ქართუს“, შეიყვანეთ იქ მმართველები, დაიწყეთ მისი გაკოტრება. დღისით, მზისით, ბანდიტური, ყაჩაღური გზით დაავალეთ თქვენს ზონდერებს, ნაძირლებს და თავისუფლების მოედანზე გაიტაცეთ 2 მლნ დოლარი და 1 მლნ ევრო. საინკასაციო მანქანა მოიპარეთ საერთოდ და მერე იცით რა აღმოჩნდა? გადის რამდენიმე თვე და ვიღაც ვიგინდარა პროკურორი მიდის თქვენი სახელით ეროვნულ ბანკში და საკორესპონდენტო ანგარიშზე აბრუნებს ამ თანხას. ეს თუ იცოდნენ საქართველოში? – თუ არ იცოდნენ, შეგახსენებთ ამას, ეს ახალი ამბავი იქნება თქვენთვის? გადის დაახლოებით ორი თვე და ზუსტად იგივე შემადგენლობამ დეპუტატების ნაცებიდან შემოიტანა ისევ კანონპროექტების პაკეტი, დაარეგისტრირა თავიდან თებერვლის თვეში.
აქ იყო მობრძანებული მაშინდელი ეროვნული ბანკის პრეზიდენტი და ზონდერ-ბანკირების მთელი შემადგენლობა, რომლებიც თქვენი ხელის ბიჭები და ხელის გოგონები იყვნენ“, – განაცხადა გია ცაგარეიშვილმა.
არავის მოუვიდოდა თავში აზრად უკრაინასთან კონფლიქტის დაწყება, ნორმალური, ადამიანური ურთიერთობები რომ ყოფილიყო, – ამის შესახებ სამხედრო კორესპონდენტებთან შეხვედრისას რუსეთის პრეზიდენტმა, ვლადიმერ პუტინმა განაცხადა.
„უკრაინასთან კონფლიქტის დაწყება თავში აზრადაც არავის მოუვიდოდა, ნორმალური, ადამიანური ურთიერთობები რომ გვქონოდა. არანაირი სამოკავშირეო სახელმწიფოც კი არ იყო საჭირო“, – განაცხადა პუტინმა.
როგორც რუსეთის პრეზიდენტმა აღნიშნა, მოსკოვს უთანხმოება მინსკთანაც ჰქონია, თუმცა ბელარუსთან კონფლიქტის დაწყებაზე არავის უფიქრია.
„რამდენს ვდაობდით იმავე ბელარუსთან, ლუკაშენკოსთან ძალიან ბევრ საკითხზე ვკამათობდით. ზოგჯერ ვჩხუბობდით კიდეც, გასაგებია, რადგან ბელარუსის პრეზიდენტი იცავს თავის ინტერესებს, როგორც საჭიროდ მიიჩნევს, თანმიმდევრულად, მტკიცედ. ჩვენ გვქონდა დავები. თუმცა, ვინმეს მოსვლია თავში აზრად ბელარუსთან კონფლიქტის დაწყება?“ – განაცხადა პუტინმა.
საქართველოს პრემიერ–მინისტრის ვიზიტის ფარგლებში ბელგიის სამეფოში იმართება მაღალი დონის შეხვედრები, როგორც ბელგიელ კოლეგებთან, ასევე ევროკავშირის მაღალი თანამდებობის პირებთან, – ამის შესახებ ევროკავშირთან საქართველოს წარმომადგენლობის ხელმძღვანელმა, ბელგიის სამეფოსა და ლუქსემბურგის დიდ საჰერცოგოში საქართველოს ელჩმა ვახტანგ მახარობლიშვილმა განაცხადა.
მისი თქმით, პრემიერ–მინისტრი ვიზიტის ფარგლებში შეხვედრას გამართავს მის კოლეგასთან, ბელგიის პრემიერ–მინისტრთან, ისევე, როგორც ბელგიის წარმომადგენლობითი პალატის პრეზიდენტთან.
„ნიშანდობლივია, რომ მოცემული ვიზიტის ფარგლებში ასევე იმართება ფესტივალ – „ევროპალიის” – პროგრამის პრეზენტაცია, ხოლო საღამოს გაიმართება საქართველოს დამოუკიდებლობის დღისადმი, ისევე, როგორც „ევროპალიის” ფესტივალისადმი მიძღვნილი მიღება, სადაც იგეგმება პრემიერ–მინისტრის მიმართვა დამსწრე საზოგადოებისადმი.
ვიზიტის ფარგლებში პრემიერ–მინისტრი შეხვედრას გამართავს ევროკავშირის მაღალი თანამდებობის პირებთან, გაიმართება შეხვედრა ევროპული საბჭოს პრეზიდენტთან, ბატონ შარლ მიშელთან, ისევე, როგორც ევროპული სამეზობლო პოლიტიკისა და გაფართოების საკითხებში ევროკომისართან ბატონ ვარჰეისთან. რა თქმა უნდა, შეხვედრებზე განხილული იქნება საქართველო–ევროკავშირის დღის წესრიგში არსებული ყველა პრიორიტეტული თემა, განსაკუთრებული ყურადღება გამახვილდება იმ პრიორიტეტებზე, იმ რეკომენდაციებზე, რომლებიც ევროკავშირის მხრიდან იქნა წარმოდგენილი წლის დასაწყისში. მხარეები ისაუბრებენ იმ მოლოდინებზე, რომლებიც შეიძლება ჩვენ გაგვაჩნდეს წლის ბოლოსთვის“, – აღნიშნა ვახტანგ მახარობლიშვილმა.
„მაკდონალდსში“ „ჰეფი მილის“ მენიუში სასაჩუქრედ ლგბტ შინაარსის შემცველი წიგნების ტირაჟირებას საქართველოს საპატრიარქო განცხადებით ეხმაურება.
„გავრცელდა ინფორმაცია, რომ „მაკდონალდის“ ქსელში ჰომოსექსუალური შინაარსის შემცველი საბავშვო-სასაჩუქრე წიგნების ტირაჟირება ხდება.
ჩვენდა სამწუხაროდ ეს ინფორმაცია დასტურდება. ამ ფაქტმა მოსახლეობაში გამოიწვია დიდი გულისწყრომა და მიგვაჩნია, რომ სამართლიანადაც.
ეს არის ყალბი ღირებულებების პროპაგანდა ისეთ ქვეყანაში, რომელიც თითქმის ორიათასწლოვანი სულიერი და კულტურული ქრისტიანული მემკვიდრეობით ცხოვრობს.
მეტიც ეს არის მოზარდებთან მიმართებით, ვერაგული და შეფარული ქმედება „მაკდონალდსის“ პასუხისმგებელი პირების მხრიდან.
რაც შეეხება საუბარს ჯანსაღ საკვებზე, რომელსაც შეფარვით სულიერი საწამლავი ერევა, არის კარგად გათვლილი მზაკვრობა!“, – აღნიშნულია საპატრიარქოს განცხადებაში.
ცნობისთვის, „მაკდონალდსში“ „ჰეფი მილის“ მენიუში სასაჩუქრედ გამოჩნდა წიგნი, რომელშიც მუსიკოს ელტონ ჯონის ცხოვრების შესახებ წერია. რამდენიმეგვერდიან წიგნში გადმოცემულია მუსიკოსისა და მისი სამოქალაქო პარტნიორის, დევიდ ფერნიშის სასიყვარულო ურთიერთობის შესახებ.
„მშვიდობა ძალიან დიდი ფასეულობაა და ამისთვის ძალიან დიდი პოლიტიკური საფასურია გადახდილი. ეს არ არის შემთხვევითი, მაშინ როცა, შინ და გარეთ ასეთი ანტისახელმწიფოებრივი ძალა გებრძვის.“, – ამის შესახებ გადაცემა „პოლიტიკურ პოსტში“ „ხალხის ძალის“ წევრმა თამთა მეგრელიშვილმა განაცხადა.
მისი თქმით, დესტრუქციული ოპოზიციის აბსოლუტურად ყველა ქმედება მიმართულია იქითკენ, რომ ქართულ სახელმწიფოში დესტაბილიზაცია განვითარდეს, თუმცა მათ ეს არ გამოუვათ.
„ვენეციის კომისიის დასკვნასთან დაკავშირებით პოლიტიკური დაკვეთა ნამდვილად უპირატესია ამ შემთხვევაში, იმიტომ, რომ „ნაციონალური მოძრაობა“, პარტიკულარული ინტერესების მქონე პარტიაა, რომელიც დღენიადაგ ანტისახელმწიფოებრივ, არაქართულ პოლიტიკას ეწევა და ძალა, რომელიც მისი არსებობის მანძილზე აუპატიურებდა ქართველ კაცს, კლავდა და ქონებას ართმევდა, ცდილობს და ყველაფერს აკეთებს შინ თუ გარეთ, რომ ამ ქვეყანაში იყოს დესტაბილიზაცია და ომი. თუმცა, კიდევ ერთხელ ვიტყვი, რომ დიახ, მადლიერი ვარ ჩემი პრემიერის, სახელისუფლებო გუნდის, რომელთაც ძალიან პრაგმატული, სწორი პოლიტიკით დღემდე მშვიდობიანად მოგვიყვანა.
მშვიდობა ძალიან დიდი ფასეულობაა და ამისთვის ძალიან დიდი პოლიტიკური საფასურია გადახდილი. ეს არ არის შემთხვევითი, მაშინ როცა, შინ და გარეთ ასეთი ანტისახელმწიფოებრივი ძალა გებრძვის. დესტრუქციული ოპოზიციის აბსოლუტურად ყველა ქმედება მიმართულია იქითკენ, რომ ქართულ სახელმწიფოში დესტაბილიზაცია განვითარდეს, აღარ იყოს ღირსეული სახელმწიფო და ღირსებადაკარგულს მშვიდობაც დააკარგვინონ, მაგრამ ეს არ გამოუვათ, გამორიცხულია.
კონსერვატიული შეკრება, სადაც მოძრაობა „საქართველო უპირველეს ყოვლისა“ დაარსდა, იყო ძალიან მნიშვნელოვანი, რადგან იქ ის ხალხი შეიკრიბა, რომელთაც მშვიდობა, სტაბილურობა და ქვეყნის განვითარება სურთ. მადლიერი ვარ ამ ადამიანების, რომ ასეთი გაერთიანება ჩამოყალიბდა. მათი მიზანია, გვყავდეს აქტიური მოქალაქეები, რომლებიც გასაქანს აღარ მისცემენ რადიკალურ ოპოზიციას დესტრუქციული ქმედებების განხორციელებისთვის, რომელშიც მილიონობით დოლარი იხარჯება“, – განაცხადა თამთა მეგრელიშვილმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge