ევროპის საბჭოსთან საქართველოს მუდმივი წარმომადგენლის თანამდებობაზე პრეზიდენტს ხატია წილოსანის კანდიდატურა წარედგინა. შესაბამისი განკარგულება მთავრობის ადმინისტრაციის ვებგვერდზე გამოქვეყნდა.

„საქართველოს კონსტიტუციის 52-ე მუხლის პირველი პუნქტის „ა“ ქვეპუნქტისა და „,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის
მე-5 მუხლის „ღ“ ქვეპუნქტის შესაბამისად, 2025 წლის 10 ივლისიდან ევროპის საბჭოსთან საქართველოს მუდმივი წარმომადგენლის თანამდებობაზე საქართველოს პრეზიდენტს დასანიშნად წარედგინოს ხატია წილოსანის კანდიდატურა“, – აღნიშნულია მთავრობის განკარგულებაში.

ვერძი

ეცადეთ, მეტად დაისვენოთ. თუ გაქვთ საშუალება, სამსახურებრივი საქმეები სახლიდან მოაგვარეთ. მნიშვნელოვანი საკითხების გადაწყვეტა კი სამომავლოდ სჯობს, გადადოთ.

კურო

ნაყოფიერი დღეა. ნებისმიერი საქმე წარმატებით დაგვირგვინდება, ამასთან, იყავით მეტად თავდაჭერილი, შესაძლოა, დღეს სწორად ვერ გაგიგონ, მოძებნეთ კომპრომისი.

ტყუპები

შესაძლოა, ეს დღე ძალიან ნაყოფიერი იყოს ერთ რომელიმე საკითხთან დაკავშირებით, თუმცა, მიზანთან დასაახლოებლად დიდი ძალისხმევა, ენერგიულობა და ინტუიციური სვლა დაგჭირდებათ.

კირჩხიბი

ერიდეთ ხელმძღვანელობასთან კონფლიქტსა და დაპირისპირებას. დიპლომატია, თავშეკავება და ზომიერება დღეს მეტად წაგადგებათ.

ლომი

თქვენი ოცნება ფრთებს ისხამს, ახლოს ხართ მიზნებთან, შეუპოვარი განწყობა და ენერგიის მოზღვავება ხელს გიწყობთ საწადელს მიაღწიოთ.

ქალწული

დაფიქრდით პრიორიტეტებზე და მთავარ საკითხზე. შეანელეთ საქმიანობის ტემპი. დამშვიდდით, დაკავდით რაიმე სიახლით. დააბალანსეთ აგრესია.

სასწორი

თქვენი სურვილების ასრულებისთვის, საჭიროა,  შეცვალოთ ტაქტიკა და იმოქმედოთ არასტანდარტული გზითა და უჩვეულო ხერხებით. გამოიყენეთ თქვენი ანალიტიკური უნარები.

მორიელი

იდეალური დროა ცხოვრებისეული სიტუაციების მოწესრიგებისა და ძველი ურთიერთობების დასალაგებლად.

მშვილდოსანი

დღის განმავლობაში, მოზღვავებულმა ემოციებმა შესაძლოა, პესიმისტურად განგაწყოთ სამყაროსა და ზოგადად ადამიანების მიმართ. ემოციები გააკონტროლეთ და ყველაფერი დალაგდება.

თხის რქა

საქმესა და ახალი პარტნიორების მოზიდვაზე ხართ ორიენტირებული. მოლაპარაკებების დროს, ეცადეთ, მეტად დაკვირვებული იყოთ. ამ დღემ შესაძლოა, მნიშვნელოვანი დადებითი ცვლილებები მოგიტანოთ.

მერწყული

ბევრი წვრილმანი პრობლემაა, კარგი იქნება, რამდენიმე დღის გეგმა წინასწარ გაწეროთ. აკონტროლეთ ემოციები და განეწყვეთ ოპტიმისტურად. ეს მტრებს ბრძოლის ხალისს დაუკარგავს.

თევზები

თქვენში გამძაფრდება შემოქმედებითი პოტენციალი. შესაძლოა, მნიშვნელოვანი ნაბიჯების გადადგმა მოგიწიოთ. მოვლენები პოზიტიურად ვითარდება.

დუმილი ყველამ ვიცით, რომ თანხმობის ნიშანია, მაგრამ, ამ შემთხვევაში, თავხედობის ნიშანია, იმიტომ, რომ ითავხედეს თავის დროზე და უმარტივესი ჭეშმარიტება გააკრიტიკეს, რომ ცუდია არაიდენტიფიცირებადი დამრღვევი, – ასე შეაფასა “ქართული ოცნების” აღმასრულებელმა მდივანმა, მამუკა მდინარაძემ, ქართული არასამთავრობო სექტორის დუმილი დონალდ ტრამპის გადაწყვეტილებაზე, საპროტესტო აქციებზე ნიღბების ტარების აკრძალვასთან დაკავშირებით, იმ ფონზე, რომ ანალოგიურ აკრძალვას საქართველოში ისინი მწვავედ აკრიტიკებდნენ.

მდინარაძის განცხადებით, 10 წლის წინ რომ ვინმეს ეთქვა, საქართველო აშშ-ს კანონების და გადაწყვეტილებების მიღებას დაასწრებდა, ამის გამო, დასცინებდნენ, თუმცა, ახლა ეს რეალობა შეცვლილია და მისივე თქმით, მომავალში კიდევ ბევრ ისეთ გადაწყვეტილებას მიიღებენ აშშ-სა და ევროპაში, რომელიც საქართველომ უკვე მიიღო. “თუ შენ კანონდამრღვევის იდენტიფიცირებას ვერ ახდენ, სახელმწიფომ უნდა უზრუნველყოს, რომ მისი იდენტიფიცირება გაადვილდეს. ეს არის საფუძველი საქართველოშიც, აშშ-შიც უკვე, იმისა, რომ ნიღბების ტარება აიკრძალა აქციების დროს, ისე, სხვა ადგილას და სხვა დროს, ნიღბის ტარებას არავინ არავის უკრძალავს. თქვენთვის რომ 10 წლის წინ ვინმეს ეთქვა, საქართველო კანონების და გადაწყვეტილებების მიღებას, ერთი წლით, ორი წლის, რამდენიმე თვით დაასწრებს აშშ-ს, ჯერ საქართველოში იტყვიან რაღაცას, შემდეგ იტყვიან იმავეს ამერიკაში, ჯერ საქართველოში მიიღებენ კანონს, შემდეგ ამერიკაში. 10 წლის წინ, ხომ ძალიან დასაცინები გავხდებოდით – მართლები ვიქნებოდით, ოღონდ დაგვცინებდნენ. ეს არის რეალობა, რომელიც უკვე წარსულს ჩაბარდა და კიდევ გაძლევთ გარანტიას, ბევრი გადაწყვეტილება იქნება მიღებული ამერიკაშიც, ევროპაშიც, რომელიც საქართველომ უკვე მიიღო და ამით, მე პირადად, ვამაყობ.” – განაცხადა მამუკა მდინარაძემ.

გვინდა, წარმოგიდგინოთ საპარლამენტო უმრავლესობის ახალი ინიციატივა, საერთაშორისო დაცვის შესახებ საკანონმდებლო პაკეტი, – განაცხადა „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ, მამუკა მდინარაძემ საპარლამენტო უმრავლესობის სხდომის დასრულების შემდეგ გამართულ ბრიფინგზე.

მან საპარლამენტო უმრავლესობის სხდომაზე განხილულ საკითხების შესახებ საზოგადოებას ინფორმაცია მიაწოდა.

„პირველი საკითხი არის, ჩვენს საზოგადოებას გავრცელებული კადრებიდან თუ არსებული რეალობიდან გამომდინარე ბოლო პერიოდში რაც ძალიან აწუხებს. ჩვენ ამ გამოწვევების ადეკვატურად, გვინდა, რომ წარმოგიდგინოთ საპარლამენტო უმრავლესობის ახალი ინიციატივა, საერთაშორისო დაცვის შესახებ საკანონმდებლო პაკეტი, რომელიც გულისხმობს შემდეგს.

სისხლის სამართლის კოდექსს ემატება სასჯელის ახალი სახე – უცხოელის საქართველოდან გაძევება და განსაზღვრული ვადით საქართველოში შემოსვლის აკრძალვა, ადმინისტრაციულ სამართალდარღვევათა კოდექსში ჩაემატება ასევე ადმინისტრაციულ სახდელის ახალი სახე, უცხოელის საქართველოდან გაძევება და უცხოელის საქართველოში შემოსვლის აკრძალვა. მნიშვნელოვნად იზრდება ჯარიმები იმ უცხოელებისთვის, რომლებმაც საქართველოს ტერიტორიაზე ყოფნის წესი დაარღვიეს და მნიშვნელოვნად მარტივდება ქვეყანაში არალეგალურად მყოფ უცხოელთა გაძევების პროცედურა“, – განაცხადა მდინარაძემ.