8 აგვისტოს ასტროლოგიური პროგნოზი

00:05 - 08/08/2023

რას გვირჩევენ ვარსკვლავები 8 აგვისტოსთვის

ვერძი

ნეპტუნის გავლენის გამო, დღეს შეიძლება ყველაზე ერთგულმა მეგობარმა მოგატყუოთ. ზოგჯერ ჩვენს სიახლოვეს არიან ადამიანები, რომელთა ნამდვილ ხასიათს ძალიან გვიან ვამჩნევთ. გახსოვდეთ, რომ ცრუ მეგობრები უფრო საშიშია, ვიდრე აშკარა მტრები. თქვენს სახლში ყველაფერი მშვენივრადაა. ეცადეთ ამით ისარგებლოთ, რომ ყოველდღიური საზრუნავი ცოტა ხნით დაივიწყოთ.

კურო

ამ დღეს ერთდროულად რამდენიმე საქმის კეთება მოგიწევთ, მაგრამ შეგიძლიათ თანამშრომლების მხარდაჭერის იმედი გქონდეთ. თუ ახალი, უფრო საინტერესო პროექტის დაწყებას გეგმავთ, გირჩევთ რამდენიმე დღე დაიცადოთ.

ტყუპები

ამ დღეს პლუტონის გავლენა სევდიან განწყობაზე დაგაყენებთ. ეცადეთ ბნელი აზრებისგან გათავისუფლდეთ და ცხოვრების ნათელი მხარე დაინახოთ. შესაძლოა, ახალი ცოდნის მიღების სურვილი გაგიჩნდეთ. არავის მისცეთ უფლება, რომ თქვენს პირად ცხოვრებაში ჩაერიოს და უპირველეს ყოვლისა, გრძნობებს ნუ აჰყვებით.

კირჩხიბი

ამ დღეს კრიტიკის მიმართ უფრო მგრძნობიარე ხართ, ვიდრე სხვა დროს. ეს კონსტრუქციული კრიტიკაა, ამიტომ ყურადღებით უნდა მოუსმინოთ და სამომავლოდ გაითვალისწინოთ.

ლომი

სამსახურში თქვენს შრომისმოყვარეობას და კეთილსინდისიერებას აფასებენ, თუმცა ამ დღეს შესაძლოა, უფროსის კრიტიკა დაიმსახუროთ. დაჯერება გიჭირთ, რომ მეგობარი თქვენზე ჭორებს ავრცელებს, მაგრამ ფაქტის წინაშე დადგებით. მას, ვინც ჭორებს ავრცელებს, სიმართლეზე მეტად პირადი ინტერესები ამოძრავებს. სცადეთ, დაელაპარაკოთ და მისი მოქმედების მოტივები გაიგოთ.

ქალწული

ფრთხილად იყავით და საკუთარ თავს სისუსტის უფლება არ მისცეთ, თორემ შეძლება გამოუსწორებელი შედეგები მიიღოთ. თუ დაოჯახებული ხართ და თქვენს ამჟამინდელ ურთიერთობაში ეჭვი გეპარებათ, ეცადეთ ეს რთული პერიოდი გულწრფელი დიალოგით გადალახოთ. დღის მეორე ნახევარში შეიძლება ბრწყინვალე იდეა გეწვიოთ და სანამ დაივიწყებთ აუცილებლად უნდა ჩაწეროთ.

სასწორი

უფრთხილდით ოჯახში ეჭვიანობას. გახსოვდეთ, ეს დროებითი სირთულეებია, რომლებსაც მალე დაძლევთ და აიცილებთ ნეგატიურ ენერგიას, რომელიც თქვენ გარშემო გროვდება. ეცადეთ, დრო გამონახოთ საკუთარ ჯანმრთელობაზე ზრუნვისთვის.

მორიელი

თქვენს ნიშანზე მარსის გავლენა იმაზე მეტყველებს, რომ საინტერესო ამბები გელით. ოცნების სამუშაო იპოვეთ და ცდილობთ საკუთარ შესაძლებლობები სრულად გამოავლინოთ. არ მოდუნდეთ, ეს თქვენი მომავლისთვის მნიშვნელოვანია.

მშვილდოსანი

ჯანმრთელობის მხრივ პრობლემები მოსალოდნელი არაა. თავს მხნედ და ენერგიულად გრძნობთ, თუმცა კარგი იქნება, თუ მსუბუქად მაინც ივარჯიშებთ ან, თუნდაც, ფეხით ივლით. ამ დღეს შეძლება თქვენს ცხოვრებაში უცნაური ადამიანი შემოვიდეს, რომელიც საკუთარ თავს ნათელმხილველს უწოდებს, თუმცა ეს უბრალოდ დაბნეული ადამიანია და მისი პროგნოზები სერიოზულად არ უნდა მიიღოთ.

თხის რქა

მოერიდეთ ადამიანებს, რომლებიც თქვენით მანიპულირებას ცდილობენ – ისინი ამ დღეს უჩვეულოდ აქტიურდებიან. ვარსკვლავები გირჩევენ, რომ ხალხის თავშეყრის ადგილებს მოერიდოთ. წინააღმდეგ შემთხვევაში, შესაძლოა, თქვენი ნების საწინააღმდეგოდ რაღაც ინტრიგაში ჩაგითრიონ, რაც უამრავ პრობლემას მოგიტანთ.

მერწყული

ბოლოს და ბოლოს, მიიღებთ იმ აღიარებას, რომელსაც დიდი ხანია იმსახურებთ. ეცადეთ, ყველა შესაძლებლობა გამოიყენოთ, რომელიც საკუთარი შრომითა და გამოცდილებით მოიპოვეთ. გახსოვდეთ, რომ ეს შეიძლება გადამწყვეტი ფაქტორი აღმოჩნდეს. შეიძლება სიზმარში რაღაც იდეა გეწვიოთ, რომელიც არავითარ შემთხვევაში არ უნდა დაივიწყოთ.

თევზები

თუ კიბეზე ასვლის ან ჩქარი სიარულის დროს გულისცემა გიხშირდებათ, დროა ექიმს მიმართოთ. მეგობრებმა შეიძლება რაღაც ინფორმაცია ან პრაქტიკული რჩევა გთხოვონ. ნებისმიერ შემთხვევაში, ეცადეთ უახლოეს ადამიანებს იმედი არ გაუცრუოთ.

“მომწოდებელ კომპანიასთან აქტიური კომუნიკაციის შედეგად გადაწყდა, რომ ერთ ახალ ვერტმფრენს ქვეყანა წლის ბოლოს მიიღებს”-მღებრიშვილი

23:41 - 07/08/2023

ვერტმფრენის საშუალებით რა ღონისძიებაც უნდა შეგვესრულებინა, სრული პასუხისმგებლობით ვაცხადებ, რომ 100 პროცენტით არის ყველა ღონისძიება შესრულებული, – ამის შესახებ ჟურნალისტებს საგანგებო სიტუაციების მართვის სამსახურის უფროსმა, თემურ მღებრიშვილმა განუცხადა.

თემურ მღებრიშვილმა იმ ვერტმფრენებზეც გააკეთა კომენტარი, რომელთა შესყიდვის პროცედურებიც, მისი თქმით, უკვე დაწყებულია შინაგან საქმეთა სამინისტროს მიერ. როგორც მღებრიშვილმა აღნიშნა, მომწოდებელ კომპანიასთან აქტიური კომუნიკაციის შედეგად გადაწყდა, რომ ერთ ახალ სამაშველო ვერტმფრენს ქვეყანა მიმდინარე წლის დეკემბერში მიიღეს.

„კიდევ ერთხელ მინდა, ხაზგასმით ვთქვა, რომ ვერტმფრენს რაც უნდა გაეკეთებინა და ვერტმფრენის საშუალებით რა ღონისძიებაც უნდა შეგვესრულებინა, კიდევ ერთხელ სრული პასუხისმგებლობით ვაცხადებ, რომ 100 პროცენტით არის შესრულებული ყველა ღონისძიება. გარდა ამისა, მინდა, დავამატო, რომ ის ვერტმფრენები, რომელთა შესყიდვის პროცედურები უკვე დაწყებულია, აქტიური კომუნიკაციით მომწოდებელ კომპანიასთან და ქვეყანასთან გადაწყდა და ხერხდება, რომ წლის ბოლოს მოხდეს ერთი ახალი ვერტმფრენის მოწოდება, დაახლოებით დეკემბრის თვეში. ეს საკითხიც მეტ-ნაკლებად მოგვარდება“, – აღნიშნა თემურ მღებრიშვილმა.

ფოთში, ზღვაში 14 წლის მოზარდის ცხედარი იპოვეს

23:30 - 07/08/2023

ფოთში, ზღვაში 14 წლის მოზარდის ცხედარი იპოვეს.

წინასწარი ინფორმაციით, ორი მოზარდი დღის მეორე ნახევარში ზღვაში საცურაოდ გავიდა და გაუჩინარდა.

ამ წუთებში მიმდინარეობს მეორე მოზარდის სამძებრო სამუშაოები.

ადგილზე მობილიზებულია პოლიცია, სასწრაფო დახმარების და სამაშველო ჯგუფები.

7 აგვისტოს თბილისის უბნების ნაწილს ელექტრომომარაგება შეეზღუდება

23:09 - 07/08/2023

გადაუდებელი სამუშაოების ჩატარების გამო ,7 აგვისტოს, თბილისის უბნების ნაწილს ელექტრომომარაგება შეეზღუდება. ამის შესახებ ინფორმაციას კომპანია „თელასი“ ავრცელებს.

დიდუბის რაიონი

გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: დიღმის მასივის I, III, IV, V, VI კვარტალების (ნაწილობრივ), აკაკი ბელიაშვილის, მიქელაძის, ახმეტელის, ლუბლიანას და ბორის პაიჭაძის ქუჩების მოსახლეობას.

ნაძალადევის რაიონი

გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: მესხიშვილის, ჟღენტის, თიგიშვილის, კონდოლის, ზაქარაიას, სამღებროს, კაჭრეთის, თამარაშვილის, ინწკირველის და ურიდიას ქუჩების მოსახლეობას.

სამგორის რაიონი

გადაუდებელი სამუშაოების გამო 10:00 საათიდან 16:00 საათამდე შეზღუდვა შეეხება: ვარკეთილი-3 IV მიკრორაიონის (ნაწილობრივ), ვარკეთილის დასახლების IV მიკრორაიონის II რიგის და ჯავახეთის ქუჩების მოსახლეობას.

გადაუდებელი სამუშაოების გამო 10:00 საათიდან 15:00 საათამდე შეზღუდვა შეეხება: ვარკეთილი 3 ზემო პლატოს (ნაწილობრივ) მოსახლეობას.

გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ვარკეთილი-3 II მიკრორაიონის (ნაწილობრივ), რომანოზ ხომლელის, მიხეილ გახოკიძის, მაისურაძის და საქართველოს ერთიანობისთვის მებრძოლთა ქუჩების მოსახლეობას.

ისნის რაიონი

გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: წმინდა ქეთევან დედოფლის გამზირის (ნაწილობრივ), ვაჟა ივერიელის, თელავის, წინანდლის, კასპის, კობარეთის, ახმეტის, ავლიპ ზურაბიშვილის, ხახანაშვილის, აწყურის, დოესის და კასპის ქუჩების მოსახლეობას.

კრწანისის რაიონი

გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება კრწანისის ქუჩის მოსახლეობას.

საბურთალოს რაიონი

გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ყაზბეგის გამზირის (ნაწილობრივ), ლისის ტბის დასახლების, ზემო ვეძისის დასახლების (ნაწილობრივ), კვაჭაძის, ერისთავის, შალვა ნუცუბიძის, ივანე ბერიტაშვილის, ივანე გვარამაძის, დგებუაძის, ლევან ჩარკვიანის, ინტენსიფიკაციის, მაჭავარიანი მუხრანის, უნივერსიტეტის, მიხეილ თამარაშვილის და ოთარ ლორთქიფანიძის ქუჩების მოსახლეობას.

ვაკის რაიონი

გადაუდებელი სამუშაოების გამო 10:00 საათიდან 12:00 საათამდე შეზღუდვა შეეხება: ბარნოვის, ირაკლი აბაშიძის, კეკელიძის, ნაფარეულის, რაფიელ ერისთავის, შატბერაშვილის, შროშის, ჯანაშვილის, ქობულეთის, თაქთაქიშვილის და იოველ ქუთათელაძის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო და აცხადებს, სამუშაოების დასრულების შემდეგ აბონენტებს ელექტრომომარაგება აღუდგება.

რუსეთი არის აგრესორი და ოკუპანტი! – სალომე ზურაბიშვილი

22:52 - 07/08/2023

რუსეთი არის აგრესორი და ოკუპანტი! მას კვლავ ოკუპირებული აქვს ჩვენი ტერიტორიის 20%-ს და არღვევს ყველა პრინციპს, – ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს.

როგორც პრეზიდენტი აღნიშნავს, საქართველო დაიცავს თავის ევროპულ გზას და მშვიდობიანად დაიბრუნებს ტერიტორიულ მთლიანობას.

„რუსეთი არის აგრესორი და ოკუპანტი! 2008 წლის ომიდან 15 წლის შემდეგ მას კვლავ ოკუპირებული აქვს ჩვენი ტერიტორიის 20%-ს და არღვევს ყველა პრინციპს.

საქართველო დაიცავს თავის ევროპულ გზას, მშვიდობიანად დაიბრუნებს ტერიტორიულ მთლიანობას და იქნება მტკიცე დესტაბილიზაციის ნებისმიერი მცდელობის წინააღმდეგ“, – წერს ზურაბიშვილი Twitter-ზე.

უკრაინა რუსეთისთვის ტიტანის მიყიდვას განაგრძობს – უკრაინული მედია

22:13 - 07/08/2023

უკრაინა რუსეთისთვის ტიტანის მიყიდვას, რომელიც თვითმფრინავებისა და რაკეტების აწყობაში გამოიყენება, ომის დროსაც აგრძელებს.

ინფორმაციას RBC-უკრაინა, ინდუსტრიულ წყაროებზე და მიღებულ დოკუმენტებზე დაყრდნობით ავრცელებს.

ტიტანის მადნების მსოფლიო მარაგის 20% სწორედ უკრაინაშია კონცენტრირებული, მაგრამ ძირითადად, კონცენტრატი ქვეყნიდან უბრალოდ ექსპორტზე გადის. 2022 წლის ივლისიდან 2023 წლის აპრილამდე, სახელმწიფო გაერთიანებულმა სამთო და ქიმიურმა კომპანიამ, ტიტანის შემცველი საბადოდან 82,2 ათასი ტონა მოპოვებული მასალის ექსპორტი განახორციელა.

გამოცემის წყაროების მიხედვით, ამ პროდუქციის მნიშვნელოვანი ნაწილი რუსეთის ფედერაციაში პოლონეთის, უნგრეთის, ჩეხეთის და სლოვაკეთის შუამავლების მეშვეობით შევიდა.

რა თქმა უნდა, სტიქიური უბედურება ყველგან ხდება, არავინ ამას არ უნდა აბრალებდეს ხელისუფლებას- გიგა ბოკერია

21:00 - 07/08/2023

„ევროპული საქართველოს“ თავმჯდომარემ, გიგა ბოკერიამ შოვში მომხდარი ტრაგედიისას დაღუპულთა ოჯახის წევრებსა და ახლობლებს მიუსამძიმრა.

გიგა ბოკერიას თქმით, ეს იმ მასშტაბის უბედურებაა, რომ მთელი ქვეყნისთვის სამგლოვიარო დღეა.

„ხელისუფლების პროპაგანდა ყველა შემთხვევაში უკვე სამარცხვინოა და ამ უტიფარ საქციელს ვერ გაამართლებს ვერცერთი ოპონენტის აბსურდული ბრალდება. ხელისუფლებას აქვს პირველ რიგში პასუხისმგებლობა და როგორი უპასუხისმგებლოც არ უნდა იყოს ზოგიერთი ოპონენტის საქციელი, ეს არანაირად არ აბალანსებს ხელისუფლების მთავარ პასუხისმგებლობას.

ისევ წარსულისკენ და წინა ხელისუფლებისკენ ხელის გაშვერა-შევარდნაძის კორუმპირებული ბიუროკრატიის გაუქმების დაგმობა ხელისუფლებაში ყოფნის მეთერთმეტე წელს, განსაკუთრებით მაშინ, როცა 5 წლის წინ გაიცა დაპირება, რომ 2-3 წელიწადში სრულფასოვანი მონიტორინგისა და რეაგირების სისტემა დაინერგებოდა, კალაძისა და შოთა არველაძის შედარების ამაზრზენი კამპანია, რომელიც უკრაინასთან დაკავშირებულ მატჩზე სტიქიამდე წავიდა და ძალიან კარგადაც მოიქცა, რომ იქ საქართველო წარმოადგინა. ყველაფერი ეს ერთად ხელისუფლების სამარცხვინო ბუნებას გვიჩვენებს კიდევ ერთხელ“, – განაცხადა ბოკერიამ.

როგორც ბოკერიამ აღნიშნა, ის, რომ ასე სწრაფად ხდება უტიფარი პროპაგანდის დაგეგმვა, რა თქმა უნდა, კიდევ უფრო ამძიმებს ამ რეჟიმის მორალურ პასუხისმგებლობას.

„რა თქმა უნდა, სტიქიური უბედურება ყველგან ხდება, არავინ ამას არ უნდა აბრალებდეს ხელისუფლებას, თუ არ ჩავთვლით ცალკეული ოდიოზური პოლიტიკური ფიგურების აბსურდულ ბრალდებებს, ზოგადად საზოგადოების რეაქცია სრულიად ადეკვატური იყო. ამ დროს ჩნდება ის კითხვები, რომლებიც ყველა ქვეყანაში ისმის ასეთ დროს ხოლმე იმის მიმართ, ვინც არის ხოლმე ხელისუფლებაში და ვისაც ამაზე რეაგირების პასუხისმგებლობა აქვს.

პირველად არ ხდება ამ ტიპის სტიქიაზე რეაგირებისას ზოგადი პოლიტიკური კლიმატის გამოვლენა. ყველაზე მთავარი პრობლემა არის არანგარიშვალდებულების განცდა, ნებისმიერი ხელისუფლება, რომელსაც ეს განცდა არ გააჩნია საზოგადოების წინაშე და ამ რეჟიმის მოდელი სწორედ ასეთია, ყოველთვის ამა თუ იმ ფორმით, ასეთ შედეგებს დებს და მსგავს უპასუხისმგებლობას აჩვენებს.

მე არ გახლავართ ექსპერტი, მაგრამ ვეყრდნობი იმ ადამიანებს, ვისი რეპუტაციაც ამ სფეროში ჩემთვის საკმარისია და ის, რაც უკვე ვიცით ყოველგვარი გამოძიების გარეშე მინიმუმ მიუთითებს იმაზე, რომ ხელისუფლება უკვე მერამდენედ არ იყო მზად მსგავსი ტიპის სტიქიურ უბედურებაზე რეაგირებისთვის სხვადასხვა მხრივ, ყველაზე თვალსაჩინო ხელისუფლების მხრიდან სამაშველოს სამსახურის არასრულფასოვანი ტექნიკური აღჭურვაა. მთავარი მაინც არის უპასუხისმგებლობა და უტიფრობის ზოგადი კლიმატი, რომელიც ამ ხელისუფლებას გააჩნია საკუთარი ბუნებიდან გამომდინარე“, – განაცხადა გიგა ბოკერიამ.

“2008 წლის აგვისტოს ინტერვენცია იყო ისტორიის კიდევ ერთი უმძიმესი ფურცელი”- ბექა ოდიშარია

20:55 - 07/08/2023

2008 წლის აგვისტოს ინტერვენცია იყო ისტორიის კიდევ ერთი უმძიმესი ფურცელი. კიდევ ერთხელ ვუსამძიმრებ გმირი სამხედროების ოჯახებს, რომლებიც ამ ინტერვენციას შეეწირნენ, – ამის შესახებ პარლამენტის დიასპორის კომიტეტის თავმჯდომარე ბექა ოდიშარიამ აგვისტოს ომზე საუბრისას განაცხადა.

მისივე თქმით, რუსეთმა საქართველოში ომი დაიწყო, მაგრამ ისეთი პოლიტიკური ხელმძღვანელობა დახვდა, რომელმაც არასწორი ნაბიჯები გადადგა და ამას ასეულობით ქართველი შეეწირა.

„2008 წლის აგვისტოს ინტერვენცია იყო ისტორიის კიდევ ერთი უმძიმესი ფურცელი, თუმცა 90-იანი წლების ტალღებიც მახსოვს, რაც არანაკლებ მტკივნეული იყო. ინტერვენცია არახალი იყო მე-20 საუკუნის ბოლოსა და 21-ე საუკუნის დასაწყისში. ეს ჩვენმა იუნკერებმა გადაიტანეს. მანამდე, 1 800-იან წლებში საქართველოს ფაქტობრივი ანექსია იყო. კიდევ ერთხელ ვუსამძიმრებ გმირი სამხედროების ოჯახებს, რომლებიც 2008 წლის რუსეთის ოკუპაციასა და ინტერვენციას შეეწირნენ. მათ ოჯახებს ვეტყვი, რომ მათით იამაყონ, რადგან მათმა წიაღმა გმირები შვა.

რაც შეეხება 7 თუ 8 აგვისტოს, მერვე წელია, პოლიტიკაში ვარ და მათ ნაცვლად მერიდება, მრცხვენია. ასეთ დროს, ასეთ დღეებში როგორ ახერხებენ პინკ-პონკის მოწყობას, რატომ 8 აგვისტოს და არა 7 აგვისტოს? 2014 წლამდე 8 აგვისტოს რატომ დადიოდნენ ძმათა სასაფლაოზე? რატომ ჩაწერეს 7 აგვისტო ავადნახსენებ რეზოლუციაში, სადაც ქართველ სამხედროებს სამხედრო დანაშაული დააბრალეს? საერთაშორისო დავებისას რუსეთი 7 აგვისტოს თარიღით სწორედ ჩვენ გვადანაშაულებდა რეზოლუციის მეხუთე პუნქტში არსებულ დანაშაულებრივ ნარატივში. საერთაშორისო სასამართლოებში მოპოვებული ყველა გამარჯვება დათარიღებული იყო 8 აგვისტოთი. „ნაციონალურმა მოძრაობამ“ რატომ გადაიღო ფილმი, რომელსაც 08.08.08 ერქვა? – თარიღების ერთმანეთში არევა იმას ხომ არ ემსახურება, რომ ქართულმა საზოგადოებამ აქცენტი გადაიტანოს – აქცენტია რუსეთის შიშველი აგრესია, რომელმაც ომი დაიწყო, მაგრამ აქ ისეთი პოლიტიკური ხელმძღვანელობა დახვდა, რომელმაც არასწორი ნაბიჯები გადადგა და ამას ასეულობით ქართველი შეეწირა, 200-მდე სოფლის დაკარგვა მოჰყვა და ახლა ქვეყნის 1/5 დაკარგულია“, – განაცხადა ბექა ოდიშარიამ.

რუსეთმა პასუხი უნდა აგოს თავისი დანაშაულებისთვის და დაუბრუნოს საქართველოს სუვერენული ტერიტორიები – ჯიმ რიში

20:21 - 07/08/2023

15 წლის წინ რუსეთი უკანონოდ შეიჭრა, მოახდინა ოკუპაცია და დაარღვია ადამიანის უფლებები საქართველოს რეგიონებში, აფხაზეთსა და სამხრეთ ოსეთში. რუსეთი განაგრძობს დეზინფორმაციის გავრცელებას და ათასობით უდანაშაულო ქართველის დევნას, – ამის შესახებ ამერიკელი სენატორი, საგარეო ურთიერთობათა კომიტეტის წევრი ჯიმ რიში 2008 წლის აგვისტოს ომიდან მე-15 წლისთავთან დაკავშირებით სოციალურ ქსელში წერს.

„რუსეთმა პასუხი უნდა აგოს თავისი დანაშაულებისთვის და დაუბრუნოს საქართველოს სუვერენული ტერიტორიები“, – წერს ჯიმ რიში.

15yrs ago, #Russia illegally invaded, occupied, & committed human rights abuses in Abkhazia & South Ossetia, #Georgia. 🇷🇺 continues to spread misinformation & displace thousands of innocent Georgians. 🇷🇺 must be held accountable for its crimes & return 🇬🇪’s sovereign territory.

— Senate Foreign Relations Committee Ranking Member (@SenateForeign) August 7, 2023

შოვში მეწყერის შემდეგ ჩვენი გულები არის საქართველოს მოსახლეობასთან, აშშ თქვენ გვერდითაა – აშშ-ის ჰელსინკის კომისია

19:32 - 07/08/2023

აშშ-ის ჰელსინკის კომისია შოვში მომხდარ სტიქიას ეხმაურება.

როგორც ჰელსინკის კომისიაში აცხადებენ, აშშ საქართველოს გვერდითაა.

„ჩვენი გულები არის საქართველოს მოსახლეობასთან შოვში ჩამოწოლილი ტრაგიკული მეწყერის შემდეგ. აშშ და მისი ხალხი თქვენ გვერდითაა“, – ნათქვამია აშშ-ის ჰელსინკის კომისიის განცხადებაში.

“86 ერთეული მძიმე ტექნიკა ჩართულია საძიებო სამუშაოებში 8 პრიორიტეტულ მდებარეობაზე” – ირაკლი ქარსელაძე

18:45 - 07/08/2023

ინფრასტრუქტურის სამინისტროს მიერ მობილიზებული სპეციალური ტექნიკა მეხუთე დღეა აგრძელებს მუშაობას სტიქიის ზონაში. ამ დროისთვის, ადგილზეა მობილიზებული 100 -ზე მეტი სპეციალური ტექნიკა, აქედან 86 ერთეული მძიმე ტექნიკა ჩართულია საძიებო სამუშაოებში 8 პრიორიტეტულ მდებარეობაზე. დამატებითი და გაფართოებული დავალებებისთვის ადგილზე მობილიზებული გვაქვს დამატებითი რესურსი, – ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ მთავრობის სხდომის შემდეგ ბრიფინგზე განაცხადა.

მინისტრმა ღრმა მწუხარება გამოხატა და მიუსამძიმრა რაჭაში განვითარებული სტიქიის შედეგად დაღუპულთა ოჯახებს.

როგორც მან აღნიშნა, მძიმე ტექნიკა გადანაწილებულია საგანგებო სიტუაციების მართვის სამსახურთან ერთად განსაზღვრულ, პრიორიტეტულ მიმართულებებზე და სამუშაოებს აწარმოებენ ამავე სამსახურის წარმომადგენლების უშუალო მითითებებითა და ზედამხედველობით. გუშინ, ერთ-ერთ პრიორიტეტს წარმოადგენდა მჟავე წყლების მიმართულებით გზის გაყვანა და მდინარის ფონის გადალახვა, რაც გუშინვე იქნა მიღწეული. ტექნიკა ამ მდებარეობაზე გადაყვანილია და გუშინვე დაიწყო სამუშაოები.

მძიმე ტექნიკა გუშინ და დღეს მუშაობს, როგორც შოვის ტერიტორიაზე, ისე მდინარის კალაპოტში, ფონის გაგანიერების და გაწმენდის მიზნით. ასევე, წარმოებს მდინარე ბდღვიორასა და მდინარე ჭანჭახის გაწმენდისა და კალაპოტის ფორმირების სამუშაოები.

,,სტიქიის პირველ დღეებში, ჩვენი მთავარი ამოცანა იყო კურორტ შოვთან დამაკავშირებელი დროებითი ხიდისა და გზის მოწყობა. ამისათვის საჭირო სამუშაოები დაუყოვნებლივ დაიწყო. 24 საათიანი მუშაობის შედეგად, მძიმე ტექნიკამ, ხიდის მონტაჟისთვის, გაწმინდა მდინარის კალაპოტი და პარალელურად მუშაობდა სტიქიის ზონასთან მისასვლელი გზის მოწყობაზე ორი მიმართულებით. 4 აგვისტოს დროებითი ხიდი უკვე მოეწყო და შესაბამისად, ნებისმიერი ტექნიკის გადაყვანის შესაძლებლობა გაჩნდა’’-განაცხადა ირაკლი ქარსელაძემ.

მისივე განცხადებით, საავტომობილო გზების დეპარტამენტმა, კონტრაქტორ კომპანიებთან ერთად, სტიქიის პირველივე დღეს დაიწყო მძიმე ტექნიკის მობილიზაცია. კერძოდ, ადგილზე მობილიზაცია გაუკეთდა ექსკავატორებს, ბულდოზერებს, თვითმცლელებს და ამწეებს. ეს ტექნიკა ეხმარება შესაბამის სამსახურებს რთულად გადასალახ ღვარცოფულ მასაში ძებნა-შველის სამუშაოების წარმოებაში.

“ევროკავშირის ერთგულება საქართველოში კონფლიქტის მშვიდობიანი მოგვარების მიმართ უფრო ძლიერია, ვიდრე ოდესმე”

18:43 - 07/08/2023

ევროკავშირის უმაღლესი წარმომადგენელი რუსეთ-საქართველოს კონფლიქტის მე-15 წლისთავთან დაკავშირებით განცხადებას ავრცელებს.

ევროკავშირის უმაღლესი წარმომადგენელის, ჯოზეფ ბორელის განცხადებით, ევროკავშირის ერთგულება საქართველოში კონფლიქტის მშვიდობიანი მოგვარების მიმართ უფრო ძლიერია, ვიდრე ოდესმე.

„დღეს 15 წელი შესრულდა რუსეთსა და საქართველოს შორის 2008 წლის ომიდან. ევროკავშირის ერთგულება საქართველოში კონფლიქტის მშვიდობიანი მოგვარების მიმართ უფრო ძლიერია, ვიდრე ოდესმე.

ვგმობთ რუსეთის სამხედრო ძალების განგრძობად ყოფნას აფხაზეთსა და სამხრეთ ოსეთში, რაც არღვევს საერთაშორისო სამართალს და ეწინააღმდეგება რუსეთის მიერ ევროკავშირის შუამავლობით 2008 წლის 12 აგვისტოს მიღწეული შეთანხმების შესაბამისად ნაკისრ ვალდებულებებს. ადგილობრივი მოსახლეობა ისევ ჰუმანიტარული გამოწვევების წინაშეა და გრძელდება ადამიანის უფლებების დარღვევები, მათ შორის გადაადგილების თავისუფლების შეზღუდვისა და უკანონო დაკავებების შედეგად. კვლავ არსებობს დაბრკოლებები იძულებით გადაადგილებული პირებისთვის და ლტოლვილებისთვის წარმოშობის ადგილზე დაბრუნებასთან დაკავშირებით.

ევროკავშირი კონფლიქტების მოგვარების მცდელობებში სრულად იყო ჩართული, მათ შორის ჟენევის საერთაშორისო დისკუსიებში თანათავმჯდომარის რანგში და სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენლის ძალისხმევის საშუალებით. მოვუწოდებთ ყველა მონაწილეს კონსტრუქციულად ჩაერთონ განხილვებში 2008 წლის 12 აგვისტოს ექვსპუნქტიანი შეთანხმების სრული განხორციელების მისაღწევად. ასევე ხაზგასმით აღვნიშნავთ ლტოლვილთა და დევნილთა უფლების მნიშვნელობას მდგრადი გადაწყვეტის არჩევასთან დაკავშირებით, რომელიც ნებაყოფლობით, უსაფრთხო და ღირსეულ დაბრუნებას მოიცავს.

ევროკავშირის სადამკვირვებლო მისიის (EUMM) ადგილზე უწყვეტად მუშაობამ 200-ზე მეტი სამოქალაქო დამკვირვებლის მონაწილეობით ასევე ხელი შეუწყო უსაფრთხოების სიტუაციის სტაბილიზაციას. 2024 წლის დეკემბრამდე კვლავ განახლებული მანდატით ევროკავშირის სადამკვირვებლო მისია ადგილზე არსებული ერთადერთი საერთაშორისო მისიაა, რომელიც აფხაზეთთან და სამხრეთ ოსეთთან ადმინისტრაციული სასაზღვრო ხაზების ორივე მხარეს მცხოვრები ადგილობრივი მოსახლეობის უსაფრთხო და ნორმალურ ცხოვრებას უწყობს ხელს.

ევროკავშირი კვლავ ადასტურებს საქართველოში სტაბილიზაციისა და კონფლიქტების მოგვარების ძალისხმევაში ჩართულობის ერთგულებას და მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას ქვეყნის საერთაშორისოდ აღიარებულ საზღვრებში”, – ნათქვამია განცხადებაში.

1...1,6021,6031,604...2,145 Page 1,603 of 2,145