თიბისის მომხმარებლები VELI.store-ზე მრავალფეროვანი შეთავაზებებით მუდმივად განებივრებულები არიან. მათ აქვთ შესაძლებლობა ონლაინ პლატფორმაზე იშოპინგონ გამორჩეული პირობებით, განსაკუთრებით კი ზაფხულში.

17 აგვისტოს ჩათვლით, ყოველდღე, ახალი თიბისი ბარათის, ახალი თიბისი კონცეპტ ბარათისა და ერთგული საკრედიტო ბარათის მფლობელებს, ნებისმიერი რაოდენობის შენაძენზე, 10% ქეშბექი უბრუნდებათ.

თითოეულ შენაძენზე დაბრუნებული მაქსიმალური თანხა ახალი თიბისი ბარათების შემთხვევაში 100 ლარი, ხოლო ახალი თიბისი კონცეპტ ბარათების შემთხვევაში 150 ლარია.

თიბისი და VELI.store მომხმარებლებს განსაკუთრებულ შეთავაზებებს დამატებით, ყოველკვირეულადაც სთავაზობენ.  ამ კვირის შეთავაზების ფარგლებში, 30 და 31 ივლისს, VELI.store-ზე შოპინგისას, მათ გადახდილი თანხის  30% მომენტალურად დაუბრუნდებათ. აღნიშნული შეთავაზების დეტალებისთვის ეწვიეთ ბმულს.

კომპანიების თანამშრომლობა და ზაფხულის შეთავაზებები ამით არ სრულდება.  მომხმარებლებს მსგავსი შეთავაზებები კვლავ ელოდებათ. 

ჯელატო ბედნიერებასა და ცხოვრებით ტკბობასთან ასოცირდება. როგორ განწყობაზეც უნდა ვიყოთ, საკმარისია, იტალიური ნაყინი დავაგემოვნოთ და ყველაფერი იდეალურ ელფერს იძენს. სწორედ ამ იდეას ეფუძნება ჯეჯელატოს კონცეფციაც — „ჯეჯელატო, თქვენი ტკბილი თავგადასავალი“.

თავად ბრენდის თავგადასავალი 2019 წლიდან იწყება, როდესაც შპს დარეგისტრირდა, ხოლო პირველი ფილიალი კი 2020-ში, პანდემიის პირობებში, ფალიაშვილის ქუჩაზე გაიხსნა. მიუხედავად გამოწვევებისა, GeGelato-მ მაინც შეძლო გაფართოება და უკვე რამდენიმე ფილიალს აერთიანებს საქართველოში.

ჯეჯელატოს ყველა ნაყინი იტალიური ტექნოლოგიით და იტალიიდან ჩამოტანილი აპარატურითა თუ პროდუქციით იწარმოება. ასევე, თანამშრომლობენ იტალიელ შეფებთან და მენიუში მუდმივად 25-30 განსხვავებული გემო აქვთ, თუმცა საერთო გემოების რაოდენობა 60-მდეც აღწევს. ჯეჯელატოში თითქმის ყველა ნაყინი უგლუტენოა, როგორც რძიანი ისე ვეგანური. „როცა მომხმარებელი ჩვენს ნაყინს აგემოვნებს და მის თვალებში სიამოვნების ნაპერწკალს ვხედავ, ვხვდები, რომ ჩემი ჩანაფიქრი სრულდება“, – ამბობს მარიამ უჩანეიშვილი, ჯეჯელატოს დამფუძნებელი.

„უკვე წლებია, მე და ჩემი მეუღლე სასმელი და საკვები პროდუქტების საერთაშორისო გამოფენებზე დავდივართ ევროპის სხვადასხვა ქვეყანაში. დროთა განმავლობაში საკმაოდ ბევრი და საინტერესო ადამიანი გავიცანით, რომლებთან კავშირმაც გადაგვაწყვეტინა, ჩვენც გვეცადა ბედი გასტრონომიის მიმართულებით.

გარდა ნაყინისა, ბრენდი მომხმარებლებს განსხვავებულ დესერტებს, ბელგიურ ვაფლებს, იტალიურ ბურთულებიან ჩაის (Bubble tea), ასევე ცხელ და ცივ სასმელებს სთავაზობს.

ამ მოცემულობამდე მოსვლა გარკვეულ გამოწვევებთან იყო დაკავშირებული. მაშინ, როცა პანდემიით გამოწვეული შეზღუდვები ეკონომიკურ მდგომარეობას მთელ მსოფლიოში შეეხო, ჯეჯელატო პირველ ნაბიჯებს დგამდა. ასეთ პერიოდში კი რთული იყო სანდო პარტნიორის პოვნა და სტაბილურობის შენარჩუნება. მიუხედავად ამ გამოწვევისა, მარიამმა, თავის გუნდთან ერთად, მაინც შეძლო ისეთი ბრენდის შექმნა, რომელიც საფინანსო ორგანიზაციებისთვის სანდო პარტნიორის სტატუსს ინარჩუნებს.

„თიბისის წვლილი ძალიან დიდია ჯეჯელატოს განვითარებაში, რადგან ნებისმიერი იდეის განხორციელებაში გივჭერენ მხარს. თან, საკმაოდ კომფორტული სერვისები და მომსახურება აქვთ, რაც აუცილებელია სწრაფი, უწყვეტი პროგრესისთვის“, — ამბობს მარიამ უჩანეიშვილი.

ჯეჯელატოს სამომავლო გეგმები არა მარტო ობიექტების გაფართოებას, არამედ წარმოების გაზრდას უკავშირდება. ამ ახალ გზაზე კი მთავარ დასაყრდენად კომპანია კვლავ თიბისის განიხილავს.

გარემოს ეროვნული სააგენტო უახლოესი დღეებში მოსალოდნელი მაღალი ტემპერატურის შესახებ მოსახლეობას აფრთხილებს.

„30-31 ივლისს დასავლეთ საქართველოს დაბლობ და მთიან რაიონებში, აღმოსავლეთ საქართველოს ბარსა და მთაში ზოგან მოსალოდნელია ჰაერის ტემპერატურის მომატება 38-41 გრადუსამდე.

მოსალოდნელი მაღალი ტემპერატურა სითბური სტრესისა და ტყის ხანძრების რისკის ხელშემწყობ პირობას წარმოადგენს (საფრთხის დონე საშუალო)“, – ნათქვამია ინფორმაციაში.

რას გვირჩევენ ვარსკვლავები 30 ივლისისთვის ჯანმრთელობის, ბიზნესის და სიყვარულის მიმართულებით?

ვერძი

ამ დღეს სასურველია, რომ შესვენება გამოაცხადოთ და თქვენებურად, ბრძოლის ველზე არ გაიჭრათ. თუ გრძნობთ, რომ სიტუაცია თქვენზე ემოციურად მოქმედებს, ნუ იჩქარებთ დასკვნების გამოტანას. სამუშაო პროცესი ბევრად უფრო მარტივად წარიმართება, თუ გარკვეულ ამოცანებს სხვებს გადააბარებთ. დაფიქრდით, პირად ცხოვრებაში რას ეძებთ – აღიარებას თუ სითბოს?

კურო

ეს დღე შესაფერისია საოჯახო საქმეების, ფინანსური ანგარიშებისა და სტრატეგიული დაგეგმვისთვის. ეცადეთ, ყურადღება სამუშაოდან გარშემო მყოფ ადამიანებზე გადაიტანოთ და მათში ახალ ღირსებებს აღმოაჩენთ. თავი შეიკავეთ ზედმეტი ხარჯებისგან — ემოციური შენაძენი იმედებს სწრაფად გაგიცრუებთ, ხოლო განათლებაში ან ყოფით საჭიროებებში ჩადებული ინვესტიცია წარმატებული იქნება.

ტყუპები

ამ დღეს ბევრი შეხვედრა და საქმიანი საუბარი გელით, თუმცა ყველა ნაყოფიერი არ იქნება. სცადეთ განსაზღვროთ, სად არის ცარიელი სიტყვები და სად — ღირებული აზრები. 30 ივლისს თქვენი ინტუიცია განსაკუთრებით გამძაფრებულია და ეს პირადი საკითხების გადაწყვეტისას დაგეხმარებათ. მოსალოდნელია მნიშვნელოვანი ცნობები მეგობრების ან ნათესავებისგან. მამაკაცებს მოულოდნელი ნაცნობობა ან პირად ცხოვრებაში ძველი კავშირების განახლება დიდ პრობლემებს მოუტანს.

კირჩხიბი

ამ დღეს განსაკუთრებული მგრძნობიარობით გამოირჩევით, მაგრამ ეს სისუსტე კი არა, რესურსია. გირჩევთ, ეს თვისება რთული ურთიერთობების მოსაწესრიგებლად გამოიყენოთ. საღამო შესაფერისია გულწრფელი საუბრისთვის — სათქმელს ნუ გადადებთ და ახლა თქვით. სავარაუდოდ, დღის მეორე ნახევარში მომხდარი უსიამოვნო შემთხვევა გეგმების შეცვლას გაიძულებთ.

ლომი

მთვარე თქვენს ნიშანში ენერგიით აგავსებთ. ცდილობთ, მუდმივად ყურადღების ცენტრში იყოთ, თუმცა ზომიერება არ დაგავიწყდეთ — შეიძლება თქვენი აქტიურობა ყველას არ მოეწონოს. შესანიშნავი დროა საჯარო გამოსვლებისა და ახალი პროექტების დაწყებისთვის. მთავარია, ახლობლებზე ზეწოლა არ განახორციელოთ. ოჯახის უფროსი წევრების რჩევა შეცდომებისგან დაგიცავთ – დროა, მათი სიბრძნე აღიაროთ.

ქალწული

ამ დღეს უზომოდ დიდი მოცულობის ინფორმაციას მიიღებთ, თუმცა ყველა სასარგებლო არ იქნება. მოსალოდნელია სიტუაცია, სადაც ორი მხარის მოსმენა და შუამავლის როლის შესრულება მოგიწევთ. ყურადღება არ მოადუნოთ – სამსახურში მოსალოდნელია შემოწმება. საღამო შესაფერისია მშვიდი საქმიანობისთვის – სახლის დალაგება და ნივთების მოწესრიგება სტრესისგან გაგათავისუფლებთ.

სასწორი

არსებობს შანსი, რომ მოლაპარაკებებში წარმატებას მიაღწევთ, თუ მუდმივად კომპრომისის ძიებაში არ იქნებით — ზოგჯერ უბრალოდ გადაწყვეტილების მიღებაა საჭირო. შესაძლებელია ძველი ნაცნობი შეგხვდეთ — ეს შეხვედრა ბევრ საკითხზე თვალებს აგიხელთ. ოჯახის წევრებსა და საყვარელ ადამიანებს შორის ურთიერთობები ჰარმონიულად განვითარდება. ამ მხრივ პრობლემები მოსალოდნელი არ არის.

მორიელი

თუ რაიმე გაღიზიანებთ, შეიძლება უხეში და აგრესიული ქცევის სურვილი გაგიჩნდეთ. ეცადეთ, ენერგია კონსტრუქციული საქმიანობისკენ მიმართოთ — მაგალითად, დიდი ხნის წინ დაწყებული საქმე დაასრულოთ. პირად ცხოვრებაში მოსალოდნელია მოულოდნელი შეტყობინება ან ზარი. ნუ ეძებთ ქვეტექსტებს იქ, სადაც ისინი არ არის.

მშვილდოსანი

კარგი დღეა მოგზაურობის დაგეგმვისთვის, ცოდნის მიღებისა და თვალსაწიერის გაფართოებისთვის. შესაძლებელია საინტერესო შემოთავაზებები სამუშაოსთან ან დამატებით დასაქმებასთან დაკავშირებით. პირად ცხოვრებაში ეცადეთ, სიფრთხილე გამოიჩინოთ — თქვენი ხუმრობა შეიძლება არასწორად გაიგონ. ამ დღეს ბევრი რამის შეცვლას შეძლებთ, თუმცა შედეგებს მოგვიანებით მიიღებთ. საღამო სასარგებლო იქნება მარტო ყოფნისთვის.

თხის რქა

დღის მთავარი თემა ფული და რესურსებია. მოსალოდნელია შემოთავაზება, რომელიც მიმზიდველად მოგეჩვენებათ, თუმცა დეტალურ შესწავლას საჭიროებს. საბუთებზე ხელი არ მოაწეროთ, სანამ გულდასმით არ წაიკითხავთ და გაიაზრებთ. ოჯახში შეიძლება გაჩნდეს პრობლემა, რომელიც თქვენი ჩარევის გარეშე ვერ გადაწყდება. ახალი ნაცნობობა შეიძლება სიყვარულში გადაიზარდოს, მაგრამ ეს ურთიერთობა, ტკივილის გარდა, არაფერს მოგიტანთ.

მერწყული

წინააღმდეგობრივი დღეა, რომელსაც როგორც დადებითი, ისე უარყოფითი ტენდენციები ახლავს. უმჯობესია, რომ კოლეგებთან დაპირისპირებას მოერიდოთ და კომპრომისის გზა აირჩიოთ. მოულოდნელი ნაცნობობა ან ძველი კავშირების განახლება შემოსავლის ახალი წყაროების პოვნაში დაგეხმარებათ.

თევზები

ინტუიციამ შეიძლება სწორი პასუხი გიკარნახოთ, მაგრამ ემოციები მის დანახვაში ხელს გიშლით. ხელსაყრელი დღეა შემოქმედებითი საქმიანობისა და განმარტოებისთვის. ფინანსურ საქმეებში სიფრთხილე უნდა გამოიჩინოთ – დაუგეგმავი ხარჯების ან ძველი ვალების გამო შეიძლება ხელფასამდე უფულოდ დარჩეთ.