საგუშაგოს გახსნასთან დაკავშირებით ინფორმაცია არ გამაჩნდა – საგუშაგოს გახსნით მოსახლეობა რთულ სიტუაციაში ჩავარდა, რუსეთის ფედერაციამ დამატებითი საგუშაგოები გახსნა და სამეთვალყურეო საშუალებები დაამონტაჟა, ეს ჩემთვის ძალიან დიდი პრობლემაა,- ამის შესახებ საქართველოს დაზვერვის სამსახურის ყოფილმა უფროსმა, დავით სუჯაშვილმა, ჩორჩანას ეპიზოდთან დაკავშირებით, საქართველოს პროკურატურაში გამოკითხვის შემდეგ ჟურნალისტებთან განაცხადა.

მისი თქმით, მიუხედავად იმისა, რომ საგუშაგოს გახსნასთან დაკავშირებით მას ინფორმაცია არ ქონია, ეს პრობლემას არ წარმოადგენდა, რადგან ამ ინფორმაციის დაზვერვის სამსახურისთვის მიწოდება სავალდებულო არ იყო.

„ჩატარდა რეფორმა, რითაც შეიქმნა ახალი ეროვნული უსაფრთხოების საბჭო, რამაც თავისი პერიოდი წაიღო. ამ საბჭოს პირველი შეხვედრა, რომელიც მაისში გაიმართა, საორგანიზაციო ხასიათის იყო.

საგუშაგოს გახსნასთან დაკავშირებით ინფორმაცია არ გამაჩნდა, მედიის საშუალებით გავიგე. დაზვერვის სამსახური, ისევე როგორც სხვა სპეციფიკური სამსახურები, მუშაობენ თავიანთ ჩარჩოებში, დაზვერვის სამსახური სადაზვერვო ინფორმაციას მოიპოვებს საზღვრებს მიღმა, დაზვერვის სამსახური აქტიურად არის ჩართული არაღიარების მიმართულებით, ამიტომ ეს ინფორმაცია რომ არ მქონდა, პრობლემას ვერ ვხედავ. საგუშაგოს აღმართვასთან დაკავშირებით ინფორმაცია ღია წყაროებიდან გავიგე, კარგი იქნებოდა, რომ მანამდე მცოდნოდა.

კანონია, საქართველოს ეროვნული უსაფრთხოების პოლიტიკის დაგეგმვისა და კოორდინაციის წესის შესახებ, ეს კანონი არეგულირებს ეროვნული უსაფრთხოების საბჭოს საქმიანობას, დაზვერვის სამსახურის უფროსი მუდმივი წევრია ამ საბჭოსი, აქედან გამომდინარე დამიბარეს პროკურატურაში.

ყველა სპეცსამსახური მუშაობს თავის ჩარჩოებში, არასწორად მიმაჩნია, როდესაც ერთი სამსახური, მეორე სამსახურის საქმიანობაში ერევა, საოკუპაციო ხაზზე მუშაობს სახელმწიფო უსაფრთხოების სამსახური, ანალიტიკური დეპარტამენტი. ეს პროცესი საზღვრებს შიგნით ხდება, საზღვრებს იქით მუშაობს საგარეო საქმეთა სამინისტრო, ჟენევის ფორმატი ხომ გაგიგიათ? აი ამ კუთხით.

მე ამ საკითხს გლობალურად განვიხილავ, საქართველოს ტერიტორია ოკუპირებულია მეზობელი ქვეყნის მხრიდან და ბორდერიზაცია ხორციელდება. კანონში წერია, რომ საბჭომ მსგავსი საკითხი უნდა განიხილოს, ანუ არა მარტო უსაფრთხოების კუთხით არის მნიშვნელოვანი საკითხი. ჩემთვის, თქვენთვის და ყველასთვის ბორდერიზაცია მტკივნეული საკითხია.

მუდმივმოქმედი საბჭოს წევრს შეუძლია მიმართოს თავის კომპეტენციის ფარგლებში პრემიერ-მინისტრს, რათა მან უსაფრთხოების საბჭო მოიწვიოს. პასუხისმგებლობის საკითხს ნუ შემოიტანთ, ეს ჩემი კომპეტენცია არ არის, მოკვლევა მიმდინარეობს.

დიდი შეცდომაა, როდესაც საზღვრის გადაწევა-გადმოწევაზე საუბრობთ, საზღვარი გადის კავკასიის ქედზე, რაც შეეხება საოკუპაციო ხაზს, ეს პროცესი მიმდინარეობს და არ გაჩერებულა.

თქვენ ხომ გინდათ საქართველო ერთიანი და ძლიერი იყოს? ევროკავშირის წევრი? როგორ ფიქრობთ, გახლეჩილი საზოგადოებით ჩვენ ამას მივაღწევთ? თითოეულმა ჩვენგანმა უნდა გაითვალისწინოს, რომ ჩვენზეცაა პასუხისმგებლობა, თუ რამდენად ხელს ვუწყობთ საზოგადოების კონსოლიდაციას. თუ ისეთ კითხვებს დასვამთ, ნუ მოელოდებით, რომ მე ისეთ პასუხს გაგცემთ, რომ საზოგადოებაში განხეთქილება შევიტანო.

რაც მე მაქვს ინფორმაცია, საგუშაგოს გახსნით მოსახლეობა რთულ სიტუაციაში ჩავარდა, რუსეთის ფედერაციამ დამატებითი საგუშაგოები გახსნა და სამეთვალყურეო საშუალებები დაამონტაჟა, ეს ჩემთვის ძალიან დიდი პრობლემაა.

აქ პოლიტიკას შეიმუშავებს და ახორციელებს სუს-ი, როგორ შეიძლება იყოს პასუხისმგებელი ერთი უწყება, თუ მეორე უწყება რაღაც საქმიანობას ახორციელებს, ისე რომ არ აყენებდეს საქმის კურსში მას, ვინც საქმის კურსში უნდა იყოს. ვალდებულება არ იყო, რომ მათ დაზვერვის სამსახურისთვის ეთქვათ, ჩვენი სპეციფიკა სულ სხვაა, მაგრამ კარგი იქნებოდა, გვცოდნოდა”,- განაცხადა დავით სუჯაშვილმა.

ის, რაც რეჟიმს დაამარცხებს, არის ძლიერი, მწყობრი გაერთიანება, რომელიც აჩვენებს საზოგადოებას, რომ არსებობს რეალური ალტერნატივა – რეკომენდებულია, რომ ამ ერთობის ბირთვი იყოს ე.წ. არჩევნებში არ მონაწილე 8 პარტია და „წინააღმდეგობის პლატფორმა“, – ამის შესახებ „სტრატეგია აღმაშენებლის“ ლიდერის, საპატიმროში მყოფი გიორგი ვაშაძის წერილშია აღნიშნული, რომელიც მის „ფეისბუქ“ გვერდზე ვრცელდება.

მისი თქმით, საჭიროა „პროდასავლური პოლიტიკური და საზოგადოებრივი ჯგუფების სისტემური, პარიტეტული გაერთიანება, სადაც ყველა ინარჩუნებს იდენტობას, მაგრამ მოქმედებს ერთიანი სახელით, საერთო ბრენდის ქვეშ“.

„ქართული ოცნების“ ძალა ჩვენი დაქსაქსულობა და ურთიერთ თავდასხმებია. ის, რაც რეჟიმს დაამარცხებს, არის ძლიერი, მწყობრი გაერთიანება, რომელიც აჩვენებს საზოგადოებას, რომ არსებობს რეალური ალტერნატივა. როცა ეს გაერთიანება გამოჩნდება კვლევებში პირველ ადგილზე, ცვლილების პროცესი დაჩქარდება, მერყევ, გადაუწყვეტელ მოქალაქესაც უფრო მეტი მოტივაცია გაუჩნდება უარი უთხრას „ქართულ ოცნებას“ და დასავლელი პარტნიორებიც უფრო ქმედით ნაბიჯებს გადადგამენ.

გვჭირდება, პროდასავლური პოლიტიკური და საზოგადოებრივი ჯგუფების სისტემური, პარიტეტული გაერთიანება, სადაც ყველა ინარჩუნებს იდენტობას, მაგრამ მოქმედებს ერთიანი სახელით, საერთო ბრენდის ქვეშ.

გაერთიანება იღებს პასუხისმგებლობას ქვეყნის კრიზისიდან გამოყვანასა და ეფექტურ მართვაზე.

რეკომენდებულია, რომ ამ ერთობის ბირთვი იყოს ე.წ. არჩევნებში არ მონაწილე 8 პარტია და „წინააღმდეგობის პლატფორმა”.

გადაწყვეტილებები მიიღება კონსენსუსით, ხოლო კონსენსუსის არქონისას – ხმათა უმრავლესობით. გადაწყვეტილება სავალდებულოა ყველა წევრისთვის.

განსაკუთრებულ საკითხებზე შესაძლებელია სახალხო ჩართულობით – ბლოკჩეინის ტექნოლოგიაზე დაფუძნებული აპლიკაციით, სადაც საქართველოს მოქალაქეები პირდაპირ მონაწილეობენ.

აქტიური კამპანია, ერთიანი ბრენდი და შეთანხმებული მოქმედებები გააძლიერებს ჩვენს მხარდაჭერას.

გზა გამარჯვებამდე გადის ნამდვილ ერთიანობაზე. თუ ამას შევძლებთ, რეჟიმი დამარცხდება და ქვეყანა დაუბრუნდება განვითარებას, თავისუფლებას და ევროპულ მომავალს“, – აღნიშნა გიორგი ვაშაძემ.

„მოულოდნელად ჩამოკრა უბედურების ჟამმა „ნაცმოძრაობა“, როდესაც გაიგეს, რომ „მეგობარი აქტი“ და მისი განხილვა შეჩერდა. დიდი იმედი გვაქვს, რომ ამერიკასთან ნელ-ნელა დაიწყება გადატვირთვის რეჟიმი. გამომდინარე იქიდან, რომ ეს თავად ამერიკის ინტერესებშიც არის. სწორედ ამიტომ არის, რომ დაიბლოკა ჯანსაღი ძალების მხრიდან ამერიკაში ეს ე.წ. „მეგობარი აქტი“, – ასე ეხმაურება „ხალხის ძალის“ აღმასრულებელი მდივანი გურამ მაჭარაშვილი აშშ-ის სენატში „მეგობარი აქტის“ შეჩერებასთან დაკავშირებით გადაწყვეტილებას.

მისი თქმით, „მეგობარი აქტი“ ეწინააღმდეგება ტრამპის ადმინისტრაციის მიერ გაჟღერებულ პრინციპებს.

„რასაც ტრამპი და მისი ადმინისტრაცია აცხადებს, ეს არის ოჯახური ღირებულება, ეს არის პარტნიორობა, ეს არის სხვა ქვეყანაში პოლიტიკურ პროცესებში ჩაურევლობა და ა.შ. ამის საწინააღმდეგო საკითხები წერია ამ აქტში“, – განაცხადა გურამ მაჭარაშვილმა.

შეგახსენებთ, რომ „მეგობარი აქტის“ მიღება შეჩერებულია, მიზეზი სამი სენატორია, რომლებიც „მეგობარი აქტის“ მიღებას ბლოკავენ. სამივე სენატორი რესპუბლიკელია. მათგან ერთ- ერთი, ამერიკის პრეზიდენტის მეგობარი და ნდობით აღჭურვილი პირია.

ცნობისთვის, „მეგობარი აქტი“ საქართველოს მაღალი თანამდებობის პირებისთვის სანქციებსა და სავიზო შეზღუდვებს ითვალისწინებს. „მეგობარი აქტის“ სახელით ცნობილი კანონპროექტის სრული სახელწოდებაა „საქართველოს ანგარიშვალდებულების, გამძლეობისა და დამოუკიდებლობის შესაძლებლობების გაძლიერებისა და მობილიზაციის აქტი“. ასევე, მისი ოფიციალური სახელწოდებაა „ჩინეთის კომუნისტური პარტიის, ირანის რეჟიმისა და რუსეთის ფედერაციის გავლენის წინააღმდეგ ბრძოლა საქართველოში“. კანონპროექტის ავტორი კონგრესმენი ჯო უილსონია.

არჩევნებთან დაკავშირებით „ნაცმოძრაობაში“ მოსაზრებები გაყოფილია. ეს მოსალოდნელიც იყო, რადგან არ არსებობს საკითხი, რომელზეც შეიძლება, ეს ხალხი გაერთიანდეს, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.

„პროცესები მიდის ისე, როგორც ვამბობდით. არჩევნებთან დაკავშირებით „ნაცმოძრაობაში“ მოსაზრებები გაყოფილია. ეს მოსალოდნელიც იყო, რადგან არ არსებობს საკითხი, რომელზეც შეიძლება, ეს ხალხი გაერთიანდეს. ბევრი მიიღებს მონაწილეობას, ნაწილმა, შეიძლება, არ მიიღოს მონაწილეობა, მაგრამ ეს საერთო სურათს არ ცვლის, იქიდან გამომდინარე, რომ საზოგადოება კარგად ხედავს, სად არის სიკეთე და სად – ბოროტება; სად არის სუვერენიტეტის დაცვა და სად – მისი დაკარგვა; სად არის ოჯახური ღირებულებები და სად – ლგბტ პროპაგანდა. შესაბამისად, არჩევანი როგორც 2024-ში, ასევე 2025-ში თვითმმართველობის არჩევნების დროს გაკეთდება“, – განაცხადა გურამ მაჭარაშვილმა.

რაც შეეხება პარტიების არჩევნებში მონაწილეობას და არმონაწილეობას, მაჭარაშვილის თქმით, „აქაც ემჩნევათ, რა ჭკუის პატრონებიც არიან“.

„ერთიანი განცხადებაც კი ვერ გაუკეთებიათ. ესეც ხომ ნორმალურად უნდა გააკეთონ და თავიანთივე ამომრჩეველი არ დააბნიონ – „ნაცმოძრაობის“ რომელი ფილიალი იღებს მონაწილეობას და რომელი ფილიალი – არა“, – აღნიშნა მაჭარაშვილმა.

ამასთან, „ხალხის ძალის“ აღმასრულებელი მდივნის განცხადებით, რაც შეეხება კახა კალაძეს, ყველასთვის ცნობილია, რომ, დღეს არსებული ვითარებითაც კი, ის არის როგორც ლიდერი, მას კონკურენტი უბრალოდ არ ჰყავს.

„არა მხოლოდ იმ გაკეთებული საქმეებიდან გამომდინარე, რაც ასევე საკმარისია, რათა კენჭი იყაროს და ამ არჩევნებში გაიმარჯვოს, არამედ მისი მიდგომებიდან გამომდინარე. შესაბამისად, თვითმმართველობის არჩევნებზე შეიძლება ითქვას, რომ აქედანვე გადაწყვეტილია ეს საკითხი. უბრალოდ აქ საუბარი იქნება იმაზე, რაც „ნაცმოძრაობის“ ფილიალებმა თავადვე აღიარეს – ჩვენ არ გვინდა ამ ბრძოლაში რომ დავმარცხდეთო, „ნაცმოძრაობის“ დედა სათავო ოფისი ამბობს. მისი ფილიალები – „ლელო“ და „გახარია“ ამბობენ, კი, დავმარცხდებით, მაგრამ დაე, ბრძოლაში დავმარცხდეთო. ორივე მხარემ იცის, რომ დამარცხებული არიან. ვიღაც მიიღებს ამ დამარცხებულ ბრძოლაში მონაწილეობას, ვიღაც – არ მიიღებს“, – განაცხადა გურამ მაჭარაშვილმა.

ჩემზე რომ იყოს დამოკიდებული, ევროკავშირის ელჩს გავაძევებდი, რადგან, პირველ რიგში, პატივი უნდა სცენ ქართულ სახელმწიფოებრიობას, – ამის შესახებ დედაქალაქის მერმა, კახა კალაძემ ჟურნალისტებს განუცხადა.

როგორც კალაძემ აღნიშნა, ევროკავშირის ოფიციალური წარმომადგენელი ასრულებს დავალებას და რასაც ეუბნებიან, იმას ამბობს.

„ყველაზე დიდი უბედურება არის ის, რასაც, მაგალითად, ევროკავშირის ელჩისგან ვისმენთ, რასაც ვისმენდით არჩევნების პროცესში. არ ვიცი, როდის გააკეთა მსგავსი განცხადება და მართლა თუ გააკეთა, ქვეყნიდან გასაგდებია. ესეც, რა თქმა უნდა, იმ პოლიტიკის გაგრძელებაა, რასაც საქართველოსთან მიმართებაში ვხედავთ. პიროვნულად მე მასთან საწინააღმდეგო არაფერი მაქვს, ნორმალური ადამიანია, მაგრამ ევროკავშირის ელჩი თავის სტატუსს იყენებს და მავნებლობს. ცხადია, ის ასრულებს დავალებას – რასაც ეუბნებიან, იმას აჟღერებს“, – აღნიშნა კახა კალაძემ.

კითხვაზე, ხომ არ დადგება საქართველოდან ევროკავშირის ელჩის გაწვევის საკითხი, თბილისის მერი პასუხობს, რომ ეს მხოლოდ მისი შეხედულებაა და მსგავსი საკითხი არ განიხილება.

„ეს ჩემი დამოკიდებულება და ხედვაა კონკრეტულ საკითხთან დაკავშირებით. ჩემზე რომ იყოს დამოკიდებული, რა თქმა უნდა, გავაძევებდი, რადგან პირველ რიგში, პატივი უნდა სცენ ქართულ სახელმწიფოებრიობას. ევროკავშირის, ნებისმიერი ქვეყნის ელჩს არანაირი უფლება არ აქვს, ჩაერიოს ქვეყნის შიდაპოლიტიკურ საქმეებში, ხელი შეუწყოს საზოგადოების დაპირისპირებას, პოლარიზაციას. მე ელჩთან, როგორც ადამიანთან რაიმე საპირისპირო კი არ მაქვს? მას აქვს სტატუსი, ის არის ევროკავშირის წარმომადგენელი და ოფიციალური პირი ქვეყანაში. კეთილი უნდა ინებოს და თავი შეიკავოს მსგავსი ტიპის განცხადებებისგან, რომლებიც გაჯერებულია ტყუილით, სიცრუით, ახალისებს ექსტრემიზმს, ბოროტებას და ყველაფერ უბედურებას, რაც ქვეყანაში ხდება“, – განაცხადა კახა კალაძემ

„არჩევნებისთვის მზადება უკვე დაწყებული გვაქვს. არასდროს ვწყვეტთ კომუნიკაციას ხალხთან და ეს არის ჩვენი გუნდის ძალიან დიდი სიძლიერე“, – ამის შესახებ დედაქალაქის მერმა მედიასთან ადგილობრივი თვითმმართველობის საკითხზე კომენტირებისას ისაუბრა.

კახა კალაძის თქმით, მას არ სურს ოპოზიციაზე საუბარი, რადგან ისინი თავად ვერ გარკვეულან მიიღებენ თუ არა არჩევნებში მონაწილეობას, ან ვინ იქნება მერობის მათი კანდიდატი.

„ვფიქრობ ძალიან მნიშვნელოვანია ადგილობრივი თვითმმართველობის არჩევნები, რადგან საქმე ეხება კონკრეტულ უბნებში, რაიონებში საყოფაცხოვრებო პირობების გაუმჯობესებას. ბოლო წლებში ბევრი კარგი პროექტი განხორციელდა, როგორც დედაქალაქში, ასევე რეგიონებში, სოფლებში, ქალაქებში. ცხადია, არსებობს გამოწვევები. მე თბილისზე ძალიან ბევრი შემიძლია ვისაუბრო, რადგან ყველა პრობლემა ვიცით, რაც უნდა მოგვარდეს და რა უნდა გაკეთდეს. გვაქვს საკმაოდ ამბიციური გეგმები. ოპოზიციაზე არ მინდა ვისაუბრო. ეს არ არის ჩემი საქმე. თავად ვერ გარკვეულან ერთმანეთში. არსებითი მნიშვნელობა არ აქვს, ვინ, როგორი ფორმით წარდგება არჩევნებში. მთავარი არის ის, რომ ჩვენ არჩევნებისთვის მზადება უკვე დაწყებული გვაქვს. არასდროს ვწყვეტთ კომუნიკაციას ხალხთან და ეს არის ჩვენი გუნდის ძალიან დიდი სიძლიერე. ერთადერთი პარტია, ვისაც რეალურად გააჩნია კონკრეტული ხედვა, თუ რა უნდა გაკეთდეს თუნდაც დედაქალაქში და როგორ ვუპასუხოთ გამოწვევებს, ეს არის „ქართული ოცნება-დემოკრატიული საქართველო“, – აღნიშნა დედაქალაქის მერმა.

რაც შეეხება ჟურნალისტის კითხვას, იქნება თუ არა კახა კალაძე თბილისის მერობის კანდიდატი, მისი თქმით: „თქვენ ძალიან ნერვიულობთ ჩემს კანდიდატურაზე. გაგიხარდებათ, როგორც მოქალაქეს, მე რომ ვიყო თბილისის მერი? დაელოდეთ და თავის დროზე ყველაფერი ცხადი გახდება“.

მისივე თქმით, „ქართული ოცნება“ აგვისტოში მაჟორიტარობის კანდიდატებს წარადგენს და მათ შორის ახალი სახეებიც იქნებიან.

„აგვისტოში უკვე წარვადგენთ მაჟორიტარობის კანდიდატებს და დეტალურ ინფორმაციას მივაწვდით საზოგადოებას. გვეყოლება ახალი სახეებიც. მნიშვნელოვანია ხალხში გასვლა, პირდაპირი კომუნიკაცია. ვინც დიდი ხანია საკრებულოშია და ჩვენს გუნდს წარმოადგენს, მათ მოსახლეობასთან კონტაქტი არასდროს გაუწყვეტიათ. ახალი სახეებიც პირველივე დღიდან ჩაერთვებიან ამ პროცესში“, – განაცხადა კახა კალაძემ.