საქართველოს პრემიერ-მინისტრი ირაკლი კობახიძე აბიტურიენტებს ერთიან ეროვნულ გამოცდებში წარმატებებს უსურვებს.

როგორც პრემიერი აღნიშნავს, საქართველოს მომავალი, წინსვლა და კეთილდღეობა მხოლოდ განათლებულ საზოგადოებას ეფუძნება.

„ძვირფასო აბიტურიენტებო, დღეს თქვენს ცხოვრებაში უმნიშვნელოვანესი და ერთ-ერთი ყველაზე საპასუხისმგებლო ეტაპი იწყება. ერთიანი ეროვნული გამოცდები თქვენი მრავალწლიანი შრომის კულმინაციაა.

მჯერა, ამ ეტაპს თითოეული თქვენგანი ღირსეულად, ცოდნისა და უნარების მაქსიმალური მობილიზებით შეხვდება.

ჩვენი ქვეყნის მომავალი, მისი წინსვლა და კეთილდღეობა მხოლოდ განათლებულ საზოგადოებას ეფუძნება. ამიტომ, თქვენი ყოველი ნაბიჯი წინ, პირადი განვითარებისკენ, ამავდროულად საქართველოს უკეთესი ხვალინდელი დღისკენ გადადგმული ნაბიჯია.
გისურვებთ წარმატებას და ყველა მიზნის მიღწევას ამ ახალ და საინტერესო გზაზე“, – აღნიშნულია პრემიერის მიმართვაში.

ერთიანი ეროვნული გამოცდები დაიწყო დღეს ქართული ენისა და ლიტერატურის გამოცდით დაიწყო.

საქართველოს განათლების, მეცნიერებისა და ახალგაზრდობის მინისტრი გივი მიქანაძე ეროვნული გამოცდების დაწყებამდე აბიტურიენტებს მიმართავს და მათ წარმატებებს უსურვებს. მინისტრის მიმართვას განათლების სამინისტრო ავრცელებს.

„დღეს ათასობით აბიტურიენტისთვის ცხოვრების ახალი ეტაპი იწყება, რაც თითოეული მათგანის შრომისა და თავდადების შედეგია. ყველა თქვენგანს წარმატებას, თავდაჯერებულობასა და სიმშვიდეს გისურვებთ. მჯერა, ყველა გამოწვევას ღირსეულად დაძლევთ და შრომითა და მონდომებით თქვენთვის სასურველ პროფესიას დაეუფლებით.

ციფრულ ეპოქაში, როდესაც ყველაფერი ძალიან სწრაფად იცვლება, შრომისმოყვარეობა და მიზანდასახულობა უმთავრესია. დარწმუნებული ვარ, თქვენი ნიჭიერებით ახალ გამოწვევებს ფეხს ადვილად აუწყობთ.

გახსოვდეთ, თითოეული თქვენგანი საკუთარ მომავალს პირველ რიგში საკუთარი თავისთვის, ოჯახისთვის და ჩვენი ქვეყნისთვის ქმნით. სწორედ ამიტომ, განათლების ყველა საფეხურზე ჩვენგან მაქსიმალური მხარდაჭერა გექნებათ.

გისურვებთ, ყოველმა ახალმა დღემ დაგაახლოოთ თქვენს მიზნებთან და ოცნებებთან. არ შეგეშინდეთ გამოწვევების, იყავით გაბედულები, რადგან სწორედ გაბედულები ქმნიან ისტორიას”, – ნათქვამია მინისტრის მიმართვაში.

დღეიდან ერთიანი ეროვნული გამოცდები იწყება. პირველ გამოცდას აბიტურიენტები ქართულ ენასა და ლიტერატურაში გაივლიან.

პირველ სესიაზე რეგისტრაცია მთელი საქართველოს მასშტაბით გახსნილ 24-ვე საგამოცდო ცენტრში ერთდროულად ზუსტად 08:00 საათზე, გამოცდა კი 09:00 საათზე დაიწყება. მეორე სესიაზე განაწილებული გამოსაცდელები რეგისტრაციისათვის საგამოცდო ცენტრებში 14:00 საათზე უნდა გამოცხადნენ. გამოცდა კი 15:00 საათზე დაიწყება.

წელს ერთიანი ეროვნული გამოცდებისათვის დარეგისტრირდა 39 000-ზე მეტი აბიტურიენტი.

ყოველ გამოცდაზე გამოსაცდელი დროულად უნდა გამოცხადდეს პირადობის დამადასტურებელი დოკუმენტითა და საგამოცდო ბარათით. შეფასებისა და გამოცდების ეროვნული ცენტრი კიდევ ერთხელ შეახსენებს გამოსაცდელებს, რომ რეგისტრაციის დასრულების შემდეგ ისინი გამოცდაზე აღარ დაიშვებიან.

გამოსაცდელებს თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, თელავში, ხულოსა და ამბროლაურში გახსნილი საგამოცდო ცენტრები მოემსახურება.

მიმდებარე ტერიტორიაზე მობილიზებულია სასწრაფო დახმარების მანქანები, სამაშველო სამსახური და საპატრულო პოლიცია. თბილისში მეტროსადგურებიდან საგამოცდო ცენტრამდე გამოსაცდელებს ყოველ საგამოცდო დღეს დამატებითი ტრანსპორტი ემსახურება.

ვერძი

მოულოდნელობებით სავსე დღეა. თავი შეიკავეთ ფულის დაბანდების და მსხვილი შესყიდვებისგან – პლანეტების არახელსაყრელმა განლაგებამ შეიძლება, ფინანსური ზარალი გამოიწვიოს. ეცადეთ, პრიორიტეტები განსაზღვროთ და ძალები თანაბრად გაანაწილოთ – ეს უსიამოვნებებს თავიდან აგაცილებთ. ხელსაყრელი დღეა მოგზაურობისა და მოგზაურობისთვის. ეცადეთ ოჯახს ყურადღება არ მოაკლოთ. თქვენი ტაქტი და მოთმინება ოჯახში ნდობისა და კომფორტის ატმოსფეროს შექმნის.

კურო

ხელსაყრელი დღეა მნიშვნელოვანი საქმის დაწყებისთვის, ინფორმაციის მიღებისა და სასარგებლოდ გამოყენებისთვის. ფრთხილად იყავით, რომ სამსახურში შეცდომები არ დაუშვათ და კრიტიკა არ დაიმსახუროთ. სასიცოცხლო პოტენციალი იმდენად მაღალია, რომ რეალობის შეფასება გიჭირთ. მოერიდეთ ნაჩქარევი დასკვნების გამოტანას და საერთო მიზნების შესაბამისად იმოქმედეთ.

ტყუპები

ეს დღე აურის შესუსტებას, დეპრესიას და ცდუნებებს უკავშირდება. ფრთხილად იყავით, რომ პროფესიულ საქმიანობაში ან პირად ცხოვრებაში შეცდომები არ დაუშვათ. სასიცოცხლო პოტენციალი იმდენად დაბალია, რომ მოვლენების ობიექტურად შეფასება გიჭირთ.

კირჩხიბი

დღეს შეიძლება, რაღაც ისეთი მოხდეს, რაც თქვენს საქმესა და ჯანმრთელობაზე გავლენას მოახდენს. განსაკუთრებით ფრთხილად საჯარო მოხელეები უნდა იყვნენ, რომლებსაც მუშაობის დაწყებამდე ყველა წვრილმანის გათვალისწინება მოუწევთ. შეგიძლიათ, ჯანმრთელობის მდგომარეობაზე არ ინერვიულოთ. ეს ერთადერთია, რაშიც სირთულეები არ არის მოსალოდნელი.

ლომი

ეს დღე პროფესიული საქმიანობისა და შემოქმედების და სფეროში დიდ შესაძლებლობებს შემოგთავაზებთ. გარშემომყოფებისგან გაწონასწორებული ხასიათი, კეთილგანწყობა და თანაგრძნობის უნარი გამოგარჩევთ. ამ დღეს ნებისმიერ, თუნდაც ყველაზე რთულ საქმეში წარმატება გელით. შეგიძლიათ, თანამოაზრეების დახმარების იმედი გქონდეთ – საქმის რაციონალური ორგანიზება სასურველ შედეგებს მოგიტანთ. მშვენიერი დღეა სასიყვარულო და რომანტიკული თავგადასავლებისთვის.

ქალწული

ამ დღეს პრობლემები მოსალოდნელი არ არის. საქმეების რაციონალურად დაგეგმვის და ძალების სწორად განაწილების უნარი მიზნის მიღწევაში დაგეხმარებათ. ხელსაყრელი დღეა მოგზაურობის, საქმიანი ვიზიტებისა და მოგზაურობისთვის. საზოგადოებრივ მოღვაწეებს, იურისტებს და ექიმებს პროფესიული წარმატებები ელით.

სასწორი

დაძაბული დღეა, რომელსაც ჯანმრთელობასთან დაკავშირებული რისკები ახლავს. არ არის გამორიცხული, რომ უსიამოვნო სიახლემ შინაგანი წონასწორობა დაგირღვიოთ და ოჯახში არახელსაყრელი გარემო შექმნას. სასწორ ქალებს ვურჩევთ, საკუთარი მოსაზრებების სხვებისთვის თავსმოხვევას მოერიდონ. მამაკაცებმა სასურველია, საღამო სახლის გარეთ გაატარონ.

მორიელი

ფრთხილად იყავით – მოზღვავებულმა ენერგიამ შეიძლება, პრობლემები შეგიქმნათ. მოსალოდნელია კონფლიქტი გარშემო მყოფებთან. გირჩევთ, პარტნიორებთან ურთიერთობაში საკუთარი დამოუკიდებლობა ბოროტად არ გამოიყენოთ. გახსოვდეთ, რომ საქმის წარმატება დიდწილად მათზეა დამოკიდებული. საპირისპირო სქესთან ურთიერთობა დამოკიდებულია გარემოებებზე.

მშვილდოსანი

ამ დღეს ახლავს აურის შესუსტება, დეპრესია და ცდუნებებისკენ სწრაფვა. ფრთხილად იყავით, რომ სამსახურში და პირად ცხოვრებაში შეცდომები არ დაუშვათ. სასიცოცხლო პოტენციალი ძალიან დაბალ დონეზეა, ამიტომ პარტნიორებთან და უფროსებთან კონტაქტი რთული იქნება. ამ დღეს ნებისმიერი საქმე დიდ ძალისხმევას მოითხოვს, ხოლო შედეგები მოლოდინს არ გაამართლებს.

თხის რქა

კვირის დასაწყისი ხელსაყრელი იქნება. კომერციული საქმიანობა და სარისკო ოპერაციები წარმატებული იქნება. მოსალოდნელია ხანგრძლივი მოგზაურობა და საინტერესო ადამიანებთან შეხვედრები. არ არის გამორიცხული ახალი რომანის დაწყება ან ძველი ურთიერთობების განახლება. საქმეების რაციონალურად დაგეგმვისა და ძალების სწორად განაწილების უნარი მიზნის მიღწევაში დაგეხმარებათ.

მერწყული

ამ დღეს თქვენი საქმიანი და შემოქმედებითი უნარები მცირდება. ეცადეთ, ამ დღის უარყოფითი ტენდენციები გულთან ახლოს არ მიიტანოთ. დეპრესიას და თვითგვემას ნუ მიეცემით, რადგან ეს ვერაფერს შეცვლის. ეცადეთ, საკუთარი პრობლემებიდან ყურადღება გარშემომყოფი ადამიანების პრობლემებზე გადაიტანოთ. შეიძლება ამის მერე მიხვდეთ, რომ თქვენი საქმე არც ისე ცუდად არის.

თევზები

ეცადეთ, ამ დღის უმეტესი ნაწილი ორგანიზაციულ მუშაობას დაუთმოთ. განსაკუთრებული ყურადღება ახალი კონტაქტების დამყარებას და მატერიალური ბაზის მომზადებას უნდა დაუთმოთ. ბევრი თევზი ამას სწრაფად და მარტივად მოახერხებს. შეეცადეთ, მარტივი ფულის გამომუშავების ცდუნებას არ აჰყვეთ. გახსოვდეთ, რომ უფასო ყველი მხოლოდ სათაგურშია. დღეს შეიძლება მოხდეს ისეთი რამ, რაც სერიოზულად იმოქმედებს თქვენს საქმესა და ჯანმრთელობაზე.