დღეს, ტრენდია თითქოს და ძალიან მოდაში შემოვიდა ლგბტ პროპაგანდისტობა. არავინ არავის უფლებებს არ ლახავს, არავინ არავის უფლებებს არ ზღუდავს, მაგრამ როდესაც საუბარია იმაზე, რომ ვიღაცები  ლგბტ პროპაგანდის რაღაც ტრენდის დამკვიდრებას ცდილობენ, ამან რა შედეგები მოიტანა, ბოლო კვლევები ნახეთ, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ ჟურნალისტებს განუცხადა.

როგორც მდინარაძემ აღნიშნა, ბოლო კვლევებს მონაცემებით დასტურდება, რომ ლგბტ პროპაგანდა საზოგადოებაზე გავლენას ახდენს. მისივე თქმით, საზოგადოებამ ამ შედეგების შესახებ უნდა იცოდეს.

„სამწუხაროდ, აშშ-ში 18-დან 25 წლამდე ახალგაზრდების 20% საუბრობს, რომ მიეკუთვნება სექსუალურ უმცირესობას. საფრანგეთში, ბოლო კვლევის თანახმად, ამავე ასაკის ახალგაზრდების 22% საუბრობს ამაზე. ხომ ვამბობდით ჩვენ, რომ თითქოს, პროპაგანდა  არანაირ ზიანს არ აყენებს საზოგადოებას, რეალურად, ამ ზიანს აყენებს. უნდა ვუთხრათ საზოგადოებას რომ დიახ, ლგბტ პროპაგანდამ ქნა ის, რომ საფრანგეთში 18-დან 25 წლამდე ახალგაზრდების 22 % თავის თავს აიდენტიფიცირებს სექსუალურ უმცირესობად, როცა წინა თაობაში, ე.წ. „მილენიალებში“ ეს იყო 10%-მდე მაქსიმუმ, უფრო წინა თაობაში ეს იყო 2-2,5%-3%.“ – განაცხადა მამუკა მდინარაძემ.

საზოგადოებრივი მოძრაობა „ხალხის ძალის“ წევრი დავით ქართველიშვილი, სოციალურ ქსელში ევროსაბჭოს მიერ, ევროკავშირის წევრ ქვეყნებში ჩატარებულ საზოგადოებრივი აზრის გამოკითხვის შედეგების ნაწილს აქვეყნებს.

როგორც ქართველიშვილი აღნიშნავს, გამოკითხვა ევროკავშირის წევრ 11 ქვეყანაში ჩატარდა და ეხებოდა ამ ქვეყნებში საზოგადოების განწყობებს რუსეთთან მიმართებით.

„ევროსაბჭოს მიერ ევროკავშირის 11 წევრ ქვეყანაში (ავსტრია, ბულგარეთი, დანია, საფრანგეთი, გერმანია, უნგრეთი, ნიდერლანდები, პოლონეთი, ესპანეთი, იტალია და შვედეთი) ჩატარდა საზოგადოებრივი აზრის ძალიან საინტერესო გამოკითხვა, რომლის ზოგიერთ შედეგსაც წარმოგიდგენთ:

✔️ EU-ს მოქალაქეების 4% – თვლის რუსეთს მოკავშირედ, 19% – აუცილებელ პარტნიორად, 9% – მოწინააღმდეგედ, 55% – მტრად, 13% – გაუჭირდა პასუხის გაცემა

✔️ ბულგარეთში 18% – თვლის რუსეთს მოკავშირედ, 47% – აუცილებელ პარტნიორად, 3% – მოწინააღმდეგედ, 17% – მტრად

✔️ დანიაში რუსეთს მტრად თვლის – 74%, პოლონეთში – 71%, შვედეთში – 70%, ნიდერლანდებში – 67%, ავსტრიასა და უნგრეთში – 46%, იტალიაში – 37%

✔️ ერთ-ერთი შეკითხვა შემდეგნაირად ჟღერდა: „რუსეთიდან ენერგომატარებლებისა და ბირთვული საწვავის შესყიდვისას – რა დომინირებს: სარგებელი თუ რისკები“. პასუხები: ძირითადად რისკები – 23%, უფრო რისკები – 26%, სარგებელი აღემატება რისკებს – 9%, ძირითადად სარგებელი – 6%, რისკებთან ერთად სარგებელიც – 20%, გაუჭირდა პასუხის გაცემა – 16%

✔️ შემდეგი საინტერესო შეკითხვა: „ომის, სამშვიდობო ზავით დასრულების შემთხვევაში, რა ტიპის ურთიერთობები უნდა დაალაგონ ევროპულმა სახელმწიფოებმა რუსეთთან“: გაწყვიტონ მასთან ყველა ურთიერთობა – 18%, დაამყარონ შეზღუდული ურთიერთობები – 48%, აღადგინონ სრული ურთიერთობები – 21%, გაუჭირდათ პასუხის გაცემა – 13%

✔️ ურთიერთობების სრული გაწყვეტის მომხრეა: პოლონეთში – 39% (სრული აღდგენის მომხრე – 8%), დანიაში – 26% (სრული აღდგენის მომხრე – 9%), შვედეთში – 26% (სრული აღდგენის მომხრე – 8%), ესტონეთში – 23% (სრული აღდგენის მომხრე – 13%)

✔️ ურთიერთობის სრული აღდგენის მომხრეა – ბულგარეთში 51% (სრული გაწყვეტის მომხრე – 3%), ავსტრიაში – 36% (სრული გაწყვეტის მომხრე – 13%), უნგრეთში – 32% (სრული გაწყვეტის მომხრე – 5%)

✔️ „უკრაინის რუსეთზე გამარჯვების შესაძლებლობა“: დიდი ალბათობა – 8%, სავსებით შესაძლებელი – 25%, უფრო შეუძლებელი – 28%, თითქმის შეუძლებელი – 17%, გაუჭირდათ პასუხის გაცემა – 22%“ , – წერს, ქართველიშვილი.

ნაციონალური მოძრაობა“ ამ ბოლო დროს ისეთ მდგომარეობაში იმყოფება, რომ ყველაფრის გასაღები დაკარგული აქვთ. სიტყვა „ნაცი“ არა მხოლოდ „ნაციონალური მოძრაობის“ წევრებს მოიცავს, არამედ სხვა პარტიებს, რომლებიც მათი კლასტერები არიან, – ამის შესახებ ფრაქცია „ქართული ოცნების” თავმჯდომარე მამუკა მდინარაძემ განაცხადა.

მისი თქმით, თუ კანდიდატის სტატუსთან დაკავშირებით რაიმე რისკი არსებობს, ამაში დამნაშავეები „გარე დავალებების შემსრულებლები“ არიან.

„ნაციონალური მოძრაობა“ ამ ბოლო დროს ისეთ მდგომარეობაში იმყოფება, რომ ყველაფრის გასაღები დაკარგული აქვთ. პრობლემა მხოლოდ პარტიაში არ არის, პრობლემა „ნაცობაშია”, რაც უფრო ფართო ცნებაა. ეს ტერმინი არა მხოლოდ „ნაციონალური მოძრაობის“ წევრებს მოიცავს, არამედ სხვა პარტიებს, რომლებიც მათი კლასტერები არიან. მათი საერთო ნიშანი ქვეყნის წინააღმდეგ ბრძოლა, დავალებების შესრულება და უსამშობლობაა. ამ სართო ნიშანში გაერთიანებულ ადამიანებს ვეძახით „ნაცებს“. რამდენად არ უნდა გიყვარდეს საკუთარი სამშობლო, რომ ამბობდე, კანდიდატის სტატუსისთვის არაფერი კეთდებაო, მაშინ, როდესაც კეთდება. ოდნავ მაინც რისკი თუ არსებობს კანდიდატის სტატუსთან დაკავშირებით, რაც შეიძლება განვიხილოთ, ამაში დამნაშავეები გარე დავალებების შემსრულებლები არიან. ამას საზოგადოება კარგად ხედავს, თორემ დღეს „ქართულ ოცნებას“ 11 წლის მმართველობის შემდეგ მზარდი რეიტინგი არ ექნებოდა“, – განაცხადა მამუკა მდინარაძემ.

მამუკა მდინარაძემ ასევე შეაფასა ოპოზიციის განცხადებები იმასთან დაკავშირებით, რომ საქართველოს პრემიერ-მინისტრი გერმანიის კანცლერმა ოლაფ შოლცმა „დაიბარა“.

მდინარაძის განცხადებით, თავმოყვარეობამ არ უნდა მოგცეს იმის საშუალება, რომ საკუთარი ქვეყნის პირველ პირზე მსგავსი კომენტარი გააკეთო, რომ ის სხვა ქვეყანაში დაიბარეს.

„ალბათ, თავმოყვარეობამ არ უნდა გაგიშვას ადამიანი, რომ როგორც არ უნდა უარყოფითი განწყობა გქონდეს შენი ქვეყნის, მისი ლიდერის თუ სახელისუფლებო გუნდის მიმართ, რომ აკადრო საკუთარ თავს და საკუთარ ქვეყანას, რომ მის პირველ პირს ვინმე სადმე იბარებს. ეს უბრალოდ არ უნდა აკადრო არც ჟურნალისტმა, არც პოლიტიკოსმა და არცერთმა მოქალაქემ, რომ შენი ქვეყნის ლიდერი სადმე დაიბარეს. მათ ლიდერებს, მათ პარტიულ ლიდერებს იბარებდნენ, ეს აკადრეს საკუთარ ქვეყანას და ამ ძველი ნაკადრებიდან გამომდინარე, დღესაც იგივე ფსიქოლოგიით დარჩნენ. ამას ლაპარაკობს ყველა ობიექტურად მოფიქრალი ადამიანი და მეც იგივე აზრზე ვარ“, – განაცხადა მდინარაძემ.

ამასთან, როგორც მდინარაძემ აღნიშნა, თუ ბრიუსელში პოლიტიკურად ობიექტურ გადაწყვეტილებას მიიღებენ, საქართველოს კანდიდატის სტატუსს მისცემენ და ამისთვის მათ საკმარისი საფუძველი აქვთ.