ისრაელმა ღაზაში „ჰამასის“ ლიდერის, ისმაილ ჰანიეს სახლზე ავიაიერიში მიიტანა. ამის შესახებ ისრაელური მედია იტყობინება.

„ცაჰალის“ ცნობით, სახლი გამოიყენებოდა ტერორისტების მიერ, კერძოდ, იქ ერთმანეთს „ჰამასის“ მაღალჩინოსნები ხვდებოდნენ.

„ცაჰალმა“ ავიაიერიშის ამსახველი ვიდეოც გამოაქვეყნა.

IDF struck the home of Hamas leader Ismail Haniyeh – who lives in Qatar – in the Gaza Strip. It says the home was "used as terror infrastructure and, among other things, as a meeting place for the senior officials of the organization." pic.twitter.com/axDlpry35p

— Emanuel (Mannie) Fabian (@manniefabian) November 16, 2023

რუსეთის საჰაერო თავდაცვის ძალებმა ბრიანსკის ოლქის თავზე ორი უკრაინული დრონი ჩამოაგდეს, შავი ზღვის თავზე კი – სამი, – ამის შესახებ ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.

უწყების მტკიცებით, კიევმა კიდევ ერთხელ სცადა რუსეთის ტერიტორიაზე ტერორისტული თავდასხმის განხორციელება უპილოტო საფრენი აპარატების გამოყენებით.

„საჰაერო თავდაცვის სისტემებმა ბრიანსკის ოლქის ტერიტორიაზე ორი უკრაინული უპილოტო საფრენი აპარატი გაანადგურეს და კიდევ სამი დრონი, ყირიმის რესპუბლიკის სანაპიროსთან ახლოს, შავ ზღვაზე ჩამოაგდეს“, – ნათქვამია რუსეთის თავდაცვის უწყების განცხადებაში.

„ჰამასი“ ადასტურებს, რომ ღაზის სექტორში მდებარე ალ-შიფას საავადმყოფო ისრაელის არმიის კონტროლს დაექვემდებარა და საავადმყოფოში მყოფი პაციენტების, სამედიცინო პერსონალისა და იძულებით გადაადგილებულ პირთა უსაფრთხოებაზე პასუხისმგებლობას ისრაელს აკისრებს.

მანამდე ისრაელის თავდაცვის ძალებმა განაცხადეს, რომ ოპერაცია ალ-შიფას კომპლექსში კონკრეტულ ობიექტებზე ტარდება, სადაც „ჰამასის“ სამეთაურო პუნქტები და იარაღის საწყობებია განთავსებული.

ის, რომ ისრაელის არმია ქალაქ ღაზას სრულად აკონტროლებს, ისრაელის პრემიერმინისტრმაც დაადასტურა.

ჩინეთსა და აშშ-ს შორის პირდაპირი, ღია, მკაფიო სამხედრო კომუნიკაციები განახლდება, – ამის შესახებ აშშ-ის პრეზიდენტმა, ჯო ბაიდენმა ჩინეთის ლიდერ სი ძინპინთან შეხვედრის შემდეგ განაცხადა.

„ეს იყო ყველაზე პროდუქტიული და კონსტრუქციული საუბარი, რაც ოდესმე გვქონია. ვფიქრობ, მნიშვნელოვან პროგრესს მივაღწიეთ. პრეზიდენტ სი ძინპინსა და ჩემს შორის გაიხსნება საკომუნიკაციო ხაზები. ახლა ორივე შევძლებთ, ავიღოთ ხელში ტელეფონები და პირდაპირ დავურეკოთ ერთმანეთს“, – განაცხადა ბაიდენმა.

ჟურნალისტის კითხვაზე, ენდობა თუ არა ბაიდენი სი ძინპინს, აშშ-ის პრეზიდენტმა უპასუხა „როგორც ძველ გამონათქვამშია, ენდე, მაგრამ გადაამოწმე“.

ბაიდენის თქმით, ლიდერებმა ასევე ისაუბრეს აშშ-ჩინეთის ურთიერთობებში მთავარ კონფლიქტზე – ტაივანზე. ბაიდენმა ხაზგასმით აღნიშნა მშვიდობისა და სტაბილურობის მნიშვნელობა ტაივანის სრუტეში.

ამასთან, ბაიდენმა განაცხადა, რომ აშშ-მა და ჩინეთმა განაახლეს ძალისხმევა აშშ-ში ფენტანილის ნაკადის შესამცირებლად.

ჟურნალისტის კითხვაზე, კვლავ მიიჩნევს თუ არა სი ძინპინს დიქტატორად, ბაიდენმა უპასუხა, რომ მიიჩნევს.

„დიახ, ის არის, ის არის დიქტატორი იმ გაგებით, რომ ის არის ადამიანი, რომელიც მართავს კომუნისტურ ქვეყანას, რომელიც დაფუძნებულია მმართველობის ფორმაზე, რაც სრულიად განსხვავდება ჩვენისგან“, – აღნიშნა ბაიდენმა.

ჯო ბაიდენის ინფორმაციით, შეხვედრაზე ლიდერებმა გაცვალეს მოსაზრებები უამრავ გლობალურ საკითხზე, მათ შორის, უკრაინაში რუსეთის ომისა და ღაზაში მიმდინარე კონფლიქტის შესახებ.

აშშ-ის პრეზიდენტმა, ჯო ბაიდენმა კიდევ ერთხელ განაცხადა, რომ ჩინეთის ლიდერი, სი ძინპინი დიქტატორია.

ჩინელ კოლეგასთან გამართული სამიტის შემდეგ, აშშ-ის პრეზიდენტს დაუსვეს შეკითხვა, თვლის თუ არა ის, რომ სინ ძინპინი დიქტატორია, რაზედაც ჯო ბაიდენმა უპასუხა:

”არის. ის არის დიქტატორი იმ გაგებით, რომ არის კაცი, რომელიც მართავს კომუნისტურ ქვეყანას”, – განაცხადა ბაიდენმა და დასძინა, რომ ჩინეთის მთავრობა სრულიად განსხვავდება აშშ-ის მთავრობისგან.

შეგახსენებთ, მიმდინარე წლის ივნისში ჯო ბაიდენმა სი ძინპინს დიქტატორი უწოდა, როდესაც ის აშშ-ის მიერ ჩინური სათვალთვალო ბუშტის ჩამოგდებაზე ჩინეთის ლიდერის რეაქციაზე საუბრობდა. ჯო ბაიდენის ამ განცხადებამ ჩინეთის ხელისუფლებისგან მკაცრი კრიტიკა გამოიწვია.

აშშ-ის პრეზიდენტის, ჯო ბაიდენის განცხადებით, ისრაელსა და „ჰამასს“ შორის კონფლიქტი მაშინ დასრულდება, როდესაც „ჰამასს“ აღარ ექნება შესაძლებლობა დახოცოს ისრაელელები.

”ვფიქრობ, ეს შეჩერდება, როდესაც „ჰამასს“ აღარ ექნება უნარი დახოცოს, შეურაცხყოს და საშინელი ქმედებები ჩაიდინოს ისრაელელების წინააღმდეგ,” – აღნიშნა ბაიდენმა.

მისი თქმით, ისრაელმა კონფლიქტის დასრულებამდე უნდა მიაღწიოს იმ დონეს, როცა „ჰამასს“ მის წინააღმდეგ თავდასხმის განმეორების შესაძლებლობა აღარ ექნება.

„ჰამასმა“ თქვა, რომ აპირებენ იმავეს გაკეთებას ისევ, რაც გააკეთეს. ისინი აპირებენ, შევიდნენ და სურთ ისრაელების დახოცვა. მათ სურთ ამის გაკეთება ისევ. მათ ეს ხმამაღლა თქვეს. ისინი ამაზე არ ხუმრობენ. ისინი უკან არ იხევენ. ასე რომ, უბრალოდ რიტორიკულ შეკითხვას დავსვამ: მაინტერესებს, რას ვიზამთ, ასე რომ იყოს?“ – აღნიშნა ბაიდენმა.

აშშ-ის პრეზიდენტის თქმით, „ჰამასმა“ომის დანაშაული ჩაიდინა. „გვაქვს ისეთი გარემოება, როდესაც „ჰამასი“ ახორციელებს პირველ ომის დანაშაულს იმით, რომ მათი შტაბ-ბინა, მათი სამხედროები საავადმყოფოს ქვეშ არიან დამალული. ეს ფაქტია. ეს არის ის, რაც მოხდა“, – განუცხადა ბაიდენმა ჟურნალისტებს სი ძინპინთან შეხვედრის შემდეგ გამართულ პრესკონფერენციაზე.