აშშ დოლარის ოფიციალური ღირებულება 2.6930 ლარი გახდა.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6930 ლარი გახდა. კურსი, რომელიც დღეს მოქმედებდა, 2.6936 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი კურსი 3.1492 ლარია. მაშინ, როცა დღეს მოქმედი კურსი 3.1394 ლარს შეადგენდა. შესაბამისად, ევროს ცვლილებამ 0.0098 ლარი შეადგინა.
შინაგან საქმეთა სამინისტრომ გასულ ღამეს, ქვეყნის მასშტაბით – თბილისში, იმერეთში, სამცხე-ჯავახეთისა და კახეთის რეგიონებში კიდევ ერთი წარმატებული საპოლიციო ღონისძიება ჩაატარა – ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს თანამშრომლებმა, გენერალურ პროკურატურასთან ერთად, ჩატარებული ოპერატიული ღონისძიებებისა და საგამოძიებო-საპროცესო მოქმედებების შედეგად, მოსამართლის განჩინების საფუძველზე, „კანონიერი ქურდობის“, „ქურდული სამყაროს” წევრობის, „ქურდული სამყაროს” საქმიანობის მხარდაჭერისა და „ქურდული სამყაროს” წევრისთვის მიმართვის ფაქტებზე 30 პირი დააკავეს, ხოლო 2 პირს ბრალი დაუსწრებლად წარედგინა. აღნიშნულის თაობაზე ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგისა და უკანონო მიგრაციის წინააღმდეგ ბრძოლის სამმართველოს უფროსმა შსს-ში გამართულ ბრიფინგზე განაცხადა.
მისივე განცხადებით, „ქურდული სამყაროს წევრისთვის მიმართვის“ ფაქტზე დაკავებულია 19, „ქურდული სამყაროს საქმიანობის მხარდაჭერის“ ფაქტზე – 7, ხოლო „ქურდული სამყაროს წევრობის“ ფაქტზე – 4 პირი. რაც შეეხება 2 პირს, ე.წ. „კანონიერ ქურდს“ თენგიზ ხოფერიას მეტსახელად „ჭინკა“-ს და თ.კ.-ს, მათ ბრალი დაუსწრებლად წარედგინათ.
„გამოძიებით დადგინდა, რომ სისხლის სამართლის დანაშაულში ბრალდებული პირები, პირადი სარგებლის მიღების მიზნით, მოქალაქეებს შორის არსებული ფინანსური დავების მოგვარებაში ერთვებოდნენ, მოდავე მხარეებთან ერთად აწყობდნენ ე.წ. ქურდულ გარჩევებს, ერთ-ერთი მხარის სასარგებლოდ, ე.წ. ქურდული ტრადიციების შესაბამისად იღებდნენ გადაწყვეტილებებს და მეორე მხარეს თანხის გადახდას აკისრებდნენ. კონკრეტული ვადების დარღვევის შემთხვევაში კი ფიზიკური ანგარიშსწორებითა და სიცოცხლის მოსპობით ემუქრებოდნენ. გამოძიებით, ასევე, დადგინდა, რომ ბრალდებულებისა და მოდავე მხარეების მონაწილეობით, ე.წ. ქურდულ გარჩევებში, საზღვარგარეთ მყოფი ე.წ. „კანონიერი ქურდი“ – თენგიზ ხოფერია მეტსახელად „ჭინკა“ მონაწილეობდა.
პოლიციამ, ბრალდებულების პირადი და საცხოვრებელი სახლების ჩხრეკის შედეგად, ნივთმტკიცებად ამოიღო ცეცხლსასროლი იარაღები, საბრძოლო მასალა და ფული. ასევე, ამოღებულია ბრალდებულების მობილური ტელეფონები, რომელთა საშუალებითაც ისინი ერთმანეთს და უცხოეთში მცხოვრებ ქართველ „კანონიერ ქურდებს“ უკავშირდებოდნენ.
დანაშაულები 15 წლამდე ვადით თავისუფლების აღკვეთას ითვალისწინებს.
გამოძიება „კანონიერი ქურდობის“, „ქურდული სამყაროს წევრობის“, „ქურდული სამყაროს საქმიანობის მხარდაჭერისა“ და „ქურდული სამყაროს წევრისთვის მიმართვის“ ფაქტებზე, საქართველოს სისხლის სამართლის კოდექსის 223-ე პრიმა მუხლის პირველი და მე-2, 223-ე ტერცია მუხლის მე-2 და 223-ე კვარტა მუხლის პირველი ნაწილით მიმდინარეობს.
შინაგან საქმეთა სამინისტროს ერთ-ერთ უმთავრეს პრიორიტეტს, ორგანიზებულ დანაშაულთან, მათ შორის ე.წ. „ქურდული სამყაროსთან“ დაკავშირებული დანაშაულების წინააღმდეგ უკომპრომისო ბრძოლა წარმოადგენს!“, – განაცხადა მარსაგიშვილმა.
ბრიტანული გაზეთის „ფაინენშელ თაიმსის“ (Financial Times) 5 სექტემბერის ნომერში გამოქვეყნებულია სტატია სათაურით: „ევროპის ქვეყნებს, რომლებიც რუსეთს ესაზღვრებიან, აშშ უსაფრთხოების უზრუნველსაყოფად გამოყოფილ დახმარებას შეუმცირებს“ (ავტორები – ემი მაკინონი, დემეტრი სევასტოპულო და ჰენრი ფოი).
გთავაზობთ პუბლიკაციას შემოკლებით:
ამერიკის შეერთებულ შტატებს განზრახული აქვს თანდათანობით შეამციროს ევროპის იმ ქვეყნების არმიების დახმარების პროგრამები, რომლებიც რუსეთს ესაზღვრებიან. ვაშინგტონის ასეთი განზრახვა იძულებულს ხდის კონტინენტის სახელმწიფოებს მეტი თანხები დახარჯონ საკუთარი თავდაცვის უზრუნველსაყოფად.
როგორც საქმეში ჩახედული წყაროები იტყობინებიან, გასულ კვირას პენტაგონის წარმომადგენლებმა ევროპელ დიპლომატებს განუცხადეს, რომ აშშ წრთვნისა და აღჭურვის პროგრამებს აღმოსავლეთ ევროპის ქვეყნების სამხედრო მოსამსახურეებისათვის აღარ გააგრძელებს. ეს ის ქვეყნები არიან, რომლებიც რუსეთთან ნებისმიერი კონფლიქტის შემთხვევაში, ფრონტის წინა ხაზზე აღმოჩნდებიან.
საერთოდ, პენტაგონის პროგრამის ყოველწლიური ხარჯები, რომელიც „333-ე სექციის“ სახელით არის ცნობილი, წინასწარ კონგრესთან უნდა იყოს შეთანხმებული, მაგრამ რადგანაც დონალდ ტრამპის ადმინისტრაციას საკანონმდებლო ორგანოსათვის პროგრამების სამომავლო გაგრძელების მიზნით არაფერი არ უცნობებია, ამჟამინდელის ვადა კი 2026 წლის სექტემბერში იწურება, ეს ნიშნავს, რომ პროგრამები აღარ იმოქმედებს.
2018-2020 წლებში „წვრთნისა და აღჭურვის“ პროგრამის „333-ე სექციით“ ევროპის ქვეყნებმა 1,6 მილიარდი დოლარი მიიღეს, რაც იმ თანხების 29%-ს შეადგენს, რომელიც მსოფლიოს ქვეყნებისათვის არის გამოყოფილი. შესამცირებელი ფინანსების ზუსტი მოცულობა ჯერ ცნობილი არ არის, მაგრამ საქმე ეხება ასობით მილიონ დოლარს, რასაც აშშ რუსეთის მეზობელ ქვეყნებს აძლევდა, მათ შორის – ლიეტუვას, ლატვიას და ესტონეთს.
როგორც თეთრი სახლის წარმომადგენელმა განაცხადა, რომ ასეთი ნაბიჯი სავსებით ჯდება დონალდ ტრამპის ძალისხმევის ჩარჩოებში, რომლის თანახმად, უცხო ქვეყნებისათვის ფინანსური დახმარების მიზანშეწონილება ახლებურად უნდა შეფასდეს და, შესაბამისად, თანხები გადანაწილდეს. ეს სრულიად შეესაბამება პრეზიდენტის იმ ბრძანებულებას, რომელიც მან ქვეყნის მეთაურის უფლებამოსილების შესრულების პირველივე დღეს გამოსცა. „ევროპამ მეტი ყურადღება უნდა დაუთმოს საკუთარი თავდაცვის უზრუნველყოფას“, – თქვა თეთრი სახლის ჩინოვნიკმა.
როგორც ცნობილია, დონალდ ტრამპის ზეწოლით, აშშ-ის ნატოელმა მოკავშირეებმა ივნისში თავიანთი სამხედრო ბიუჯეტები მთლიანი შიდა პროდუქტის (მშპ) 5%-ით გაზარდეს.
იმ შეხვედრაში, რომელიც პენტაგონის წარმომადგენლებმა გამართეს ვაშინგტონში, მონაწილეობა მიიღეს ევროპული ქვეყნების პრაქტიკულად ყველა საელჩოს დიპლომატებმა (მიუხედავად იმისა, იღებენ თუ არ იღებენ დახმარებას).
ერთ-ერთი ევროპელი ჩინოვნიკის თქმით, ეს ნაბიჯი, როგორც ჩანს, მიმართულია იმისკენ, რომ ევროპის მდიდარმა ქვეყნებმა თვითონ გაუწიონ დახმარება შედარებით ღარიბ თანაევროპელ ქვეყნებს, განსაკუთრებით მათ, რომლებიც უკრაინის ომის ფრონტთან ახლოს მდებარეობენ ან რუსეთთან საერთო საზღვარი აქვთ.
კიდევ ორმა დიპლომატმა, რომლებიც შეხვედრას ესწრებოდნენ, განაცხადა, რომ ევროპის ქვეყნების მთავრობები ძალიან გაოცდნენ პენტაგონის ინფორმაციით და ცდილობენ დამატებითი ცნობები მიიღონ ვაშინგტონიდან.
ევროპელი ჩინოვნიკები ასევე ცდილობენ იმის გაგებას, თუ რამდენად შეძლებენ თავიანთი დაფინანსებით იმ „ხვრელების ამოქოლვას“, რომლებიც მათ უსაფრთხოებაში აშშ-ის დახმარების შეწყვეტის შემდეგ გაჩნდება. „თუ ამერიკელები ესოდენ სასტიკად იმოქმედებენ, მაშინ ამას სერიოზული შედეგები მოჰყვება“, – თქვა ერთ-ერთმა დიპლომატმა და დაამატა, რომ აშშ-ის მიერ გადადგმული ნაბიჯით ნატო აუცილებლად დაზარალდება, რადგან „წრთვნისა და აღჭურვის“ პროგრამის დაფინანსების ნაწილი ჩრდილოატლანტიკური ალიანსის არხებითაც რეალიზდებოდა. „პენტაგონის ასეთი გადაწყვეტილება დიდ შეშფოთებას და გაურკვევლობას გამოიწვევს“, – აღნიშნა მეორე დიპლომატმა, – „ეს დონალდ ტრამპის იმ ნაბიჯს მოგვაგონებს, როცა მან რამდენიმე თვის წინ საერთაშორისო დახმარების მოცულობა შეამცირა [USAID-ის ჩარჩოებში]“.
სენატორმა ჯინ შაჰინმა, მთავარმა დემოკრატმა აშშ-ის კონგრესის ზედა პალატის – სენატის საერთაშორისო ურთიერთობების კომიტეტში, პენტაგონის გადაწყვეტილებას „მცდარი ნაბიჯი“ უწოდა. მისი თქმით, „ეს არის სიგნალი კრემლისათვის. ჩვენ ვცდილობთ ვლადიმერ პუტინი მოლაპარაკების მაგიდასთან დავსვათ, რუსეთის აგრესია შევაჩეროთ, პარალელურად კი არასწორად ვიქცევით“.
ერთ-ერთი საქმეში ჩახედული პიროვნების თქმით, პენტაგონის გადაწყვეტილება გავლენას არ მოახდენს აშშ-ის დახმარების პროგრამაზე უცხოეთის ქვეყნებისადმი, რომელიც მოიცავს ძვირადღირებული შეიარაღების შესყიდვას (ტანკები, ავიაგამანადგურებლები, საზღვაო გემები და ა.შ.).
ზოგიერთი მოსაზრებით, პენტაგონის ხელმძღვანელი, აშშ-ის თავდაცვის მინისტრი ელბრიჯ კოლბი ასეთ გადაწყვეტილებებს იმიტომ იღებს, რომ ამით აშშ-ის სამხედრო რესურსების თავმოყრას ახდენს აზია – წყნარი ოკეანის რეგიონში, რათა გააძლიეროს ჩინეთის შეკავება და შეამციროს ტაივანზე თავდასხმის საფრთხე.
რაც შეეხება კონკრეტულად ბალტიისპირეთის პოსტსაბჭოთა ქვეყნების უსაფრთხოების პროგრამას: ის 2020 წელს იქნა მიღებული – ესტონეთის, ლატვიისა და ლიეტუვის არმიების გადაიარაღების მიზნით. გასულ წელს კონგრესმა 228 მილიონი დოლარი გამოყო ამ ინიციატივის რეალიზაციის მიზნით და რადგანაც თეთრ სახლს კონგრესისთვის აღარ მიუმართავს დამატებითი თანხების გამოსაყოფად, ეს ნიშნავს, რომ ადმინისტრაციამ პროგრამის გადახედვა დაიწყო. ამერიკელი გადამდგარი გენერლის მარკ მონტგომერის თქმით, აშშ-ის დახმარების შეჩერება ესტონეთის, ლატვიისა და ლიეტუვისათვის ძალიან მძიმე შედეგების მომტანი იქნება. სამივე სახელმწიფოს რუსეთთან საერთო სახმელეთო საზღები აქვთ, ბალტიის ზღვაში რუსეთი კრიზისულ სიტუაციას ქმნის, ახორციელებს კიბერშეტევებს, საბოტაჟს და სხვა აგრესიულ ქმედებებს.
რაც შეეხება პოლონეთს, დონალდ ტრამპი ხუთშაბათს თეთრ სახლში პრეზიდენტ კაროლ ნავროცკის შეხვდა და განუცხადა, რომ აშშ პოლონეთიდან ამერიკელი სამხედრო მოსამსახურეების გამოყვანას არ აპირებს. როგორც ცნობილია, ბალტიისპირა პოლონეთში ამჟამად მოქმედი ხელშეკრულების საფუძველზე, 10 ათასი ამერიკელი ჯარისკაცი იმყოფება. ტრამპის თქმით, იგი ძალიან კმაყოფილია ამ ხელშეკრულებით: „თუ პოლონელებს გსურთ, ჩვენ შეგვიძლია უფრო მეტი სამხედრო მოსამსახურე გამოგიგზავნოთ“.
მოამზადა სიმონ კილაძემ
რადიკალური ოპოზიციის წარმომადგენლებმა თავად მიიყვანეს საკუთარი თავი ამ მდგომარეობამდე. 27 მუნიციპალიტეტში როდესაც საერთოდ ვერ ახერხებ კანდიდატის დაყენებას, ეს არის ნიშანი, რომ მდგომარეობა არის ძალიან მძიმე, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
კობახიძის თქმით, პარტიებმა „გახარია საქართველოსთვის“ და „ლელომ“ თბილისის მერობის კანდიდატად „ლელოს“ თანამშრომელი დააყენეს, რომელსაც „ხაზარაძე ყოველთვიურად „ტვ პირველში“ პარკით ხელში აგზავნიდა და ტელევიზიაში მიჰქონდა 200 ათასი ლარი“.
„რადიკალური ოპოზიციის წარმომადგენლებმა თავად მიიყვანეს საკუთარი თავი ამ მდგომარეობამდე. 27 მუნიციპალიტეტში როდესაც საერთოდ ვერ ახერხებ კანდიდატის დაყენებას, ეს არის ნიშანი, რომ მდგომარეობა არის ძალიან მძიმე. სადაც დააყენეს, იქაც, სჯობდა, არ დაეყენებინათ. თბილისში, მაგალითად, „ლელოს“ თანამშრომელია დაყენებული. მაგალითად, ეს ადამიანი დაკავებული იყო რითი – ხაზარაძე ყოველ თვე აგზავნიდა მას „ტვ პირველში“, პარკით ხელში ყოველთვიურად ტელევიზიაში მიჰქონდა 200 ათასი ლარი. ასეთი საქმიანობით იყო დაკავებული. ახლა „ლელოს“ ეს თანამშრომელი დაყენებულია კანდიდატად. თავის დროზე ამბობდნენ, რომ დამოუკიდებელი კანდიდატი უნდა შეერჩიათ, თუმცა ესეც ვერ მოახერხეს. ასეთია მთლიანობაში დღეს ოპოზიციის მდგომარეობა, რაც ჩვენთვის კარგია. ეს ჩვენთვის აიოლებს საქმეს“, – განაცხადა ირაკლი კობახიძემ.
თავის დროზე ხაზარაძე და ჯაფარიძე ადამიანებს ასახლებდნენ ბინებიდან, ახლა ხელისუფლებამ გამოასახლა ისინი ციხიდან, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.
კობახიძეს საქართველოს პრეზიდენტის, მიხეილ ყაველაშვილის მიერ ბადრი ჯაფარიძისა და მამუკა ხაზარაძის შეწყალებაზე დაუსვეს კითხვა.
„რა თქმა უნდა, პატივს ვცემთ საქართველოს პრეზიდენტის, მიხეილ ყაველაშვილის გადაწყვეტილებას. ეს გადაწყვეტილება აჩვენებს ზოგადად ხელისუფლების დამოკიდებულებას. ბუნებრივია, პრეზიდენტიც, ფართო გაგებით, ხელისუფლების ნაწილია, მიუხედავად იმისა, რომ ის არ არის მმართველი პოლიტიკური გუნდის წევრი. იცით, რომ თავის დროზე ხაზარაძე და ჯაფარიძე ადამიანებს ასახლებდნენ ბინებიდან, ახლა ხელისუფლებამ გამოასახლა ისინი ციხიდან. ეს არის კონტრასტი დამოკიდებულებებს შორის“, – განაცხადა ირაკლი კობახიძემ.
საქართველოს პრეზიდენტმა, მიხეილ ყაველაშვილმა მამუკა ხაზარაძე და ბადრი ჯაფარიძე შეიწყალა.
მეტალურგიული ქარხანა „ჯორჯია მეტალი“ წარმატებული ქართული ინვესტიციის ნამდვილი მაგალითია, – ამის შესახებ საქართველოს პრემიერ-მინისტრმა, ირაკლი კობახიძემ ზესტაფონში, „ჯორჯია მეტალის“ მეტალურგიული ქარხნის გახსნის ოფიციალურ ღონისძიებაზე სიტყვით გამოსვლისას განაცხადა.
კობახიძის შეფასებით, ქარხნის მასშტაბი არის შთამბეჭდავი და მისი წლიური წარმადობა – 400 000 ტონა არმატურა – მას უკვე აქცევს ქვეყნის ერთ-ერთ უმსხვილეს ინდუსტრიულ ობიექტად.
„დღეს ჩვენ ოფიციალურად ვხსნით ჩვენი ქვეყნისთვის ერთ-ერთ მნიშვნელოვან ინდუსტრიულ ობიექტს. მეტალურგიული ქარხანა „ჯორჯია მეტალი“ წარმატებული ქართული ინვესტიციის ნამდვილი მაგალითია; საწარმო არის თანამედროვე ტექნოლოგიებით აღჭურვილი, პროფესიონალთა გუნდით და, რაც მთავარია, ევროპული სტანდარტების შესაბამისი ხარისხით უზრუნველყოფილი და ის არის მზად, იყოს კონკურენტუნარიანი არა მხოლოდ ადგილობრივ, არამედ საერთაშორისო ბაზრებზეც.
ქარხნის მასშტაბი მართლაც შთამბეჭდავია. ჩვენ დღეს გვქონდა ქარხნის დათვალიერების შესაძლებლობა. მისი წლიური წარმადობა – 400 000 ტონა არმატურა – მას უკვე აქცევს ქვეყნის ერთ-ერთ უმსხვილეს ინდუსტრიულ ობიექტად.
კომპანიის სტრატეგიული მიზანი კიდევ უფრო ამბიციურია: შემდეგი ეტაპის – ფოლადსადნობი საამქროს მშენებლობის დასრულების შემდეგ, ქარხანა თავად აწარმოებს ნედლეულს და სრულად დააკმაყოფილებს ქვეყნის შიდა ბაზრის მოთხოვნას არმატურაზე, რაც ძალიან მნიშვნელოვანია. ეს არა მხოლოდ იმპორტის საჭიროებას მოხსნის, არამედ შექმნის მყარ საფუძველს ქართული პროდუქციის საექსპორტო ბაზრებზე გასასვლელად, რაც ჩვენი ქვეყნის ეკონომიკური სუვერენიტეტის კიდევ უფრო მეტად განმტკიცებას ნიშნავს“, – განაცხადა პრემიერ-მინისტრმა.
მეტალურგიული ქარხანა „ჯორჯია მეტალი“ წარმატებული ქართული ინვესტიციის ნამდვილი მაგალითია, – ამის შესახებ საქართველოს პრემიერ-მინისტრმა, ირაკლი კობახიძემ ზესტაფონში, „ჯორჯია მეტალის“ მეტალურგიული ქარხნის გახსნის ოფიციალურ ღონისძიებაზე სიტყვით გამოსვლისას განაცხადა.
კობახიძის შეფასებით, ქარხნის მასშტაბი არის შთამბეჭდავი და მისი წლიური წარმადობა – 400 000 ტონა არმატურა – მას უკვე აქცევს ქვეყნის ერთ-ერთ უმსხვილეს ინდუსტრიულ ობიექტად.
„დღეს ჩვენ ოფიციალურად ვხსნით ჩვენი ქვეყნისთვის ერთ-ერთ მნიშვნელოვან ინდუსტრიულ ობიექტს. მეტალურგიული ქარხანა „ჯორჯია მეტალი“ წარმატებული ქართული ინვესტიციის ნამდვილი მაგალითია; საწარმო არის თანამედროვე ტექნოლოგიებით აღჭურვილი, პროფესიონალთა გუნდით და, რაც მთავარია, ევროპული სტანდარტების შესაბამისი ხარისხით უზრუნველყოფილი და ის არის მზად, იყოს კონკურენტუნარიანი არა მხოლოდ ადგილობრივ, არამედ საერთაშორისო ბაზრებზეც.
ქარხნის მასშტაბი მართლაც შთამბეჭდავია. ჩვენ დღეს გვქონდა ქარხნის დათვალიერების შესაძლებლობა. მისი წლიური წარმადობა – 400 000 ტონა არმატურა – მას უკვე აქცევს ქვეყნის ერთ-ერთ უმსხვილეს ინდუსტრიულ ობიექტად.
კომპანიის სტრატეგიული მიზანი კიდევ უფრო ამბიციურია: შემდეგი ეტაპის – ფოლადსადნობი საამქროს მშენებლობის დასრულების შემდეგ, ქარხანა თავად აწარმოებს ნედლეულს და სრულად დააკმაყოფილებს ქვეყნის შიდა ბაზრის მოთხოვნას არმატურაზე, რაც ძალიან მნიშვნელოვანია. ეს არა მხოლოდ იმპორტის საჭიროებას მოხსნის, არამედ შექმნის მყარ საფუძველს ქართული პროდუქციის საექსპორტო ბაზრებზე გასასვლელად, რაც ჩვენი ქვეყნის ეკონომიკური სუვერენიტეტის კიდევ უფრო მეტად განმტკიცებას ნიშნავს“, – განაცხადა პრემიერ-მინისტრმა.
ნებისმიერი ანტრეპრენერი კომპანიას ერთი დიდი იდეის გარშემო ქმნის. თუმცა, ყოველდღიურ რუტინაში ბიზნესლიდერები გაცილებით მეტ დროს უთმობენ საოპერაციო საკითხებს, ვიდრე სტრატეგიულ მიზნებსა და იდეებს.
თიბისიში კარგად ესმით, რომ ბიუროკრატია ბიზნესის განვითარების ერთ-ერთი შემაფერხებელი ფაქტორია. სწორედ ამიტომ, მომხმარებლის საჭიროებიდან გამომდინარე, ბანკმა ბიზნესებს ახალი, დისტანციური სერვისი შესთავაზა
სახელფასო პროექტში ჩართვა და თანამშრომლებისთვის ბარათების გახსნა ახლა პირდაპირ ბიზნეს ინტერნეტბანკიდანაა შესაძლებელი და ამისათვის, ფილიალში ვიზიტი აღარ დაგჭირდებათ.
“ბიზნესების დრო ძალიან ღირებულია და ღირებულება ბიუროკრატიაში არ უნდა დაიკარგოს,”-ამბობს თეო აბულაძე, თიბისის სახელფასო ორგანიზაციების მართვის გუნდის ლიდერი და აქამდე არსებულ პრაქტიკას გვიხსნის.
სახელფასო პროექტის გასაფორმებლად კომპანიის დირექტორი მიდიოდა ბანკის ფილიალში და დოკუმენტებზე აწერდა ხელს. ახალი სერვისის საშუალებით, ყველა ამ ეტაპის გავლა უკვე დისტანციურადაა შესაძლებელი.
„ჩვენ მუდმივად ვითვალისწინებთ მომხმარებლის სურვილებს და ვცდილობთ, მათზე მორგებული კომფორტული მომსახურება შევთავაზოთ. ახალი სერვისი ორგანიზაციას დაუზოგავს დროს და ბანკთან ურთიერთობას კიდევ უფრო გაუმარტვიებს“, – ამბობს თეო აბულაძე.
სახელფასო ბარათებზე თიბისის გამორჩეული და განსხვავებული პირობები, ასევე მომხმარებელზე ორიენტირებული მიდგომა აქვს. ეს იმას ნიშნავს, რომ პროექტი თქვენს საჭიროებებზე მაქსიმალურად იქნება მორგებული.
თუ ონლაინ პროცესებს ფიზიკურ სივრცეში სტუმრობას ამჯობინებთ, რა თქმა უნდა, ესეც შესაძლებელია.
სიახლის შესახებ ნებისმიერ კითხვაზე პასუხს თიბისის ცხელ ხაზზე, ან ფილიალში სტუმრობისას მიიღებთ.
(R)
საქართველოს პრეზიდენტის მიერ მიღებული გადაწყვეტილება ჰუმანური აქტია, ორი დამნაშავე შეიწყალა, ხაზარაძესა და ჯაფარიძე თუ არ აქვთ შეწყალების სურვილი, ჩაიკეტონ და არ გამოვიდნენ, არავინ აძალებს, – ამის შესახებ თბილისის მერმა, კახა კალაძემ განაცხადა.
კალაძემ კომენტარი გააკეთა „ლელო-ძლიერი საქართველოს“ ლიდერების, მამუკა ხაზარაძისა და ბადრი ჯაფარიძის შეწყალებაზე.
„მათ შეწყალებას არანაირ ლეგიტიმაციასთან არ აქვს კავშირი. ლეგიტიმაციას ქართველი ხალხი იძლევა, როგორც საპარლამენტო არჩევნების დროს იყო. ჩვენი ქვეყნის მოსახლეობამ მხარი დაუჭირა მშვიდობას, არა აგენტურას, არა ბოროტებას და ომში ჩათრევას. შესაბამისად, იგივეა ახლა. მათ თუ არ აქვთ სურვილი შეწყალების, ჩაიკეტონ და არ გამოვიდნენ, არავინ აძალებს. პრეზიდენტმა მიიღო გადაწყვეტილება და გაათავისუფლა იმ პოლიტიკური პარტიების ლიდერები, რომლებიც არჩევნებში მონაწილეობას იღებენ. გახსოვთ, რამდენიმე თვის წინ პრეზიდენტის განმარტება იმასთან დაკავშირებით, რომ რომელი პოლიტიკური პარტია და პოლიტიკოსიც მიიღებებდა არჩევნებში მონაწილეობას, მისი მხრიდან მათ მიმართ კონკრეტული ნაბიჯები იქნებოდა გადადგმული“, – განაცხადა კახა კალაძემ.
მისივე თქმით, კანონის დაცვა მართებს ყველას, მიუხედავად სტატუსისა, წინააღმდეგ შემთხვევაში, მას შესაბამისი რეაგირება მოყვება.
„უფრო მეტი პატივისცემა უნდა იყოს სახელმწიფო ინსტიტუციების მიმართ. შეიძლება განსხვავებული პოლიტიკური შეხედულებები გვქონდეს, მაგრამ რაღაც დონის ურთიერთპატივისცემა მნიშვნელოვანია. რატომ უნდა გიხაროდეს ვინმეს დაკავება, თუმცა, ტყუილად ხომ არ არიან დაკავებულები. როდესაც დანაშაულს ჩადიხარ, ამას შესაბამისი რეაგირება მოყვება. კანონის დაცვა ყველას მართებს, არ აქვს მნიშვნელობა, ვის რა თანამდებობა აქვს, ეს იქნება ჟურნალისტი, ბიზნეს სექტორის წარმომადგენელი და ა.შ. პოლიტიკაში ყოფნა ვერ იქნება ფარი დანაშაულის ჩადენისას“, – აღნიშნა კახა კალაძემ.
ახალი სასწავლო წლისთვის მომზადება ერთგვარი ტრადიციაა, რომელსაც მოსწავლეები, სტუდენტები თუ მათი მშობლები განსაკუთრებული ემოციებით ასრულებენ. თიბისი კი, ამ მნიშვნელოვანი მომენტებისთვის მათ, ყოველ წელს, განსაკუთრებულ შეთავაზებებს სთავაზობს.
6-7 სექტემბერს, უერთგულეთ ახალი სასწავლო წლისთვის ჩაფიქრებული სურვილების ახდენას- გადაიხადეთ ერთგული საკრედიტო ბარათით თიბისის 50-მდე პარტნიორ ობიექტში და დაიბრუნეთ 40% ქეშბექი, მაქსიმუმ 150 ლარი, მომენტალურად. ასევე, გაითვალისწინეთ, რომ ერთგული საკრედიტო ბარათის აღება და ლიმიტის დამტკიცება, უკვე რამდენიმე წუთში, მობაილბანკიდანაც შეგიძლიათ.
პარტნიორი ობიექტები, სადაც თიბისის Back to school შეთავაზებით ისარგებლებთ:
Bata, Bambino, AW-Lab, Geox Studio, Shoes Gallery, Ecco, Corso, Okaidi, Replay, Jacadi, Scarpiera, Pepe Jeans, Mayoral, Original Marines, Dressarium, Dressarium Kids, Shoes Loft, Dan John, Adidas, Nike, Puma, Giordano, Under Armour, Topsport, Crocs, OVS/OVS kids, Matalani, Xiamo/icity, Wortmann, Salamnder, iSpace, Espacho, Superdry, Kids Gallery, Lee, Wrangler, Vero Moda, Jack & Jones, Hummel, Gstar, Grayder, Bershka, Stradivarius, Pull & bear, Mango, Mango kids, Zippy, Aldo, Parfois, Kiko Milano, Charles & Keith.
ქეშბექ შეთავაზებებით სარგებლობის გარდა, ერთგული საკრედიტო ბარათით საქართველოში ნებისმიერი ბანკის პოს-ტერმინალზე აგროვებთ მეტ ერთგულ ქულას და საშეღავათო პერიოდი გაქვთ 55 დღე. თუმცა, ამ კონკრეტული- Back to school შეთავაზებით სარგებლობისთვის, გადახდა აუცილებლად თიბისის პოს-ტერმინალზე უნდა განხორციელდეს.
მობაილბანკიდან ბარათის აღება 30 სექტემბრის ჩათვლით სრულიად უფასოა და პირველი წლის განმავლობაში არ იხდით მომსახურების საკომისიოს (წლიური მომსახურების საკომისიო განსხვავებულია ბარათის ტიპის მიხედვით), ხოლო თუ თქვენ მიერ დახარჯულ თანხას 55 დღემდე საშეღავათო პერიოდის განმავლობაში დააბრუნებთ, არც ზედმეტი გადასახადი დაგეკისრებათ.
აიღე, ერთგული საკრედიტო ბარათი მობაილბანკიდან და თიბისისთან ერთად, მოემზადე ახალი სასწავლო წლისთვის.
შეთავაზების დეტალები და დამატებითი პირობები იხილეთ ბმულზე.
(R)
ევროპის 42-ე საკალათბურთო ჩემპიონატის, ევრობასკეტ 2025-ის საქართველოს ეროვნული საკალათბურთო ნაკრების საგულშემატკივროდ სპეციალური ჩარტერული რეისები დაინიშნა.
საქართველოს მთავრობის ინიციატივით, რეისები 7 და 8 სექტემბერს შესრულდება.
საქართველოს აეროპორტების გაერთიანების მიერ სუბსიდირებულ რეისი თბილისის საერთაშორისო აეროპორტიდან რიგის მიმართულებით 7 სექტემბერს დილის 07:00 შეასრულებს, ხოლო უკან საქართველოში გულშემატკივრებს 8 სექტემბერს დააბრუნებს.
სუბსიდირებული რეისი საქართველოსა და საფრანგეთის ეროვნული საკალათბურთო ნაკრებების თამაშზეა მორგებული, რომელიც 7 სექტემბერს, თბილისის დროით 16:15 საათზე გაიმართება.
ლატვიის დედაქალაქში სუბსიდირებული რეისით გაფრენის შესაძლებლობა მხოლოდ იმ მგზავრებს ექნებათ, რომლებიც რიგაში გაფრენამდე თბილისის საერთაშორისო აეროპორტში ევრობასკეტ 2025-ის გასამართ თამაშზე დასასწრები ბილეთის წარმოდგენას შეძლებენ.
საქართველოს აეროპორტების გაერთიანების მიერ სუბსიდირებული ცალმხრივი ავიაბილეთის ღირებულება 195 ევროს შეადგენს. სუბსიდირებული ბილეთების შეძენა საქართველოს ნაკრების გულშემატკივრებს ონლაინ პლატფორმა tkt.ge-ზე 15:00 საათიდან შეეძლებათ.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
