შოვში ორ დაკარგულს ისევ ეძებენ. სამძებრო სამუშაოები უწყვეტ რეჟიმში მიმდინარეობს. ბოლო მონაცემებით, ნაპოვნია 31 დაღუპულის ცხედარი, მათგან 29 იდენტიფიცირებულია. ორი გარდაცვლილის ვინაობის დასადგენად ექსპერტიზა ტარდება.

რაჭაში, შოვში მჟავე წყლებთან მეწყერი 3 აგვისტოს ჩამოწვა.

შეფასებისა და გამოცდების ეროვნული ცენტრის დირექტორის, სოფიო გორგოძის განცხადებით, წელს ყველაზე მეტმა გამოსაცდელმა ქართული ენისა და ლიტერატურის გამოცდის შედეგი გაასაჩივრა, ყველაზე ნაკლებმა კი, ფრანგული ენის გამოცდის შედეგი.

როგორც მან დღევანდელ ბრიფინგზე აღნიშნა, 2023 წელს 128 440 ნაშრომიდან გასაჩივრდა 4 292, რაც აბიტურიენტების ნაშრომების საერთო რაოდენობის მხოლოდ 3,34%-ია.

„პროგრამების რეიტინგულ ჩამონათვალში ცვლილებების შეტანის სურვილის შემთხვევაში, გამოსაცდელები უნდა ეწვიონ საკუთარ სარეგისტრაციო გვერდს. ნებისმიერი ცვლილების შეტანისას (პროგრამების გადანაცვლება, წაშლა, დამატება) აუცილებელია შენახვის ღილაკის გამოყენება და მონაცემების შენახვა, წინააღმდეგ შემთხვევაში ცვლილებები სისტემაში არ აისახება.

შეგახსენებთ, იმ საგნებში, რომლებშიც ტესტის ერთზე მეტი ვარიანტი იყო, ხდება ნედლი ქულების გათანაბრება, რის შედეგადაც ის აბიტურიენტი, რომლის გათანაბრებული ქულაც მინიმალურ ზღვარზე მეტია, აგრძელებს კონკურსში მონაწილეობას. 2023 წელს 128 440 ნაშრომიდან გასაჩივრდა 4 292, რაც აბიტურიენტების ნაშრომების საერთო რაოდენობის მხოლოდ 3,34%-ია. წელს ყველაზე მეტმა გამოსაცდელმა ქართული ენისა და ლიტერატურის გამოცდის შედეგი გაასაჩივრა, ყველაზე ნაკლებმა კი ფრანგული ენის გამოცდის შედეგი. გასაჩივრებული ნაშრომების რაოდენობა საგამოცდო საგნების მიხედვით: ქართული ენა და ლიტერატურა – 1588; ზოგადი უნარები (სომხურ ენაზე) – 37; ზოგადი უნარები (აზერბაიჯანულ ენაზე) – 41; ინგლისური ენა – 754; რუსული ენა – 15; გერმანული ენა – 19; ფრანგული ენა – 2; მათემატიკა – 510; ისტორია – 796; გეოგრაფია – 29; ბიოლოგია – 228; ქიმია – 60; ფიზიკა – 40; ლიტერატურა – 52; ხელოვნება – 7; სამოქალაქო განათლება – 114. შეფასება შეიცვალა სულ 1498 ნაშრომის შემთხვევაში, რაც მთელი ნაშრომების მხოლოდ 1.17%-ია. ქულა მოემატა 1473 ნაშრომს, ხოლო ქულის დაკლება მოხდა 25 ნაშრომის შემთხვევაში. აბიტურიენტებს, რომლებსაც აპელაციის შედეგად შეეცვალათ შეფასება ან უარი თქვეს საპრეტენზიო განაცხადის წარდგენაზე, აპელაციისათვის გადახდილი თანხა წინასწარ გამოქვეყნებულ ვადებში წარმოდგენილი განცხადების საფუძველზე უკან დაუბრუნდებათ”,- აღნიშნა სოფიო გორგოძემ.

მისივე თქმით, აბიტურიენტებმა აუცილებელია გაითვალისწინონ, რომ საგანმანათლებლო პროგრამების რეიტინგულ სიაში ცვლილებების შეტანის ვადა 30 აგვისტოს 18:00 საათზე იწურება.

შიომღვიმის მონასტრის მიმდებარე ტერიტორიაზე, სადაც კლდის მასა ჩამოიშალა, გაწმენდითი სამუშაოები გრძელდება, – ამის შესახებ ინფორმაციას მცხეთის მუნიციპალიტეტის მერია ავრცელებს.

მათივე ინფორმაციით, პროცესში ჩართულია ყველა შესაბამისი უწყება. ადგილზე იმყოფებიან ადგილობრივი ხელისუფლების წარმომადგენლები.

შიომღვიმის მონასტრის მიმდებარედ, 27 აგვისტოს კლდის ნაშალი მასა ჩამოიშალა. მომხდარის შედეგად, არავინ დაშავებულა. ნაშალ მასალას გზის სავალი ნაწილი და სხვა ინფრასტრუქტურა არ დაუზიანებია.

ამ ეტაპზე სპეციალისტების მიერ მზადდება დასკვნა, რომელიც დასრულებისთანავე გადაეგზავნება შესაბამის უწყებებს.

კომპანია „ჯორჯიან უოთერ ენდ ფაუერის“ ცნობით, ხვალ, 30 აგვისტოს, დილის 11:00 საათიდან საღამოს 18:00 საათამდე ისნის რაიონს წყალმომარაგება შეეზღუდება.

„ხვალ, 30 აგვისტოს, „ჯორჯიან უოთერ ენდ ფაუერი“ ისნის რაიონში, არმაზის ქუჩა N15-ის მიმდებარედ, წყალმომარაგების სტაბილურობისთვის ქსელზე აუცილებელ სამუშაოებს ჩაატარებს.

კომპანიის ტექნიკური ჯგუფები გადაუდებელ სამუშაოებს, ხვალ, 30 აგვისტოს, დილის 11:00 საათზე დაიწყებენ და ინტენსიურ რეჟიმში შეასრულებენ.

აღნიშნულთან დაკავშირებით, სამუშაოების მიმდინარეობისას აუცილებელია წყალმომარაგების მაგისტრალური ქსელის წყლისგან დაცლა, რის გამოც ხვალ, 30 აგვისტოს, დილის 11:00 საათიდან საღამოს 18:00 საათამდე წყალმომარაგება შეეზღუდება:

ისნის რაიონში – ქეთევან დედოფლის გამზირის ნაწილს, მეტეხის ქუჩა N16-ს, არმაზის, ირბახის, კონსტანტინე ერისთავის, გურჯაანის, ალაზნის, დუშეთის, ავლაბრის, ვახტანგ VI, ცუცქირიძის, მესხიშვილის, იორის, გუმბრის, რაზიკაშვილის, სართიჭალის, სამრეკლოს, კარდენახის, ახვლედიანის, ხერხეულიძის, ფოსტის, ლომოურის, წურწუმიას, კვეზერელი-კოპაძის, ფერიცვალების და მიმდებარე ქუჩებს.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, ფეისბუქისა და ვებგვერდის მეშვეობით – http://www.gwp.ge”,-აღნიშნულია კომპანიის მიერ გავრცელებულ ინფორმაციაში.

ვერძი

წარმატებული და ნაყოფიერი დღეა. თუ არ იზარმაცებთ, ისეთ საქმეს გაუმკლავდებით, როგორზეც არასდროს გიოცნებიათ. შეგიძლიათ, როგორც პროფესიულ საქმიანობაში, ისე პირად ურთიერთობებში ინიციატივა საკუთარ ხელში აიღოთ და მხარდაჭერას მიიღებთ. გამორიცხული არ არის, რომ სამსახურთან დაკავშირებით მაცდური წინადადება – სავარაუდოდ, გრძელვადიან თანამშრომლობაზე ხელშეკრულება შემოგთავაზონ.

კურო

წინააღმდეგობრივი დღეა. თითქოს ყველაფერი მშვენივრადაა, მაგრამ მეტს ელოდით და უკმაყოფილო ხართ. იცით, რომ მიზნის მისაღწევად ისეთ ადამიანებთან გაერთიანება მოგიწევთ, რომლებიც არ მოგწონთ და შინაგანად მზად არ ხართ თუნდაც ნაყოფიერი, მაგრამ უსიამოვნო თანამშრომლობისთვის. საქმიან ქაღალდებთან დაკავშირებულ საქმეებში შეფერხებები გელით. ეს რომ თავიდან აიცილოთ, ამ დღეს წვრილმანებს განსაკუთრებული ყურადღება უნდა მიაქციოთ.

ტყუპები

რთული დღეა, მაგრამ თქვენ სრულად გამოიყენებთ ყველა შესაძლებლობას, რომელსაც ის გთავაზობთ. სამსახურში მნიშვნელოვანი წინსვლა გელით – მალე საინტერესო შეთავაზებას მიიღებთ. შესაძლებლობა გექნებათ, რომ უჩვეულო ადამიანები გაიცნოთ, რომლებთან ურთიერთობა სასიამოვნო და საინტერესო იქნება. არ არის გამორიცხული რომანტიკული თავგადასავალი.

კირჩხიბი

ხელსაყრელი დღეა, რომელიც ბევრი ახალი პრობლემის გადაჭრის საშუალებას მოგცემთ. საშუალება გექნებათ, რომ საინტერესო პროექტზე მუშაობაში ჩაერთოთ. ოჯახურ პრობლემებს მშვიდად და ზედმეტი ემოციების გარეშე აგვარებთ, ამიტომ ყოველთვის საუკეთესო გამოსავალს პოულობთ. დღის მეორე ნახევარში სასიხარულო სიახლე გელით.

ლომი

ისედაც რთულ საქმეს თქვენი ნაჩქარევი გადაწყვეტილებები უფრო გაართულებს ეცადეთ, სიმშვიდე და საღი აზრი შეინარჩუნოთ, ეს შეცდომებსა და უხერხულ სიტუაციებს თავიდან აგაცილებთ. ახალ შთაბეჭდილებებს ეძებთ, მაგრამ ამის ნაცვლად იძულებული ხართ, მოსაწყენი საქმე აკეთოთ. ყველაზე დაძაბულ წუთებში იუმორის გრძნობა დაგეხმარებათ.

ქალწული

ეს დღე საშუალებას მოგცეთ, რომ წარმატებას ურთულესი დავალებები შეასრულოთ. ამისთვის საკუთარი შესაძლებლობები გადაუჭარბებლად, ობიექტურად უნდა შეაფასოთ. საყვარელ ადამიანებთან ურთიერთობაში მოსალოდნელია გაუგებრობა – ეცადეთ უფრო რბილი და დამთმობი იყოთ მათთან, ვინც გიყვართ.

სასწორი

ამ დღეს ენერგიის უჩვეულო მოზღვავებას იგრძნობთ და ამ ენერგიის ღირსეულად გამოყენებას შეძლებთ. ინტუიცია რთული სტრატეგიული ამოცანების გადაჭრაში, ინტრიგების გამოვლენასა და ამბიციური გეგმების განხორციელებაში დაგეხმარებათ. მარტოხელა სასწორებისთვის ხელსაყრელი დღეა რომანტიკული პაემნებისთვის.

მორიელი

ამ დღეს ნებისმიერი ახალი საქმე უამრავ პრობლემას და დაბრკოლებას შეეჯახება და ეს თქვენთვის ერთგვარი გამოცდა იქნება. მოკავშირეებთან ურთიერთობის დამყარება გართულდება. დიპლომატიურობის გამოვლენა მოგიწევთ, რათა სიმშვიდე აღადგინოთ.

მშვილდოსანი

ყველა თვალსაზრისით ხელსაყრელი დღეა და ეცადეთ, ეს ფაქტორი თქვენთვის სასარგებლოდ გამოიყენოთ. საშუალება გექნებათ, რომ გავლენიანი ადამიანების მხარდაჭერას მიაღწიოთ, რაც მიზნის ასრულებაში დაგეხმარებათ. პირად ცხოვრებაშიც ყველაფერი კარგადაა. ოჯახის წევრებთან ურთიერთობა სიამოვნებას განიჭებთ, ამიტომ შეიძლება ერთობლივი დასვენებაც მოაწყოთ.

თხის რქა

გასაოცარი შრომისმოყვარეობის დამსახურებით ადვილად აღწევთ იმას, რაზედაც სხვებს ოცნებაც არ შეუძლიათ. მოულოდნელი, მაგრამ ძალიან მაცდური საქმიანი შეთავაზება გელით. ინტუიცია წარმატების მიღწევაში დაგეხმარებათ. პირად ურთიერთობებში კი გირჩევთ, ინიციატივა გამოიჩინოთ – ეს უკეთესობისკენ ცვლილებების დასაწყისი გახდება.

მერწყული

ამ დღეს ერთფეროვანი და უინტერესო სამუშაოს კეთებამ შეიძლება შეცდომები გამოიწვიოს, ამიტომ ეცადეთ ახლოს გყავდეთ ადამიანი, რომელიც თქვენს სამუშაოს შეამოწმებს. ეს დღე ხელსაყრელია მეგობრებთან შეხვედრისთვის. მთავარია, თავი შეიკავოთ ისეთი ხუმრობისგან, რომელიც შეიძლება ვიღაცას შეურაცხმყოფელი ეჩვენოს.

თევზები

ეცადეთ, ამ დღეს პოზიტიური ტენდენციების გავლენით სრულად ისარგებლოთ. საშუალება გექნებათ, რომ საქმიანი კავშირები გააძლიეროთ, რომლებიც მოგებას მოგიტანთ. დღის მეორე ნახევარი უფრო რთული და მოვლენებით დატვირთული იქნება. ზოგ თევზს სერიოზული გამოწვევების გადალახვა მოუწევს.

29 აგვისტოს ღამის საათებიდან შავი ზღვის სანაპირო რაიონებში ზოგან, ხოლო დღისით საქართველოს ტერიტორიის უმეტეს ნაწილში მოსალოდნელია ხანმოკლე წვიმა, ზოგან ძლიერი, ელჭექი, სეტყვა და ქარი. ამის შესახებ ნათქვამია გარემოს ეროვნული სააგენტოს მიერ გავრცელებულ ინფორმაციაში.

„მოსალოდნელმა ძლიერმა წვიმებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, მთიან ზონებში მეწყრულ-ღვარცოფული პროცესების ჩასახვა – გააქტიურება გამოიწვიოს“, – ნათქვამია ინფორმაციაში.

საბურთალოზე, ოდიშელიძის ქუჩაზე არსებულ გაზის მილზე ხანძრის გამო „თელასის“ მაღალი ძაბვის კაბელები დაიწვა. ამის შესახებ ინფორმაციას „თელასი“ ავრცელებს.

მათივე ცნობით, ამ დროისთვის 26 000 ათასამდე მომხმარებელს ელექტროენერგიის მიწოდება შეწყვეტილი აქვს.

„თბილისში ოდიშელიძის ქუჩის 47 ნომრის მიმდებარედ არსებულ გაზის მილზე ხანძრის გამო დაიწვა „თელასის“ მაღალი ძაბვის 35 კილოვატი სიმძლავრის კაბელები, რომლიდანაც ელექტროენერგია მიეწოდება საბურთალოს რაიონის 26 000-ზე მეტ მომხმარებელს. ამჟამად მათ ელექტროენერგიის მიწოდება შეწყვეტილი აქვთ. გაზის კომპანიის მიერ გადაიკეტა გაზი. „თელასის“ საავარიო სამსახურები ადგილზე იმყოფებიან და მიმდინარეობს აღდგენითი სამუშაოები, რომელიც სავარაუდოდ ღამის 3 საათისთვის დასრულდება“, – ნათქვამია „თელასის“ ინფორმაციაში.