ვერძი
მოსალოდნელია დაძაბული საქმიანი მოლაპარაკებები, თუმცა, დადებითი მხარეც აქვს ამ ყველაფერს, რადგან შანსი გექნებათ, გაიუმჯობესოთ თქვენი ფინანსური მდგომარეობა.
კურო
ნურავის შეჰპირდებით ისეთ რამეს, რაც თქვენს ძალებსა და შესაძლებლობებს აღემატება. სიფრთხილე გამოიჩინეთ ფინანსებთან და საეჭვო პროექტებთან, რათა თავიდან აიცილოთ მნიშვნელოვანი დანაკარგები.
ტყუპები
დღეს დასრულებული საქმეების გადახედვა მოგიწევთ, ამან შესაძლოა, თქვენი გაღიზიანება გამოიწვიოს, რაც ხასიათზეც აისახება, ეცადეთ, ჯოხი თქვენს ახლობლებსა და ოჯახის წევრებზე არ გადატეხოთ.
კირჩხიბი
ამ ეტაპზე, ოპტიმიზმი ყველაზე მეტად ჰჭირდებათ, პოზიტიური განწყობა, თავდაჯერებულობა და მომავლის იმედი, ჯანმრთელობის, კეთილდღეობისა და წარმატების საწინდარია.
ლომი
ეცადეთ, ნებისმიერ სიტუაციას სხვადასხვა მხრიდან შეხედოთ და სწორი დასკვნები გააკეთოთ. თქვენ ამას შეძლებთ.
ქალწული
ნუ ჩაერთვებით კონფლიქტურ სიტუაციებში. აარიდეთ თავი საეჭვო გარემოებებს, მალე ბურუსი გაიფანტება. ყველა და ყველაფერი დღის სინათლეზე გამოვა.
სასწორი
დღეს, შესაძლოა, მოგიწიოთ სხვადასხვა საკითხების განხილვა პირად თუ სამსახურებრივ საქმეებში, რაც შემდეგ, დიდი ალბათობით, აისახება თქვენს ურთიერთობებზე .
მორიელი
შეეცადეთ, მშვიდად შეხვდეთ მოულოდნელობებს, შესაძლოა, მოიპოვოთ მნიშვნელოვანი ინფორმაცია, რაც დაგეხმარებათ გააფართოოთ თქვენი შესაძლებლობები.
მშვილდოსანი
მოუფრთხილდით ნერვებს, ნუ იქნებით სულსწრაფი და ყველაფერი დალაგდება. თქვენ შეძლებთ ვითარების გამოსწორებას ოჯახისა და მეგობრების მხარში დგომით და საქმეს ბოლომდე მიიყვანთ.
თხის რქა
ნუ იქნებით სულსწრაფი პირად ურთიერთობებში, დამშვიდდით, ნუ აჰყვებით ეჭვებსა და ემოციებს. ახლა თავშეკავება უფრო მოგებიანია.
მერწყული
დღეს, ამაოდ შეეცდებით, თანამოაზრეების მოძიებას, ამ პერიოდში, არ არის ხელსაყრელი სხვადასხვა სიახლეების წამოწყება. ამიტომ, გონივრულად გადაანაწილეთ თქვენი ხარჯები.
თევზები
იყავით თავდაჯერებული, შეინარჩუნეთ სიმშვიდე, მიუხედავად სხვადასხვა უსიამოვნო ამბებისა და მოთოკეთ ემოციები. ნუ იქნებით გარშემომყოფებთან ზედმეტად პრეტენზიული.
თავდაცვის მინისტრმა ოლექსი რეზნიკოვმა განაცხადა, რომ მას სურს გადადგეს მას შემდეგ, რაც უკრაინა რუსეთთან ომს მოიგებს, – ამის შესახებ RBC-Ukraine La Razon-ზე დაყრდნობით იუწყება.
„ეს ჩემი ოცნებაა! და მით უმეტეს, ჩემი ცოლის ოცნება. ტიროდა, როცა მინისტრად დავნიშნე, ყველაფერი ნათქვამია. ჩვენ ველოდებით გამარჯვების დღეს, რადგან ეს საშუალებას მომცემს ხელი მოვაწერო გადადგომის შესახებ განკარგულებას.დავბრუნდი კერძო სექტორში. ჩემი ცხოვრების ეს ეტაპი ძალიან, ძალიან რთული იყო“, – აღნიშნავს უკრაინის თავდაცვის მინისტრი.
„მთავარი არის პატრიარქის მოტივაცია და დამოკიდებულება, პატრიარქის სურვილი, რომ აქ ქართველები დამკვიდრებულიყვნენ და აღმდგარიყო ქართველების მოღვაწეობა“, – ამის შესახებ ისრაელში საქართველოს ელჩმა, ლაშა ჟვანიამ განაცხადა.
იგი პირველად ისრაელში ჩამოვიდა, როგორც ტურისტი. მაშინ საბჭოთა კავშირს ისრაელთან დიპლომატიური ურთიერთობა ჯერ ისევ გაწყვეტილი ჰქონდა.
მოგვიანებით კი ლაშა ჟვანიამ პატრიარქის კურთხევით წმინდა მიწაზე, იერუსალიმში, ქართველთა მდიდარი და მრავალსაუკუნოვანი სასულიერო, კულტურული და მწიგნობრული ცენტრების კვალის მოძიება დაიწყო.
„მთავარი არის პატრიარქის მოტივაცია და დამოკიდებულება, პატრიარქის სურვილი, რომ აქ ქართველები დამკვიდრებულიყვნენ და აღმდგარიყო ქართველების მოღვაწეობა. იყო პერიოდი, რომ ჩვენ ბევრი შევქმენით, შევინარჩუნეთ, ავაშენეთ, გავაძლიერეთ იერუსალიმი, მაგრამ ასევე პერიოდი არის და ეს ფაქტია, რომ ჩვენ ეს ყველაფერი დავკარგეთ. ვერ შევინარჩუნეთ, დავანგრიეთ, მივატოვეთ“, – აცხადებს ლაშა ჟვანიამ.
„ერთიანი ნაციონალური მოძრობის“ წევრი ბაჩო დოლიძე აცხადებს, რომ მას სააკაშვილის სახელი ბოროტად არასდროს გამოუყენებია.
ბაჩო დოლიძე „ენმ“-ს მენეჯმენტს ურჩევს, რომ საქმეზე კონცენტრირდნენ.
„პირველი და ერთ-ერთი, ალბათ ყველაზე დიდი განსხვავება ის არის, რომ არასდროს სპეკულირება არ გამიკეთებია მიხეილ სააკაშვილის სახელით. ანუ მაშინ, როდესაც „ნაციონალური მოძრაობა“ აღარ იყო უკვე ხელისუფლებაში, მაშინ, როდესაც ზოგიერთი გარბოდა ქვეყნიდან და „ქართულ ოცნებასთან“ ლაგდებოდა, მაგ პერიოდში მივედით მე და ჩემი მეგობრები „ნაციონალურ მოძრაობაში“. იმდენი პრობლემა შეექმნა თითოეულ ამ ადამიანს, დაუნახავობაა დღეს რომ კარს უკეტავენ ასეთ ადამიანებს“, – აცხადებს ბაჩო დოლიძე.
17 აპრილს დასავლეთ საქართველოში, იქროლებს აღმოსავლეთის მიმართულების ძლიერი ქარი და გვექნება კვლავ მაღალი ტემპერატურა.
ხოლო აღმოსავლეთ საქართველოში კვლავ შენარჩუნებული იქნება მოღრუბლული, ნისლიანი ამინდი – კახეთის რეგიონში წვიმა, თბილისშიც დროგამოშვებით წვიმა.
აღსანიშნავია, რომ აღმოსავლეთ საქართველოში ქარი არ იქნება. ერთადერთი, გორში შესაძლოა.“ – ამბობენ გარემოს ეროვნულ სააგენტოში.
აღდგომის დღესასწაული ერთი კვირის მანძილზე გრძელდება. ამ კვირას ბრწყინვალე შვიდეული ეწოდება. მისი თითოეული დღე განსაკუთრებული მადლითაა აღსავსე.
ტრადიციულად ბრწყინვალე შვიდეულის ორშაბათს მართლმადიდებლები საფლავთა კურთხევასა და დიდუბობას აღნიშნავენ. ამ დღეს მორწმუნეები მიცვალებულთა საფლავებზე გადიან, რათა უფლის აღდგომა მათაც ახარონ.
ბრწყინვალე შვიდეულში ყველა საეკლესიო წესს განსაკუთრებული ელფერი აქვს; წირვა-ლოცვა მხოლოდ ამ კვირისათვის დამახასიათებელი რიგით სრულდება, განსხვავებულია მიცვალებულის წესის აგება, ცვლილებაა ყოველდღიურ ლოცვებშიც: დაწყებით ლოცვებში სულიწმიდის მოწვევის ლოცვა “მეუფეო ზეცათაო…” სულთმოფენობამდე აღარ ითქმება. მის ნაცვლად სამჯერ ითქმის: “ქრისტე აღდგა მკვდრეთით, სიკვდილითა სიკვდილისა დამთრგუნველი და საფლავების შინათა ცხოვრების მიმნიჭებელი”.
ამ კვირაში ზიარებისათვის მომზადებაც შემსუბუქებულია: მარხვის დაცვა არაა საჭირო, ხორცის მიღება თვით ზიარების წინა დღესაც კი შეიძლება. იცვლება მისალმების წესიც: აღდგომიდან 40 დღის განმავლობაში ქრისტიანები შეხვედრისას “გამარჯობის” ნაცვლედ ერთმანეთს ახარებენ: “ქრისტე აღდგა!” – “ჭეშმარიტად!”, “ჭეშმარიტად აღდგა!”, “ჭეშმარიტად აღდგა ქრისტე”.
„კრახი განიცადეს და განტევების ვაცს ეძებენ“, – ამის შესახებ „ნაციონალური მოძრაობის“ წევრმა მირდატ ქამადაძემ „ენმ“-ს ახალ მენეჯმენტზე საუბრისას განაცხადა.
მისი თქმით, ახალი მენეჯმენტის დაპირებები ტყუილი აღმოჩნდა.
„მოვიდნენ ცრუ დაპირებებით, ფაქტობრივად. ამ ხალხი მთავარი დაპირება რა იყო? რომ მიხეილ სააკაშვილს ფიზიკურად გამოიხსნიდნენ, უწყვეტი საპროტესტო აქციები იქნებოდა და გაიხსნებოდა 50 ახალი ოფისი. სამივე მიმართულებაში მათ კრახი განიცადეს, ძალიან სამწუხაროდ. ამ დროს ისინი ეძებენ განტევების ვაცებს, ეძებენ რაღაცა მიზეზებს, რომ იქნებ თავიანთი ეს წარუმატებლობა, რომელიც იმთავითვე იგრძნობოდა, რომ წარუმატებელი დაპირებები იყო, ვიღაცებს გადააბრალონ“, – აცხადებს მირდატ ქამადაძე.
ჯო ბაიდენი მართლმადიდებელ ქრისტიანებს აღდგომის დღესასწაულს ულოცავს. შესაბამისი განცხადება აშშ-ის პრეზიდენტის Facebook-ზე გამოქვეყნდა.
„დღეს ჯილი და მე თბილ მილოცვებს ვუგზავნით ყველა ჩვენს მეგობარს მართლმადიდებელ ქრისტიანულ საზოგადოებაში, რომლებიც აღდგომას აღნიშნავენ. დაე ქრისტეს მშვიდობა იყოს თქვენთან ახლა და ყოველთვის“, – წერს ბაიდენი.
უკრაინული მარცვლეულისა და სოფლის მეურნეობის სხვა პროდუქტების იმპორტზე პოლონეთისა და უნგრეთის მიერ დროებითი აკრძალვის დაწესების გამო, ევროკომისიაში განაცხადეს, რომ ევროკავშირის წევრი ქვეყნების მიერ ცალმხრივი სავაჭრო მოქმედებები მიუღებელია.
ამის შესახებ ინფორმაციას სააგენტო „როიტერი“ ავრცელებს.
„ჩვენ ინფორმირებული ვართ უკრაინიდან მარცვლეულისა და სხვა სასოფლო-სამეურნეო პროდუქტების იმპორტის აკრძალვასთან დაკავშირებით პოლონეთისა და უნგრეთის გადაწყვეტილებების შესახებ. ამ კონტექსტში, მნიშვნელოვანია, აღინიშნოს, რომ სავაჭრო პოლიტიკა არის ევროკავშირის ექსკლუზიური კომპეტენცია და შესაბამისად, ცალმხრივი მოქმედებები მიუღებელია. გამოწვევებით სავსე ასეთ პერიოდში, სასიცოცხლოდ მნიშვნელოვანია ევროკავშირთან ყველა გადაწყვეტილების კოორდინირება და შეთანხმება“, – განაცხადა ევროკომისიის წარმომადგენელმა მედიასაშუალებისთვის მიცემულ წერილობით კომენტარში.
შეგახსენებთ, პოლონეთმა და უნგრეთმა უკრაინული მარცვლეულისა და სხვა საკვები პროდუქტების იმპორტი აკრძალეს. შესაბამის გადაწყვეტილებას უკრაინის ორი მეზობელი ქვეყანა სოფლის მეურნეობის ადგილობრივი სექტორის დაცვით ხსნის.
თბილისის საავადმყოფოში გამოკეტილი მიხეილ სააკაშვილი ნელ-ნელა ქრება, – ამ სათაურით აქვეყნებს სტატიას ბრიტანული The Guardian მიხეილ სააკაშვილთან დაკავშირებით.
სტატიის ავტორი, შონ უოლკერი წერს, რომ მიხეილ სააკაშვილმა მსოფლიო პუტინის ამბიციების შესახებ ჯერ კიდევ 15 წლის წინ გააფრთხილა, ახლა კი ის საუბრობს წამებაზე მოსკოვისკენ მიმავალი რეჟიმის მხრიდან.
„ვითხოვ პოლონეთში გადაყვანას, რადგან ცხადია, რომ ქართულ საავადმყოფოში მოვკვდები“, – აღნიშნავს მიხეილ სააკაშვილი.
დამოუკიდებელი ექსპერტების ბოლო მოხსენებაში ნათქვამია, რომ მისი ჯანმრთელობა სერიოზულად გაუარესდა. დაკავების შემდეგ, მისი თქმით, მისი წონა განახევრდა 60 კგ-მდე.
შონ უოლკერი მესამე პრეზიდენტთან დაკავშირებით დასავლელი პარტნიორების შეფასებებზეც საუბრობს და
აღნიშნავს, რომ მიხეილ სააკაშვილის პატიმრობას ბევრი პოლიტიკურ ვენდეტად მიიჩნევს.
„იმ ადამიანის პატიმრობა, რომელმაც თავისი ქვეყანა ევროკავშირსა და ნატოში ინტეგრაციის გზაზე დააყენა, საქართველოს ბევრი დასავლელი მოკავშირის მხრიდან განიხილება, როგორც მოსკოვის გავლენის ორბიტაზე დაბრუნების სიმბოლო. მიუხედავად იმისა, რომ ქართული საზოგადოება მტკიცედ პროდასავლურია, მის მთავრობას ბრალს სდებენ რუსეთის ბრძანებების ფარულად შესრულებაში“, – ნათქვამია სტატიაში.
IIHF წელს რიგით 86-ე მსოფლიო ჩემპიონატს ატარებს ყინულის ჰოკეიში, სადაც მონაწილეობას იღებს საქართველოს ყინულის ჰოკეის ეროვნული ნაკრები, რომელიც ამჯერად მე-2 დივიზიონის A ჯგუფში ასპარეზობს.
მეორე დივიზიონის A ჯგუფში ჩემპიონატი ესპანეთის დედაქალაქ მადრიდში 16-22 აპრილს გაიმართება. მასპინძლების და საქართველოს გარდა, მონაწილეობას მიიღებენ ავსტრალია, ხორვატია, ისლანდია და ისრაელი.
დღეს საქართველოს ნაკრებმა პირველი მატჩი გამართა ისლანდიის ნაკრების წინააღმდეგ და დაამარცხა მეტოქე ანგარიშით 4:1 (2:0; 1:1; 1:0).
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
