გახარია გადაწყვეტილებებს გარკვეულწილად ერთპიროვნულად იღებდა და არის სერიოზული ეჭვი, რომ მას კონსულტაცია არა საკუთარ მთავრობასთან და მმართველ გუნდთან, არამედ გარე ძალებთან ჰქონდა, – განაცხადა რეგიონული პოლიტიკისა და თვითმმართველობის კომიტეტის თავმჯდომარემ ირაკლი ქადაგიშვილმა სოფელ ჩორჩანაში 2019 წელს საგუშაგოს გახსნასთან დაკავშირებით.

მან აღნიშნა, რომ საგუშაგოს გახსნით გაჩნდა საფრთხე, რომ რუსეთთან ახალი კონფლიქტის კერა შექმნილიყო.

„მივიღეთ ის, რომ 5 საგუშაგო გახსნეს [საოკუპაციო ჯარებმა]. 1 მილიონი კვადრატული მეტრი, ის ტერიტორია, რომელიც საქართველოს ცენტრალური ხელისუფლების მიერ კონტროლდებოდა, გადავიდა სეპარატისტული და საოკუპაციო ჯარების კონტროლის ქვეშ, რამდენიმე მოსახლე აღმოჩნდა საოკუპაციო ხაზს მიღმა. სერიოზული საფრთხე გაჩნდა, რომ რუსეთთან ახალი კონფლიქტური კერა შექმნილიყო. გახარია გადაწყვეტილებებს გარკვეულწილად ერთპიროვნულად იღებდა და არის სერიოზული ეჭვი, რომ მას კონსულტაცია არა საკუთარ მთავრობასთან და მმართველ გუნდთან, არამედ გარე ძალებთან ჰქონდა”, – განაცხადა ქადაგიშვილმა.

ჩორჩანას ეპიზოდთან დაკავშირებით გენერალურ პროკურატურაში გამოკითხვები გრძელდება.

აღნიშნულ საკითხზე იმდროინდელ შს მინისტრს, გიორგი გახარიას საქართველოს პარლამენტში დროებითი საგამოძიებო კომისიის სხდომაზე კიდევ ერთხელ იბარებენ.

პარლამენტის ფრაქცია „ქართული ოცნების“ თავმჯდომარის პირველი მოადგილე ირაკლი კირცხალია ჩორჩანას საგუშაგოს დადგმის საკითხთან დაკავშირებით საგამოძიებო კომისიაზე გიორგი გახარიას ხელმეორედ დაბარების საკითხს გამოეხმაურა.

„ჩორჩანას საგუშაგოს გარდა, ჩვენი ხელისუფლების პერიოდში, კიდევ ორი საგუშაგო გაკეთდა, მაგრამ ამას არ გამოუწვევია 1 მილიონი კვ.მ ტერიტორიის დაკარგვა და იმხელა სკანდალი – გორსა და საჩხერეში. არ გამოუწვევია არც ის სკანდალი და არც ესკალაციის უდიდესი საფრთხე. ეს არის ყველაზე მთავარი. ახლა სამართლებრივ შეფასებას, მოდით, გენპროკურატურისგან დაველოდოთ“, – განაცხადა კირცხალიამ.

პარლამენტის დროებითი საგამოძიებო კომისიის სხდომაზე გიორგი გახარიას კიდევ ერთხელ იბარებენ.

საქართველოში აშშ-ის საელჩო უფროსი მრჩევლის უაით ტოლკესა და საქართველოს საგარეო საქმეთა მინისტრ მაკა ბოჭორიშვილისშეხვედრასთან დაკავშირებით განცხადებას ავრცელებს.

აშშ-ის საელჩო აღნიშნავს, რომ შეხვედრა აშშ-საქართველოს ურთიერთობების განხილვის მიზნით შედგა.

ამასთან, განცხადებაში აღინიშნება, რომ ამერიკის შეერთებული შტატები ამერიკის ინტერესების განვითარების მიზნით, საქართველოსთან მისი მიდგომის გადახედვას აგრძელებს.

„დღეს, ელჩი დანიგანი და უფროსი მრჩეველი ტოლკე აშშ-საქართველოს ურთიერთობების განხილვის მიზნით საგარეო საქმეთა მინისტრ ბოჭორიშვილს შეხვდნენ. ამერიკის შეერთებული შტატები ამერიკის ინტერესების განვითარების მიზნით, საქართველოსთან მისი მიდგომის გადახედვას აგრძელებს. ამერიკის შეერთებულმა შტატებმა ნათლად განაცხადა, თუ რა ნაბიჯების გადადგმა შეუძლია საქართველოს მთავრობას იმის საჩვენებლად, რომ ის ამერიკის შეერთებულ შტატებთან ურთიერთობების გაუმჯობესების მიმართ სერიოზულად არის განწყობილი“, – ნათქვამია განცხადებაში.

კეთილი უნდა ინებოს ამ ადამიანმა და საზოგადოებას აუხსნას, რისგან იყო ეს ყველაფერი [ჩორჩანას საგუშაგოს ჩადგმა] ინსპირირებული. ისე კი არა, როგორც საგამოძიებო კომისიის წინა სხდომაზე ვიხილეთ, როდესაც ყველანაირად ცდილობდა, კითხვებს გაქცეოდა, – განაცხადა გადაცემაში „დღის ქრონიკა“ იურიდიულ საკითხთა საპარლამენტო კომიტეტის თავმჯდომარემ არჩილ გორდულაძემ გიორგი გახარიას პარლამენტის საგამოძიებო კომისიაზე ხელმეორედ დაბარებასთან დაკავშირებით.

გორდულაძის თქმით, 2008 წლის შემდეგ მილიონი კვადრატული მეტრის ტერიტორიების დაკარგვა პირდაპირ გიორგი გახარიას პასუხისმგებლობაა, რადგან მან საგუშაგოს ჩადგმა არავისთან შეათანხმა, ეს საკითხი სახელმწიფო დონეზე არ გადაწყვეტილა. 

„გახარიამ საგამოძიებო კომისიაზე წარდგენის დროს ილაპარაკა ყველაფერი და არაფერი. რამდენიმე წუთის განმავლობაში ერთმანეთის აბსოლუტურად საპირისპირო განცხადებებს აკეთებდა, მათ შორის ჩორჩანასთან დაკავშირებით. თქვა, რომ ჩორჩანაში საგუშაგო პირადად მისი ინიციატივით დაიდგა და არ იყო შეთანხმებული არცერთ რელევანტურ სამსახურთან, არც პარტნიორ ორგანიზაციებთან და ამას არ მოჰყოლია თურმე ტერიტორიების დაკარგვა. 2008 წლის შემდეგ ტერიტორიების დაკარგვის პირველი ფაქტი იყო და საუბარია მილიონ კვადრატულ მეტრზე. გახარია ამბობს, რომ მსგავსი რამ არ მომხდარა მაშინ, როდესაც მოვისმინეთ ჩორჩანას მცხოვრების განცხადებები, რომელმაც გახარია ტყუილში ამხილა.

ბატონი ალექსანდრე ტაბატაძის განცხადებაც გავრცელდა დღეს, სადაც ის ამბობს, რომ ჩორჩანას გარდა, კიდევ ორი საგუშაგოა დადგმული 2008 წლის შემდეგ, რომელთან დაკავშირებითაც არავითარი კითხვის ნიშანი არ არსებობს, რადგან შეთანხმებული იყო პარტნიორ ქვეყნებსა და ორგანიზაციებთან და ამას არ მოჰყოლია ტერიტორიების დაკარგვა. მილიონი კვადრატული მეტრის ტერიტორიების დაკარგვა პირდაპირ გიორგი გახარიას პასუხისმგებლობაა, რადგან არავისთან იკითხა, არავისთან შეათანხმა, სახელმწიფო დონეზე არ გადამწყდარა საკითხი და პირადი ინიციატივით მოხდა. კეთილი უნდა ინებოს ამ ადამიანმა და საზოგადოებას აუხსნას, რისგან იყო ეს ყველაფერი [ჩორჩანას საგუშაგოს ჩადგმა] ინსპირირებული. ისე კი არა, როგორც საგამოძიებო კომისიის წინა სხდომაზე ვიხილეთ, როდესაც ყველანაირად ცდილობდა, როგორმე კითხვებს გაქცეოდა და პასუხისგან თავი აერიდებინა. იმავდროულად, როდესაც ნებისმიერი კითხვის დროს იმ კონკრეტული კითხვისგან გამოძრომას და პასუხისგან თავის არიდებას ცდილობდა, მაგრამ არაფრად არ დაგიდევდათ, თუ მანამდე, რამდენიმე წუთის წინ ამ ყველაფრის აბსოლუტურად საწინააღმდეგო განცხადება ჰქონდა გაკეთებული. თავისივე მონაყოლში, თავისივე ტყუილებში არის აბნეული ეს ადამიანი“, – აღნიშნა გორდულაძემ.