ბრიუსელის ჩარევა ქვეყნის შიდა საქმეებში მიუღებელია და თან ეს ჩარევა იმის გამო ხდება, რომ საქართველოს მთავრობა მშვიდობის მომხრეა – ჩვენ საქართველოს მთავრობას სრულ მხარდაჭერას ვუცხადებთ, ბრიუსელის პოლიტიკის მიუხედავად, – ამის შესახებ უნგრეთის საგარეო საქმეთა და ვაჭრობის მინისტრმა, პიტერ სიიარტომ საქართველოს საგარეო საქმეთა მინისტრთან, მაკა ბოჭორიშვილთან გამართულ ერთობლივ ბრიფინგზე განაცხადა.

როგორც პიტერ სიიარტომ აღნიშნა, საქართველო „საუკეთესო მაგალითს აჩვენებს იმისა, თუ როგორ შეიძლება საერთაშორისო, ლიბერალური, გლობალური დიქტატურა მთავრობაზე წნეხის განხორციელებას ცდილობდეს“.

„საქართველო საუკეთესო მაგალითს აჩვენებს იმისა, თუ როგორ შეიძლება საერთაშორისო, ლიბერალური, გლობალური დიქტატურა მთავრობაზე წნეხის განხორციელებას ცდილობდეს, რადგან ქვეყანაში პატრიოტული გრძნობები გააჩნია. ის ეროვნული ინტერესებისთვის გრძნობს წნეხს. ასევე, პოლიტიკური სტრატეგია არსებობს იმისთვის, რომ კონსერვატიული და ქრისტიანული იდეები განხორციელდეს ქვეყანაში. მნიშვნელოვანი იყო, რომ საქართველოდან ჩემი კოლეგა მომეწვია. ეს არის საუკეთესო მაგალითი იმისთვის, თუ რამდენად სკანდალურია ორმაგი სტანდარტი მსოფლიოში, რომელიც შემდეგ ფაქტს ეფუძნება – თუ ლიბერალური პარტიები იმარჯვებენ ქვეყანაში, ეს ბრიუსელისთვის იდეალურია, თუ ეროვნული მთავრობა იმარჯვებს, ეს ბრიუსელის მოსაზრებით, კრიზისია. ეს აღმაშფოთებელი მიდგომა საერთაშორისო პოლიტიკაში დონალდ ტრამპმა შეაჩერა, რომელმაც ძალიან მყისიერად და მკაფიოდ განაცხადა, რომ გლობალური დიქტატურა და ლიბერალური ძალები უკვე წარსულს ჩაბარდა, იდეოლოგია შეიცვალა და ჩვენ ყველაფერს გავაკეთებთ იმისთვის, რომ ამ პოლიტიკას მხარდაჭერა აღმოვუჩინოთ.

ამიტომ, მივესალმებით იმ ფაქტს, რომ ამერიკის საერთაშორისო განვითარების სააგენტოს წყაროები და დაფინანსება შეწყვეტილია. ეს ფინანსური ნაკადი სხვა ქვეყნების შიდა პოლიტიკას აღარ არევს და აღარ მოხდება სუვერენიტეტის ხელყოფა. ამავდროულად, მოვუწოდებთ, რომ გამოიძიონ, ვინ იყვნენ ის პოლიტიკოსები, ჟურნალისტები და ორგანიზაციები, რომლებიც იყვნენ იმის უკან, რითაც უცხოური ფინანსური წყაროების გამოყენებით უცხოური ძალების განხორციელება ხდებოდა ქვეყნებში.

ამ სულისკვეთებით მინდა ვთქვა, რომ ძალიან ბევრი ადამიანი გამოთქვამს უკმაყოფილებას ამ დაფინანსების შეწყვეტის გამო. მაგრამ მთავარი ისაა, რომ ჩვენ, უნგრელები, ვეწინააღმდეგებით ბრიუსელის პოლიტიკას. ეს დაფინანსება და შიდა ცხოვრებაში ჩარევა სუვერენიტეტის ხელყოფა და უცხოური ინტერესების განხორციელებაა სხვა ქვეყნებში. ეს მიღებულია.

უნდა ითქვას, რომ საქართველოში ბრიუსელის ჩარევა ქვეყნის შიდა საქმეებში მიუღებელია და თან ეს ჩარევა იმის გამო ხდება, რომ საქართველოს მთავრობა მშვიდობის მომხრეა. მას ჩვენი ძალიან სერიოზული მხარდაჭერა გააჩნია. ჩვენ საქართველოს მთავრობას სრულ მხარდაჭერას ვუცხადებთ ბრიუსელის პოლიტიკის მიუხედავად.

უვიზო მიმოსვლის შეწყვეტა დიპლომატებისთვის მიუღებელია. ჩვენ ვეტო დავადეთ ამ მოსაზრებას და ასეც ვაპირებთ მომავალში. ამას გავაგრძელებთ მომავალში. საქართველოს ჩვენი მხარდაჭერა ყოველთვის ექნება. მივესალმებით, რომ საქართველომ საკუთარი ინტერესების მიხედვით უნდა იმოქმედოს.

არის 50 ადამიანი, რომელიც საქართველოში მუშაობს და უნგრეთში შესაბამის სწავლებას მიიღებენ. ჩვენი ასი მილიონი დოლარის ოდენობის ვაჭრობა განვახორციელეთ საქართველოსთან. ეს 20%-ით გაიზრდება წელს. ივნისში მთავრობათა შორისი კიდევ ერთი სამიტი ჩატარდება ბუდაპეშტში და თბილისში. ჩვენი ერთობლივი ეკონომიკური კომისიის სხდომაც ჩაინიშნება. ძალიან დიდი მადლობა მინდა მინისტრს გადავუხადო, რადგან თქვენ ინარჩუნებთ ამ სტრატეგიას სირთულეების მიუხედავად“,- განაცხადა სიიატრომ, რომლის თარგმანსაც ტელეკომპანია „რუსთავი 2“ ავრცელებს.

ჩვენ გვაქვს თქვენი მხარდაჭერის იმედი ევროსტრუქტურებში, იმისთვის, რომ მნიშვნელოვანი პროექტები განხორციელდეს ევროპის უსაფრთხოებისთვის, – ამის შესახებ საქართველოს საგარეო საქმეთა მინისტრმა, მაკა ბოჭორიშვილმა უნგრეთში, უნგრელ კოლეგასთან ერთად გამართულ ბრიფინგზე აღნიშნა.

მან კოლეგას მხარდაჭერისთვის მადლობა გადაუხადა.

„ჩემთვის დიდი პატივია აქ ყოფნა. დიდი მადლობა მხარდაჭერისთვის, საქართველოს მიმართ თქვენი პოზიციის გამო. ჩვენ ძალიან ვაფასებთ თქვენს მხარდაჭერას ევროკავშირის ფარგლებშიც და, რა თქმა უნდა, ორმხრივი ურთიერთობების ფარგლებში. წელს ინტენსიური ურთიერთობები გვაქვს, მომავალი კიდევ უფრო უკეთესია. მალე გვექნება ეკონომიკური საბჭოს სხდომა და ეს ძალიან მნიშვნელოვანია იმისთვის, რომ გავაძლიეროთ ჩვენს ქვეყნებს შორის ეკონომიკური კავშირები და ახალი შესაძლებლობები გამოვავლინოთ. მაჩვენებლები კარგია, მაგრამ მათი გაუმჯობესებაც შეიძლება. ამ მიმართულებით ვიმუშავებთ და დარწმუნებული ვარ, მომდევნო წლებში, უკეთესი შედეგები გვექნება, ეკონომიკური თანამშრომლობის გაუმჯობესების კუთხით. მოუთმენლად ველით ჩვენს შემდგომ მთავრობათაშორის შეხვედრას ბუდაპეშტში. ეს არის შესანიშნავი შესაძლებლობა იმაზე სასაუბროდ თუ რა შეიძლება გაკეთდეს სხვადასხვა მიმართულებით თანამშრომლობის კონტექსტში. ეს არის მკაფიო მაგალითი იმის, თუ როგორ უნდა თანამშრომლობდნენ ქვეყნები ერთმანეთთან და როგორ უნდა მუშაობდნენ ერთად იმისთვის, რომ გაძლიერდეს თანამშრომლობა.

საქართველოსთვის ძალიან მნიშვნელოვანია ითამაშოს საკუთარი როლი შუა დერეფანში. ჩვენ დიდ ყურადღებას ვაქცევთ ამ პროექტს. აქ, უნგრეთში უნდა ვახსენო ჩვენი კარგი თანამშრომლობა როცა საუბარია დაკავშირებადობაზე, თანამშრომლობაზე საქართველოს უნგრეთს, რუმინეთსა და აზერბაიჯანს შორის. ეს ძალიან მნიშვნელოვანია და ამ მიმართულებით მუშაობა გაგრძელდება.

ჩვენ გვაქვს თქვენი მხარდაჭერის იმედი ევროსტრუქტურებში, იმისთვის, რომ მნიშვნელოვანი პროექტები განხორციელდეს ევროპის უსაფრთხოებისთვის.

მშვიდობა ძალიან მნიშვნელოვანია. საქართველო კვლავ დგას რუსეთის მხრიდან ოკუპაციის პრობლემის წინაშე. ეს გარკვეულ საფრთხეებს ქმნის. ჩვენ მშვიდობიანი მოგვარების საკითხებზე ვმუშაობთ. რაც შეეხება ევროპაში ინტეგრაციას, თქვენ თქვით, რომ მთავარი სტრატეგიული პრიორიტეტი ეს გახლავთ. აქ მადლობა მინდა გადაგიხადოთ მხარდაჭერისთვის, რომელსაც უზრუნველყოფთ ექსპერტული დახმარების კუთხით. ეს ძალიან ქმედითი დახმარებაა“, – განაცხადა მაკა ბოჭორიშვილმა.

აღნიშნული განცხადების თარგმანს „რუსთავი 2“ ავრცელებს.

ყველას კარგად გვახსოვს, ღამის საათებში, როგორ ხდებოდა დაკავებები, შემდეგ ციხეებში ნოტარიუსების შეყვანა, ბიზნესების გადაფორმება და მაშინ ხაზარაძე-ჯაფარიძე პოლიტიკაში არ ყოფილან, მაგრამ მათ თავიანთი როლი ჰქონდათ სააკაშვილის ხელისუფლების პირობებში. ამიტომ, ყველა კითხვას უნდა გაეცეს შესაბამისი პასუხი,- ასე აფასებს თბილისის მერი კახა კალაძე საგამოძიებო კომისიის მიერ მამუკა ხაზარაძისა და და ბადრი ჯაფარიძის დაბარებას.

კალაძის თქმით, ყველას კარგად ახსოვს, რა ხდებოდა ბიზნესის მიმართ „ნაციონალური მოძრაობის“ ხელისუფლებაში ყოფნის დროს.

„ჩვენ საარჩევნო კამპანიის დროს საზოგადოებას ვუთხარით, რომ აუცილებლად მოხდებოდა მთელი რიგი საქმეების გადახედვა და იმ პოლიტიკური პარტიების აკრძალვა, რომელსაც ღალატი აქვს ჩადენილი ქვეყნის წინაშე. ვიცით, თუ რა ხდებოდა, თუნდაც 2008 წლის ომი რომ ავიღოთ. ამიტომ ძალიან ბევრი კითხვა არსებობს, რომელსაც პასუხები სჭირდება.

რაც შეეხება ბიზნესის მიმართ დამოკიდებულებას, ყველას კარგად გვახსოვს, თუ რა ხდებოდა, ღამის საათებში, როგორ ხდებოდა დაკავებები, შემდეგ ციხეებში ნოტარიუსების შეყვანა, ბიზნესების გადაფორმება და მაშინ ხაზარაძე-ჯაფარიძეს რაც შეეხება, ისინი პოლიტიკაში არ ყოფილან, პოლიტიკურ პარტიებს არ წარმოადგენდნენ, მაგრამ მათ თავიანთი როლი ჰქონდათ სააკაშვილის ხელისუფლების პირობებში. ამიტომ, ყველა კითხვას უნდა გაეცეს შესაბამისი პასუხი, რომ საზოგადოებას ყველაფერზე სრულყოფილი ინფორმაცია ჰქონდეს“, – განაცხადა კახა კალაძემ.

ცნობისთვის, „ნაციონალური მოძრაობის“ ხელისუფლების საქმიანობის შემსწავლელმა პარლამენტის დროებითმა საგამოძიებო კომისიამ „ძლიერი საქართველოს“ ლიდერები – მამუკა ხაზარაძე და ბადრი ჯაფარიძე დაიბარა.

კომისიის სხდომა 25 მარტს გაიმართება, რომლის დღის წესრიგით გათვალისწინებულია ბიზნესზე ზეწოლის ერთ-ერთი საქმის – შპს “მაგნატის“ საქმის განხილვა.

25 მარტის სხდომაზე მოწვეულნი არიან შპს „მაგნატის“ მესაკუთრე ჯემალ ლეონიძე, მისი ადვოკატი როინ მიგრიაული და ასევე, ბადრი ჯაფარიძე და მამუკა ხაზარაძე.

ბიზნესმენი ჯემალ ლეონიძე ავტოგასამართი სადგურების ქსელის, “მაგნატის“ მესაკუთრე იყო. მედიაში გავრცელებული ინფორმაციით, “ნაციონალური მოძრაობის“ ხელისუფლების დროს, ბიზნესმენს ქონება ჩამოართვეს და დააპატიმრეს.ლეონიძე ციხიდან პოლიტპატიმრის სტატუსით გამოვიდა და წართმეული ქონების დაბრუნებას ითხოვდა. ლეონიძე წინა ხელისუფლების მაღალჩინოსნებთან ერთად, ქონების წართმევაში მამუკა ხაზარაძეს ადანაშაულებდა.

თბილისის მერის განცხადებით, მიიღებენ თუ არა ოპოზიციური პარტიები თვითმმართველობის არჩევნებში მონაწილეობას, ამას არსებითი მნიშვნელობა არ აქვს.

როგორც კახა კალაძემ ჟურნალისტებს შესაბამისი კითხვის პასუხად განუცხადა, ბოლო წლების განმავლობაში თბილისი ვითარდება და ამ პროცესს ვერავინ შეაჩერებს.

„არსებითი მნიშვნელობა არ აქვს, ოპოზიცია მიიღებს თუ არა მონაწილეობას. მათ ძალიან კარგად ესმით და იციან, რომ აუცილებლად დამარცხდებიან, განწირულები არიან მარცხისთვის. რა გადაწყვეტილებაც უნდათ, ის მიიღონ – გინდ ჩაერთონ არჩევნებში, გინდ – არა. რა თქმა უნდა, ჩვენი ქვეყნის მოსახლეობის უმრავლესობა გააკეთებს შესაბამის არჩევანს – მხარს დაუჭერს ქვეყნის განვითარებას, ქალაქების კეთილდღეობას, მხარს დაუჭერს იმას, რომ გამოწვევებს და პრობლემებს, რაც გვაქვს დღეს რაიონებში, ქალაქებში, სოფლებში, გაეცეს ღირსეული პასუხი. თქვენც ხედავთ, ბოლო წლების განმავლობაში როგორ ვითარდება თუნდაც დედაქალაქი, რამდენი კარგი პროექტი ხორციელდება და ამას, რა თქმა უნდა, ვერც ერთი რადიკალი ვერ შეაჩერებს“, – განაცხადა კახა კალაძემ.

ადგილობრივი თვითმმართველობის არჩევნებში ოპოზიციის მონაწილეობა-არმონაწილეობას არჩევნების ლეგიტიმაციაზე არანაირი გავლენა არ ექნება, – ამის შესახებ პარლამენტის თავმჯდომარე შალვა პაპუაშვილმა განაცხადა.

მისივე თქმით, ოპოზიციამ იცის, რომ „კიდევ ერთხელ დამარცხდებიან, ქართველი ხალხი არანაირ მანდატს არ მისცემს და მათ სავალალო მდგომარეობას კიდევ ერთი მარცხი დაადასტურებს“.

„უმჯობესი იქნება, თუ ექსტრემისტული პარტიები თვითმმართველობის არჩევნებში მონაწილეობას არ მიიღებენ და ამით საბოლოოდ საქართველოში პოლიტიკური ლანდშაფტის გადატვირთვა მოხდება. ამიტომ, მათაც და მათ უცხოელ მფარველებსაც მოვუწოდებ, არჩევნებში მონაწილეობა არ მიიღონ. ერთ-ერთი რადიკალი პოლიტიკოსი, ყოფილი პრეზიდენტი სალომე ზურაბიშვილი ბალტიის ქვეყნებში იქნება და იმედია, იქიდანაც მისი მფარველები მოუწოდებენ, რომ არჩევნებში მონაწილეობა არ მიიღონ, რადგან საქართველოში ექსტრემიზმი საბოლოოდ უნდა დამარცხდეს და უცხო ქვეყნების ინტერესების გამტარებელი პარტიები დასრულდნენ“,- განაცხადა შალვა პაპუაშვილმა.

სალომე ზურაბიშვილი საკუთარი ქვეყნის მოქალაქეებს რომ ამ ტერმინოლოგიით მიმართავს, ესეც აჩვენებს, რომ მან მისთვის მშობლიური ენა არ იცის და არ იცის, სად რა ტერმინი და სიტყვა გამოიყენოს, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

პაპუაშვილმა კომენტარი გააკეთა სალომე ზურაბიშვილის ფეისბუქსტატუსზე, სადაც ზურაბიშვილი აღნიშნავს: „როგორც ჯერაც ლეგიტიმური პრეზიდენტი, მინდა პრეზიდენტის როლში ბოდიში მოვუხადო ჩვენ მეზობელ ხალხს ზოგ ჩვენ უჯიშო მოქალაქეების უმსგავსო საქციელისთვის“.

„ვფიქრობ, ეს კიდევ ერთხელ აჩვენებს, რომ, უბრალოდ, ქართული ენა არ არის მისთვის მშობლიური ენა. ეს, ზოგადად, ახასიათებთ ხოლმე ადამიანებს, რომლებიც უცხო ენაზე საუბრობენ, იმ ენაში დამკვიდრებული ტერმინების სიმძაფრეში ვერ ერკვევიან ხოლმე. საკუთარი ქვეყნის მოქალაქეებს რომ ამ ტერმინოლოგიით მიმართავს, ესეც აჩვენებს, რომ ქართული ენა მისთვის მშობლიური ენა არ იცის და არ იცის, სად რა ტერმინი და სიტყვა გამოიყენოს. სხვა მხრივ, ქართველი ხალხის მიმართ როგორია მისი დამოკიდებულება, ეს არაერთხელ ვნახეთ სხვადასხვა მომენტში და ესეც ამის დასტურია“, – განაცხადა შალვა პაპუაშვილმა.

რას ფიქრობთ, რომ ესტონეთში რეგისტრირებული ქალბატონი ეკა გიგაურის ორგანიზაცია ქართული არასამთავრობო ორგანიზაციაა?! – განაცხადა საქართველოს პარლამენტის თავმჯდომარემ შალვა პაპუაშვილმა.

„საერთაშორისო გამჭვირვალობა“ რეგისტრირებულია ესტონეთში. თქვენი აზრით, ვისი ინტერესების გამტარებელია?! რას ფიქრობთ, რომ ესტონეთში რეგისტრირებული ქალბატონი ეკა გიგაურის ორგანიზაცია ქართული არასამთავრობო ორგანიზაციაა?! საკითხი არის მარტივად – ჩვენს მოქმედ „გამჭვირვალობის შესახებ კანონს“ ჰქონდა შემდეგი კრიტერიუმი – 20%-ზე მეტ დაფინანსებას იღებ უცხოეთიდან, დარეგისტრირდი და გახადე საჯარო შენი ფინანსები. ეს იყო მარტივი კრიტერიუმი. თქვეს, რომ ეს მიუღებელი იყო. მეორე იყო ამერიკული მიდგომა – გაქვს უცხოური დაფინანსება ერთი ცენტი მაინც? ჩვენ შევისწავლით ატარებ თუ არა უცხოელი დამკვეთის ინტერესებს და თუ ატარებ, გექნება ვალდებულება, რომ დარეგისტრირდე.

უცხოეთიდან დაფინანსებულ „ენჯეოებს“ თუ რაიმე პრობლემა აქვთ, იციან სად მდებარეობს აშშ-ის საელჩო და მიმართონ, თუ რაიმე არ მოსწონთ კანონში. დღეის მონაცემებით, 400-მდე ორგანიზაციაა რეგისტრირებული რეესტრში და პატიოსნად გაასაჯაროვეს დაფინანსებები. რამე პრობლემა შეექმნა ამ ოთხასიდან რომელიმეს?! არ შეექმნა. რაც მოხდა ერთადერთი, საქართველოს მოქალაქეებმა იციან, ვინ აფინანსებს ამა, თუ იმ ორგანიზაციას, რაში იხარჯება ეს ფული. ამის მიღმა, აღმოჩნდა, რომ არსებობს ასი ორგანიზაცია, რომელიც მალავს თავის ფინანსებს. საბოლოო ჯამში, შეგვიძლია ვთქვათ, რომ 500 ორგანიზაციაა საქართველოში, რომელიც უცხოეთიდან მნიშვნელოვნად ფინანსდება, აქედან 80% კეთილსინდისიერად მოქმედია და გვყავს 100 ორგანიზაცია, რომელიც მალავს ფინანსებს“, – აღნიშნა პაპუაშვილმა.

როგორც ჯერაც ლეგიტიმურმა პრეზიდენტმა, მინდა, პრეზიდენტის როლში ბოდიში მოვუხადო ჩვენს მეზობელ ხალხს ჩვენი ზოგიერთი უჯიშო მოქალაქის უმსგავსო საქციელისთვის, – ამის შესახებ საქართველოს ყოფილი პრეზიდენტი სალომე ზურაბიშვილი წერს.

ზურაბიშვილმა აღნიშნული სოციალურ ქსელ „ფეისბუქზე“ დაწერა.

„ბოდიშის მოხდა, ზოგს არა საჭირო ადგილას და არა სწორ მიმართულებით რომ უყვართ, იმათ გასაგონად. როგორც ჯერაც ლეგიტიმური პრეზიდენტი, მინდა პრეზიდენტის როლში ბოდიში მოვუხადო ჩვენ მეზობელ ხალხს ზოგ ჩვენ უჯიშო მოქალაქეების უმსგავსო საქციელისთვის. ჩვენ ვართ და ვიქნებით კეთილმეზობლურად განწყობილი სახელმწიფოები, უძველესი ქრისტიანული სარწმუნოების მატარებელი ერები, და ვიცხოვრებთ მშვიდობიან ევროპულ კავკასიაში“, – წერს სალომე ზურაბიშვილი.