“კოალიცია ცვლილებისთვის” ლიდერი, ერთ-ერთ მედიასაშუალებასთან ინტერვიუში ამბობს, რომ ოპოზიციამ ვერ შეძლო, შეემუშავებინა მოკლე გზავნილი, რაც მოსახლეობაში შესაძლო ომის საფრთხის შიშს გაანეიტრალებდა.
ოპოზიციონერის ამ განცხადებას მალევე გამოეხმაურნენ მისივე კოალიციიდანაც. ნიკა მელია სოციალურ ქსელში წერს: “უნდა ჩამოვყალიბდეთ, “ოცნებამ” ეფექტური მესიჯით – აბა, ომი გინდა? მოიგო არჩევნები, თუ არჩევნები გაყალბდა?!”.
პარლამენტთან მიმდინარე საპროტესტო აქციების დროს ჯგუფური ძალადობის ორგანიზების ბრალდებით დაკავებული 8 პირის ადვოკატებმა მოსამართლე ირაკლი ხუსკივაძის აცილება მოითხოვეს. მოსამართლემ აღნიშნული შუამდგომლობა არ დააკმაყოფილა და საქმე არ აიცილა.
შესაბამისი შუამდგომლობა სასამართლო პროცესზე ბრალდებულ ვეფხია კასრაძის ადვოკატმა კახა კოჟორიძემ დააყენა. მისი განმარტებით, არსებობს ეჭვი, რომ მოსამართლე არ არის ობიექტური და მიუკერძოებელი.
როგორც კოჟორიძე აღნიშნავს, მოსამართლის აცილების საფუძველი შეიძლება გახდეს გარემოება, რომელიც საეჭვოს ხდის მის ობიექტურობასა და მიუკერძოებლობას.
როგორც ადვოკატმა განმარტა, სასამართლოს სწორედ აღნიშნულმა შემადგენლობამ შეუფარდა დაკავებულებს აღკვეთის ღონისძიების სახით პატიმრობა ყოველგვარი არგუმენტისა და იურიდიული საფუძვლის გარეშე. კოჟორიძის თქმითვე, კითხვა ჩნდება, თუკი, სამართლებრივი არგუმენტები არ არსებობს, რა გახდა იმის წინაპირობა, რომ სასამართლომ დაკავებულების მიმართ უსაფუძვლოდ გამოიყენა პატიმრობა.
კოჟორიძის შუამდგომლობას დაეთანხმნენ დანარჩენი ადვოკატებიც. შოთა თუთბერიძის განცხადებით, უმჯობესი იქნება, საქმე სხვა მოსამართლემ განიხილოს, რომელზეც მინიმუმ განცდა არ იქნება, რომ გადაწყვეტილება წინასწარ აქვს მიღებული.
აღნიშნულ შუამდგომლობას არ დაეთანხმა ბრალდების მხარე და აღნიშნა, რომ ეს შუამდგომლობა დაუსაბუთებელია.
მოსამართლე ირაკლი ხუსკივაძემ განმარტა, თუ რატომ არ აიცილა საქმე. როგორც მან განმარტა, მის მიერ დაკავებულებისთვის შეფარდებული აღკვეთის ღონისძიება პატიმრობა ზემდგომმა ინსტანციამ ძალაში დატოვა, შესაბამისად, ეს გარემოება, რომ წინა აღკვეთი მან განიხილა, ვერ გახდება მოსამართლის ობიექტურობაში ეჭვის შეტანის საფუძველი.
ამ წუთებში, სასამართლოში პარლამენტთან მიმდინარე საპროტესტო აქციების დროს ჯგუფური ძალადობის ორგანიზების ბრალდებით დაკავებული ზვიად ცეცხლაძის, ვეფხია კასრაძისა და კიდევ ექვსი პირის სასამართლო პროცესი მიმდინარეობს.
დღევანდელ სასამართლო პროცესზე ბრალდებულების – ზვიად ცეცხლაძის, ვეფხია კასრაძის, ვასილ კაძელაშვილის, გიორგი გორგაძის, ირაკლი მიმინოშვილის, ინსაფ ალიევის, თორნიკე გოშაძის და ნიკოლოზ ჯავახიშვილის მიმართ შეფარდებული აღკვეთის ღონისძიების, პატიმრობის გადასინჯვაზე იმსჯელებენ.
ცნობისთვის, დაკავებულებიდან სამს – ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან. მათ 6-დან 9-წლამდე თავისუფლების აღკვეთა ემუქრებათ.
ბრალდებულებიდან ხუთს – გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.
ამერიკის შეერთებული შტატებისა და უკრაინის პრეზიდენტებს შორის სატელეფონო საუბარი შედგა.
„როიტერის“ ინფორმაციით, ჯო ბაიდენისა და ვოლოდიმირ ზელენსკის საუბრის მთავარი თემები, ამერიკის მიერ რუსეთის წინააღმდეგ დაწესებული სანქციების კიდევ ერთი პაკეტი და უკრაინის საჰაერო უსაფრთხოება იყო.
„მან ომის ფასი, პირდაპირ საკუთარ ჯიბეზე უნდა იგრძნოს“, – განაცხადა ზელენსკიმ სანქციებზე საუბრისას.
უკრაინის პრეზიდენტმა სოციალურ ქსელში გამოქვეყნებულ პოსტში მადლობა გადაუხადა ჯო ბაიდენს თითქმის სამწლიან ომში ვაშინგტონის მუდმივი მხარდაჭერისთვის და იმ როლისთვის, რაც ამერიკამ საერთაშორისო საზოგადოების მობილიზებაში შეასრულა.
ბაიდენმა ხაზი გაუსვა უკრაინის თავისუფლებისთვის ბრძოლაში მხარდაჭერის გაგრძელების მნიშვნელობას, რათა უკრაინელმა ხალხმა უზრუნველყოს სამართლიანი და ხანგრძლივი მშვიდობა, რომელსაც იმსახურებს.
„ახლა აშკარაა, რომ პრეზიდენტ პუტინის ომი უკრაინის წინააღმდეგ კატასტროფა იყო რუსეთისთვის. უკრაინელი ხალხის გამბედაობისა და შეერთებული შტატების მხარდაჭერით, რუსეთმა ვერ მიაღწია ვერცერთ სტრატეგიულ მიზანს უკრაინაში. პრეზიდენტმა პუტინმა როდესაც დაიწყო ეს ომი, იფიქრა, რამდენიმე დღეში დაიკავებდა კიევს. თითქმის სამი წლის შემდეგ კიევი კვლავ თავისუფალია. რუსეთს სურდა უკრაინელი ერის განადგურება. დღეს უკრაინა რჩება თავისუფალ და აქტიურ დემოკრატიად. რუსეთს სურდა უკრაინის ჯარის განადგურება. ახლა ეს არმია უფრო ძლიერია, ვიდრე ოდესმე. რუსეთს სურდა ნატო-ს დაშლა, ამის ნაცვლად, ნატო უფრო დიდი, ძლიერი და ერთიანია, ვიდრე მისი ისტორიის განმავლობაში ოდესმე“, – ნათქვამია თეთრი სახლის მიერ გავრცელებულ განცხადებაში.
„ოცნებამ” ფული გადაიხადა, ვიღაც სტუმრებსაც ელოდებოდა, მაგრამ ისინიც ვერ ჩამოვიდნენ, – ამის შესახებ პარტია “საქართველოსთვის” ლიდერმა, გიორგი გახარიამ, “ტვ პირველის” ეთერში განაცხადა.
მისი თქმით, უნგრეთისგან ლეგიტიმაციის მიღებას ფასი არ აქვს, ნატოს გენერალურმა მდივანმა, მარკ რუტემ კი ფორმალურად გამოუგზავნა ახალი წლის მისალოცი ბარათი პრემიერ-მინისტრ ირაკლი კობახიძეს.
“უნგრეთისგან ლეგიტიმაციის მიღებას ხომ ფასი არ აქვს არა? ნატოს ხელმძღვანელმა, როცა ფორმალურად, მიყოლებით აგზავნიან [მისალოცი გამოაგზავნა]. ჩვენ ხომ სერიოზულ თემებზე ვსაუბრობთ?!” – აღნიშნა გახარიამ. წამყვანის თქმით, ქართულმა მხარემ რამშტაინის შეხვედრაშიც მიიღო მონაწილეობა. მის დამაზუსტებელ კითხვაზე, ფიქრობს თუ არა, რომ ეუთოს საპარლამენტო ასამბლეის პრეზიდენტი, პია კაუმა, გადახდილი ფულით ჩამოდიოდა საქართველოში, გახარიამ უპასუხა: “შემოტყუებით როგორც მინიმუმ”.
გრენლანდიას არ უნდა არც ამერიკა, არც დანია. გრენლანდიას დამოუკიდებლობა უნდა, – განაცხადა გრენლანდიის პრემიერ-მინისტრმა მუტე ეგედემ. იგი აშშ-ს არჩეული პრეზიდენტის დონალდ ტრამპის განცხადებას გამოეხმაურა, რომელმაც კუნძულზე კონტროლის დამყარების ინტერესი გამოხატა და ამ მიზნით სამხედრო ძალის გამოყენება არ გამორიცხა, – იუწყება Financial Times-ი.
მისი თქმით, სტატუს-კვოს შენარჩუნება „მიუღებელია“. გრენლანდიის პრემიერ-მინისტრი ამტკიცებს, რომ კუნძულს, რომელზეც 57 ათასი ადამიანი ცხოვრობს, დამოუკიდებლობა სურს.
„ჩვენ არ გვსურს ვიყოთ დანიელები, არ გვსურს ვიყოთ ამერიკელები. ჩვენ გვინდა ვიყოთ გრენლანდიელები“, – განაცხადა ეგედემ და აღნიშნა, რომ „გრენლანდია არ იყიდება“.
მისი თქმით, კუნძული ღიაა მოლაპარაკებებისთვის აშშ-სთან, თუმცა, მის ბედს გადაწყვეტენ თავად გრენლანდიელები. მან ტრამპის განცხადებას სერიოზული უწოდა, თუმცა, კუნძულის მაცხოვრებლებს სიმშვიდისკენ მოუწოდა.
დანიის პრემიერ-მინისტრმა მეტე ფრედერიქსენმა განაცხადა, რომ ესმის გრენლანდიის სურვილი იყოს, დამოუკიდებელი, თუმცა იქვე დაამატა, რომ მას აქვს სურვილი შეინარჩუნოს დანიის სამეფოს მთლიანობა, დანიის, გრენლანდიის და ფარერის კუნძულების სახით.
Financial Times – ის ინფორმაციით, გრენლანდიაში უკვე განთავსებულია აშშ-ს სამხედრო ბაზა, რომელიც განიხილება, როგორც არქტიკის უსაფრთხოების ცენტრი. სტატიაში აღნიშნულია, რომ გრენლანდიას დიდი ხანია სურს დამოუკიდებლობა, თუმცა, არასაკმარისი ეკონომიკური ზრდის გამო, ვერ წყვეტს კავშირებს კოპენჰაგენთან.
ცნობისთვის, ამერიკის არჩეული პრეზიდენტის ვაჟი, დონალდ ტრამპ უმცროსი გრენლანდიაში იმყოფებოდა. ის კუნძულის მკვიდრებს შეხვდა. მათ დონალდ ტრამპის საარჩევნო კამპანიის ქუდები ეხურათ და აცხადებდნენ, რომ გრენლანდიის შეერთებული შტატების შემადგენლობაში შესვლა ძალიან გაუხარდებათ.
11 იანვარი, საქართველოს მასშტაბით,უმეტესად ღრუბლიანი ამინდი იქნება.
ამინდის პროგნოზი ქალაქების მიხედვით:
გაგრა +15 – უმეტესად ღრუბლიანი
სოხუმი +16 – უმეტესად ღრუბლიანი
ზუგდიდი +16 – უმეტესად ღრუბლიანი
მესტია +8 – უმეტესად მზიანი
ფოთი +15 – უმეტესად მზიანი
ბათუმი +16 – უმეტესად მზიანი
ოზურგეთი +17 – უმეტესად მზიანი
ქუთაისი +17 – უმეტესად მზიანი
ამბროლაური +13 – უმეტესად მზიანი
ახალციხე +7 – უმეტესად მზიანი
ბორჯომი +7 – უმეტესად მზიანი
ბაკურიანი +4 – მზიანი
გორი +10 – მზიანი
ცხინვალი +9 – უმეტესად მზიანი
სტეფანწმინდა +6 – მზიანი
გუდაური +2 – მზიანი
თელავი +12- მზიანი
რუსთავი +12 – მზიანი
თბილისი +12 – მზიანი
ვერძი (21 მარტი – 19 აპრილი):
დღეს შესაძლოა მოულოდნელად წარმოშობილი პრობლემების მოგვარება მოგიწიოთ. თქვენი ენერგია საკმარისია ყველა საკითხის წარმატებით გადასაჭრელად. მნიშვნელოვანი სიახლეები გავლენას მოახდენს თქვენს სამომავლო გეგმებზე.
ვერძი (21 მარტი – 19 აპრილი):
დღეს შესაძლოა მოულოდნელად წარმოშობილი პრობლემების მოგვარება მოგიწიოთ. თქვენი ენერგია საკმარისია ყველა საკითხის წარმატებით გადასაჭრელად. მნიშვნელოვანი სიახლეები გავლენას მოახდენს თქვენს სამომავლო გეგმებზე.
კურო (20 აპრილი – 20 მაისი):
დილიდანვე თავდაუზოგავად ჩაეშვებით მუშაობაში. მიუხედავად სწრაფი ტემპისა, კარგად ახერხებთ რთული საკითხების გადაჭრას და შეცდომების თავიდან აცილებას. საღამოს განწყობა გაუმჯობესდება მხიარული შეხვედრების ან პაემნების მოლოდინში. კარგი დროა ახალი ცოდნის მისაღებად, უცხო ენების შესასწავლად.
ტყუპები (21 მაისი – 20 ივნისი):
ასაკით უფროს ადამიანებთან ურთიერთობა წარმატებული იქნება. მათგან სასარგებლო რჩევებს მიიღებთ და რთულ მომენტებში მხარდაჭერას იგრძნობთ. მუშაობისას დიდი ყურადღება მიაქციეთ წვრილმანებსა და დეტალებს.
კირჩხიბი (21 ივნისი – 22 ივლისი):
ხელსაყრელი დღეა, ბევრი დადებითი მომენტი იქნება. შესაძლოა, ახლობლებმა ვერ შეასრულონ ყველაფერი დაგეგმილი, მაგრამ ეს არ გაგიფუჭებთ განწყობას. მეგობრებისგან მაცდურ შეთავაზებას მიიღებთ, რომლის განხილვაც ღირს. საღამოს საინტერესო ნაცნობობა გელოდებათ.
ლომი (23 ივლისი – 22 აგვისტო):
თუ მშვიდი განწყობის შენარჩუნებას შეძლებთ, ყველა პრობლემას სწრაფად გადაწყვეტთ. დღის განმავლობაში პატარა გაუგებრობები განწყობას ვერ გაგიფუჭებთ. მოგიწევთ ბევრი დრო დაუთმოთ სხვებს და მათი საკითხების მოგვარებას. შეგიძლიათ შთაბეჭდილების მოხდენა საჭირო ადამიანზე.
ქალწული (23 აგვისტო – 22 სექტემბერი):
უამრავი ვალდებულება გამოგიჩნდებათ. ეცადეთ, არაფერი აგერიოთ და არ დაივიწყოთ. გამოცდილი და მცოდნე ადამიანებისგან დახმარების თხოვნა არ იქნება ზედმეტი. დროულად მიდით საქმიან შეხვედრებზე: დაგვიანებამ შეიძლება ზედმეტი პრობლემები შეგიქმნათ. შესაძლებელია მოულოდნელი შემოსავლის მიღება.
სასწორი (23 სექტემბერი – 22 ოქტომბერი):
ხელსაყრელი დღეა. შეგიძლიათ დაგეგმოთ ახალი საქმეები, დაასრულოთ დაწყებულები და გადაჭრათ ყველაზე რთული ამოცანები. პირადი ურთიერთობები ჰარმონიულად ვითარდება. ნუ ისაუბრებთ საყვარელ ადამიანებთან ძველ წყენებზე, რათა თავიდან აიცილოთ ახალი კონფლიქტი.
მორიელი (23 ოქტომბერი – 21 ნოემბერი):
ჯობია თავი შეიკავოთ ძალიან მაღალი საქმიანი აქტივობისგან. გჭირდებათ ენერგიის დაზოგვა. უჯობესია მარტო იყოთ, იფიქროთ თქვენს სამომავლო გეგმებსა და პრიორიტეტებზე. ყურადღება მიაქციეთ შეგრძნებებს.
მშვილდოსანი (22 ნოემბერი – 21 დეკემბერი):
გამძლეობისა და შეუპოვრობის გამოვლენით შეგიძლიათ მიაღწიოთ შესანიშნავ შედეგებს. კარგი დროა მნიშვნელოვან კითხვაზე პასუხის მისაღებად ან დიდი ხნის წინ დაწყებული საქმეების საბოლოოდ მოსაგვარებლად. დიპლომატიურად დაიცავით თქვენი თვალსაზრისი.
თხის რქა (22 დეკემბერი – 19 იანვარი):
სამსახურში ყველაფერი დაგეგმილი შესრულდება და ძირითადი საკითხებიც წარმატებით მოგვარდება. შესაძლოა, მიიღოთ საინტერესო სამუშაოს ან პარტნიორობის შეთავაზება. ახალი ცოდნა ან უნარები მალე გამოგადგებათ.
მერწყული (20 იანვარი – 18 თებერვალი):
დღე არახელსაყრელი და დაძაბულია. არ არის გამორიცხული სამუშაო ადგილზე შეცდომები და კონფლიქტები კოლეგებთან. რთული იქნება სიმშვიდისა და ემოციური წონასწორობის შენარჩუნება. დღეს სასარგებლოა უფრო მეტი ურთიერთობა საყვარელ ადამიანებთან: ისინი დაგეხმარებიან დამშვიდებაში და სასარგებლო რჩევების მიცემაში.
თევზები (19 თებერვალი – 20 მარტი):
დღეს ხელსაყრელი დღეა შემოქმედებითი საქმიანობისთვის და სულიერი განვითარებისთვის. ახლობლებთან ურთიერთობა ჰარმონიული და დადებითი იქნება. კარგი დროა ოჯახური გეგმების განსახილველად.მოულოდნელად შეიძლება მიიღოთ მცირე, მაგრამ სასიამოვნო შემოსავალი. მეტი დრო დაუთმეთ დასვენებას და მშვიდ გარემოში ყოფნას.თუ იგრძნობთ, რომ გადაღლილი ხართ, დასვენება და ძალების აღდგენა თქვენთვის განსაკუთრებით მნიშვნელოვანია დღეს.
„ხალხის ძალის“ წევრი თამთა მეგრელიშვილი პოლიციელების მიმართ სოციალურ ქსელში განხორციელებულ თავდასხმას და ბულინგს ეხმიანება.
იგი წერს, რომ „დღეს სახელმწიფო ინსტიტუციები მყარია და საპოლიციო ძალები ეროვნული მისიით მოქმედებენ – იცავენ ქართულ სახელმწიფოსა და მოქალაქეთა უსაფრთხოებას“.
მისივე თქმით, სახელმწიფოებრივი აზროვნება არა წვრთნას არამედ პატრიოტიზმის განცდას მოაქვს. ასეთი განცდის მქონე ადამიანებითაა დღეს ძლიერი სახელმწიფო და ომის პარტიის სისხლიან თამაშს მხოლოდ კანონს და ადამიანურ სიყვარულს უპირისპირებს.
„სახელმწიფოს და ხალხის მსახურება არის ღირსება! მონობაა კოლექტიური დასავლეთის დაუწერელი კანონების ბრმად მორჩილება და მათი აღსრულებისათვის სისხლზე წასვლა!
დღეს სახელმწიფო ინსტიტუციები მყარია და საპოლიციო ძალები ეროვნული მისიით მოქმედებენ- იცავენ ქართულ სახელმწიფოს და მოქალაქეთა უსაფრთხოებას.
პოლიციელი გმირია! მათ მოახერხეს და მოლოტოვის კოქტეილებს სამშობლოსადმი თავდადება და სიყვარული დაუპირისპირეს.
სახელმწიფოებრივი აზროვნება არა წვრთნას, არამედ პატრიოტიზმის განცდას მოაქვს. ასეთი განცდის მქონე ადამიანებითაა დღეს ძლიერი სახელმწიფო და ომის პარტიის სისხლიან თამაშს მხოლოდ კანონს და ადამიანურ სიყვარულს უპირისპირებს.
პოლიციელი გმირია!
ყოველგვარი ცდა, შეცვალონ ამ ადამიანთა გმირობა ისევ კოლექტიურ ნაცებს ამხელს და აკნინებს.
მადლობა მათ ამ თავდადებისათვის!“, – წერს მეგრელიშვილი Facebook-ზე.
სანქციები და კონკრეტული ნაბიჯები, ხელისუფლების არ აღიარება და სალომე ზურაბიშვილისთვის ლეგიტიმაციის მიცემა, ძალიან დიდი შედეგია, რომელიც ამ აქციებს აქვს. გამარჯვების ფორმულა – მეტი წნეხი, სანქციები, აქციები და აქტიურობაა, – ამის შესახებ “სტრატეგია აღმაშენებლის” ლიდერმა გიორგი ვაშაძემ, რუსთაველის გამზირზე მიმდინარე საპროტესტო აქციაზე, “ინტერპრესნიუსს” განუცხადა.
მისი თქმით, “ქართული ოცნება” მოპასუხის რეჟიმშია გადასული, რომელმაც პასუხი უნდა გასცეს თუ რატომ არის ქვეყანაში არეულობა და რატომ ხელყო დემოკრატია.
“ამ აქციებს ძალიან დიდი შედეგი აქვს, საერთაშორისო პარტნიორების მხრიდან უპრეცედენტო აქტივობა საქართველოსთან მიმართებაში. სანქციები და კონკრეტული ნაბიჯები, ხელისუფლების არ აღიარება და სალომე ზურაბიშვილისთვის ლეგიტიმაციის მიცემა – ეს ძალიან დიდი შედეგია, რომელიც ამ აქციებს აქვს. გამარჯვების ფორმულა: მეტი წნეხი, სანქციები, აქციები და აქტიურობაა.
დღეს “ქართული ოცნება” მოპასუხის რეჟიმშია გადასული, მან პასუხი უნდა გასცეს თუ რატომ არის ქვეყანაში არეულობა, რატომ ხელყო დემოკრატია, რატომ არიან სანქცირებულები და რატომ არ აღიარებენ არჩევნებს. ამის სანაცვლოდ ეს საკითხი შემოაგდეს, რომ ყურადღება გადაიტანონ. გამოსაძიებელი ვინც არიან, თავიანთ გუნდში მოძებნონ”, – განაცხადა გიორგი ვაშაძემ.
ჩემი დაკავებისას თავი გაიგიჟეს, გამოკვლევები ჩამიტარეს, რენტგენიც გადამიღეს და მხოლოდ დაჟეჟილობა გაქვსო. ბოლო დროს ტკივილმა მომიმატა, დღეს ტომოგრაფია გადავიღე და ნეკნი მქონია მოტეხილი , – ამის შესახებ კოალიცია “ძლიერი საქართველოს” ერთ-ერთი ლიდერი ალეკო ელისაშვილი სოციალურ ქსელში წერს.
როგორც ელისაშვილი აღნიშნავს, კლინიკა “ვივამედი” ისე წერს აქციებზე ნაცემი და დაკავებული ადამიანების დიაგნოზებს, როგორც დაავალებენ.
“როგორც ჩანს, “ვივამედი” ისე აცხობს და წერს აქციებზე ნაცემი და დაკავებული ხალხის დიაგნოზებს, როგორც ზემოდან დაურეკავენ და დაავალებენ.
ჩემი დაკავებისას თავი გაიგიჟეს, გამოკვლევები ჩამიტარეს, რენტგენიც გადამიღეს და მხოლოდ დაჟეჟილობა გაქვსო. ბოლო დროს ტკივილმა მომიმატა, დღეს ტომოგრაფია გადავიღე და ნეკნი მქონია მოტეხილი.
წარმომიდგენია, სხვა უფრო მძიმე დაზიანებების დროს დიაგნოზებში რას ჯღაბნიან. სცემთ, აკავებთ ხალხს, ჯანდაბას, დიაგნოზი მაინც უთხარით მართალი, იქნებ, ადამიანის სიკვდილ-სიცოცხლის ამბავს წყვეტს.
12 წლის შემდეგ “ქართული ოცნების” ერთადერთი მიღწევა ის აღმოჩნდა, რომ ნაცებს გადაასწრეს სადიზმში, ფეხებზე ჰკიდიათ ადამიანის ჯანმრთელობა და სიცოცხლე.
მაგრამ რაც არ უნდა აცხოთ და აფორმოთ “ვივამედში” დიაგნოზები, ვერც მძარცველ პოლიციას ვეღარ აღუდგენთ რეპუტაციას და აღარც ისტერიულ ბოდვებში მყოფ ქართულ ოცნებას ეშველება მაგით რამე. სადაც უკვე აქამდე დავიდნენ, მართლა წასულია ამათი საქმე და აუცილებლად გავიმარჯვებთ სახელოვნად!”, – წერს ელისაშვილი.
ძალიან მიხარია, რომ დღეს ჩემს ქვეყანას აქვს სუვერენიტეტი, იმის ძალა და ნება, რომ სამართალი აღასრულოს და შეფასდეს, რა ხდებოდა „ნაციონალური მოძრაობის“ მმართველობის პერიოდში, – განუცხადა „ქრონიკას“ ყოფილმა პოლიტპატიმარმა, დაჩი ცაგურიამ საგამოძიებო კომისიის შექმნასთან დაკავშირებით.
„ჩრდილოეთ კორეის მსგავსი სიტუაცია იყო. ჩემს ნათესავებს და ბევრ ახლობელს, ტელეფონზე რომ დამერეკა და ეპასუხათ, მაგის ეშინოდათ. ზოგიერთი, ქუჩაში რომ მხვდებოდა, ვერ მესალმებოდა და გვერდს მივლიდა, ვითომ, ვერ დამინახა.
ძალიან მიხარია, რომ დღეს ჩემს ქვეყანას აქვს სუვერენიტეტი, იმის ძალა და ნება, რომ სამართალი აღასრულოს და შეფასდეს, რა ხდებოდა იმ პერიოდში“, – განაცხადა ცაგურიამ.
საქართველოს პარლამენტში საგაზაფხულო სესიის პირველივე კვირაში შეიქმნება 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისია.
აშშ-მა რუსეთის ნაფთობის მოპოვებისა და ექსპორტის სექტორის წინააღმდეგ სანქციების მსხვილი პაკეტი მიიღო. ამის შესახებ განცხადებას აშშ-ის სახაზინო დეპარტამენტი ავრცელებს.
აშშ-ის სანქციების ახალი პაკეტი სამიზნეში იღებს რუსეთის ენერგეტიკი სფეროს, რომელსაც სახაზინო დეპარტამენტი მოსკოვის “შემოსავლების ძირითად წყაროდ” მოიხსენიებს და სანქციებს უწესებს რუსეთის ნავთობის ორ უდიდეს მომპოვებელს – “გაზპრომ ნეფტსა” და “სურგუტნეფტეგაზს”, ისევე როგორც 180-ზე მეტს გემს, ათობით ნავთობით მოვაჭრეს, ნავთობის საბადოებისთვის სერვისების მიმწოდებლებს, სადაზღვევო კომპანიებსა და ენერგეტიკის სფეროს ოფიციალურ პირებს.
განცხადებაში აღნიშნულია, რომ სანქციებს დიდი ბრიტანეთიც უერთდება, რომელიც ასევე ასანქცირებს ნავთობის ორ უდიდეს რუსულ კომპანიას – “გაზპრომ ნეფტსა” და “სურგუტნეფტეგაზს”.
“შეერთებული შტატები ყოვლისმომცველ ზომებს იღებს რუსეთის შემოსავლის საკვანძო წყაროს წინააღმდეგ, მის მიერ უკრაინის წინააღმდეგ სასტიკი და უკანონო ომის დაფინანსებისთვის. ეს გადაწყვეტილება აგრძელებს და აძლიერებს ომის დაწყებიდან ჩვენს მიზანს ჩავშალოთ კრემლის ენერგეტიკული შემოსავლები, მათ შორის “დიდი შვიდეულის” ფასის ზედა ჭერის მეშვეობით, რომელიც 2022 წელს დავამტკიცეთ. დღევანდელი ქმედებით ჩვენ ვზრდით სანქციების რისკს, რომელიც დაკავშირებულია რუსეთის ნავთობით ვაჭრობასთან, მათ შორის რუსეთის ნავთობის ექსპორტის გადაზიდვასთან და ფინანსურ ფასილიტაციასთან,” – განაცხადა აშშ-ს სახაზინო დეპარტამენტის მდივანმა, ჯანეტ იელენმა სანქციებთან დაკავშირებით.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge