ჩმორებო, თქვენი არავის არ ეშინია. მხნედ ვარ, ბრძოლის განწყობაზე ვარ, ჩემი მეგობრებიც აქ არიან და ვაპირებთ შევიდეთ უკომპრომისო ბრძოლაში, არ მიხვიდეთ რუსულ საარჩევნო უბნებზე, გელოდებით 4 საათზე რუსთაველზე, რომ ამ მუხანათურ ჩმორობას გავცეთ პასუხი, – ამის შესახებ „ნაციონალური მოძრაობის” ახალგაზრდული ორგანიზაციის თავმჯდომარემ, იგორ ნარმანიამ განაცხადა, რომელიც პარტიის ინფორმაციით, სასტიკად არის ნაცემი.

„ნაციონალური მოძრაობის“ ცნობით, მეტეხის წინ სტუდენტებზე თავდასხმა იმ დროს მოხდა, როდესაც ახალგაზრდები 4 ოქტომბრის აქციასთან დაკავშირებით განცხადების გასაკეთებლად ემზადებოდნენ.

„აგრესიულად იყვნენ განწყობილი, ჩვენ არანაირი აგრესია არ გვქონია ჩვენი თანატოლების მიმართ, მაგრამ ესენი არიან ჩმორები, „ქართული ოცნების” სახე. ამით კი არა, ვერაფრით ვერაფერს ვერ დამაკლებენ, ამ ბრძოლაში ვის შეაშინებენ? ეგენი ვერავის დააშინებენ. გვერდიდან მომეპარა, ათასობით კამერაა აქ და პოლიცია დაინახავს როგორ გვერდიდან მომეპარა ეს ჩმორი, რა უნდა ვუწოდო ისიც არ ვიცი. ერთი-ერთზე მოვიდეს და ვნახოთ რა მოხდება, მაგრამ გვერდიდან რომ მოდიხარ, ამ ნივთით, ხელით მოდი, პირისპირ მოდი, შენი არავის არ ეშინია ჩმორო, ქათამო, რადგან თქვენ ხვალ მოგიწევთ მშვიდობიანად წასვლა ხელისუფლებიდან, რადგან თქვენი არასდროს არავის არ ეშინოდა, ეს არის ბრძოლა, რომელიც ამ ქვეყანაში დაიწყო 30 წლის წინ და ამ ბრძოლას დავასრულებთ და ექნება ლოგიკური დასასრული, ეს არ იქნება მოჯადოებული წრე. ყოველთვის, როდესაც ამ ბრძოლაში შემოვდიოდი, ეს გააზრებული მქონდა. გააზრებული მქონდა ისიც, რომ ზოგჯერ ციხეში შეიძლება, მოგვიწიოს ჯდომა, ზოგჯერ ვიღაცა აი, ასე მუხანათურად მოვიდეს და ჩაგარტყას, რადგან ეს არის რუსული სახის გამოვლინება, სად შეუძლია ქოცს, სად აქვს მაგის გამბედაობა, რომ ერთი-ერთზე მოვიდეს მუშტით კაცთან, ეს არ აქვს, ეს შნო რომ არ აქვს ქოცს, ამიტომ არიან მართალი ქართველები ჩვენს მხარეს, ამიტომ გავცემთ მაგ ძალადობას და უსამართლობას პასუხს, თორემ ამათი არავის არ ეშინია, ერთი ადამიანი მაჩვენეთ, ვინც „ქართულ ოცნებას” შეუშინებია. ძალიან მშვიდობიანად ვაგრძელებთ ბრძოლას, ერთადერთი ადამიანი ვის გამოც ახლა ვნერვიულობ დედაჩემი და მამაჩემია, დანარჩენი არ მადარდებს არაფერი, ეს ქვეყანა უნდა დავიხსნათ. ჩემი თანატოლები ახლა, რომლებიც არიან პოლიტპატიმრები მინდა გითხრათ, რომ ეს ბრძოლა გეძღვნებათ თქვენ, ჩემი მეგობრები ახლა პოლიტპატიმრები არ უნდა იყვნენ, გარეთ უნდა იყვნენ და არა ის, რომ „ოცნებამ” ჩვენი თანატოლები აქციოს ასეთ ჩმორებად და ტიტუშკებად, რომლებიც აქ მოაგზავნეს.

მხნედ ვარ, ბრძოლის განწყობაზე ვარ, ჩემი მეგობრებიც აქ არიან და ვაპირებთ შევიდეთ უკომპრომისო ბრძოლაში, არ მიხვიდეთ არანაირ სპეცოპერაციაზე და რუსულ საარჩევნო უბნებზე, გელოდებით 4 საათზე რუსთაველზე, რომ ამ მუხანათურ ჩმორობას გავცეთ პასუხი“, – განაცხადა იგორ ნარმანიამ.

შინაგან საქმეთა სამინისტროს ინფორმაციით, მეტეხის ხიდის მიმდებარე ტერიტორიაზე ინციდენტში მონაწილე ერთი პირი უკვე იდენტიფიცირებულია და გადაყვანილია გამოკითხვაზე პოლიციაში.

ცენტრალურ საარჩევნო კომისიაში (ცესკო) 2025 წლის 4 ოქტომბრის არჩევნებისთვის რეგისტრირებულ საერთაშორისო დამკვირვებელი ორგანიზაციების წარმომადგენლებთან შეხვედრა გაიმართა. 

სადამკვირვებლო მისიის წარმომადგენლებს მიმდინარე საარჩევნო პროცესების შესახებ ინფორმაცია ცესკოს თავმჯდომარე გიორგი კალანდარიშვილმა და ცესკოს თავმჯდომარის მოადგილე გიორგი შარაბიძემ მიაწოდეს. 

შეხვედრის მიმდინარეობისას გიორგი კალანდარიშვილმა და გიორგი შარაბიძემ სადამკვირვებლო მისიის წარმომადგენლებს დეტალური ინფორმაცია გააცნეს 4 ოქტომბრის არჩევნებისთვის მზადების შესახებ და აღნიშნეს, რომ საარჩევნო ადმინისტრაცია სრულად არის მზად არჩევნების მაღალ დონეზე, საერთაშორისო სტანდარტების შესაბამისად ადმინისტრირებისთვის. 

შეხვედრის მიმდინარეობისას ასევე განხილული იქნა ისეთი საკითხები, როგორებიცაა საკანონმდებლო სიახლეები, კენჭისყრის დღეს განსახორციელებელი პროცედურები, არჩევნებში ელექტრონული ტექნოლოგიების დანერგვის პროცესი და ამ მიმართულებით ამომრჩეველთა ფართომასშტაბიანი ინფორმირების კამპანია. 

შეხვედრის მონაწილეებმა ასევე მიიღეს ინფორმაცია 4 ოქტომბრის არჩევნებისთვის რეგისტრირებული საარჩევნო სუბიექტების, ასევე ადგილობრივი და საერთაშორისო სადამკვირვებლო ორგანიზაციების შესახებ. 

საარჩევნო ადმინისტრაციის წარმომადგენლებმა მათთან საუბრისას, კიდევ ერთხელ აღნიშნეს, რომ საარჩევნო ადმინისტრაცია მოქმედებს გამჭვირვალობის პრინციპით და მიესალმება მიუკერძოებელი, ობიექტური სადამკვირვებლო მისიების ჩართულობასა და დაკვირვებას.  

შეხვედრას საერთაშორისო დამკვირვებელი ორგანიზაციების – Association „ALTERFACT“, „ფუნდამენტური უფლებების ცენტრის“ და საქართველოში უნგრეთის საელჩოს წარმომადგენლები ესწრებოდნენ.

დღეს, ცენტრალური საარჩევნო კომისიის (ცესკო) ხელმძღვანელი პირები საერთაშორისო დამკვირვებლის სტატუსით მყოფ სხვადასხვა ქვეყნის საარჩევნო ადმინისტრაციების წარმომადგენლებს შეხვდნენ.

20 ქვეყნის საარჩევნო ადმინისტრაციის 38 წარმომადგენელს ცესკოს თავმჯდომარე გიორგი კალანდარიშვილმა პირადად მიაწოდა ინფორმაცია 4 ოქტომბრის არჩევნებისთვის მზადების პროცესზე და იმ მნიშვნელოვან სიახლეებზე, რომლებიც ადმინისტრაციამ აღნიშნული არჩევნებისთვის განახორციელა. მან ასევე დეტალურად ისაუბრა აღნიშნულ არჩევნებში საარჩევნო ელექტრონული ტექნოლოგიების გამოყენების შესახებ. როგორც გიორგი კალანდარიშვილმა შეხვედრის მიმდინარეობისას აღნიშნა, სხვადასხვა ქვეყნის საარჩევნო ადმინისტრაციების წარმომადგენლების ჩართულობა, მათი მიგნებებისა და რეკომენდაციების გაზიარება საარჩევნო გარემოს გაუმჯობესებას ხელს უწყობს.

„მოხარულები ვართ, რომ ვმასპინძლობთ 20-ზე მეტი ქვეყნის საარჩევნო ადმინისტრაციების წარმომადგენლებს, რომლებიც საქართველოში 4 ოქტომბრის არჩევნებზე დაკვირვების მიზნით იმყოფებიან. დღეს დელეგატები სტუმრობდნენ ცესკოს,  რომლის ფარგლებშიც მათ პირადად მივაწოდე ამომწურავი ინფორმაცია არჩევნების სამზადისთან დაკავშირებით და იმ მნიშვნელოვანი სამუშაოების შესახებ, რომლებიც უზრუნველყოფს 4 ოქტომბრის არჩევნების მაღალპროფესიულ დონეზე ადმინისტრირებას. რა თქმა უნდა, შეხვედრა მაღალი ინტერაქციით წარიმართა და უცხოელ კოლეგებს მიეწოდათ ინფორმაცია მათთვის საინტერესო ყველა საარჩევნო საკითხთან დაკავშირებით. ვიზიტის ფარგლებში დელეგატები ერთი მხრივ დააკვირდებიან კენჭისყრის მიმდინარეობას, მეორე მხრივ კი გაიზიარებენ საქართველოს გამოცდილებას, მათ შორის ტექნოლოგიების გამოყენებასთან დაკავშირებით“,- განაცხადა გიორგი კალანდარიშვილმა.

სადამკვირვებლო მისიების წარმომადგენლებს ცესკოს თავმჯდომარემ ასევე დეტალური ინფორმაცია მიაწოდა საარჩევნო პროცესში დეზინფორმაციის გავლენისა და 4 ოქტომბრის არჩევნებისთვის გამოსაყენებელი ტექნოლოგიური საშუალებების შესაბამისობის აუდიტის დასკვნაზე, რომლის პირველი და მეორე ფაზის შედგები ცენტრალურ საარჩევნო კომისიას დღეს გადმოეცა. უცხოელი კოლეგების კითხვებს ასევე უპასუხეს ცესკოს თავმჯდომარის მოადგილე გიორგი შარაბიძემ და ცესკოს მდივანმა გიორგი ჯავახიშვილმა.

ელექტრონული არჩევნების ადმინისტრირების კუთხით არსებული გამოცდილების გაზიარების მნიშვნელობაზე ისაუბრეს უცხოელმა კოლეგებმაც.

„ბოსნია-ჰერცეგოვინას საარჩევნო ადმინისტრაციის სახელით, მინდა მადლობა გადავუხადო საქართველოს ამ არჩევნებზე დასაკვირვებლად მოწვევისთვის, ვიცი, რაოდენ მნიშვნელოვანია საქართველოს ცესკოსთვის ეს არჩევნები, ვინაიდან ადმინისტრაცია იყენებს საარჩევნო ტექნოლოგიებს. ჩვენი ქვეყანაც გეგმავს საზოგადოებას გააცნოს საარჩევნო ტექნოლოგიები საერთო არჩევნებზე მომავალ წელს, ამიტომ არსებითად მნიშვნელოვანია რეალურ დროში ვნახოთ, როგორ მუშაობს ეს აპარატურა. დღევანდელი შეხვედრა იყო ძალიან ნაყოფიერი, ვინაიდან მივიღეთ დეტალური ინფორმაცია არჩევნების თაობაზე, იმისათვის, რომ როგორც საერთაშორისო სადამკვირვებლო მისია, ხვალ შესაბამისად დავაკვირდეთ საარჩევნო პროცესს“,- განაცხადა ბოსნია და ჰერცეგოვინას ცენტრალური საარჩევნო კომისიის წევრმა ვანია ბიელიკა პრუტინამ.

თავის მხრივ, ელექტრონული ტექნოლოგიების დანერგვის უპირატესობებზე და კარგი პრაქტიკის გაზიარების მნიშვნელობაზე ისაუბრა სლოვაკეთის შინაგან საქმეთა სამინისტროს, არჩევნების, რეფერენდუმის და პოლიტიკური პარტიების საარჩევნო დეპარტამენტის საარჩევნო ოფიცერმა ალექსანდრე ტრსტენსკომ. „ვიმედოვნებთ, რომ გავიზიარებთ კარგ პრაქტიკას ხვალ დაგეგმილი არჩევნებიდან. დღევანდელი შეხვედრიდან მივიღეთ ძალიან საინტერესო ინფორმაცია საქართველოში არსებულ საარჩევნო სისტემაზე და ხმის მიცემის პროცესზე. მართალია, საქართველოს განსხვავებული გამოცდილება აქვს, თუმცა არის ბევრი მსგავსება სხვა ქვეყნების საარჩევნო პრაქტიკასთან. მაქვს მოლოდინი, რომ ხვალ დაკვირვებისას, როგორც საერთაშორისო სადამკვირვებლო მისიის წარმომადგენელი, მივიღებ განსხვავებულ და საჭირო ინფორმაციას და გამოცდილებას, რომელსაც ჩემს კოლეგებს გავუზიარებ“.

სხვადასხვა ქვეყნის საარჩევნო ადმინისტრაციების წარმომადგენლები 4 ოქტომბრის არჩევნებს რამდენიმე საარჩევნო უბანზე დააკვირდებიან.

საქართველოს ცენტრალურ საარჩევნო კომისიასა (ცესკო) და სამხრეთ აფრიკის საარჩევნო კომისიას შორის ცესკოში დღეს ურთიერთგაგების მემორანდუმი გაფორმდა. დოკუმენტის მიზანია ორი ქვეყნის საარჩევნო ადმინისტრაციებს შორის ორმხრივი თანამშრომლობის გაძლიერება და გამოცდილების გაზიარება საარჩევნო პროცესების მართვის სფეროში.

ურთიერთგაგების მემორანდუმი, რომელსაც ხელი მოაწერა საქართველოს ცენტრალური საარჩევნო კომისიის თავმჯდომარემ და სამხრეთ აფრიკის საარჩევნო კომისიის თავმჯდომარის მოადგილემ მიზნად ისახავს, მხარეებს შორის კონსტრუქციული ურთიერთობების კიდევ უფრო გაღრმავებასა და დემოკრატიული პროცესების ხელშეწყობას.

მემორანდუმი ითვალისწინებს გამოცდილების გაზიარებას, როგორც ინოვაციური ტექნოლოგიების გამოყენების კუთხით, ისე საარჩევნო პროცესების კიბერუსაფრთხოების მიმართულებით. ასევე არჩევნების ინკლუზიურობისა და ამომრჩეველთა ცნობიერების ამაღლების კუთხით.

მხარეები კონსულტაციებს გამართავენ თანამშრომლობის პრიორიტეტული მიმართულებების განსასაზღვრად და ერთობლივი საქმიანობის დაგეგმვის მიზნით.

აღნიშნული დოკუმენტის ხელმოწერა ხაზს უსვამს საქართველოსა და სამხრეთ აფრიკის საერთო მიზანს, ხელი შეუწყონ გამჭვირვალე, ინკლუზიურ და თანამედროვე სტანდარტებზე დაფუძნებულ საარჩევნო გარემოს განვითარებას.

ურთიერთგაგების მემორანდუმზე ხელმოწერამდე, გიორგი კალანდარიშვილმა, ჯანეტ ლავს დეტალურად გაუზიარა ინფორმაცია 4 ოქტომბრის არჩევნების სამზადისთან დაკავშირებით და აღნიშნა, რომ ადმინისტრაცია სრულად არის მზად უზრუნველყოს ადგილობრივი თვითმმართველობის არჩევნების მაღალ დონეზე ადმინისტრირება.

ხვალ, 4 ოქტომბერს, მუნიციპალიტეტის ორგანოთა მორიგი არჩევნები გაიმართება. სამწუხაროდ, გასულ არჩევნებზე დაფიქსირდა ზოგიერთი ჩართული მხარის მიერ საარჩევნო პროცედურებზე დაკვირვების, ფოტო-ვიდეო გადაღებისა და ამომრჩეველთა პერსონალური მონაცემების დამუშავების კანონის დარღვევით განხორციელების არაერთი ფაქტი, რამაც ხელი შეუწყო, მათ შორის, ხმის ფარულობის საკითხის სპეკულაციურად წამოჭრას. შესაბამისად, საზოგადოებას და ჩართულ მხარეებს კიდევ ერთხელ შევახსენებთ, პერსონალურ მონაცემთა დაცვის მნიშვნელობის შესახებ.

საარჩევნო, ისევე როგორც პერსონალურ მონაცემთა დაცვის შესახებ კანონმდებლობა, კრძალავს ისეთი ინფორმაციის ან მონაცემების ფოტო-ვიდეო გადაღებას ან სხვაგვარ დამუშავებას, რომელიც არ განეკუთვნება საჯარო ინფორმაციას. დაუშვებელია ამომრჩევლის აღრიცხვა, ამომრჩევლის პირადობის დამადასტურებელი დოკუმენტის, ამომრჩეველთა ვერიფიკაციის აპარატზე გამოტანილი ამომრჩევლის მონაცემების, ამომრჩეველთა ვერიფიკაციის აპარატიდან ამობეჭდილი ამომრჩევლის ვერიფიკაციის დამადასტურებელი ქვითრისა და ამომრჩევლის მიერ საარჩევნო ბიულეტენზე გაკეთებული არჩევანის ფოტო-ვიდეო გადაღება ან სხვაგვარი დამუშავება.

ამასთან, კენჭისყრის შენობაში ყოფნის უფლების მქონე პირებს, საარჩევნო პროცესისათვის ხელის შეშლის გარეშე, დადგენილი წესით, შეუძლიათ აწარმოონ ფოტო-ვიდეო გადაღება და არა აუდიომონიტორინგი.

საზოგადოებას შევახსენებთ, რომ სწორედ ზემოაღნიშნული ფაქტების შესწავლის შემდეგ, ადმინისტრაციამ, როგორც საარჩევნო პროცესზე პასუხისმგებელმა ინსტიტუციამ, მიიღო სამართლებრივი აქტები მომავალში მსგავსი ტიპის სპეკულაციების და ქმედებების პრევენციის მიზნით და განხორციელდა ხმის მთვლელი აპარატის ბიულეტენისთვის განკუთვნილი ჭრილისთვის საფარის დამატება, რომელიც სხვა, ადრე არსებულ მექანიზმებთან ერთად აღარ ტოვებს ფარულობის საკითხთან დაკავშირებით სპეკულაციის სივრცეს. სხვა შემთხვევებში ფარულობის პრინციპზე საუბარი იქნება მიზანმიმართული კამპანიის ნაწილი, რომელიც დააზიანებს საარჩევნო პროცესს.

შესაბამისად, მოვუწოდებთ ჩართულ მხარეებს დაიცვან კანონმდებლობა და ხელი შეუწყონ საარჩევნო პროცესის მშვიდ და თავისუფალ გარემოში წარმართვას”,- განაცხადა ნათია იოსელიანმა.