საქართველოს საგარეო საქმეთა მინისტრის ირლანდიაში ვიზიტის ფარგლებში, ირლანდიის საგარეო უწყებამ დააფიქსირა მტკიცე მხარდაჭერა საქართველოს ევროპული ინტეგრაციის მიმართ და გამოთქვა მზადყოფნა პრაქტიკული დახმარება გაუწიოს საქართველოს ამ პროცესში. ინფორმაციას ამის შესახებ საქართველოს საგარეო საქმეთა სამინისტროს პრესსამსახური ავრცელებს.

ირლანდიის ვიცე-პრემიერის, საგარეო საქმეთა მინისტრ მიჰო მარტინის განცხადებით, ირლანდია გაფართოების პოლიტიკის მომხრე და საქართველოს ევროკავშირში გაწევრიანების მტკიცე მხარდამჭერია.

„მოხარული ვარ, რომ დღეს დუბლინში მინისტრ დარჩიაშვილს ვუმასპინძლე, რაც საქართველო-ირლანდიის მჭიდრო თანამშრომლობის კიდევ ერთი დასტურია. ჩვენ შესაძლებლობა გვქონდა, განგვეხილა ორი ქვეყნის თანამშრომლობის განვითარების პერსპექტივები. ამასთან, ვისაუბრეთ საქართველოს ევროპულ ინტეგრაციაზე. ევროკავშირის წევრობამ ირლანდია ძალიან შეცვალა. ჩვენ მტკიცედ ვუჭერთ მხარს ევროკავშირის გაფართოებას. მივესალმები საქართველოს პროგრესს ევროკავშირში გაწევრიანების გზაზე. ევროკავშირი, უპირველეს ყოვლისა, ღირებულებების კავშირია. ამიტომ, მოვუწოდებ საქართველოს, განაგრძოს საჭირო რეფორმების განხორციელება ევროკავშირის ღირებულებებთან სრულ შესაბამისობაში ყოფნისთვის”, – განაცხადა მინისტრმა.

ევროკავშირში გაწევრიანების გზაზე საქართველოს პროგრესი დადებითად შეაფასა ევროპის საკითხებში ირლანდიის სახელმწიფო მინისტრმა, პიტერ ბურკემ.

„ძალიან მნიშვნელოვანია, გაგრძელდეს ევროკავშირის გაფართოება, ვინაიდან ამით ჩვენ უფრო უსაფრთხო კავშირს მივიღებთ. ეს კი ძალიან მნიშვნელოვანია ევროპის მოქალაქეებისთვის. ასევე, ძალიან გამიხარდა, როდესაც მინისტრმა მითხრა, რომ საქართველოს მოსახლეობის 85 პროცენტზე მეტი მხარს უჭერს ევროპულ პერსპექტივას. ეს ჩვენთვის ძალიან მნიშვნელოვანია, ვინაიდან წარმოვადგენთ იმ ქვეყანას, რომელიც ევროკავშირის გაფართოების მომხრეა. ვიცი, რომ საქართველო დაუღალავად შრომობს ევროკავშირის კანონმდებლობასთან ჰარმონიზაციისთვის. ასევე ვიცი, რომ გასულ კვირას შედგა ევროკავშირის უმაღლესი წარმომადგენლის, ჯოზეფ ბორელის ვიზიტი საქართველოში. მაქვს ინფორმაცია ვიზიტის შემდგომი პროგრესის შესახებაც. ირლანდია საქართველოს ევროკავშირში გაწევრიანების მტკიცე მხარდამჭერია. რასაკვირველია, ამისთვის კიდევ დიდი ძალისხმევაა საჭირო, მაგრამ ჩვენ ყოველთვის მზად ვართ დაგეხმაროთ“, – განაცხადა სახელმწიფო მინისტრმა.

აღსანიშნავია, რომ 13-14 სექტემბერს საქართველოს საგარეო უწყების ხელმძღვანელი პირველი ოფიციალური ვიზიტით ირლანდიას ეწვია, რა დროსაც შეხვედრები გამართა ირლანდიის აღმასრულებელ და საკანონმდებლო უწყებათა წარმომადგენლებთან.

გუშინ ჩვენ დავამტკიცეთ დეოლიგარქიზაციის სამოქმედო გეგმა, რომელიც გათვალისწინებულია 12 რეკომენდაციით. ასევე ჩვენ პარტიასთან, პარლამენტთან ერთად შევთანხმდით, რომ მომავალ კვირაში ყველა ის პუნქტი, რომელზეც საუბარი გვქონდა ბატონ ბორელთან და მის გუნდთან, ევროკომისიასთან, ყველა ამ პუნქტზე ექნება ჩვენს გუნდს მმართველ პარტიას რეაგირება, – ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.

პრემიერის თქმით, თვის ბოლომდე ყველაფერი იქნება გაკეთებული და მიზეზი აღარ იარსებებს, თუ რატომ არ უნდა მიიღოს სტატუსი ქვეყანამ.

„გუშინ ჩვენ დავამტკიცეთ დეოლიგარქიზაციის სამოქმედო გეგმა, რომელიც გათვალისწინებულია 12 რეკომენდაციით. ასევე ჩვენ პარტიასთან, პარლამენტთან ერთად შევთანხმდით, რომ მომავალ კვირაში ყველა ის პუნქტი, რომელზეც საუბარი გვქონდა ბატონ ბორელთან და მის გუნდთან, ევროკომისიასთან, ყველა ამ პუნქტზე ექნება ჩვენს გუნდს მმართველ პარტიას რეაგირება. მაქსიმუმს გავაკეთებთ. იმ კვირაში ეს პროცესიც ჩაიხურება. ვფიქრობ, მაქსიმუმ თვის ბოლომდე. ჩვენი მხრიდან ყველაფერი იქნება გაკეთებული. ამიტომ, მიზეზი არ არსებობს და აღარ იარსებებს, თუ რატომ არ უნდა მიიღოს სტატუსი ქვეყანამ. კიდევ ვიმეორებ, ეს იქნება ძალიან დიდი შეცდომა და ძალიან დიდი უსამართლობა, რომელსაც ჩვენ არ შევეგუებით, საქართველო იმსახურებს ევროკავშირის კანდიდატის სტატუსს, მითუმეტეს, კიდევ ერთხელ გავიმეორებ, იმ ქვეყნებთან მიმართებაში, შედარებით, უკრაინა, მოლდოვა. კარგად ვიცით, რა ხდება ამ ქვეყნებში. ჩვენ არავის ვედრებით, მაგრამ, ვითხოვთ დამსახურებულ სტატუსს, მითუმეტეს, იმ გეოპოლიტიკური რეალობის გათვალისწინებით, რომელიც შექმნილია მთელს მსოფლიოში, ჩვენს რეგიონში და ევროპის კონტინენტზე და იმ შედეგების, იმ მიღწევების გათვალისწინებით, რომელსაც ჩვენ, ჩვენმა გუნდმა, ჩვენმა პარტიამ დსა პარლამენტმა მთავრობასთან ერთად მივაღწიეთ”, – განაცხადა პრემიერმა.

„ნაციონალური მოძრაობა“ იმდენად არ ენდობა საკუთარ თავს, ალბათ, საკუთარ ხელებსაც არ ენდობიან და ეშინიათ, რომ თითი მიეჭირებათ ღილაკზე იმპიჩმენტის საკითხის გადაწყვეტის დროს, – ასე უპასუხა პარლამენტის თავმჯდომარემ შალვა პაპუაშვილმა ჟურნალისტების შეკითხვას, რომელიც „ნაციონალური მოძრაობის“ პოლიტსაბჭოს გადაწყვეტილებას შეეხებოდა, რომლის მიხედვითაც, ფრაქცია პრეზიდენტის იმპიჩმენტის საკითხის განხილვისას სხდომათა დარბაზში შესვლას არ გეგმავს.

როგორც პაპუაშვილმა აღნიშნა, პრეზიდენტისთვის ვერდიქტი არა პარლამენტის გადაწყვეტილება, არამედ საკონსტიტუციო გადაწყვეტილება იქნება.

„ნაციონალური მოძრაობა“ იმდენად არ ენდობა საკუთარ თავს, ალბათ, საკუთარ ხელებსაც არ ენდობიან და ეშინიათ, რომ თითი მიეჭირებათ ღილაკზე იმპიჩმენტის საკითხის გადაწყვეტის დროს. მინდა მივმართო „ნაციონალური მოძრაობის“ ამომრჩეველს, ვის მიეცით მანდატი, ვინ წარმოგადგენთ თქვენ, ადამიანები, რომლებიც ერთმანეთის გვერდში მყოფ ადამიანებს არ ენდობიან? საკუთარ თავს არ ენდობიან, რომ იქ შემთხვევით ხელი არ წაუცდეთ და ღილაკს თითი არ მიაჭირონ? ყველას ვამშვიდებ, არავინ არავის გადაბირებას არ აპირებს. რაც შეეხება პარლამენტის გადაწყვეტილებას, ეს მეასეხარისხოვანია სასამართლოს დასკვნასთან დაკავშირებით. მთავარი ამ საკითხში არის საკონსტიტუციო სასამართლოს დასკვნა. საკონსტიტუციო სასამართლო რასაც იტყვის, ის იქნება ვერდიქტი. და თუ საკონსტიტუციო სასამართლო იტყვის, რომ პრეზიდენტმა დაარღვია კონსტიტუცია, თან უხეშად, განზრახ შეიჭრა სხვა სახელისუფლებო შტოს უფლებამოსილებაში, მიითვისა სხვისი უფლებამოსილება. ამას თუ დაადგენს საკონსტიტუციო სასამართლო, ამაზე დიდი განაჩენი და ვერდიქტი პრეზიდენტისთვის არ არსებობს“, – განაცხადა პაპუაშვილმა.

პატიმარ სააკაშვილს და მის ადვოკატებს გამოძიებისთვის პასუხის გაცემა მაინც მოუწევთ, – ამის შესახებ, „ხალხის ძალის“ ერთ-ერთმა ლიდერმა გურამ მაჭარაშვილმა განაცხადა.

„თურმე საგრანტო ხაზები ჰქონდა სააკაშვილს სამინისტროებში გახსნილი. პირადი ვოიაჟებისთვის, მასაჟისტებისთვის და ა.შ. თუ სამთავრობო სამსახურის ბიუჯეტიდან საკუთარი ოჯახის წევრებს სწავლის ფულს უხდიდა, თავის მასაჟისტებს, თავდაცვის ბიუჯეტიდან მილიონებს იხდიდა. კოლუმბიაში ალბათ ევროინტეგრაციის საკითხებზე ჩადიოდა. პატიმარ სააკაშვილს და მის ადვოკატებს გამოძიებისთვის პასუხის გაცემა მაინც მოუწევთ“, – აღნიშნა მაჭარაშვილმა.

თავდაცვის სამინისტრომ მიხეილ სააკაშვილის საჰაერო ხომალდებით მგზავრობასთან დაკავშირებით დადებული ხელშეკრულებების განსაიდუმლოების პროცესი დაიწყო.