ანაკლიის ამერიკელი, ევროპელი და ქართველი ინვესტორები, ივანიშვილის დავალებით, საუკეთესო რუსულ ტრადიციებში, „ქართულმა ოცნებამ” გაძარცვა და დააყაჩაღა, წაართვა ჩადებული ინვესტიციები. ამით ჩააგდო საუკუნის პროექტი, რომელშიც ჩვენი დასავლელი პარტნიორების დიდი გეოპოლიტიკური ინტერესებიც იდო, – ამის შესახებ „ლელოს“ ლიდერი მამუკა ხაზარაძე სოციალურ ქსელში წერს, რითაც „ქართული ოცნების“ ლიდერების განცხადებებს ეხმაურება.

ხაზარაძის თქმით, სიმართლე აუცილებლად გაიმარჯვებს.

„დღევანდელ, მორიგ ტყუილ განცხადებაზე ანაკლიასთან დაკავშირებით: ანაკლიის ამერიკელი, ევროპელი და ქართველი ინვესტორები, ივანიშვილის დავალებით, საუკეთესო რუსულ ტრადიციებში, „ქართულმა ოცნებამ” გაძარცვა და დააყაჩაღა, წაართვა ჩადებული ინვესტიციები. ამით ჩააგდო საუკუნის პროექტი, რომელშიც ჩვენი დასავლელი პარტნიორების დიდი გეოპოლიტიკური ინტერესებიც იდო.

ანაკლია გახდა ქვაკუთხედი, რომელი მსოფლიოს ნაწილი იქნება საქართველო. რომ არა ბიძინას “ოცნების” რუსული ინტერესები საქართველოში და მისი რუსული პოლიტიკა, დღეს ანაკლია იქნებოდა საქართველოს კავკასიის მძლავრი კარიბჭე მთელ მსოფლიოში, 20 ათასამდე დასაქმებული ჩვენი მოქალაქით და ახალი დიალოგით აფხაზებთან, ქალაქ ანაკლიის მშენებლობით მიღებული მიზიდულობის ცენტრით, ეკონომიკურად გაძლიერებული ადგილობრივი მოსახლეობით და შეუზღუდავი ახალი შესაძლებლობებით.

ეს ყველაფერი “ოცნებამ” მოკლა და უკვე მერამდენედ გადადო მის მიერვე გამოცხადებული ფარსი ტენდერი. სიმართლე აუცილებლად გაიმარჯვებს! ბრძოლას ჩვენი ქვეყნის ევროპული მომავლისთვის არასდროს შევწყვეტ!“- წერს ხაზარაძე.

ამერიკის შეერთებული შტატები მზად არის ქუთაისის საერთაშორისო აეროპორტს სატრანსპორტო ჰაბად გადაქცევაში დაეხმაროს. ამის შესახებ საქართველოში ამერიკის შეერთებული შტატების სალეჩოს მიერ გავრცელებულ ინფორმაციაშია ნათქვამი.

მათივე ცნობით, ქუთაისის აეროპორტს სატრანსპორტო ჰაბად ქცევის დიდი პოტენციალი აქვს.

„ქუთაისის აეროპორტს სატრანსპორტო ჰაბად ქცევის დიდი პოტენციალი აქვს. განსაკუთრებით აღსანიშნავია, ის დიდი სარგებელი, რომელსაც ის დასავლეთ საქართველოს ფერმერებს მოუტანს თუ სოფლის მეურნეობის პროდუქტის საექსპორტო ჰაბადაც გადაიქცევა.

შეერთებული შტატები მზად არის ამ მიმართულებით დაეხმაროს ქუთაისის აეროპორტს. ჩვენ უკვე მჭიდრო თანამშრომლობა გვაკავშირებს, ვმუშაობთ რა თვითმფრინავების სარემონტო ცენტრის გამართვაზე, მარკეტინგის გაძლიერებასა და თანამშრომლების მომზადებაზე“,- აღნიშნულია სოციალურ ქსელში გავრცელებულ ინფორმაციაში.

პრობლემაა, როდესაც ხდება ასეთი ისტერიის მხარდაჭერა და ისეთი შეფასებები, რომელიც ჩვენ მოვისმინეთ, მათ შორის აშშ-ს ელჩის მხრიდან. შემდეგ ეს ახალისებს ისტერიას, იმ ძალადობას, რომელიც ჩვენ იქ გუშინ ვნახეთ, ახალისებს საქართველოს პოლიციაზე თავდასხმას, – ასე ეხმაურება  პარლამენტის თავმჯდომარე, შალვა პაპუაშვილი   საკრუიზო ლაინერ „ასტორია გრანდეს“ საქართველოში შემოსვლასა და მის ირგვლივ განვითარებულ მოვლენებს.

როგორც პაპუაშვილმა აღნიშნა, ასეთი სახის ისტერიის წახალისება რადიკალიზმის გაღვივებას უწყობს ხელს.

პაპუაშვილის თქმით, ბათუმის პორტში მიმდინარე აქციაზე ძირითადად „ნაცმოძრაობის“ აქტივი იყო.

„მათ შორის, აანონსებდნენ, რომ იქნებოდნენ სტუდენტები, თუმცა პარტიის ახალგაზრდული ფრთის ხელმძღვანელები იყვნენ. იმ აქციაზე 100-200 ადამიანი იყო, რაც საზოგადოებაში არსებულ განწყობას არ განასახიერებს. მანიპულაციაა, როცა საუბარია, თითქოს ეს არის ხალხის ნება. ამერიკის ელჩმა თქვა, რომ ხალხის ნებაა, რუსი ტურისტი არ შემოვიდეს არც ზღვით და არც ხმელეთით. ამის თქმა 150 აქტივისტის მიერ ჩვეულებრივი მანიპულაციაა. უცხოელი დიპლომატების მხრიდან ასეთი განცხადება არის სახიფათო გზა, როცა საუბრობენ ქართველი ხალხის სახელით.

ქართველ ხალხს მეურვე არ სჭირდება, მით უმეტეს, უცხოური მეურვეობა. ელჩები თუ ვინმეს წარმოადგენენ, მხოლოდ საკუთარი ქვეყნის ხალხს და თუ ვინმეს ინტერესს იცავენ, მხოლოდ საკუთარი ხალხის ინტერესს. ქართველი ხალხის ინტერესის დაცვა და წარმოდგენა არ არის უცხო ქვეყნის ელჩის ამოცანა. ამიტომ, ეს არის საკმაოდ ცუდი ტენდენცია, როცა უცხო ქვეყნის წარმომადგენლის მხრიდან ფაქტები გვაქვს ქართველი ხალხის სახელით საუბრის. ეს არის მეურვეობითი დამოკიდებულება ქართველი ხალხის მიმართ, თითქოს ქართველ ხალხს თავად არ ჰყავს წარმომადგენელი და უცხოელი დამხმარე სჭირდება, რომ მისი აზრები გააჟღეროს.

ქართველი ხალხი საკუთარ წარმომადგენლებს დემოკრატიული არჩევნებით ირჩევს. შესაბამისად, ქართველი ხალხის ინტერესებით დემოკრატიული ხელისუფლება მოქმედებს. ვფიქრობ, გემის შემთხვევა ძალიან კარგი მაგალითია, რომ ის ისტერია შევაფასოთ, რომელსაც ხელოვნურად ტეხენ „ნაცმოძრაობა“ და მათი უცხოელი მფარველები. როცა ასეთი ისტერიის მხარდაჭერა ხდება, ეს ახალისებს ისტერიას, ძალადობას, პოლიციელებზე თავდასხმას. როცა დეპოლარიზაციაზე ვსაუბრობთ, ისტერიის წახალისება არ უნდა მოხდეს“, – განაცხადა შალვა პაპუაშვილმა.

ამასთან, როგორც პარლამენტის თავმჯდომარემ აღნიშნა, კოლექტიურ „ნაცმოძრაობაში“ ის დაჯგუფებები იგულისხმებიან, რომლებიც ცდილობენ, სიტუაციის ისე წარმოჩენას, თითქოს ცალკე ორგანიზაციები არიან, სინამდვილეში კი, „ნაცმოძრაობის“ ნაწილი არიან.

„გამოცდილება გვაჩვენებს, რომ ადამიანები თითქოს სხვა პარტიაში არიან, მაგრამ ბოლოს „ნაცმოძრაობაში“ აღმოჩნდებიან, ასე იყო გიორგი ვაშაძე. წინა არჩევნების საპარლამენტო სია ნახეთ, მათ შორის „ნაცმოძრაობის“ განაყოფები. არიან პარტიები, რომლებიც მათთან კავშირში არიან და მათი დღის წესრიგს მიჰყვებიან. სინამდვილეში, არანაირი პოლიტიკური მრავალფეროვნება არ არსებობს“, – განაცხადა პაპუაშვილმა.

საქართველოს სახელმწიფო უსაფრთხოების სამსახურის ხელმძღვანელობას, პირად შემადგენლობას, თითოეულ თანამშრომელს გულითადად გილოცავთ სამსახურის დაარსებიდან 8 წლისთავს, – ამის შესახებ საქართველოს პრემიერ-მინისტრი ირაკლი ღარიბაშვილი “ფეისბუქზე” წერს.

როგორც მთავრობის მეთაური აღნიშნავს, უსაფრთხოების სამსახურის თითოეული თანამშრომლის მაღალი პროფესიონალიზმი და პატრიოტიზმი უმნიშვნელოვანესია სახელმწიფოს სტაბილურობის დაცვის, ჩვენი ქვეყნისა და ხალხის უმთავრესი მიზნებისკენ სვლის პროცესში.”უსაფრთხოების სამსახური მოკლე დროში ჩამოყალიბდა დამოუკიდებელ, თანამედროვე ევროპული სტანდარტების ინსტიტუციად; იგი ეფექტიანად უზრუნველყოფს შიდა და გარე საფრთხეების გამოვლენას, პრევენციასა და აღკვეთას, ებრძვის ტერორიზმსა და კორუფციას, უმაღლეს დონეზე იცავს თითოეული მოქალაქის უსაფრთხოებას, ადამიანის ძირითად უფლებებს და თავისუფლებებს, ქვეყნის კონსტიტუციურ წყობილებას, სუვერენიტეტსა და ტერიტორიულ მთლიანობას. თქვენი საქმიანობა ხშირად სიცოცხლისა თუ ჯანმრთელობის რისკთან არის დაკავშირებული; დღეს კიდევ კიდევ ერთხელ მივაგებთ პატივს სამსახურებრივი მოვალეობის შესრულებისას დაღუპული თქვენი გმირი მეგობრებისა და კოლეგების ნათელ ხსოვნას. უსაფრთხოების სამსახურის თითოეული თანამშრომლის მაღალი პროფესიონალიზმი და პატრიოტიზმი უმნიშვნელოვანესია სახელმწიფოს სტაბილურობის დაცვის, ჩვენი ქვეყნისა და ხალხის უმთავრესი მიზნებისკენ სვლის პროცესში. კიდევ ერთხელ გიხდით მადლობას მაღალი პროფესიონალიზმის, საქმისათვის თავდადებისა და ქვეყნის ერთგულებისათვის, კვლავაც თანადგომას გპირდებით და შემდგომ წარმატებებს გისურვებთ”, – აღნიშნავს პრემიერი.

ჩვენი პოლიტიკური ლანდშაფტის მთავარი გამოწვევა არის რადიკალიზმი, მათ შორის რაც ვნახეთ ბათუმში – რადიკალიზმი, ძალადობა, სიტყვიერი თუ ფიზიკური შეურაცხყოფა, პოლიციელებზე თავდასხმა. სამწუხაროა, რომ ასეთი ტიპის ძალადობრივ აქციებს მოჰყვა შეფასებები, თითოს ეს არის ხალხის ხმა. არ ვიცი, ვინმე თუ ფიქრობს, რომ ქართველი ხალხი გამოირჩევა ძალადობით, ეს ძალიან ცუდია, – ამის შესახებ პარლამენტის თავმჯდომარემ, შალვა პაპუაშვილმა ჟურნალისტებთან საუბრისას განაცხადა.

„ამიტომაც ვამბობთ, რომ მნიშვნელოვანია რადიკალიზმის შემცირება ჩვენთან. პრობლემა არის არა პოლარიზაცია, არამედ რადიკალიზმი. ვხედავთ, რომ იქ აქტიურობდნენ „დროას“, „გირჩის“ წარმომადგენლები. ეს ორგანიზაციები პირდაპირ ფინანსდებიან უცხოეთიდან, მათ შორის პარტიულად ფინანსდებიან. იცით, რომ მათ აწყობილი აქვთ სქემები ყალბი „ენჯეოების“ სახით და იღებენ შემოსავალს უცხოეთიდან, იმისთვის რომ რადიკალიზმი გააღვივონ საქართველოში. სამწუხაროა, რომ ამაში ამერიკული და ევროპული ფონდებია ჩართული“, – ამბობს პაპუაშვილი.

საქართველოს ხელისუფლება მოქმედებს საქართველოს ინტერესებიდან გამომდინარე, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

მისი თქმით, თავის დროზე „ნაციონალური მოძრაობა“ აპირებდა გაზსადენის რუსეთისთვის მიყიდვას და მაშინ ამერიკელი მეგობრების დახმარებით შეძლო საქართველომ, რომ ოკუპანტებისთვის არ მიეყიდათ ეს გაზსადენი.

„რა თქმა უნდა, ყველა გადაწყვეტილება, რომელიც საქართველოს ხელისუფლების მხრიდან მიიღება, იმ პერსპექტივიდან არის მიღებული, თუ რამდენად ეხმიანება ის ჩვენს პოლიტიკურ, ეკონომიკურ და უსაფრთხოების ინტერესებს. საქართველოს ინტერესების პირველი დამცველი საქართველოს ხელისუფლებაა და არა სხვა ქვეყნების ხელისუფლებები. ყველა გადაწყვეტილება მიღებული იქნება ისეთი, რომელიც საქართველოს ინტერესებშია.

გახსოვთ, თავის დროზე „ნაციონალური მოძრაობა“ აპირებდა გაზსადენის რუსეთისთვის მიყიდვას და მაშინ სწორედ ჩვენი ამერიკელი მეგობრების დახმარებით შეძლო საქართველომ, რომ ოკუპანტებისთვის არ მიეყიდათ ეს გაზსადენი. მაშინ „ნაციონალური მოძრაობა“ ოკუპანტს აძლევდა ამ გაზსადენს“, – აღნიშნა შალვა პაპუაშვილმა.

მისი თქმით, ჩინეთზე, როგორც საფრთხეზე საუბარი, ოპოზიციონერების მხრიდან უპასუხისმგებლობაა და ქვეყნის ეროვნულ ინტერესში არ შედის.

„თუ ოპოზიცია ფიქრობს, რომ ჩინეთი საქართველოსთვის საფრთხეა, ეს ძალიან საინტერესოა. ანაკლიის პორტი სახელმწიფო პროექტია და აქ კითხვის ნიშნები საერთოდ არ არსებობს იმაზე, რომ პროექტი შეიძლება ვინმეს გადაეცეს, თუმცა რა თქმა უნდა, ჩინურ ინვესტიციებში საფრთხეს ვერ ვხედავთ. არათუ საფრთხეს ვერ ვხედავთ, არამედ მივესალმებით მათ ინვესტიციებს. ჩინეთიდან ნებისმიერი ინვესტიცია მისასალმებელია. ჩინეთზე, როგორც საფრთხეზე საუბარი, უპასუხისმგებლობაა და ქვეყნის ეროვნულ ინტერესში არ შედის“, – განაცხადა შალვა პაპუაშვილმა.

მთავარია, ხალხმა „ნაციონალური მოძრაობის“ მარგინალიზება მოახდინოს, რომელიც საქართველოს ზიანის მეტს არაფერს აყენებს, ხალხი თუ სრულად გარიყავს მას, სამართლებრივი ბერკეტის საკითხს მნიშვნელობა უკვე არ ექნება, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა.

პაპუაშვილს კითხვა დაუსვეს „ხალხის ძალის“ ერთ-ერთი ლიდერის, სოზარ სუბარის ინიციატივაზე, რომლის მიხედვით, საქართველოს პარლამენტში დაიწყოს „ნაციონალური მოძრაობის“ დანაშაულებრივი საქმიანობის შესწავლის და მისი გასამართლების პროცესი.

შალვა პაპუაშვილის განცხადებით, ეს ინიციატივა ჯერ მხოლოდ გამოითქვა და რა ფორმას შეიძენს, არ იცის.

„რაც შეეხება „ნაციონალური მოძრაობის“ 9-წლიანი მმართველობის პოლიტიკურ პასუხისმგებლობას და 10-წლიანი ოპოზიციაში ყოფნის დროს პასუხისმგებლობას, ეს პოლიტიკური ძალა და ზოგადად, იგულისხმება არა მხოლოდ „ნაციონალური მოძრაობა“, არამედ მთლიანად ეს იდეოლოგია, რომელიც ეფუძნება ქვეყნის ინტერესების წინააღმდეგ მუშაობას, პოლიტიკურად მნიშვნელოვანია, საბოლოოდ დამარცხდეს. ვხედავთ, რომ ქართული საზოგადოება უკვე 10 წელია, არ უშვებს, რომ „ნაციონალურმა მოძრაობამ“, მასთან კავშირში მყოფმა პოლიტიკურმა ძალებმა რაიმე სახელისუფლო ბერკეტი მიიღონ. ახლა უკვე ამოცანა არის ის, რომ ქართული საზოგადოების ეს დამოკიდებულება ისე გამოიხატოს, რომ მოხდეს მარგინალიზება მთლიანად ამ პოლიტიკური იდეოლოგიისა, რომელსაც წარმოადგენს „ნაციონალური მოძრაობა“.

საპარლამენტო თუ სამართლებრივ მექანიზმებზე ვერაფერს გეტყვით. არ ვიცით, ზოგადად რას გულისხმობენ ამ ინიციატივაში. ჩემი პირადი მოსაზრებაა, რომ მნიშვნელოვანია, პოლიტიკური განაჩენი „ნაციონალურ მოძრაობას“ საბოლოოდ ხალხმა გამოუტანოს. სამართლებრივად ამას მერე მნიშვნელობა უკვე არ ექნება. მთავარია, ხალხმა მარგინალიზება მოახდინოს ამ პოლიტიკური ძალის, რომელიც საქართველოს ზიანის მეტს არაფერს აყენებს და თუკი ქართველი ხალხი ამაში სრულად იქნება კონსოლიდირებული, სრულად გარიყავს და მოახდენს ამ ძალის მარგინალიზებას, სამართლებრივი ბერკეტის საკითხს მნიშვნელობა არ აქვს“, – განაცხადა შალვა პაპუაშვილმა.

საქართველოს პრემიერ-მინისტრი ირაკლი ღარიბაშვილი პეკინიდან ყაზახეთის რესპუბლიკაში გაემგზავრა.

ალმატის საერთაშორისო აეროპორტში პრემიერ-მინისტრის დახვედრის ცერემონია გაიმართა.

ირაკლი ღარიბაშვილს აეროპორტში ყაზახეთის რესპუბლიკის საგარეო საქმეთა მინისტრის მოადგილე ერმუხამბეტ კონუსპაევი,
ალმატის მერის მოვალეობის შემსრულებელი ალიშერ აბდიკადიროვი, ყაზახეთის რესპუბლიკის ელჩი საქართველოში მალიკ მურზალინი და ყაზახეთის რესპუბლიკაში საქართველოს საგანგებო და სრულუფლებიანი ელჩი ნიკოლოზ ლალიაშვილი დახვდნენ.

ვიზიტის ფარგლებში მთავრობის მეთაური ყაზახეთის რესპუბლიკის პრემიერ-მინისტრს ალიხან სმაილოვს შეხვდება.

ყაზახეთის რესპუბლიკაში ირაკლი ღარიბაშვილი დელეგაციასთან ერთად იმყოფება