რიჟვაძეს დაუბრუნებია სააკაშვილი პოლიტიკაში. თორნიკე, რა ქენი ეს – ჯერ ფიზიკურად რომ დაბრუნდა სააკაშვილი, რა ქნა და ახლა პოლიტიკურად რომ დაბრუნდება, მერე რას იზამს, ვის დაკარგვია? თუ დაბრუნდება, საჩუქარი იქნება ჩვენთვის, – ასე ეხმიანება ფრაქცია “ქართული ოცნების” თავმჯდომარე მამუკა მდინარაძე მიხეილ სააკაშვილის განცხადებას ქართულ პოლიტიკაში აქტიურად დაბრუნების თაობაზე.

მისივე თქმით, სააკაშვილი რომ პოლიტიკაში დაბრუნდეს, ჯერ საქართველოს მოქალაქეობა უნდა მიიღოს, რასაც თავისი პროცედურები აქვს და “კრიტერიუმებს თუ დააკმაყოფილებს – გამოცდები და მთელი ამბავია”.

“ქართულ პოლიტიკაში რომ დაბრუნდეს სააკაშვილი, საჭიროა მიიღოს საქართველოს მოქალაქეობა, უცხო ქვეყნის მოქალაქე ქართულ პოლიტიკაში ვერ ჩაერევა. ამიტომ ჯერ უნდა თქვას, საქართველოს მოქალაქეობას მივიღებო, რომელზეც უარი ვთქვიო. ამის შემდეგ შეიძლება სერიოზულად აღვიქვათ. ჯერ უნდა მოითხოვოს მოქალაქეობა შესაბამისი კრიტერიუმებით და ახლა ეს არის წმინდა წყლის მდარე “ფეიკ პიარი”, სად ბრუნდება, როგორ ბრუნდება, ჯერ ფიზიკურად რომ დაბრუნდა, რა ქნა, ახლა პოლიტიკურად რომ დაბრუნდება, მერე რას იზამს, ვის დაკარგვია? დამნაშავეა სისხლის სამართლის და “ქართულ ოცნებას” მხოლოდ და მხოლოდ გამოადგება, თუ დაბრუნდება, საჩუქარი იქნება, რადგან რამდენჯერაც დაინახავს ქართველი ადამიანი სააკაშვილს, სიმბოლოა ეს კაცი ბოროტების და მიხვდება, როგორ უნდა განასხვაოს ბოროტი და კეთილი, ბნელი და ნათელი,”- განაცხადა მდინარაძემ.

ინფორმაციისთვის, საქართველოს მესამე პრეზიდენტის, მიხეილ სააკაშვილის განცხადებით, ქართულ პოლიტიკაში აქტიურად ბრუნდება. მისივე თქმით, “ბოლო წვეთი იყო იმ მოღალატეების აღლუმი აჭარის უზენაეს საბჭოში”.

“საქართველოს ღალატმა და გარუსების მცდელობამ შეაღწია უკვე ყველა დონეზე. მიუხედავად ჯანმრთელობის მდგომარეობისა, ვაპირებ ძალიან აქტიურად ჩართვას ქართულ პოლიტიკაში, უკრაინაში ჩართულობის პარალელურად,” – აღნიშნავს სააკაშვილი.

სად ბრუნდება?! როგორ ბრუნდება?! ფიზიკურად რომ დაბრუნდა რა ქნა?! ახლა პოლიტიკურად რომ დაბრუნდება მერე რას იზამს?! ვის დაჰკარგვია?!, – ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ ჟურნალისტებთან განაცხადა.

მისივე თქმით, „ქართულ ოცნებას“ მიხეილ სააკაშვილის ქართულ პოლიტიკაში დაბრუნება მხოლოდ წაადგება.

„იმისთვის, რომ მიხეილ სააკაშვილი ქართულ პოლიტიკაში დაბრუნდეს, მან საქართველოს მოქალაქეობა უნდა მიიღოს. უცხო ქვეყნის მოქალაქე საქართველოს პოლიტიკაში ვერ ჩაერევა. შესაბამისად, ჯერ საქართველოს მოქალაქეობა უნდა მოითხოვოს შესაბამისი კრიტერიუმებით და ამის შემდეგ შეიძლება სერიოზულად აღვიქვათ. ახლა წმინდა წყლის მდარე ფეიკ პიარია. სად ბრუნდება? როგორ ბრუნდება? ფიზიკურად რომ დაბრუნდა რა ქნა?! ახლა პოლიტიკურად რომ დაბრუნდება მერე რას იზამს?! ვის დაჰკარგვია?! დამნაშავეა სისხლის სამართლის და გულწრფელად გეტყვით, „ქართული ოცნებისთვის“ მისი დაბრუნება ქართულ პოლიტიკაში საჩუქარი იქნება და ძალიან გამოადგება იმიტომ, რომ რამდენჯერ ქართველი ადამიანი მიხეილ სააკაშვილს დაინახავს, ეს კაცი ბოროტების სიმბოლოა და მიხვდება როგორ უნდა განასხვაოს ბოროტი და კეთილი, ბნელი და ნათელი“, – აღნიშნა მდინარაძემ.

საქართველოს  ყოფილი პრეზიდენტის, მიხეილ სააკაშვილის განცხადებით, ქართულ პოლიტიკაში აქტიურად ბრუნდება. მისივე თქმით, “ბოლო წვეთი იყო იმ მოღალატეების აღლუმი აჭარის უზენაეს საბჭოში”.

“საქართველოს ღალატმა და გარუსების მცდელობამ შეაღწია უკვე ყველა დონეზე. მიუხედავად ჯანმრთელობის მდგომარეობისა, ვაპირებ ძალიან აქტიურად ჩართვას ქართულ პოლიტიკაში, უკრაინაში ჩართულობის პარალელურად,” – აღნიშნავს სააკაშვილი.

რუსეთის მიერ უკრაინაში ხელმეორე შეჭრამ მნიშვნელოვნად შეცვალა გეოპოლიტიკური ვითარება და, ამასთან ერთად, დასავლეთის დამოკიდებულებაც, – ამის შესახებ საქართველოს პარლამენტის თავმჯდომარე შალვა პაპუაშვილი Civili.ge-ში გამოქვეყნებულ წერილში წერს.

როგორც საქართველოს პარლამენტის თავმჯდომარე აღნიშნავს, საკუთარი უსაფრთხოების გამოწვევების მიუხედავად, საქართველომ, შესაძლებლობების ფარგლებში, მხარი დაუჭირა უკრაინას.

მისი თქმით, საქართველო იყო ყველა საერთაშორისო პლატფორმაზე უკრაინასთან დაკავშირებული ყველა საერთაშორისო სამართლებრივი ინიციატივის თანაავტორი და მხარდამჭერი.

,,ამჯერად, დასავლეთი რეალურად შეეწინააღმდეგა რუსულ პოლიტიკას. საკუთარი უსაფრთხოების გამოწვევების მიუხედავად, საქართველომ, შესაძლებლობების ფარგლებში, მხარი დაუჭირა უკრაინას. ჩვენ ვიყავით ყველა საერთაშორისო პლატფორმაზე უკრაინასთან დაკავშირებული ყველა საერთაშორისო სამართლებრივი ინიციატივის თანაავტორი და მხარდამჭერი. აგრეთვე, მივიღეთ ათიათასობით უკრაინელი ლტოლვილი, რუსეთის მიერ ოკუპირებული საქართველოს ტერიტორიებიდან ჩვენს 300,000 იძულებით გადაადგილებულ პირთან ერთად.ჩვენი რთული გეოსტრატეგიული ვითარების გათვალისწინებით, საქართველოს რუსეთის მიმართ მხოლოდ სტრატეგიული მოთმინების იმ პასუხისმგებლიანი პოლიტიკის შენარჩუნება შეეძლო, რომელსაც წლების განმავლობაში ფრთხილად ატარებდა. ეს პოლიტიკა, რომელსაც წლების განმავლობაში მხარს უჭერდნენ ჩვენი სტრატეგიული პარტნიორები, ასევე, გულისხმობს უარის თქმას რუსეთის წინააღმდეგ ორმხრივი სანქციების შემოღებაზე. ის, აგრეთვე, გულისხმობს იმას, რომ საქართველომ არ დააწესოს სანქციები საქართველოსთან პირდაპირი ფრენების განახლების თაობაზე რუსეთის მიერ მიღებული გადაწყვეტილების გამო. იმის მიუხედავად, რომ საქართველოს პოლიტიკა კვლავ მტკიცედ პროუკრაინული, ევროკავშირსა და ნატოზე ორიენტირებულია, ახსნა-განმარტების გარეშე საქართველოს ახლა უკვე პრორუსულობის გამო აკრიტიკებენ. ჩვენი მოქალაქეები ნეგატიურად აღიქვამენ ჩვენი დასავლელი პარტნიორების მხრიდან მსგავს არათანმიმდევრულ და უსაფუძვლო კრიტიკას. თავად განსაჯეთ: ისინი, ვინც წლების განმავლობაში რუსეთისთვის წინააღმდეგობის გაწევის მხრივ ზედმეტად ფრთხილები იყვნენ, ახლა ცდილობენ იყვნენ ხმამაღალი თავიანთ ანტირუსულ პოლიტიკაში და მეტიც, აკრიტიკებენ საქართველოს, უკრაინასთან დაკავშირებულ კონფრონტაციაში თავით არ გადაშვების გამო. ყველას უნდა ახსოვდეს, რომ ამ კრიტიკოსებს არ მოუხდენიათ რეაგირება რუსეთის საქართველოში შემოჭრაზე, რაც ქართველი ხალხისთვის არანაკლებ სასტიკი და დამაზიანებელი იყო, ვიდრე რუსეთის შეჭრა უკრაინაში. ჩვენდა სამწუხაროდ, იმ დროინდელ რუსეთის აგრესიას თითქმის არანაირი საპასუხო წნეხი არ მოჰყოლია,” – წერს პარლამენტის თავმჯდომარე.

შალვა პაპუაშვილი, ასევე, საუბრობს საქართველოს გადაწყვეტილებაზე, არ შეერთებოდა დაწესებულ ორმხრივ სანქციებს რუსეთის წინააღმდეგ.

მისი თქმით, არასდროს მომხდარა საქართველოს ტერიტორიისა, ან ინსტიტუტების მეშვეობით სანქციების რეჟიმის გვერდის ავლა.

„მეორე, იმისდა მიუხედავად, რომ საქართველოს დასავლეთის მხრიდან უსაფრთხოების პრაქტიკულად არანაირი გარანტია არ აქვს, ჩვენს ქვეყანას მუდმივად მოუწოდებენ „გაბედული“ ქმედებებისკენ. ეს უცნაურია, რადგან ჩვენს სტრატეგიულ პარტნიორებს ძალიან კარგად ესმით, რომ საქართველოს არ შესწევს უნარი, რუსეთს გაუწიოს ისეთივე წინააღმდეგობა, როგორც ალიანსის წევრ ქვეყნებს, რომლებიც ნატო-ს მეხუთე მუხლით არიან დაცული. ამ ზედმეტად მონდომებულმა აქტივისტებმა უნდა ჰკითხონ საკუთარ თავს, რამდენად წააქეზებდნენ ისინი თავიანთ ქვეყნებს გაეკეთებინათ ის, რისკენაც საქართველოს მოუწოდებენ, ოღონდ ნატო-ს უსაფრთხოების დაცვის ქოლგის გარეშე.

მესამე, ჩვენი ზოგიერთი პარტნიორი გვემდურება რუსეთისთვის ორმხრივი სანქციების არ დაწესების გამო. მართალია, საქართველომ უარი თქვა ორმხრივი სანქციების დაწესებაზე, მაგრამ არასდროს დაგვიშვია საქართველოს ტერიტორიისა, ან ინსტიტუტების მეშვეობით სანქციების რეჟიმის გვერდის ავლა. ყველასთვის, პირველ რიგში, კი ჩვენი ყველა მოქალაქისთვის, ნათელია, რომ საქართველოს მიერ რუსეთისთვის ორმხრივი სანქციების დაწესებას პირდაპირი უსაფრთხოების რისკები მოჰყვებოდა და საქართველოს ეკონომიკაზე დამანგრეველი ეფექტი ექნებოდა. სანაცვლოდ, მსგავსი ნაბიჯი რუსეთს ფაქტობრივად ზიანის გარეშე დატოვებდა. რუსეთის საპასუხო ქმედებები საქართველოს ეკონომიკისა და სახელმწიფოებრიობისთვის დიდი ზიანის მომტანი იქნებოდა.

მეოთხე, ნამდვილად სამწუხაროა, რომ ნატო-სა და ევროკავშირში შედარებით მცირე ხნის წინ გაწევრიანებული ქვეყნები არიან საქართველოს პოლიტიკის ყველაზე ხმამაღალი კრიტიკოსები. ამ ქვეყნებმა, რომლებიც თავის დროზე საქართველოს ყველაზე დიდი მხარდამჭერები იყვნენ, გეოპოლიტიკური უსაფრთხოების მოპოვების შემდეგ, უნდა გაიხსენონ, რამდენად არასრულყოფილი იყო მათი დემოკრატიები და ეკონომიკები გაწევრიანების დროს. მხარდაჭერის ნაცვლად იდეოლოგიური, ზოგჯერ კი ვიწრო პოლიტიკური ინტერესებიდან კრიტიკა უსამართლოა და აზიანებს ჩვენს საერთო მიზნებს.

ბოლო ათწლეულში, საქართველოს დემოკრატიული გარდაქმნისა და ნატო-სა და ევროკავშირში გაწევრიანებისთვის გაწეული დიდი ძალისხმევის მიუხედავად, არასდროს მიგვიღია დამსახურებული საპასუხო ნაბიჯები. გასულ წელს, როდესაც საქართველოს ევროკავშირის პოტენციურ წევრობაზე მიღებული იქნა რეალური გადაწყვეტილება, ჩვენ, უკრაინისა და მოლდოვისგან განსხვავებით, კანდიდატის სტატუსის გარეშე დაგვტოვეს იმის მიუხედავად, რომ ევროკავშირის ასოცირებულ ტრიოს შორის აშკარა ლიდერები ვიყავით. ამ გადაწყვეტილებამ დიდი დაბნეულობა გამოიწვია ქართველ ხალხში, რომლის აბსოლუტური უმრავლესობა მტკიცედ უჭერს მხარს ევროკავშირისა და ნატო-ს წევრობას.

ამ ყველაფრის გათვალისწინებით, მოვუწოდებთ ჩვენს პარტნიორებს, უსამართლო კრიტიკის ნაცვლად, დაგვეხმარონ, გავუმკლავდეთ ჩვენს რთულ უსაფრთხოების გარემოს და მივიღოთ ნატო-სა და ევროკავშირის დამსახურებული წევრობა. უკვე 15 წელია, ბურთი დასავლეთის მხარესაა, როგორც ევროკავშირის, ისე ნატო-ს მოედანზე. დროა, განსაკუთრებით ევროკავშირისთვის, იზრუნონ გრძელვადიან მშვიდობაზე საქართველოსთვის კანდიდატის სტატუსის მინიჭებითა და გაწევრიანების მოლაპარაკებების დაწყების გზით,”- წერს შალვა პაპუაშვილი.

ველოდებით, რომ ევროკომისია სამართლიანად და დამსახურების პრინციპის საფუძველზე შეაფასებს საქართველოს პროგრესს 12 პრიორიტეტის შესრულების კუთხით და შემოდგომაზე გაფართოების პაკეტის შეფასებისას გასცემს რეკომენდაციას ქვეყნისთვის კანდიდატის სტატუსის მინიჭების შესახებ, – განაცხადა საქართველოს საგარეო საქმეთა მინისტრმა, ილია დარჩიაშვილმა პარლამენტში, „მინისტრის საათის“ ფორმატის ფარგლებში სიტყვით გამოსვლისას.

მინისტრმა ასევე ისაუბრა, 2022 წლის 23 ივნისს ევროპული საბჭოს მიერ მიღებულ ისტორიულ გადაწყვეტილებაზე, რომლის შედეგადაც საქართველოს მიენიჭა ევროპული პერსპექტივა და რის საფუძველზეც საქართველომ სამეზობლო პოლიტიკიდან გაფართოების ქვეყნების რიგებში გადაინაცვლა. გარდა ამისა, მან ვრცლად ისაუბრა ევროკომისიის მიერ კანდიდატის სტატუსის მოსანიჭებლად განსაზღვრული 12 პრიორიტეტის შესრულების პროცესსა და ამ მიმართულებით გადადგმულ მნიშვნელოვან ნაბიჯებზე.

ამ კონტექსტში, დარჩიაშვილმა განმარტა, რომ საგარეო საქმეთა სამინისტროს ინიციატივით და კოორდინაციით, 2022 წელს შეიქმნა უწყებათშორისი სამუშაო ჯგუფი ინტეგრაციის პროცესში ჩართული ექსპერტების მონაწილეობით, საქართველოს პარლამენტის სპიკერის კაბინეტის, დარგობრივი სამინისტროების, მთავრობის ადმინისტრაციის წარმომადგენლების შემადგენლობით, რომელიც რეგულარულად მართავს სამუშაო შეხვედრებს ევროპულ ინსტიტუციებში, ასევე, წევრი ქვეყნების დედაქალაქებში საკანონმდებლო და აღმასრულებელ ორგანოებში.

„საქართველოსთვის კანდიდატის სტატუსის მინიჭება, რომელსაც ჩვენი ქვეყანა შარშანაც იმსახურებდა და ის მაშინაც სრულად აკმაყოფილებდა ამ გადაწყვეტილების მისაღებად აუცილებელ წინაპირობებს, იქნება კიდევ ერთი ისტორიული გადაწყვეტილება, რომელიც ფორმალურად გაამყარებს ჩვენი ქვეყნის პოზიციონირებას ევროკავშირში გაწევრიანების გზაზე, ხელს შეუწყობს დეპოლარიზაციას ქვეყნის შიგნით და იქნება მნიშვნელოვანი განმსაზღვრელი ფაქტორი მშვიდობისა და სტაბილურობის განმტკიცების კუთხით“, – განაცხადა ილია დარჩიაშვილმა.

მისივე თქმით, საქართველო ბოლო ათწლეულის განმავლობაში იყო და დღესაც ინარჩუნებს წამყვანი რეფორმატორი ქვეყნის სტატუსს ევროკავშირის აღმოსავლეთ სამეზობლო რეგიონში და მნიშვნელოვნად წინ არის ევროკავშირის მოთხოვნებთან როგორც საკანონმდებლო, ასევე ინსტიტუციური დაახლოების ხარისხით.

როგორც დარჩიაშვილმა აღნიშნა, საქართველო განაგრძობს თანმიმდევრულ სვლას ევროკავშირში გაწევრიანების გზაზე და დგამს ნაბიჯებს როგორც ევროკავშირის კანონმდებლობასთან მაქსიმალური ჰარმონიზაციის და ინსტიტუციური ინტეგრაციის მაღალი დონის მისაღწევად.

მინისტრის თქმით, საქართველო განაგრძობს ასოცირების შეთანხმების წარმატებულ განხორციელებას და ამ ეტაპზე, შესრულებული აქვს შეთანხმების ვალდებულებების, დაახლოებით, 50% (ხოლო DCFTA-ის ვალდებულებების 60%-ზე მეტი). საქართველოს საკანონმდებლო და ინსტიტუციური დაახლოების ხარისხი დადებითად ფასდება ევროკომისიის მიერ.

სიტყვით გამოსვლისას, ილია დარჩიაშვილმა განსაკუთრებული ყურადღება გაამახვილა ევროკავშირში ინტეგრაციის გზაზე საერთაშორისო თანამეგობრობის მხარდაჭერის მნიშვნელობაზე.

„განსაკუთრებით აღსანიშნავია საქართველოს ევროპული მომავლისადმი მკაფიო და პირდაპირი მხარდაჭერა, რომელიც ევროკავშირის ინსტიტუციებისა და წევრი ქვეყნების მაღალი რანგის ოფიციალური პირების საჯარო გამოსვლებსა თუ ორმხრივ შეხვედრებზე ჩანს“, – აღნიშნა მინისტრმა.

მისივე თქმით, ხაზგასასმელია ევროპარლამენტის ურყევი მხარდაჭერა საქართველოს დამოუკიდებლობისა და ტერიტორიული მთლიანობისადმი საერთაშორისოდ აღიარებულ საზღვრებში. ასევე, ჩვენი ქვეყნის ევროპული მომავლისადმი, რომელიც, ქართული მხარის ძალისხმევით და ჩვენი ევროპელი პარტნიორების მხარდაჭერით, ევროპარლამენტის არაერთ რეზოლუციაშია ასახული.

საკანონმდებლო ორგანოში სიტყვით გამოსვლისას, მინისტრმა ვრცლად ისაუბრა ბოლო პერიოდში საქართველოს ხელისუფლების მაღალი და უმაღლესი დონის ოფიციალური პირების განხორციელებულ მნიშვნელოვან ვიზიტებზე ბრიუსელსა და ევროკავშირის წევრ ქვეყნებში.
მან ხაზგასმით აღნიშნა საქართველოს მთავრობის მეთაურის, ირაკლი ღარიბაშვილის ვიზიტები ბრიუსელსა და ბერლინში, რომლის დროსაც მან შეხვედრა გამართა ევროპული საბჭოს პრეზიდენტთან, შარლ მიშელთან და გერმანიის კანცლერთან, ოლაფ შოლცთან. საგარეო უწყების ხელმძღვანელმა ყურადღება გაამახვილა ევროპელი პარტნიორების მხრიდან საქართველოს მიმართ დაფიქსირებულ მტკიცე მხარდაჭერაზე.

ილია დარჩიაშვილმა განსაკუთრებული ყურადღება დაუთმო ევროკავშირთან აქტიურ თანამშრომლობას უსაფრთხოებისა და თავდაცვის სფეროში. ამ მხრივ განსაკუთრებით აღინიშნა აზერბაიჯანის, საქართველოს, რუმინეთისა და უნგრეთის მთავრობებს შორის შავი ზღვის წყალქვეშა გადამცემი ელექტრო კაბელის შესახებ გაფორმებული შეთანხმება, რომელიც ევროკავშირის ეკონომიკური და საინვესტიციო გეგმის ერთ-ერთ საკვანძო საფლაგმანო ინიციატივას წარმოადგენს.

სამომავლო გეგმებზე საუბრისას, ილია დარჩიაშვილმა განაცხადა, რომ გაგრძელდება ინტენსიური მუშაობა ევროკავშირის ინსტიტუციებთან და წევრ ქვეყნებთან, როგორც ორმხრივ ისე მრავალმხრივ ფორმატებში, რათა საქართველოს ევროპული პერსპექტივის უზრუნველსაყოფად მოხდეს პოლიტიკური და ინსტიტუციური რესურსების მობილიზება. როგორც მინისტრმა აღნიშნა, აქტიურად გაგრძელდება მუშაობა, გაფართოების პოლიტიკის ფარგლებში, ევროკომისიასთან საქართველოს შეფასების მომდევნო ანგარიშისთვის. ამასთან, დარგობრივ უწყებებთან აქტიური კომუნიკაციით, გაგრძელდება ევროკავშირთან ეკონომიკური და სექტორული ინტეგრაციის კუთხით ახალი შესაძლებლობების მოძიება. ასევე, გაძლიერდება ძალისხმევას ევროკავშირის პროგრამებსა და სააგენტოებთან თანამშრომლობის მიმართულებით.