შოთა რუსთაველის საქართველოს ეროვნულმა სამეცნიერო ფონდმა გამოაცხადა ფუნდამენტური კვლევებისათვის სახელმწიფო სამეცნიერო საგრანტო კონკურსი. 

კონკურსის მიზანია ახალი ცოდნის შექმნა, ახალი იდეებისა და კონცეფციების, მოვლენებისა და ფაქტების, თეორიებისა და მოდელების თეორიული და ექსპერიმენტული შესწავლა-ანალიზი, რაც გრძელვადიან პერსპექტივაში ხელს შეუწყობს ქვეყანაში სოციალურ-პოლიტიკურ, ეკონომიკურ, საზოგადოებრივ, კულტურულ და საინფორმაციო-ტექნოლოგიურ პროგრესს. კონკურსი ხელს უწყობს კონკურენტული კვლევითი გარემოს შექმნას, გამორჩეული ხარისხის კვლევების განვითარებას, კვლევების მიახლოებას საერთაშორისო სტანდარტებთან და ინტერნაციონალიზაციას, კვლევის პროცესის ინტეგრაციას უმაღლესი საგანმანათლებლო დაწესებულებების სასწავლო პროცესში და ახალგაზრდა მეცნიერთა სამეცნიერო პოტენციალის ზრდას მათი ჩართვით კვლევაში.

კონკურსის პირობების  შესახებ დეტალური ინფორმაცია იხილეთ ბმულზე

აფლატოქსინების ის რაოდენობა, რაც „სოფლის ნობათის“ რძის ნიმუშებში გამოვლინდა, მწვავე მოწამვლას ვერ გამოიწვევს. მათი მიღება ხანგრძლივი დროით და დიდი დოზით უნდა გაგრძელდეს, რომ ღვიძლის ან სხვა რაიმე უფრო მძიმე დაავადება გამოიწვიოს. ამ რაოდენობაზე კი, რომელიც ბევრ განვითარებულ ქვეყანაში არსებულ დასაშვებზე ნაკლებია, ეს საშიშროება არ არსებობს, – განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა პაატა იმნაძემ ჯანდაცვის სამინისტროში გამართულ შეხვედრაზე.

ჯანდაცვის მინისტრმა, მიხეილ სარჯველაძემ ტოქსიკოლოგებსა და ექსპერტებთან შეხვედრა გამართა, რომელსაც ესწრებოდნენ ჯანდაცვის მინისტრის პირველი მოადგილე ირაკლი სასანია, გარემოს დაცვისა და სოფლის მეურნეობის მინისტრის მოადგილე აპოლონ კაკაბაძე და სურსათის ეროვნული სააგენტოს ხელმძღვანელი ზურაბ ჩეკურიშვილი.

როგორც პაატა იმნაძემ აღნიშნა, სხვადასხვა ქვეყანაში აფლატოქსინების სხვადასხვა ნორმატივია. მისივე განცხადებით, საქართველო ევროპული ნორმატივებით ხელმძღვანელობს, რომელიც ამერიკულზე 10-ჯერ მკაცრია.

როგორც ჯანდაცვის სამინისტროს მიერ გავრცელებულ ინფორმაციაშია ნათქვამი, შეხვედრაზე აღინიშნა, რომ სურსათის ეროვნული სააგენტო გააგრძელებს უწყვეტ კონტროლს.

გარემოს დაცვისა და სოფლის მეურნეობის მინისტრის მოადგილის განცხადებით, სურსათის ეროვნული სააგენტო ყოველდღიურად ასობით სხვადასხვა დასახელების პროდუქტს ამოწმებს, რათა მოსახლეობისთვის მხოლოდ უვნებელი პროდუქტი იყოს ხელმისაწვდომი.

სურსათის ეროვნულმა სააგენტომ დღეს გაავრცელა ინფორმაცია, რომ „სოფლის ნობათის“ რძის ნიმუშებში გამოვლინდა აფლატოქსინი და მოუწოდა მომხმარებლებს, არ გამოიყენონ აღნიშნული რძე. სურსათის ეროვნული სააგენტოს ცნობით, „სოფლის ნობათის“ იმპორტირებული რძის ხუთი ნიმუშის ბაზრიდან ამოღება და დალუქვა მიმდინარეობს. ამასთან, განცხადება გაავრცელა „სოფლის ნობათმა“, სადაც აღნიშნულია: „გაყიდვიდან ვიღებთ პარტნიორების მიერ აზერბაიჯანში წარმოებული რძის მცირე პარტიას, პროდუქტი საფრთხეს არ წარმოადგეს, თუმცა არსებობს ვარაუდი, რომ იგი, შესაძლოა, ზოგიერთ ადგილობრივ მოთხოვნას არ აკმაყოფილებდეს“.

ვერძი

ეს დღე ვერძებისგან ყურადღებას მოითხოვს ფინანსების მიმართ. შეიძლება გაგიჩნდეთ ცდუნება, რომ დიდი შესყიდვა გააკეთოთ, მაგრამ ვარსკვლავები გირჩევენ, ყველაფერი კარგად აწონ-დაწონოთ. მოსალოდნელია მოულოდნელი ხარჯები, რომლებიც ახლო ნათესავებს უკავშირდება. ინვესტიციებთან დაკავშირებულ საკითხებში რისკიან ავანტიურებს თავი უნდა აარიდოთ. თუკი ხელფასის ან სამუშაო პირობების განხილვა დაგეგმილი გაქვთ, ამისთვის იდეალური დღეა.

რჩევა: სანამ დიდ თანხას დახარჯავთ, კარგად დაფიქრდით. თუ შესაძლებელია, შეძენა რამდენიმე დღით გადადეთ, რათა უფრო გააზრებული გადაწყვეტილება მიიღოთ.

კურო

ეს დღე კუროებისთვის რომანტიკულ სფეროში მოვლენებით დატვირთული იქნება. წყვილებს ექნებათ შესაძლებლობა, პარტნიორთან მნიშვნელოვან საკითხებზე გულწრფელად ისაუბრონ. რაც შეეხება მარტო მყოფ კუროებს – შესაძლებელია მოულოდნელად შეხვდეთ ადამიანს, რომელიც ნამდვილ ინტერესს გაგიჩენთ. მნიშვნელოვანია, მომენტი ხელიდან არ გაუშვათ და ინიციატივის გამოჩენის არ შეგეშინდეთ.

რჩევა: თამამად ისაუბრეთ თქვენს გრძნობებსა და სურვილებზე, მაგრამ ერიდეთ კატეგორიულობას და მკვეთრ განცხადებებს.

ტყუპები

თუ დიდი ხანია, თანამოაზრეებს ეძებთ, თქვენი იდეები მხარდაჭერას იპოვის. თუ გსურთ, რომ პროექტებზე ხელმძღვანელობას ესაუბროთ, ახლა ამისთვის საუკეთესო დროა. ზოგიერთ ტყუპს საინტერესო სამუშაო შეთავაზება ან კარიერული წინსვლის პერსპექტივა გაუჩნდება. მთავარია, პასუხისმგებლობა გამოიჩინოთ და შანსი ხელიდან არ გაუშვათ.

რჩევა: ეს დღე სასარგებლო კონტაქტების დამყარებას და ინიციატივის გამოჩენას დაუთმეთ. რაც უფრო აქტიური იქნებით, მით მეტი შესაძლებლობები გაგეხსნებათ.

კირჩხიბი

ჯანმრთელობაზე ზრუნვას მეტი ყურადღება უნდა დაუთმოთ — განსაკუთრებით, თუ დიდი ხანია, ორგანიზმის მოთხოვნილებებს უგულებელყოფთ. დღეს განსაკუთრებით მგრძნობიარეა ნერვული სისტემა, ამიტომ უმჯობესია, კონფლიქტებს, გადატვირთულ გრაფიკს და ზედმეტ სტრესს მოერიდოთ. სასურველია, საღამო მშვიდ გარემოში გაატაროთ.

რჩევა: იზრუნეთ საკუთარ თავზე – დაუთმეთ დრო დასვენებას, სრულფასოვან ძილს და დამამშვიდებელ აქტივობებს.

ლომი

დღეს ლომებისთვის კომუნიკაციისა და კავშირების გამყარების დღეა. შესაძლოა, მნიშვნელოვანი შეხვედრაზე მიგიწვიონ, კორპორაციულ ღონისძიებაში მიიღოთ მონაწილეობა ან ახალ პროექტში ჩაერთოთ. არ ღირს უარის თქმა – ეს კონტაქტები მომავალში გამოგადგებათ.

რჩევა: იყავით გახსნილები კომუნიკაციისთვის, მაგრამ ერიდეთ ტრაბახს – ეს შესაძლოა სხვების შურს იწვევდეს.

ქალწული

ქალწულებისთვის შესანიშნავი დროა კითხვისთვის, სწავლისთვის და პიროვნული ზრდისთვის. თუ დიდი ხანია კურსის დაწყებას, ახალი უნარის შეძენას ან პროფესიის შეცვლას გეგმავდით – ეს საუკეთესო მომენტია პირველი ნაბიჯის გადასადგმელად. ინტუიცია სწორ მიმართულებას მიგანიშნებთ.

რჩევა: ენდეთ თქვენს შინაგან ხმას – თუ რაიმე მიგიზიდავთ და ინტერესს იწვევს, ეს სწორედ ის გზაა, რომელიც ზრდისა და განვითარებისკენ მიგიყვანთ.

სასწორი

დღეს სასწორებს ემოციური გამოცდები ელით. წყვილებში შესაძლოა გაუგებრობები წარმოიშვას. პრობლემებზე თვალის დახუჭვა არ ღირს – გულწრფელი საუბარი ყველაფერს თავის ადგილას დაალაგებს. მარტო მყოფ სასწორს შესაძლოა მოულოდნელად წარსულის ადამიანი შეგხვდეთ. ეს არ ნიშნავს, რომ ურთიერთობა განახლდება, მაგრამ დაგაფიქრებთ, რა არის თქვენთვის ადამიანში მნიშვნელოვანი.

რჩევა: იყავით გულწრფელები საკუთარ თავთან და პარტნიორთან.

მორიელი

სიფრთხილე გმართებთ ფინანსებთან დაკავშირებით. მაღალია ალბათობა, რომ ემოციური შესყიდვები გააკეთოთ, რომლებიც საბოლოოდ არასაჭირო აღმოჩნდება. დღე შესაფერისია ბიუჯეტის დაგეგმვისა და ფინანსური რისკების შეფასებისთვის — უმჯობესია, ყველაფერი კიდევ ერთხელ გადაამოწმოთ.

რჩევა: ფინანსურ საკითხებში სპონტანურ გადაწყვეტილებებს მოერიდეთ. კონცენტრირდით გრძელვადიან მიზნებზე.

მშვილდოსანი

მშვილდოსნები დღეს კარიერაში საინტერესო წინადადებას მიიღებენ. შესაძლოა, უფროსმა ახალი თანამდებობა შემოგთავაზოთ ან მიიღოთ მნიშვნელოვანი ინფორმაცია პერსპექტიული მიმართულების შესახებ. თუმცა, ვარსკვლავები გირჩევენ, არ იჩქაროთ – ყველა ვარიანტი კარგად უნდა აწონ-დაწონოთ. დღე ასევე ხელსაყრელია მოლაპარაკებებისთვის.

რჩევა: ინიციატივა თამამად გამოხატეთ, მაგრამ გადაწყვეტილებები ემოციებზე დაყრდნობით არ მიიღოთ.

თხის რქა

თქვენი ჯანმრთელობა განსაკუთრებულ ყურადღებას მოითხოვს. დღის განმავლობაში შესაძლოა მცირე გადაღლა იგრძნოთ, რაც დღის რეჟიმის დარღვევას უკავშირდება. ამიტომ, ფრთხილად იყავით. დღე შესანიშნავია დასვენებისთვის, მედიტაციისთვის და მსუბუქი ფიზიკური აქტივობისთვის.

რჩევა: იზრუნეთ საკუთარ თავზე და ორგანიზმის სიგნალები არ უგულებელყოთ.

მერწყული

მერწყულებს დღეს საინტერესო შეხვედრები და კომუნიკაცია ელით. გაქვთ შანსი, ძველი კონტაქტები განაახლოთ. დღე ხელსაყრელია გუნდურ ღონისძიებებში მონაწილეობის, ერთიანი პროექტების განხილვისა და ახალ ადამიანებთან კავშირების დამყარებისთვის.

რჩევა: იყავით გახსნილი ახალი კონტაქტების მიმართ – ისინი მომავალში ძალიან გამოგადგებათ.

თევზები

დღე ემოციურად დატვირთული იქნება, მაგრამ თუ ინტუიციას მოუსმენთ, სწორ გადაწყვეტილებებს მიიღებთ. მოსალოდნელია საინტერესო შემოთავაზებები სამუშაოსა და პირად ცხოვრებაში. დღე ხელსაყრელია შემოქმედებითი საქმიანობისთვის, თვითგამოხატვისთვის და შთაგონების ძიებისთვის. თუ დიდი ხანია, რაღაც ახალს გეგმავდით, ეს საუკეთესო დროა პირველი ნაბიჯის გადასადგმელად.

რჩევა: ენდეთ საკუთარ გრძნობებს და ინტუიციას — ისინი სწორი გზისკენ წაგიყვანენ.

ჩვენთვის, PepsiCo-ში, არაფერია იმაზე უფრო მნიშვნელოვანი და პრიორიტეტული, ვიდრე ჩვენი მომხმარებლებისთვის უსაფრთხო და ხარისხიანი პროდუქციის მიწოდება. სწორედ ამიტომ, განცხადების გარეშე ვერ დავტოვებთ დღეს სურსათის ეროვნული სააგენტოდან მიღებულ ბრძანებას, რომლის მიხედვითაც გაყიდვიდან ვიღებთ ჩვენი პარტნიორების მიერ აზერბაიჯანში წარმოებული რძის მცირე პარტიას (UHT რძე), – ამის შესახებ აღნიშნულია განცხადებაშ, რომელსაც „სოფლის ნობათი“ სოციალურ ქსელში ავრცელებს.

„გვინდა, აღვნიშნოთ, რომ მოცემული პროდუქტი მომხმარებლისთვის საფრთხეს არ წარმოადგეს, თუმცა, სააგენტოს დადგენილებით, არსებობს ვარაუდი, რომ იგი, შესაძლოა, ზოგიერთ ადგილობრივ მოთხოვნას არ აკმაყოფილებდეს.

მოთხოვნების ტექნიკურ დეტალებში შეუთანხმებლობისა და გაურკვევლობის აღმოსაფხვრელად, ჩვენ აქტიურ დიალოგს ვაწარმოებთ შესაბამის ორგანოებთან, რათა ყველაფერი უფრო ცხადი და გასაგები გახდეს. მაქსიმალური უსაფრთხოებისთვის, რძის აღნიშნული პარტია უახლოეს საათებში სრულად იქნება ამოღებული გაყიდვიდან. ამასთან, ჩვენ ვწყვეტთ თანამშრომლობას ზემოხსენებულ აზერბაიჯანელ პარტნიორთანაც მანამ, სანამ ყველა ტექნიკური დეტალი არ დაზუსტდება.

გთხოვთ, გაითვალისწინოთ, რომ ეს რეგულაცია ვრცელდება მხოლოდ აზერბაიჯანში წარმოებული ულტრაპასტერიზებული რძის მცირე რაოდენობაზე და არანაირად არ მოქმედებს სოფლის ნობათის ქართულ საწარმოში დამზადებულ პროდუქტებზე. ჩვენი პროდუქცია აკმაყოფილებს ხარისხისა და სურსათის უვნებლობის ყველა მოთხოვნას და სრულადაა მორგებული მკაცრ საერთაშორისო სტანდარტებს.

ბოდიშს გიხდით შექმნილი გაუგებრობისთვის და გპირდებით, რომ ყველაფერს ეფექტურად და საფუძვლიანად გამოვიძიებთ“,- აღნიშნულია „სოფლის ნობათის“ განცხადებაში.

სურსათის ეროვნულმა სააგენტომ დღეს გაავრცელა ინფორმაცია, რომ „სოფლის ნობათის“ რძის ნიმუშებში გამოვლინდა აფლატოქსინი და მოუწოდა მომხმარებლებს, არ გამოიყენონ აღნიშნული რძე. სურსათის ეროვნული სააგენტოს ცნობით, „სოფლის ნობათის“ იმპორტირებული რძის ხუთი ნიმუშის ბაზრიდან ამოღება და დალუქვა მიმდინარეობს.

https://www.facebook.com/Soplisnobati1/posts/pfbid02wjHxsnA8GGhdXD5Jky3GgWAXgeBvPUUokFa1Z4ZSUp6NrwMDeP8LSKk6LyaU5QCsl

მსგავსი შემთხვევები ხდება ყველა ქვეყანაში, მთავარია სწორი და დროული რეაგირება. ვიმედოვნებ, სურსათის უვნებლობის სამსახური კეთილსინდისიერად გააგრძელებს თავის საქმიანობას და მომავალშიც აღმოფხვრის მსგავს პრობლემებს, – წერს პედიატრი თემურ მიქელაძე სოციალურ ქსელში „სოფლის ნობათის“ რძეში აღმოჩენილ აფლატოქსინის მაღალ მაჩვენებელთან დაკავშირებით.

„მინდა გამოვეხმაურო გავრცელებულ ინფორმაციას „სოფლის ნობათის“ რძეში აღმოჩენილ აფლატოქსინის მაღალ მაჩვენებელთან დაკავშირებით.

• აფლატოქსინი, ერთ-ერთი სოკოვანი ტოქსინია, რომელიც გვხვდება სხვადასხვა ტიპის საკვებში, მათ შორის რძეშიც. ის ასოცირებულია მწვავე და ქრონიკულ ინტოქსიკაციასთან.

• ქრონიკული ექსპოზიცია ასოცირებულია ღვიძლის დაზიანებასთან, ღვიძლისა და სხვა ორგანოების სიმსივნესთან და რამდენიმე კვლევის მიხედვით სიმაღლეში ზრდის შეფერხებასთან.

• არ არსებობს ერთმნიშვნელოვანი რეკომენდაცია სისხლში აფლატოქსინის განსაზღვრასთან დაკავშირებით.

• ნებისმიერ ქვეყანაში არსებობს სურსათის უვნებლობის სამსახური, რომელიც აკონტროლებს რძეში და არამარტო, აფლატოქსინის შემცველობას. აფლატოქსინის შემცველობის დასაშვებ ნორმაზე მეტი კონცენტრაციის აღმოჩენისთანავე, ისინი ვალდებულნი არიან აცნობონ შესაბამის სტრუქტურებს და ამოიღონ პროდუქცია ბაზრიდან.

• JESCA-ს მიერ დადგენილი უსაფრთხო შემცველობაა 0.5 to 15 µg/კგ-ზე. სოკოვანი ტოქსინების შემცველობა რძეში და სხვა პროდუქტებში მაქსიმალურად მინიმუმამდე უნდა იყოს დაყვანილი. ყველა სახელმწიფო ვალდებულია აკონტროლოს პროდუქცია და დასაშვებ ნორმაზე მეტის აღმოჩენის შემთხვევაში ამოიღოს პროდუქცია გაყიდვებიდან.

• მსგავსი შემთხვევები ხდება ყველა ქვეყანაში, მთავარია სწორი და დროული რეაგირება. ვიმედოვნებ, სურსათის უვნებლობის სამსახური კეთილსინდისიერად გააგრძელებს თავის საქმიანობას და მომავალშიც აღმოფხვრის მსგავს პრობლემებს.

P.S რძის და რძის პროდუქტების მწარმოებელი კომპანიები,რომლებიც რეკომენდაციას გასცემენ ბავშვთა კვებაში საკუთარი პროდუქციის გამოყენებაზე, მუდმივად უნდა კონტროლდებოდეს სახელმწიფოში არსებული მკაცრი მარეგულირებლების მიერ.

დედის რძე – ოქროს სტანდარტი ბავშვთა კვებაში.

გისურვებთ ჯანმრთელობას, ფიზიკურ, სულიერ და სოციალურ კეთილდღეობას!“, – წერს თემურ მიქელაძე.

https://www.facebook.com/temur.mikeladze.31/posts/3125956040885600?ref=embed_post

სურსათის ეროვნული სააგენტო შპს „ვიმ-ბილ-დან საქართველოში“ (ს/კ 204546553 („სოფლის ნობათი“) ინსპექტირების შედეგების შესახებ დამატებით ინფორმაციას ავრცელებს.

როგორც სურსათის ეროვნული სააგენტოში აცხადებენ, იმპორტირებული რძის ხუთ ნიმუშში, რომლიდანაც ერთი არის ბავშვთა კვებისთვის განკუთვნილი, აფლატოქსინ M1-ის გადაჭარბებული ოდენობა დაფიქსირდა. მიმდინარეობს აღნიშნული პროდუქციის ბაზრიდან ამოღება და დალუქვა.

„სურსათის ეროვნული სააგენტო აფლატოქსინებზე ნედლი რძის კვლევას სახელმწიფო კონტროლის ფარგლებში 2022 წლიდან ახორციელებს, რაც განსაზღვრულია საქართველოს კანონმდებლობით და ჰარმონიზებულია ევროკავშირის კანონმდებლობასთან. სურსათის ეროვნული სააგენტო, ქვეყნის მოსახლეობის უვნებელი სურსათით უზრუნველყოფის მიზნით, ყოველდღიურად ასობით ობიექტზე კონტროლის ღონისძიებას ახორციელებს. შემოწმება ხორციელდება როგორც წინასწარ გაწერილი გეგმის ფარგლებში, ისე ყველა იმ შეტყობინებაზე საპასუხოდ, რომელიც მოსახლეობის მხრიდან ფიქსირდება. სურსათის ეროვნული სააგენტო მყისიერად ახდენს მოსახლეობის ინფორმირებას აღმოჩენილ დარღვევებთან დაკავშირებით, რადგან სააგენტოსთვის პრიორიტეტი მოქალაქეების ჯანმრთელობის დაცვაა“, – აცხადებენ სურსათის ეროვნული სააგენტოში.

სურსათის ეროვნულმა სააგენტომ დღეს გაავრცელა ინფორმაცია, რომ „სოფლის ნობათის“ რძის ნიმუშებში გამოვლინდა აფლატოქსინი და მოუწოდა მომხმარებლებს, არ გამოიყენონ აღნიშნული რძე.