სურსათსა და უალკოჰოლო სასმელებზე ფასები შემცირდა – “საქსტატი”

12:05 - 03/07/2023

საქართველოს სტატისტიკის ეროვნული სამსახურის ინფორმაციით, 2023 წლის ივნისში წინა თვესთან შედარებით ინფლაციის დონემ საქართველოში -0.7 პროცენტი, ხოლო წლიური ინფლაციის დონემ 0.6 პროცენტი შეადგინა.

რაც შეეხება საბაზო ინფლაციას, “საქსტატის“ ცნობით, აღნიშნულმა მაჩვენებელმა 2023 წლის ივნისში, გასული წლის შესაბამის პერიოდთან შედარებით 4.1 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 4.0 პროცენტით განისაზღვრა.

„ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელების ჯგუფში ფასები შემცირდა 3.2 პროცენტით, რაც თვის ინფლაციაზე -1.08 პროცენტული პუნქტით აისახა. ფასები შემცირდა შემდეგ ქვეჯგუფებზე: ბოსტნეული და ბაღჩეული (-19.1 პროცენტი), ზეთი და ცხიმი (-4.9 პროცენტი), პური და პურპროდუქტები (-2.7 პროცენტი), რძე, ყველი და კვერცხი (-1.6 პროცენტი), ხორცი და ხორცის პროდუქტები (-0.6 პროცენტი). ამასთან, ფასები გაიზარდა თევზეულზე (3.3 პროცენტი); ტრანსპორტის ჯგუფში ფასები გაიზარდა 1.5 პროცენტით, რაც 0.17 პროცენტული პუნქტით აისახა მთლიან ინდექსზე. ფასები გაიზარდა პირადი სატრანსპორტო საშუალებების ექსპლუატაციაზე (2.0 პროცენტი) და სატრანსპორტო მომსახურებაზე (0.8 პროცენტი); საცხოვრებელი, წყალი, ელექტროენერგია, აირის ჯგუფში დაფიქსირდა ფასების 0.8 პროცენტიანი მატება, რაც თვის ინფლაციაზე 0.08 პროცენტული პუნქტით აისახა. ფასები გაიზარდა ქვეჯგუფებზე: საცხოვრებლის მიმდინარე მოვლა და შეკეთება (7.0 პროცენტი) და ფაქტობრივი გადასახადი საცხოვრებელზე (1.3 პროცენტი)“, – ნათქვამია ინფორმაციაში

ამასთან, რაც შეეხება წლიური ინფლაციის ფორმირებას, მასზე ძირითადი გავლენა იქონია ფასების ცვლილებამ რამდენიმე ჯგუფზე.

„სხვადასხვა საქონელი და მომსახურება – ამ ჯგუფში ფასები გაიზარდა 17.7 პროცენტით, რაც 0.89 პროცენტული პუნქტით აისახა წლიურ ინდექსზე. ფასები, უმეტესწილად, მომატებულია ქვეჯგუფებზე: საფინანსო მომსახურება (27.9 პროცენტი), პირადი ჰიგიენა (10.7 პროცენტი), სხვა სახის მომსახურება (91.0 პროცენტი); ალკოჰოლური სასმელები, თამბაქოს ჯგუფში ფასები გაიზარდა 7.4 პროცენტით, რაც 0.5 პროცენტული პუნქტით აისახა მთლიან ინდექსზე. ფასები მომატებულია როგორც ალკოჰოლური სასმელების (9.1 პროცენტი), ისე თამბაქოს ნაწარმის (5.3 პროცენტი) ქვეჯგუფებზე; ტრანსპორტის ჯგუფში ფასები შემცირდა 11.6 პროცენტით, რაც -1.45 პროცენტული პუნქტით აისახა მთლიან ინდექსზე. ფასები შემცირებულია პირადი სატრანსპორტო საშუალებების ექსპლუატაციაზე (-18.4 პროცენტი) და სატრანსპორტო საშუალებების შეძენაზე (-2.0 პროცენტი). ამასთან, ფასები გაიზარდა სატრანსპორტო მომსახურებაზე (5.9 პროცენტი); ჯანმრთელობის დაცვის ჯგუფში დაფიქსირდა ფასების 6.9 პროცენტიანი კლება, რაც -0.67 პროცენტული პუნქტით აისახა წლიურ ინდექსზე. ფასები შემცირდა სამედიცინო პროდუქციის, აპარატურისა და მოწყობილობის ქვეჯგუფზე (-17.2 პროცენტი). ამასთან, ფასები გაიზარდა ამბულატორიულ სამედიცინო მომსახურებაზე (12.5 პროცენტი) და საავადმყოფოების მომსახურებაზე (6.6 პროცენტი)“, – ნათქვამია ინფორმაციაში.

ხარაგაულში, მეწყერში მოყოლილი კაცის ცხედარი იპოვეს

11:41 - 03/07/2023

ხარაგაულში, სოფელ მარელისთან მეწყერში მოყოლილი კაცის ცხედარი იპოვეს.

გარდაცვლილის ცხედარი ჩამოშლილი მთის მასიდან ცოტა ხნის წინ ამოიყვანეს.

უბედური შემთხვევა ორი დღის წინ, გვიან ღამით მოხდა. სამძებრო-სამაშველო სამუშაოებში ჩართული იყო მძიმე ტექნიკა, ცოცხალი ძალა და კინოლოგები.

მეწყრული პროცესების შედეგად მიწის მასა ჩავიდა ლიანდაგებზეც, რის გამოც სარკინიგზო გადაადგილება დასავლეთ და აღმოსავლეთ საქართველოს შორის შეწყვეტილია. ადგილზე გეოლოგები მუშაობენ.

17:00 საათიდან მოძრაობა განახლდება – „საქართველოს რკინიგზა“ ინფორმაციას ავრცელებს

11:33 - 03/07/2023

სადგურ მარელისთან ჩამოწოლილი მეწყერისგან სრულად გაწმენდილია ლიანდაგები და აღდგენილია საკონტაქტო ქსელი. შესაბამისად, 3 ივლისის 17:00 საათიდან საქართველოს რკინიგზაზე მოძრაობა განახლდება.

ამის შესახებ ინფორმაციას „საქართველოს რკინიგზა“ ავრცელებს.

„დღის მეორე ნახევარში შესრულდება შემდეგი რეისები: მაგისტრალური მიმართულებით მოძრავი მატარებლები:

#804 თბილისი-ბათუმი 17:05

#807 ბათუმი-თბილისი 17:15

#801 ბათუმი-თბილისი 18:20

#812 თბილისი-ბათუმი 0:35

#811 ბათუმი-თბილისი 0:45

#869 ზუგდიდი-თბილისი 17:25

#874 თბილისი-ფოთი 17:30“, – აღნიშნულია „საქართველოს რკინიგზის“ მიერ გავრცელებულ ინფორმაციაში.

“ოპოზიციამ გადაწყვიტა, რომ რუსეთში ვითარების დაძაბვა იყო წინაპირობა, რომ საქართველომ აღადგინოს ტერიტორიული მთლიანობა”

11:29 - 03/07/2023

ოპოზიციამ გადაწყვიტა, რომ რუსეთში ვითარების დაძაბვა იყო იმის წინაპირობა, საქართველომ თავისი ტერიტორიული მთლიანობა აღადგინოს. ეს არ არის ახალი თემა ან მოგონილი, ნოუ ჰაუ, – ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ პარტია „ქართული ოცნების“ თავმჯდომარის, ირაკლი კობახიძის განცხადებაზე კომენტირებისას განაცხადა.

ვოლსკის თქმით, ეს არის ის პროცესი, რომელსაც მუდმივად მხარს უჭერს რადიკალური ოპოზიცია და ამის არაერთი მრავალი მაგალითი არსებობს.

მისივე განცხადებით, ოპოზიციის მხრიდან არასერიოზული დამოუკიდებლობის გარდა, იყო მავნებლური პოლიტიკის გამეორება.

„ოპოზიციის მხრიდან აღტაცება ნამდვილად ვიხილეთ, პროცესები ჩვენს თვალწინ ვითარდებოდა. რასაკვირველია, მოგონილი არაფერია. ოპოზიციამ გადაწყვიტა, რომ რუსეთში ვითარების დაძაბვა იყო იმის წინაპირობა, საქართველომ თავისი ტერიტორიული მთლიანობა აღადგინოს. ეს არ არის ახალი თემა ან მოგონილი, ნოუ ჰაუ. ეს არის ის პროცესი, რომელსაც მუდმივად მხარს უჭერს ე.წ. ოპოზიცია, რადიკალური ოპოზიცია. ამის არაერთი მრავალი მაგალითი არსებობს. ოპოზიციის მხრიდან არასერიოზული დამოუკიდებლობის გარდა, იყო მავნებლური პოლიტიკის გამეორება“, – განაცხადა გია ვოლსკიმ.

“ქვა არ უნდა ვესროლოთ ერთმანეთს!” – მეუფე საბა

11:22 - 03/07/2023

გვიწევს ჭეშმარიტების და მართლმადიდებლური სარწმუნოების ქადაგება, დამოწმება და დაცვა! დაცვა როგორ?! ზოგს რომ ჰგონია მუშტების ქნევით, ეს არ არის დაცვა ქრისტიანობის! ქრისტიანობას ჩვენ ვიცავთ საკუთარი ცხოვრების წესით! – პირობას ვდებ, არასდროს ვიქნები ეპისკოპოსი რომელიც ქვის სროლას დაუწყებს ცოდვილ ადამიანს, – ამის შესახებ ჩრდილოეთ ამერიკის ეპისკოპოსი საბა ინწკირველი „ფეისბუქზე“ წერს.

უმაღლესი იერარქიის სასულიერო პირი სოციალურ ქსელში სასულიერო პირების შეცდომაზეც მიუთითებს და აღნიშნავს, რომ „ხანდახან ზედმეტებიც მოსდით“, მისივე თქმით, „ქვა არ უნდა ვესროლოთ ერთმანეთს“.

„მე ახლა ვიტყვი ჩემს სათქმელს, რაც უნდა ვთქვა, მართალია პასუხი გაეცა ეპარქიის მხრიდან, მაგრამ მეც დავამატებ, რომ ჩვენ ვცხოვრობთ ამერიკაში, სადაც თავმოყრილია მსოფლიოს ყველა ერი და ხალხი. ყველა კულტურის და რელიგიის წარმომადგენელი და ჩვენ აქ გვიწევს ასეთ პირობებში ცხოვრება.

ამავე დროს ჩვენ აქ გვიწევს ჭეშმარიტების და მართლმადიდებლური სარწმუნოების ქადაგება, დამოწმება და დაცვა! დაცვა როგორ?! ზოგს რომ გონია მუშტების ქნევით, ეს არ არის დაცვა ქრისტიანობის! ქრისტიანობას ჩვენ ვიცავთ საკუთარი ცხოვრების წესით, საკუთარი მაგალითის მიცემით! რადგან ჩვენ ვართ ნათელი ამა სოფლისა! და ჩვენ მოვალე ვართ მივცეთ მაგალითი სხვებს, ვუჩვენოთ სიყვარული სხვებს, ვუჩვენოთ საკუთარი სიწმინდით და ეკლესიის ტრადიციათა დაცვით საკუთარი სარწმუნოება, აი, სწორედ მაშინ ვიქნებით ნათელი ამა სოფლისა, რომელიც დიახ, სხვებს და ყველას გაუნათებს გზას! და არა ისე, როგორც მავანთ სწადიათ, რომ თითქოს მართლმადიდებლური სარწმუნოება შეიძლება დაცული იყოს სიძულვილის ენით ან სხვათა შეურაცხყოფით, რაც არ უნდა განსხვავებული იყოს ადამიანი!

აი, ამას ვერ იტანენ ჩემგან, ეს არ მოსწონთ ჩემში და ყველა სხვაში, ვინც ამბობს: „შეიძულე ცოდვა და არა ადამიანი!” აი, მათ კი პირიქით, სძულთ ადამიანი და ადამიანები! აი, ჩვენ, კი არ გვძულს ცოდვილი ადამიანები, ჩვენ ყველას მოვუწოდებთ სინანულისკენ! ნებისმიერ ადამიანს, ვინც არ უნდა იყოს იგი. ყველას მოვუწოდებთ გულწრფელი სინანულისკენ, ყველასთვის ღიაა ეკლესიის კარი. ყველას ელოდება ღმერთი, ვინც გამოთქვამს სინანულს. მე პირობას ვდებ, მე არასდროს ვიქნები ეპისკოპოსი, რომელიც ქვის სროლას დაუწყებს ცოდვილ ადამიანს და ვისაც ასე უნდა, ამ ქვის სროლა, მაშინ მას მოუწევს არა ჩემს წინააღმდეგ, არამედ იესო ქრისტეს წინააღმდეგ წასვლა! ასე რომ მან ისროლოს ქვა ვინც უცოდველია!

სამწუხაროდ, ასე იქცევა ზოგი ქრისტიანი და ჩვენ ვუსმენთ მათ, მათ სიძულვილის ენას და ეს სამწუხაროა!

ჩვენც გვეშლება სასულიერო პირებს, ხანდახან სოციალურ ქსელში ზედმეტიც მოგვდის, ესეც ხდება, ჩვენც შეიძლება შეგვეშალოს, მაგრამ ქვა არ უნდა ვესროლოთ ერთმანეთს! ჩვენც ადამიანები ვართ და ამისთვის შენდობას ვითხოვთ, მაგრამ მე არასდროს არ ვითხოვ შენდობას იმისთვის, რასაც მოძალადეებს ვეუბნები, რომ მათ არ აქვთ უფლება იძალადონ! მათ არ აქვთ უფლება შეურაცხყონ თუნდაც ერთი ადამიანი, რომ არ აქვთ უფლება წინ აღუდგნენ ძალადობით რაიმე ცოდვას, არამედ ძვირფასო ძმებო და დებო, ჩვენ ხელშია ერთადერთი იარაღი – საკუთარი ცხოვრება – სხვისთვის მაგალითის მიცემა საკუთარი ცხოვრებით! აი, ეს არის ქრისტიანობა! ქრისტემ ხომ მაგალითებით გვასწავლა… მან ხომ ბოროტებას ბოროტებით არ უპასუხა?! მან ხომ მასზე მოწეულ ძალადობას ძალადობით არ უპასუხა?! არამედ, ჯვარს ეცვა და მსოფლიოში ყველაზე დიდი უსამართლობა მას ხვდა წილად! მოვა უფალი და განგვიკითხავს ჩვენ!” – წერს მეუფე საბა.

როგორ ზრუნავს თიბისი, ტექნოლოგიური კომპანია, შიდა გუნდსა და ტექ. კომუნის შენებაზე

11:11 - 03/07/2023

ნებისმიერი ტექნოლოგიური კომპანიის პროდუქტების უკან ტექნოლოგიური გუნდი და ამ გუნდში კონცენტრირებული ცოდნა/გამოცდილება დგას. ეს ის ადამიანური რესურსია, რომლის განვითარებასა და შენარჩუნებას დღეს მსოფლიოს ნებისმიერი მოწინავე ტექ. კომპანია ცდილობს.

თიბისი, როგორც ტექნოლოგიური კომპანია იზიარებს ამ მოსაზრებას, რაც ადამიანური რესურსების კუთხით, შიდა გუნდზე ზრუნვასა და ტექ. კომუნის შენებაში გამოიხატება. დღეს თანამედროვე სამუშაო გარემო, ხელსაწყოები და კონკურენტული ანაზღაურება საკმარისი აღარაა იმისთვის, რომ გყავდეს საუკეთესო ტექ გუნდი რეგიონში. სწორედ ამიტომ თიბისის HR სტრატეგია ორ მიმართულებას გამოყოფენ: საინტერესო საქმე — ყოველდღიური პროფესიული გამოწვევებით სავსე სამუშაო პროცესი და მამოტივირებელი აქტივობები, რაც ხელს უწყობს ტექ. გუნდის ზრდასა და შენარჩუნებას.

“დღეს ნებისმიერი საქმის/ახალი პროექტის, ინოვაციის სათავე არის ტექნოლოგია და შესაბამისად, მასზე მომუშავე ადამიანები. ბაზარზე ტექნოლოგიური განათლების მქონე კადრების დეფიციტია. ჩვენთვის თითოეული ამ კუთხით მომუშავე ადამიანის მოზიდვა და გრძელ ვადაში ორგანიზაციაში მათი შენარჩუნება არის ძალიან მნიშვნელოვანი შიდა სისტემა მოწყობილი გვაქვს ისე, რომ ადამიანები შევინარჩუნოთ და ვცდილობთ, რომ მათი მოტივაციისთვისაც ბევრი რამ გავაკეთოთ” – თიბისის ადამიანური კაპიტალის მიმართულების ხელმძღვანელი გვანცა მურღვლიანი

თიბისი, როგორც ტექნოლოგიური კომპანია მუდმივად იხვეწება, ავითარებს მიმდინარე პროცესებსა და მიდგომებს, რაც გუნდის კულტურის ნაწილი ხდება.

“თიბისიმ ბოლო წლებში დიდი ინვესტიცია ჩადო ამ მიმართულებებში: გაზარდა ტექ. გუნდი და ამ გუნდის წევრებად ასევე მოიწვია საერთაშორისო გამოცდილების მქონე უმაღლესი კვალიფიკაციის პროფესიონალები, განაახლა ტექნოლოგიური ბაზა და დანერგა პროცესები, რომლებიც უზრუნველყოფს მომხმარებლების საჭიროებების სწრაფად დადგენას და დაკმაყოფილებას, შესაბამისი პროგრამული უზრუნველყოფის შექმნის გზით,” – ბიძინა მაცაბერიძე, თიბისის IT მიმართულების ხელმძღვანელი.

თიბისის ტექნოლოგიურ კომპანიაში ახალ პროდუქტზე მუშაობის ნებისმიერ ეტაპზე ტექ. თანამშრომლები ერთვებიან და არა მხოლოდ ტექნოლოგიური ამოცანების გადაჭრაში იღებენ მონაწილეობას, არამედ გადაწყვეტილების მიღებასა და პროდუქტის განვითარებაშიც. ამას ემატება გამოცდილი გუნდი, თანამედროვე მიდგომები და გამართული ტექნოლოგიური პროცესები. ამ ფორმულის ხარჯზე თიბისიში ტექ პროდუქტების მაღალი ხარისხი და თანამშრომლების კმაყოფილება მიიღწევა.

ჯგუფის მიერ დიდი ოდენობით თანხის თაღლითურად დაუფლების მცდელობის ფაქტზე, სასამართლომ ორი პირი დამნაშავედ ცნო

11:06 - 03/07/2023

თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და წინასწარი შეთანხმებით ჯგუფის მიერ დიდი ოდენობით თანხის თაღლითურად დაუფლების მცდელობის ფაქტზე, ორი ბრალდებული დამნაშავედ ცნო. ამის შესახებ ინფორმაციას გენერალური პროკურატურა ავრცელებს.

აღნიშნულ სისხლის სამართლის საქმეზე, კიდევ ერთი ბრალდებული სასამართლომ 2021 წელს ცნო დამნაშავედ.

საგამოძიებო უწყების ინფორმაციით, სასამართლოში დადასტურდა, რომ 2017 წელს ბრალდებულებმა, პატიმრობაში მყოფი მსჯავრდებული და მისი ახლო ნათესავები დაარწმუნეს, რომ თითქოსდა საქართველოს პრეზიდენტთან არსებული შეწყალების საკითხთა კომისიის თავმჯდომარეს იცნობდნენ და მსჯავრდებულს შეწყალებაში დაეხმარებოდნენ. ბრალდებულებმა დახმარების სანაცვლოდ 20 000 ლარი მოითხოვეს. მსჯავრდებულის ახლო ნათესავისგან ბრალდებულებმა თანხის ნაწილი – 12 000 ლარი აიღეს, თუმცა დაპირების მიუხედავად, მსჯავრდებულის შეწყალება არ მომხდარა.

ორივე ბრალდებულს ბრალდება, წინასწარი შეთანხმებით ჯგუფის მიერ დიდი ოდენობით თანხის თაღლითურად დაუფლების მცდელობის ფაქტზე წარედგინათ.

თბილისის საქალაქო სასამართლომ ბრალდებულები, სრულად ცნო დამნაშავედ წარდგენილ ბრალდებაში და სასჯელის სახედ და ზომად 6 და 7 წლით თავისუფლების აღკვეთა განუსაზღვრა.

“ვინ გამოიცნობს, როდის დაიპყრობს ბაიდენის პოლიტიკით რუსეთი მსოფლიო ბაზარს ბოლომდე?” – დავით ზარდიაშვილი

11:00 - 03/07/2023

“ბლუმბერგი” წერს, რომ ხორბლის მსოფლიო ბაზარზე უკრაინის წილი ორჯერ, 5%-მდე შემცირდა, კიდევ უფრო შემცირდება, რადგან ყანების დიდი ნაწილი დანაღმულია და ეს არა მხოლოდ წელს, არამედ ხანგრძლივადიანი პრობლემა გახდება, – ამის შესახებ სოციალურ ქსელში ბლოგერი დავით ზარდიაშვილი წერს.

როგორც პუბლიკაციაშია ნათქვამი, ამასობაში, რუსეთის წილი ხორბლის მსოფლიო ბაზარზე რეკორდულად გაიზარდა და მთელი მიწოდების ერთი მეხუთედი შეადგინა.

“აი, ამას ჰქვია უკრაინის დახმარება და რუსეთის სანქცირება ბაიდენურად. ყოველი ხუთიდან ერთ პურს მსოფლიოს რუსეთი აჭმევს, ხოლო ესენი კი ყველაფერს აკეთებენ, რომ უკრაინელები მეტი გააჟუჟინონ და მისი პურიც მეტი ჭამონ. როგორცა ჩანს, უკვე მყარი კორელაციაც არსებობს – რაც მეტი უკრაინელი განადგურდება, რუსი მეტ ხორბალს და ნავთობს გაყიდის.

…ზალუჟნი ნიუ-იორკ ტაიმსთან ინტერვიუში უკვე პირდაპირ ამბობს, გაცოფებული ვარო: უკრაინის დასავლეთ საზღვართან ნატოს იმდენი მოიერიშე თვითმფრინავი ფუჭად პატრულირებს, რომ სამჯერ აღემატება რუსეთის ავიაციას, რაც ყოველ დღე უმოწყალოდ გვბომბავსო, მე კი ჩემი “მიგებით” მაგათი მოგერიება ისევე შემიძლია, როგორც მშვილდისრითო. ლამის იმავეს ამბობს, რასაც დათო თევზაძე ამბობდა წლების წინ – ლაგატკით ხომ ვერ ჩამოვაგდებ მაგ რუსულ თვითმფრინავსაო! გარდა ამისა, დღეში 100 ათასი ჭურვი მჭირდებაო ზალუჟნიმ, რომ რუსეთის საარტილერიო ცეცხლი, რაც ჩვენსაზე ათჯერ უფრო ინტენსიურიაო, როგორმე ცოტა მაინც შევაჩერო, თორემ დღეში მინიმუმ 1000 კაცი მეხოცებაო. შეუტიე, შეუტიეო და აჰა, შეუტიეთ და კიდეც გვეტირა ყოფაო. ეგ თქვენი ნაქები ტანკები ბრძოლის ველზე მარტო სამიზნეებად ვარგა, რადგან არც ერთი ნორმალური არმია სათანადო საჰაერო უზუნველყოოფის გარეშე შეტევაზე არ გადადის და ამას, უგუნურის გარდა, არავინ შვრებაო. მიბრძანეს, მე მაინც ვუტევ და თქვენი ხმა არ გავიგო, რატომ ვერ იბრუნებ ტერიტორიებსო!

მოკლედ: რუსეთი ასე “მარცხდება” და მისი პური თუ ნავთობი მსოფლიო ბაზარს ასე იპყრობს. ხოლო ზალუჟნის რომ 100 ათასი ჭურვი სჭირდება, კი, ამერიკელები ჰპირდებიან: ჩვენი ჭურვების წარმოებას 2025 წლის ბოლოსათვის თვეში (და არა დღეში!) 80 ათასამდე გავზრდითო. ეს მაშინ, როცა რუსეთი უფრო მეტ ჭურვს აწარმოებს, ვიდრე მთელი ნატო ერთად აღებული და ამიტომაცაა, რომ უკრაინა დღეში 1000 ჯარისკაცს კარგავს…

ამოცანა თუ გამოცანა გვეკითხება: აბა, ვინ გამოიცნობს, როდის დაიპყრობს ბაიდენის პოლიტიკით რუსეთი მსოფლიო ბაზარს ბოლომდე და ამასობაში კიდე რამდენი ათასი უკრაინელი გაიჟუჟება. სხვისი არ ვიცი, ზალუჟნის ადგილას, მე ვესროდი ბაიდენსაცა და მის ადმინისტრაციასაც. ხოლო გაცოფება და გინება, რასაც ზალუჟნი ახლა იწყებს – უკვე გვიანია. ძალიან გვიანი,”- წერს დავით ზარდიაშვილი.

30-ზე მეტი შეტაკება 24 საათში – რა ხდება უკრაინაში ომის 495-ე დღეს

10:51 - 03/07/2023

ომის 495-ე დღეს, უკრაინის სამხრეთ და აღმოსავლეთ ფრონტზე მძიმე ბრძოლები გრძელდება. ყველაზე ცხელ წერტილად კვლავ ბახმუტის, ავდეევკის, მარიინკისა და ლიმანის მიმართულებები რჩება, სადაც ბოლო 24 საათის განმავლობაში, 30-ზე მეტი შეტაკება მოხდა.

როგორც უკრაინის თავდაცვის სამინისტროში აცხადებენ, უკრაინულმა ძალებმა წინ წაწევა შეძლეს ბერდიანსკისა და მელიტოპოლის მიმართულებით, ოკუპანტები კი შეტევაზე არიან გადავიდნენ სვიატოვის რაიონში. მათივე ცნობთ, გასული დღე-ღამის განმავლობაში, კიდევ 600 რუსი სამხედრო, რუსეთის ერთი ვერტმფრენი და 5 ტანკი გაანადგურეს. ინფორმაციას უკრაინის შეიარაღებული ძალების გენერალური შტაბი ავრცელებს.

გენშტაბის ცნობით, უკრაინაში შეჭრის შემდეგ რუსეთის საერთო დანაკარგები მოიცავს: 230 260 ჯარისკაცს, 4 057 ტანკს, 7 899 ჯავშანტექნიკას, 4 220 ერთეულ საარტილერიო სისტემას, 315 საბრძოლო თვითმფრინავს და 309 ვერტმფრენს, 6 834 ავტომობილსა და საწვავის ავზს, 18 გემს/ნავს, 3 573 უპილოტო საფრენ აპარატს, 590 ერთეულ სპეცტექნიკას და 1 264 ფრთოსან რაკეტას.

უკრაინის თავდაცვის ძალები აგრძელებენ წინსვლას ბახმუტის, მელიტოპოლისა და ბერდიანსკის მიმართულებით – გასული კვირის განმავლობაში მათ 37 კვ. კმ. გაათავისუფლეს, – ამის შესახებ უკრაინის თავდაცვის მინისტრის მოადგილე, ანა მალიარი „ტელეგრამზე“ წერს.

„აღმოსავლეთით გრძელდება როგორც შეტევითი, ასევე თავდაცვითი მოქმედებები. მივიწევთ ბახმუტის მიმართულებით, ხოლო მტერი აგრძელებს შეტევას ლიმანის, ავდიივკასა და მარინკას მიმართულებებით. მტერი ცდილობს განდევნოს ჩვენი ჯარები დაკავებული პოზიციებიდან, მაგრამ ღირსეულ პასუხს იღებს. იქ მძიმე ბრძოლები მიმდინარეობს“, – წერს მალიარი.

თავდაცვის მინისტრის მოადგილის ინფორმაციით კი, გასული კვირის განმავლობაში, ოპერატიული მდგომარეობის გაუმჯობესების შედეგად, გათავისუფლებული ტერიტორია 9 კვადრატული კილომეტრით გაიზარდა.

მისივე თქმით, აღმოსავლეთით, რუსულმა ძალებმა დაბომბვის ინტენსივობა გააორმაგა. კერძოდ, გასული კვირის განმავლობაში მათ უკრაინის ტერიტორია, ამ მიმართულებით, 11 753-ჯერ დაბომბეს.

„სამხრეთით თავდაცვის ძალები უტევენ მელიტოპოლისა და ბერდიანსკის მიმართულებით, კერძოდ, ნოვოდაროვკას, პრიუტნოეს, ნოვოდანილოვკას, რობოტინოს, ნოვოსელკას, სტარომაიორსკის მიმართულებებით“, – აცხადებს უკრაინის თავდაცვის მინისტრის მოადგილე.

მისი თქმით, უკრაინის დამცველებმა ყველა მიმართულებით წარმატებას მიაღწიეს და გასული კვირის განმავლობაში 28.4 კვადრატული კილომეტრი ტერიტორია გაათავისუფლეს. სამხრეთით, საერთო ჯამში, გათავისუფლებულია 158.4 კვადრატული კილომეტრი ტერიტორია.

“ეს “ოცნებას” პოლიტიკურად უფრო მალე დაასრულებს” – დავით უსუფაშვილი

10:47 - 03/07/2023

„ოცნება“ ამბობს, რომ არ შეეშვება ერთპარტიულ ცესკოზე „ოცნებას“ და ამ გზით მიიყვანს არჩევნებამდე ქვეყანას, ეს მათ პოლიტიკურად უფრო მალე დაასრულებს , – ამის შესახებ „ლელოს“ დეპუტატმა დავით უსუფაშვილმა განაცხადა.

როგორც მან აღნიშნა, ცვლილებები, რომელიც მმართველმა პარტიამ ცესკოსთან დაკავშირებით მიიღო, ეწინააღმდეგება ევროკომისიის 12 რეკომენდაციის შესრულებას, ასევე, მათ მიერ მიერ ხელმოწერილ შარლ მიშელის შეთანხმებას.

„კონსტიტუციაში წერია, რომ პრეზიდენტი მონაწილეობს ცესკოს თავმჯდომარის შერჩევაში და კანდიდატურას პარლამენტში რომ გამოგზავნის, მას არ ჭირდება კონტრასიგნაცია. „ოცნებამ“ ეს კონსტიტუციური უფლებები მას მთლიანად ჩამოართვა და დაუტოვა სასაცილო უფლება – პარლამენტის თავმჯდომარე რომ შექმნის კომისიას კანდიდატების შესარჩევად, თუ მან ვერავინ გამოავლინა, მერე შეუძლია პრეზიდენტს გამოავლინოს კანდიდატი, გააშარჟა ეს ყველაფერი. ცხადია, ჩვენ ამას მხარს ვერ დავუჭერდით. ეს ეწინააღმდეგება 12 რეკომენდაციის შესრულებას, საქართველოში პოლიტიკური პროცესის მიმართ ნდობის გაჩენის თემას. რატომ აკეთებს ამას „ოცნება“ – იმიტომ რომ კატასტროფულად ეშინია რაღაცების, ეშინია ყველასი – პრეზიდენტის, პოლიტიკური ჯგუფების, ევროპის და საერთოდ სამყაროსი. ვეტო ითვალისწინებს, რომ ყველაფერი უცვლელად დარჩეს, თუმცა 100 ხმის ნაცვლად კანდიდატის ასარჩევად საკმარისი იყოს – 90. ეს არ არის კარგი, მაგრამ კომპრომისული ვარიანტია. ამ.ნაწილში ვეტოსთვის შეიძლება მხარდაჭერა, თუმცა, პრეზიდენტს შეეძლო პროექტი ვენეციისთვის გაეგზავნა კიდევ ერთხელ და პროცესი გაეგრძელებინა. ვნახოთ პროცესი როგორ გაგრძელდება. ამ ეტაპზე „ოცნება“ ამბობს, რომ არ შეეშვება ერთპარტიულ ცესკოზე “ოცნებას” და ამ გზით მიიყვანს არჩევნებამდე ქვეყანას, ეს მათ პოლიტიკურად უფრო მალე დაასრულებს”, – განაცხადა უსუფაშვილმა.

ის, ასევე, გამოეხმაურა ირაკლი კობახიძის ხვალისთვის დაანონსებულ ბრიფინგს რეკომენდაციების შესრულების თაობაზე და აღნიშნა, რომ ამ საკითხზე საყურადღებო ბრიფინგი ცოტა ხნის წინ სტოკჰოლმში იყო.

„აქ ჩვენ ვინ რა აზრზე ვართ, მნიშვნელოვანია, მაგრამ მთავარია შემფასებელი, ანუ საგამოცდო კომისია რას ფიქრობს. მათი მხრიდან სრულიად ცალსახად მივიღეთ გზავნილი, რომ მათივე კრიტერიებით, ჯამში ჩვენ ნახევარზე ნაკლები გვაქვს გაკეთებული. ეს ქვეყანას გაკეთებული აქვს 12 თვეში, 3 თვეა დარჩენილი და ახლა აგერ 3-4 წუთში მორიგ თემაზე მორიგ არასწორ გადაწყვეტილებას მიიღებენ ამ დარბაზში, რომ დატოვონ მათ მიერ მიღებული კანონი და არ გაიზიარონ პრეზიდენტის ვეტო”, – განაცხადა უსუფაშვილმა.

“რანაირად უნდა მოხდეს დეპოლარიზაცია?”- ბიძინა გიორგობიანი

10:37 - 03/07/2023

მან დაკარგა საკუთარი ამომრჩევლის ლეგიტიმაცია უკან მოუხედავად და სამუდამოდ და არის ერთი პარტიის – „ნაციონალური მოძრაობის“, – ასე აფასებს ყოფილი პოლიტპატიმარი ბიძინა გიორგობიანი პრეზიდენტ სალომე ზურაბიშვილის მიერ ნიკა გვარამიას შეწყალებას. ის არ ეთანხმება იმ აზრს, რომ გვარამიას გათავისუფლება ქვეყანაში პოლარიზაციას შეამცირებს.

„დეპოლარიზაცია ხომ მითია. რანაირად უნდა მოხდეს დეპოლარიზაცია, როდესაც ერთ მხარეს არის ხელისუფლება, რომელიც ყველანაირად ცდილობს, რამენაირად საზარელ ომში არ ჩაერთოს საქართველო და მეორე მხარეს არის პოლიტიკურად წოდებული კრიმინალების ჯგუფი, რომელიც ფინანსდება პენსიონერებისგან ნაძარცვი ფულით და ცდილობს რამენაირად ააყირაოს ქვეყანა“, – მიიჩნევს გიორგობიანი.

“ურდო არ იშურებს ცოცხალ ძალას, რათა შეაკავოს ჩვენების შეტევები” – ალექსი პეტრიაშვილი

10:27 - 03/07/2023

ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:

“გუშინ ღამის განმავლობაში ჩვენების საჰაერო თავდაცვამ 17-დან 13 შაჰიდი დრონი ჩამოაგდო, ხოლო დანარჩენმა 4-მა ვერ მიაღწია მიზანს. საბედნიეროდ, მსხვერპლი არ არის;

ფრონტის ხაზზე ისევ კარგი ამბები მოდის ბახმუტის ფლანგებიდან. კერძოდ, სამხრეთით, კლეშჩეევკის მიმართულებით კიდევ ერთი საყრდენი პუნქტი აიღეს ჩვენებმა, ხოლო ბერჰივკის დასახლების სიღრმეში კიდევ 300 მეტრით წაიწიეს წინ;

ზაპოროჟიეს მიმართულებაზე ძალიან ცხარე ბრძოლები მიდის. ჩვენებმა წინ წაიწიეს რობოტინეს მიმართულებით. ბრძოლა თითოეული მეტრისთვის მიდის;

ავდეევკის და მარიინკის მიმართულებაზე ყველა შეტევა მოიგერიეს ჩვენებმა, ისევე როგორც სვატოვოს მიმართულებაზე; ურდო არ იშურებს ცოცხალ ძალას, რათა 1) შეაკავოს ჩვენების შეტევები და 2) შექმნას რაიმე წარმატების სიახლეები! თუმცა, სერბეთის პრეზიდენტი ალექსანდრე ვუჩიჩიც კი ვარაუდობს, რომ უკრაინას ექნება წარმატება კონტრშეტევის განხორციელების დროს. “მალე დაიწყება უკრაინელების კონტრიერიში და უკრაინა, მართალია დიდი მსხვერპლით, მაგრამ მიაღწევს წარმატებას. მე არავის მხარეს ვარ, მაგრამ ვიცი, რომ ასე იქნება”, განაცხადა ვუჩიჩმა სერბულ ტვ პირველთან ინტერვიუში;

უკრაინის საგარეო საქმეთა მინისტრმა დმიტრო კულებამ ნატო საკმაოდ ხისტად გააფრთხილა. “ნატომ არ უნდა გაიმეოროს 2008 წლის ანგელა მერკელის შეცდომა…. ნატოში უკრაინის არ მიღება იქნება თვითმკვლელობა ევროპისთვის, რადგან ეს გახდება საფუძველი ახალი, დიდი სისხლისმღვრელი ომისთვის”!

გავლენიანმა გამოცემა “თაიმმა” ვრცელი სტატია მიუძღვნა პუტინის მიერ რუსეთის ეკონომიკის კანიბალიზაციას საკუთარი ძალაუფლების შენარჩუნების მიზნით. “რუსეთი ყოველდღიურად 1 მილიარდ დოლარს ხარჯავს ომის წარმოებაზე. მისი ძირითადი შემოსავლები ამ დრომდე იყო ენერგომატარებლების რეალიზაციიდან, მაგრამ ნავთობზე და გაზზე ფასების მნიშვნელოვანმა ვარდნამ და ევროპული და ამერიკული ბაზრების პრაქტიკულად დახურვამ ძალიან დიდი დარტყმა მიაყენა რუსეთის ეკონომიკას და ახლა პუტინი ცდილობს სხვადასხვა გადასახადების გაზრდითა და დაწესებით ბოლო კაპიკები ამოფხიკოს რუსების ჯიბეებიდან”, წერს “თაიმი”; რუსეთს აქვს კატასტროფული დეფიციტი ბიუჯეტში, რომელიც 3 ტრილიონ რუბლს გადასცდა. როგორც ჩანს, ამასაც პრიგოჟინს “შეტენიან”. გუშინ პროპაგანძილა კისელიოვმა ამცნო დედარუსეთს, რომ წლის განმავლობაში ქვეყანამ 850 მილიარდი რუბლი დახარჯა ვაგნერზე და ამდენივე პრგიოჟინის კომპანიების კონტრაქტებზე. ანუ 1.6 ტრილიონი რუბლი ჩოუდია პრიგოჟინისთვის ჯიბაში, რაც მთელი რუსეთის ჯან.დაცვის ბიუჯეტზე ოდნავ მეტია.

ახლა აღმოჩნდა, რომ ვაგნერის 10 თვიანი ბრძოლა ბახმუტისთვის არაფერი განსაკუთრებული და სტრატეგიულად მნიშვნელოვანი არ ყოფილა, თანაც მარიუპოლთან შედარებით.

პრეზიდენტმა ზელენსკიმ როგორც აღნიშნა, ვაგნერს მოკლულებით ჰყავს 21 ათასი და დაჭრილებით 80 ათასზე მეტი ბოევიკი. ვინც გადარჩა, კი გადავიდა მინსკში, ხოლო ახლების დაქირავების შეწყვეტის შესახებ თავად ვაგნერმა გამოაცხადა. ასე რომ ვაგნერი უკრაინაში – ფაფუ!

უკრაინა გაიმარჯვებს 2023-ში! საქართველო, ამოისუნთქე 2023-ში! პუტლერის ბოროტების იმპერია ჩამოინგრევა გრუხუნით 2023-ში!
დიდება უკრაინას!
გაუმარჯოს საქართველოს!
დიდება გმირებს!
დიდება ერს!
სიკვდილი მტერს! “- წერს ალექსი პეტრიაშვილი.

1...1,9271,9281,929...2,317 Page 1,928 of 2,317