მშვიდობას ალტერნატივა არ აქვს, ეს კიდევ უფრო ნათლად გამოჩნდა დონალდ ტრამპის გამარჯვების შემდეგ, დეზინფორმაციაა, რომ ჩვენ ანტიამერიკულ ან ანტიდასავლურ ქმედებებს ვახორციელებდით, – ამის შესახებ საქართველოს პრეზიდენტმა, მიხეილ ყაველაშვილმა შვეიცარიულ გამოცემა Neue Zürcher Zeitung-თან ინტერვიუში განაცხადა.

როგორც მიხეილ ყაველაშვილმა აღნიშნა, საქართველოში დღეს არსებული კრიზისი ხელოვნურად არის გამოწვეული.

„ჩვენ ვართ საპარლამენტო რესპუბლიკა კონსტიტუციის თანახმად, პრეზიდენტის როლი არის ზეპარტიული. ჩემმა წინამორბედმა ამ როლის მიღმა დააყენა თავი, რითაც საზოგადოებაში მოლოდინი გააჩინა. ეს არ იყო სწორი. მინდა, ყველა მოქალაქის პრეზიდენტი ვიყო. ჩემი მთავარი მოტივაციაა, საპრეზიდენტო ინსტიტუტი კონსტიტუციის ფარგლებში დავაბრუნო. რაც შეეხება კრიზისს, პოლიტიკური სიტუაცია ახალი არ არის, რაც მე პოლიტიკაში ვარ მას შემდეგ ასეა. 90-იანი წლების დასაწყისში ჩვენ გვაქვს სამოქალაქო ომის გამოცდილება, ჩემს და უფროსს თაობას ეს კარგად ახსოვს. მაშინაც იყვნენ გარე ძალები, რომლებიც ჩვენ მიმართ არ იყვნენ კეთილგანწყობილი და ჩვენ ვერ შევძელით სამოქალაქო ომის თავიდან აცილება. მთავრობა ითვალისწინებს ამას, ის იქცევა საკმაოდ ჭკვიანურად. კრიზისი ხელოვნურად არის გამოწვეული“, -აღნიშნა პრეზიდენტმა.

ამასთან, კითხვაზე, რას გულისხმობს ხელოვნურში, ყაველაშვილმა აღნიშნა, რომ დემოკრატიული ტრანსფორმაციის ეტაპზე მყოფი ქვეყნები აწყდებიან ხოლმე მსგავს სიტუაციას, „თუმცა სამოქალაქო ომი მხოლოდ მაშინ შეიძლება, მოხდეს, თუ ეს გარედან ინსპირირებულია.“ მისივე თქმით, საქართველოს შემთხვევაში სიტუაცია რუსეთ-უკრაინის ომმა გაამწვავა.

მიხეილ ყაველაშვილის განცხადებით, რუსეთ-უკრაინის ომი ახალი დაწყებული იყო, როდესაც უცხოური მთავრობის წარმომადგენლებმა საქართველოსგან რუსეთის წინააღმდეგ ომში ჩართვა მოითხოვეს.

„უკრაინის ხელისუფლების მაღალჩინოსნებმა მოგვთხოვეს მოხალისეების გაგზავნა, ასევე, უნდა მივერთებოდით სანქციებს რუსეთის წინააღმდეგ და გაგვეგზავნა იარაღი, რამდენადაც ეს სასაცილოდ არ უნდა ჟღერდეს. ვინაიდან ჩვენ რუსეთთან შეიარაღებული კონფლიქტი არაერთხელ გვქონია, სულ ბოლო 2008 წელს, ჩვენი ტერიტორიების ნაწილი ოკუპირებულია და საქმე გვაქვს ატომურ სახელმწიფოსთან, ჩვენ უარი განვაცხადეთ. ჩვენ არც ევროკავშირის წევრი ვართ და არც ნატო-სი, ომში მონაწილეობა ძალიან დაგვაზარალებდა. სწორედ ამიტომ ჩვენზე ხორციელდებოდა ზეწოლა. პირველ რიგში, ეს შეეხო კანდიდატის სტატუსს“, – განაცხადა ყაველაშვილმა.

მისივე თქმით, ევროკავშირის კანდიდატ ტრიოს შორის (უკრაინა, მოლდოვა, საქართველო) კანდიდატის სტატუსისთვის აუცილებელი საშინაო დავალება საქართველომ ყველაზე კარგად შეასრულა, თუმცა სტატუსი პირველ ჯერზე ვერ მიიღო, რაც გაუგებარი იყო.

„ამ შემთხვევების შემდეგ, მე სხვა დეპუტატებთან ერთად დავაფუძნე დამოუკიდებელი ჯგუფი სახელად „ხალხის ძალა”. ჩვენი მიზანი იყო ამ ზეწოლის შესახებ საქართველოს მოსახლეობის გულწრფელად ინფორმირება. მაშინაც იმართებოდა საპროტესტო აქციები მთავრობის წინააღმდეგ, თუმცა მთავარი კითხვაა, რა დაემართებოდა საქართველოს, მოთხოვნას რომ დავყოლოდით? ამას ვხედავთ უკრაინის მაგალითზე, რომელიც უამრავი ქვეყნის მხარდაჭერის მიუხედავად, ვერ ახერხებს რუსეთის შეჩერებას. ჩვენი ნაბიჯი იყო გაბედული. ეს ნიშნავს საქართველოს გადარჩენას. მშვიდობას ალტერნატივა არ აქვს. ეს კიდევ უფრო ნათლად გამოჩნდა დონალდ ტრამპის გამარჯვების შემდეგ. ის და მისი საგარეო საქმეთა მინისტრი მარკო რუბიო, სწორედ იმას ამბობენ, რასაც ჩვენ სულ ვამბობდით. ის, რომ ჩვენ ანტიამერიკულ ან ანტიდასავლურ ქმედებებს ვახორციელებდით, ეს დეზინფორმაციაა“-განაცხადა მიხეილ ყაველაშვილმა.

ჩვენ რომ საღად მოაზროვნე ოპოზიცია გვყავდეს, სწორედ ამ კითხვაზე უნდა ვმსჯელობდეთ ჩვენს მოქალაქეებთან ერთად. ჩემი შვეიცარიული გამოცდილება მაჩვენებს, თუ როგორ ხდება მსგავსი თემების განხილვა. როგორც კი ხელოვნური ჩარევები შეწყდება, აუცილებლად გავმართავთ დისკუსიას რას მოუტანს საქართველოს ევროპა და ევროპას საქართველო, – ასე უპასუხა საქართველოს პრეზიდენტმა, მიხეილ ყაველაშვილმა შვეიცარიულ გამოცემა „Neue Zürcher Zeitung“-ის ჟურნალისტის შეკითხვას იმასთან დაკავშირებით, თუ როგორ უნდა გამოიყურებოდეს ევროპა, რომ საქართველო მისი ნაწილი იყოს.

ყაველაშვილის განცხადებით, ქართველებმა არ უნდა დათმონ საკუთარი განსხვავებულობა და არ უნდა იყვნენ მხოლოდ ევროპელები.

„ეს ეხება ჩვენს სამშობლოს, ჩვენს ენას და ჩვენს ქრისტიანულ რწმენას. ქართველი არსებობას და რწმენას ერთმანეთს უკავშირებს. ენის და რელიგიის გარეშე საქართველო ვერ გადარჩებოდა. ჩვენ არ ვართ მრავალრიცხოვანი ერი, თუმცა მრავალფეროვნება არის ჩვენი განაცხადი. ჩვენ არ უნდა დავთმოთ ჩვენი განსხვავებულობა და არ უნდა ვიყოთ მხოლოდ ევროპელები“, – განაცხადა მიხეილ ყაველაშვილმა.

პროკურატურას არჩევნების გაყალბების არცერთი მტკიცებულება არ წარედგინა, ეუთო-ს საბოლოო დასკვნაც ამბობს, რომ არჩევნები დემოკრატიულად ჩატარდა, – ამის შესახებ საქართველოს პრეზიდენტმა, მიხეილ ყაველაშვილმა გამოცემა Neue Zürcher Zeitung-თან ინტერვიუში განაცხადა.

„პროკურატურას არჩევნების გაყალბების არცერთი მტკიცებულება არ წარედგინა. ეუთო-ს საბოლოო დასკვნაც ამბობს, რომ არჩევნები დემოკრატიულად ჩატარდა. მოქალაქეებს ჰქონდათ თავისუფალი არჩევანის უფლება. ეს არის რეალობა. ვერავინ იტყვის, რომ მიხეილ ყაველაშვილი არაკანონიერად იქნა არჩეული“, – განაცხადა მიხეილ ყაველაშვილმა.

მისივე თქმით, სიმართლეს არ შეესაბამება ცნობები მოსახლეობის დაშინების შესახებ. როგორც პრეზიდენტმა აღნიშნა, მოქალაქეები კრიტიკული არიან, თუმცა, მათთვის მშვიდობა, სტაბილურობა და ევროპისკენ მიზანმიმართული სვლა უალტერნატივოა.

„სიმართლეს არ შეესაბამება, რომ ვიღაც როგორც მონა ისე აძლევს ხმას „ქართულ ოცნებას“. მოქალაქეები კრიტიკული არიან, თუმცა მათთვისაც მშვიდობა, სტაბილურობა და მიზანმიმართული სვლა ევროპისკენ მნიშვნელოვანია. ამას ალტერნატივა არ აქვს. რომ არსებულიყო ნორმალური ოპოზიცია, რომელიც დააკმაყოფილებდა ქართველი ხალხის მოთხოვნებს, მაშინ იქნებოდა ის კონკურენტუნარიანი და შეძლებდნენ „ქართული ოცნების“ შეცვლას. ძალები, რომლებიც ირწმუნებიან, რომ უნდათ ჩვენი ევროკავშირში შეყვანა, პირიქით აზიანებენ მიზანს“, – განაცხადა მიხეილ ყაველაშვილმა.

საქართველოს პრეზიდენტმა, მიხეილ ყაველაშვილმა მისი წინამორბედის, სალომე ზურაბიშვილის შესახებ დასმულ კითხვას უპასუხა, რომელიც დღემდე ამტკიცებს, რომ ლეგიტიმური პრეზიდენტია.

„საპრეზიდენტო არქივის დათვალიერების შედეგად ვრწმუნდებით, ეს ყველაფერი მას არჩევნებამდე ჰქონდა დაგეგმილი“, – აღნიშნა ყაველაშვილმა.

მისივე თქმით, „ქართულმა ოცნებამ“ მეცხრედ მოიგო არჩევნები და ამასთანავე სოციოლოგიური გამოკითხვები აჩვენებს, რომ მოსახლეობის 80 პროცენტი მხარს უჭერს ევროინტეგრაციას.

„„ქართული ოცნება“ რომ რუსული მთავრობა იყოს და ევროინტეგრაციის წინააღმდეგ მოქმედებდეს, როგორ იქნებოდა ეს ორი მოცემულობა თანხვედრაში?!“ – განაცხადა საქართველოს პრეზიდენტმა.

როგორც ყაველაშვილმა აღნიშნა, საპროტესტო აქციების მონაწილეები არ წარმოადგენენ საქართველოს მოსახლეობის უმრავლესობას. მისივე თქმით, მიუხედავად ამისა, მათი აზრიც უნდა იქნას გათვალისწინებული, თუმცა გაუგებარია, რას აპროტესტებენ ისინი.

„საქართველოს მოსახლეობის უმრავლესობას აქვს მთავრობის მიერ გადადგმული ნაბიჯების სრული გაგება. ის ვინც ქუჩაში გადის უმრავლესობას არ წარმოადგენს. გასაგებია, რომ ჩვენ ესეც უნდა გავითვალისწინოთ, თუმცა ისმის კითხვა, რას აპროტესტებენ ისინი? რატომ ახალი არჩევნები? არჩევნები უკვე ჩატარდა. ახალი არჩევნები თუ ჩატარდება და ეს პარტიები ისევ ვერ მოიგებენ, რა იქნება მაშინ?“, – აღნიშნა მიხეილ ყაველაშვილმა.

მისივე თქმით, ღირებულებები, რომელსაც საქართველო იცავს, თანხვედრაშია ტრამპის ღირებულებებთან და ეს იძლევა აშშ-სთან ახალი დასაწყისის იმედს.

„ტრამპი და მისი გუნდი ხშირად ამბობს, რომ მშვიდობა პრიორიტეტია. ასევე ღირებულებები, რომელსაც საქართველო იცავს, მაგალითად ტრადიციების დაცვა, თანხვედრაშია ტრამპის ღირებულებებთან. ეს გვაძლევს ჩვენ ახალი დასაწყისის იმედს. დაახლოებით იგივე მოხდება ევროპის შემთხვევაშიც. ყველა ქვეყანამ თავისი ინტერესები უნდა დაიცვას“, – განაცხადა მიხეილ ყაველაშვილმა.

არავის აქვს უფლება, გააუქმოს ქართველი ხალხის ნება. ჩვენ ზუსტად ამის მცდელობა ვიხილეთ ევროსაბჭოს საპარლამენტო ასამბლეაზე, – ამის შესახებ საქართველოს პარლამენტის თავმჯდომარემ, შალვა პაპუაშვილმა ტელეკომპანია „იმედის“ ეთერში განაცხადა.

აღნიშნულით პაპუაშვილი ევროსაბჭოს საპარლამენტო ასამბლეის გადაწყვეტილებას გამოეხმაურა.

„ჩვენ, ჩვენი დელეგაცია ევროსაბჭოს საპარლამენტო ასამბლეაში ამასთან დაკავშირებით ვეუბნებოდით ყველას, რომ იყვნენ ობიექტურები, სამართლიანები ქართველი ხალხის, საქართველოს მიმართ და რომ არსებობს წითელი ხაზები, რომლებიც მნიშვნელოვანია, არ იყოს დარღვეული. კერძოდ, არავის აქვს უფლება, გააუქმოს ქართველი ხალხის ნება. ჩვენ ზუსტად ამის მცდელობა ვიხილეთ საპარლამენტო ასამბლეაზე. ვიცით, რომ ეს იყო „ევროპის სახალხო პარტიის“ ფარგლებში წამოყენებული ინიციატივა, რომლის შემუშავებაში ქართველი მოღალატე ოპოზიცია და უკრაინის დელეგაცია იყო ჩართული. შეგახსენებთ, „ევროპის სახალხო პარტია“ ის ხალხია, ვინც მიხეილ სააკაშვილის ცარიელ სკამს დგამდა თავის კონფერენციაზე და მწამებლის მხარდამჭერია. ეს ის უკრაინული დელეგაციაა გონჩარენკოს ხელმძღვანელობით, რომელსაც უნდოდა, ჩვენ საზარბაზნე ხორცად გამოვეყენებინეთ, ჩავერთეთ ომში და მოგვიწოდებდნენ, რამენაირად რუსეთის მზერა უკრაინიდან საქართველოში გადმოგვეტანა, აქ გვქონოდა გამართული ბრძოლა. ეს ის მოღალატე ოპოზიციაა, რომელიც ამ ყველაფერში იყო აყოლილი. ასე რომ, ამ მხრივ შეიკრა ანტიქართული კოალიცია“, – განაცხადა პარლამენტის თავმჯდომარემ.

გაიხსენონ ერთი განცხადება მაინც ევროკავშირის საელჩოს ან ნებისმიერის, ამ აქტიური საელჩოებიდან, სადაც მათ დაგმეს ძალადობა სახელმწიფოს წარმომადგენლების, პოლიციის, პარლამენტის წინააღმდეგ, – განაცხადა საქართველოს პარლამენტის თავმჯდომარემ შალვა პაპუაშვილმა გადაცემაში „იმედი LIVE“. მან ამ თემაზე ისაუბრა ევროკავშირის წარმომადგენლობის პოზიციის შეფასებისას იმის შესახებ, რომ „ევროკავშირი სრულ სოლიდარობას უცხადებს ყველა უსამართლოდ დაკავებულს და მათი გათავისუფლებისკენ მოუწოდებს ხელისუფლებას“.

„ვნახე ეს და რამდენიმე საელჩოს განცხადება, ეს არის გამაოგნებელი. ერთ რამეს შევახსენებთ ჩვენს საზოგადოებას – გაიხსენონ ერთი განცხადება მაინც ევროკავშირის საელჩოს ან ნებისმიერი, ამ აქტიური საელჩოებიდან, სადაც მათ დაგმეს ძალადობა სახელმწიფოს წარმომადგენლების წინააღმდეგ, პოლიციის, პარლამენტის წინააღმდეგ, ძალადობა არა უბრალოდ მოქალაქეების, არამედ მათ მიერ დაფინანსებული ადამიანების მხრიდან. ვინმემ ერთი განცხადება მაინც გაიხსენოს, დაგმეს თუ არა, ბაზუკასავით პიროტექნიკას რომ ესროდნენ პოლიციას, „მოლოტოვის კოქტეილებს“, ქვებს რომ ესროდნენ პოლიციას. გაიხსენონ ერთი განცხადება მაინც, სადაც ევროკავშირის საელჩომ, ელჩმა ან ნებისმიერი ამ აქტიური საელჩოების ელჩმა, სადაც ეს დაგმეს და გაემიჯნნენ.

სამაგიეროდ, შეგახსენებთ, რომ გრიგორიადისის საქმეზე, რომელიც „მოლოტოვის კოქტეილით“ ცოცხლად წვავდა პოლიციელს, რაც დადასტურდა სასამართლოს მიერ, არა თუ არ დაგმეს და შეაფასეს რაიმენაირად, არამედ ევროპული ფონდიდან დაფინანსებული ორგანიზაცია „სირცხვილია“ ეწეოდა „მოლოტოვის კოქტეილის“ რეკლამირებას და რომანტიზებას. ევროპარლამენტარი ვიოლა ფონ კრამონი მონაწილეობას იღებდა მათ აქციებში და პლაკატის ფონზე ამბობდა, რომ მხარს უჭერს ამ ყველაფერს.

ეს მე არაერთხელ მაქვს ნათქვამი მათ შორის ევროკავშირის ელჩისთვის, რომ მიუღებელია, როდესაც ეს დაფინანსება ხდება და ამ ყველაფერს ან თვალს უხუჭავდნენ ევროკავშირის ელჩი და სხვა ელჩები, ან უყრუებდნენ ან უფრო სხვა რამესთან გვქონდა საქმე. და საქმე იმაშია, რომ როდესაც ძალადობაზე ხუჭავ თვალს, როდესაც ძალადობას ახალისებ, შესაბამისად, ხარ ამ ძალადობის მონაწილეც“, – განაცხადა შალვა