ევროკომისია, მსოფლიო მართლმსაჯულების პროექტის კანონის უზენაესობის გამოკვლევის ფარგლებში, დანაშაულის კონტროლის ინდექსს აქვეყნებს. საქართველომ შეფასების 100 პროცენტიანი სისტემით 92% მიიღო და მსოფლიოში 17-ე ადგილზე გავიდა, – ამის შესახებ ინფორმაციას „ქართული ოცნება“ ავრცელებს.

მმართველი პარტიის ცნობით, დანაშაულის კონტროლის ეფექტურობით საქართველო უსწრებს დიდი შვიდეულის 6 ქვეყანას (იაპონიის გარდა), ევროკავშირის და ნატოს წევრ 24 სახელმწიფოს. ეს ქვეყნებია: ამერიკის შეერთებული შტატები, კანადა, დიდი ბრიტანეთი, გერმანია, საფრანგეთი, იტალია, ესპანეთი, ირლანდია, ნიდერლანდები, ჩეხეთი, ლატვია, ლიერტუვა, უნგრეთი, რუმინეთი, ალბანეთი, სლოვაკეთი, ბულგარეთი, მალტა, ბელგია, კვიპროსი, თურქეთი, საბერძნეთი, ჩრდილოეთ მაკედონია.

„დანაშაულის კონტროლის ეფექტურობით მსოფლიოში სინგაპური, ევროპაში კი ნორვეგია ლიდერობს.

დანაშაულის უკონტროლობით ყველა მძიმე ვითარება მექსიკასა და ვენესუელაში ფიქსირდება.

ევროკომისიის მიერ გამოქვეყნებული ინდიკატორი, განმარტების მიხედვით, ზომავს კრიმინალური დანაშაულის გავრცელებას ქვეყნებში და და ასევე ადამინების ზოგად აღქმას უსაფრთხოების და დაცულობის შესახებ.

ევროკომისიის მიერ გამოქვეყნებულ კვლევას მსოფლიო მართლმსაჯულების პროექტი აწარმოებს, რომლის სათაო ოფისი ამერიკის შეერთებულ შტატებში მდებარეობს“, – ნათქვამია ინფორმაციაში.

Prime Time-ის ინფორმაციით, გამთენიისას ხაზარაძე, კუპრაძე და დათუნაშვილი ბრიუსელში, ახალი დავალებების მისაღებად გაემგზავრნენ.

როგორც გამოცემას „ლელოდან” წყარომ განუცხადა, ამჟამად პარტიაში მძიმე მდგომარეობაა. ერთი მხრივ პარტიამ გახარიასთან ერთად შეასრულა ბრიუსელიდან კონკრეტული ადამიანების მოთხოვნა და ჩაერთო საარჩევნო პროცესში, თუმცა ოპოზიციაში არსებული ზოგადი მძიმე ფონის გამო – „ლელომ” სრულყოფილად ვერ შეძლო საარჩევნო გარემოსთან ადაპტაცია და ოლქების დიდ ნაწილში ვერც მერობის კანდიდატები დაასახელა და ვერც მაჟორიტარები.

წყარო „ლელოდან” იმასაც ადადასტურებს, რომ ხაზარაძეს პრობლემები აქვს უშუალოდ პარტიის ლიდერშიპში, რაც ნაწილობრივ საჯაროდაც დადასტურდა, როდესაც მერობის კანდიდატად არდასახელების გამო საბა ბუაძემ პარტია დატოვა. ბუაძის გარდა ხაზარაძის გარემოცვიდან კუპრაძე/ელისაშვილის დაწინაურებას პარტიის სხვა ლიდერებიც ეწინააღმდეგებიან.

რაც შეეხება ბრიუსელში ვიზიტს, გამოცემისთვის ცნობილი გახდა, რომ ხაზარაძე ევროპის პოლიტიკურ დედაქალაქში ახალი ინსტრუქციების მისაღებად გაემგზავრა, თუმცა უცნობია, რა დავალებებით დაბრუნდება უკან ყოფილი ბანკირი.

ირაკლი კობახიძე – ყველა მიმართულებით გვაქვს კონკრეტული პრიორიტეტები და მთავრობა აქტიურად იმუშავებს იმისათვის, რომ ეკონომიკა, სპორტი წავახალისოთ, განათლების სისტემა კიდევ უფრო მეტად დავხვეწოთ, ყველა ეს პრიორიტეტი იქნება სათანადო ყურადღების ქვეშ მომავალშიც

ყველა მიმართულებით გვაქვს კონკრეტული პრიორიტეტები და მთავრობა აქტიურად იმუშავებს იმისათვის, რომ ეკონომიკა წავახალისოთ, სპორტი წავახალისოთ, განათლების სისტემა კიდევ უფრო მეტად დავხვეწოთ, ყველა ეს პრიორიტეტი იქნება სათანადო ყურადღების ქვეშ მომავალშიც, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. 

მთავრობის მეთაური დღეს აჭარაში იმყოფებოდა, სადაც რამდენიმე ინფრასტრუქტურული პროექტი დაათვალიერა და სტარტაპების დაჯილდოების ცერემონიალს დაესწრო. 

„დავესწარით სტარტაპების დაჯილდოების ცერემონიალს, ძალიან მნიშვნელოვანია ეს მიმართულება ჩვენი ეკონომიკის განვითარებისთვის და შესაბამისად, ჩვენ საგანგებო ყურადღებას ვუთმობთ სტარტაპებს, ინოვაციებს, ტენოლოგიებს. ჩვენ საგანგებოდ შემოვიღეთ შეღავათიანი დაბეგვრის რეჟიმი სტარტაპებისთვის, კერძოდ, სამი წლის განმავლობაში ნულოვანი საშემოსავლო გადასახადით იბეგრებიან სტარტაპები ჩვენი გადაწყვეტილებით. ეს ყველაფერიც ხელს შეუწყობს სტარტაპების განვითარებას. დღეს იყო მნიშვნელოვანი დღე, როდესაც გამოირჩა 20 ყველაზე წარმატებული სტარტაპი, რომელიც სახელმწიფოსგან მიიღებს დაფინანსებას და თითოეულ სტარტაპერს მინდა, ვუსურვო წარმატებები”, – განაცხადა ირაკლი კობახიძემ. 

პრემიერ-მინისტრმა დღეს აჭარაში ახლად გარემონტებული სკოლაც დაათალიერა. 

„ჩვენ აჭარაში რამდენიმე ობიექტს ვესტუმრეთ, მათ შორის ახლად გარემონტებულ სკოლას. მინდა, ყველას მივულოცო სასწავლო წლის დაწყება ახალ გარემოში, რაც ძალიან გვახარებს. ასევე დღეს დავათვალიერეთ ბათუმის აეროპორტი, სადაც ხორციელდება მნიშვნელოვანი ინფრასტრუქტურული სამუშაოები. ასევე ქობულეთში ვნახეთ სპორტული ინფრასტრუქტურა. „ჩელე არენა”, სადაც 300 ბავშვი დადის ფეხბურთზე და ესეც ძალიან მნიშვნლეოვანია. მნიშვნლეოვანია ამ მიმართულებითაც, რომ დამატებით გვაქვს დაგეგმილი ინფრასტრუქტურის კიდევ უფრონ მეტად გაუმჯობესება. ყველა მიმართულებით გვაქვს კონკრეტული პრიორიტეტები და მთავრობა აქტიურად იმუშავებს იმისათვის, რომ ეკონომიკა წავახალისოთ, სპორტი წავახალისოთ, განათლების სისტემა კიდევ უფრო მეტად დავხვეწოთ, ყველა ეს პრიორიტეტი იქნება სათანადო ყურადღების ქვეშ მომავალშიც”, – განაცხადა ირაკლი კობახიძემ.

რაც ვიცით დადასტურებულად, მე მგონი ავლაბარში რუსეთი არ არის და ავლაბარში კონკრეტულ მისამართზე მიდიოდა ეს ასაფეთქებელი ნივთიერება. ეს არის უკრაინის ხელისუფლების გაგება ძმობის და მეგობრობის, რომ თბილისში შემოიტანო 2,5 კგ ასაფეთქებელი ნივთიერება, რომელმაც შეიძლება მთელი უბანი ჰაერში აწიოს? – განაცხადა შალვა პაპუაშვილმა „ჰექსოგენის“ საქმეზე საუბრისას. ის ეჭვის ქვეშ აყენებს დაკავებულის მიერ გაჟღერებულ ვერსიას იმის შესახებ, რომ ასაფეთქებელი ნივთიერება საბოლოოდ რუსეთში უნდა გადაეტანა და ამბობს, რომ ამ ფაქტის დადასტურების შემთხვევაში უკრაინული სპეცსამსახურები საკუთარი სამხედრო მიზნის მისაღწევად ქართველ ხალხს სწირავდნენ.

„2,4 კილოგრამი ჰექსოგენი რას ნიშნავს, დაგუგლეთ და გაიგებთ. ეს არის ასაფეთქებელი ნივთიერება. თვითმფრინავში არ აგატანინებენ „დეზადორს“ ან სანთებელას, იმიტომ რომ საშიშია, შეიძლება მთელი თვითმფრინავი ააფეთქო. აი 2,5 კილო ჰექსოგენი ავლაბრის კონკრეტულ მისამართზე რომ იქნებოდა, იქ შემთხვევით ხო შეიძლება რაღაც მომხდარიყო? ხომ შეიძლება, რომ შემთხვევით, ზემოქმედების შედეგად აფეთქდეს, ან ტრაილერი გადაბრუნებულიყო და აფეთქებულიყო, ან იმ სახლში აფეთქებულიყო – მთელ ავლაბარს ხომ აიტანდა ცაში? აი ამას გვიკეთებდნენ უკრაინის სპეცსამსახურები. უკრაინის სპეცსამსახური, სადაც ქართველი გია ლორთქიფანიძე მუშაობს, ამას გეგმავდა და ეგუებოდა იმ აზრს, რომ შეიძლება აფეთქდეს, მაგრამ ჯანდაბას, აიწიოს ავლაბარი და თბილისი ჰაერში, ოღონდ თავიანთ მიზნებს მიაღწიონ რუსეთში. აი რომ დავიჯეროთ ის ვერსია, ოღონდ რუსეთს ზიანი მიაყენონ და ჯანდაბამდე გზა ჰქონიათ ქართველ ქალებს და ბავშვებს, აქ რომ აფეთქებულიყო?

ჩვენ რას გადაგვეკიდნენ? ომი აქვთ – იომონ. შეეშვან საქართველოს ჩათრევას თავის ომში. ეს არ არის საქართველოს ომი. როდესაც ჩვენ, მათ შორის რუსეთთან ომი გვქონია, არავინ ჩაგვითრევია ჩვენს ომში და არავის ქვეყანა არ დაგვიყენებია რისკის ქვეშ და აქ რომ არის ხალხი, რომელიც დღეს საღამოთაც გამოვა რუსთაველის გამზირზე და პარლამენტთან დადგებიან და უკრაინის ხელისუფლების განდიდებით იქნება დაკავებული“, – განაცხადა პაპუაშვილმა.

მისივე თქმით, საქართველოს მთავრობა არაფერს ამბობს, რადგან უკრაინა ომშია, მაგრამ მოვა დრო, ომი დასრულდება და საქართველო პასუხს მოითხოვს უკრაინის ხელისუფლებისგან. მან ასევე აღნიშნა, რომ ამ ტვირთმა ლამის ნახევარი ევროკავშირი გამოიარა ისე, რომ არავის გაუჩერებია.

ცენტრალური საარჩევნო კომისიის (ცესკო) თავმჯდომარე საერთაშორისო ორგანიზაციებისა და საქართველოში აკრედიტებული დიპლომატიური მისიების წარმომადგენლებს შეხვდა. შეხვედრა გიორგი კალანდარიშვილმა გახსნა და დეტალურად ისაუბრა მიმდინარე საარჩევნო საკითხებისა და 4 ოქტომბრის არჩევნებისთვის მზადების პროცესზე. როგორც მან აღნიშნა, საარჩევნო ადმინისტრაცია აქტიურად ემზადება 2025 წლის 4 ოქტომბრის არჩევნების საერთაშორისო სტანდარტების შესაბამისად ჩასატარებლად, რომლის ფარგლებშიც არაერთ მნიშვნელოვან და მასშტაბურ სამუშაოებს ატარებს. მისი თქმით, საარჩევნო პროცესების გამჭვირვალობა და ანგარიშვალდებულება ცესკოს საქმიანობის პრინციპულ საფუძველს წარმოადგენს.

„მორიგი სამუშაო შეხვედრა გაიმართა დიპლომატიური მისიებისა და საერთაშორისო ორგანიზაციების წარმომადგენლებთან, რომლის ფარგლებშიც მათ მივაწოდეთ დეტალური და ამომწურავი ინფორმაცია 4 ოქტომბრის არჩევნების სამზადისზე, ასევე განხორციელებული და მიმდინარე მასშტაბური სამუშაოების შესახებ, რომელიც მიზნად ისახავს აღნიშნული არჩევნების მაღალპროფესიულ დონეზე ადმინისტრირებას. ჩვენ გვქონდა ინფორმაციის მიმოცვლის საშუალება დიალოგისა და კითხვა-პასუხის რეჟიმში, რომლის ფარგლებშიც მათ ამომწურავი და სრულყოფილი ინფორმაცია მივაწოდეთ მიმდინარე სარჩევნო საკითხებთან დაკავშირებით. ჩვენი მაღალი ანგარიშვალდებულებიდან, გამჭვირვალე და ღია საქმიანობიდან გამომდინარე, რა თქმა უნდა, მომავალშიც გაგრძელდება ასეთი ტიპის სამუშაო შეხვედრები, როგორც საერთაშორისო ორგანიზაციებთან, ასევე სხვა ჩართულ მხარეებთან“,-აღნიშნა გიორგი კალანდარიშვილმა.

4 ოქტომბრის არჩევნებზე რეგისტრირებული საარჩევნო სუბიექტები, რეგისტრაციის პროცესი, სადამკვირვებლო და მედია ორგანიზაციები, საარჩევნო კომისიების  დაკომპლექტება და მათი გადამზადება, ამომრჩეველთა ინფორმირება და ამომრჩევლებისთვის და პარტიებისთვის შეთავაზებული სიახლეები – ეს ის მცირე ჩამონათვალია, რომელზეც ცესკოს თავმჯდომარემ ასევე დეტალურად ისაუბრა. 

შეხვედრის ფარგლებში გაიმართა აქტიური დისკუსიაც. დიპლომატიური კორპუსისა და საერთაშორისო ორგანიზაციების წარმომადგენლებმა მათთვის საინტერესო კითხვებზე პასუხები გიორგი კალანდარიშვილისგან და ცესკოს თავმჯდომარის მოადგილე გიორგი შარაბიძისგან მიიღეს.

საერთაშორისო ორგანიზაციებისა და საქართველოში აკრედიტებული დიპლომატიური მისიების წარმომადგენლებთან შეხვედრა დღეს ცესკოში გაიმართა. აღნიშნული შეხვედრა ცხადყოფს, რომ საარჩევნო ადმინისტრაციისთვის პრიორიტეტია არა მხოლოდ შიდა პროცესების ეფექტიანად წარმართვა, არამედ ღია, საერთაშორისო ორგანიზაციებთან კოორდინირებული თანამშრომლობა. ეს ასევე  ადასტურებს ადმინისტრაციის მზადყოფნას, საარჩევნო პროცესები წარმართოს მაქსიმალურად გამჭვირვალე, ღია და ინკლუზიური ფორმატით. აღსანიშნავია, რომ მსგავსი ტიპის შეხვედრები არა მხოლოდ ინფორმაციის მიწოდების საშუალებაა, არამედ უზრუნველყოფს დიალოგს, უკუკავშირის მიღებასა და თანამშრომლობის გაღრმავებას.

შეხვედრას ცესკოს თავმჯდომარის გარდა ასევე ესწრებოდნენ ცესკოს თავმჯდომარის მოადგილე გიორგი შარაბიძე,  ცესკოს აპარატის/იურიდიული დეპარტამენტის უფროსი გიორგი სანტურიანი და სპიკერი ნათია იოსელიანი.