დღეს, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, საქართველოში ჩინეთის სახალხო რესპუბლიკის სამხედრო ატაშეს, ბატონ ტუ ციაოს და მის მოადგილეს, ბატონ ჭი ჭენგმინის უმასპინძლა.

კობა კობალაძემ, სტუმრებს, სამსახურის შესახებ პრეზენტაცია წარუდგინა და დეტალურად გააცნო სამსახურის სტრატეგიული გეგმები, ამოცანები, ის სოციალური და ჯანდაცვის პროექტები, რომლებსაც სამსახური სახელმწიფოსთან , სხვადასხვა ორგანიზაციებთან და სტრატეგიულ პარტნიორებთან ერთად, ვეტერანთა სოციალური და ეკონომიკური მდგომარეობის გასაუმჯობესებლად და საზოგადოებაში მათი ინტეგრაციისთვის ახორციელებს.

სტუმრებმა მადლობა გადაუხადეს სამსახურის ხელმძღვანელობას მასპინძლობისთვის და იმედი გამოთქვეს, რომ მხარეებს შორის თანამშრომლობა კიდევ უფრო გაღრმავდება.

“როდესაც ჩინეთი ამყარებს თანამშრომლობას რომელიმე ქვეყანასთან, პირველ რიგში, ხაზს უსვამს იმას, რომ ეს ურთიერთობა დამყარებული იყოს ურთიერთპატივისცემაზე. სტრატეგიული ურთიერთობა, რომელიც ჩვენ ქვეყნებს შორის დამყარდა, მომგებიანია, როგორც საქართველოსთვის, ასევე, ჩინეთისთვის. ჩინეთსაც ბევრი რამ აქვს სასწავლი საქართველოსგან და, რა თქმა უნდა, ჩინეთი აღიარებს და მხარს უჭერს საქართველოს ტერიტორიულ მთლიანობას,” – აღნიშნა ტუ ციაომ.

შეხვედრაზე, ერთობლივი ღონისძიებების განხორციელების პერსპექტივებიც განიხილეს.

შეხვედრას, ასევე, ესწრებოდნენ, ვეტერანების საქმეთა სახელმწიფო სამსახურის დირექტორის მოადგილე, ჯანდრი უბირია, ადმინისტრაციული დეპარტამენტის უფროსი, ნათია ჯანაშვილი და პროტოკოლის განყოფილების უფროსი, მარიამ ადამაშვილი.

მე მხოლოდ 48 საათი გავატარე „მოდულში“. დაკითხვისას ჰქონდათ უცნაური კითხვები, რატომ ვეპრანჭებოდი კამერის წინ ჩემსავე ქმარს. იყო კეკლუცობისა და ქალური სიტუაციების გარკვევა. ცოტა ვერ მივხვდი, ორი უცხო ადამიანი, მამაკაცები რატომ უნდა იყვნენ ამით დაინტერესებული, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე ფოტორეპორტიორმა ნათია გედენიძემ განაცხადა, რომელიც ე.წ. ფოტოგრაფების საქმეზე იყო დაკავებული.

გედენიძის თქმით, დაკითხვის დროს მას აჩვენეს მისივე ფოტო, რომელიც მეუღლე ირაკლი გედენიძემ სახლში გადაუღო და უთხრეს, რომ იმ შემთხვევაში, თუ კონკრეტულ ტექსტს კამერასთან არ ჩაწერდა, ფოტოს როგორც შვილები, ასევე სხვებიც ნახავდნენ.

„ბნელი ოთახი იყო და მაგიდაზე ამობრუნებული ფაილები ელაგათ. შენ კარგად უნდა დაფიქრდე, რომ მარტო ცოლი კი არა, დედაც ხარ და ორი შვილი გარეთ გელოდება, რომ არც იციან, სად ხარო. საუბარი მიდიოდა იმაზე, როგორ მენატრებოდა შვილები და როგორი დედა და მეუღლე ვიყავი. შენ ბიჭიც და გოგოც გყავსო, ახლა ჩვენ რაც გვაქვს დაბეჭდილი, ამას რომ ნახავ, შენი შვილებიც ნახავენო, არამარტო შვილებიო, არც მათ მოუნდებათ, რომ შენ მათი დედა გერქვასო და შენც ვერ გაეკარები მათ სირცხვილითო. ამისთვის, იცი, რა უნდა გააკეთოო? რვეულის ფურცელზე იყო ხელით ნაწერი და აქ რაც წერია, უნდა დაიზეპიროო და აუცილებლად უნდა ისაუბრო კამერასთან ამაზეო. ამის შემდეგ ჩვენ შევთანხმდებით ამის გზა-კვალზეო. არც ის ვიცი, რა წერია, არც ის ვიცი, აქ რა არის. უკვე მამზადებენ რაღაცისთვის. გასაგებია-მეთქი. ველოდები მეორე ეტაპს და აბრუნებენ პრინტერზე ამობეჭდილ ფაილს. ამ ფაილზე ვხედავ ჩემს საკუთარ ფოტოს, ჩემი მეუღლის გადაღებულს ჩვენსავე სტუდიაში. განათებას რომ ასწორებდა, სატესტოდ იღებდა ხოლმე. მე იქვე ვიყავი, როგორც ობიექტი, სახლის ლუქით. ეს ფოტო რატომ უნდა ყოფილიყო კომპიუტერში, სადაც მცირეწლოვანი ბავშვები იზრდებიანო. დავხედე და ფოტოზე ისეთი არაფერი არ არის, რაც კითხვებს ბადებს, მაგრამ არის საოჯახო, საკუთარი, პირადული. მე უკვე წარმოვიდგინე, რომ ვიდრე ამას ამობეჭდავდნენ, ამას რამდენი ადამიანი და რამდენი მამაკაცი განიხილავდა. შემდეგ ყურებში მქონდა დახშული ხმები და მერე დავკარგე გონება. დამჭირდა ექიმის ჩარევა, რომელიც მერე, ჩვენი შემდგომი გამოძიების პირობებში აღმოჩნდა ის ექიმი, ვინც გამიწია პირველადი დახმარება და რაღაც პერიოდი მე აღარ ვიყავი ვარგისი შემდგომი საუბრებისთვის. თუმცა ამ საკითხს დაუბრუნდნენ ძალიან მალე იგივე ადამიანები. გვერდში ეჯდათ ვიღაც ადვოკატი, რომელიც ხელს აწერდა, სავარაუდოდ, დოკუმენტებს ადვოკატის სტატუსით.

რაღაც პერიოდის მერე დაადგინეს, რომ ჩემი სტატუსი უკვე საკმარისი იყო, რათა გაეგრძელებინათ ჩემთან საუბარი, მე კვლავ გამიყვანეს იმ ბნელ ოთახში. მომაწოდეს ის დაწერილი ტექსტი, ხელნაწერი, უჯრებიან ფურცელზე. ტექსტში ეწერა, რომ მე თურმე ბოლო პერიოდი ვხედავ, რომ ჩემი მეუღლე ძალიან აფორიაქებულია, სახლში ადგილს ვერ პოულობს და მეუბნება, შარში ვარო. ვეუბნები, რომ ბოლო პერიოდში მე და ჩემი მეუღლე პრაქტიკულად არც კი გადავკვეთილვართ-მეთქი სახლში, ისე დაემთხვა, რომ ერთად არ ვყოფილვართ, მივლინება მივლინებაზე ჰქონდა მიბმული და ასეთი ფაქტი არ მომხადარა-მეთქი. ეგ ვინ იცისო და აუცილებლად უნდა მეთქვა: „შარში ვარო“. ასეთი ფაქტი არ მომხდარა და ამ მონაკვეთზე მოკლედ უარი ვუთხარი და კიდევ გარკვეულ მონაკვეთებზეც, რაც კატეგორიულად ცდებოდა ყველანაირ რეალობას. მაგალითად, ის, რომ ირაკლი იყო აღელვებული, რომ ვეღარ ვცნობდი ბოლო პერიოდი, ის, რომ შარში იყო და ის, რომ რაღაც თანხებს ველოდები. ასეთი ნიუანსები იყო, ვითომ არაფერი, მაგრამ ყველაფერი ხომ ერთ მთლიანობას კრავდა, რომელსაც არ ვეთანხმებოდი. როგორც მივხვდი, ეს იყო მეორე დღე, მეუბნებიან, რომ უნდა დავიზეპირო ტექსტი, შენი ფორმა მიეცი ყველაფერსო, თუ არადა ეს ფოტო მოხვდება ყველგან და შენი სახლისკენ მიმავალ გზას თავად დაივიწყებო, ვეღარ იქნები სრულყოფილი დედა და შენი შვილებისთვის იქნები სასირცხვილოო. კარგად უნდა დაიზეპიროო, უნდა ჩაწერო კამერასთანო და მაჩვენებენ კიდევ ფურცელს, სადაც მხოლოდ ვხედავ სიტყვა „გათავისუფლებას“. გამოკვეთილად იყო დაწერილი. ამას მერე მოაწერ ხელს და ჩაგახუტებთ შვილებსო“, – განაცხადა ნათია გედენიძემ.

დედაქალაქში მცხოვრები უსახლკაროს სტატუსის მქონე ყველა ოჯახისთვის ბინები უკვე მოძიებულია, რომლებიც მათ საკუთრებაში ეტაპობრივად გადაეცემათ, – ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა.

როგორც მან აღნიშნა, უსახლკაროდ რეგისტრირებული 400 ოჯახიდან 300-ზე მეტი ოჯახი საცხოვრებლით უკვე დაკმაყოფილებულია.

„მინდა, შევეხო ერთ მნიშვნელოვან საკითხს – უსახლკარო ოჯახების თემას, რომლის მოგვარებაც ჩვენ რამდენიმე წლის წინ დავიწყეთ. სამწუხაროდ, დედაქალაქში ჯერ კიდევ არსებობენ ადამიანები, რომლებიც ამ პრობლემის წინაშე დგანან. ქალაქში რეგისტრირებული იყო 400-მდე უსახლკარო ოჯახი, რომელთაც არანაირი საცხოვრებელი არ გააჩნდათ. ჩვენ მათ დავპირდით, რომ ამ პრობლემის მოგვარებას დავიწყებდით. შესაბამისად, უკვე გადავდგით ქმედითი ნაბიჯები. 300-ზე მეტი ოჯახი უკვე დაკმაყოფილებულია საცხოვრებელი ფართით, დღევანდელ სხდომაზე კი, დამატებით შესაბამისი ფართები გამოვიტანეთ, რომლებიც შემდგომ სარგებლობის უფლებით გადაეცემათ იმ ოჯახებს, ვინც სახლების მიღებას ელოდება. აღნიშნული ბინების ნაწილი უკვე დასრულებულია, ექსპლუატაციაშია მიღებული“, – განაცხადა კახა კალაძემ.

მისი თქმით, საცხოვრებელი ფართები უსახლკაროს სტატუსის მქონე ოჯახებს ეტაპობრივად გადაეცემათ.

„აღნიშნული ბინების ნაწილი უკვე დასრულებული და ექსპლუატაციაშია მიღებული, ნაწილი კი მშენებლობის პროცესშია. საცხოვრებელი ფართები უსახლკაროს სტატუსის მქონე ოჯახებს ეტაპობრივად გადაეცემათ მას შემდეგ, რაც მათი საცხოვრებლად საჭირო კონდიციაში მოყვანა მოხდება. აქვე მინდა, ხაზგასმით აღვნიშნო, რომ ყველა იმ მუნიციპალურ პროგრამას აუცილებლად გავაგრძელებთ, რომელიც მოსახლეობის კეთილდღეობისა და ცხოვრების პირობების გაუმჯობესებისკენ არის მიმართული. შეძლებისდაგვარად, გვერდში დავუდგებით ყველას, ვისაც ამის საჭიროება აქვს და პრობლემების პირისპირ მარტო არ დავტოვებთ“, – აღნიშნა დედაქალაქის მერმა.

დედაქალაქის საზღვრების აღმნიშვნელი მანიშნებლების გასაახლებლად, კონკურსი უახლოეს დღეებში გამოცხადდება და ნებისმიერ მსურველს საკუთარი წინადადების წარდგენის საშუალება ექნება, – განაცხადა დედაქალაქის მერმა კახა კალაძემ მთავრობის დღევანდელ სხდომაზე.

მისი თქმით, არსებული ცხრა შემოსასვლელიდან დადგინდა ოთხი ლოკაცია, სადაც დედაქალაქის საზღვრების აღმნიშვნელი აბრები განახლდება. ესენია: მცხეთიდან, კახეთიდან, რუსთავსა და მარნეულიდან არსებული შემოსასვლელები.

„თბილისის მუნიციპალიტეტის არქიტექტურის სამსახურმა, დავალების შესაბამისად, დედაქალაქის საზღვრების აღმნიშვნელი მანიშნებლების განახლების მიზნით, კონკურსის გამოცხადებისთვის საჭირო პროცედურები უკვე ჩაატრაა. არსებული ცხრა შემოსასვლელიდან დადგინდა ოთხი ლოკაცია, სადაც ახალი მანიშნებლები განთავსდება: მცხეთიდან, კახეთიდან, რუსთავიდან და მარნეულიდან. შემუშავდა ქალაქის დასახელების აღმნიშვნელი მხატვრულ-არქიტექტურული კომპოზიციის ესკიზების საკონკურსო დოკუმენტაცია, რომლის მიხედვითაც, კონკურსანტებმა საკონკურსო მასალები უნდა წარმოადგინონ“, – განაცხადა კახა კალაძემ.

მისი თქმით, კონკურსი სახელმწიფო შესყიდვების ოფიციალური პორტალის ერთიანი ელექტრონული სისტემის მეშვეობით გამოცხადდება.