Home Blog Page 2

22 ივნისის ასტროლოგიური პროგნოზი

ვერძი

ეს დღე მნიშვნელოვანი ცვლილებებითა და მოულოდნელი უსიამოვნებით დაგამახსოვრდებათ. გირჩევთ გადაწყვეტილების მიღებამდე სიტუაცია ყურადღებით შეისწავლოთ. ინტელექტუალური და შემოქმედებითი საქმიანობა ახალ იდეებს შთაგაგონებთ. გამორიცხული არ არის, რომ ძველი სიყვარული დაგიბრუნდეთ.

კურო

ეს დღე უახლოეს ხანებში თქვენს ქმედებებს განსაზღვრავს. სახლში ბევრი საქმე გელით და ზოგადად, ბინის რემონტისა და ინტერიერის შეცვლისთვის ხელსაყრელი დროა. ფრთხილად იყავით მანქანის მართვის დროს.

ტყუპები

ხელსაყრელი დღეა ბავშვის ჩასახვისა და ინტიმური ურთიერთობისთვის, მაგრამ ცუდია დიდი შესყიდვებისთვის. გაითვალისწინეთ, რომ საქმე, რომლის დაწყებასაც გეგმავთ, მაქსიმალურ სიმშვიდეს მოითხოვს. სასჯელს მიიღებთ თუ ჯილდოს, მხოლოდ თქვენზეა დამოკიდებული.

კირჩხიბი

ეს დღე წარმატებულ პაემანს და მხიარულ წვეულებას გპირდებათ. ბევრი კირჩხიბი საბოლოოდ იპოვის იმას, რასაც დიდი ხანია ეძებს. სხვადასხვა ბიზნესგარიგებაში წარმატება გელით.

ლომი

ნუ იქნებით ზედმეტად თავდაჯერებული, თორემ შეიძლება ფინანსურად დაზარალდეთ. ამ დღეს შინაური ცხოველები ვეტერინართან არ უნდა მიიყვანოთ. თუ შესაძლებელია, ეს ვიზიტი რამდენიმე დღით გადადეთ. ნუ აჩქარდებით – ეს დღე რადიკალური ცვლილებებისთვის არახელსაყრელია.

ქალწული

მშვიდი და პასიური დღეა. თქვენი პირდაპირობა და გულწრფელობა ნებისმიერ გაუგებრობას გააქრობს. ამ დღეს დაგეგმილი შეხვედრები თქვენგან დამოუკიდებელი მიზეზების გამო გაუქმდება. საყვარელ ადამიანთან ურთიერთობას საფრთხე ელის – ეცადეთ, მშვიდად და წინდახედულად იმოქმედოთ.

სასწორი

ხელსაყრელი დღეა თვითგანათლებისა და ზოგადი მსოფლმხედველობის გასაფართოებლად. დღეისთვის, თუ შესაძლებელია, მივლინება რამდენიმე დღით გადადეთ. ამ დღეს უსიამოვნო საუბრისგან თავის დაღწევას ვერ შეძლებთ. გამორიცხული არ არის, რომ ძველი სიყვარული დაგიბრუნდეთ.

მორიელი

ამ დღეს შეგიძლიათ ბიზნესში წარმატების იმედი გქონდეთ. ეცადეთ, საკუთარი მიზნები და ამოცანები უფრო ნათლად გამოხატოთ. დიდი ალბათობით, ეს დღე საშუალებას მოგცემთ, რომ პარტნიორთან შეთანხმებას მიაღწიოთ. ფრთხილად იყავით მანქანის მართვის დროს.

მშვილდოსანი

არახელსაყრელი დღეა უფროსი თაობის ადამიანებთან ურთიერთობისთვის – მშობლებს თქვენი არჩევანი არ მოსწონთ და მათ დარწმუნებას აზრი არ აქვს. საქმე, რომელიც სრულიად უიმედო გეგონათ, ნაყოფს გამოიღებს. საყვარელი ადამიანის ახლობლები რჩევისა და დახმარებისთვის მოგმართავენ და ეცადეთ იმედი არ გაუცრუოთ.

თხის რქა

ეს დღე ძლიერი ნებისყოფის თვისებებს შეგმატებთ, რაც უამრავი პრობლემის გადაჭრაში დაგეხმარებათ. ტყუილად ნერვიულობთ, წარუმატებლობა ხანმოკლე იქნება. გამორიცხული არ არის ჯანმრთელობის პრობლემები. პირველ რიგში, ეს მათ ეხებათ, ვისაც გულ-სისხლძარღვთა დაავადებები აწუხებს. შესაძლოა, სხვადასხვა ბიზნესგარიგებებიდან სასურველი შემოსავალი მიიღოთ.

მერწყული

ეს დღე თამამი იდეების განხორციელებაში დაგეხმარებათ. შესაძლოა, საკუთარ ცხოვრებაში რაღაცის შეცვლის სურვილი გაგიჩნდეთ, მაგრამ გირჩევთ გადაწყვეტილების მიღებამდე რჩევა ახლობელ ადამიანებს ჰკითხოთ.

თევზები

ამ დღეს საქმიანი შეხვედრების დაგეგმვას უნდა მოერიდოთ. საყვარელ ადამიანთან შეხვედრა უჩვეულოდ ვნებიანი იქნება. მოგებიანი ბიზნესშეთავაზება გელით, რომელზედაც უარი არ უნდა თქვათ. საყვარელ ადამიანთან ეცადეთ, მშვიდად და წინდახედულად იმოქმედოთ.

,,ზანგეზურის დერეფანი არ იქნება, იქნება „მშვიდობის გზაჯვარედინი”- ნიკოლ ფაშინიანი

ფაშინიანმა განმარტა, რომ ეს ტერიტორიული მთლიანობისა და სუვერენიტეტის პატივისცემას ნიშნავს.

სომხეთის მთავრობის ხელმძღვანელის მტკიცებით, თურქეთისთვის შუა დერეფნის დღის წესრიგი მნიშვნელოვანია.

ფაშინიანის განცხადებით, „მშვიდობის გზაჯვარედინის“ პროექტის ერთ-ერთი მახასიათებელი ის არის, რომ ის სრულად შედის შუა დერეფანში, რომელსაც თურქეთი იცავს და ხელს უწყობს.

„ჩემთვის აშკარაა, რომ „მშვიდობის გზაჯვარედინის“ პროექტი შეიძლება იყოს „შუა დერეფნის“ პროექტის ნაწილი და ის ამ ლოგიკაში ჯდება. სომხეთის გვერდის ავლით გადაადგილება თუ სურთ, კეთილი, გადაადგილდნენ. ეს ცუდია? ჩვენ თვითონ ვთავაზობთ ამას „მშვიდობის გზაჯვარედინის“ პროექტის ფარგლებში”, – განაცხადა ნიკოლ ფაშინიანმა.

ამავდროულად, ფაშინიანმა ყველას მოუწოდა, მზად იყვნენ იმისთვის, რომ „მშვიდობის გზაჯვარედინის“ გახსნის შემდეგ აზერბაიჯანი ზანგეზურის დერეფნის გახსნის შესახებ განაცხადებს.

,,თავს დამნაშავედ არ ცნობს, რადგან, ბრალად წარდგენილი ქმედება არ ჩაუდენია ”- რომეო მიქაუტაძის ადვოკატი

ეკონიმიკის მინისტრის ყოფილი მოადგილე, რომეო მიქაუტაძე, რომელსაც სამსახურებრივი უფლებამოსილების ბროტად გამოყენებასა და უკანონო შემსავლის ლეგალიზაციას ედავებიან, ბრალს არ აღიარებს.

როგორც სახელმწიფო უსაფრთხოების სამსახურის შენობის დატოვების შემდეგ დაკავებული ყოფილი მაღალჩინოსნის ადვოკატმა, ბექა ნემსიწვერიძემ განაცხადა, მისი დაცვის ქვეშ მყოფის მხრიდან დანაშაულის ჩადენას ადგილი არ ჰქონია და მას „ყველა თეთრის დასაბუთება შეუძლია“.

„ის თავს დამნაშავედ არ ცნობს, იქიდან გამომდინარე, რომ მას ბრალად წარდგენილი ქმედება არ ჩაუდენია. იმისათვის, რომ უკანონო შემოსავლის ლეგალიზება სახეზე გვქონდეს, მისი ქონება, რომლის ლეგალიზებასაც ედავებიან, უკანონოდ უნდა იყოს მოპოვებული. ის მზად არის დაადასტუროს და დაასაბუთოს მისი ქონება ბოლო თეთრამდე, ის ამის მზაობას მანამდეც გამოხატავდა, თუმცა, სამწუხაროდ, საგამოძიებო ორგანო მისი ჩვენებით არ დაინტერესდა, ის ისე დააკავეს, არც კი გამოუკითხავთ, რომ მას საშუალება მისცემოდა, მისი პოზიცია აეხსნა იმ ბრალდებებთან, ეჭვებთან დაკავშირებით, რაც საგამოძიებო ორგანოს გააჩნდა. ჩვენ მიგვაჩნია, რომ ისინი შიშობდნენ, რომ მისი ჩვენებით და მის მიერ წარმოდგენილი დოკუმენტაციით, მათ ეს აბსურდული ბრალდება ჩამოეშლებოდათ, რაც მას დღეს წარედგინა.

ჩინოვნიკობამდე რომეო მიქაუტაძე მრავალი წლის განმავლობაში წარმატებულ სამეწარმეო საქმიანობას ახორციელებდა და საკმაოდ სოლიდური ქონება დააგროვა, ის შესაბამის დოკუმენტაციას წარმოადგენს, ჩვენ სასამართლოს დავუმტკიცებთ, რომ ბრალდება, რომელიც მას წარედგინა, აბსურდული და უკანონოა“, – აცხადებს ნემსიწვერიძე.

კითხვაზე, თუკი, მის მიერ მოპოვებული ქონებები კანონიერი იყო, სხვაზე რატომ აფორმებდა მათ, ადვოკატმა უპასუხა, რომ ეს ქმედება დანაშაული არ არის.

„ოჯახის ქონება მათ შორის, არის მისი თანასაკუთრება, თუმცა, საჯარო მოხელემ არ შეიძლება ეს ქონება მის სახელზე დაირეგსიტრიროს, აქედან გამომდინარე, მისი ოჯახის სხვა წევრზე იყო გაფორმებული, ამაში დანაშაული არაფერი არ არის. მისი ოჯახის წევრებს შეუძლიათ დაადასტურონ ამ ქონების წარმომავლობა, რომ ეს ქონება კანონიერი საქმიანობის შედეგად არის მოპოვებული, როგორ დაასაბუთებს, ამას სასამართლოზე მოისმენთ“, – აცხადებს ადვოკატი.

კითხვაზე, დაარღვევს თუ არა ბრალდებული დუმილს სასამართლოში, ნემსიწვერიძე პასუხობს, რომ „მიქაუტაძე არ დუმს და მისთვის, არც არავის უკითხავს რამე“.

ასევე, იმ ფაქტთან დაკავშირებით, გამოიკითხნენ თუ არა თანამდებობის პერიოდში მისი ხელმძღვანელები, მათ შორის, ეკონომიკის მინისტრი, ლევან დავითაშვილი, ადვოკატი აცხადებს, რომ ეს ჯერ არ იცის.

„სულ 5 წუთის წინ გადმომეცა დოკუმენტაცია, არ ვიცი ვინ არის გამოკითხული და ვინ – არა, როცა საქმის მასალებს გავეცნობი, შემდეგ შევძლებ დეტალურად ვუპასუხო თქვენს შეკითხვებს“, – განაცხადა ნემსიწვერიძემ.

ცნობისთვის, რომეო მიქაუტაძე სახელმწიფო უსაფრთხოების სამსახურმა დააკავა. უწყების ცნობით, მიქაუტაძე თანამდებობრივ გავლენას, სანაცნობო წრესა და გამოცდილებას პირადი სარგებლის მიღების მიზნით უკანონოდ იყენებდა ენერგეტიკულ სფეროში სხვადასხვა პირისთვის არამართლზომიერი უპირატესობის მისანიჭებლად. ამ პირებისთვის უკანონო დახმარების გაწევის სანაცვლოდ კი ის მათგან ენერგოკომპანიებში (ჰესებში) საწარმოს წილებს იღებდა, რომელთა რეალური მესაკუთრე თვითონ იყო, ხოლო წილები ოფიციალურად თავისი ნდობით აღჭურვილ პირებზე ჰქონდა გაფორმებული.

უწყების ცნობითვე, მიქაუტაძე საქართველოს ეკონომიკისა და მდგრადი განვითარების სამინისტროს მაღალ თანამდებობაზე ყოფნის პერიოდში, საჯარო ინტერესის საწინააღმდეგოდ, თავისთვის ან სხვისთვის გამორჩენის ან უპირატესობის მისაღებად, სამსახურებრივ უფლებამოსილებას სისტემატურად ბოროტად იყენებდა, რამაც სახელმწიფოს კანონიერი ინტერესის არსებითი დარღვევა გამოიწვია.

სუს-ის ინფორმაციით, ზემოაღნიშნული უკანონო საქმიანობის შედეგად მიქაუტაძის ოჯახის ქონებრივი მდგომარეობა შესაბამის თანამდებობებზე მისი განწესების შემდეგ მილიონობით ლარით გაიზარდა.

უწყების ცნობით, გამოვლენილია ესპანეთის დედაქალაქ მადრიდში მდებარე საცხოვრებელი ბინის ზემოაღნიშნული უკანონო და დაუსაბუთებელი შემოსავლით 600 000 ევროდ შეძენის ფაქტი. ამასთანავე, მან, მის მიერ მიღებული განსაკუთრებით დიდი ოდენობით უკანონო ან/და დაუსაბუთებელი ქონების წარმოშობის წყაროს დამალვისა და შენიღბვის მიზნით, მილიონ ლარამდე ღირებულების მქონე 2 ერთეული ავტომობილი მისი და თავისი ოჯახის წევრის ნდობით აღჭურვილ პირებზე გააფორმა.

სუს-ის განმარტებით, გამოძიების პროცესში კიდევ უფრო დაზუსტდება როგორც მიქაუტაძის მიერ შემოსავლების უკანონო გზებით მიღების გარემოებები, ისე ამ შემოსავლების ლეგალიზაციის ეპიზოდები.

რომეო მიქაუტაძეს ბრალდება საქართველოს სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტითა და 332-ე მუხლის მე-2 ნაწილით წარედგინა, რაც სასჯელის სახით ითვალისწინებს 9-დან 12 წლამდე ვადით თავისუფლების აღკვეთას“.

 რომეო მიქაუტაძეს ბრალდება წარედგინა – საქართველოს პროკურატურა

საქართველოს პროკურატურამ ეკონომიკისა და მდგრადი განვითარების მინისტრის ყოფილ მოადგილეს, რომეო მიქაუტაძეს ბრალდება წარუდგინა.

საქართველოს პროკურატურის ინფორმაციით, ეკონომიკისა და მდგრადი განვითარების მინისტრის ყოფილ პირველ მოადგილეს ბრალდება სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენების და უკანონო შემოსავლის ლეგალიზაციის ფაქტებზე წარედგინა.

„სახელმწიფო უსაფრთხოების სამსახურის ანტიკორუფციული სააგენტოს მიერ ჩატარებული გამოძიებით დადგენილია, რომ საქართველოს ეკონომიკისა და მდგრადი განვითარების მინისტრის ყოფილი პირველი მოადგილე 2017 წლიდან 2024 წლამდე პერიოდში იკავებდა რა სხვადასხვა უწყებაში მაღალ თანამდებობებს, სისტემატურად ბოროტად იყენებდა სამსახურებრივ უფლებამოსილებას, რასაც თან ახლდა განსაკუთრებით დიდი ოდენობით შემოსავლის მიღება.

2021 წელს, ეკონომიკისა და მდგრადი განვითარების მინისტრის ყოფილმა პირველმა მოადგილემ ბოროტად გამოიყენა თავისი სამსახურებრივი უფლებამოსილება და ავტორიტეტი და საჯარო ინტერესის საწინააღმდეგოდ, გამორჩენის მიღების მიზნით, დაეხმარა ერთ-ერთ კომპანიას მის მიერვე დაფუძნებული შპს-ს სხვა კომპანიისთვის 4 400 000 აშშ დოლარად მიყიდვაში, რის სანაცვლოდაც აღნიშნული კომპანიისგან მიიღო დაახლოებით 400 000 აშშ დოლარი.

ბრალდებულმა კორუფციული საქმიანობის შედეგად მიღებული განსაკუთრებით დიდი ოდენობით უკანონო და დაუსაბუთებელი ქონების წარმოშობის დამალვის და შენიღბვის მიზნით, რომლის ლეგალურ წარმომავლობასაც ვერ დაასაბუთებდა, ამ ქონებისთვის კანონიერი სახის მისაცემად განახორციელა შემდეგი ქმედებები: 2023 წელს, ეკონომიკისა და მდგრადი განვითარების მინისტრის ყოფილი პირველი მოადგილის ოჯახმა, ესპანეთის დედაქალაქ მადრიდში, 120 კვ.მ. ბინის შესაძენად, საქართველოს ბანკიდან გადარიცხა 599 955 ევრო. აღნიშნული თანხა გადაირიცხა ბრალდებულის მეუღლის საბანკო ანგარიშიდან, რაც მას 2023 წლის 26 ივნისს აქვს შეტანილი ნაღდი ფულის სახით მის ანგარიშზე. ვინაიდან აღნიშნული 600 000 ევროს ( 1 713 600 ლარის) ლეგალური გზით წარმომავლობა ბრალდებულს და მის მეუღლეს არ უფიქსირდებოდათ, აღნიშნული თანხის გაურკვეველი წარმოშობის შენიღბვის მიზნით, ბრალდებულსა და მასთან დანაშაულებრივ კავშირში მყოფი პირების შეთანხმების შედეგად, დამზადდა ყალბი ოფიციალური დოკუმენტი, ნასყიდობის ხელშეკრულება, რომლის მიხედვით თითქოს, ბრალდებულის მეუღლის სახელზე რეგისტრირებულ უძრავ ქონებაში 600 000 ევრო უნდა გადაეხადა ხელშეკრულებაში მყიდველად ფიქციურად დაფიქსირებულ პირს, ბრალდებულის მეგობრის პენსიონერ დედას. რეალურად კი, ბრალდებულის ოჯახს ეს ქონება არ გაუსხვისებია და ხელშეკრულების მიზანი იყო მხოლოდ ესპანეთში გადასარიცხი თანხის წარმომავლობის შენიღბვა.

ასევე, ეკონომიკისა და მდგრადი განვითარების მინისტრის ყოფილ პირველ მოადგილეს, ზემოაღნიშნული კორუფციული საქმიანობის შედეგად მიღებული, განსაკუთრებით დიდი ოდენობით უკანონო და დაუსაბუთებელი ქონებისათვის წარმოშობის წყაროს დამალვის და შენიღბვის მიზნით, შეძენილი აქვს ორი ავტომანქანა, 2023 წელს გამოშვებული MERCEDES BENZ G 63 AMG და 2023 წელს გამოშვებული LAND ROVER RANGE ROVER, რომელთა ღირებულებაც ჯამში 842 592 ლარს შეადგენს. აღნიშნული ავტომანქანები ფორმალურად გააფორმა მისი და მისი მეუღლის ნდობით აღჭურვილ პირებზე.

გამოძიების ამ ეტაპზე დგინდება, რომ ხსენებული მეთოდებით ბრალდებულმა მასთან დანაშაულებრივ კავშირში მყოფი პირების დახმარებით განახორციელა განსაკუთრებით დიდი ოდენობით შემოსავლის 2 556 192 ლარის უკანონო დაუსაბუთებელი ლეგალიზაცია.

სამართალდამცველებმა ეკონომიკის და მდგრადი განვითარების მინისტრის ყოფილი პირველი მოადგილე 20 ივნისს დააკავეს. მას ბრალდება საქართველოს სისხლის სამართლის კოდექსის 332-ე მუხლის მე-2 ნაწილით და 194-ე მუხლის მე-3 ნაწილის „გ“ ქვეპუნქტით წარედგინა, რაც სასჯელის სახედ და ზომად 12 წლამდე პატიმრობას ითვალისწინებს“, – აღნიშნულია ინფორმაციაში.

საგამოძიებო უწყების ცნობით, პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.

საქართველოს სახელმწიფო უსაფრთხოების სამსახურში საქმეზე გამოძიება გრძელდება.

,,დაუშვებელია, ირანსა და ისრაელს შორის კონფლიქტმა ახლო აღმოსავლეთში ლტოლვილთა მორიგი კრიზისი გამოიწვიოს”- გაერო-ს ლტოლვილთა უმაღლესი კომისარი 

დაუშვებელია, ირანსა და ისრაელს შორის კონფლიქტმა ახლო აღმოსავლეთში ლტოლვილთა მორიგი კრიზისი გამოიწვიოს, – ამის შესახებ გაერო-ს ლტოლვილთა უმაღლესი კომისარი ფილიპო გრანდი აცხადებს.

როგორც მან აღნიშნა, ადამიანები როდესაც გარბიან, უკან დაბრუნების სწრაფი გზა არ არსებობს.

გაერო-ს ლტოლვილთა სააგენტოს წარმომადგენელი აღნიშნავს, რომ ისრაელსა და ირანს შორის დარტყმების ინტენსიურობამ უკვე გამოიწვია მოსახლეობის გადაადგილება ორივე ქვეყანაში.

მისი თქმით, გავრცელდა ცნობები ასეთი გადაადგილების შესახებ თეირანიდან და ირანის სხვა ნაწილებიდან. ამასთან მოქალაქეთა ნაწილი მეზობელ ქვეყნებში გადავიდა. ასევე, ისრაელზე დარტყმებმა ადამიანები აიძულა, თავი შეაფარონ ქვეყნის სხვა რაიონებს ან, ზოგიერთ შემთხვევაში, სხვა ქვეყნებს.

„ამ რეგიონმა უკვე გადაიტანა ომის, დანაკარგის, მოსახლეობის გადაადგილების თავის წილზე მეტი. ჩვენ ვერ დავუშვებთ, რომ ლტოლვილთა მეორე კრიზისმა გაიდგას ფესვი. დეესკალაციის დროა. როგორც კი ადამიანები იძულებული ხდებიან გაიქცნენ, უკან დაბრუნების სწრაფი გზა არ არსებობს და ძალიან ხშირად ამის შედეგები თაობები გრძელდება“, – განაცხადა ფილიპო გრანდიმ.

,,ფული, რომელსაც ისინი იღებდნენ, არ მოხმარებია იმ დეკლარირებულ მიზნებს, რაც აბრაც აქვთ გამოკრული”- ირაკლი ქადაგიშვილი

არასამთავრობო ორგანიზაციები რატომ ანადგურებენ თავიანთ მასალებს, რატომ არ უნდათ ღიაობა? იმიტომ, ის ფული, რომელსაც ისინი იღებდნენ, არ მოხმარებია იმ დეკლარირებულ მიზნებს, რაც აბრაც აქვთ გამოკრული, – განაცხადა რეგიონული პოლიტიკისა და თვითმმართველობის კომიტეტის თავმჯდომარემ ირაკლი ქადაგიშვილმა „დღის ქრონიკაში“.

მისი განცხადებით, არასამთავრობო ორგანიზაციების საქმეები ფასადურად თითქოს მხოლოდ და მხოლოდ კეთილშობილური საქმეები იყო, მაგრამ ამ არასამთავრობო ორგანიზაციებით რეალურად ფერადი რევოლუციებისთვის განკუთვნილი ბაზა იყო შექმნილი.

„ჩვენ გვახსოვს, რომ მათ შორის არჩევნებზე სადამკვირვებლო არასამთავრობო ორგანიზაციები, როგორც 2020 წელს, ასევე 2024 წლის არჩევნებში, ლაპარაკია ISFED-ზე, პირდაპირ იყო გამოყენებული არჩევნების შედეგების დისკრედიტაციისათვის. ეს ხომ ფაქტებია და ამ ფაქტების აღიარებაც ხომ გვახსოვს, როგორ არ უნდოდათ, როგორ უჭირდათ, თვეების განმავლობაში მალავდნენ. ახლაც ეს არასამთავრობო ორგანიზაციები რატომ ანადგურებენ თავიანთ მასალებს, რატომ არ უნდათ ღიაობა? იმიტომ, ის ფული, რომელსაც ისინი იღებდნენ, არ მოხმარებია იმ დეკლარირებულ მიზნებს, რაც აბრაც აქვთ გამოკრული. სინამდვილეში ამ აბრის უკან სწორედ ეს რევოლუციები იგულისხმებოდა და ეს არასანქცირებული ჩარევები ქართულ პოლიტიკაში, რაც ყველა დემოკრატიული, სახელმწიფოთაშორისი ურთიერთობის, ყველა დიპლომატიის წესით აკრძალულია. მაგრამ როდესაც მიზანი არის – მათივე დამკვიდრებული ფრაზა „რეჟიმ ჩეინჯინგი“ და არა არჩევნების შედეგების პატივისცემა, მაშინ ამ ბრძოლის დროს ყველანაირი ხერხი, როგორც ჩანს, დასაშვებია“, – განაცხადა ირაკლი ქადაგიშვილმა.

„საფარის“ ხელმძღვანელმა, ბაია პატარაიამ განაცხადა, რომ ორგანიზაციის არქივის უდიდესი ნაწილი გაანადგურა, რათა „სენსიტიური ინფორმაცია ხელში არავის ჩაუვარდეს“.

სამწუხაროდ, პაველ ჰერჩინსკი და რამდენიმე ელჩი პირდაპირ იქცნენ კოლექტიური „ნაცმოძრაობის“ არა მხოლოდ ლობისტებად ჩვენს ქვეყანაში, არამედ წევრებად -ირაკლი კირცხალია

სამწუხაროდ, პაველ ჰერჩინსკი და რამდენიმე ელჩი პირდაპირ იქცნენ კოლექტიური „ნაცმოძრაობის“ არა მხოლოდ ლობისტებად ჩვენს ქვეყანაში, არამედ წევრებად და პირდაპირ აკეთებენ პოლიტიკურ განცხადებებს, – ამის შესახებ „ქართული ოცნების“ წევრმა, ირაკლი კირცხალიამ საქართველოში ევროკავშირის ელჩის დღევანდელი განცხადებების კომენტირებისას განაცხადა.

კირცხალიას შეფასებით, ევროკავშირსი ელჩი „რეალობას აცდენილ“ განცხადებებს აკეთებს.

„რამდენიმე თვე გავიდა მისი მხრიდან მსგავსი, სრულიად რეალობას აცდენილი განცხადებიდან და გაიმეორა ზუსტად იგივე. ყველას კარგად გვახსოვს ბატონი მინისტრის განცხადება და შემდეგ ჰერჩინსკის განცხადება, რომელიც ემსახურებოდა იმ არასწორი დესტრუქციული აღქმის ჩამოყალიბებას ქვეყანაში, რასაც საზოგადოების გარკვეულმა ნაწილმა, ასე ვთქვათ, მოუსმინა. კიდევ ერთი მცდელობა ცრუ, დესტრუქციული და ბინძური ილუზიის და აღქმის დათესვაა ჩვენს ქვეყანაში, კიდევ ერთი და ძალიან ხმაურიანი. სხვათა შორის, ზუსტად იმავე სიტყვების ფორმულირება გვახსოვს ჩვენ რამდენიმე თვის წინ მისგან და სრულიად აცდენილია იმ რეალობას, რაც არის და, პირდაპირი მნიშვნელობით, პოლიტიკური კოლექტიური „ნაცმოძრაობის“ განცხადებაა. სხვას მეტს ვერაფერს დავარქმევ. ეს ხალხი, სამწუხაროდ, ბატონი ჰერჩინსკი და რამდენიმე ელჩი პირდაპირ იქცნენ „კოლექტიური ნაცმოძრაობის“ არა მხოლოდ ლობისტებად ჩვენს ქვეყანაში, არამედ წევრებად და პირდაპირ აკეთებენ პოლიტიკურ განცხადებებს. ეს უკვე ჩვევაში გადაუვიდათ და საზოგადოება ამას კარგად ხედავს. წინასაარჩევნოდ რაც უფრო მეტ ასეთ განცხადებას გააკეთებენ ეს ადამიანები, რაც უფრო მეტად ასეთი განცხადებებით შეურაცხყოფას მიაყენებენ ჩვენს მოსახლეობას, ჩვენი ქვეყნის სუვერენიტეტს და დამოუკიდებლობას, მით უფრო მკაცრ პასუხს მიიღებენ არა მხოლოდ ამ არჩევნებზე, არამედ თითოეულ მომდევნო არჩევნებზე, რომელიც იქნება ჩვენს ქვეყანაში, თუ  ესენი გააგრძელებენ ამ მიდგომას“, – განაცხადა ჰერჩინსკიმ.

საქართველოში ევროკავშირის ელჩის, პაველ ჰერჩინკის განცხადებით, 23 ივნისს ევროკავშირის წევრი ქვეყნების საგარეო საქმეთა მინისტრები შეხვდებიან ყოველთვიურ საბჭოზე და იმსჯელებენ იმაზე, თუ რა ხდება საქართველოში. როგორც ევროკავშირის ელჩმა განაცხადა, 27 წევრი სახელმწიფოს სურვილია, საქართველო შეუერთდეს ევროკავშირს, თუმცა ეს უნდა მოხდეს ძალიან მკაფიო კრიტერიუმების საფუძველზე. მისივე თქმით, სამწუხაროდ, სტატუსის მინიჭების შემდეგ საქართველო არ უახლოვდება ევროკავშირის წევრობას.

რა ქონებას ფლობს დაკავებული რომეო მიქაუტაძე და მისი ოჯახი

საქართველოს ეკონომიკისა და მდგრადი განვითარების მინისტრის ყოფილ პირველ მოადგილე რომეო მიქაუტაძეს, რომელიც სუს-მა მილიონობით ლარის უკანონოდ ლეგალიზაციის საქმეზე დააკავა, ქონებრივი დეკლარაცია ბოლოს 2024 წლის 10 აპრილს აქვს შევსებული.

დოკუმენტის მიხედვით, პოლიტიკოსს ჰყავს მეუღლე – ნინო მიქაუტაძე. სწორედ მეუღლის სახელზეა 2024 წელს მადრიდში, ბარბიერის ქუჩაზე, 660 000 ევროდ ნაყიდი ბინა, რომლის ფართობი 120 კვადრატულ მეტრს შეადგენს. ასევე, გარდაბანში შეძენილი წყნეთის სატყეო უბანი – 2023 წლის თებერვალში, 320 000 აშშ დოლარად, ფართობი 2 316 კვადრატული მეტრია.

მინისტრის ყოფილი პირველი მოადგილის ოჯახმა მადრიდსა და გარდაბანში ნახსენებ ორ ობიექტში ჯამურად, სულ მცირე, 2.5 მლნ ლარი გადაიხადა.

გთავაზობთ რომეო მიქაუტაძისა და მისი მეუღლის საკუთრებაში არსებულ ქონებას, 2024 წლის 10 აპრილის მდგომარეობით:

  • ბინა მადრიდში, 120 კვადრატული მეტრი, ბარბიერის ქუჩა #15 (ნინო მიქაუტაძის საკუთრება 100%) – შეიძინა 660 000 ევროდ, 2024 წელს
  • მიწის ნაკვეთი გარდაბანში, წყნეთის სატყეო უბანში (ნინო მიქაუტაძის საკუთრება 100%) – შეიძინა 320 000 აშშ დოლარად, 2023 წლის 9 თებერვალს
  • კომერციული ფართი, 300 კვადრატული მეტრი, სასტუმრო (ეზო), თბილისში ბეთლემის ქუჩა #15 (ნინო მიქაუტაძის საკუთრება 50%) – შეიძინა 2021 წელს, გადახდის გრაფაში 0 ლარი / დოლარი / ევროა მითითებული
  • კომერციული ფართი, 479 კვადრატული მეტრი, სასტუმრო, თბილისში ბეთლემის ქუჩა #15 (ნინო მიქაუტაძის საკუთრება 50%) – შეიძინა 825 000 აშშ დოლარად, 2020 წლის 24 დეკემბერს
  • მიწის ნაკვეთი ქალაქ დედოფლისწყაროში, 831 კვადრატული მეტრი (ნინო მიქაუტაძის საკუთრება 100%) – შეიძინა 12 000 აშშ დოლარად, 2022 წლის 14 ნოემბერს
  • ბინა (180 კვადრატული მეტრი), სარდაფი (127 კვადრატული მეტრი) და სათავსო (4.9 კვადრატული მეტრი), თბილისში, ილია ჭავჭავაძის გამზირი #11 (რომეო მიქაუტაძის საკუთრება 100%) – შეიძინა 240 000 აშშ დოლარად, 2018 წლის 15 თებერვალს
  • კრიპტო ვალუტა რიპლი (რომეო მიქაუტაძის საკუთრება 100%) – შეიძინა 13 000 აშშ დოლარად, 2020 წელს
  • კრიპტო ვალუტა შიბა ინუ (რომეო მიქაუტაძის საკუთრება 100%) – შეიძინა 3 000 აშშ დოლარად, 2021 წელს
  • შპს ჯორჯიან ენერგო სერვისი საქართველო (რომეო მიქაუტაძის წილი 25%)
  • შპს როქსთოუნი საქართველო (რომეო მიქაუტაძის წილი 23%)
  • შპს ბლუბერი ლაბ საქართველო (რომეო მიქაუტაძის წილი 33%)
  • შპს პარაგონი საქართველო (ნინო მიქაუტაძე, დირექტორი – უვადო; წილი 50%)
  • შპს ვიუ ფოინთი საქართველო (ნინო მიქაუტაძე დირექტორი – უვადო; წილი 50%)
  • შპს ლითლ ვან საქართველო (ნინო მიქაუტაძე – დამფუძნებელი; წილი 100%)
  • შპს მ და ბ საქართველო (ნინო მიქაუტაძე – დამფუძნებელი; წილი 100%)
  • შპს მინი მი Georgia (ნინო მიქაუტაძე – დამფუძნებელი; წილი 100%)

რომეო მიქაუტაძეს 2023 წლის 1-ლი იანვრიდან 31 დეკემბრის ჩათვლით, საქართველოს ეკონომიკისა და მდგარი განვითარების მინისტრის პირველი მოადგილის რანგში, ხელფასის სახით, 85 470 ლარი აქვს მიღებული.

ნინო მიქაუტაძეს, დროის ამავე პერიოდში, შპს ვრ მენეჯმენტში, კომპანიის მარკეტინგის განვითარების მიმართულებით მრჩეველის რანგში, ხელფასის სახით, 168 000 ლარი აქვს მიღებული; ხოლო შპს ვიუ ფოინთში, კომპანიის დირექტორის რანგში – 98 230 ლარი.

გარდა ამისა, დეკლარაციის შევსების მომენტში, რომეო მიქაუტაძეს სხვადასხვა ბანკების ანგარიშებზე ჯამურად 16 555 ლარი, 60.79 ევრო და 1.44 აშშ დოლარი ჰქონდა. ასევე, დანაზოგის სახით – 115 000 აშშ დოლარი.

წყარო: bpn.ge

“მე, როგორც ევროკავშირის ელჩს, მაქვს პრინციპი, რომ არ გავაკეთო კომენტარი სხვის მიერ გაკეთებულ კომენტარებზე, მე წარმოვადგენ მხოლოდ ევროკავშირს, რომელიც ყოველთვის მხარს უჭერს მშვიდობას და დიალოგს” -პაველ ჰერჩინსკი 

მზია ამაღლობელის საქმე გულსატკენია, მას ემუქრება შვიდ წლამდე პატიმრობა. ჩვენ უნდა დაველოდოთ სასამართლო პროცესის დასრულებას. ჩვენ, ყველანი ვაკვირდებით მას ყურადღებით და ვიმედოვნებთ, რომ სამართალი აღსრულდება, – ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.

მისი თქმით, საქართველოში მრავალი აქტივისტის, პოლიტიკოსის, ადამიანის მიმართ უკიდურესად არაპროპორციული განაჩენი დგება.

„საქართველოში წარმოვადგენ ევროკავშირის პოზიციას, რომელიც ყოველთვის უჭერს მხარს მშვიდობას, დიალოგს და ჩვენ გულწრფელად ვიმედოვნებთ, რომ საქართველოში ამჟამინდელი ღრმა პოლიტიკური კრიზისი გადაიჭრება მშვიდობიანი გზით, დიალოგის გზით, ქართველების აბსოლუტური უმრავლესობის სურვილის საფუძველზე, რომ საქართველო ევროკავშირის წევრი გახდეს. ამავე დროს ევროკავშირი ძალიან მტკიცედ დგას ღირებულებების, თავისუფლების, დემოკრატიისა და ადამიანის უფლებების მხარდასაჭერად. ეს ღირებულებები მოლაპარაკებებს არ ექვემდებარება. საქართველოში ვხედავთ მრავალი აქტივისტის, პოლიტიკოსის, ადამიანის მიმართ უკიდურესად არაპროპორციულ განაჩენებს და მზიას საქმე არის ნამდვილად გულსატკენი. ადამიანი, უმაღლესი ჟურნალისტური სტანდარტებით, დაპატიმრებულია დაახლოებით ნახევარი წლის განმავლობაში და ემუქრება შვიდ წლამდე პატიმრობა. ის იყო ყოველთვის კრიტიკული ყველა ხელისუფლების მიმართ. ის, რაც მან გააკეთა, არ შეესაბამება იმ განაჩენს, რომელიც შესაძლოა, გამოუტანონ. ჩვენ უნდა დაველოდოთ სასამართლო პროცესის დასრულებას. თქვენ ნახეთ ორი დღის წინ ევროპარლამენტის მიერ მიღებული რეზოლუცია. ჩვენ, ყველანი ვაკვირდებით ამას ყურადღებით და ვიმედოვნებთ, რომ სამართალი აღსრულდება“, – განაცხადა პაველ ჰერჩინსკიმ.

მისი თქმით, ევროკავშირს სურს, საქართველო იყოს დემოკრატიული ქვეყანა, სადაც კანონის უზენაესობა დაცულია, სადაც ადამიანებს აქვთ სიტყვის, შეკრების თავისუფლება.

„ევროკავშირს სურს, საქართველო იყოს დემოკრატიული ქვეყანა, სადაც კანონის უზენაესობა დაცულია, სადაც ადამიანებს აქვთ სიტყვის თავისუფლება, სადაც ადამიანებს აქვთ შეკრების თავისუფლება და ქვეყანა, რომელიც უახლოვდება ევროკავშირს, რათა გახდეს ევროკავშირის სრულფასოვანი წევრი. ეს რომ მოხდეს, ადამიანის უფლებების, კანონის უზენაესობა, ფუნდამენტური თავისუფლებები, შეკრების თავისუფლება, სიტყვის თავისუფლება უნდა იყოს დაცული საქართველოში“, – განაცხადა პაველ ჰერჩინსკიმ.

რომეო მიქაუტაძის დაკავება კორუფციასთან ბრძოლასთან კავშირში არ არის, სახეზეა შიდა კლანური დაპირისპირება -ლევან სანიკიძე

რომეო მიქაუტაძის დაკავება კორუფციასთან ბრძოლასთან კავშირში არ არის, ღარიბაშვილის დროს ის იყო შავი სალაროს მთავარი ხაზინადარი, როგორც ჩანს, კობახიძემ ხალხისგან მოპარული ფული ერთი ჯიბიდან მეორეში უნდა გადადოს, – ამის შესახებ „ნაციონალური მოძრაობის“ ერთ-ერთმა ლიდერმა, ლევან სანიკიძემ განაცხადა.

მისი თქმით, სახეზეა შიდა კლანური დაპირისპირება.

„რომეო მიქაუტაძის დაკავება საერთოდ არანაირ კავშირში არ არის კორუფციასთან ბრძოლასთან. ეს იყო პირი, რომელიც ღარიბაშვილის პრემიერ-მინისტრობის დროს შავი სალაროს მთავარი ხაზინადარი იყო და, როგორც ჩანს, ქართველი ხალხისგან მოპარული ფული კობახიძემ ერთი ჯიბიდან მეორე ჯიბეში უნდა გადადოს. ეს არის შიდა კლანური დაპირისპირება. ივანიშვილის პარტია არ არის მონოლითი. სახეზეა უამრავი კლანური დაპირისპირება, რაც, ჩვენი აზრით, უფრო მეტად უნდა იყოს გამოყენებული დემოკრატიული საზოგადოების მიერ“, – განაცხადა ლევან სანიკიძემ.

სუს-მა სამსახურებრივი უფლებამოსილების ბოროტად გამოყენებისა და მილიონობით ლარის უკანონო შემოსავლის ლეგალიზაციის ფაქტებზე, სასამართლოს განჩინების საფუძველზე, ეკონომიკისა და მდგრადი განვითარების მინისტრის ყოფილი მოადგილე რომეო მიქაუტაძე დააკავა. დანაშაული სასჯელის სახით ითვალისწინებს 9-დან 12 წლამდე ვადით თავისუფლების აღკვეთას.

ისრაელში, სადეპორტო დაწესებულებაში მყოფი, საქართველოს 17 მოქალაქე საქართველოში გამოემგზავრა

ისრაელში, სადეპორტო დაწესებულებაში მყოფი, საქართველოს 17 მოქალაქე საქართველოში გამოემგზავრა.

ქართულმა მხარემ, ისრაელის შესაბამის სამსახურებთან ახლო კოორდინაციით, უზრუნველყო საქართველოს მოქალაქეების უმოკლეს ვადაში სამშობლოში უსაფრთხოდ დაბრუნება.

ისრაელში საქართველოს საელჩო შექმნილი ვითარების გამო განაგრძობს მუშაობას საგანგებო რეჟიმში. საქართველოს მოქალაქეებისთვის ამოქმედებულია ცხელი ხაზი, ამ დრომდე საქართველოს საელჩომ კონსულტაცია და საჭირო დახმარება გაუწია 500-ზე მეტ საქართველოს მოქალაქეს.

აღსანიშნავია, რომ ისრაელში მყოფ პირებს, სურვილის შემთხვევაში შესაძლებლობა აქვთ, ქვეყანა დატოვონ სახმელეთო გზით, როგორც ისრაელი-იორდანიის სასაზღვრო გამშვები პუნქტით , ასევე, ისრაელი-ეგვიპტის სასაზღვრო გამშვები პუნქტით – TABA.

სახმელეთო გზით დატოვების მსურველმა მოქალაქემ თან უნდა იქონიოს საქართველოს მოქალაქის მოქმედი პასპორტი. ბოლო დროინდელი მოვლენების ფონზე, სახმელეთო გზით ისრაელი საქართველოს 1000-მდე მოქალაქემ დატოვა.

მე არ მივიღებ ნობელის მშვიდობის პრემიას განურჩევლად იმისა, თუ რას ვაკეთებ, თუმცა ხალხმა იცის და ეს არის ჩემთვის მნიშვნელოვანი -დონალდ ტრამპი

აშშ-ის პრეზიდენტი დონალდ ტრამპი აცხადებს, რომ მას მსოფლიოში კონფლიქტების შეჩერებისა და მშვიდობის დამყარებისთვის ნობელის პრემიას არ მისცემენ. ამის შესახებ ტრამპმა თავის სოციალურ ქსელში დაწერა.

ტრამპმა განახადა, რომ აშშ-ის სახელმწიფო მდივანთან, მარკ რუბიოსთან ერთად მიაღწია შესანიშნავს შეთანხმებას კონგოს დემოკრატიულ რესპუბლიკასა და რუანდას შორის სისხლისღვრის დასასრულებლად, რომელიც ათეულობით წელია, გრძელდება.

„რუანდის და კონგოს წარმომადგენლები ვაშინგტონში ორშაბათს იქნებიან დოკუმენტებზე ხელმოსაწერად. ეს არის დიდი დღე აფრიკისთვის და, გულწრფელად გითხრათ, დიდი დღე მთელი მსოფლიოსთვის! მე არ მივიღებ ნობელის მშვიდობის პრემიას ამისთვის, მე არ მივიღებ ნობელის მშვიდობის პრემიას ინდოეთსა და პაკისტანს შორის ომის შეჩერებისთვის, მე არ მივიღებ ნობელის მშვიდობის პრემიას სერბეთსა და კოსოვოს შორის ომის შეჩერებისთვის, არ მივიღებ ნობელის მშვიდობის პრემიას ეგვიპტესა და ეთიოპიას შორის მშვიდობის შენარჩუნებისთვის; არ მივიღებ ნობელის მშვიდობის პრემიას ახლო აღმოსავლეთში აბრაამის შეთანხმებისთვის, რომელიც, ყველაფერი თუ კარგად წარიმართება, ბოლომდე გაივსება დამატებითი ქვეყნების ხელმოწერებით და პირველად საუკუნეების განმავლობაში გააერთიანებს ახლო აღმოსავლეთს! არა, მე არ მივიღებ ნობელის მშვიდობის პრემიას, განურჩევლად იმისა, რას ვაკეთებ, მათ შორის რუსეთ-უკრაინასა და ისრაელ-ირანთან დაკავშირებით, მიუხედავად იმისა, რა შედეგები იქნება, თუმცა ხალხმა იცის და ეს არის ჩემთვის მნიშვნელოვანი“, – წერს ტრამპი.

123...2,823Page 2 of 2,823
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი