არჩევნებიდან მეორმოცე დღეს აღიარა ISFED-მა, რომ არ იყოს სწორი ის შედეგები, რომელიც მათ გამოაცხადეს და ეს აღიარებაც იყო მას შემდეგ, რაც პარლამენტი შეიკრიბა. მას შემდეგ, რაც გახდა ცხადი, რომ ნებისმიერ ყალბ კამპანიას არჩევნების ლეგიტიმურობის წინააღმდეგ არანაირი შედეგი აღარ გამოჰქონდა, პარლამენტი შეიკრიბა და შედგა, ზუსტად პარლამენტის შეკრების დღეს საღამოს აღიარა „სამართლიანმა არჩევნებმა“ თვისი ე.წ. შეცდომა, – ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

„ჩვენ შემდეგ გავარკვიეთ, რომ როგორც აღმოჩნდა, ამ მომენტამდე მინიმუმ სამი კვირით ადრე ISFED-ის დონორმა „ამერიკის განვითარების სააგენტომ“ იცოდა უკვე იმის შესახებ, რომ ეს ინფორმაცია არ იყო სწორი და ჩვენ დღემდე არ მოგვისმენია განმარტება USAID-ის მხრიდან, რატომ უმალავდნენ ქართველ საზოგადოებას ამ ინფორმაციას. რატომ უმალავდნენ ამ ინფორმაციას პარტნიორ საქართველოს ხელისუფლებას, რომელთან პარტნიორობითაც ხორციელდება ყველა ეს პროექტი. მაშინ, როდესაც ქუჩაში იმართებოდა პროტესტები სწორედ ამ ყალბ ინფორმაციაზე დაფუძნებით, რატომ დუმდა მაშინ და უმალავდა ამ ინფორმაციას USAID-ის წარმომადგენლობა ქართულ საზოგადოებას და დღემდე, თითქმის ორი წელი გავიდა და რამდენჯერმე ეს კითხვა დაისვა, დღემდე არ არის პასუხი და გაურბიან ამაზე პასუხს. ამიტომ მნიშვნელოვანია, რომ ამაზეც დაფიქსირდეს პოზიცია. ერთი, რამდენად სწორია ეს ინფორმაცია ISFED-ის მხრიდან, რომ მათ შეატყობინეს და მეორე, თუკი მათ იცოდნენ, რატომ უმალავდნენ ამას ქართულ საზოგადოებას“, – განმარტა შალვა პაპუაშვილმა.

ნაფიცმა მსაჯულებმა მხარი დაუჭირეს დონალდ ტრამპისთვის ბრალის წაყენებას 2020 წლის საპრეზიდენტო არჩევნების შედეგების გაუქმების მცდელობის საქმეზე.

ოპოზიციონერ დეპუტატს, ხატია დეკანოიძეს მიაჩნია, რომ „სტრატეგია აღმაშენებლის“ წარმომადგენლები „ნაციონალური მოძრაობის“ ფრაქციაში უნდა გაწევრიანდნენ.

საქართველოს პირველ არხთან საუბარში ხატია დეკანოიძე „სტრატეგია აღმაშენებლისა“ და „ნაციონალური მოძრაობის“ გაერთიანებას ხელოვნურს უწოდებს.

„ვაშაძე-ხაბეიშვილის გაერთიანებას ძალიან ხელოვნურად ვუყურებ, რადგან ჩემთვის წითელი ხაზები არსებობს. როცა ადამიანი გეუბნება – საბრალოს მოშივდა და ამიტომ აკეთებს ასეთ რაღაცებს, შემდეგ კი ისევ იმ პარტიაში მიდიხარ და ტკეპნი მოწინააღმდეგეს და საშინელ სიტყვებს უწოდებ, ვფიქრობ, რომ აქ მოსახლეობის ნდობისთვის ადგილი აღარ არის. „ნაციონალურ მოძრაობას“ „სტრატეგიის“ მისვლა არაფერს მოუტანს გარდა იმისა, რომ „სტრატეგიის“ წარმომადგენლები სიაში მოხვდებიან, მაგალითად, გია ბარამიძის ნაცვლად. პარტიულობაზე პრეტენზია არ აქვთ, რას ნიშნავს? მაშინ პარტია გააუქმონ და „ნაცმოძრაობაში“ შევიდნენ. ჩემი აზრით, „ნაცმოძრაობის“ ფრაქციაში უნდა გადავიდნენ. ეს არის ხელოვნური ერთობა. კი ბატონო, თავისი ამომრჩეველი მოაბილიზონ, მაგრამ ამ ერთობას არაფერი მოჰყვება, გარდა იმისა, რომ „ნაცმოძრაობის“ აქტივისტები სიის გარეთ დარჩებიან და სიაში სხვა პარტიის წარმომადგენლები შევლენ: მანჯგალაძე, ჩიხლაძე, თაკო ჩარკვიანი“, – განაცხადა დეკანოიძემ.

შუა დერეფანი დღეს საგანგებოდ მნიშვნელოვანია – მომავალი მსოფლიოს არქიტექტურის დიდი ნაწილი საქართველოს ინტერესების გათვალისწინებით იქნება ჩამოყალიბებული და მნიშვნელოვანი და საჭიროა ის აქტივობები, რასაც პრემიერ- მინისტრი ეწევა, – ამის შესახებ პარლამენტის პირველმა ვიცე-სპიკერმა გია ვოლსკიმ ჩინეთ-საქართველოს ურთიერთობებთან დაკავშირებით განაცხადა.

მისი თქმით, აბრეშუმის გზის განვითარების თვალსაზრისით საქართველოს მნიშვნელოვანი გეოპოლიტიკური პოზიცია აქვს.

“შუა დერეფნის მნიშვნელობაზე დიდი ხანია ლაპარაკია, მაგრამ დღეს ეს თემა არის საგანგებოდ მნიშვნელოვანი ყველასათვის, აღმოსავლეთისთვისაც, დასავლეთისთვისაც და ამ ორი ბაზრის დაკავშირება შუა დერეფნის გარეშე ვერ მოხდება. საქართველოს გეოპოლიტიკური პოზიცია შეესაბამება იმ სტანდარტს, რომელიც აუცილებელია ისტორიული აბრეშუმის გზის განვითარებისთვის და სწორედაც საქართველოს გავლით ძალიან ბევრი რამ მოხდება. არქიტექტურის დიდი ნაწილი მომავალი მსოფლიოსი, რასაკვირველია, საქართველოს ინტერესების გათვალისწინებით იქნება ჩამოყალიბებული. ამ ეტაპზე არის მნიშვნელოვანი და საჭირო ის აქტივობები, რასაც პრემიერ-მინისტრი ეწევა და მისასალმებელი უნდა იყოს წესით ყველასათვის. სამწუხაროა, რომ ბევრი დესტრუქციული სუბიექტი გამოჩნდა, რომელიც ამ საკითხებზეც კი კრიტიკისთვის იცლის,” – განაცხადა ვოლსკიმ.

მისივე თქმით, საქართველოს მეშვეობით რუსეთისთვის სანქცირებული ტვირთების მიწოდების საკითხზე საუბარი დღის წესრიგიდან მოიხსნა.

“გონებრივად ჩამორჩენილი უნდა იყო, არაფერს უნდა წარმოადგენდე, ინფორმაცია არაფერზე გქონდეს, რას წარმოადგენს შუა დერეფანი – შუა დერეფანი კოსმოსსა და აზიას შორის კი არ არის, შუა დერეფანი დასავლეთსა და აღმოსავლეთს შორის არის და არ მგონია, დასავლეთში იყოს ისეთი განწყობები, რომ მიაწოდონ ისეთი ტვირთები ამ შუა დერეფნის გამოყენებით, რომელიც რუსეთში აღმოჩნდება საბოლოო ჯამში. ასე რომ ის თემა, რომ საქართველოს გავლით რუსეთი სანქციებს არიდებს თავს, მოიხსნა დღის წესრიგიდან, მითუმეტეს, ბოლო პერიოდში სახელმწიფო დეპარტამენტის კომპეტენტური სტრუქტურის მიერ გაკეთებული განცხადება ამას გამორიცხავს, თუმცა, რასაკვირველია, არავინ უარყოფს იმას, რომ კონტროლი მუდმივად გაგრძელდება და ეს საჭიროა. ჯერჯერობით რაც გამოვლინდა, ამ სანქციების მიუხედავად რუსეთი საკმაოდ სერიოზულ დივიდენდებს იღებს თავისი ენერგორესურსებით ვაჭრობის მეშვეობით, მათ შორის უკრაინის გავლით,” – განაცხადა ვოლსკიმ.

მინდა, „ქართულ ოცნებას“ და ამ რუსულ რეჟიმს ვუთხრა, არ დაგითმობთ ამ ქვეყანას, საქართველო ეკუთვნის ქართველებს და ქართველთა არჩევანი, ჩვენი მოქალაქეების არჩევანია ძლიერი საქართველო ევროკავშირთან და ნატო-სთან ერთად, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

ვაშაძის თქმით, საქართველო იქნება ძლიერი და ერთიანი.

„„გამარჯვების პლატფორმის“ შექმნის პირველივე დღიდან ჩვენ დავიწყეთ საუბარი საქმეზე, იმ საჭიროებებზე, რომელიც აქვს ხალხს, საქართველოს მოქალაქეებს, როგორ შევქმნათ სამუშაო ადგილები, როგორ ჩამოვაწეროთ უსამართლოდ მაღალი საპენსიო სესხები პენსიონერებს, როგორ გავუმართოთ ხელი ახალგაზრდებს. რას ვისმენთ რუსული რეჟიმის მხრიდან? ისევ და ისევ რაღაც ჭორები, შეთქმულების თეორიები, ლანძღვა-გინება. ჩვენ ამაში ვერ გამოგყვებით, ჩვენსა და თქვენ შორის განსხვავება არის ეს, ჩვენ ვისაუბრებთ საქმეზე, თქვენ კი რაც გინდათ, ის აკეთეთ, იმიტომ, რომ თქვენ ხართ რუსული დავალების შემსრულებლები ამ ქვეყანაში. ჩვენ წარვადგინეთ ანაკლია-ლაზიკის პროექტი, რომელიც დღეს ამუშავებული უნდა ყოფილიყო და 300 000 სამუშაო ადგილი შექმნილი უნდა ყოფილიყო, თქვენ კი ყველაფერს აკეთებთ და კვლავ აგრძელებთ რუსული დავალების შესრულებას, რომ ეს პროექტი საქართველოში არ განხორციელდეს. ჩვენ ვსაუბრობთ საპენსიო სესხების ჩამოწერაზე, ჭარბი შემოსავლები ბიუჯეტში სწორედ აქეთკენ უნდა იყოს მიმართული, თქვენ კი გინდათ, ეს ფული ჯიბეში ჩაიდოთ და პენსიონერები იმ უმძიმეს ყოფაში ამყოფოთ, სადაც არიან. ჩვენ ვსაუბრობთ ახალგაზრდებისთვის სამუშაო ადგილების შექმნაზე, მათი განათლების გარემოს გაუმჯობესებაზე და სტატუსშეჩერებული სტუდენტებისთვის დაფინანსებით ხელის გამართვაზე, თქვენ კი ყველაფერს აკეთებთ იმისთვის, რომ ახალგაზრდებმა ქვეყანა დატოვონ და კატასტროფული მიგრაცია კვლავ გაგრძელდეს ამ ქვეყანაში. ჩვენ ვსაუბრობთ იმაზე, თუ დევნილებს, ვეტერანებს, სხვადასხვა ჯგუფს როგორ გავუმართოთ ხელი, როგორ დავაყენოთ ფეხზე სოფელი და ქალაქი, თქვენ კი კვლავ რუსულ დავალებას ასრულებთ და საბოტაჟს უცხადებთ ევროკავშირში ინტეგრაციას. თქვენ აღრმავებთ ურთიერთობებს და ისეთ სტრატეგიულ პარტნიორობებს აცხადებთ, რომელიც ხელს შეუშლის საქართველოსთვის კანდიდატის სტატუსის მინიჭებას.

მე მთავარი, მინდა, „ქართულ ოცნებას“ და ამ რუსულ რეჟიმს ვუთხრა, არ დაგითმობთ ამ ქვეყანას, საქართველო ეკუთვნის ქართველებს და ქართველთა არჩევანი, ჩვენი მოქალაქეების არჩევანია ძლიერი საქართველო ევროკავშირთან და ნატო-სთან ერთად. 11 წელი არაფერი გაგიკეთებიათ, გარდა ამ ქვეყნის გაუბედურებისა, და ამის მაჩვენებელი არის ის კატასტროფული დემოგრაფიული მაჩვენებელი, რაც დღეს არის და ჩვენ ამას აღვუდგებით წინ. აბა, თუ მაგრები ხართ, საქმეზე გველაპარაკეთ, აბა, თუ მაგრები ხართ, გამოგვყევით რომელიმე თემაში, კამათში, რომელიც ხალხს აწუხებს. უამრავ ადამიანს ვხვდებით და სწორედ ეს არის გამოძახილი, რაც მათი მხრიდან არის, როგორ გადავარჩინოთ დემოგრაფიულ კატასტროფას ქვეყანა, როგორ გავხადოთ საქართველო მძლავრი ეკონომიკური ჰაბი, თქვენ კი რუსულ დავალებას ასრულებთ და გინდათ, რომ ჩიხი იყოს ეს ქვეყანა, რაღაც სისულელეებს აცხადებთ, სტრატეგიულ პარტნიორობას არადემოკრატიულ ქვეყნებთან, რომელიც ცალსახად მიუთითებს, რომ თქვენ გინდათ, საბოლოოდ მოიყვანთ აღსრულებაში რუსული დავალება, რომ საქართველო იყოს ჩიხური ქვეყანა. მაგრამ ამას ვერ შეძლებთ, საქართველო იქნება ძლიერი, ერთიანი, შევქმნით სამუშაო ადგილებს, ბევრ პროექტს განვახორციელებთ და ამას თქვენ – კობახიძე-ივანიშვილი-ღარიბაშვილის დაჯგუფებას ვეუბნები, ვერასდროს წინ ვერ აღუდგებით. მეტი შეხვედრა ხალხთან, მეტი საუბარი საქმეზე, სამუშაო ადგილების შექმნაზე იქნება ჩვენი ამოცანა“, – განაცხადა ვაშაძემ.