წარმატება საქართველოს ევროპისკენ მიმავალ გზაზე, გელოდებით ევროკავშირში, – ამის შესახებ საქართველოში ჩეხეთის ელჩმა, პეტრ მიკისკამ განაცხადა, რომელსაც საქართველოში ელჩად მუშაობის ვადა ამოეწურა.

„დღეს მთავრდება ჩემი საქართველოში ყოფნის პერიოდი. მინდა, მადლობა გადავუხადო საქართველოს ამ წლებისთვის, ბევრი მეგობრისთვის, რომლებიც შევიძინე, ბევრი საინტერესო მომენტისთვის.

მქონდა პატივი, მეცხოვრა აქ, საქართველოში. მინდა, ვუსურვო საქართველოს და ქართველებს წარმატება. წარმატებები ყველაფერში. განსაკუთრებული წარმატება ევროპისკენ მიმავალ გზაზე. ევროპული ინტეგრირება არის ის, რისთვისაც ჩვენ აქ ვართ, დასახმარებლად, რასაც ჩვენ მხარს ვუჭერთ. ველით საქართველოს ევროკავშირში. დიდი მადლობა, საქართველო“, – აღნიშნა ელჩმა პეტრ მიკისკამ.

ჯერ კიდევ მაშინ, როდესაც ხაბეიშვილი მოიაზრებოდა პოლიტიკური პარტიის თავმჯდომარედ, როდესაც გადაწყვეტილი ჰქონდათ ნიკა მელიას „გაწევა“, რა თქმა უნდა, აქ მთავარი ფიგურანტი იყო მერაბიშვილი-კეზერაშვილის დუეტი, – ასე უპასუხა დედაქალაქის მერმა, კახა კალაძემ ჟურნალისტის კითხვას, რომელიც „ნაციონალური მოძრაობის“ შიგნით შესაძლო დაპირისპირებას და პარტიის არაფორმალური მართვის თემას ეხებოდა.

კახა კალაძის თქმით, ნიკა მელიას სამომავლო გეგმები უცნობია, თუმცა ყველასთვის  აშკარაა „ნაციონალურ მოძრაობაში“ არსებული შიდა დაპირისპირება.

„ნიკა მელია მთლიანად ასოცირდებოდა „ნაციონალურ მოძრაობასთან“, ყველა არჩევნებზე ამ პარტიის სახელით გამოდიოდა. ყველა ის ცვლილება, რაც განხორციელდა მისი გადაყენებით, ხაბეიშვილის არჩევით, შიდა დაპირისპირების ფონზე მიმდინარეობდა. როგორც იკვეთება, არ ერიდებიან და ერთმანეთს პირდაპირი ეთერიდან ესაუბრებიან. ვერ გეტყვით, თუ რა გადაწყვეტილებას მიიღებს ნიკა მელია, რა დამოკიდებულება და განწყობა ექნება მომავალში „ნაციონალურ მოძრაობასთან“, ისევ მას უნდა ჰკითხოთ. თვითონაც არ ერიდებათ და ღიად საუბრობენ ამ ყველაფერზე. პარტიაში მთავარი ფიგურანტი მერაბიშვილი-კეზერაშვილის დუეტი იყო. ხაბეიშვილი მათ ჰყავდათ ფიგურად, რომელსაც წარმოაჩენდნენ თავმჯდომარედ. რეალურად, პარტიის ხელმძღვანელობაში დღეს მერაბიშვილ-კეზერაშვილის დუეტია. პარტიაში მიმდინარე შიდა პროცესებს ყველა კარგად ვხედავთ. უბრალოდ, არ მინდა სხვა პოლიტიკური პარტიის შიდა თემებში ჩავერიო, ეს მათი პრობლემაა. მათი გადასაწყვეტია, თუ რას გააკეთებენ, როგორ იმოქმედებენ და როგორ გააგრძელებენ მუშაობას“, – განაცხადა კახა კალაძემ.

ამერიკის შეერთებული შტატების სახელმწიფო დეპარტამენტის 2023 წლის საინვესტიციო გარემოს შესახებ ანგარიშში აღნიშნულია, რომ საქართველში წინა ხელისუფლების დროს იყო საკუთრების გადაცემის შემთხვევები, რომლებსაც აკლდა გამჭვირვალობა და, სავარაუდოდ, ხორციელდებოდა იძულებით.

„საკუთრების უფლების ჩამორთმევასთან დაკავშირებული დავები საქართველოში არ არის გავრცელებული, თუმცა წინა ხელისუფლების დროს იყო საკუთრების გადაცემის შემთხვევები, რომლებსაც აკლდა გამჭვირვალობა და, სავარაუდოდ, ხორციელდებოდა იძულებით“, – ნათქვამია ანგარიშში.

ამერიკის შეერთებული შტატების სახელმწიფო დეპარტამენტის 2023 წლის საინვესტიციო გარემოს შესახებ ანგარიშში დღეს გამოქვეყნდა. ანგარიში ასევე აღნიშნულია, რომ საქართველოში ბიზნესისა და ინვესტიციების პირობები კარგია, საქართველო გამორჩეულია რეგიონში.

ამასთან, ანგარიშში ნათქვამია, რომ საქართველოს ეროვნული ბანკი და ფინანსური ინსტიტუტები მოქმედებენ რუსეთის ფედერაციის წინააღმდეგ დაწესებულ სანქციებთან სრულ შესაბამისობაში.

„ნაციონალური მოძრაობა”, როგორიც დღესაა, ყველაზე დიდი საჩუქარია ივანიშვილის პროპაგანდისთვის, – ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა.

როგორც გიგა ბოკერიამ აღნიშნა, ივანიშვილის რეჟიმისთვის „ნაციონალური მოძრაობა“ არის ყველაზე უფრო სასურველი ოპონენტი, იმის გამო, თუ რასაც დაემსგავსა ეს პოლიტიკური ძალა – „უპრინციპო, უღირებულებო, უგონო, დიდ პოლიტიკურ ზომბს“.

„ბარამიძისგან ახალი არაფერი გაგვიგია. თუმცა კიდევ ერთი დადასტურება, შემახსენებელი უნდა იყოს საქართველოს ყველა მოქალაქისთვის, ვისაც სურს პუტინისტური რეჟიმის დამარცხება და შემდეგ რაც მთავარია რეალური ცვლილებები, რომ „ნაციონალურ მოძრაობა” როგორიც ის დღესაა, ყველაზე დიდი საჩუქარია ივანიშვილის პროპაგანდისთვის“,- აცხადებს გიგა ბოკერია.