ვერძი

ამ დღეს ალკოჰოლის მიღებას უნდა მოერიდოთ. ასევე, მოერიდეთ კამათს და ვინმესთვის საკუთარი აზრის თავზე მოხვევას, რადგან ეს შეიძლება დაპირისპირებაში გადაიზარდოს. შესაძლოა, ახლობელმა ადამიანმა საიდუმლო გაგიმხილოთ, რომელიც გაიძულებთ რამდენიმე ადამიანის მიმართ დამოკიდებულება შეცვალოთ.

კურო

თუ თქვენს ცხოვრებაში მეტისმეტად ბევრი პრობლემა გაჩნდა, ეს ნიშნავს, რომ მნიშვნელოვან საკითხთან დაკავშირებით არასწორი გადაწყვეტილება მიიღეთ, თუმცა შეცდომის გამოსწორება ჯერ კიდევ შეიძლება. სანამ შეთავაზებულ პირობებს დათანხმდებით, კარგად დაფიქრდით, რას მიიღებთ საბოლოოდ და მოგიწევთ თუ არა საკუთარ ინტერესებზე უარის თქმა. ყურადღებით უსმინეთ გარშემო მყოფთა საუბრებს და შეიძლება ყველა კითხვაზე პასუხი იპოვოთ.

ტყუპები

შესაძლოა, ამ დღეს სტუმრად დიდი ხნის უნახავი ადამიანები გეწვიონ. ეცადეთ ემოციები აკონტროლოთ და ურთიერთობაში ნაკლებად აგრესიული იყოთ. ლიდერობაში ვერავინ შეგეცილებათ და გარშემო მყოფებს ამასთან შეგუება მოუწევთ. მეგობრები თქვენს ნებისმიერ წამოწყებას მხარს დაუჭერენ. ხანდაზმული ტყუპები ზედმეტად ცხიმიანი კერძების და ალკოჰოლური სასმელების მიღებას უნდა მოერიდონ.

კირჩხიბი

შეხვედრები და საზეიმო სუფრებზე დასწრება ამ დღის განუყრელი ნაწილია. ეცადეთ, საკუთარ ჯანმრთელობას მეტი ყურადღება მიაქციოთ – მეტი სიფრთხილე გამოიჩინეთ მანქანის მართვის და ბასრი საგნებთან ურთიერთობის დროს. მთელი დღე ცდუნებას ებრძვით, რომ ფული უსარგებლო ნივთის შეძენაში არ დახარჯოთ ან საეჭვო საქმეში არ დააბანდოთ. ამ ცდუნებას არ დანებდეთ. მშვენიერი დღეა საოჯახო საქმეებისთვის.

ლომი

საზეიმო განწყობაზე ხართ და დილიდან გეგმას ადგენთ, რათა დღე მხიარულად გაატაროთ. დიდხანს იფიქრებთ, სტუმრად წახვიდეთ თუ სტუმრები თქვენთან მიიწვიოთ. გაითვალისწინეთ, რომ საუკეთესო დღე არ არის ახალი ნაცნობობისა და რომანტიკული პაემნებისთვის.

ქალწული

ამ დღეს ადამიანების მიმართ ცოტა აგრესიული ხართ და საპასუხოდაც აგრესიას იღებთ. მოერიდეთ საყვარელ ადამიანთან ურთიერთობის გარკვევას და ეცადეთ, ყურადღება საზეიმო სუფრაზე და გემრიელი კერძების დაგემოვნებაზე გადაიტანოთ. ვარსკვლავები გირჩევენ, რომ ამ დღეს სადღესასწაულო შეკრებებს სახლში მაინც მოერიდოთ. საქმემ, რომელსაც დიდი დრო და ძალისხმევა მიუძღვენით, შეიძლება სასიამოვნო ნაყოფი გამოიღოს.

სასწორი

შეიძლება ვიღაცის სიტყვებმა გული გატკინოთ, ამიტომ უმჯობესია, მთელი დღე სახლში, საყვარელ ადამიანებთან ერთად გაატაროთ. უფროს ნათესავებთან შესაძლებელია უთანხმოება გემოვნების საკითხებში. ენერგია, რომელსაც ეს დღე გჩუქნით, სრულიად საკმარისია როგორც რომანტიკული, ისე საქმიანი კავშირების დასამყარებლად.

მორიელი

ფინანსური მდგომარეობის გათვალისწინებით, არახელსაყრელი დღეა იმისთვის, რომ ფული ჰაერში ფანტოთ. გამორიცხული არ არის, საოჯახო ბიუჯეტის განაწილებასთან დაკავშირებით საყვარელ ადამიანთან იკამათოთ. მეგობრებთან ურთიერთობაშიც სირთულეებია მოსალოდნელია, ამიტომ უმჯობესია აქტიური მოქმედებებისგან თავი შეიკავოთ და უბრალოდ დაისვენოთ.

მშვილდოსანი

ამ დღეს რომელიღაც ოჯახური ტრადიციის გათვალისწინება მოგიწევთ, რაც თქვენს უკმაყოფილებას გამოიწვევს. უფროს ნათესავებთან ურთიერთობამ შეიძლება თქვენი განწყობა გაგიფუჭოთ. ვარსკვლავები გირჩევენ, რომ ურთიერთობის გარკვევის ცდუნებას არ აჰყვეთ – ეს კარგს არაფერს მოგიტანთ. უბრალოდ რაიმე გემრიელი მიირთვით, რომ წყენა დაივიწყოთ.

თხის რქა

უმჯობესია, ამ დღეს ნაკლები იაქტიუროთ და მთელი დღე სახლში დარჩეთ. წვეულებებზე სიარული, გაღიზიანების გარდა, არაფერს მოგიტანთ. სიახლემ, რომელსაც ამ დღეს გაიგებთ, შეიძლება რაღაც საკითხზე პოზიციის შეცვლა გაიძულოთ. გამორიცხული არ არის, რომ ვინმესთან შეჯიბრება მოგინდეთ. ეცადეთ, ყველაფერში ზომიერება დაიცვათ, რათა კონკურენცია საკუთარი უპირატესობის დამტკიცების მცდელობად არ იქცეს.

მერწყული

შესაძლოა მეგობრებთან ურთიერთობაში რაღაც ისეთი მოხდეს, რაც აგანერვიულებთ. ამ დღეს ფულს ნუ გაასესხებთ, თორემ დიდხანს ვეღარ დაიბრუნებთ. კარგი დღეა ალკოჰოლზე უარის თქმისა და ორგანიზმის განტვირთვისთვის. ზუსტად იცით, რა და როგორ უნდა გააკეთოთ, მაგრამ ცუდი ისაა, რომ ცდილობთ, სხვებსაც უკარნახოთ, როგორ იმოქმედონ – გაითვალისწინეთ, რომ ეს, პრობლემების გარდა, არაფერს მოგიტანთ.

თევზები

ამ დღეს მოვლენების ცენტრში აღმოჩნდებით! შეიძლება პარტნიორთან მცირე გაუგებრობა წარმოიშვას. სავარაუდოდ, ის ბევრ ყურადღებას მოითხოვს, თქვენ კი უბრალოდ დასვენება გსურთ, თუმცა მეორე დღეს ეს უთანხმოება არცერთს აღარ გემახსოვრებათ.

2025 წლიდან პენსია 35 ლარით იზრდება, შესაბამისად 70 წლამდე ასაკის პირთა პენსია იანვრიდან, 350 ლარით განისაზღვრება, ხოლო 70 წლის და მეტი ასაკის პირთათვის 450 ლარის ოდენობით. ამის შესახებ ფინანსთა მინისტრმა, ლაშა ხუციშვილმა 10 დეკემბერს პარლამენტში განაცხადა.

მისივე თქმით, ამასთან, მაღალმთიან დასახლებებში მცხოვრები პენსიონერებისთვის კანონით განსაზღვრული 20%-იანი დანამატების გათვალისწინებით, 70 წლამდე პირთა პენსია იქნება 420 ლარი, ხოლო 70 წლის და მეტი ასაკის პირთა პენსია 540 ლარი;

გარდა ამისა, მინისტრმა აღნიშნა, რომ 2025 წლიდან გაიზრდება კომპენსაციების მოცულობაც. ლაშა ხუციშვილის განცხადებით, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ასიგნებები 8 მილიარდ 820 მილიონი ლარის ოდენობით განისაზღვრა, რაც 2024 წლის დამტკიცებულ გეგმასთან შედარებით, გაზრდილია 990 მილიონ ლარზე მეტით.

ფინანსთა სამინისტროს ინფორმაციით, ასიგნებების ფარგლებში გათვალისწინებულია: „მოსახლეობის სოციალური დაცვა – 6 მილიარდ 353 მილიონ ლარზე მეტი, მათ შორის: საპენსიო უზრუნველყოფა – 4 მილიარდ 498 მილიონი ლარი, რომლის ფარგლებშიც, სამთავრობო პროგრამის შესაბამისად, 70 წლამდე ასაკის პირთა პენსია იზრდება 35 ლარით და 2025 წლის იანვრიდან განისაზღვრება 350 ლარით. 70 წლის და მეტი ასაკის პირთათვის პენსია, ასევე, იზრდება 35 ლარით და განისაზღვრება 450 ლარის ოდენობით. მაღალმთიან დასახლებებში მცხოვრები პენსიონერებისთვის კანონით განსაზღვრული 20 პროცენტიანი დანამატების გათვალისწინებით, 70 წლამდე პირთა პენსია იქნება 420 ლარი, ხოლო 70 წლის და მეტი ასაკის პირთა პენსია 540 ლარი;

პენსიის ზრდის შესაბამისად, იზრდება სახელმწიფო კომპენსაციების მიმღებ პირთა კომპენსაციის ოდენობები, რომელთა დაანგარიშება დაკავშირებულია სახელმწიფო პენსიის ოდენობაზე. სახელმწიფო კომპენსაციის/სახელმწიფო აკადემიური სტიპენდიის ზედა ზღვრის ოდენობა განისაზღვრება 1 035 ლარით, ხოლო ოჯახის წევრის გარდაცვალების გამო კომპენსაციის მიმღებ პირებზე გასაცემი სახელმწიფო კომპენსაციის ზედა ზღვრის ოდენობა განისაზღვრება 1 235 ლარით. მოსახლეობის მიზნობრივი ჯგუფების სოციალური დახმარება – 1 მილიარდ 639 მილიონ ლარამდე;

აღნიშნული თანხის ფარგლებში, კანონმდებლობის შესაბამისად გათვალისწინებულია მკვეთრად გამოხატული და 18 წლამდე შშმ პირების, ასევე, დანარჩენი კატეგორიის შშმ პირთა სოციალური გასაცემლის ზრდა 35 ლარით, ასევე, გათვალისწინებულია 120 ათას სოციალურ სარეიტინგო ქულამდე მყოფი ოჯახების 16 წლამდე ბავშვების ყოველთვიური 200-ლარიანი დახმარების დაფინანსება;

სოციალური შეღავათები მაღალმთიან დასახლებაში – 113,0 მლნ ლარი. პენსიის ზრდის შესაბამისად, იზრდება საპენსიო დანამატის მოცულობაც; სოციალური რეაბილიტაციისა და ბავშვზე ზრუნვის პროგრამის დაფინანსება შეადგენს 95,0 მილიონ ლარს. მოსახლეობის ჯანმრთელობის დაცვა – გათვალისწინებულია 1 მილიარდ 859 მილიონი ლარი, მათ შორის, საყოველთაო ჯანდაცვის დაფინანსება შეადგენს 1 მილიარდ 220 მილიონ ლარს.

პროგრამის ფარგლებში, გათვალისწინებულია პირველადი ჯანდაცვის პერსონალის ხელფასების ზრდა; სამედიცინო დაწესებულებათა რეაბილიტაცია და აღჭურვა – 100 მილიონი ლარი; დასაქმების სისტემის რეფორმების პროგრამა – 112 მილიონ ლარზე მეტი; იძულებით გადაადგილებულ პირთა და მიგრანტთა ხელშეწყობა – 268 მილიონი ლარი“, – აღნიშნულია სამინისტროს მიერ გავრცელებულ ინფორმაციაში.

2025 წლიდან, გზისპირა ზონებში, გადამზიდველების საგზაო ინსპექტირება განხორციელდება. იანვრიდან ძალაში შედის “საგზაო მოძრაობის შესახებ“ კანონში განხორციელებული ცვლილებები, რომლის თანახმად, გზისპირა ზონაში საგზაო ინსპექტირებას “M2“, “M3“, “N1“, “N2“, “N3“, “O3“, “O4“ კატეგორიის სატრანსპორტო საშუალებები დაექვემდებარება.

შემოწმდება შემდეგი საკითხები: – სახიფათო ტვირთის გადაზიდვის წესების დაცვა; მძღოლის შრომისა და დასვენების რეჟიმის დაცვა და საკონტროლო მოწყობილობის (ტაქოგრაფის) ელექტრონული ბარათის გამოყენება; სატრანსპორტო საშუალების ტექნიკური გამართულობა; ტვირთის ძარაზე დამაგრების წესების დაცვა; საერთაშორისო საავტომობილო გადაყვანასთან/გადაზიდვასთან დაკავშირებული შესაბამისი სანებართვო დოკუმენტის გამოყენების წესების დაცვა; საკონტროლო მოწყობილობის და სიჩქარის შემზღუდველი მოწყობილობის მონტაჟისა და კალიბრაციის წესების დაცვა; სატრანსპორტო საშუალების მასა და გაბარიტები.

გზისპირა ზონაში საგზაო ინსპექტირებას შინაგან საქმეთა სამინისტროს დახმარებით, ეკონომიკისა და მდგრადი განვითარების სამინისტროს სისტემაში შემავალი – სახმელეთო ტრანსპორტის სააგენტო განახორციელებს. გზისპირა ზონაში საგზაო ინსპექტირების წესი მთავრობის დადგენილებით განისაზღვრება.

მონიტორინგის შედეგად გამოვლენილ დარღვევაზე დაწესებულია ადმინისტრაციული პასუხისმგებლობა, დარღვევის ხარისხის შესაბამისად – 500 ლარიდან 5 000 ლარის ოდენობით.