ჩვენთვის ევროსაბჭოსთან თანამშრომლობა მნიშვნელოვანია და უნდა ითქვას, რომ ყველა ფორმატს აქტიურად ვიყენებთ – სირთულეები PACE-სთან გვაქვს, სადაც ის ცნობილი გადაწყვეტილებები იქნა მიღებული და ვენეციის კომისიასთან, რომელიც საერთოდ პატივს არ სცემს სამართლებრივ პრინციპებს, – ამის შესახებ საქართველოს პრემიერ-მინისტრმა, ირაკლი კობახიძემ, ევროსაბჭოს გენერალურ მდივანთან, ალენ ბერსესთან შეხვედრასთან დაკავშირებით განაცხადა.

მისი თქმით, საქართველო მზად არის ნებისმიერი ტიპის დიალოგისთვის, რომელიც საქართველოს დემოკრატიულ განვითარებას უკავშირდება.

“რა თქმა უნდა, ჩვენთვის ევროსაბჭოსთან თანამშრომლობა მნიშვნელოვანია და უნდა ითქვას, რომ ყველა ფორმატს აქტიურად ვიყენებთ იმისათვის, რომ თანამშრომლობა გაღრმავდეს ევროსაბჭოსა და საქართველოს შორის. ძირითადად სირთულეები PACE-სთან გვაქვს, სადაც ის ცნობილი გადაწყვეტილებები იქნა მიღებული და ვენეციის კომისიასთან, რომელიც საერთოდ პატივს არ სცემს სამართლებრივ პრინციპებს. ყველა სხვა მიმართულებით კი აქტიურად ვთანამშრომლობთ, მათ შორის, ადამიანის უფლებათა ევროპული სასამართლოს წვლილი ჩვენი დემოკრატიის განვითარებაში მნიშვნელოვანია.

რაც შეეხება ევროსაბჭოს გენმდივანს, მისი როლი არის უმნიშვნელოვანესი , მას მადლობა გადავუხადე მისი ინტერესისა და წვლილისთვის, ასევე ვიზიტისთვის, რომელიც წინა წლის ბოლოს შედგა, საპარლამენტო არჩევნების შემდეგ. მას კიდევ ერთხელ დავუდასტურე, რომ მზად ვართ დიალოგისთვის, ყველა თემასთან დაკავშირებით. მნიშვნელოვანია ერთობლივად ვიმსჯელოთ ყველა იმ საკითხზე, რომელიც საქართველოს დემოკრატიულ განვითარებას უკავშირდება, ღია ვართ ნებისმიერი ტიპის დიალოგისთვის“, – განაცხადა ირაკლი კობახიძემ. ასევე, ირაკლი კობახიძე გამოეხმაურა ოპოზიციონერი პოლიტიკოსების განცხადებებსაც და როგორც აღნიშნა, ისინი არიან უცხოელი აგენტები, რომლებიც მითითებებით მოქმედებენ, საქართველოსა და ქვეყნის ინტერესების წინააღმდეგ.

„ეს მტრული დამოკიდებულებაა ჩვენი ქვეყნისა და ინტერესების მიმართ, სხვა ახსნა ამას არ აქვს. ერთი საუკუნის წინ ეთნიკურად ქართველები ასე დაუპირისპირდნენ საქართველოსა და ეროვნულ ინტერესებს. ეთიკურად ქართველების მიერ მოხდა, ჩვენი დამოუკიდებლობისა და სუვერენიტეტის ხელყოფა. ახლა ეს ადამიანები აგრძელებენ ამ საქმეს – სერგო ორჯონიკიძის საქმეებს, ისინი არიან “თანამედროვე ბოლშევიკები”, ამიტომ გასაკვირი არ არის, რომ მათი მეთოდები ბოლშევიკების მეთოდებს ჰგავს, სანქციები გაკულაკების მოდერნიზებული ფორმაა, ესეც ის ხელწერაა, რომელსაც ჯერ “ბოლშევიკები”, შემდგომ “ფაშისტები” და ახლა ჩვენი რადიკალური ოპოზიციის წარმომადგენელი აკეთებენ. ოპოზიციის მეთოდები და დამოკიდებულება იგივეა, ისინი არიან უცხოელი აგენტები, ამიტომ ისინი დაკვეთით მოქმედებენ საქართველოს ეროვნული ინტერესების წინააღმდეგ“, – განაცხადა ირაკლი კობახიძემ.

როდესაც თეა წულუკიანი საუბრობს იმაზე, რომ შეიძლებოდა ამ ომის თავიდან არიდება ჩვენი ქვეყნისთვის, რომ შესაძლებელი იყო ჩვენი გმირები დღეს ყოფილიყვნენ ცოცხლები და ეზრუნათ საკუთარ ოჯახებზე, ეს არის უბრალოდ ფაქტის კონსტატაცია, – განუცხადა პრემიერ-მინისტრმა ჟურნალისტებს ანტალიაში.

მისივე თქმით, ყველამ იცის, რომ ამ ომის არათუ თავიდან აცილება შეიძლებოდა, არამედ ომი დაიწყო სააკაშვილის რეჟიმმა, რაც შემდეგ თავადვე აღიარეს.

„რეალურად, ქალბატონმა თეამ გააკეთა ძალიან მკაფიო განცხადება. ყველამ ვიცით ძალიან კარგად, რომ ამ ომის არათუ თავიდან აცილება შეიძლებოდა, არამედ ეს ომი დაიწყო სააკაშვილის რეჟიმმა, რაზეც შემდეგ ხელი მოაწერეს, თავადვე აღიარეს. შესაბამისად, როდესაც თეა წულუკიანი საუბრობს იმაზე, რომ შეიძლებოდა ამ ომის თავიდან არიდება ჩვენი ქვეყნისთვის, რომ შესაძლებელი იყო ჩვენი გმირები დღეს ყოფილიყვნენ ცოცხლები და ეზრუნათ საკუთარ ოჯახებზე, ეს არის უბრალოდ ფაქტის კონსტატაცია, ეს არის იმ ობიექტური მოცემულობის გახმოვანება, რომელთანაც გვაქვს ჩვენ საქმე. რომ არა ის დაკვეთა, რომელიც მიიღო სააკაშვილის რეჟიმმა და შეასრულა, ბუნებრივია, არ იქნებოდა არც ომი და არ იქნებოდა არც მსხვერპლი, ზუსტად ამაზე გაამახვილა ყურადღება თეა წულუკიანმა. აბსოლუტურად ნათელი და ცხადია ყველაფერი“, – აღნიშნა პრემიერმა.

ყველა ფორმატს ვიყენებთ იმისათვის, რომ გაღრმავდეს თანამშრომლობა საქართველოსა და ევროსაბჭოს შორის, – ამის შესახებ საქართველოს პრემიერ-მინისტრმა ირაკლი კობახიძემ ანტალიაში ქართველ ჟურნალისტებს განუცხადა.

პრემიერის თქმით,  საქართველოს ხელისუფლება აბსოლუტურად ღიაა ნებისმიერი ტიპის დიალოგისთვის, ყველა თემასთან დაკავშირებით.

„ევროსაბჭოსთან თანამშრომლობა ჩვენთვის ძალიან მნიშვნელოვანია. ყველა ფორმატს ვიყენებთ იმისათვის, რომ გაღრმავდეს თანამშრომლობა საქართველოსა და ევროსაბჭოს შორის. გვაქვს სირთულეები ძირითადად, ორი მიმართულებით, ერთი ეს არის PACE, ევროსაბჭოს საპარლამენტო ასამბლეა, სადაც ცნობილი გადაწყვეტილებები იქნა მიღებული და მეორე არის ვენეციის კომისია, რომელიც საერთოდ არ სცემს პატივს სამართლებრივ პრინციპებს. ყველა სხვა მიმართულებით ძალიან აქტიურად ვთანამშრომლობთ, მათ შორის ჩვენთვის ძალიან მნიშვნელოვანია ადამიანის უფლებათა ევროპული სასამართლოს წვლილი ჩვენი დემოკრატიის განვითარებაში. ჩვენ კიდევ ერთხელ დავადასტურეთ ჩვენი ინტერესი, რომ შევინარჩუნოთ მჭიდრო თანამშრომლობა საქართველოსა და ევროსაბჭოს შორის. კონკრეტულად, რაც შეეხება ევროსაბჭოს გენერალურ მდივანს, მისი როლი არის ძალიან მნიშვნელოვანი. მე კიდევ ერთხელ გადავუხადე მას მადლობა მისი ინტერესისთვის, მისი ვიზიტისთვის, რომელიც შედგა საქართველოში გასული წლის ბოლოს, საპარლამენტო არჩევნების შემდეგ და მას კიდევ ერთხელ დავუდასტურე ის, რომ მზად ვართ დიალოგისთვის ყველა თემასთან დაკავშირებით. ჩვენთვის მნიშვნელოვანია, ერთობლივად ვიმსჯელოთ ყველა იმ საკითხზე, რომელიც უკავშირდება საქართველოს დემოკრატიულ განვითარებას. აბსოლუტურად ღია ვართ ნებისმიერი ტიპის დიალოგისთვის, ყველა თემასთან დაკავშირებით”, – განაცხადა პრემიერმა.