Home Blog Page 1566

“რუსების მიერ დაწესებული სასჯელი მოეხსნათ საქართველოს მოქალაქეებს და ოპოზიციის წარმომადგენლები თვითსანქცირებას ითხოვენ”

საქართველოს მოქალაქეებს გუშინ მოეხსნათ სასჯელი, მათ შორის ფრენებთან დაკავშირებით, მათივე, ანუ რუსების მიერ დაწესებული სასჯელი, რომელიც მათ დააწესეს 2019 წელს, საინტერესო ტერმინი შემოვიდა, შეგვიძლია ასე დავარქვათ, თვითსანქცირებას ითხოვენ ჩვენი ოპოზიციის წარმომადგენლები, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.

როგორც მამუკა მდინარაძემ აღნიშნა, 2012 წელს სწორედ მიხეილ სააკაშვილმა გააუქმა ცალმხრივად სავიზო რეჟიმი რუსეთის მოქალაქეებისთვის და ბევრი ახლა ვითომ მათ „დალაგებულ“ მესიჯ ბოქსში ურევს ამ ყველაფერს ერთმანეთში.

„გუშინ იცით რა მოხდა? საქართველოს მოქალაქეებს მოეხსნათ სასჯელი. მათ შორის ფრენებთან დაკავშირებით, მათივე, ანუ რუსების მიერ დაწესებული სასჯელი, რომელიც მათ დააწესეს 2019 წელს, მოეხსნათ საქართველოს მოქალაქეებს და საინტერესო ტერმინი შემოვიდა, შეგვიძლია ასე დავარქვათ, თვითსანქცირებას ითხოვენ ჩვენი ოპოზიციის წარმომადგენლები. მსგავსი პრეცედენტი მსოფლიოში არ დაფიქსირებულა, რომ რომელიმე პოლიტიკოსს მოეთხოვა საკუთარი მოქალაქეების სანქცირება. ანუ თვითსანქცირება საკუთარი ქვეყნის, საკუთარი მოქალაქეების. ერთმანეთში ურევენ ახლა სპეციალურად, შეგნებულად რუსეთის მოქალაქეებს კი არ მოეხსნათ რაღაცა, საქართველოს მოქალაქეებს მოეხსნათ სანქცია, სასჯელი და ესენი ითხოვენ, რომ პირიქით მოხდეს. ერთი კითხვა მაქვს და აქედან ვეკითხები – რას იზამდნენ ისინი ხელისუფლებაში რომ იყვნენ. ანუ საკუთარ მოქალაქეებს თავად დაუწესებდნენ სანქციებს?!

საქართველოს ომი, ომი არ არის და მხოლოდ უკრაინის ომია ომი, ჩვენი მხარდაჭერა გასაგებია ჩვენს მეგობრებს, მაგრამ 2008 წლის შემდეგ სხვანაირად რომ ჭიკჭიკებდნენ ეს ადამიანები, ცალმხრივად სავიზო რეჟიმს უუქმებდნენ და ფრენებეთან დაკავშირებით, მათ შორის ჩვენი პერტნიორებიც ხომ გახსოვთ 2019-2020 წლებში რას ამბობდნენ, ჩვენი ამერიკელი პარტნიორები, რომ ეს არის არასწორი გადაწყვეტილება, უნდა მოეხსნას ეს სანქცია საქართველოს მოქალაქეებს. დღეს ჩვენი ოპონენტები, ოღონდ რაღაცით „ქართული ოცნება“ საკუთარი სახელმწიფო და საკუთარი სამშობლო დააზიანონ, თვითსანქცირებას ითხოვენ, ანუ საქართველოს მოქალაქეების სანქცირებას ითხოვენ. წარმოუდგენელი ამბავია. მაშინ, როდესაც რუსეთში ცხოვრობს მილიონამდე ქართველი და მათთვის სასჯელის მოხსნაზეა საუბარი. რა მოტივაციითაც არ უნდა იყოს, შედეგი ის არის, რომ მოუხსნათ სასჯელი და სანქცია საქართველოს მოქალაქეებს, ამაზე წუხან ჩვენი ოპონენტები და ამის შეცვლას ითხოვენ. ანუ იმას თუ მოუხნსა სასჯელი, შენვე დაუწესე საკუთარ მოქალაქეებს სასჯელიო, ამაში მდგომარეობს მათი პოლიტიკური მორალი“, – განაცხადა მდინარაძემ.

“აშშ ვერ იტყვის, მოახდენს თუ არა პუტინის გადაწყვეტილება გავლენას კანდიდატის სტატუსზე, ჩნდება კითხვა, რატომ აკეთებს პუტინი ამას ახლა”

აშშ ვერ იტყვის, მოახდენს თუ არა გავლენას პუტინის გადაწყვეტილება საქართველოს კანდიდატის სტატუსზე, ეს აჩენს შეკითხვას, რატომ აკეთებს პუტინი ამას საქართველოსთვის ახლა, დარწმუნებული ვარ, არავის სჯერა, რომ ის ზრუნავს ქართველი მგზავრების კომფორტზე, – ამის შესახებ საქართველოში აშშ-ის ელჩმა, კელი დეგნანმა განაცხადა.

ელჩის თქმით, ვლადიმერ პუტინს თუ სურს, აჩვენოს მზრუნველობა, გაიყვანდა რუსეთის ჯარებს აფხაზეთიდან და ცხინვალიდან.

„ჩვენ ვნახეთ, რომ ზოგჯერ პუტინი იყენებს ქვეყანაში რუსების ყოფნას ამ ქვეყანაში ჩარევისთვის. ვფიქრობ, უკვე ბევრი ქართველია შეშფოთებული საქართველოში რუსეთის ასობით ათასი მოქალაქის ყოფნით, რომლებიც გასულ წელს ჩამოვიდნენ. ახლა ჩვენ გვესმის რუსეთის ტურიზმის სააგენტოსგან, რომ შესაძლოა, კიდევ მილიონი ჩამოვიდეს პირდაპირი ფრენების გახსნის შემდეგ. ბატონ პუტინს თუ სურს, აჩვენოს, რომ ზრუნავს, ის გაიყვანდა რუსეთის ჯარებს აფხაზეთიდან და ცხინვალიდან და შეასრულებდა ცეცხლის შეწყვეტის შეთანხმებით ნაკისრ ვალდებულებებს, შეცვლიდა რუსეთის მიერ აფხაზეთისა და ცხინვალის აღიარებას. ეს იქნებოდა ნიშნები, რომელსაც ქართველები დააფასებდნენ. შეგახსენებთ, რომ ეს არის ქვეყანა, რომელიც 2008 წელს შემოიჭრა საქართველოში, რომელმაც 1989 წელს სცადა დაენგრია საქართველოს დამოუკიდებლობა. მათ სცადეს ქართული ენის ჩაჩუმება 1978 წელს და საუკუნეების განმავალობაში შეურაცხყოფდნენ ქართულ ეკლესიებს მთელი ქვეყნის მასშტაბით. ეს არის ქვეყანა, რომელიც თავს ესხმის უკრაინას, ისევე როგორც ეს გააკეთა საქართველოს წინააღმდეგ 15 წლის წინ. სამიზნეში იღებს საცხოვრებელ კორპუსებს, სკოლებს, საავადმყოფოებს, ბავშვები აშორებს ოჯახებს. უცნაურად ჩანს ეს ჟესტი სისხლიანი რეჟიმისგან, რომელიც იმას უკეთებს ახლა უკრაინას, რაც საქართველოს 15 წლის წინ გაუკეთა“, – განაცხადა დეგნანმა.

რუსეთის პრეზიდენტმა, ვლადიმერ პუტინმა დღეს გამოსცა განკარგულებები, რომლებიც საქართველოსთან სავიზო რეჟიმის გაუქმებას და პირდაპირი ფრენების აღდგენას ითვალისწინებს.

საქართველოსთან რუსეთს სავიზო რეჟიმი ცალმხრივად ჰქონდა დაწესებული. რუსეთის ფედერაციასთან სავიზო რეჟიმი 2012 წელს მაშინდელი პრეზიდენტის, მიხეილ სააკაშვილის ბრძანებით გაუქმდა. მანამდე კი, 2010 წლის ოქტომბერში სავიზო რეჟიმის გაუქმება რუსეთის ფედერაციაში შემავალი ჩრდილოეთ კავკასიის რესპუბლიკების მცხოვრებლებს შეეხოთ.

შეიძინე „Imagine Dragons-ის“ კონცერტის ბილეთი სწრაფად და მარტივად

TKT.GE-ს და Super app-ს  სასიამოვნო სიახლე აქვთ მათთვის, ვინც საქართველოში ვარსკვლავთცვენას მოუთმენლად ელოდება! „Starring Georgia-ს“ ფარგლებში დაგეგმილი ყველაზე კაშკაშა ვარსკვლავის ღონისძიებაზე დასასწრებ ბილეთებს TNET-ის Super app-ის მეშვეობით სულ რამდენიმე წუთში შეიძენთ.

ბოლო ათწლეულის ერთ-ერთი ყველაზე წარმატებული ბენდი „Imagine Dragons“ თბილისს, მიხეილ მესხის სახელობის სტადიონზე, 31 აგვისტოს ეწვევა. მილიონობით გაყიდული ალბომისა და მასშტაბური საკონცერტო ტურნეების დამსახურებით, ლას-ვეგასში დაფუძნებული ბენდი თავისი მუსიკალური ისტორიის წერას დღესაც წარმატებით განაგრძობს. ალბომ „Mercury-ის“ ტურნე, რომლის ფარგლებშიც ბენდი საქართველოს ეწვევა, ყველა იმ ჰიტს აერთიანებს, რომლის დამსახურებითაც, „Imagine Dragons“ ნამდვილი სუპერვარსკვლავების ჯგუფი გახდა, ყველა თავისი მახასიათებლით.

კონცერტის ბილეთი TNET-ის Super app-ში 11 მაისის 16:00 საათიდან იქნება ხელმისაწვდომი. უფრო ზუსტად, აპლიკაციაში Star Ring-ის კატეგორიის ბილეთი დაგხვდებთ.

ბილეთის Super App-იდან შესაძენად, საჭიროა:

ჩამოტვირთოთ აპლიკაცია;
გაიაროთ რეგისტრაცია;
მიაბათ თქვენს პროფილს საბანკო ბარათი.

აპლიკაციის გადმოწერა შესაძლებელია როგორც IOS, ასევე Android სისტემებისთვის. გადმოწერე Super App-ი და შეიძინე ბილეთი სწრაფად და მარტივად: bit.ly/superapp-tnet

„Starring Georgia“ ორწლიანი კამპანიაა, რომლის ფარგლებში, საქართველო მთელი „თანავარსკვლავედის“ მასპინძელი გახდება. ჩვენს ქვეყანას თანამედროვეობის ყველაზე აქტუალური არტისტები ეწვევიან, რომელთა მოსმენის საშუალება ქართველ მელომანებს აქამდე საკუთარ ქვეყანაში არ ჰქონიათ. მათ შორისაა: „Imagine Dragons“, „Nile Rodgers & Chic“, „FKJ“, „Damian Lazarus“ და „All Day I Dream“. ახალი კამპანიის ფარგლებში, „Black Sea Arena-ს“ სცენის გარდა, კონცერტები შეკვეთილში, თბილისსა და სხვა ლოკაციებზე ჩატარდება.

Starring Georgia-ს მთავარი პარტნიორები თიბისი და ვიზა გახდნენ. ამ პარტნიორობის ფარგლებში თიბისის ვიზა ბარათებით გადახდისას განსაზღვრული კატეგორიის ბილეთებზე ფასდაკლება იმოქმედებს.

 

R

დაუვიწყარი გამოცდილება თიბისის მომხმარებლებისთვის – თიბისი და VISA Imagine Dragons-ის კონცერტის მთავარი პარტნიორები არიან

თიბისის ნებისმიერი VISA ბარათის მფლობელებს უნიკალური შესაძლებლობა გაქვთ, ზაფხულის მთავარ მოვლენას, ლეგენდარული ამერიკული ჯგუფის – Imagine Dragons-ის კონცერტს, 20%-იანი ფასდაკლებით დაესწროთ. ბილეთების თიბისი კონცეპტის და თიბისი WM-ის VISA ბარათით შეძენის შემთხვევაში კი, 30%-იანი ფასდაკლებით ისარგებლებთ.

თიბისი და VISA Starring Georgia-ს ფარგლებში, Black Sea Arena-ზე დაგეგმილი ყველა კონცერტის მთავარი პარტნიორებიც არიან.

20%-იანი ფასდაკლებით ისარგებლებთ ყველა, ვინც შეკვეთილში დაგეგმილ კონცერტებზე ბილეთებს თიბისის ნებისმიერი VISA ბარათით შეიძენთ. თიბისი კონცეპტისა და თიბისი WM-ის VISA ბარათით კი, VIP, Orbit A და Orbit B კატეგორიის ბილეთებზე 30%-იანი ფასდაკლება ვრცელდება.

შეგახსენებთ, რომ მსოფლიო ვარსკვლავების კონცერტების სერია 5 აგვისტოს აიღებს სტარტს:

  • 5 აგვისტო – NILE RODGERS & CHIC (Black Sea Arena)
  • 6 აგვისტო – FKJ (Black Sea Arena)
  • 10 აგვისტო – Damian Lazarus (The Social Space)
  • 15 აგვისტო – THE KILLERS (Black Sea Arena)
  • 18 აგვისტო – All Day I Dream (The Social Space)
  • 31 აგვისტო – Imagine Dragons (მიხეილ მესხის სტადიონი)

ბილეთების გაყიდვა დღეს – 11 მაისს დაიწყება – tkt.ge-ზე და Super app-ში.

R

“ფრენების აღდგენას, სავიზო რეჟიმის გაუქმებასა და სტრატეგიულ პარტნიორობას შორის კავშირი არ არის”

არავითარი კავშირი ფრენების აღდგენას, სავიზო რეჟიმის გაუქმებასა და სტრატეგიულ პარტნიორობას შორის, არ არის. ეს რომ ასე იყოს, ამერიკის შეერთებულ შტატებს აქამდე ექნებოდა დაწესებული პირდაპირი ფრენები ან გაუმარტივებდა ჩვენს მოქალაქეებს სავიზო რეჟიმს, თუმცა საკმაოდ მკაცრი რეჟიმი მოქმედებს ჩვენი მოქალაქეების მიმართ, რადგან ფრენები და სავიზო რეჟიმი არის სრულიად სხვა რამე და სტრატეგიული პარტნიორობა არის სრულიად სხვა რამე, – ამის შესახებ „ქართული ოცნების“ თავმჯდომარე ირაკლი კობახიძემ პარტიის ცენტრალურ ოფისში გამართულ ბრიფინგზე განაცხადა.

ირაკლი კობახიძემ რუსეთის მიერ საქართველოს მოქალაქეებისთვის სავიზო რეჟიმის გაუქმებასთან დაკავშირებით საუბრისას აღნიშნა, რომ არაერთ ქვეყანას, მათ შორის, ამერიკის შეერთებული შტატების სტრატეგიულ პარტნიორ ქვეყანას აქვს პირდაპირი ფრენები რუსეთის ფედერაციასთან.

მისივე თქმით, ოპოზიცია ცდილობს, ეს ყველაფერი წარმოაჩინოს ისე, თითქოს პირდაპირი ფრენების ცალმხრივად აღდგენა ნიშნავს სტრატეგიული პარტნიორობის დამყარებას.

„რაც შეეხება ფრენებს. საუბარი ჰქონდა ჩვენს კოლეგებს იმასთან დაკავშირებით, რომ არის არაერთი ქვეყანა სადაც არის ფრენები. მათ აქვთ პარტნიორობა დასავლეთთან, თუმცა ფრენები აქვთ რუსეთის ფედერაციასთან, მათ შორის არის ისრაელი, რომელიც არის ამერიკის შეერთებული შტატების სტრატეგიული პარტნიორი და არის პირდაპირი ფრენები რუსეთთან. ასევე არის თურქეთი, რომელიც არის ევროკავშირის წევრობის კანდიდატი ქვეყანა და ნატოს წევრი ქვეყანა და იქაც ხორციელდება ფრენები. ჩვენი მეზობელი ქვეყნები: აზერბაიჯანი, სომხეთი – აქაც არის პირდაპირი ფრენები. მთლიანობაში ეს ყველაფერი მიუთითებს იმაზე, რომ სპეკულაციებშიც არ არსებობს არავითარი საფუძველი. ოპოზიცია ცდილობს, ეს ყველაფერი ისე წარმოაჩინოს, თითქოს პირდაპირი ფრენების ცალმხრივად აღდგენა რუსეთის მხრიდან ნიშნავს სტრატეგიული პარტნიორობის დამყარებას. ასეთი სპეკულაციებიც კი გვესმის პირდაპირი თუ ირიბი ფორმით“, – განაცხადა ირაკლი კობახიძემ.

თიბისის მხარდაჭერით გურჯაანის ტექნოპარკმა ინოვაციების ბანაკს უმასპინძლა

თიბისის მხარდაჭერით და „ჯუნიორ ეჩივმენტ საქართველოს“ ორგანიზებით გურჯაანის ტექნოპარკმა, მდგრადი განვითარების თემაზე ინოვაციების ბანაკს უმასპინძლა.

ინოვაციების ბანაკი ეს არის იდეების ინტენსიური გენერირების 12 საათიანი ღონისძიება, სადაც 15-დან 18-წლამდე ახალგაზრდები მუშაობენ კონკრეტული ბიზნეს გამოწვევის გარშემო, რომლის შესახებაც უნდა წარმოადგინონ იდეები და ეფექტური მეთოდებით გადაჭრან პრობლემა. მოცემული, შეზღუდული, დროის პერიოდში ახალგაზრდები იდეების განვითარებასა და ჩამოყალიბებას სწავლობენ.

ინოვაციების ბანაკის მონაწილეები არ იცნობდნენ ერთმანეთს, თუმცა მათ მალევე მოახერხეს ჯგუფში ადაპტირება და ეფექტიანი სამუშაო გეგმის შედგენა. მუშაობის პროცესში მოსწავლეებს წვდომა ჰქონდათ  საჭირო ხელსაწყოებზე, ინფორმაციასა და რესურსებზე. გუნდების ფორმირების დასრულების შემდეგ, ახალგაზრდები გაეცნენ ბიზნეს გამოწვევას, რომლის გადაჭრის გზებზეც 12 საათის განმავლობაში იმუშავეს. მონაწილე გუნდებს დაევალათ ინოვაციური პროექტის მომზადება, რომელის გრძელვადიანი მიზანი მსოფლიოს შეცვლა ან/და არსებული პრობლემის გადაჭრა იყო.

ღონისძიების ბოლოს, თითოეულმა გუნდმა წარადგინა ბიზნეს გეგმა და 4 წუთიანი პრეზენტაცია, რომლის მიხედვითაც, ჟიურის წევრებმა გამოავლინეს გამარჯვებული გუნდი.

გამარჯვებული გუნდის წევრებს თიბისისგან საჩუქრად გადაეცათ კომპიუტერული ტექნიკა. ღონისძიების ყველა მონაწილეს გადაეცა 120-ზე მეტ ქვეყანაში აღიარებული სერტიფიკატი „ინოვაციების ბანაკი“-ში მონაწილეობისათვის.

„ჯუნიორ ეჩივმენტ საქართველო“ 2002 წლიდან ახორციელებს სამეწარმეო განათლების პროგრამების სწავლების ხელშეწყობას საქართველოში. იგი არის JA მსოფლიოს წარმომადგენელი ქვეყანაში. ასევე, JA Europe-ის მოდელი ორგანიზაცია და მისი პროგრამები აღიარებულია European Training Foundation (ETF)-ის, ევროკომისიისა და სხვადასხვა საერთაშორისო ორგანიზაციების მიერ, როგორც საუკეთესო პრაქტიკა სამეწარმეო განათლებაში.

JA მსოფლიო დაფუძნდა 1919 წელს და 2023 წლის, ზედიზედ მეორედ, არის ნომინირებული ნობელის პრემიაზე მშვიდობის დარგში. იგი მსოფლიოს ყველაზე გავლენიან არაკომერციულ ორგანიზაციებს შორის მე-6 ადგილზეა და მისი პროგრამები ეფუძნება ახალგაზრდებში დასაქმებისთვის მზაობის, ფინანსური წიგნიერების და სამეწარმეო უნარების გამომუშავებას.

ინოვაციების ბანაკი განხორციელდა აშშ-ს საერთაშორისო განვითარების სააგენტოს (USAID) პროექტის, „სამეწარმეო განათლების მხარდაჭერა ევროპასა და ევრაზიაში” ფარგლებში, ჯუნიორ ეჩივმენტ ალუმნთან, გურჯაანის ტექნოპარკთან  და საქართველოს განათლებისა და მეცნიერების სამინისტროსთან თანამშრომლობით.

(R)

“ევროკავშირი მოუწოდებს საქართველოს ხელისუფლებას, დაიცვას რუსეთის ავიაციის წინააღმდეგ დაწესებული სანქციები” – პეტერ სტანო

ევროკავშირი მოუწოდებს საქართველოს ხელისუფლებას, დაიცვას რუსეთის საავიაციო ინდუსტრიის წინააღმდეგ დაწესებული სანქციები, რომლებიც უკრაინაში რუსეთის შეჭრის შემდეგ დაწესდა.

ამის შესახებ ევროკომისიის სპიკერმა, პიტერ სტანომ ბრიუსელში ბრიფინგზე განაცხადა.

„ევროკავშირი მოუწოდებს საქართველოს, რომელიც ცდილობს გახდეს გაერთიანების წევრობის კანდიდატი, დაიცვას მოქმედი ევროპული სანქციები, როგორც ამას ევროკავშირის სხვა პარტნიორები აკეთებენ. და ხაზს ვუსვამთ, სანქციების გვერდის ავლის ნებისმიერი მცდელობის მიმართ დიდი ყურადღებაა საჭირო, განსაკუთრებით, საავიაციო სექტორში”, – თქვა მან.

სტანომ ასევე აღნიშნა, რომ უსაფრთხოებიდან გამომდინარე, საქართველომ არ უნდა დაუშვას ქვეყანაში რუსული თვითმფრინავების ჩასვლა.

„ბოლოს და ბოლოს, სანქციების გამო, რუსული საავიაციო ფლოტის 95% ვერ მოდერნიზდება ან მისი შეკეთებაა რთული, რაც უსაფრთხოების საერთაშორისო სტანდარტების შესაბამისად უნდა მოხდეს“, – დასძინა სტანომ.

მოსკოვის მიერ საქართველოს მოქალაქეებისთვის უვიზო რეჟიმის შესახებ დასმული კითხვის საპასუხოდ, სტანომ აღნიშნა, რომ საქართველოს მოსახლეობამ თავად უნდა გადაწყვიტოს გამოიყენონ თუ არა ახალი რეჟიმი, და ევროკავშირი ამ საკითხზე განცხადებებს არ გააკეთებს.

მილანის ცენტრში ძლიერი აფეთქება მოხდა

იტალიის ქალაქ მილანის ცენტრში ძლიერი აფეთქება მოხდა.

პორტა რომანას რაიონში აფეთქების შემდეგ, ქუჩაში მდგარ რამდენიმე ავტომობილს ცეცხლი გაუჩნდა.

აფეთქების ადგილთან ახლოს მდებარე სკოლიდან ბავშვების ევაკუაცია განხორციელდა.

დაშავებულების შესახებ ინფორმაცია არ ვრცელდება.

აფეთქების მიზეზი ჯერ უცნობია, თუმცა ვრცელდება ვერსია, რომ აფეთქება გაზის ავზებით დატვირთულ სატვირთო ავტომობილზე მოხდა.

“სანქცირებული ბორტები საქართველოში ვერ იფრენენ”- ირაკლი კობახიძე

სანქცირებული ბორტები საქართველოში ვერ იფრენენ, სხვა შემხთვევაში, ბუნებრივია, რუსეთის ფედერაციას ჩვენ სანქციებს არ დავუწესებთ, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა.

კობახიძის თქმით, საქართველოს მხრიდან სანქციებისთვის გვერდის ავლა არ მოხდება.

„რაც შეეხება სანქცირებულ ბორტებს, რა თქმა უნდა, გამორიცხულია, ჩვენ გაცხადებული გვაქვს პოზიცია, სანქცირებული ბორტები საქართველოში ვერ იფრენენ, სხვა შემხთვევაში, ბუნებრივია, ჩვენ რუსეთის ფედერაციას სანქციებს არ დავუწესებთ. არსებობს სანქცირებული და არასანქცირებული ბორტები, მათ შორის სხვა ქვეყნებში დაფრინავენ არასანქცირებული ბორტები. იგივე ისრაელიც რომ ავიღოთ, ისრაელი ანგარიშს უწევს იმ ზომებს, რომლებიც მიღებულია დასავლეთის მხრიდან. შესაბამისად, ისრაელშიც დაფრინავს არასანქცირებული ბორტები. ჩვენც ამ მიდგომით ვიმოქმედებთ. სანქციების გვერდის ავლა და ასეთი ქმედებები ჩვენი მხრიდან არავითარ შემთხვევაში არ იქნება განხორციელებული. არაერთი სპეკულაცია, ტყუილი გავრცელდა ამაზეც, სხვა თემებთან დაკავშირებით, გვაბრალებდნენ, თითქოს საქართველო გამოიყენებოდა სანქციების გვერდის ავლისთვის, რაც დადასტურდა, რომ ტყუილი იყო, ეს დაადასტურა ყველა ჩვენმა საერთაშორისო პარტნიორმა. აქაც არ მოხდება სანქციების გვერდის ავლა, არ იფრენენ სანქცირებული ბორტები, ჩვენ პატივს ვცემთ გადაწყვეტილებებს, რომლებიც არის მიღებული, მაგრამ რაც შეეხება არასანქცირებულ ბორტებს, ბუნებრივია, რუსეთის ფედერაციას სანქციებს არ დავუწესებთ“, – აღნიშნა ირაკლი კობახიძემ.

რუსეთის პრეზიდენტმა, ვლადიმერ პუტინმა გ გამოსცა განკარგულებები, რომლებიც საქართველოსთან სავიზო რეჟიმის გაუქმებას და პირდაპირი ფრენების აღდგენას ითვალისწინებს.

გონჩარენკო უკრაინის პრეზიდენტს მიმართავს, ივანიშვილსა და კობახიძეს სანქციები დაუწესოს

უკრაინის რადას დეპუტატი ოლექსი გონჩარენკო უკრაინის პრეზიდენტს ვოლოდიმირ ზელენსკისა და უკრაინის ეროვნული უსაფრთხოებისა და თავდაცვის საბჭოს ხელმძღვანელს ალექსი დანილოვს მიმართავს, რომ ბიძინა ივანიშვილს და ირაკლი კობახიძეს სანქციები დაუწესდეთ.

“ვინ არიან ისინი და რატომ არის საჭირო სანქციები?

 

ბიძინა ივანიშვილი არის ქართველი პრორუსი ოლიგარქი, საქართველოს პრემიერ-მინისტრი 2012-2013 წლებში, მაგრამ დღემდე ითვლება “საქართველოს არაფორმალურ მმართველად“. ამავდროულად, მას აქვს მჭიდრო კავშირი რუსულ პოლიტიკურ ელიტასთან, აქტიურად ეწევა რუსეთის წინააღმდეგ

სანქციების გვერდის ავლის საკითხს. 2012 წელს მან დააარსა პოლიტიკური პარტია „ქართული ოცნება – დემოკრატიული საქართველო“, რომელიც დღეს მმართველი პარტიაა და რომელსაც ირაკლი კობახიძე ხელმძღვანელობს.

კობახიძე თანმიმდევრულად ავრცელებს რუსულ ნარატივებს, მაგალითად, უკრაინის ომს უწოდებს „მაიდანის შედეგს“, დადებითად საუბრობს საქართველოსა და რუსეთს შორის საჰაერო მიმოსვლის აღდგენაზე.

2022 წელს რუსეთის ფედერაციასა და საქართველოს შორის ვაჭრობამ მიაღწია რეკორდულ მაჩვენებელს ბოლო 16 წლის განმავლობაში, რაც საქართველოს ხელისუფლების პრორუსული პოლიტიკის შედეგია და პირდაპირ ეწინააღმდეგება უკრაინისა და საქართველოს ორმხრივი ურთიერთობების სტრატეგიულ სულისკვეთებას.

სანამ ქართველები უკრაინის მხარეს იბრძვიან, საქართველოს პრორუსული ხელისუფლება რუსეთთან დაახლოებისკენ მიისწრაფვის და მათ ეკონომიკური სიძნელეების დაძლევაში ეხმარება.

ამიტომ მიმაჩნია, რომ აუცილებელია ამ ადამიანების მიმართ სანქციების დაწესება”, – წერს გონჩარენკო სოციალურ ქსელში.

უკრაინაში კიდევ ერთი ქართველი მებრძოლი დაიღუპა

უკრაინაში, ბახმუტთან კიდევ ერთი ქართველი მებრძოლი დაიღუპა.

უკრაინაში მებრძოლი ქართველების ინფორმაციით, დაღუპული უცხოურ ლეგიონში მსახურობდა, ამასთან, აღნიშნავენ, რომ დაჭრილია კიდევ ერთი მებრძოლი.

როგორც საგარეო საქმეთა სამინისტროში აცხადებენ, უკრაინაში საქართველოს საელჩო ინფორმირებულია საქართველოს მოქალაქის გარდაცვალების შესახებ და შესაბამისი პროცედურები განხორციელდება.

 

2022 წლის 24 თებერვლის, რუსეთის ფართომასშტაბიანი შეჭრის შემდეგ, უკრაინაში სულ 44 ქართველი მებრძოლია დაღუპული.

“მივიღეთ გადაწყვეტილება, დავტოვოთ „ევროპის სოციალისტური პარტიის“ დამკვირვებელი წევრის სტატუსი” – ირაკლი კობახიძე

მივიღეთ გადაწყვეტილება, დავტოვოთ „ევროპის სოციალისტური პარტიის“ დამკვირვებელი წევრის სტატუსი და ევროპის სოციალისტურ პარტიასთან დაკავშირებული სხვა გაერთიანებები, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა.

კობახიძის თქმით, ამასთან დაკავშირებით ევროპის სოციალისტურ პარტიას დაუყოვნებლივ გაეგზავნება წერილობითი განცხადება.

როგორც კობახიძემ აღნიშნა, „ქართული ოცნების“ „ევროპის სოციალისტური პარტიის“ წევრობა საქართველოს ევროპული ინტეგრაცის გზაზე სრულიად კონტრპროდუქტიული იყო.

„ქართულმა ოცნებამ“ 4 მაისს უნგრეთის დედაქალაქ ბუდაპეშტში მონაწილეობა მიიღო „კონსერვატიული პოლიტიკური მოქმედების“ ყოველწლიურ კონფერენციაში, რომლის დევიზი იყო „ღმერთი, სამშობლო, ოჯახი“. აღნიშნულ კონფერენციაში ჩვენი პარტიის უმაღლეს პოლიტიკურ დონეზე მონაწილეობა და პრემიერ-მინისტრის სიტყვით გამოსვლა იყო ტრადიციული ზოგადსაკაცობრიო ფასეულობების მიმართ ჩვენი ერთგულებისა და მტკიცე მხარდაჭერის გამოხატულება. ღრმად გვწამს, რომ ნებისმიერი ერისა და სახელმწიფოს წინსვლასა და წარმატებას მყარი ღირებულებითი საყრდენი ჭირდება. შესაბამისად, თითოეული ჩვენგანი სერიოზულად უნდა დავფიქრდეთ იმ ღირებულებით კრიზისზე, რომელიც თანამედროვე სამყაროშია შექმნილი და რომელსაც ფსევდოლიბერალები მიზანმიმართულად აღრმავებენ.

როგორც ცნობილია, „კონსერვატიული პოლიტიკური მოქმედების“ კონფერენციაში ჩვენი მონაწილეობა კრიტიკულად შეაფასეს იმ ევროპული პოლიტიკური პარტიის ხელმძღვანელმა თანამდებობის პირებმა, რომლის დამკვირვებელი წევრიც არის „ქართული ოცნება“. მეტიც, მათი მხრიდან გაისმა ერთგვარი საჯარო მუქარა თანამშრომლობის გადახედვის შესახებ, რასაც წინ არ უძღოდა არავითარი ორმხრივი კომუნიკაცია. „ევროპის სოციალისტური პარტიის“ ხელმძღვანელების ამგვარი ქმედება და დამოკიდებულება ჩვენთვის პრინციპულად მიუღებელია. ჩვენი პარტია „ევროპის სოციალისტური პარტიის“ დამკვირვებელი წევრია 2015 წლიდან. სამწუხაროდ, 2015 წლიდან დღემდე „ევროპის სოციალისტურ პარტიას“ არ გაუკეთებია არცერთი ხმამაღალი განცხადება „ქართული ოცნების“ მხარდასაჭერად. მეტიც, „ევროპის სოციალისტური პარტიის“ ცალკეული წარმომადგენლები რეგულარულად უერთდებოდნენ რადიკალური ოპოზიციის მხარდამჭერ პოლიტიკურ კამპანიებს. შარშან და წელს, რამდენიმე ათეულმა ევროპარლამენტარმა „ევროპის სოციალისტური პარტიიდან“ მხარი დაუჭირა აბსურდულ რეზოლუციებს, რომლებითაც ევროპარლამენტი ჩვენი პარტიის დამფუძნებლისთვის, ბიძინა ივანიშვილისთვის სანქციების დაწესებას, ორი დამნაშავის, მიხეილ სააკაშვილისა და ნიკა გვარამიას განთავისუფლებასა და კიდევ ერთი დამნაშავის, დავით კეზერაშვილის წინააღმდეგ სისხლისსამართლებრივი დევნის შეწყვეტას ითხოვდა. სამწუხაროდ, „ევროპის სოციალისტურ პარტიას“ მისი წევრი ევროპარლამენტარების მიერ აბსურდული რეზოლუციების მხარდაჭერა არცერთხელ არ დაუგმია. ასეთ პირობებში, „ევროპის სოციალისტურ პარტიაში“ „ქართული ოცნების“ წევრობა საქართველოს ევროპული ინტეგრაციის გზაზე არათუ დადებით როლს არ ასრულებდა, პირიქით, სრულიად კონტრპროდუქტიული იყო. გარდა ამისა, 2015 წლიდან დღემდე, ჩვენ მუდმივ რეჟიმში ვაკვირდებოდით „ევროპის სოციალისტური პარტიის“ იდეოლოგიურ ტრანსფორმაციას. გასული წლების განმავლობაში, აღნიშნული პარტია სულ უფრო შორდებოდა კლასიკურ სოციალ-დემოკრატიულ იდეოლოგიას და გადადიოდა ფსევდოლიბერალურ პლატფორმაზე, რომელიც თანამედროვე სამყაროში შექმნილი ღირებულებითი კრიზისის გაღრმავებას განაპირობებს. „ევროპის სოციალისტური პარტიის“ ამგვარი იდეოლოგიური ტრანსფორმაცია ჩვენთვის მიუღებელია და შეუთავსებელია ჩვენი პარტიის, ისევე, როგორც ქართული საზოგადოების ფასეულობებთან და ხედვებთან.

ყოველივე ზემოაღნიშნულის გათვალისწინებით, მივიღეთ გადაწყვეტილება, დავტოვოთ „ევროპის სოციალისტური პარტიის“ დამკვირვებელი წევრის სტატუსი და „ევროპის სოციალისტურ პარტიასთან“ დაკავშირებული სხვა გაერთიანებები, რასთან დაკავშირებითაც „ევროპის სოციალისტურ პარტიას“ დაუყოვნებლივ გაეგზავნება ჩვენი წერილობითი განცხადება. დღეიდან, „ქართული ოცნება“ თანაბარ საწყისებზე ითანამშრომლებს ყველა ევროპულ პოლიტიკურ პარტიასთან იმ საგარეოპოლიტიკური მიზნების მისაღწევად, რომელიც ჩვენს ქვეყანას, საზოგადოებას და ხელისუფლებას გვაქვს დასახული“, – განაცხადა ირაკლი კობახიძემ.

1...1,5651,5661,567...1,736Page 1,566 of 1,736
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი