Home Blog Page 2

 გადამდგარი ელჩის ინტერვიუ ჩვენთვის საინტერესო არ არის, ჩვენ შორის ვადამდე ვინ გადადგა, ყველა ხედავს, ასე რომ, ყველაფერი გასაგებია -შალვა პაპუაშვილი 

თავად პრეზიდენტ ტრამპის მიერ პროპაგანდისტობაში მხილებული „რადიო თავისუფლება“ ავრცელებს გადამდგარი ელჩის ინტერვიუს. არც ერთი, არც მეორე ჩვენთვის საინტერესო არ არის, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

პაპუაშვილს კითხვა დაუსვეს „რადიო თავისუფლების“ მიერ გავრცელებულ აშშ-ის მოქმედ ელჩთან, რობინ დანიგანთან ჩაწერილი ინტერვიუს იმ ნაწილზე, სადაც დანიგანი აცხადებს, რომ „ქართული ოცნების“ ხელმძღვანელობამ მას გაუგზავნა პირადი წერილი ტრამპის ადმინისტრაციისთვის. რობინ დანიგანის თქმით, ეს წერილი „იყო მუქარის შემცველი, შეურაცხმყოფელი, არასერიოზული და უკიდურესად ცუდად იყო მიღებული ვაშინგტონში“.

შალვა პაპუაშვილის განცხადებით, „რადიო თავისუფლება“ თავად ტრამპის მიერ არის მხილებული, როგორც პროპაგანდისტული მედია, აქვს დაფინანსება შეწყვეტილი და ტრამპის სურვილია, საერთოდ დაიხუროს „რადიო თავისუფლება“, როგორც პროპაგანდისტული ინსტრუმენტი.

შალვა პაპუაშვილი ამბობს, რომ გადამდგარი ელჩის განცხადებებზე რაიმე კომენტარის გაკეთებას აზრი არ აქვს.

„შეგახსენებთ, რომ თავის დროზე „რადიო თავისუფლება“ შექმნა ცენტრალურმა სადაზვერვო სამსახურმა, სააგენტომ და მისი ბიუჯეტიდან ფარულად ფინანსდებოდა თავიდან. შემდეგ გარკვეული სხვა სქემები დალაგდა, თუმცა ეს არის ოფიციალურად პროპაგანდისტული მედია და მათი მხრიდან გადამდგარი ელჩის ინტერვიუს გავრცელებაზე ახლა ზედმეტ კომენტარს ვერ გავაკეთებ.

ჩვენ ორს შორის ვადამდე ვინ გადადგა, მგონი ცნობილია, ასე რომ, როგორც იტყვიან, ყველაფერი გასაგებია. ჩვენი ინტერესის სფერო არ არის, რომ გადამდგარი ელჩის ინტერვიუზე რაიმე კომენტარი ვაკეთო. გადამდგარი ელჩის განცხადებებზე რაიმე კომენტარის გაკეთებას აზრი არ აქვს და ჩვენი ინტერესის სფეროს არ წარმოადგენს. ჩვენს შორის ვადამდე ვინ გადადგა, მგონი, ყველა ხედავს, ასე რომ, ყველაფერი გასაგებია“, – განაცხადა შალვა პაპუაშვილმა.

„რადიო თავისუფლებამ“ აშშ-ის მოქმედ ელჩთან, რობინ დანიგანთან ჩაწერილი ინტერვიუს ნაწილი 6 ივლისს გაავრცელა. ინტერვიუში დანიგანი ასევე აცხადებს, რომ სურდა ბიძინა ივანიშვილთან პირისპირ შეხვედრა, რადგან ჰქონდა პასუხი აშშ-ის სახელმწიფო მდივნისგან, მარკო რუბიოსგან. მისივე თქმით, რუბიომ სთხოვა, ეს პასუხი ბიძინა ივანიშვილისთვის პირადად გადაეცა, თუმცა ივანიშვილისგან შეხვედრაზე უარი მიიღო.

დაინტერესებული მხარეები ეუთო-ს რეზოლუციას საარჩევნო ადმინისტრაციის დისკრედიტაციისა და ზოგადად საარჩევნო პროცესის დასაზიანებლად იყენებენ – ცესკო

დაინტერესებული მხარეები ეუთო-ს რეზოლუციას საარჩევნო ადმინისტრაციის დისკრედიტაციისა და ზოგადად საარჩევნო პროცესის დასაზიანებლად იყენებენ, – ამის შესახებ აღნიშნულია საქართველოს ცენტრალური საარჩევნო კომისიის განცხადებაში.

როგორც ცესკო-ს განცხადებაშია აღნიშნული, მიუხედავად იმისა, რომ არც ეუთო/ოდირ-ის მიერ პარლამენტის არჩევნებთან დაკავშირებით გავრცელებულ ანგარიშში და არც ეუთო-ს რეზოლუციაში საუბარი არ არის არჩევნების გაყალბებაზე, კონკრეტული პირები მედიის საშუალებით კვლავ აკეთებენ მანიპულაციურ განცხადებებს, თითქოს არჩევნები გაყალბდა და ამას ადასტურებს ეუთო-ს რეზოლუცია.

„ეუთო-ს რეზოლუციაში, ისევე როგორც ეუთო/ოდირ-ის დასკვნაში, საუბარია მხოლოდ  გარკვეული სახის დარღვევებზე და არა არჩევნების გაყალბებაზე. აქვე უნდა ითქვას, თუ ჩვენ გადავხედავთ სხვადასხვა ქვეყანაში ჩატარებული არჩევნების შესახებ გამოქვეყნებულ ანგარიშებს, ცხადად ვნახავთ, რომ დარღვევებზე/ხარვეზებზე საუბარი ყველგან გვხვდება, მაგრამ მნიშვნელოვანია, რომ ისინი არ ახდენდნენ გავლენას არჩევნების შედეგებზე. საქართველოში გამოვლენილ ხარვეზებს გავლენა არ მოუხდენია მთავარზე – ამომრჩევლის მიერ გაკეთებულ არჩევანზე და არჩევნების შედეგებზე. აღსანიშნავია, რომ საზოგადოებამ მედიის საშუალებით თავადაც ნახა ეუთო-ს გენერალური მდივნის განცხადება ეუთო-ს ასამბლეაზე, რომ მოსახლეობის ნება ასახულია არჩევნების შედეგში. ამასთან, აუცილებლად უნდა აღინიშნოს, რომ ეუთო-ს რეზოლუციაში არჩევნებთან დაკავშირებით ასახული მოსაზრებები ეწინააღმდეგება ეუთო/ოდირ-ის ანგარიშის მიგნებებს.

გვინდა, საზოგადოებას შევახსენოთ ეუთო/ოდირ-ის დასკვნა, რომლითაც არჩევნების დღეს საარჩევნო უბნების აბსოლუტურ უმრავლესობაში (90% და მეტი) საარჩევნო პროცესის მიმდინარეობა შეფასდა დადებითად. ხაზგასმულია, რომ საარჩევნო ელექტრონული აპარატების 99%-მა იმუშავა გამართულად, ხმის მთვლელი აპარატის შედეგები კი ემთხვეოდა ხელით დათვლილ შედეგებს. პოზიტიურად არის შეფასებული საარჩევნო ადმინისტრაციის გამჭვირვალობის პოლიტიკა და მის მიერ განხორციელებული მთელი რიგი საქმიანობები. ხაზგასმულია, რომ ამომრჩეველთა სიის ფორმირების პროცესი იყო ინკლუზიური და დამკვირვებელთა უმრავლესობას არ გამოუთქვამს მნიშვნელოვანი შენიშვნები საარჩევნო სიების სიზუსტესთან დაკავშირებით. აღნიშნულია, რომ არჩევნები იყო კონკურენტული და ცესკო-ს მხრიდან პარტიების რეგისტრაციის პროცესი ინკლუზიურად წარიმართა.

აღსანიშნავია, რომ ეუთო/ოდირ-ის დასკვნაში გამოთქმულია გარკვეული წუხილები და რეკომენდაციები საარჩევნო პროცესთან დაკავშირებულ რიგ საკითხებთან დაკავშირებით, როგორც ეს ძირითადად სხვადასხვა ქვეყნის შემთხვევაშიც გვხვდება, დამახასიათებელია საარჩევნო პრაქტიკისთვის და არცერთ შემთხვევაში არ წარმოადგენს არჩევნების ლეგიტიმურობის უგულებელყოფის საფუძველს, მით უმეტეს იმ ფონზე, როდესაც დასკვნაში არჩევნების გაყალბებაზე საუბარი არ არის.

ეს ყველაფერი კი კიდევ ერთხელ ადასტურებს, რომ კონკრეტული პოლიტიკოსები მხოლოდ საკუთარი პოლიტიკური დღის წესრიგიდან გამომდინარე მოქმედებენ, საკუთარი პოზიციების გასამყარებლად ეუთო-ს ანგარიშებით სპეკულაციას და საზოგადოების შეცდომაში შეყვანას ცდილობენ.

საზოგადოების შეცდომაში შეყვანას და საარჩევნო პროცესის დისკრედიტაციას ისახავს მიზნად რამდენიმე დღის წინ ნინო ლომჯარიას მიერ გაკეთებული განცხადებაც, რომლითაც ამტკიცებს, რომ 2024 წლის საპარლამენტო არჩევნები გაყალბდა. საზოგადოებას, გვინდა, შევახსენოთ, რომ ქალბატონი ლომჯარია აღნიშნულ არჩევნებს სადამკვირვებლო მისიის, „ჩემი ხმის“ სახელით აკვირდებოდა, რომელმაც არჩევნების შემდგომ არაერთი დეზინფორმაცია გაავრცელა.

მისიის წარმომადგენლები საზოგადოებას არწმუნებდნენ, რომ ამ არჩევნებზე მრავალჯერად ხმის მიცემას ჰქონდა ადგილი, თუმცა ამის დამადასტურებელი ვერანაირი მტკიცებულება ვერ წარმოადგინეს. როგორც სამართლებრივი, ისე საზოგადოებრივი პასუხისმგებლობა მოითხოვს, რომ ასეთ მძიმე ბრალდებებს თან ახლდეს დამაჯერებელი და გადამოწმებადი მტკიცებულებები, რასაც ამ შემთხვევაში არ ჰქონია ადგილი და ვერც ექნებოდა. შესაბამისად, ფაქტია, რომ მათი, როგორც სადამკვირვებლო მისიის ქმედება ცდება ობიექტური შეფასების ფარგლებს და ემსახურება არა საარჩევნო პროცესის გაუმჯობესებას, არამედ საზოგადოებრივ აზრზე ზემოქმედებას და დეზინფორმაციის გავრცელებას.

ცესკო კიდევ ერთხელ უსვამს ხაზს, რომ მზად არის ითანამშრომლოს ყველა იმ ორგანიზაციასთან, რომელიც საქმიანობს მიუკერძოებლად, კანონიერად და ობიექტურად. ამავდროულად, მკაცრად გმობს ყველა მცდელობას, რომელიც მიზნად ისახავს დემოკრატიული პროცესების მიზანმიმართულ დისკრედიტაციას  და არჩევნების შედეგების ლეგიტიმურობის ხელყოფას. საარჩევნო ადმინისტრაცია უპასუხოდ არ დატოვებს არცერთ უსაფუძვლო განცხადებას და საზოგადოებას მიაწვდის გადამოწმებულ და ობიექტურ ინფორმაციას“, – აღნიშნულია საქართველოს ცენტრალური საარჩევნო კომისიის განცხადებაში.

7 ივლისს იოანე ნათლისმცემლის შობა აღინიშნება

7 ივლისს (ძველი სტილით, 24 ივნისს) საქართველოს მართლმადიდებელი ეკლესია წმინდა იოანე ნათლისმცემლის შობას აღნიშნავს. იესო ქრისტეს წინამორბედი იოანე ნათლისმცემელი უდიდესი წინასწარმეტყველი იყო, რომელმაც ძველი აღთქმის ეპოქა დაასრულა და უფლის განკაცება დაამოწმა.

მღვდელმსახურ მართალ ზაქარიას გაბრიელ მთავარანგელოზმა აუწყა ვაჟის დაბადება. ანგელოზმა ისიც აუწყა, რომ ყრმისთვის იოანე ეწოდებინა.

სასწაულებრივი იყო მისი გადარჩენა ჰეროდეს მიერ ყრმათა ჟლეტის დროს, მთა გაიხსნა და დაფარა მართალი ელისაბედი და ყრმა, მომავალი უდიდესი წინასწარმეტყველი. მამა საკურთხეველში მოუკლეს, მალე დედაც გარდაეცვალა და ანგელოზები ზრდიდნენ მომავალ ნათლისმცემელს…

ნათლისმცემელი ბავშობიდანვე უდაბნოში იზრდებოდა, მარხვითა და ლოცვით ემზადებოდა ღვთის სათნო მსახურებისათვის. ცხოვრობდა უდაბნოში (ძველი აღთქმის წინასწარმეტყველის ელიას მსგავსად), ამხელდა საზოგადოების ბიწიერებას და მოუწოდებდა მონანიებისაკენ. მონათლა მრავალი ებრაელი, რომლებიც მის წინაშე ცოდვებს აღიარებდნენ და მოუწოდებდა: „შეინანეთ, რამეთუ მოახლებულ არს სასუფეველი ცათაი”.

იოანემ მისკენ მოსანათლად მიმავალი უფალი შორიდანვე იცნო, იორდანეზე მონათლა ქრისტე და ნათელს თავადაც ეზიარა.
იოანე ნათლისმცემელი ჰეროიდე I-ის (I საუკუნის I ნახევარი) თანამედროვე იყო. ჰეროდემ თავისი საყვარლის. ჰეროდიადას საამებლად იოანე ნათლისმცემელი საპყრობილეში ჩასვა, შემდეგ კი თავი მოაკვეთინა.

ღვთისმშობლის შემდეგ იოანე ნათლისმცემელი უდიდესი მეოხია ღვთის წინაშე.

იოანე ნათლისმცემლის ხსენების დღეებია: ნათლისღება – 19 იანვარი, შობა – 7 ივლისი და თავის კვეთა – 11 სექტემბერი.

 მიხეილ სააკაშვილი საერთოდ სხვა ქვეყნიდან ჩამოვიდა საკუთარი ფეხით ციხეში ჩასაჯდომად, იმიტომ, რომ ეს ქვეყანა რუსეთში წასულიყო -ეკა ხერხეულიძე

მიხეილ სააკაშვილი საერთოდ სხვა ქვეყნიდან ჩამოვიდა საკუთარი ფეხით ციხეში ჩასაჯდომად, იმიტომ რომ ეს ქვეყანა რუსეთში არ წასულიყო,- განაცხადა „ნაციონალური მოძრაობის“ ერთ-ერთმა ლიდერმა ეკა ხერხეულიძემ გადაცემაში “პოზიცია-LIVE”.

ხერხეულიძის თქმით, ყველა აღნიშნავს, რომ ოპოზიციის ლიდერები საკუთარი ფეხით წავიდნენ ციხეში და როგორი ვაჟკაცები არიან ისინი, ხოლო ამ დროს მიხეილ სააკაშვილმა აირჩია ჯოჯოხეთური გზა, სამი დღე და ღამე იმგზავრა ტრაილერში ჩაკეტილმა საკუთარი ქვეყნის გადასარჩენად და ისე წავიდა ციხეში.

„კიდევ გეუბნები, ის არ არის ჩემი ოჯახის წევრი, მე მინდა სწორი შეფასება, იმიტომ რომ გამოსავალი მალე ვიპოვო, ამ ქვეყანამ იპოვოს მალე. მიშა სააკაშვილი, ჯერ ეს ერთი არ არის ადამიანი, რომელთანაც ისე ახლოს იქნები, მეგობრული თვალსაზრისით გეუბნები, საჭირბოროტო, საყოველთაო საკითხებს შენს სასარგებლოდ გადაწყვეტს. არ აინტერესებს ამ ადამიანს, მასში ეს ხიბლი არ არის. მას ჰყავს საქმის პარტნიორები ქვეყნის შენების გზაზე, აკეთებს საქმეს ხარ მისი მოკავშირე, ხარ მისი მეგობარი. დაუშავებ ამ საქმეს რამეს, საერთოდ დაავიწყდება ოდესმე თუ გიცნობდა. თუ ვინმე მიხეილ სააკაშვილს იცნობს, მისი ფსიქოტიპი არის ასეთი. ამიტომ, მე რამე პერსონალური არ გამაჩნია, კიდევ გეუბნებით, ყველა აღნიშნავს, რომ: “ეს ადამიანები საკუთარი ფეხით წავიდნენ ციხეში და რა ვაჟკაცები არიან”. იმან [მიხეილ სააკაშვილმა] რა გზა გამოიარა?! – ტრაილერში ჩაკეტილი სამი დღე და ღამე. ტრაილერით შემოვიდა ყოფილი პრეზიდენტი, როდესაც წამოვიდა იყო იმ დიდი ქვეყნის პრეზიდენტის მრჩეველი. აირჩია ეს ჯოჯოხეთური გზა, შემოვიდა ქვეყანაში და რა იყო ეს ქვეყანა, ან უშველიდა ამ ქვეყანას და გადაარჩენდა გარუსებისგან, ან მოხვდებოდა ციხეში, ან მოკლავდნენ. მოხვდა ციხეში, საკუთარი ნებით გაიარა ეს გზა, ესეც კი გვემეტევა ვთქვათ, რომ თითქოს ექსტრადირება მოხდა მიხეილ სააკაშვილის ამ ხელისუფლებას გადმოსცა თითქოს რომელიმე ქვეყანამ”, – განაცხადა ეკა ხერხეულიძემ.

 

 “ფილტვი აქვს დაზიანებული და მისი ჯანმრთელობის მდგომარეობა სტაბილურად მძიმეა” – შსს თორნიკე რიჟვაძესთან დაკავშირებით განცხადებას ავრცელებს

 

საგარეჯოს „ჯეოჰოსპიტალსში“ ცეცხლნასროლი ჭრილობით შეყვანილი იქნა თორნიკე რიჟვაძე, მისი მდგომარეობა სტაბილურად მძიმეა, გამოძიება თვითმკვლელობამდე მიყვანის მუხლით არის დაწყებული, – ამის შესახებ შსს-ს განცხადებაშია ნათქვამი.

„2025 წლის 7 ივლისს, საგარეჯოს „ჯეოჰოსპიტალსში“, შეყვანილი იქნა თორნიკე რიჟვაძე, რომელსაც გულმკერდის არეში ცეცხლნასროლი ჭრილობა აღენიშნებოდა.

შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს. ფაქტთან დაკავშირებით მიმდინარეობს ინტენსიური საგამოძიებო მოქმედებები.

თორნიკე რიჟვაძეს ჩაუტარდა გადაუდებელი სამედიცინო დახმარება. ექიმების განმარტებით, მას ფილტვი აქვს დაზიანებული და მისი ჯანმრთელობის მდგომარეობა სტაბილურად მძიმეა.

ასევე, ცეცხლსასროლი იარაღის დაუდევრად შენახვისთვის, საქართველოს სისხლის სამართლის კოდექსის 238-ე მუხლით, ბრალდებულის სახით ერთი პირია დაკავებული“, – ნათქვამია შსს-ს განცხადებაში.

როგორი ამინდია მოსალოდნელი დღეს საქართველოში

7 ივლისს ქუთაისში დღისით +31 და ღამით +20 გრადუსია მოსალოდნელი, სინოპტიკოსები მზიან და უნალექო ამინდს ვარაუდობენ.

ოზურგეთშიც უნალექო დღე იქნება. დღისით +30 გრადუსი დაფიქსირდება, ღამით კი +18. ბათუმშიც მზიანი დღეა. დღისით ჰაერი +30 გრადუსამდე გათბება, ხოლო ღამით +19 გრადუსი დაფიქსირდება.

ფოთში დღისით +29 გრადუსი დაფიქსირდება, ღამით კი +20 გრადუსია მოსალოდნელი. მზიანი ამინდია ზუგდიდშიც, სადაც დღისით ტემპერატურა +29, ღამით კი +18 გრადუსია ნავარაუდევი.

მზიანი ამინდია სოხუმში. +28 გრადუსია მოსალოდნელი დღისით, ღამით +18 გრადუსი დაფიქსირდება.

მესტიაში უნალექო ამინდს ვარაუდობენ, დღისით +25 გრადუსი იქნება, ღამით კი +9 გრადუსი დაფიქსირდება. ამბროლაურშიც მზიანი ამინდი იქნება, ჰაერი +22 გრადუსამდე გათბება, ღამით კი +15 გრადუსი დაფიქსირდება.

ჭიათურაში, დღისით +20 გრადუსი, ღამით კი +18 გრადუსი დაფიქსირდება.

ახალციხეშიც მზიან დღეს ვარაუდობენ. დღისით ჰაერი +28 გრადუსამდე გათბება, ღამით კი ტემპერატურა +10 გრადუსი იქნება.

ბორჯომშიც უნალექო დღეა, +28 იქნება დღისით, ღამით კი +12 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +17 გრადუსია მოსალოდნელი, ღამით +7 გრადუსი დაფიქსირდება.

გორშიც უნალექო დღე იქნება. დღისით +30 გრადუსი, ღამის განმავლობაში კი +15 გრადუსი დაფიქსირდება. ცხინვალში, ჰაერის ტემპერატურა +29 გრადუსი იქნება, ღამით კი +14 გრადუსი დაფიქსირდება.

გუდაურშიც წვიმიანი ამინდია მოსალოდნელი. დღის განმავლობაში +14 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.

ომალოში ნალექიან ამინდს ელოდებიან, დღისით +15, ღამით კი +6 გრადუსი დაფიქსირდება.

ლაგოდეხში მზეა. ჰაერის ტემპერატურა დღის განმავლობაში +28 გრადუსი იქნება, ღამით კი +19 გრადუსი დაფიქსირდება.

წვიმიანი დღე იქნება თელავში, +26 გრადუსი დაფიქსირდება, ღამით კი +19 გრადუსია ნავარაუდევი.

წვიმას ვარაუდობენ გურჯაანშიც. დღისით +27 გრადუსი, ღამით კი +17 გრადუსი დაფიქსირდება.

სიღნაღშიც იწვიმებს. დღისით +25 გრადუსი იქნება, ღამით +17 გრადუსი დაფიქსირდება.

რუსთავში უნალექო დღეა. დღისით +30 გრადუსია მოსალოდნელი, ღამით კი +19 გრადუსი დაფიქსირდება.

თბილისში უნალექო და მზიან დღეს ელოდებიან. ჰაერის ტემპერატურა დღისით +29 გრადუსს მიაღწევს, ღამით კი +19 გრადუსი იქნება.

7 ივლისის ასტროლოგიური პროგნოზი

ვერძი

დღევანდელი საღამო ოჯახურ ურთიერთობებს უფრო მყარს და ჰარმონიულს გახდის. სავარაუდოდ, ვიღაც ძველი ვალის დაბრუნებას მოგთხოვთ, მაგრამ არ ინერვიულოთ – ბიზნესიდან, რომელშიც დიდი ფული და ენერგია ჩადეთ, შემოსავალი გელით.

კურო

ეცადეთ, მეტი მოთმინება გამოიჩინოთ, რომ ნათესავებთან და ოჯახის წევრებთან კონფლიქტი თავიდან აიცილოთ. გირჩევთ, ყველა უსიამოვნება, რომელიც დღეს გელით, უემოციოდ მიიღოთ. არახელსაყრელი დღეა ბიზნესში აქტიურობისთვის, ამიტომ უმჯობესია, დაისვენოთ და ჯანმრთელობაზე იზრუნოთ.

ტყუპები

შესანიშნავი დღეა ოჯახთან ერთად აქტიური დასვენებისა და სპორტისთვის. თუ მეგობრებმა სასიამოვნო ღონისძიებაზე დაგპატიჟეს, უარი არ უთხრათ – რთული სამუშაოს შემდეგ განტვირთვა გჭირდებათ. შესაძლოა, სამსახურში სამართლებრივი საკითხების მოგვარება მოგიწიოთ.

კირჩხიბი

პროფილაქტიკური მკურნალობისა და დიეტის დაწყებისთვის ხელსაყრელი დროა. სამსახურში ძალიან ფრთხილად უნდა იყოთ, რადგან პატარა შეცდომამ შეიძლება, დიდი ფინანსური ზარალი გამოიწვიოს. პროექტი, რომლის დაწყებასაც გეგმავთ, ადვილი, მაგრამ მოგებიანია, ამიტომ დროულად უნდა დაიწყოთ.

ლომი

სამსახურში ყურადღება არ მოადუნოთ, რომ შეცდომა არ დაუშვათ. გახსოვდეთ, ტყუილს მოკლე ფეხები აქვს, ადრე თუ გვიან გამოაშკარავდება და პრობლემებს შეგიქმნით. ნუ აჩქარდებით, მშვიდად იმოქმედეთ და ჩანაფიქრს აუცილებლად განახორციელებთ. მოერიდეთ გადაღლას და ნერვიულობას.

ქალწული

გამორიცხული არ არის, რომ ეს დღე კონფლიქტით დაიწყოს. მოსალოდნელია უსიამოვნო სიახლე ან გარემოებათა არახელსაყრელი კომბინაცია. რომანტიკული განწყობა მოსაწყენი სამუშაოს შესრულებაში ხელს გიშლით. გავლენიან ადამიანთან შეხვედრა მიზნის მიღწევაში დაგეხმარებათ.

სასწორი

ხელსაყრელი დღეა სიყვარულის ახსნისა და ქორწინებისთვის. მამაკაცები რაინდული საქციელით გარშემო მყოფებს გააოცებენ. თქვენი ინიციატივა კოლეგებისა და უფროსების მოწონებას დაიმსახურებს და კარიერულ წინსვლაში დაგეხმარებათ.

მორიელი

აქტიური, შემოქმედებითი დღეა. არ დაგავიწყდეთ, რომ გადაწყვეტილების მიღებამდე სიტუაცია ყურადღებით უნდა შეისწავლოთ. უფროსთან ურთიერთობის დროს სიფრთხილე და წინდახედულობა უნდა გამოიჩინოთ.

მშვილდოსანი

დილიდან დატვირთული დღე გელით. ოჯახური საქმეები დიდ დროს წაგართმევთ. დღის მეორე ნახევარი ხელსაყრელია მეგობრებთან შეხვედრებისა და კულტურული ღონისძიებებისთვის. იზრუნეთ ოჯახის უფროსი წევრების ჯანმრთელობაზე – სასურველია, პროფილაქტიკური მკურნალობის კურსი დაიწყოთ.

თხის რქა

ხელსაყრელი დღეა ნაჩხუბარ მეგობართან შერიგებისთვის. პროექტი, რომლის დაწყებასაც გეგმავთ, მაქსიმალურ სიმშვიდეს მოითხოვს. გაითვალისწინეთ, რომ სამსახურში ხშირი დაგვიანება პრობლემებს შეიქმნით, ამიტომ გირჩევთ, საიმედო მაღვიძარა შეიძინოთ.

მერწყული

ამ დღეს საქმიან წინადადებას მიიღებთ, მაგრამ მაშინვე არ უნდა დაეთანხმოთ – შედეგი მოლოდინს ვერ გაამართლებს. თუ არ იზარმაცებთ, სამსახურში წარმატებას მიაღწევთ და შექებას დაიმსახურებთ. არახელსაყრელი დროა კოლექტიური სწავლებისა და ერთობლივი ღონისძიებებისთვის, ინდივიდუალური საქმიანობა უფრო წარმატებით განხორციელდება.

თევზები

ხელსაყრელი დღეა ხელოვნებისთვის, მაგრამ არა ბიზნესისთვის – დღეს მეტისმეტად დაბნეული ხართ და ყურადღების კონცენტრაციას ვერ ახერხებთ. შინაური ცხოველები ვეტერინართან არ უნდა მიიყვანოთ – თუ შესაძლებელია, გადადეთ ეს ღონისძიება რამდენიმე დღით. განსაცდელისა და დაბრკოლების მიუხედავად, ეცადეთ სიმშვიდე შეინარჩუნოთ. გავლენიან ადამიანებთან შეხვედრები გელით.

შსს ბიზნესმენ გიორგი რამიშვილის დაკავებასთან დაკავშირებით განცხადებას ავრცელებს

შსს ბიზნესმენ გიორგი რამიშვილის დაკავებასთან დაკავშირებით განცხადებას ავრცელებს.

უწყების ცნობით, თბილისის საერთაშორისო აეროპორტში, გამგზავრების ტერმინალში, რამიშვილის ხელბარგის სკანერით შემოწმებისას ცეცხლსასროლი იარაღი, მჭიდი და ვაზნები ამოიღეს.

გამოძიების თანახმად, დადგინდა, რომ აღნიშნული ცეცხლსასროლი იარაღი რეგისტრირებულია მის სახელზე, თუმცა ტარების უფლება არ ჰქონდა.

“მაღალი საზოგადოებრივი ინტერესიდან გამომდინარე, გვსურს საზოგადოებას მივაწოდოთ ინფორმაცია 1967 წელს დაბადებული გ.რ.-ს დაკავების შესახებ.

სამართალდამცველებმა, მიმდინარე წლის 6 ივლისს, თბილისის საერთაშორისო აეროპორტში, გამგზავრების ტერმინალში, გ.რ.-ს ხელბარგის სკანერით შემოწმებისას ცეცხლსასროლი იარაღი, მჭიდი და ვაზნები ამოიღეს.

დადგინდა, რომ აღნიშნული ცეცხლსასროლი იარაღი რეგისტრირებულია გ.რ.-ს სახელზე, თუმცა აღნიშნულ პიროვნებას ტარების უფლება არ ჰქონდა.

გამოძიება სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს”, – აღნიშნულია განცხადებაში.

შსს ბიზნესმენ გიორგი რამიშვილის დაკავებასთან დაკავშირებით განცხადებას ავრცელებს

საქართველოს შინაგან საქმეთა სამინისტრო ბიზნესმენ გიორგი რამიშვილის, იგივე “ზარალას” დაკავების შესახებ განცხადებას ავრცელებს. ოფიციალური ინფორმაციის თანახმად, თბილისის საერთაშორისო აეროპორტში, გამგზავრების ტერმინალში, რამიშვილის ხელბარგის სკანერით შემოწმებისას, ცეცხლსასროლი იარაღი, მჭიდი და ვაზნები ამოიღეს.

“მაღალი საზოგადოებრივი ინტერესიდან გამომდინარე, გვსურს საზოგადოებას მივაწოდოთ ინფორმაცია 1967 წელს დაბადებული გ.რ.-ს დაკავების შესახებ.

სამართალდამცველებმა, მიმდინარე წლის 6 ივლისს, თბილისის საერთაშორისო აეროპორტში, გამგზავრების ტერმინალში, გ.რ.-ს ხელბარგის სკანერით შემოწმებისას ცეცხლსასროლი იარაღი, მჭიდი და ვაზნები ამოიღეს.

დადგინდა, რომ აღნიშნული ცეცხლსასროლი იარაღი რეგისტრირებულია გ.რ.-ს სახელზე, თუმცა აღნიშნულ პიროვნებას ტარების უფლება არ ჰქონდა.

გამოძიება სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს”, – აღნიშნულია შსს-ს განცხადებაში.

,,მნიშვნელოვანია ჩინეთთან ეკონომიკური თანამშრომლობაც, ევროპასთან, ამერიკასთან პარტნიორობა ეკონომიკური თვალსაზრისით, ყველა ამ მიმართულებით გავაკეთებთ ყველაფერს, რათა კიდევ უფრო გავაძლიეროთ ჩვენი ქვეყნის ე.წ. დაკავშირებადობის ფუნქცია”- ირაკლი კობახიძე

ძალიან მნიშვნელოვანია ჩინეთთან ეკონომიკური თანამშრომლობაც, ევროპასთან, ამერიკასთან პარტნიორობა ეკონომიკური თვალსაზრისით, ყველა ამ მიმართულებით გავაკეთებთ ყველაფერს იმისათვის, რომ კიდევ უფრო გავაძლიეროთ ჩვენი ქვეყნის ე.წ. დაკავშირებადობის ფუნქცია, – ამის შესახებ საქართველოს პრემიერ-მინისტრმა ირაკლი კობახიძემ „იმედის” ეთერში განაცხადა. 

როგორც მთავრობის მეთაურმა აღნიშნა, გაგრძელლდება სერიოზული ნაბიჯების გადადგმა იმისათვის, რომ მაქსიმალურად მოხდეს იმ პოტენციალის ათვისება, რომელიც აქვს ქვეყანას.

„ჩვენ ვაკავშირებდით დასავლეთსა და აღმოსავლეთს, ევროპას და აზიას, ამ კუთხით დღესაც ძალიან მნიშვნელოვანია ჩვენი როლი, თუმცა ჩვენი მთავარი ამოცანაა, რომ ეს როლი, კიდევ უფრო მეტად გავზარდოთ ჩვენი ქვეყნისთვის. ამისათვის იდება ძალიან დიდი ინვესტიციები, მათ შორის საგზაო ინფრასტრუქტურაში, რკინიგზაში, პორტებში, აეროპორტებში. გაგრძელლდება ამ მიმართულებით  სერიოზული ნაბიჯების გადადგმა იმისათვის, რომ მაქსიმალურად ავითვისოთ ის პოტენციალი, რომელიც აქვს ჩვენს ქვეყანას. ჩვენ ვაკავშირებთ შვიდ სახელმწიფოს ზღვასთან, შესაბამისად, ევროპასთან, დასავლეთთან და მაქსიმალურად უნდა ავითვისოთ შესაბამისი პოტენციალი, უნდა გავაღრმაოთ ამ ქვეყნებთან თანამშრომლობა. ძალიან მნიშვნელოვანია ამ კუთხით ჩინეთთან ეკონომიკური თანამშრომლობაც, ძალიან მნიშვნელოვანია ევროპასთან, ამერიკასთან პარტნიორობა ეკონომიკური თვალსაზრისით, ყველა ამ მიმართულებით გავაკეთებთ ყველაფერს იმისათვის, რომ კიდევ უფრო გავაძლიეროთ ჩვენი ქვეყნის ე.წ. დაკავშირებადობის ფუნქცია”, – განაცხადა ირაკლი კობახიძემ.

ერთ მხარეს, ე.წ. ორთოდოქს ნაციონალებს აუკრძალეს არჩევნებში მონაწილეობა, ხოლო ნაწილს მისცეს მწვანე შუქი – დავით მათიკაშვილი

მმართველ გუნდს კითხვებს უჩენს “ლელოს” გადაწყვეტილება – რატომ იღებენ პრეზიდენტის მიერ ოფიციალურად გამოცხადებულ არჩევნებში მონაწილეობას, და რატომ ამბობენ უარს მიხეილ ყაველაშვილის წინადადებაზე? – “ქართული ოცნება” ოპონენტების ქმედებების მიღმა გარე ძალების ინტერესებსა და კარნახს ხედავს.

“ლელოს” პოზიცია ყოველთვის იყო, რომ ის უფრო იხრებოდა არჩევნებში მონაწილეობის მიღებისკენ, მართალია, ამას დღემდე მკაფიოდ არ ამბობდა, თუმცა ჩანდა მათი პარტიული აქტიურობა რეგიონებში. დღეს ისინი ამ ყველაფერს ღიად აცხადებენ.

ერთ მხარეს, ე.წ. ორთოდოქს ნაციონალებს აუკრძალეს არჩევნებში მონაწილეობა, ხოლო ნაწილს მისცეს მწვანე შუქი. უნდათ, რომ გააქრონ პოლიტიკური ველიდან ის პარტია, რომელიც არის დამძიმებული ცოდვებით, რომლის ჩამორეცხვაც არის პრაქტიკულად შეუძლებელი, თუმცა ისინი ცდილობენ. არიან რა ქვეყნის გარეთ და რეალურად, პულსზე ხელი არ უდევთ, ჩვენ ქვეყანაში არსებული პოლიტიკური ვითარების. ისინი ფიქრობენ, რომ გახარია და ხაზარაძე გამიჯნონ, რომლებიც “ნაციონალური მოძრაობის” წიაღში იყვნენ, ეს ადამიანები გამიჯნონ “ნაციონალური მოძრაობისგან” და მათგან შექმნან რაღაც შუაშისტური ძალა, რომელიც არის პრაქტიკულად შეუძლებელი და ამ ყველაფერს თვითმმართველობის არჩევნებზე ქართველი ხალხი კიდევ ერთხელ დაადასტურებს საკუთარი გადაწყვეტილებით,” – აღნიშნა დავით მათიკაშვილმა.

,,რუსეთის მიმართ მსგავსი პოლიტიკის გატარება, სიტუაციას კიდევ უფრო გააუარესებს”- პუტინი

დასავლეთის ქვეყნების მიერ რუსეთის მიმართ იმ პოლიტიკის გაგრძელება, რასაც დღემდე ატარებენ, მხოლოდ გააუარესებს სიტუაციას, – ამის შესახებ რუსეთის პრეზიდენტმა, ვლადიმერ პუტინმა განაცხადა.

„რაც უფრო მეტად გააგრძელებენ ისინი (დასავლეთის ქვეყნები) იმ პოლიტიკის გატარებას, რომელსაც აქამდე ატარებენ რუსეთის მიმართ, მით უფრო უარესი იქნება მათთვის“, – განაცხადა პუტინმა.

მან რუსეთსა და აშშ-ს შორის ურთიერთობებზეც ისაუბრა და განაცხადა, რომ ორ ქვეყანას დიდი ხნის განმავლობაში ძალიან კარგი და უნიკალური ურთიერთობები ჰქონდა.

რაც შეეხება ამერიკელებს, ჩვენ ყოველთვის, ძალიან დიდი ხნის განმავლობაში, გვქონდა ძალიან კარგი და უნიკალური ურთიერთობები შეერთებულ შტატებთან. ჩვენ მხარს ვუჭერდით მათ სურვილს, მიეღოთ დამოუკიდებლობა დიდი ბრიტანეთისგან. სინამდვილეში, იარაღითაც კი ვამარაგებდით, ფულითაც კი ვეხმარებოდით და ა.შ. შემდეგ, სამოქალაქო ომის დროს ჩრდილოეთს ვუჭერდით მხარს. ყოველთვის ვპოულობდით რაღაცას, რაც ქვეყნებს აერთიანებდა“, – აღნიშნა პუტინმა.