„ნაციონალური მოძრაობის“ რეჟიმის მიერ მოკლული ბუტა რობაქიძის მამა, სოსო რობაქიძე პარლამენტის დროებითი საგამოძიებო კომისიის სხდომაზე, სადაც ერთ-ერთ საკითხად მისი შვილის, ამირან (ბუტა) რობაქიძის სიცოცხლის უფლების შელახვის ფაქტები განიხილება, აცხადებს, რომ ტყვიის გავარდნის საქმე ნაცების მიერ არის გაყალბებული.

როგორც მან აღნიშნა, ბუტა რობაქიძის მკვლელი პოლიციელი ორი წელი ჩვეულებრივად მუშაობდა და მხოლოდ ამის შემდეგ დაიბარეს და უთხრეს, რომ ეღიარებინა ტყვიის გავარდნა. მისივე თქმით, მიხეილ სააკაშვილმა სპეციალურად რამდენიმე თვით, შეცვალა კანონი ისე, რომ თუ პოლიციელი ჩვენებას გადათქვამდა არ მიუსჯიდნენ არაფერს.

„ორი წლის შემდეგ დაიჭირეს ბაშალეიშვილი, ორი წელი მკვლელი პოლიციელი ჩვეულებრივად მუშაობდა. შემდეგ რომ შეხედეს ყველაფერს, რომ გეპეიში იყო რაღაცა სამსახური, გერმანელები ჩამოსული და უკვე ადეიშვილმა ამათ ვეღარ გაუწია წინააღმდეგობა, მოუხსნეს ბუტას იარაღი – რობაქიძეს არ აქვს იარაღი, მაგრამ დანარჩენ ბიჭებს იარაღი აქვთო. მაშინ მე პროკრატურაში ვიყავი და ვუთხარი – მაშინ ვის უნახეთ? ქურდაძეს და რობაქიძე მოკალითთქო? მერე დაუძახეს და უთხრეს შენ თუ არ დაწერ ახლა, რომ გამივარდა, შენ მიდიხარ 15-დან 20 წლამდე, ჩვენ ყველა ვიღუპებით. ორი წელი კაცი პოლიციაში მუშაობდა, რომელმაც განზრახ ესროლა და მოკლა. ეს რაც გავარდნა წერია, არის ნაცების გაყალბებული გამოძიება. 2006 წელს მამაჩემი იყო დაზარალებული და უთხრეს რომ ცუდ დღეში ჩავარდებითო. სანდროს საქმე და ბუტას საქმე სასამართლოში მიდიოდა ერთდროულად, მიხეილ სააკაშვილმა შეცვალა კანონი სამი თვის განმავლობაში, რომ თუ პოლიციელი ჩვენებას გადათქვამდა არ მიუსჯიდნენ არაფერს. სამი თვის შემდეგ, როცა დამთავრდა ბუტას და სანდრო სასამართლო ისევ ეს კანონი ძალაში შევიდა. გაყალბებაზე როცა ლაპარაკობენ და იმიტომ იყო ეს საქმე დასაშლელი, რომ მე მაქვს ყველა ფაქტი, ტელეფონში მაქვს როგორ ესვრის, ექსპერტიზის ცნობაც მაქვს ამერიკიდან ეს არის გაყალბებული სროლის შემდეგ, ეს უნდა დაშლილიყო და ბაშალეიშვილი წასულიყო 15-დან 20 წლამდე“, – განაცხადა სოსო რობაქიძემ.

საქართველოსთვის თურქეთი არა მხოლოდ მეზობელი ქვეყანაა, არამედ არის სანდო მეგობარი და სტრატეგიული პარტნიორი. მინდა, მადლობა გადავუხადო ჩვენს თურქ მეგობრებს ძალიან თბილი მიღებისთვის. ჩემთვის დიდი პატივია, რომ ამ თემატური დისკუსიის მონაწილე ვარ, – ამის შესახებ საქართველოს პრემიერ-მინისტრმა, ირაკლი კობახიძემ ანტალიის დიპლომატიის ფორუმის ფარგლებში გამართულ პანელურ დისკუსიაზე – „პარტნიორობა მულტიპოლარულ ეპოქაში“ სიტყვით გამოსვლისას განაცხადა.

„მულტიპოლარულობაზე როდესაც არის საუბარი, რა თქმა უნდა, ეს დიდი გამოწვევაა ყველა ჩვენგანისთვის. ამავდროულად, როცა საუბარია მულტიპოლარულ სამყაროზე, ეს შესაძლებლობებსაც გულისხმობს ყველა ქვეყნისთვის. მათ შორის პატარა, საქართველოს მსგავსი ქვეყნისთვის და ეს ძალიან კომპლექსური, რთული ვითარება გვაძლევს საშუალებას, გავაღრმაოთ ჩვენი პარტნიორობა მსოფლიოს სხვდასხვა კუთხეში. მიმაჩნია, რომ ეს განზომილება გვაძლევს საშუალებას, ეკონომიკური სავაჭრო ურთიერთობები გავაღრმაოთ პარტნიორებთან“, – აღნიშნა კობახიძემ.

ამასთან, მისივე თქმით, საქართველო სტრატეგიულად ძალიან მნიშვნელოვან როლს თამაშობს, შესაბამისად, ყოველთვის ასე იყო და აკავშირებდა ევროპას აზიასთან, დასავლეთს აღმოსავლეთთან, როგორც ეკონომიკურად, ასევე სხვა მიმართულებით.

„საქართველო პატარა ქვეყანაა რეგიონში, რომელსაც ხელი აქვს მოწერილი თავისუფალი სავაჭრო შეთანხმებების მთელ პაკეტზე 50-მდე ქვეყანასთან და რეგიონთან, მათ შორის ევროკავშირთან, დსთ-ს ქვეყნებთან, არაბთა გაერთიანებულ საამიროებთან, ჩინეთთანაც. საქართველო სტრატეგიულად ძალიან მნიშვნელოვან როლს თამაშობს, შესაბამისად, ყოველთვის ასე იყო და აკავშირებდა ევროპას აზიასთან, დასავლეთს აღმოსავლეთთან, როგორც ეკონომიკურად, ასევე სხვა მიმართულებით. ამ ფუნქციის აღდგენა მაქსიმალურად უნდა მოხდეს. ამის ერთადერთი საშუალება არის ეკონომიკური და პოლიტიკური პარტნიორობის გაღრმავება მთელ მსოფლიოსთან. ამიტომ, ეს არის ჩვენი ხედვა.

ამასთან, უვიზო მიმოსვლა გვაქვს მსოფლიოს 50 ქვეყანასთან. ეს არის ჩვენი საერთო ხედვა, რომ ეკონომიკური თანამშრომლობა გავაღრმაოთ და გავაძლიეროთ სხვადასხვა ქვეყანასთან პოლიტიკური პარტნიორობაც. იგივე ხედვა გვაქვს რეგიონში. კარგად მოგეხსენებათ, ჩვენი პატარა რეგიონი საკმაოდ კომპლექსურია და რეგიონში არსებობს კონფლიქტებიც სხვადასხვა ქვეყანას შორის. საქართველო ყოველთვის თამაშობდა პოზიტიურ როლს სამხრეთ კავკასიაში მშვიდობის დამკვიდრებაში და ყველა ჩვენი მეზობელი ქვეყანა ამას აფასებს, ჩვენს პოზიტიურ როლს აფასებს, რადგან ღრმავდება თანამშრომლობა მშვიდობის იდეის ირგვლივ. ამიტომ, სამშვიდობო ხედვა გვაქვს ჩვენი ურთიერთობის მიმართულებით რუსეთთან. ჩვენი ტერიტორიების დაახლოებით 20 პროცენტი ოკუპირებულია რუსეთის ფედერაციის მიერ და ამ პირობებშიც კი, ძალიან მშვიდობიან და პრაგმატულ ხედვას მივყვებით. არ გვაქვს დიპლომატიური ურთიერთობები რუსეთის ფედერაციასთან, მაგრამ, ამავდროულად, ინტენსიურ ეკონომიკურ პოლიტიკას ვახორციელებთ და სავაჭრო პარტნიორობა გვაქვს რუსეთის ფედერაციასთან. ესეც არის ჩვენი ხედვის ნაწილი. უნდა ვახსენო, რომ ეს ხედვა მუშაობს. ეკონომიკურად ქვეყანა საკმაოდ კარგად მიდის წინ. 2021 წლის მონაცემებს თუ ავიღებთ, 2021 წლიდან მოყოლებული საშუალო ეკონომიკური ზრდა იყო 9.4 პროცენტი, რაც არა მხოლოდ რეგიონისთვის, არამედ ევროპისთვისაც მაღალი მაჩვენებელია. ეს არის საკვანძო საკითხი ჩვენს პოლიტიკაში, ამაზე ვაკეთებთ კონცენტრირებას“, – განაცხადა ირაკლი კობახიძემ.

მომზადებულია სინქრონული თარგმანის მიხედვით.

ოქრუაშვილმა რაც გააკეთა, ყველამ იცის. ოქრუაშვილი სასამართლოში მეუბნება, სოსო, ხომ იცი შენი შვილის მკვლელი, აგერ მოგცემ იარაღს და მოკალიო. ამას რომ გეტყვის ყოფილი გენერალური პროკურორი, ყოფილი თავდაცვის მინისტრი, ყოფილი შინაგან საქმეთა მინისტრი, წარმოგიდგენიათ, ვინ ჰყავდა მიშას, – ამის შესახებ ბუტა რობაქიძის მამამ, სოსო რობაქიძემ საქართველოს პარლამენტში „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე განაცხადა.

კომისიის თავმჯდომარემ, თეა წულუკიანმა სოსო რობაქიძეს კითხვა დაუსვა: „სად ნახეთ ოქრუაშვილი, პროცესზე იყო?“, რაზეც რობაქიძემ აღნიშნა, რომ ოქრუაშვილი მოწმედ იყო დაბარებული სასამართლოში და იქ ნახა.

თეა წულუკიანის დამაზუსტებელ კითხვაზე: „ამ დროს უკვე „ქართული ოცნებაა“ ხელისუფლებაში? და ირაკლი ოქრუაშვილი იყო სასამართლოში მოწმედ, იქ გითხრათ, იარაღს მოგცემთ, თვითონ მოკალიო?, რაზეც სოსო რობაქიძემ უპასუხა:

„კი, „ქართული ოცნებაა“. „იმედის“ ტელევიზიაში კი არა, ეს რამდენჯერმე დატრიალდა და ინტერნეტშიც დევს“.

გარკვეული გამოწვევები გვაქვს, მაგრამ იმედი გვაქვს, რომ მშვიდობის აღდგენით ჩვენს ქვეყანასა და რეგიონში, საქართველოს ინტეგრაცია უფრო ინტენსიურად განხორციელდება, – ამის შესახებ საქართველოს პრემიერ-მინისტრმა, ირაკლი კობახიძემ ანტალიის დიპლომატიის ფორუმის ფარგლებში გამართულ პანელურ დისკუსიაზე – „პარტნიორობა მულტიპოლარულ ეპოქაში“ სიტყვით გამოსვლისას განაცხადა.

ირაკლი კობახიძის თქმით, განვითარებისა და სხვადასხვა ქვეყნებთან სწორი ურთიერთობების ჩამოყალიბებისთვის მთავარია მშვიდობა.

„რაც შეეხება ალიანსებს, ძალიან მკაფიო ხედვა გვაქვს, ჩვენი მთავარი პრიორიტეტი არის, გავხდეთ ევროკავშირის წევრი სახელმწიფო, გარკვეული გამოწვევები გვაქვს ამ მიმართულებით, მაგრამ იმედი გვაქვს, რომ მშვიდობის აღდგენით ჩვენს ქვეყანასა და რეგიონში, უკრაინაში განსაკუთრებით, საქართველოს ინტეგრაცია უფრო ინტენსიურად განხორციელდება. იმედი გვაქვს და პოზიტიური მოვლენების მოლოდინში ვართ. მთავარი არის მშვიდობა განვითარებისთვის, სწორი ურთიერთობებისთვის სხვადასხვა ქვეყანას შორის, ამიტომ აქცენტი უნდა გაკეთდეს მშვიდობის გაძლიერებაზე ჩვენს რეგიონში და ძალიან გვიხარია, რომ ამას თურქეთთან ერთად ვახორციელებთ, რომელიც ასევე სამშვიდობო ხედვის მქონე ქვეყანაა. სამომავლოდ მინდა ვთქვა, რომ ჩვენ განვაგრძობთ სამშვიდობო ხედვის განხორციელებას და აქცენტს გავაკეთებთ ქვეყნის განვითარებაზე, განსაკუთრებით ეკონომიკურ განვითარებაზე, რაც დაკავშირებადობის უნარსა და ეკონომიკურ მდგომარეობას კიდევ უფრო გააძლიერებს. მშვიდობა და კეთილდღეობაა ის, რაზეც აქცენტები ყველამ უნდა გავაკეთოთ“, – განაცხადა პრემიერმა.

რამხელა უტიფრობაა, ვისაც ბერლინში, როგორც მოძალადეს ასამართლებ, იმას თბილისში მშვიდობიანი უწოდო, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

პაპუაშვილი თბილისსა და ბერლინში გადაღებულ ვიდეოებს აქვეყნებს. როგორც პაპუაშვილი აღნიშნავს, ბერლინში გადაღებულ ვიდეოში მამაკაცი პიროტექნიკას სახლს ესვრის, ხოლო თბილისში გადაღებულ ვიდეოში პიროტექნიკას პარლამენტის შენობას ესვრიან.

„მარცხენა ვიდეოში ბერლინია, გასული წლის დეკემბერი. კაცმა, რომელმაც სახლს პიროტექნიკა ესროლა, წინასწარ პატიმრობაში ოთხი თვე გაატარა. გერმანიის პროკურატურა თავისუფლების ორი წლით აღკვეთას ითხოვდა. გუშინ, მას, გერმანულმა სასამართლომ, ექვსი თვე მიუსაჯა პირობით, ვინაიდან განზრახვა ვერ დაადგინა. პროკურატურა სასჯელს არ ეთანხმება და განაჩენი გაასაჩივრა.

მარჯვენა ვიდეოში თბილისია, ასევე გასული წლის დეკემბერი.

რამხელა უტიფრობაა, ვისაც ბერლინში, როგორც მოძალადეს ასამართლებ, იმას თბილისში მშვიდობიანი უწოდო“, – წერს პაპუაშვილი.

https://www.facebook.com/shpapuashvili/videos/709652474955958/