ვისაც ლავროვის სიძის ძმის მამიდაშვილის მეზობლის ქორწილი გაშფოთებთ მათგან მაინტერესებს ფადი ასლის ამ სტატუსზე რა კომენტარი გაქვთ. თუმცა ეს პოსტი ისეთ ხალხს აქვს მოწონებული, ყველაფერი ნათელია, – წერს ექსპერტი ანდრია გვიდიანი ფადი ასლის სტატუსის შესახებ.

ექსპერტის თქმით, როგორც ჩანს, მალე მოვა დრო, როცა იმის მტკიცება მოგვიწევს, რომ საქართველოს ტერიტორიული მთლიანობა ამ ქვეყნების უმთავრესი პრიორიტეტია.

„ან ამას ვინ ეკითხება ქართველები რას როგორ გადავწყვეტთ, ან ეს საერთოდ ვინ არის ამდენის უფლებას რომ აძლევს თავს? – არც არავინ. მაგრამ, სინამდვილეში ამ არარაობის ხელით ოპოზიცია ტესტავს მსგავს ანტიქართულ აზრს. ვისაც ლავროვის სიძის ძმის მამიდაშვილის მეზობლის ქორწილი გაშფოთებთ მათგან მაინტერესებს ფადი ასლის ამ სტატუსზე რა კომენტარი გაქვთ. თუმცა ეს პოსტი ისეთ ხალხს აქვს მოწონებული, ყველაფერი ნათელია. როგორც ჩანს, მალე მოვა დრო, როცა იმის მტკიცება მოგვიწევს, რომ საქართველოს ტერიტორიული მთლიანობა ამ ქვეყნის უმთავრესი პრიორიტეტია“, – წერს ანდრია გვიდიანი სოციალურ ქსელში.

დედაქალაქის მერი კახა კალაძე ბიზნესმენ ფადი ასლის მიერ სოციალურ ქსელში გაკეთებულ განცხადებას გამოეხმაურა.

ჟურნალისტის კითხვაზე, თუ რას ემსახურება მისი განცხადება, სადაც ამბობს, რომ
ორი არჩევანია – ან საქართველომ მიიღოს ევროკავშირის წევრობის კანდიდატის
სტატუსი ორი ოკუპირებული რეგიონის გარეშე, ან დაიბრუნოს ეს ორი რეგიონი და უარი თქვას სტატუსზე, კახა კალაძე უპასუხებს, რომ ეს არის მონური აზროვნება.

“ეს არის მონური აზროვნება, აგენტების აზროვნება. ამ ადამიანს სამშობლო არ გააჩნია და ცხადია, მე არ მიკვირს მსგავსი განცხადებები. ეს არის უსამშობლო ადამიანი. ვისაც ჩვენი ქვეყანა გვიყვარს, ვისაც საქართველო მიგვაჩნია სამშობლოდ, სადაც დავიბადეთ, გავიზარდეთ, ვისწავლეთ. გვიყვარს ჩვენი თითოეული კუთხე, რაიონი, ქალაქი, სოფელი, როგორ შეიძლება, ასეთმა ადამიანმა უარი თქვას ჩვენი ქვეყნის გაერთიანებაზე. მე კიდევ ერთხელ ვიმეორებ, ჩემთვის, როგორც ქართველისთვის, ამ ქვეყანაში დაბადებულისთვის, ყველაზე მთავარი და მნიშვნელოვანი არის საქართველოს ტერიტორიული მთლიანობის აღდგენა“, – აღნიშნა თბილისის მერმა.

ცნობისთვის, ბიზნესმენმა ფადი ასლიმ სოციალურ ქსელში სტატუსი გამოაქვეყნა, სადაც წერს, რომ “კითხვა რომელიც თითოეულმა ქართველმა პატიოსნად უნდა დაუსვას საკუთარ თავს, არის: მინდა გავერთიანდე ორ სეპარატისტულ რეგიონთან და ვიცხოვრო მათთან, როგორც რუსეთის მონამ,თუ მინდა ვიცხოვრო დამოუკიდებლად და თავისუფლად, როგორც ევროკავშირის წევრმა ამ ორი რეგიონის გარეშე?”

„აფხაზებთან და ოსებთან თანაცხოვრება – „გოიმობაა“, სოხუმისა და ცხინვალის გარეშე ევროკავშირის წევრობა – „რეალისტური პერსპექტივა“, – ამის შესახებ სოციალურ ქსელში წერს „ხალხის ძალის“ წევრი, ანალიტიკოსი დავით ქართველიშვილი, რომელიც ბიზნესმენ ფადი ასლის მიერ Facebook-ზე გამოქვეყნებულ სტატუსს გამოეხმაურა.

როგორც ქართველიშვილი აღნიშნავს, აგენტოკრატებს ახალი დავალება მისცეს, რომ ამ ლოზუნგებით კვლავ მოხდეს ახალგაზრდების ქუჩაში გამოყვანა და არეულობის მოწყობა.

„აი ისიც! როგორი პროგნოზირებადები ხართ. ოღონდ ამავდროულად ლაჩრები – გადამთიელის პირით ახმოვანებთ, თქვენ ამისთვის ჯერჯერობით მზად არ ხართ. თუმცა, აგენტოკრატების თქვენზე მიცემული ეს დავალება უმარტივესად იკითხება: ქვეყნის ტერიტორიული მთლიანობის აღდგენა – „რუსული პროექტია“. აფხაზებთან და ოსებთან თანაცხოვრება – „გოიმობაა“. სოხუმისა და ცხინვალის გარეშე ევროკავშირის წევრობა – „რეალისტური პერსპექტივა“. ესეც ახალი გზავნილი ჩვენს „გულანთებულ“ ახალგაზრდებს, რომლებსაც ჩვენი ეს ძირძველი რეგიონები არც ახსოვთ: „სოხუმი და ცხინვალი არის ბალასტი, რომელიც მოსაცილებელია, თუ გვინდა ევროპული პერსპექტივა. სოხუმი და ცხინვალი – არის კრემლის პროექტი, რათა დააშორონ საქართველო დასავლურ ცივილიზაციას! არა – სოხუმსა და ცხინვალს!“ არც ისე შორსაა ის დრო, როდესაც ამ ლოზუნგით ქართველ ბავშვებს კვლავ გამოიყვანენ რუსთაველზე. როდესაც სამიოდე წლის წინ აფხაზეთის ინტერნეტ გამოცემისთვის მიცემულ 2-საათიან ინტერვიუში დავით ბერძენიშვილი დაწვრილებით ხსნიდა, თუ რატომ არაა აფხაზეთი საქართველოს ნაწილი – ის ამ დღეს გვიახლოვდება თურმე. და როდესაც დღეს ამ მორიგმა უჯიშო არა-ადამი-ანმა ამ ბრენდის გავრცელება უკვე დაიწყო, ესე იგი რეალობასთან ახლოსაა ჩვენი 30-წლიანი მოლოდინი. საკითხავია კი ერთია როგორც ყოველთვის: რა გზას ავირჩევთ – ბარაბა თუ იესო?“, – წერს Facebook-ზე დავით ქართველიშვილი.

„ასეთი იდიოტი და უპასუხისმგებლო როგორ უნდა იყო, ასეთი თანამდებობის მქონე ადამიანი, რომ ავიაკომპანიამ პერსონა ნონ გრატად გამოგაცხადოს?!”, – ამის შესახებ სოციალურ ქსელში „ხალხის ძალის” წევრი ზურაბ ქადაგიძე წერს.

მისი თქმით, პრეზიდენტს ეგონა, რომ მორალურად დაასანქცირებდა ავიაკომპანიას, მაგრამ პირიქით მოხდა.

„რა სამარცხვინო ბრძანდებით, ქალბატონო პრეზიდენტო ატყობთ? ასეთი იდიოტი და უპასუხისმგებლო როგორ უნდა იყო, ასეთი თანამდებობის მქონე ადამიანი, რომ ავიაკომპანიამ პერსონა ნონ გრატად გამოგაცხადოს?! ამ საცოდავს ეგონა, მორალურად დაასანქცირებდა კერძო კომპანიას და თავი სასაცილო მდგომარეობაში ჩაიგდო. სალომე ზურაბიშვილი, თავი რომ ბადრიჯანი გგონია და ყაბაყადაც არ ვარგიხარ, ეგ მაგის ბრალია. ზურგი აქციე საკუთარ ამომრჩეველს და გარედან მოთრეულ „ნარატივებზე” დასკუპდი… ვერც საზოგადოებრივ ამინდს ქმნი და პოლიტიკურ კარიკატურად იქეცი!”, – წერს ზურაბ ქადაგიძე.