რუსეთის დამქაშებს ნატო-ში არავინ არ მიიღებს. ჩვენი მოწოდებაა, რომ ნატო-ს მხრიდან გაძლიერდეს ზეწოლა ოლიგარქ ივანიშვილზე, დაედოს მას და მის ბანდას სანქციები,”- ამის შესახებ „ნაციონალური მოძრაობის“ ერთ-ერთი ლიდერმა  გიორგი ბარამიძემ განაცხადა.

მისი თქმით, საქართველოს ნატოელმა მეგობრებმა კარგად იციან, რომ ხელისიფლება ყველაფერს აკეთებს იმისათვის, რომ ქვეყანა ნაბი-ნაბიჯ დააშოროს დასავლელ პარტნიორებს.

„მე ვფიქრობ ჩვენმა ნატოელმა მეგობრებმა ნატო-ს წევრი ქვეყნების საელჩოებისა და სხვა წყაროებიდან ისედაც ძალიან კარგად იციან რა ხდება საქართველოში, რა მძიმე მდგომარეობაა, რომ ქვეყანა და ხელისუფლება აქვს მიტაცებული რუს ოლიგარქს და რუსული მაფიის ქართული ფილიალი ყველაფერს აკეთებს იმისათვის, რომ საქართველო ნაბიჯ-ნაბიჯ დააშოროს ჩვენს დასავლელ პარტნიორებს, საქართველო დატოვოს მარტო რუსეთის წინაშე და საქართველო დააბრუნოს რუსეთის ექსკლუზიური გავლენის ორბიტაზე და ამას ყველაფერს აკეთებს ძალიან ცინიკურად, დემონსტრაციულად, შეგნებულად აგრძელებს საზოგადოების წინააღმდეგ და საქართველოს ეროვნული ინტერესების წინააღმდეგ ბრძოლას. აგრძელებს მიხეილ სააკაშვილის უკანონო პატიმრობას, როგორც პუტინის პირადი ტყვისა, ნიკა გვარამიას პატიმრობას, სხვა პოლიტპატიმრებს პატიმრობას, დევნას თავისუფალი მედიისა, დევნას ყველა განსხვავებული აზრის მქონე ადამიანისა და შეგნებულად ახდენს ევროკავშირში ინტეგრაციას და გაწევრიანების კანდიდატის სტატუსის ტორპედირებას, რაც მათ ძალიან კარგად იციან. საერთოდ აღარც კი ლაპარაკობენ საქართველოს ნატო-ში გაწევრიანებაზე ამ ბოლო დროს. ამ მოღალატურმა რეჟიმმა საერთოდ აღარ მიაღებინა ქართულ ჯარს მონაწილეობა ნატო-ს წვრთნებში და პირდაპირ არიან ანტიქართულ ანტიუკრაინული და ანტიდასავლური პოლიტიკის გამტარებლები. ბუნებრივია, ასეთი რეჟიმის პირობებში სამწუხაროდ საქართველოს ისედაც ვერ მიიღებენ ნატო-ში, რადგან რუსებს და პუტინს ვერ გაუმხელენ იგივე ნატოში რაც არის საიდუმლოებები, ვერ გაუმხელენ უკრაინის სამხედრო დახმარების გეგმებს და იმ სტრატეგიულ გეგმებს და ამოცანებს ,რომელიც აქვს ნატოს უკვე რუსეთის წინააღმდეგ და მსოფლიოს საფრთხეს რომ წარმოადგენს მთელი მსოფლიოსთვის იმ რუსეთის წინააღმდეგ, რუსეთის დამქაშებს და პუტინის წარმომადგენლებს ნატო-ში არავინ არ შეიყვანს . აი ეს მძიმე მდგომარეობა და ჩვენი მოწოდება იქნება ნატო-ს მხრიდან გაძლიერდეს ზეწოლა ოლიგარქ ივანიშვილზე დაედოს მას და მის ბანდას სანქციები, მოითხოვონ მიხეილ სააკაშვილის ,ნიკა გვარამიას და სხვა პოლიტპატიმრების უფრო აქტიურად გათავისუფლება და განახორციელონ ის დიმპლომატიური და სხვა ღონისძიებები, რომელიც დაეხმარება ქართველ ხალხს გაუძლოს ამ ზეწოლას, დაეხმარება ყველა პროდასავლურ, პატრიოტულ პოლიტიკურ ძალებს, მედიას და საზოგადოებრივ ორგანიზაიებს გაუძლონ ამ ვითარებას და დაეხმარონ ქართულ საზოგადოებას, რომ მშვიდობიანად ჩამოიცილონ ეს მოღალატეობრივი რეჟიმი.“ – განაცხად გია ბარამიძემ.

“გიორგი ვაშაძე არასერიოზული კაცია, როგორც ჩანს, თავისი რუსი მდგმურისგან აქვს ეს ინფორმაცია. ეს ხუმრობით, სერიოზულად კი – ვისაც უნდა რეალურად საქართველოში მეორე ფრონტი, ეს ძალიან კარგად ჩანს”, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.

„მგონი, საზოგადოებისთვის ეს ყველაფერი ნათელია, საქართველოში მეორე ფრონტი უნდა მას, ვინც ითხოვდა სანქციების დაწესებას რუსებისთვის, მოხალისეების გაგზავნას თვითმფრინავით და ბევრ სხვა ქმედებას ახორციელებდა, ასევე, ვინც მეგობრობს იმ უკრაინელ მაღალჩინოსნებთან, რომლებიც პირდაპირ მოგვიწოდებდნენ მეორე ფრონტის გახსნისკენ, სწორედ ეს ადამიანები არიან დაინტერესებულები, რომ საქართველოში მეორე ფრონტი გაიხსნას, დანარჩენი არასერიოზული განცხადებებია“, – აღნიშნა კობახიძემ.

„სტრატეგია აღმაშენებლის“ ლიდერმა, გიორგი ვაშაძემ განაცხადა, რომ არაა გამორიცხული, „ქართული ოცნება“ რუსეთთან ერთად პროვოკაციას და ხელოვნურ ესკალაციას გეგმავდეს საქართველოს საგარეო ვექტორის შესაცვლელად.

ვგმობ ბატონი გივი თარგამაძის განცხადებას და ღია მოწოდებას ძალადობისაკენ, ახლა გამოსარკვევი მხოლოდ ის დარჩა, მან რატომ აირჩია ეს მომენტი ამის სათქმელად, – ამის შესახებ კულტურის მინისტრმა, თეა წულუკიანმა გივი თარგამაძის განცხადების კომენტირებისას ისაუბრა.

მისი თქმით, ქვეყანაში არავითარი დესტაბილიზაციის და ომიანობის საფრთხე არ არსებობს.

„როგორ მოახერხა ამის გამოთქმა, რადგან ძალიან მძიმე მოსასმენია, როდესაც ამ ქვეყნის მოქალაქე საუბრობს იარაღზე, სისხლზე, დაწვაზე, მანქანების განადგურებასა და სხვა ტიპის ძალადობრივ აქციაზე იმ ქვეყანაში, რომელსაც ეს არაერთხელ უნახავს, მათ შორის ყველაზე ბოლოს მაშინ, როდესაც თავად გივი თარგამაძე იყო ხელისუფლებაში და უპასუხისმგებლოც რბილი შეფასებაა ამგვარ განცხადებასთან მიმართებაში. ჩვენ ვართ მოწოდების სიმაღლეზე. მინდა, მოქალაქეებს კიდევ ერთხელ ვუთხრა, რომ არავითარი დესტაბილიზაციის და ომიანობის საფრთხე ჩვენს ქვეყანაში დაშვებული არ იქნება რისკის დონეზეც კი და არ უნდა მივაქციოთ ყურადღება იმ უპასუხისმგებლო და ქვეყნისადმი მტრულ განცხადებებს, რომელსაც გივი თარგამაძის მსგავსი უსამშობლო, ომის და არეულობის მომხრე ადამიანები გააკეთებენ“, – განაცხადა წულუკიანმა.

როგორ გივი თარგამაძემ განაცხადა: „მარტის პროტესტის დროს ამბობდნენ, პოლიციის მანქანა როგორ დაწვესო, იმ დღეებში ნახევარი პარიზი გადაწვეს პენსიების გამო, ამაში არაფერია საშინელი, მატრაკვეცული მიტინგები შედეგს არ მოიტანს“.