ცესკოს თავმჯდომარემ დღეს ერთ-ერთი ხანდაზმული ამომრჩეველი ელენე აბაშიძე მოინახულა. გიორგი კალანდარიშვილმა და ცესკოს პრეს სპიკერმა ნათია იოსელიანმა ხანდაზმულ ამომრჩეველს მიაწოდეს ინფორმაცია საარჩევნო პროცესში ელექტრონული ტექნოლოგიების დანერგვასთან დაკავშირებით, გადასატანი ყუთით სარგებლობის, ბიულეტენის შევსების წესის და 4 ოქტომბრის არჩევნებთან დაკავშირებული სხვა მნიშვნელოვანი საკითხების შესახებ.

როგორც ცესკოს თავმჯდომარემ აღნიშნა, საარჩევნო ადმინისტრაციის ტრადიციად იქცა, რომ საერთო არჩევნების წინ უწყების წარმომადგენლები სტუმრობენ უხუცეს ამომრჩეველს, რაც ხაზს უსვამს თითოეული ამომრჩევლის მონაწილეობის მნიშვნელობას. „ბუნებრივია, ფიზიკურად მთელი ქვეყნის მასშტაბით ყველა უხუცესთან ფიზიკურად მისვლა შეუძლებელია, თუმცა ეს არის გზავნილი ყველა მათგანისთვის, რომ მათი არჩევნებში მონაწილეობა ისეთივე ღირებულია, როგორც სხვა ნებისმიერი ასაკობრივი ჯგუფისა თუ თაობის წარმომადგენლის“ – განაცხადა გიორგი კალანდარიშვილმა.

შეხვედრას ჩუღურეთის საოლქო საარჩევნო კომისიის თავმჯდომარე თინათინ კალმახელიძე და კომისიის წევრი ირმა ფიდაშვილი ესწრებოდნენ.

ცესკოსა და ზურაბ ჟვანიას სახელობის სახელმწიფო ადმინისტრირების სკოლას შორის გაფორმებული ურთიერთთანამშრომლობის მემორანდუმის ფარგლებში მორიგი საინფორმაციო შეხვედრა მარნეულში გაიმართა.

სახელმწიფო ენის სწავლებისა და ინტეგრაციის პროგრამის წარმატებულ კურსდამთავრებულებს ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი და ზურაბ ჟვანიას სახელობის სახელმწიფო ადმინისტრირების სკოლის დირექტორი დავით გიორგაძე შეხვდნენ.

თავის გამოსვლაში გიორგი კალანდარიშვილმა დეტალურად ისაუბრა არჩევნებისა და მისი მნიშვნელობის შესახებ, ელექტრონული ტექნოლოგიების დანერგვასთან დაკავშირებით საარჩევნო ადმინისტრაციის მიერ განხორციელებული საქმიანობის, საარჩევნო ელექტრონული ტექნოლოგიების უპირატესობებისა და მნიშვნელოვანი საარჩევნო სიახლეების შესახებ. ასევე ვრცლად ისაუბრა მუნიციპალიტეტის ორგანოთა არჩევნებისთვის მზადების პროცესისა და საარჩევნო ადმინისტრაციის მიმდინარე და დაგეგმილი საქმიანობის შესახებ. მისი თქმით, ინფორმირებული ახალგაზრდები უკეთ აცნობიერებენ არა მხოლოდ საკუთარი ხმის, არამედ პროცესებში ჩართულობის მნიშვნელობასაც, რომელიც თითოეულ მოქალაქეს ეკისრება ქვეყნის მომავალი განვითარებისთვის.

შეხვედრის დასასრულს ცესკოს თავმჯდომარემ და ჟვანიას სახელობის სახელმწიფო ადმინისტრირების სკოლის დირექტორმა, მარნეულის სასწავლო ცენტრის კურსდამთავრებულებს სახელმწიფო ენის სწავლებისა და ინტეგრაციის პროგრამის წარმატებით დასრულებისთვის სერტიფიკატები გადასცეს.

მარნეულის სასწავლო ცენტრში 28 სექტემბერს გამართულ შეხვედრას ესწრებოდნენ ცესკოს პრეს-სპიკერი ნათია იოსელიანი, მარნეულის საოლქო საარჩევნო კომისიის თავმჯდომარე ლელა ქრისტესიაშვილი, საოლქო საარჩევნო კომისიის წარმომადგენლები და რეგიონული კოორდინატორი კობა ასანიძე. ასევე, მარნეულის მერის პირველი მოადგილე როინ დეკანოიძე, მერის მოადგილე თემურ შუბითიძე და ადმინისტრაციული სამსახურის ხელმძღვანელი მამუკა შუბითიძე.

შეხვედრას ფასილიტაციას ზურაბ ჟვანიას სახელობის სახელმწიფო ადმინისტრირების სკოლის, მარნეულის სასწავლო ცენტრის ხელმძღვანელი, მაია ბუწურაძე უწევდა.

10 წლის წინ, ძნელად წარმოიდგენდა ვინმე, რომ youtube-ზე სამოყვარულოდ ატვირთული ვიდეოები შესაძლოა, შემოსავლის ძირითადი წყარო გამხდარიყო.

დღეს, ქართველი იუთუბერები მოგზაურობენ ქართულ მთებშიც და ბრაზილიურ ჯუნგლებშიც, მყუდროებას ურღვევენ მდინარე ამაზონის ბინადრებს, გვიზიარებენ კულინარიულ რეცეპტებსა და ემოციებს. რაც მთავარია, ამით შემოსავლის გენერირებასაც ახერხებენ.

სფერო მზარდია, საქმე კი- მიმზიდველი. ამიტომ, თიბისი ბიზნესის პანელური დისკუსიების სერია –  “ხუთშაბათის შეხვედრები” ამ აქტუალური თემით გაგრძელდა.

მრგვალი მაგიდის გარშემო, ამჯერად, იუთუბერები გიორგი კალატოზი,ნინუცა ორჯონიკიძე და  სეტანტას community impact head- სალომე ყალიჩავა შეიკრიბნენ.

უტრავმო ფეხბურთის თამაშის შემდეგ გიორგი კალატოზს ძალიან უნდოდა, ამ სფეროში დარჩენილიყო. 19 წლის ასაკში საფეხბურთო კომენტატორი გახდა და 9 წელი იმუშავა. 2015 წელს გადაწყვიტა, იუთუბ არხი გაეხსნა. ძირითადად, საყვარელი კომპიუტერული თამაშების მიმოხილვას დებდა. პირველ ვიდეოს 1 კვირა ამონტაჟებდა. ბუნებრივია, რომ იმ პერიოდში წარმოდგენაც არ ჰქონდა, რომ ერთ-ერთი პოპულარული და მოთხოვნადი იუთუბერი გახდებოდა.

„მახსოვს ის შეგრძნება, როდესაც პირველად წავიყვანე საფეხბურთო მატჩი ტელევიზიაში.  გამოვედი კომენტატორის ჯიხურიდან და  გულუბრყვილოდ მეგონა, რომ მალე ხმაზე მიცნობდნენ. განსხვავებული გამოცდილება იყო იუთუბზე: ქუჩაში მამხნევებდნენ და  ბავშვები ფოტოებს იღებდნენ. როდესაც პირველი სპონსორი გამოჩნდა, მივხვდით, რომ ამ საქმეს სერიოზულად უნდა მივყოლოდით. ცოტა ხნის წინ, ახალი არხის შექმნა დავაანონსე და სამმა კომპანიამ უკვე გამოთქვა სპონსორობის სურვილი. თავიდანვე ვიცოდი, რომ სარედაქციო დამოუკიდებლობა  იყო წმინდა, რომელსაც არავინ უნდა შეხებოდა”, – გაიხსენა გიორგიმ.

ნინუცა ორჯონიკიძესთვის youtube  კარგი საშუალებაა ამბავი იმ ფორმით მოჰყვეს, რომელიც მისთვისაა მისაღები. ამბების მოყოლა და მთა კი მისი სტიქიაა. არხი შექმნა, მეგობრები შემოიკრიბა და მთაში ხეტიალიც დაიწყო, თუმცა მაყურებელი მის ენთუზიაზმს თავიდან არ გაჰყვა, არც მისი ინსტაგრამის გამომწერებს  წასცდენიათ ხელი  youtube-ის არხზე. ნინუცას მცდელობას, არხს რეკლამით მიშველებოდა და დაებუსტა, 1000 დოლარი “ემსხვერპლა”. შედეგი ვერ მოიტანა, თუმცა, გაკვეთილი მიიღო. შემდეგ სტრატეგია შეცვალა, უკვე ცნობილ იუთუბერებთან კოლაბორაციული ვიდეოები შექმნა და ნახვებმაც იმატა.  ახლა არხს 60 000 გამომწერი ჰყავს.

სალომე ყალიჩავა მიიჩნევს, რომ ბრენდმა არა ამბასადორები, არამედ მეგობრები უნდა შემოიკრიბოს. მისთვის მნიშვნელოვანი იყო, რომ ქართულ სეტანტას ორგანული ვიდეოები ჰქონოდა.

“ცუდია, როცა კომპანია ამ პლატფორმას ფოტო-ვიდეოების ასატვირთ გალერეად იყენებს. ხშირად ვხედავთ დამფუძნებლის  ვიდეოს ათასობით ნახვით და 0 კომენტარით. ასეთ დროს უნდა მიხვდე რომ  შენს ბრენდს კომუნა არ ჰყავს. ამას კი მხოლოდ ვიდეოს დაბუსტვა არ შველის”, – ამბობს სალომე.

2025 წელს Youtube-ზე რეგისტრირებული არხების რაოდენობა 50-70 მილიონამდე მერყეობს.  ყველაზე პოპულარული კი Mrbeast-ია 380 მილიონი გამომწერით, რომელმაც 473 მილიონი დოლარის დაგროვება შეძლო.

დისკუსიის მონაწილეებმა აღნიშნეს, რომ youtube-ზე მონეტიზაციის თანხამ ჩვენს ქვეყანაში მოიმატა.  როგორც აღნიშნეს, თემატური არხები ჯერ კიდევ დეფიციტია. ასე რომ, მთავარია დაიწყო და წარმატება გზაში წამოგეწევა.

(R)

ვერძი

შესაძლოა, ამ დღეს იპოვოთ პასუხი კითხვაზე – სად მიდის ფული, რომელიც დიდი ხანია, გაწუხებთ. თუმცა, მარტო პასუხის პოვნა საკმარისი არ არის. ის ხვრელიც უნდა ამოავსოთ, საიდანაც თქვენი ფული მუდმივად გაედინება. ფინანსებთან დაკავშირებით კამათს და ურთიერთბრალდებებს უნდა მოერიდოთ – ეს ნერვების მოშლის გარდა, არაფერს მოგიტანთ.

კურო

ამ დღეს დარწმუნებული ხართ, რომ ყველაზე კარგად იცით – ვინ, რა და როდის უნდა გააკეთოს და საკუთარ სიმართლეში გარშემო მყოფების დაჯერებას ცდილობთ. გამირიცხული არ არის, რომ ამას კონფლიქტები მოჰყვეს. იქნებ საჭირო არ არის ვინმესთვის რამეს დამტკიცება? ამის გარეშე თქვენი დღე ბევრად უფრო მშვიდი და ნაყოფიერი იქნება.

ტყუპები

გირჩევთ, ეს დღე საკუთარ თავს და საყვარელ ადამიანებს მიუძღვნათ! თუ საყვარელ ადამიანებთან ურთიერთობაში რამე გაწუხებთ ან ხელს გიშლით, ეცადეთ, ამაზე გულწრფელად და პრეტენზიების გარეშე ისაუბროთ. რაც მთავარია, სხვა ადამიანების საქმეებში არ უნდა ჩაერიოთ – ეს ცუდად დასრულდება.

კირჩხიბი

მთელ დღეს სულიერი წონასწორობისა და სიმშვიდის ძიებაში გაატარებთ. ცდუნებას ებრძვით, რომ რაღაც ჯანმრთელობისთვის საზიანო, მაგრამ ძალიან გემრიელი არ შეჭამოთ. თუ ცდუნებასთან გამკლავება გიჭირთ, ეცადეთ, ყურადღება ფიზიკურ დატვირთვაზე გადაიტანოთ, რაც სასუსნავებზე ფიქრს ცოტა ხნით მაინც დაგავიწყებთ.

ლომი

მთელი დღის განმავლობაში ცდილობთ დაგროვილ კითხვებსა და პრობლემებში გაერკვეთ და სწორი დასკვნა გამოიტანოთ, მთავარია, თქვენი მცდელობა შემთხვევით ვინმესთან დაპირისპირებაში არ გადაიზარდოს. უმჯობესი იქნება, რომ მოზღვავებული ენერგია დაწყებული საქმეების დასასრულებლად და სახლის დალაგებისთვის გამოიყენოთ. ჩანთაში ან მაგიდის უჯრაში შეიძლება იპოვოთ ის, რაც დიდი ხნის დაკარგული გგონიათ.

ქალწული

ამ დღეს თქვენი მთავარი მტერი თქვენივე ენაა! აუცილებელი არ არის, რომ ადამიანებს პირში უთხრათ ყველაფერი, რასაც მათზე ფიქრობთ. შეიძლება ვინმეს შეურაცხყოფა არ გსურთ, მაგრამ შემთხვევით მისთვის მტკივნეულ თემას შეეხოთ. გულწრფელობა კარგია, მაგრამ იმაზეც უნდა იფიქროთ, რომ ვინმეს გული არ ატკინოთ. ვარსკვლავები გირჩევენ, რომ საკუთარი ცხოვრება ძველი და უსარგებლო ნივთებისგან გაათავისუფლოთ და სიახლეებისთვის მოემზადოთ.

სასწორები

ეს დღე უამრავ გამოცდას გიმზადებთ. ამასთან, ზებუნებრივი უნარების წყალობით შეურაცხმყოფელ მინიშნებებს იქაც კი ხედავთ, სადაც არასოდეს ყოფილა. თუ არ გსურთ, რომ მთელი დღე კონფლიქტში გაატაროთ, საკამათო თემებს და დაპირისპირებებს თავი უნდა აარიდოთ.

მორიელი

ამ დღეს ყველაზე მეტად მნიშვნელოვანი, საპასუხისმგებლო გადაწყვეტილებების მიღებას უნდა მოერიდოთ. განსაკუთრებით დაუშვებელია რადიკალიზმი, ამიტომაც სანამ რამეს იტყვით ან გააკეთებთ, კარგად უნდა დაფიქრდეთ. კარგი იქნება, თუ გამოცდილი ადამიანების რჩევებსაც გაითვალისწინებთ.

მშვილდოსანი

ამ დღეს საზოგადოებას მორალის დამცველად მოევლინებით. ნებისმიერი ორაზროვანი ხუმრობა და მინიშნება (მიუხედავად იმისა, ვისკენაა მიმართული) თქვენს გაღიზიანებას გამოიწვევს. ასე რომ, ჩხუბის დასაწყებად მიზეზის ძებნა არ დაგჭირდებათ.

თხის რქა

ურთიერთობის სურვილის მიუხედავად, ამ დღეს ხალხმრავალ შეკრებებსა და წვეულებებს უნდა მოერიდოთ – გამორიცხული არ არის, რომ ვიღაცამ პროვოკაცია მოგიწყოთ და დაპირისპირებაში ჩაგითრიოთ. შედეგი იმდენად მძიმე იქნება, რომ შეიძლება თქვენს სულში წარუშლელი კვალი დატოვოს.

მერწყული

ამ დღემ რომ კარგად ჩაიაროს, უმჯობესია წინასწარ მოემზადოთ და ეს მზადება სახლის დალაგება-დასუფთავებით დაიწყოთ. არაფერი ისე არ გაღიზიანებთ, როგორც სახლში ჭუჭყი და ნაგავი. სუფრაზე პურის ნამცეცებმაც კი შეიძლება მთელი დღით ხასიათი გაგიფუჭოთ და საქმის კეთების სურვილი დაგიკარგოთ.

თევზები

ამ დღეს შანსი გექნებათ, რომ საკუთარი ცხოვრება უკეთესობისკენ შეცვალოთ. ყურადღებით დააკვირდეთ გარშემო მიმდინარე მოვლენებს და ეცადეთ, სიტუაციის მიხედვით იმოქმედოთ. ჯობს, რუტინული სამუშაოს კეთება სამომავლოდ გადადოთ და ამ დღეს მხოლოდ ის აკეთოთ, რაც სიამოვნებას განიჭებთ. დღის მეორე ნახევარში მნიშვნელოვანი შეხვედრა გელით.