გაზაფხულის დადგომა პოზიტიურ ცვლილებებთან ასოცირდება. თუ ზამთრის ცივ დღეებში  ცხელ ჩაისთან ერთად სახლში თბილად და მყუდროდ ყოფნას ვამჯობინებდით, ამინდების გაუმჯობესებასთან ერთად ჩვენი ქცევები რადიკალურად იცვლება. მზიანი ამინდები კიდევ უფრო დადებითად აისახება ჩვენს გუნება-განწყობილებაზე და სოციალური აქტივობებიც იზრდება. დასვენების დღეებში ხშირია პიკნიკები, ღია ცის ქვეშ კონცერტები ან უბრალოდ მეგობრებთან ერთად რეკრეაციულ სივრცეებში სეირნობა. კაფე-ბარებშიც უპირატესობას ვერანდაზე ყოფნას ვანიჭებთ.

ერთი შეხედვით, გაზაფხული ის პერიოდია, როდესაც ბუნება გვიხმობს, რომ განვთავისუფლდეთ ზამთრის სტაგნაციისგან და შევცვალოთ ჩვენი მოქმედების რიტმი. თუმცა, ამ სეზონური ცვლილების სიხარულს ზოგიერთი ადამიანისთვის ალერგიული რეაქციები აფერხებს.

ამ სტატიაში სწორედ ერთ-ერთ ყველაზე აქტუალურ პრობლემას – სეზონურ საგაზაფხულო ალერგიას შევეხებით, რომელიც მილიონობით ადამიანისთვის ერთგვარი გამოწვევა და დისკომფორტია.

ალერგია არის ორგანიზმის გადაჭარბებული და არასწორი იმუნური პასუხი ნივთიერებაზე, რომელიც უმეტეს შემთხვევაში სხვებისთვის უსაფრთხოა. ასეთ ნივთიერებებს ალერგენები ეწოდებათ. იმუნური სისტემა ალერგენს საფრთხედ აღიქვამს და მის წინააღმდეგ აქტიურ ბრძოლას იწყებს.

ალერგენები არის ყველგან: საცხოვრებელ სახლებში, სამუშაო ადგილზე, ქუჩაში, ბუნებაში. ესენია: ოთახის მტვერი, ცხოველის ბეწვი, ფრინველების ბუმბული, მწერების შხამი, მცენარეების მტვერი, ობის სოკო, სხვადასხვა საკვები, მედიკამენტები, საყოფაცხოვრებო თუ საწარმოო ქიმიური ნივთიერებები, პარფიუმერია, საღებავები, სარეცხი საშუალებები და სხვა.

გაზაფხული, როგორც წელიწადის ერთ-ერთი ყველაზე გამორჩეული სეზონი, ტრადიციულად ბუნების გამოღვიძებასთან არის დაკავშირებული. ამ პერიოდში მცენარეები, ხეები, ბალახები და სარეველები ინტენსიურად ყვავიან და გამოყოფენ მტვერს, რომელიც ხშირად ხდება ალერგიული რეაქციების მთავარი გამომწვევი. განსაკუთრებულ ყურადღებას იმსახურებს ის ფაქტი, რომ ყვავილის მტვერი რამდენიმე კილომეტრის მანძილზეც კი შეიძლება გავრცელდეს. ამიტომ, თუ ალერგიული სიმპტომი გამოგივლინდათ, პრობლემა მხოლოდ თქვენს ახლოს მდებარე  მცენარეებში არ ეძებოთ.

სეზონური ალერგიები სწორედ ადრეული გაზაფხულის პერიოდიდან იწყება და გვიან შემოდგომამდე გრძელდება. ამ დროს ალერგიული რეაქცია სხვადასხვა სიმპტომის სახით შეიძლება იყოს გამოხატული. ყველაზე უსიამოვნო სიმპტომს ცხვირის გაჭედვა წარმოადგენს. ამას შეიძლება თან დაერთოს ხშირი ცემინება, წყლისებრი გამონადენი ცხვირიდან, ცხვირის ქავილი, მშრალი ხველა, სუნთქვის გაძნელება, თვალების წვა, ქავილი, ცრემლდენა, თვალების ირგვლივ შეშუპება. შესაძლოა გამოვლინდეს კანისმიერი სიმპტომებიც: მაგ. ქავილით მიმდინარე გამონაყარი (ურტიკარია), კანის სიწითლე.

აღნიშნული გამოვლინებების არცთუ ისე მცირე ჩამონათვალს შეუძლია სერიოზული დისკომფორტი შეუქმნას ჩვენს ყოველდღიურ ცხოვრებასა და ჯანმრთელობას. ალერგიას შესაძლოა თან ახლდეს ისეთი არასპეციფიკური სიმპტომებიც, როგორიცაა დაღლილობა, ძილის დარღვევა და შრომისუნარიანობის დაქვეითება. ალერგიული რეაქციების შედეგად შესაძლოა გამწვავდეს უკვე არსებული ქრონიკული ან ალერგიული დაავადებები, როგორიცაა: ბრონქული ასთმა, ალერგიული რინიტი, ჭინჭრის ციება (ურტიკარია), ატოპიური დერმატიტი, ანაფილაქსიური რეაქცია და სხვა ალერგიული მდგომარეობები.

ალერგიული რეაქციებისგან თავის დასაცავად სპეციალისტები ხშირად გვირჩევენ პირადი ჰიგიენის დაცვას, ქარიან ამინდში სახლში დარჩენას (განსაკუთრებით ყვავილობის პერიოდში), ქუჩიდან სახლში შემოსვლისთანავე  წყლით თვალების, ყურებისა და ცხვირის ჩამობანას, პირბადის გამოყენებას პრევენციის მიზნით. თუმცა, ყოველდღიური გადატვირთული რეჟიმიდან გამომდინარე, ამ წესების დაცვა არც ისე მარტივია, განსაკუთრებით ბავშვებისთვის.

რა უნდა გავითვალისწინოთ სანამ  ანტიალერგიულ დამხმარე საშუალებებს მივიღებთ?!

იმისათვის, რომ დისკომფორტი არ გვქონდეს და ცხოვრების ჩვეულ რიტმში ენერგიულად ჩავერთოთ, ამასთანავე დავიცვათ ჩვენი პატარები, გაზაფხულზე რეკომენდებულია სეზონური ალერგიის პროფილაქტიკა და სიმპტომების განვითარების რისკის შემცირება. ასეთ დროს, პრობლემის მარტივად გადასაჭრელად, ადამიანები თანამედროვე მედიცინას მიმართავენ.

როდესაც დღის მანძილზე გვსურს ალერგიული რეაქციებისგან თავის დაცვა, არჩევანი ისეთ პრეპარატზე უნდა შევაჩეროთ, რომელიც ხელს არ შეუშლის ჩვენს პროდუქტიულობას, ექნება მძლავრი თერაპიული ეფექტი და უსაფრთხოების მაღალი პროფილი ბავშვებსა და მოზრდილებში. რაც მთავარია, უნდა ახასიათებდეს არასედაციური ეფექტი და შეგვეძლოს მისი უსაფრთხოდ გამოყენება ავტომობილის ან სხვა მექანიკური საშუალების მართვისას.

ერთ-ერთი ასეთი პრეპარატი, რომელიც სრულად აკმაყოფილებს ზემოთ ჩამოთვლილ მოთხოვნებს, ბევრისთვის კარგად ნაცნობი ლორანექსია.

ლორანექსი (დესლორატადინი) არის ახალი თაობის მაღალსელექციური ანტიალერგიული საშუალება ნებისმიერი ტიპის ალერგიის სიმპტომების სამკურნალოდ, რომელიც ხელს უშლის ალერგიული რეაქციის განვითარებას, ახასიათებს ხანგრძლივი მოქმედება და სწრაფად ხსნის მის სიმპტომებს.

ლორანექსი სელექციურად მოქმედებს H₁ რეცეპტორებზე, აქვს მაღალი ბიოშეღწევადობა და კარგად შეიწოვება კუჭ-ნაწლავის ტრაქტიდან. მოქმედებას იწყებს დაახლოებით 30 წუთში და საკვების მიღება არ ახდენს გავლენას პრეპარატის მოქმედებაზე.

მიღების წესი და დოზირება:

ლორანექსი ინიშნება როგორც ბავშვებში (1 წლიდან), ისე მოზრდილებში.

გაითვალისწინეთ ასაკის მიხედვით ლორანექსის მიღების დოზები:

• 1-6 წლამდე ასაკის ბავშვებში – 1,25 მგ ერთხელ დღეში
• 6-12 წლამდე ასაკის ბავშვებში – 2,5 მგ ერთხელ დღეში
• მოზრდილებში და 12 წელზე მეტი ასაკის მოზარდებში – 5 მგ ერთხელ დღეში

იცხოვრე ალერგიის გარეშე!

(R)

თიბისი კაპიტალმა ლარი/ევრო/დოლარის ბიზნეს სტრატეგია გამოაქვეყნა, რაც სადღეისოდ, საერთაშორისო მასშტაბით მიმდინარე მოვლენების ფონზე კიდევ უფრო აქტუალურია.

დაფინანსების ოპტიმალური სავალუტო სტრუქტურის წარმოდგენილი ჩარჩო, საქართველოს კორპორატიულ სექტორში, 2013 წლიდან დღემდე, 8 მილიარდი ლარის პოტენციურ სარგებელზე მიუთითებს. აღნიშნული, ვალუტების უფრო საშუალო და გრძელვადიანი ნიშნულების შეფასებიდან გამომდინარეობს, როგორც ევრო/დოლარის, ასევე ლარის კუთხით. ამასთან, როგორც ყოველთვის, ავტორების რჩევაა, რომ პირველ რიგში იმის შეფასება უნდა მოხდეს, თუ რა ვალუტაში/ვალუტებშია კომპანია ჰეჯირებული, ანუ სავალუტო რისკისაგან დაზღვეული, და მხოლოდ ამის შემდეგ, ბიზნეს სტრატეგიისა და რისკ აპეტიტის ფარგლებში, უკვე შესაძლებელია ისტორიულად საკმაოდ დიდი სარგებლის მომტანი მიდგომის გამოყენება.  

თავისთავად, ჩარჩო მცირე და საშუალო საწარმოებისათვის, ფიზიკური პირებისთვის და, ასევე, უკვე საინვესტიციო კუთხით არის ღირებული, თუმცა, ბუნებრივია, ამ მხრივ კომუნიკაცია სულ მცირე განსხვავებულ ფორმას მოითხოვს.

მთლიანობაში, კვლევა კიდევ ერთხელ აჩვენებს, რომ ბიზნეს სტრატეგიების შემუშავებისას მაკროეკონომიკური ფაქტორების გათვალისწინება, ამ შემთხვევაში, დაფინანსების ოპტიმალური სავალუტო სტრუქტურის გაანგარიშების კუთხით, ძალზე მნიშვნელოვანია.

პუბლიკაციის სრული ვერსია იხილეთ ბმულზე

r

აღდგომის დღეებში მუნიციპალური ტრანსპორტი მოქალაქეებს უფასოდ, გახანგრძლივებული დროით მოემსახურება, – ამის შესახებ დედაქალაქის მერმა თბილისის მუნიციპალიტეტის მთავრობის სხდომაზე განაცხადა.

კახა კალაძის თქმით, 20-21 აპრილს საქალაქო სასაფლაოების მიმართულებით ცხრა დროებითი მარშრუტი დაწესდება და 08:00-დან 20:00 საათამდე, აღნიშნული ავტობუსები მოქალაქეებს უფასოდ მოემსახურება.

„გვიახლოვდება აღდგომის ბრწყინვალე დღესასწაული – ტრადიციულად, აღდგომის ღამეს, თბილისის მეტრო გახანგრძლივებული დროით იმოძრავებს. მოქალაქეთა შეუფერხებლად გადაადგილების მიზნით, მეტრო 21 აპრილის 04:00 საათამდე იმუშავებს, 20 აპრილის 23:00 საათიდან 21 აპრილის 04:00 საათამდე კი მიწისქვეშა ავტოტრანსპორტით გადაადგილება უფასო იქნება. რაც შეეხება თბილისის მუნიციპალიტეტის საზღვრებში არსებული საქალაქო სასაფლაოების მიმართულებით მოძრავ ავტობუსებს, 20-21 აპრილს დაწესდება ცხრა დროებითი მარშრუტი – ავტობუსები მგზავრებს 08:00-დან 20:00 საათამდე სასაფლაოების მიმართულებით, უფასოდ გადაიყვანენ“, – განაცხადა კახა კალაძემ.

მისივე ინფორმაციით, მუნიციპალური ტრანსპორტი იმოძრავებს მეტროსადგურ „მარჯანიშვილის“, „დელისის“, „სარაჯიშვილის“, „ვარკეთილის“, „სადგურის მოედნის“ მიმდებარე ტერიტორიიდან და „დიდუბის“ ზედა გასასვლელიდან. ასევე, ბესარიონ ჭიჭინაძის ქუჩიდან და ვარკეთილის III მასივიდან, კერძოდ, შუამთისა და აბაშვილის ქუჩების გადაკვეთიდან.

როდესაც სტრასბურგმა გაამართლა სულხან მოლაშვილი, მურუსიძეს უთხრეს, აი, სტრასბურგმა გაამართლა და შენ კიდევ… მურუსიძემ თქვა: „მე მაინც ასე გავაკეთებდიო“. გული მწყდება სუფთა ადამიანური თვალსაზრისით, არადა ვიცი, რომ კარგი იურისტია, – ამის შესახებ პარლამენტის დროებით საგამოძიებო კომისიაზე კონტროლის პალატის ყოფილი თავმჯდომარის, სულხან მოლაშვილის მამამ, თამაზ მოლაშვილმა მოსამართლე ლევან მურუსიძეზე განაცხადა, რომელმაც მის შვილს, სულხან მოლაშვილს თავისუფლების აღკვეთა შეუფარდა.

თამაზ მოლაშვილის თქმით, მის შვილს საპატიმროში აწამებდნენ და ამ წამების შესახებ ოჯახი „ერთი-ორი თვის შემდეგ იგებდა“.

„ახლაც კარგი ურთიერთობა მაქვს იმ ორ პიროვნებასთან, რომლებიც სულხანს ეხვეწებოდნენ, წავიდეთ, თავი დავანებოთ აქაურობასო. ისინი ჩამოვიდნენ და ახლა ძალიან კარგად არიან, გნებავთ ლევან მამალაძე და გნებავთ გიგლა ბარამიძე. მერე იმათი ოჯახები ააწიოკეს. [სულხანმა თქვა] რომ არ ააწიოკონ ჩემი ოჯახიო, პატრიარქთან მივიდა, კურთხევა აიღო და პირდაპირ მივიდა პროკურორთან, ირაკლი ოქრუაშვილთან, რომელიც დაემალა და არ გამოჩნდა. უთხრეს: ჩვენთან რა გინდა, გრიგალაშვილი გეძებსო. რაც იქ მივიდა, იმის შემდეგ ჩვენ სულხანი ვეღარ ვნახეთ. სამჯერ მისცეს სამ-სამი თვით პატიმრობა. ორი თვე რომ გავიდა, დაავიწყდათ, მესამედაც რომ უნდა მიეცათ და თვითონ სულხანმა გაახსენა, ხვალიდან მე თქვენი პატიმარი აღარ ვიქნები, რადგან ის სამი თვე დამიმთავრდაო. სულხანს ექიმისთვის უთქვამს, დასაძინებელი წამალი მიეცა, რომ კარგად დამეძინოსო. სულხანს ეძინა, პროკურორი და მოსამართლე მიიყვანეს და მესამედ [გაუხანგრძლივეს პატიმრობის ვადა]. სულხანს საკანში ეძინა, [პროკურორი და მოსამართლე] დადგნენ საკნის წინ და გამოუცხადეს.

სხვათა შორის, ძალიან ბევრი ცოდვა აქვთ ჩადენილი მოსამართლეებს, ერთსაც, მეორესაც, მესამესაც და ყველაზე ძალიან გული რაზე მწყდება იცით? ბრწყინვალე იურისტია მურუსიძე და როდესაც სტრასბურგმა გაამართლა [სულხან მოლაშვილი], მურუსიძეს უთხრეს, აი, სტრასბურგმა გაამართლა და შენ კიდევ… მურუსიძემ თქვა, „მე მაინც ასე გავაკეთებდიო“. გული მწყდება სუფთა ადამიანური თვალსაზრისით, არადა ვიცი, რომ კარგი იურისტია.

ყოველთვის ვლაპარაკობდი ხოლმე, რომ ჩემს შვილს დანა კი არ გაუყარეს, შუბლში ტყვია კი არ დაახალეს, არამედ ნელი სიკვდილით მომიკლეს. ნელი სიკვდილი ის იყო, რომ ნელ-ნელა რაღაცას უშხაპუნებდნენ. მთავარი არის ის, რომ მთავრობამ იცოდა, რომ დანაშაულს სჩადიოდა“.- განაცხადა თამაზ მოლაშვილმა.

დიდი ოთხშაბათი – ეს იუდას მიერ, იესო ქრისტეს გაცემის დღეა. ამ დღეს იუდამ გასცა მოძღვარი და სინედრიონის წევრებს მის შეპყრობაში დახმარება აღუთქვა, რისთვისაც 30 ვერცხლი მოითხოვა.

ოთხშაბათის ღამე, მაცხოვარმა ბეთანიაში გაატარა. იმ დროს, როცა მღვდელმთავრებს, მწიგნობრებსა და უხუცესებს იესო ქრისტეს მოტყუებით შეპყრობა და მოკვდინება ჰქონდათ გადაწყვეტილი, სიმონ კეთროვნის სახლში უცხო დედაკაცმა ძვირფასი ნელსაცხებელი მაცხოვარს უხვად დაასხა თავზე, რითაც, როგორც თავად მაცხოვარმა ბრძანა, იგი დასაფვლველად მოამზადა.

აქვე, დედაკაცის უანგარო საქციელის საპირისპიროდ, იესო ქრისტეს თორმეტთაგან ერთ-ერთი მოწაფის, იუდა ისკარიოტელის უმადურ სულში ბოროტი აზრი ჩაისახა, რათა თავისი მასწავლებელი და უფალი იუდეველთა უკანონო საბჭოსთვის მიეცა.

ამიტომ დიდი ოთხშაბათის საეკლესიო მსახურება განადიდებს იმ დედაკაცს, რომელმაც მაცხოვარს ნელსაცხებელი სცხო, იუდას ვერცხლისმოყვარეობას და გამცემლობას კი კიცხავს.

იუდას ცოდვა იმდენად შემზარავია, რომ თვით მახარებლებიც კი ერიდებიან ამ თემის გააზრებას და მოკლედ მოგვითხრობენ ამ ამბავს.

უფალი საქმით თუ სიტყვით ყოველდღე ახსენებდა იუდას, რომ გამყიდველი მას ვერ დაემალებოდა. უფალი არ დუმდა, რათა ისკარიოტელს არ ჰგონებოდა, რომ მისი განზრახვა დაფარული იყო უფლისაგან. თუმცა ყველას თანდასწრებით არ ამხელდა, რათა უფრო უსირცხვილო არ გამხდარიყო.

ღმერთმა თავისუფალი არჩევანის მქონე არსებებად შექმნა ადამიანები და მათ კეთილსა და ბოროტს შორის არჩევანის უფლება დაუტოვა. ამდენად, იუდას შეეძლო, არ დამორჩილებოდა ვერცხლისმოყვარეობას. თუმცა თვითონვე არ ისურვა ცოდვისაგან განკურნება.

მაცხოვრის გვერდით ყოფნის მიუხედავად, იუდამ სულიერი გაზრდა ვერ მოახერხა, თუმცა მაცხოვარი მისდამიც ისეთივე მზრუნველობას იჩენდა, როგორსაც სხვების მიმართ. მეტიც, როცა იუდას ვერცხლისმოყვარეობის ვნება შეამჩნია, მას მოციქულების საერთო ყულაბა ჩააბარა და ნება მისცა, საკუთარი შეხედულებებისამებრ ეხარჯა ფული _ თავის თავს ხომ ვეღარ მოჰპარავდა. იუდას სულში მაინც არაფერი შეცვლილა.

„ხოლო იუდამ წაიყვანა რომაელთა რაზმი და მღვდელმთავართა და ფარისეველთაგან გამოგზავნილი მსახურნი”, – მოგვითხრობს იოანე მახარებელი. “და მივიდნენ იქ ლამპრებით, ჩირაღდნებითა და იარაღით. იესო, რომელმაც იცოდა, რაც მოელოდა, გამოვიდა და უთხრა: ვის ეძებთ? მიუგეს მას: იესო ნაზარეველს. უთხრა მათ: მე ვარ… როდესაც უთხრა, მე ვარო, დაიხიეს უკან და მიწაზე დაემხნენ” (იოანე 17, 3-6).

იესოს შეეძლო, თავი დაეხსნა, რადგან მის წინაშე ჯალათებიც კი მიწაზე ემხობოდნენ, მაგრამ მაინც ჩაჰბარდა. ამგვარად, მისი ჯვარცმის ტვირთი ნებაყოფლობითი აქტი იყო, კაცობრიობის გამოსახსნელად გაწეული.

ამიტომაც უნდა შევწუხდეთ არა გაყიდული იესოს, არამედ იუდა ისკარიოტელის გამო, რადგან გაცემულმა მსოფლიო გამოიხსნა, ხოლო გამყიდველმა საკუთარი სულიც დაღუპა; გაცემული ცათა შინა მამის მარჯვნივ ზის, გამყიდველი კი ჯოჯოხეთშია.

აღსანიშნავია, რომ დიდი ოთხშაბათის მწუხრიდან, აღარ იკითხება ეფრემ ასურის ლოცვა. ამ ლოცვას პარასკევამდე მხოლოდ მონაზვნები ასრულებენ სენაკებში.

ეფრემ ასურის ლოცვა, ყველიერის კვირის ოთხშაბათს იწყება და ვნების კვირის ოთხშაბათს სრულდება.

ტროპარი: აჰა ესე სიძე მოვალს შუარამესა და ნეტარ არს მონაი იგი, რომელი იპოვოს მღვიძარე, ხოლო ვაი არს მონისა მის, რომელი იპოვოს უდებებით; იხილე სულო ჩემო და ნუ გრულის ძილისათვის, რაითა არა გამოვარდე სასუფევლისაგან, არამედ აღისთუე სუაღამესა და ხმობდი: წმინდა ხარ, წმინდა ხარ, წმინდა ხარ შენ, რმერთო ჩუენო, ღვთისმშობელისა მიერ შეგვიწყალენ ჩუენ.

კონდაკი: ვსცოდე უმეტეს მეძავისა მის, სახიერ, არა მაქუს ცრემლთა ნაკადული შეწირვად შენდა, არამედ დუმილით შეგივრდები და სურვილით ამბორს უყოფ ფერხთა შენთა, და გევედრები: მოტევებაი ცოდვათა მომანიჭე, ვითარცა მეუფემან, და ბიწთა საქმეთა ჩუენთაგან განმათავისუფლე, ვითარცა მაცხოვარმა