რეალურად ეს ფაქტი არაფერს ცვლის. არ ცვლის, არც პოლიტიკური თვალსაზრისით, არც ელექტორალური თვალსაზრისით. როდესაც ვაშაძე „ნაციონალურ მოძრაობას“ გამოეყო, მისი ელექტორატის ძირითადი ნაწილი „ნაციონალური მოძრაობის“ ელექტორატი იყო. ახლა რომ შეუერთდება, იგივე ელექტორატს შეუერთებს. ცალკე აღებული ვაშაძე, როგორც პოლიტიკურ ლიდერს რამე ელექტორალური წონა აქვს? ჩვენ ვიცით მისი წარმატებები თბილისის მერობის არჩევნების დროს, რაც კატასტროფა იყო. ამით „ნაციონალური მოძრაობა“ რას იგებს? შესაძლოა, ეს იყოს ერთ-ერთი სვლა, იმისათვის რომ ხაბეიშვილი რბილად ჩაანაცვლონ“, – განაცხადა ძაბირაძემ. მისივე შეფასებით, „ნაციონალურ მოძრაობას“ წინა საარჩევნოდ, გარდა პარტია „სტრატეგია აღმაშენებლისა“ ,შესაძლოა შეუერთდეს “დროა”, პარტია „კანონი და სამართალი” და „გირჩი მეტი თავისუფლება“ . „საარჩევნოდ „ნაციონალური მოძრაობის“ ბლოკს სხვა სახელი ექნება და ამ სხვა სახელის სათავეში ვაშაძე იქნება, ხოლო ხაბეიშვილი მეორე პლანზე გადავა. „ნაციონალური მოძრაობის“ დღის წესრიგში დგას ხაბეიშვილის პრობლემა, რა უყონ არ იციან. ამასთან, მელია აქტიურდება. გუნდი, რომ წარმოვიდგინოთ, გარდა თაკო ჩარკვიანისა, მას შეუერთდება ელენე ხოშტარია და „გირჩი“, სავარაუდოდ, ეს გაერთიანება შეიძლება ვიხილოთ“, – განაცხადა ძაბირაძემ.

პოლიტოლოგი გია ხუხაშვილი აცხადებს, რომ სახელმწიფო ინტერესებიდან გამომდინარე, იმ ადამიანებმა, რომლებიც ყოფილი ხელისუფლებისგან დაზარალდნენ, უნდა აპატიონ ექსპრეზიდენტ მიხეილ სააკაშვილს, ან საზღარგარეთ მის გადაყვანაზე დათანხმდნენ.

„წმინდა ჰუმანიტარული თვალსაზრისითაც, მიშას გაშვება უკვე შესაძლებელია. მე პირადად, როგორც დაზარალებული მისი მხრიდან, მე მას ვპატიობ. დარწმუნებული ვარ, რომ ვინც რეალურად მისგან დაზარალდა, ყველა მზად იქნება, რომ სახელმწიფო ინტერესებიდან გამომდინარე, მას თუ არ აპატიოს, ყოველ შემთხვევაში დათანხმდეს, რომ წავიდეს და თავი დაგვანებოს“, – ამის შესახებ პოლიტოლოგმა გია ხუხაშვილმა tv პირველის ეთერში განაცხადა. 

მანამდე, მის განცხადებას სალომე ზურაბიშვილის მიერ მიხეილ სააკაშვილის შეწყალების თემაზე, მექსპრეზიდენტი გამოეხმაურა და პოლიტოლოგს არასწორი ინფორმაციის გავრცელებაში დასდო ბრალი.

„გია ხუხაშვილს – გთხოვთ ნუ ტირაჟირებთ არასწორ ინფორმაციას. ზურაბიშვილს შეუძლია ჩემი „განაჩენების” აღსრულების გადავადება ნებისმიერ დროს, მიუხედავად მიმდინარე ,,საქმეებისა”. უბრალოდ, ივანიშვილის გარეშე ამას ვერ გააკეთებს და ივანიშვილი უყურებს პუტინს“, – დაწერა მიხეილ სააკაშვილმა Facebook-ზე.

ამის პასუხად, გია ხუხაშვილმა თქვა:

„მიხეილ სააკაშვილი ძალიან გაბრაზდა. პირველი პოსტი მომიძღვნა, რისთვისაც დიდ მადლობას ვუხდი. მე დღეს ვთქვი, რომ პრეზიდენტმა რომც შეიწყალოს ან სასჯელი გადაუვადოს გამოტანილ განაჩენებზე, არსებობს მიმდინარე საქმეები, რომელზეც განაჩენი არ დამდგარა და რა უნდა ქნას? ხელისუფლებას შეუძლია თქვას, რომ არ ენდობა ამ პატიმარს და ან შინაპატიმრობაში დატოვოს, ან პატიმრობა მიუსაჯონ მიმდინარე საქმეებზე“, – აღნიშნა ხუხაშვილმა.

ვერ დავეთანხმები იმ აზრს, რომ უკრაინა ვილნიუსის სამიტის შემდეგ NATO-ში შესვლას უფრო მიუახლოვდა და ამ გზაზე საქართველოს გაასწრო ისევე, როგორც ევროკავშირის წევრობასთან დაკავშირებით. ამის თქმა არის დიდი ცინიზმი, პირველ რიგში, უკრაინელი ხალხის წინაშე, რადგან ყველაფერს აქვს თავისი ფასი.“, – ამის შესახებ მედიასთან , „ხალხის ძალის“ წევრმა, ანალიტიკოსმა დავით ქართველიშვილმა განაცხადა.

მისი თქმით, მიუხედავად იმისა, რომ მთელი ამ ხნის განმავლობაში არაერთი მცდელობა იყო ჩვენთანაც მოვლენების ბახმუტიზაცია გამოეწვიათ, საქართველო მშვიდობასა და სტაბილურობას ინარჩუნებს.

„როდესაც ქალბატონი კელი დეგნანი ამბობს, რომ პრინციპში არაფერი შეცვლილა არც უკრაინისთვის, არც – საქართველოსთვის, NATO-ს კარი კვლავ ფართოდ ღიაა ამ ორი ქვეყნისთვისო, ე.ი. ყველაფერი ისევ ისეთი ბუნდოვანი და გაუგებარია, მაგრამ ამ ბუნდოვანებისა და გაუგებრობის ფასი უკრაინისთვის არის დაახლოებით 15 000 000 ლტოლვილი, განადგურებული ინფრასტრუქტურა, მიწასთან გასწორებული ქალაქები, ნახევარ მილიონამდე გარდაცვლილი ადამიანი, როგორც ჯარისკაცები, ასევე – მშვიდობიანი მოსახლეობა და ა.შ. ამ ფონზე, საქართველო, მიუხედავად იმისა, რომ მთელი ამ ხნის განმავლობაში არაერთი მცდელობა იყო ჩვენთანაც მოვლენების ბახმუტიზაცია გამოეწვიათ, მშვიდობასა და სტაბილურობას ინარჩუნებს, სამშვიდობო მოლაპარაკებებს აწარმოებს, უფრო მეტი ინვესტიციების მოსაზიდად მიისწრაფვის და ა.შ. როგორ შეიძლება ეს ორი მოცემულობა საერთოდ ერთმანეთს შეადარო? ვინც ამას ახერხებს, მით უმეტეს, რომ უკრაინა საქართველოსთვის მაგალითად გამოჰყავს და თითის შვერით არის დაკავებული, რომ აი, შეხედეთ, არ გრცხვენიათ? კიდევ ერთხელ გაგვასწრესო, – სად გაგვასწრეს? რით გაგვასწრეს? ერთადერთი, რაც მკაფიოდ ითქვა ვილნიუსის სამიტზე, ეს არის თარიღი, რა დროსაც უკრაინას, დიდი ალბათობით, მიიღებენ ამ ორგანიზაციაში – ანუ, იმ დღეს, როცა ის რუსეთს ომში დაამარცხებს. ოღონდ, ესეც გაურკვეველია, შეიძლება, კიდევ დამატებითი პერიოდი დასჭირდეს მოსკოვის აღების შემდეგ, იმისთვის, რომ საკანონმდებლო ბაზა NATO-ს სტანდარტებთან კიდევ უფრო დააახლოოს და ა.შ. იგივე ფორმულა გადმოგვიგდეს საქართველოსთვის – უკრაინის გზას დაადექითო, მეორე ფრონტი გახსენითო, ამ ომში მონაწილეობა მიიღეთო, თქვენც დაამარცხეთ რუსეთიო, მაგრამ, ეს მოგება ავტომატურად იმის ტოლფასი არ იქნება, რომ NATO-ს წევრები გახდებითო. შეიძლება, ჩვენთანაც რევიზია ჩატარდეს იმ კუთხით, თუ რამდენად ახლოს ვართ NATO-ს სტანდარტებთან. შესაბამისად, ეს არის ცინიზმი.

ცინიზმი ნომერი ორი: გადახედეთ დასავლეთის იუმორისტული ჟურნალების სამარცხვინო კარიკატურებს, სადაც ომში გახვეული უკრაინის პრეზიდენტს სამარცხვინო კარიკატურებით ხვდებიან. ამ ფაქტს არც ერთი ჩვენი ოპოზიციონერი თუ ოპოზიციის მხარდამჭერი მედია არ ეხმაურება. და საქართველოზე, რომელიც ჩამორჩენილია თურმე უკრაინას NATO-სკენ მიმავალ გზაზე, არც ერთი კარიკატურა არ კეთდება.“, – განაცხადა დავით ქართველიშვილმა.